Author: webrwanda

Source : https://yegob.rw/umuhanzi-platini-yasezeranye-kubana-akaramata-numukobwa-yihebeye-amafoto/

• Share
• Tweet

Kuri uyu munsi tariki ya 06 Werurwe nibwo umuhanzi Rugamba Yves uzwi cyane ku mazina ya Yverry, yagize isabukuru y'amavuko. Inshuti ze nyinshi, abafana be, abavandimwe be n'abandi batandukanye bakunze uyu musore bamwifurije isabukuru nziza babinyujije ku mbuga nkoranyambaga bakoresha. Vanessa Uwase uzwi cyane ku izina rya Vanillah akaba ari n'umukunzi wa Yverry nawe yagaragaje urukundo rwinshi afitiye Yverry maze akoresha amagambo yuzuyemo imitoma myinshi amwifuriza isabukuru nziza. Ibi Vanillah yabikoze abinyujije ku rukuta rwe rwa instagram nyuma yo gushyira hanze amwe mu mafoto ye ari kumwe na Yverry.

Nyuma yuko Vanillah ashyize hanze aya mafoto yayaherekesheje amagambo akurikira:

Aya niyo magambo Vanillah yatangaje

Couple ya Yverry na Vanillah ni imwe muri couple z'ibyamamare zikunzwe n'abantu benshi hano mu Rwanda ndetse z'ikitegererezo kubera urukundo aba bombi badahwema kugaragarizanya.

Manuka hasi utubwire icyo ubuze mu inkuru kandi wifuzaga kukimenya✍ cga Igitekerezo cyawe kuri iyi nkuru umaze gusoma. Urakoze🙏

• Click to share on Reddit (Opens in new window)
• Click to share on WhatsApp (Opens in new window)
• Click to share on Twitter (Opens in new window)
• Click to share on Telegram (Opens in new window)
• Click to share on Facebook (Opens in new window)
• More

• Click to share on Tumblr (Opens in new window)
• Click to share on Skype (Opens in new window)

Like this:

Like Loading…

Source : https://yegob.rw/mu-magambo-yuzuyemo-imitoma-myinshi-umukunzi-wa-yverry-yamwifurije-isabukuru-nziza-yamavuko/

Abakobwa bose uko ari 37 baraye kuri La Palisse Nyamata aho biteguraga iri jonjora rya nyuma ryarangiye hamenyekanye abakobwa 20 bakomeje abandi 17 barataha.

Abakurikirana iri rushanwa babanje gutungurwa cyane no kumva ko Mutesi Jolly wegukanye ikamba rya Miss Rwanda mu 2016 wari amaze igihe ariwe uyoboye Akanama Nkemurampaka atari bugaragare mu ko kuri uyu wa gatandatu.

Akanama nkemurampaka k'uyu munsi kari kayobowe na Emma Claudine akaba yafatanyije na Utamuliza Rusaro Carine, Iradukunda Michelle, Mudakikwa Pamella na Uwimana Basile.

Mutesi Jolly yinjiye mu kanama nkemurampaka ka Miss Rwanda kuva mu 2018. Kuva icyo gihe yakomeje kugarukamo, ni ubwa mbere atagaragaye mu bakagize.

Nk'ibisanzwe,abakobwa bose babanje gusubiza ibibazo by'akanama nkemurampaka guhera kuri nimero ya mbere kugeza kuya 37,hanyuma akanama nkemurampaka kariherera gatoranya 18 kuko hari abakobwa 2 bakomeje binyuze mu majwi bakuye kuri SMS no ku itora ryo kuri Internet.

Abakobwa 2 bakomeje binyuze ku matora yo kuri Internet no kuri SMS ni Kabagema Laila uhagarariye Umujyi wa Kigali watowe ku mwanya wa mbere na Ishimwe Sonia uhagarariye Uburengerazuba wabaye uwa kabiri.

Abandi bakomeje ni Isaro Loritha Bonita, Uwase Phiona, Uwase Kagame Sonia, Uwankusi Nkusi Linda, Umutoniwase Sandrine, Umutoni Witness, Umutesi Lea, Teta Lalissa,Musana Teta Hense,Musango Natalie, Kayitare Isheja Morella, Kayirebwa Marie Paul, Karere Chryssie, Ingabire Grace, Ingabire Esther, Gaju, Akaliza Hope, Akaliza Amanda.

Urutonde rw'abakobwa 20 bemerewe kwinjira mu mwiherero wa Miss Rwanda:

No 11. Kabagema Laila: Afite imyaka 19, ahagarariye Umujyi wa Kigali. Yiga mu mwaka wa Kabiri wa Kaminuza ya 'Medical University of Warsaw' muri Pologne aho akurikirana ibijyanye n'Ubuganga.

No 10. Ishimwe Sonia: Uyu mukobwa w'imyaka 18 ahagarariye Intara y'Uburengerazuba. Yasoreje amashuri yisumbuye muri College St Andre aho yakurikiye ibijyanye n'Ubugenge, Ubutabire n'Isomo ry'Ibinyabuzima.

No 9. Isaro Rolitha Benitha: Afite imyaka 20, ahagarariye Amajyaruguru. Yiga mu Mwaka wa Mbere wa Kaminuza ya INES Ruhengeri mu bijyanye na 'Applied Economics'.

No 34. Uwase Kagame Sonia: Afite imyaka 20, ahagarariye Uburengerazuba. Yiga 'Marketing' mu mwaka wa mbere muri Kaminuza y'u Rwanda.

No 35. Uwase Phionah: Afite imyaka 21 akaba ahagarariye Umujyi wa Kigali. Yiga mu Mwaka wa Gatatu muri Kaminuza ya Kigali, mu bijyanye na 'Business Marketing'.

No 32. Uwankusi Nkusi Linda: Afite imyaka 21, ahagarariye Uburasirazuba. Yasoje ayisumbuye muri Martyrs Secondary School aho yize Indimi, Ubukungu n'Ubumenyi bw'Isi.

No 27. Umutesi Lea: Afite imyaka 22, ni umwe mu bakobwa bahagarariye Amajyaruguru. Yiga mu Mwaka wa Gatatu w'Ubukerarugendo muri UTB.

No 28. Umutoni Witness: Afite imyaka 20, ahagarariye Umujyi wa Kigali. Yiga mu mwaka wa mbere muri Kaminuza ya Adventist University of Central Africa mu Ishami rya 'Customs and Tax Operations'.

No 29. Umutoniwase Sandrine: Afite imyaka 21, ahagarariye Uburengerazuba. Yasoje kwiga 'Ubugeni' ku Nyundo.

No 12. Karera Chryssie: Afite imyaka 23, ahagarariye Umujyi wa Kigali. Ari gusoza amasomo ye muri Kaminuza y'u Rwanda muri 'Environmental Planning'.

No 13. Kayirebwa Marie Paul: Afite imyaka 24 y'amavuko, ahagarariye Umujyi wa Kigali. Yarangije amashuri yisumbuye mu bijyanye n'Ubukerarugendo muri College Baptiste St Sylvestre de Kinigi.

No 14. Kayitare Isheja Morella: Afite imyaka 19, ahagarariye Umujyi wa Kigali. Yasoreje amashuri yisumbuye muri Excella School aho yize Imibare, Ubugenge n'Ikoranabuhanga.

No 18. Musana Teta Hense: Imyaka ye ni 21, ahagarariye Umujyi wa Kigali. Yarangije amashuri yisumbuye muri Excella School aho yize Ibinyabuzima, Ubutabire n'Imibare.

No 19. Musango Nathalie: Afite imyaka 22, ahagarariye Umujyi wa Kigali. Yiga mu Mwaka wa Kabiri muri Davis College Akilah Campus muri 'Business Management and Enterpreneurship.

No 23. Teta Lalissa: Afite imyaka 21, ahagarariye Amajyaruguru. Yiga mu Mwaka wa Mbere wa Kaminuza ya Kigali mu Ishami rya 'Public administration and local governance.'

No 1. Akaliza Amanda: Ni umukobwa w'imyaka 24 akaba ahagarariye Umujyi wa Kigali. Yarangije Icyiciro cya Kabiri cya Kaminuza mu Ishami ry'Ububanyi n'Amahanga muri Wagner College iherereye muri Leta Zunze Ubumwe za Amerika.

No 2. Akeza Grace: Ni umukobwa w'imyaka 20, akaba ahagarariye Umujyi wa Kigali. Yarangije amashuri yisumbuye muri Glory Secondary School aho yize 'Amateka, Ubukungu n'Ubumenyi bw'Isi'.

No 5. Gaju Evelyne: Uyu mukobwa w'imyaka 21 ahagarariye Umujyi wa Kigali. Yiga mu mwaka wa Gatatu wa Kaminuza ya 'UTB' aho akurikirana ibijyanye na 'Business Management'.

No 6.Ingabire Esther: Afite imyaka 19 akaba ahagarariye Umujyi wa Kigali. Yasoreje amashuri yisumbuye muri APRED Ndera aho yakurikiye Amateka, Ubukungu n'Ubumenyi bw'Isi.

No 7. Ingabire Grace: Ahagarariye Umujyi wa Kigali akaba inkumi y'imyaka 25 y'amavuko. Yarangije Icyiciro cya Kabiri cya Kaminuza muri Bates College muri Leta Zunze Ubumwe za Amerika. Yize ibijyanye na 'Dance with a concentration in Globalization, Philosophy and Psychology'.

No 3. Akaliza Hope: Afite imyaka 20, akaba umwe mu bahagarariye Umujyi wa Kigali. Yiga mu mwaka wa Kabiri muri Kaminuza ya Kigali mu Ishami rya 'Procurement'.

Source : http://umuryango.rw/imyidagaduro/article/abakobwa-20-bazavamo-miss-rwanda-2021-bamaze-kumenyekana

Uyu mwana w'imyaka 8 yariwe n'iyi ngona ubwo yari yagiye koga mu mugezi wo muri iki gihugu ari kumwe na murumuna we.

Se w'uyu mwana yahise ahara ubuzima bwe ajya gushaka iyi ngona muri aya mazi ndetse yemeje ko yarwanye nayo akoresheje amaboko ye ariko ntiyabasha kuyica.

Ku munsi wakurikiyeho,abaturage bagiye guhiga iyi ngona muri uyu mugezi yaririyemo uyu mwana baza kuyifata kuwa 04 Werurwe uyu mwaka ari nabwo bayishe barayibaga basanga mu nda yayo umurambo w'uyu mwana bawukuramo.

Iyi ngona ya metero 6 yatumye abo mu muryango w'uyu mwana bacura imiborogo kuko yabahekuye.

Abagize uyu muryango w'uyu mwana ngo bakundaga kujya koga muri uyu mugezi no kuwuvomamo amazi ariyo mpamvu n'aba bana bari bawugiyemo umwe agapfa.

Muri 2018,abaturage ba Indonesia biraye mu migezi bafite ibyuma,inyundo n'amapiki bica ingona 292 mu rwego rwo kwihorera kuri imwe yishe umusaza ubwo yarimo guhinga imyaka.

Abashinzwe kurinda umutungo kamere muri Indonesia bavuze ko uyu musaza w'imyaka 48 wishwe n'iyi ngona yari yagiye kwahira ubwatsi mu gishanga kibamo ingona birangira imwe imwivuganye.

Source : http://umuryango.rw/ubuzima-115/udushya/article/ingona-yabazwe-ikurwamo-umwana-w-umuhungu-yamize-ubwo-yarimo-koga

Uyu munsi nibwo habaye ijinjora ry’ibanze(Pre-Selection) rya Nyampinga w’u Rwanda 2021, aho abakobwa 20 babonye itike yo kujya mu mwiherero w’abakobwa bazatoranywamo Nyampinga w’u Rwanda 2021 ni mu gihe 17 basezerewe.

Abakobwa 37 nibo bari bahatanye hashakwamo abakobwa 20. Ku Munsi w’ejo uko ari 37 bakaba bararaye muri La Palisse Hotel i Nyamata.

Uyu munsi nibwo gutora aba bakobwa bahabwa amahirwe yo kujya muri 20 ba nyuma bajya mu mwiherero byarangiye, nk’uko byari byatangajwe mbere amahirwe ijnjora nyirizina ryagiye gutangira abakobwa babiri babonye bo bamaze kubona itike yo gukomeza, abo ni; Kabagema Laila ufite nimero 11 ari nawe wabonye amajwi menshi muri SMS na Online, akaba yakurikiwe na Ishimwe Sonia wabaye uwa kabiri mu majwi.

Uyu muhango ukaba wabereye kuri Intare Conference Arena, watangiye saa 18h aho buri mukobwa yagiye yigaragaza imbere y’akanama nkemurampaka.

Nyuma aba bakobwa bagarutse imbere y’akanama nkemuramoaka umwe kuri umwe, bakabazwa ibibazo buri umwe bitewe n’ururimi yifuza gusubizamo agasubiza.

Nyuma akanama Nkemurampaka kari kagizwe Emma Claudine, Basile Uwimana, Karine Rusaro, Michelle Iradukunda na Pamela Mudakikwa kafashe umwanya kajya guteranya amanota kagaruka gatangaza abakobwa 20 bagomba kuguma mu mwiherero bazamaramo ibyumweru 2.

Emma Claudine wari ukuriye akana nkemurampka yavuze ko barebya ubwiza abakobwa bafite, uko basubije ibibazo babajijwe ndetse n’uko biyeretse akanama nkemurampaka.

Biteganyijwe ko tariki ya 20 ari bwo hazaba umuhango wa nyuma wo gutangaza Nyampinga w’u Rwanda 2021.

Abakobwa 20 bagomba gukomeza umwiherero w’abakobwa bazavamo Nyampinga w’u Rwanda

Kabagema Laila (nimwero 11)

Ishimwe Sonia (nimero 10)

Isaro Lorita Bonitha ( nimero 9)

Uwase Phiona (nimero 35)

Uwase Kagame Sonia (nimero 34)

Uwankusi Nkusi Linda (nimero 32)

Umutoniwase Sandrine (nimero 29)

Umutoni Witness (nimero 28)

Umutesi Lea Nimero (nimero 27)

Teta Larissa (Nimero 23)

Musana Teta Hense (Nimero 18)

Musango Nathalie (Nimero 19)

Kayitare Isheja Morella (nimero 14)

Kayirebwa Marie Paul (Nimero 13)

Karera Keressie (nimero 12)

Ingabire Grace (Nimero 7)

Ingabire Esther (nimero 6)

Gaju Evelyne (nimero 5)

Akaliza Hope (nimero 2)

Akaliza Amanda (nimero 1)

Ingabire Grace

Ingabire Esther

Akaliza Hope

Akaliza Amanda

Isaro Lorita Bonitha

Ishimwe Sonia

Abashyushyarugamba bayoboye umuhango Lucky Nzeyimana(ibumoso), Martina Abera(hagati) na Davy Carmel(iburyo)

Source : http://isimbi.rw/imyidagaduro/article/abakobwa-20-babonye-amahirwe-yo-gukomeza-muri-miss-rwanda-2021

Kuri uyu wa gatandatu tariki ya 06/Werurwe 2021 nibwo hagombaga kumenyekana abakobwa 20 bagombaga gutoranywamo abakobwa 37 nibo bari bahagarariye intara 4 z'igihugu ndetse n'umujyi wa Kigali mu irushanwa rya Miss Rwanda 2021.

Miss Rwanda ni irushanwa ngarukamwaka ritegurwa na Inspiration Backup kuva mu wa 2014 rigamije gutinyura ndetse no guteza imbere abana b'abakobwa binyuze mu bumenyi,ubwiza ndetse n'umuco. Aha abakobwa bahabwa umwanya wo gusubiza bimwe mu bibazo bitandukanye bishingiye ku muco, ubumenyi binyuze mu mishinga ibafite akamaro ndetse n'igihugu muri rusange ndetse no kwiyerekana bibafashaka gutinyuka bakigirira ikizere.
Byumwihariko rero mu muhango wabaye kuri uyu wa gatandatu mu nzu mberabyombi y'Intare Conference Arena biyobowe n'abashyushya Rugamba batatu aribo Nizeyimana Lucky(Luckman),ABERA Martina wakoreshaga ururimi rw'Icyongereza wakoreshaga ururimi rw'Ikinyarwanda, Davy Carmel mu rurimi rw'Igifaransa; bose bakaba basanzwe ari abanyamakuru kuri RTV na KC2. Ibi birori kandi bikaba byaciye kuri KC2, nibwo hatoranwaga abakobwa 20 bagomba gukomeza muri bootcamp izabera I Nyamata muri La Palisse Hotel mu mwiherero uzamara igihe kingana n'ibyumweru 2 kugeza ku I tariki 22 Werurwe 2021

Abakobwa 20 bakomeje muri boot camp ni aba bakurikira:

Kabagema Laila wambaye nimwero 11

Ishimwe Sonia nimero 10.

Isaro Lorita Bonitha , nimero 9

Uwase Phionah nimero 35

Uwase Kagame Sonia nimero 34

Uwankusi Nkusi Linda nimero 32

Umutoniwase Sandrine, nimero 29

Umutoni Witness, nimero 28

Umutesi Lea Nimero nimero 27

Teta Larissa, Nimero 23

Musana Teta Hense Nimero 18

Musango Nathalie Nimero 19

Kayitare Isheja Morella nimero 14

Kayirebwa Marie Paul Nimero 13

Karera Keressie nimero 12

Ingabire Grace Nimero

Ingabire Esther nimero 6

Gaju Evelyne nimero 5

Akaliza Hope nimero 2

Akaliza Amanda nimero 1

Miss Rwanda 2021 ikaba ibaye ku nshuro ya 26 gusa ikaba ifite umwihariko kuko wari umuhango wabaye mu muhezo bitewe n'icyorezo cya Covid 19 gusa abitabiriye uyu muhango bose uko bagera kuri 50 bakaba babanje kwipimisha iki cyorezo ndetse n'ibisubizo bikaba byerekanye ko nta numwe wagaragaweho iki cyorezo nkuko tubikesha NIMWIZA Meghan ushinzwe itumanaho muri Miss Rwanda. Mu gihe umukobwa uzegukana iri Kamba rya Miss Rwanda azaba asimbuye Nishimwe Naomi wegukanye iri Kamba Miss Rwanda 2020.

Inkuru yose ni mukanya ……

Source : https://impanuro.rw/2021/03/06/breaking-news-miss-rwanda-2021-hamenyekanye-abakobwa-20-bazajya-mu-mwiherero/

Ku gicamunsi cy’uyu wa Gatandatu tariki 06/03/2021 ni bwo ku mbuga nkoranyambaga hasakaye amafoto ya Platini P n’umukunzi we witwa Olivia Ingabire basezeranye imbere y’amategeko mu muhango wabereye mu Murenge wa Remera mu Mujyi wa Kigali. Producer Ishimwe Clement wa Kina Music ibarizwamo Platini P, niwe wari ‘Parrain’ w’uyu muhanzi ukunzwe cyane mu ndirimbo ‘Atansiyo’, ‘Veronika’, ‘Ntabirenze’ yakoranye na Knowless Butera, n’izindi.

Gusezerana kwa Platini P na Olivia byatunguye benshi na cyane ko inkuru y’urukundo rwabo itigeze imenyekana mu itangazamakuru. Ku rundi ruhande ariko ni inkuru yashimishije benshi by’umwihariko abakunzi b’uyu muhanzi n’abanyamuziki batandukanye barimo umuhanzikazi Knowless Butera wanditse kuri Instagram ko yishimiye cyane intambwe uyu muhanzi ateye yo kuva mu buseribateri. Ubukwe bwa Platini P na Olivia biteganyijwe mu minsi micye iri imbere tariki 27/03/2021. 

Nyuma yo gusezerana imbere y’amategeko, Platini P yanyarukiye kuri Instagram asangiza abantu ifoto y’iyi nkuru nziza yo gusezerana kwe maze munsi yayo arandika ati “Baba yemeye icyaha”. Benshi mu batanze ibitekerezo, bashimye intambwe ateye bamwifuriza kuzagira urugo rwiza n’umukunzi we Olivia yasimbuje Diane Ingabire bakanyujijeho mu rukundo ariko bakaza gutandukana buri umwe agaca inzira ye.

Platini P yasezeranye imbere y’amategeko

Platini na Olivia ubwo bari bamaze gusezerana imbere y’amategeko

Platini P na Olivia bamaze igihe bakundana mu buryo bagize ibanga rikomeye

Platini P hamwe n’umukunzi we Olivia wamurutiye abandi bakobwa bose

AMAFOTO: Plaisir Pictures

Source : https://inyarwanda.com/inkuru/103612/platini-p-yasezeranye-imbere-yamategeko-numukunzi-we-olivia-amafoto-103612.html

Iyo ndwara yafashe abanyeshuri b'abakobwa batangiye bagaragaza ibimenyetso byo kugagara cyangwa kunegekara mu mavi n'amaguru, ku buryo uwo ifashe atabasha kwigenza n'amaguru.

Muri Kamena 2019, indwara nk'iyo yigeze gufata abanyeshuri b'abakobwa bo mu ishuri rya Groupe Scolaire Rambura/Fille riri mu Murenge wa Rambura mu Karere ka Nyabihu. Yagaragaye kandi no mu ishuri ry'abakobwa ryitwa New Explorers Girls Academy (NEGA) mu Karere ka Bugesera.

Umwe mu babyeyi barerera kuri iryo shuri ry'abafite ubumuga mu Karere ka Huye, yavuze ko umwana we yayirwaye kandi ari ku nshuro ya kabiri kuko no muri Mutarama uyu mwaka yari yayirwaye.

Yavuze ko umwana we yayirwaye akananirwa kugenda, bituma ku wa ku munsi w'ejo hashize (ku wa Gatanu) amutahana mu rugo kugira ngo abashe kumwitaho.

Umuyobozi Wungirije Ushinzwe Imibereho myiza y'abaturage mu Karere ka Huye, Kankesha Annonciata, yabwiye IGIHE ko iyo ndwara yagaragaye mu minsi mike ishize ubwo yafataga abana 18.

Ati 'Yagaragaye mu minsi yashize harwara abana 18, bamwe barataha abandi ababyeyi babo baraza barabaganiriza ndetse n'abaganga baraza dufatanya kubaganiriza.'

Yakomeje avuga ko abari bayirwaye baganirijwe bahabwa na Vitamini barakira ariko kuri uyu wa Gatanu bamwe muri bo bongeye gufatwa.

Ati 'Ejo umuyobozi w'ishuri yambwiye ko hari abana bagera ku icyenda bamaze gufatwa kandi ari ba bandi n'ubundi bari barafashwe.'

Yakomeje avuga ko nta gikuba cyacitse kuko abayirwaye babasha kwiga nk'abandi no gukora ibindi bikorwa bibera ku ishuri, ikibazo ari uko iyo bahagaze batitira mu mavi.

Kankesha yakomeje avuga ko ku bufatanye n'ababyeyi ndetse n'inzego z'ubuzima, bagiye gukurikirana kugira ngo abo bana bitabweho bakire.

Ati 'Ni ukuganira nabo, kubaha imiti ni vitamine babaha, abaganga barabitaho ariko ubundi ikiganiro ni cyo cya ngombwa no kumuhuza n'umuryango we bakaganira abo bikomeye ababyeyi bakabajyana mu rugo.'

Kugeza ubu iyi ndwara bakunze guhimba 'Tetema' ntiramenyekana neza ariko ubwo yadukaga bwa mbere, abaganga bavuze ko ishobora kuba ikomoka ku bibazo by'imitekerereze aho umwana ashaka gutanga ubutumwa ko hari ibintu bitagenda neza muri we, ariko kubera ko atabasha kubivuga mu magambo, umubiri we ukabigaragaza mu bimenyetso nk'ibyo.

Iyi ndwara iteye ite?

Umuganga mu Bitaro bya Kaminuza y'u Rwanda biri i Huye (CHUB), akaba umuhanga mu kwita ku mitekerereze, Muhoza Aimable, yabwiye IGIHE ko iyi atari indwara ahubwo ari ko ikimenyetso gikunze kuboneka ku bafite ibibazo by'imitekerereze.

Ati 'Ntabwo tuyita indwara, tuyita ikimenyetso gikunze kuboneka ku bafite ibibazo by'imitekerereze. Hari ubwo rero umuntu agira icyo kibazo akagaragaza ibimenyetso ku mubiri ariko ikibazo ubwacyo kiri mu mitekerereze.'

Yongeyeho ati 'Kiriya kimeyetso bagaragaje cyo kutabasha guhagarara ngo bagende neza kiba cyaturuse mu guhangayika hanyuma umuntu yaba atameze neza akagaragaza ibimenyetso by'umubiri.'

Yasobanuye ko basuzumye abana bo muri iryo shuri i Huye basanga ikibazo bafite cyaratewe n'ibintu bitatu.

Icya mbere ni ukurambirwa no kugira irungu kubera kumara igihe kinini bari ku ishuri; icya kabiri ni ukuba hari abana bafite ibibazo by'imyitwarire mibi bahozwaho ijisho n'ubuyobozi bw'ishuri bigatuma bahangayika mu gihe icya gatatu ari uko abana babona bagenzi babo barwaye, bakagira amarangamutima menshi nabo bagafatwa.

Ku kijyanye no kumara igihe kinini ku ishuri bakarambirwa yavuze ko 'Abenshi bararambiwe kuko igihembwe cyabaye kirekire kuko bariyo guhera mu Ukwakira (umwaka ushize) kandi bazataha muri Mata. Ikindi ntibemerewe gusurwa, kandi kwiga bibatera 'stress' (umuhangayiko) ugasanga bari kure y'ababyeyi kandi ni abana biga mu wa mbere no mu wa kabiri bibasiwe cyane. Abenshi bafite imyaka 13 na 14 y'amavuko.'

Yasobanuye ko abana bari muri icyo kigero bakumbura cyane ugasanga barahangayitse kuko bari kure y'ababyeyi babo kandi bakaba batabasha no kubasura.

Ku kijyanye n'imyitwarire itari myiza yavuze ko hari abana bake basanze bahangayikishwa no guhozwaho ijisho n'ubuyobozi bw'ishuri bigatuma bahangayika.

Ati 'Urumva iyo umwana agize ibibazo by'imyitwarire itari myiza agongana n'abayobozi b'ishuri, noneho kubera gufatirwa mu makosa no guhangayika atameze neza bituma iyo abandi barwaye na we ashobora gufatwa kuko iyo umuyobozi amuhannye aba yumva amwanze kandi atari ko bimeze.'

Uyu muganga atanga inama y'uko abana nk'abo bakwiye kuganirizwa, bakumva ko bagomba gutuza kandi bakibutswa ko iyo umuyobozi abahaye igihano aba atabanze ahubwo aba ashaka ko baba abana bafite ikinyabupfura.

Yanasobanuye kandi uko bigenda kugira ngo abana barware bitewe n'amarangamutima azanwa n'uko bagenzi babo barwaye.

Ati 'Akenshi abana bari muri kiriya kigero barakundana kuko baba bashaka kwambara bimwe, gukora ibintu bisa, n'ibindi nk'ibyo. Ibyo rero bituma iyo bamwe barwaye n'abandi bahita bandura, cyane abo bafitanye ubucuti bwa hafi.'

Yavuze ko muri iki gihe cya Covid-19, ubuzima bwo ku ishuri bugoye ku buryo bisaba abana kwihangana no kwegerwa kenshi bakaganirizwa.

Kimwe mu byo abona byafasha abana bafite icyo kibazo ni ukubahuza n'ababyeyi babo bagashira urukumbuzi.

Ati 'Iyo atashye akamara iminsi ine mu rugo, rya rungu n'urukumbuzi bigashira aragaruka akiga ukabona nta kibazo. Ariko hari abagera mu rugo yakumva bameze neza bagasubira ku ishuri ariko bagerayo bakongera bagafatwa. Urumva nanone biterwa n'ubushobozi bw'umubiri w'umuntu ku kwihanganira icyo kibazo.'

Kuki ikunze gufata abakobwa?

Muhoza yasobanuye ko impamvu iyo ndwara ikunze gufata abakobwa biterwa n'uko amarangamitima yabo aba hafi kurusha abahungu.

Ati 'Usanga abana b'abakobwa amarangamutima yabo aba hafi, uburyo bwo guhangana na 'stress' ku bahungu bayihanganira cyane kurusha abakobwa.'

Yavuze ko bituruka no ku buzima busanzwe abana b'abahungu n'abakobwa babamo.
Ati 'Abana b'abahungu usanga akenshi bakunze gukina imikino ikomeye ituma bashyiramo imbaraga bikabaruhura. Ariko abana b'abakobwa usanga akenshi bicaye ku buryo iyo bafite umunaniro na stress kubisohora bitoroha.'

Yavuze ko mu bana bafashwe n'iyo ndwara abagera nko kuri 80% baturuka mu Mujyi wa Kigali, bivuze ko ari abari kure y'ababyeyi babo ugereranyije n'aho ishuri riri.

Kugeza ubu, abana bafite iki kibazo barimo kuganirizwa, bagatambutsa ibibazo byabo ndetse byaba ngombwa ababyeyi bakabatahana mu rugo kugira ngo babashe gushira urukumbuzi no gutuza.

Bamwe mu bana biga muri iri shuri bafite ikibazo cyo kudahagarara neza baterwa n’ibibazo by’imitekerereze/ Ifoto: Prudence Kwizera

Iyi ndwara ikunze kwibasira abakobwa, igatuma bacumbagira / Ifoto: Internet

---

Source : http://igihe.com/amakuru/u-rwanda/article/huye-mu-ishuri-ry-abafite-ubumuga-hageze-indwara-yo-kunegekara-mu-mavi-icyo

Ikipe y'u Rwanda muri uyu mukino yarigaragaje cyane kuva ku munsi wa mbere kugeza kuri uyu wa Gatandatu,kuko yegukanye imidali 14 yiganjemo iya Feza y'umwanya wa kabiri gusa yanabonye zahabu imwe mu ngimbi.

kuri uyu munsi wa nyuma,Habimana Jean Eric na Nzayisenga Valentine begukanye umudali w'Umuringa naho Ingabire Diane atwara uwa Feza mu isiganwa ryo mu muhanda cyane ko habaye gusiganwa mu muhanda mu bagore bakuru,abagabo bakuru n'abatarengeje imyaka 23.

Guhera saa mbiri za mu gitondo, hasiganwe icyiciro cy'abagore bakoze intera y'ibilometero 98. Ikipe y'u Rwanda yabonyemo umudali umwe wa Feza wegukanywe na Ingabire Diane wabaye uwa kabiri mu batarengeje imyaka 23 ndetse n'uw'Umuringa watwawe na Nzayisenga Valentine wabaye uwa gatatu.

Umunya-Afurika y'Epfo, Oberhorlzer Carla, yegukanye Shampiyona Nyafurika ya 2021 mu bagore, akurikirwa na Preen Hayley mu gihe Umunya-Namibia Adrian Vera yabaye uwa gatatu.

Mu bagabo batangiye gusiganwa ibilometero 140 guhera saa sita, Shampiyona ya 2021 yegukanywe n'Umunya-Afurika y'Epfo Ryan Gibbons ukinira UAE Team Emirates ikina ku rwego rw'isi.

Muri iki cyiciro, Habimana Jean Eric yatwayemo umudali w'Umuringa nyuma yo kuba uwa gatatu mu batarengeje imyaka 23.

Iyi midali itatu yabonetse kuri uyu wa Gatandatu, yatumye Team Rwanda isoza Shampiyona Nyafurika ya 2021 imaze kwegukana 14 yose hamwe. Irimo umwe wa Zahabu, icyenda ya Feza n'ine y'Umuringa.

Iri rushanwa ryabaga ku nshuro ya 15 ryari ryaritabiriwe n'ibihugu 15 bitarimo Eritrea imenyerewe cyane muri uyu mukino muri Afurika.Igihugu cya Afrika y'Epfo cyarigaragaje cyane muri iri rushanwa.

Source : http://umuryango.rw/imyidagaduro/imikino/article/u-rwanda-rwakuye-imidali-14-muri-shampiyona-y-afurika-yo-gusiganwa-ku-magare

Imirwano yabaye ku Cyumweru yabaye agatotsi hagati y'ibihugu byombi byari bimaze iminsi bikora uko bishoboye kugira ngo umubano wabyo wongere ube mwiza nk'uko byahoze.

Jeune Afrique yanditse ko intandaro y'iyi mirwano yabaye abarwanyi ba FDLR na FLN bari ku butaka bw'u Burundi. Abo barwanyi bari bamaze iminsi mike bavuye i Burundi bagaba igitero mu Rwanda barangije basubira i Burundi.

Ku Cyumweru tariki 28, Gashyantare, 2021 ingabo z'u Rwanda zambutse umupaka zikurikiye bariya barwanyi bashinze ibirindiro mu ishyamba rya Kibira.

Bariya barwanyi bari bacengeye binjira muri Nyungwe ariko ingabo z'u Rwanda zirabavumbura zibasunika zibasubiza iyo baturutse.

Mu gusunika bariya barwanyi, ingabo z'u Rwanda zinjiye ku butaka bw'u Burundi, abasirikare b'u Burundi batangira kuzirasa.

Hakurikiyeho imirwano yamaze igihe gito hagati y'ingabo z'u Rwanda n'iz'u Burundi zigize batayo ya 221 n'iya 411.

Abari bayoboye ingabo z'u Burundi muri iyo mirwano bahamagaye mu buyobozi bukuru bwabo i Gitega ngo baboherereze abandi basirikare(umusada), nabo baboherereza abasirikare bo muri batayo ya 60 n'iya 61 bari hafi aho bitegura kujya muri Amisom( Misiyo y'Umuryango w'Abibumbye ishinzwe kugarura amahoro muri Somalia.).

Abakuru b'iperereza rya gisirikare ku bihugu byombi nibo babihosheje…

Nyuma yo kubona ko ibintu bikaze kandi bishobora kuvamo imirwano ikomeye kurushaho, abasirikare bakuru bashinzwe iperereza rya gisirikare ku mpande zombi, barahamagaranye bemeranya ko bahosha iyo mirwano.

Abo ni Col Erenst Musaba ku ruhande rw'u Burundi na Brig Gen Vincent Nyakarundi ku ruhande rw'u Rwanda.

Aba bagabo muri Kanama, 2020 bahuriye i Nemba mu Bugesera baganira uko ibihugu byombi byakwirinda icyatuma bigirana ubushyamirane bwa gisirikare.

Umwe mu basirikare b'u Burundi yabwiye Jeune Afrique ko hari abasirikare batandatu bakomeretse ariko ko ntawapfuye.

Ku runde rw'u Rwanda nta makuru aramenyekana.

Ingabo z'u Rwanda zarangije gusubiza inyuma abarwanyi ba FDLR na FLN zigaruka mu Rwanda, hanyuma ingabo z'u Burundi zikomeza kwirukankana abo barwanyi.

Nta gihe kirekire cyari gishize ba basirikare bakuru twavuze haruguru bahagarariye ubutasi bwa gisirikare ku mpande zombi bongeye guhura.

Source: TAARIFA.RW

Source : http://umuryango.rw/amakuru/mu-rwanda/umutekano/article/ingabo-z-u-rwanda-ziherutse-gukozanyaho-n-iz-u-burundi