Webrwanda Backend

Author: webrwanda

  • Perezida Kagame yakiriye Mushikiwabo na Charles Michel wa EU bari mu Rwanda #rwanda #RwOT

    Charles Michel na Louise Mushikiwabo bakiriwe na Perezida Paul Kagame mu biro bye muri Village Urugwiro, bari mu Rwanda aho bari mu bukangurambaga burebana n’ibikorwa byo gukingira icyorezo cya COVID-19 byatangiye muri iki cyumweru mu Rwanda.

    Ubu bukangurambaga kandi bugamije gufasha ibihugu byo muri Africa gukomeza kubona inkingo muri gahunda yo kuzisaranganya y’Umuryango w’Abibumbye izwi nka COVAX.

    Ubu bukangurambaga bugamije ubuvugizi, bunagamije gutuma habaho imikoranire ndetse no kuba ibihugu byagira amahirwe angana mu kubona inkingo nk’imwe mu ntwaro yo kurandura iki cyorezo cyugarije Isi.

    Aba bayobozi b’Imiryango Ikomeye ku Isi kandi banitabiriye ibikorwa byo gutanga inkingo biri kubera mu Rwanda kuva ku wa Gatanu w’iki cyumweru.

    UKWEZI.RW

    Source : http://www.ukwezi.rw/mu-rwanda/3/article/Perezida-Kagame-yakiriye-Mushikiwabo-na-Charles-Michel-wa-EU-bari-mu-Rwanda

  • 🔴 LIVE: IGITARAMO – 06: Alexis Dusabe & Pastor KARAYENGA Jean Jacques/IMBARAGA Z’UBUTUMWA BWIZA #rwanda #RwOT

    Source : https://agakiza.org/????-LIVE-IGITARAMO-06-Alexis-Dusabe-Pastor-KARAYENGA-Jean-Jacques-IMBARAGA-Z-7773-7773-7773-7773-7773-7773-7773-7773-7773-7773-7773.html

  • Umukunzi wa Yverry yamusabye ko ibyo atunze bazabisangira maze aryumaho[AMAFOTO] #rwanda #RwOT

    Umuhanzi Rugamba Yverry yavutse tariki ya 5 Werurwe 1994, ni itariki y'amavuko asangiye na mushiki we Immaculée n'ubwo batavutse mu mwaka umwe. Ku munsi w'ejo Yverry akaba yarizihizaga isabukuru y'imyaka 27.

    Uyu muhanzi umaze kubaka izina bitewe n'indirimbo ze z'urukundo zinyura benshi, umukunzi we Vanessa yamufashije gukomeza kuryoherwa n'isabukuru nziza.

    N'ubwo isabukuru ye yabaye ku munsi w'ejo hashize, mu gitondo cyo kuri uyu wa Gatandatu umukunzi we yafashe umwanya amubwira amagambo meza yuje imitoma aryoheye amatwi kuruta indirimbo z'uyu muhanzi.

    Abinyujije ku rukuta rwe rwa Instagram yagize ati'nkwifurije ibyishimo, ubuzima, umunezero n'iterambere mu buzima, nyuma ya byose ibyo ufite uzabisangira nanjye. Ntuzabikora? Isabukuru nziza mboni y'amaso yanjye akaba umuntu nkunda mbikuye ku ndiba y'umutima wanjye.'

    Muri Kanama 2019 nibwo Yverry na Uwase Vanessa bahishuye ko bari mu rukundo, ibi babigaragarije ku mbuga nkoranyambaga aho bateranye imitoma, byari bisembuwe n'ifoto Yverry yashyize ku rukuta rwe rwa Instagram ahamya ko ari mu rukundo n'uyu mukobwa, amakuru avuga ko urukundo rwabo rwatngaiye mu ntangiriro za 2019.

    Rugamba Yverry ni umuhanzi wamenyekanye mu ndirimbo z'urukundo nka 'Nk'uko njya mbirota', 'Amabanga', 'Naremewe', 'Umutima' n'izindi.



    Source : http://umuryango.rw/imyidagaduro/article/umukunzi-wa-yverry-yamusabye-ko-ibyo-atunze-bazabisangira-maze-aryumaho-amafoto

  • 🔴 LIVE: IGITARAMO – 06: Alexis Dusabe & Pastor KARAYENGA Jean Jacques/IMBARAGA Z’UBUTUMWA BWIZA #rwanda #RwOT

    Source : https://agakiza.org/????-LIVE-IGITARAMO-06-Alexis-Dusabe-Pastor-KARAYENGA-Jean-Jacques-IMBARAGA-Z-7773-7773-7773-7773-7773.html

  • Mu ntambuko yuje akamwenyu, irebere uburanga bw’abakobwa 20 bakomeje mu cyiciro cya nyuma cya Miss Rwanda 2021(AMAFOTO) #rwanda #RwOT

    Abakobwa 20 bagomba kujya mu mwiherero bakazatoranywamo uzasimbura Ishimwe Naomie akambikwa ikamba rya Nyampinga w’u Rwanda 2021 bamaze kumenyekana, bahise batangira umwiherero w’ibyumweru 2.

    Muri rusange ni abakobwa 37 bahataniraga kuza mu bakobwa 20, mu ijoro ryo ku wa Gatandatu tariki ya 6 Werurwe 2021 ni bwo habaye umuhango wo gutoranya aba bakobwa muri Intare Conference Arena.

    Abakobwa 37 nibo bari bahatanye hashakwamo abakobwa 20. Ku Munsi wo ku wa Gatanu uko ari 37 baraye muri La Palisse Hotel i Nyamata.

    Kabagema Laila na Ishimwe bahize abandi mu majwi yo kuri SMS na Online bakaba bahise babona itike yo gukomeza nk’uko amategeko y’irushanwa abiteganya.

    Abakobwa 20 bakaba bagomba kumara mu mwiherero ibyumweru 2 aho tariki ya 20 Werurwe muri Intare Conference Arena hazatangazwa umukobwa wegukanye ikamba rya Nyampinga w’u Rwanda 2021.

    Abakobwa 20 bagomba gukomeza umwiherero w’abakobwa bazavamo Nyampinga w’u Rwanda2021, ifoto iri hejuru y’izina

    Kabagema Laila: Afite imyaka 19 aho akoresha nimero 11. Yiga ubuganga ari mu mwaka wa kabiri wa kaminuza, ahagarariye Umujyi wa Kigali

    Ishimwe Sonia: Afite imyaka 18, ahagarariye Intara y’Uburengerazuba, ni nimero ya 10. Yarangije amashuri yisumbuye aho yize Mathematics, Physics and Geography (MPG).

    Isaro Rolitha Benitha: Afite imyaka 20, ahagarariye Amajyaruguru. Yiga mu Mwaka wa Mbere wa Kaminuza yiga ibijyanye na 'Applied Economics’.

    Uwase Phiona: Yiga Kaminuza mu mwaka wa Gatatu mu bijyanye na 'Business’. Afite imyaka 21 akaba ahagarariye Umujyi wa Kigali.

    Uwase Kagame Sonia: Ni nimero 34. Uyu mukobwa w’imyaka 20 akaba ahagarariye Intara y’Uburengerazuba, akaba ari mu mwaka wa mbere wa Kaminuza aho yiga Marketing.

    Uwankusi Nkusi Linda: Afite imyaka 21, ahagarariye Intara y’Iburasirazuba. Yasoje amashuri yisumbuye yize Indimi, Ubukungu n’Ubumenyi bw’Isi.

    Umutoniwase Sandrine : Afite imyaka 21, ahagarariye Intara y’Iburengerazuba. yasoje ku Nyundo aho yize Ubugeni.

    Umutoni Witness: Afite imyaka 20, ahagarariye Umujyi wa Kigali. Yiga Customs and Tax Operations mu mwaka wa mbere wa Kaminuza.

    Mutesi Lea: Umutesi Lea afite imyaka 22, ni nimero 27, ahagarariye Intara y’Amajyaruguru. Yiga mu mwaka wa 3 wa Kaminuza aho yiga Travel and Toursim Management.

    Teta Keza Larissa: Ni nimero 23. Afite imyaka 21, ahagarariye Intara y’Amajyaruguru. Yiga mu Mwaka wa Mbere wa Kaminuza mu Ishami rya Public administration and local governance.

    Musana Teta Hense : Ni nimero 18. Afite imyaka 21, ahagarariye Umujyi wa Kigali. Yarangije amashuri yisumbuye yize Ibinyabuzima, Ubutabire n’Imibare.

    Musango Nathalie: Yiga mu mwaka wa kabiri wa kaminuza aho yiga Business Management and Entrepreneurship, afite imyaka 22. Ni nimero 19, ahagarariye Umujyi wa Kigali.

    Kayitare Isheja Morella: Akoresha nimero 14. Afite imyaka 19, ahagarariye Umujyi wa Kigali. Yasoreje amashuri yisumbuye aho yize Imibare, Ubugenge n’Ikoranabuhanga.

    Kayirebwa Marie Paul: Afite imyaka 24 y’amavuko, ahagarariye Umujyi wa Kigali. Yarangije amashuri yisumbuye aho yize Tourism

    Karera Chryssie: Ni nimero12. Afite imyaka 23, ahagarariye Umujyi wa Kigali. Ari mu wa Kane wa Kaminuza aho arimo kwinga 'Environmental Planning’.

    Ingabire Grace: Akoresha nimero 7. Ahagrariye Umujyi wa Kigali, afite imyaka 25 akaba yararangije Kaminuza aho yize Major in Dance with Concentration in Globalization and Philosophy and Psychology.

    Ingabire Esther: Ni nimero 6. Afite imyaka 19 akaba ahagarariye Umujyi wa Kigali. Yasoje amashuri yisumbuye, yize Amateka, Ubukungu n’Ubumenyi bw’Isi.

    Gaju Evelyne: Ni nimero 5. Afite imyaka 21 ahagarariye Umujyi wa Kigali. Yiga mu mwaka wa Gatatu wa Kaminuza ibijyanye na 'Business Management’.

    Akaliza Hope: Ni nimero 2. Afite imyaka 20, akaba ahagarariye Umujyi wa Kigali. Yiga mu mwaka wa Kabiri muri Kaminuza, yiga ibijyanye na 'Procurement’.

    Akaliza Amanda: Ni nimero 1. Afite imyaka 24 akaba yararangije Kaminuza aho yize International Relations. Ahagarariye Umujyi wa Kigali.

    Source : http://isimbi.rw/imyidagaduro/article/mu-ntambuko-yuje-akamwenyu-irebere-uburanga-bw-abakobwa-20-bakomeje-mu-cyiciro-cya-nyuma-cya-miss-rwanda-2021-amafoto

  • Igikombe cya CECAFA Rayon Sports yatwaye mu 1998 cyabonetse i Huye #rwanda #RwOT

    Kuri uyu wa Gatandatu tariki ya 06 Werurwe 2021 nibwo umuyobozi wa Rayon Sports,Uwayezu Fidele yahawe ibikombe 2 bya Rayon Sports n'uwahoze ari umuyobozi w'iyi kipe Ntampaka Theogene,birimo icya CECAFA 1998 na Rwanda premier league 2012/2013 yari abitse.

    Iki gikombe cya CECAFA Rayon Sports yagitwariye muri Zanzibar ubwo yatsindiraga ku mukino wa nyuma ikipe ya Mlandege yo muri icyo kirwa ibitego 2-1.

    Mu ukwakira umwaka ushize nibwo RGB yasheshe Komite ya Rayon Sports yariho kubera kunanirwa gukemura ibibazo byari mu ikipe ishyiraho inshya yahawe iminsi 30 yo gukemura bimwe muri byo birimo amategeko shingiro,gushaka ibiro n'ibindi.

    Ubwo RGB yagaragaza ibyavuye mu isesengura yakoze kuri Rayon Sports, yavuze ko uyu muryango wari ufite ibibazo bijyanye n'amategeko n'imiterere.

    Uru rwego rw'Igihugu rw'Imiyoborere rwagaragaje uburyo Rayon Sports nta cyicaro kizwi yari ifite kuko byagaragara ko ari iy'i Nyanza, Kicukiro na Gasabo cyane ko umuperezida wabaga ugiyeho ariwe wayitwaraga mu nzira.

    Uwari perezida w'inzibacyuho,Murenzi Abdallah yayishakiye ibiro Kimihurura ndetse ahita asaba abantu bose babitse ibikombe by'ikipe kubitanga bikajya mu biro ku ikubitiro haboneka 2 gusa.

    Ibindi biri kugenda biza gahoro gahoro gusa hari ibyo yatwaye mbere ya Jenoside yakorewe Abatutsi muri 1994 bishobora kuba byaraburiwe irengero.


    Source : http://umuryango.rw/imyidagaduro/imikino/article/igikombe-cya-cecafa-rayon-sports-yatwaye-mu-1998-cyabonetse-i-huye

  • Miss Mutesi Jolly yaserukanye ikanzu idasanzwe muri Miss Rwanda 2021 yatumye benshi bacika ururondogoro [AMAFOTO] #rwanda #RwOT

    Uyu nyampinga,yari yambaye ikanzu igaragaza umubiri we ibizwi nka mukondo out ndetse n'umugongo we wose wari hanze byatumye cameras za RBA zitamwereka abafana cyane ko ahamagarwa n'abashyushyarugamba zahise zivaho ndetse yagaragaye inshuro imwe yonyine nabwo amahushukwa.

    Uyu mukobwa uri muri ba nyampinga bazwi cyane,yahamagawe muri uyu muhango kugira ngo atange impapuro za “PASS” ku bakobwa 20 bakomeje mu mwiherero ugiye kumara ibyumweru 2 ndetse nyampinga azatorwa muri bo.

    Iyi kanzu Jolly yari yambaye muri ibi birori byo guhitamo abakobwa 20 bazahatanira ikamba rya Nyampinga 2021 byabaye ku wa Gatandatu tariki 6 Werurwe 2021, yavugishije benshi kuri Twitter kubera imiterere yayo.

    Uwitwa Mama J yagize ati 'Nibaza impamvu ba Role model muvuga atari bo mukurikiza no mu kwambara. Wari wabona yambara yagaragaje ibice by'umubiri kweli? Uzi ko uramutse ubaye nk'umuyobozi runaka wiyubashye, iyo foto wajya uyireba agahinda kakakwica!'

    Uwitwa Jonas Mugendererwa we yagize ati ” Narinzi ko Miss Rwanda mugendera ku mucyo cyane kurusha ibindi ark Ndabona byarivanze byose byose.”

    Icyakora mu bitekerezo byinshi byatanzwe,benshi bamushimiye iyi myambarire cyane ko itari isanzwe mu ruhame mu Rwanda.

    Nk'uwiyita Ruhurwinda yagize ati “Nukuri ni wowe miss tuzi iyo bikunda ukaba uwibihe byose anyway well dressed last night.

    Uwitwa Fidele we yagize ati “Genda Jolie uri sanzure hahiriwe Umusore uzakubenguka Gomeza wubake legacy.”

    Frank we yagize ati “Aho kwica style rata wakwicwa n'umusonga.Unavaa vizuri miss Rwanda infinity ramba ramba. Ariko nkubu ntubyibuha iyo wumvise Abantu bose bakwemera?.



    Source : http://umuryango.rw/imyidagaduro/article/miss-mutesi-jolly-yaserukanye-ikanzu-idasanzwe-yatumye-benshi-bacika

  • Paris Saint-Germain yiyemeje gushora akayabo mu kugura umukinnyi wa Manchester United #rwanda #RwOT

    Nubwo mu minsi ishize de Gea yakoze amakosa menshi yashyize mu bibazo United,ikipe ya PSG irashaka kumugura kugira ngo imusimbuze Keylor Navas umaze imyaka isaga 4 ari ku rwego rwo hejuru.

    Biravugwa ko umutoza wa PSG witwa Mauricio Pochettino ariwe wifuza kugura uyu mukinnyi umaze igihe kinini muri premier League.

    Uyu mutoza ngo abonamo de Gea kuba yaba igisubizo cy'imishinga ashaka kubaka muri PSG ariyo mpamvu yifuza kumena Banki akamugura ndetse akamusimbuza Keylor Navas w'imyaka 34.

    De Gea agiye kumara imyaka 10 muri United ndetse benshi baribaza niba mu mwaka utaha azayigumamo cyane ko bigaragara ko atagikunzwe cyane nubwo abona umwanya uhoraho wo gukina.

    Dean Henderson ahanganiye umwanya wa mbere na de Gea gusa hari amakuru avuga ko umwe muri bo azasohoka muri iyi mpeshyi.De Gea agiye yaba asigiye umwanya wa mbere Henderson bidasubirwaho.

    PSG iri mu makipe yashobora kwishyura umushahara w'umurengera wa de Gea kuko ahabwa ibihumbi 375 ku cyumweru muri United.

    Ubu Henderson niwe uri mu kazi kuko De Gea yerekeje iwabo kureba umukunzi we uherutse kumubyarira umwana.

    Kapiteni wa Tottenham,Hugo Lloris azasoza amasezerano ye mu mwaka w'imikino utaha ndetse mu minsi ishize byavuzwe ko ashobora kwerekeza muri PSG gusa iyi kipe ngo yisubiyeho irashaka de Gea.

    De Gea amaze gukinira imikino 434 ikipe ya United ndetse yafatwaga nk'umwe mu banyezamu beza ku isi gusa amakosa aheruka gukora mu minsi ishize yatumye atakarizwa icyizere n'abafana.


    De Gea arifuzwa cyane na PSG

    Source : http://umuryango.rw/imyidagaduro/imikino/article/paris-saint-germain-yiyemeje-gushora-akayabo-mu-kugura-umukinnyi-wa-manchester

  • Mikel Arteta ukomeje gukora amakosa ashyira mu mazi abira Arsenal #rwanda #RwOT

    Uyu mutoza yavuze ko abakinnyi be Granit Xhaka na Bernd Leno bakina mu buryo ashaka ariyo mpamvu adateze kubanengera mu ruhame nubwo ku munsi w'ejo aribo bamutesheje amanota 3 by'umwihariko uyu Xhaka wahawe umupira na Leno yarangiza akawishotera Chris wood ukerekeza mu izamu.

    Mikel Arteta yagize ati 'Bibaho mu mupira w'amaguru.Dukunda gukoresha Leno agahereza umupira umukinnyi wo hagati iyo turi gutangiza umupira.

    Twatsinze igitego cya Aubameyang dutangiye kubaka umukino duhereye kuri Leno.Tuninjizwa igitego kimwe biturutse kuri Leno wateye umupira wa mbere,uwa kabiri utunanira kuwugumana.Niko byagenze,mu mupira bibaho.

    Niko nshaka gukina ariko tugomba kumenya ko harimo ibibazo,tukamenya amategeko yo gukinira hariya.'

    Guhera muri 2016,Granit Xhaka amaze gukora amakosa 8 ahita avamo ibitego ndetse niwe mukinnyi wa mbere u Bwongereza uri hejuru mu gukora aka gahigo kabi cyane ariyo mpamvu adakundwa n'abafana ba Arsenal.

    Uyu Musuwisi wigeze gushyamirana n'abafana mu ntangiriro z'umwaka w'imikino ushize bikamuviramo kwamburwa igitambaro cy'ubukapiteni,yasabye imbabazi abafana.

    Yagize ati 'Nagize uruhare mu gitego cyabo ariko mumbarire kubera ririya kosa.Niko umupira umera kandi ndababaye cyane nkuko namwe bimeze.”

    Umunyezamu Leno yabwiye BBC Sport 'Twashakaga gutangiza umupira duhereye inyuma kuko bikunze kuduhira ariko ntibyagenze neza kuko Xhaka yagize amahirwe make ariko bibaho.

    Haba ingaruka nyinshi mu gushaka gutangiza umupira uhereye inyuma ariko nibwo buryo bwacu.Hari inshuro nyinshi byagiye biduhira.'

    Umukino ukurikiyeho,Arsenal izerekeza mu Bugereki gukina na Olympiacos muri 1/16 cya Europa League hanyuma muri weekend ikine na Tottenham muri Premier League.

    Muri uyu mukino wo kuri uyu wa Gatandatu,Arsenal yafunguye amazamu ku munota wa 06 ariko igice cya mbere kigiye kurangira,Xhaka yihereye igitego Bunley ubwo yashotaga umupira Chris Wood wigira mu izamu.

    Source : http://umuryango.rw/imyidagaduro/imikino/article/mikel-arteta-ukomeje-gukora-amakosa-ashyira-mu-mazi-abira-arsenal

  • Louise Mushikiwabo yakurikiranye uko ibikorwa byo gukingira COVID-19 byagenze mu Bugesera –

    Uretse Louise Mushikiwabo na Charles Michel, uru ruzinduko rwitabiriwe kandi n’Umudepite mu Nteko y’Ubumwe bw’u Burayi, Chrysoula Zacharopoulou. Baherekejwe na Minisitiri w’Ubuzima, Dr Daniel Ngamije n’uw’Ububanyi n’amahanga, Dr Vincent Biruta.

    Chrysoula Zacharopoulou usanzwe ari inzobere mu buvuzi bw’abagore yagaragaye atanga urukingo rwa COVID-19 kuri bamwe mu bantu batoranyijwe bagomba kuruhererwa kuri iki kigo nderabuzima cya Mayange.

    Kuri iki kigo nderabuzima hakingiriwe abakora mu nzego z’ubuzima, abarimu ndetse n’abakuze.

    Amakuru dukesha RBA avuga ko Mushikiwabo wanabaye Minisitiri w’Ububanyi n’Amahanga w’u Rwanda yashimye uburyo rwitwaye mu rugamba rwo guhashya COVID-19 by’umwihariko uburyo rwihutishije ibikorwa by’ikingira, avuga ko OIF izakomeza gukora ubuvugizi kugira ngo ibihugu binyamuryango bibone inkingo binyuze muri gahunda ya COVAX ndetse no mu butwererane.

    Perezida w’Akanama k’Umuryango w’Ubumwe bw’u Burayi, Charles Michel we yashimye ko u Rwanda rwihutiye kugeza inkingo ku bazikeneye kandi hose mu gihugu n’imitangire yazo inoze kubera gukoresha ikoranabuhanga.

    Yavuze ko ibi bishimangira uburyo u Rwanda rukomeje kwitwara neza mu rugamba rwo guhangana n’iki cyorezo, yizeza ko Umuryango w’Ubumwe bw’u Burayi ukomeje gukora ibishoboka byose ngo hakorwe inkingo zihagije kandi zigere hose.

    Minisiteri y’Ubuzima yashyize hanze amafoto y’aba bayobozi, ntabwo yigeze itangaza impamvu y’uru ruzinduko rwabo mu Rwanda.

    Kugeza ku wa 6 Werurwe mu Rwanda hose urukingo rwa COVID-19 rumaze guhabwa abagera ku bihumbi 160 barimo 83 942 bakingiwe ku wa Gatandatu.

    Louise Mushikiwabo na Charles Michel basuye Ikigo nderabuzima cya Mayange

    Bagize umwanya wo kuganira n’abayobozi b’iki kigo nderabuzima

    Chrysoula Zacharopoulou yakingiye umwe mu baturage kuri iki kigo nderabuzima

    Chrysoula Zacharopoulou ni Umudepite mu Nteko y’ibihugu by’Ubumwe bw’u Burayi ariko akaba n’umuganga

    Amafoto: Minisante