Author: webrwanda

Antoine Cardinal Kambanda wabaye Umunyarwanda wa mbere utoye Papa, yabigarutseho mu kiganiro yagiranye na RBA.

Yavuze ko Papa Francis uherutse kwitaba Imana yari yateye intambwe ikomeye cyane mu mubano mwiza wa Kiliziya na Leta, avuga ko biteze ko Papa Léon XIV azamukorera mu ngata.

Ati 'Tumutegerejeho kurushaho kunoza umubano wa Kiliziya na Leta y'u Rwanda. Papa Francis yari yateye intambwe ikomeye cyane mu mubano mwiza wa Kiliziya na Leta ndetse hari n'amasezerano yari arimo gukorwa ageze ku musozo hagati ya Vatican na Leta y'u Rwanda ku buryo urugendo turimo cyane cyane n'ubumwe n'ubwiyunge n'ubudaheranwa na Kiliziya ku Isi irwumva kandi ikarudushyigikiramo.'

Antoine Cardinal Kambada yavuze ko kandi ibyo biri no mu murongo wo kubafasha gutanga umusanzu no mu iterambere no kubaka amahoro n'ubuvandimwe mu Rwanda no ku Isi.

Bijyanye n'uko Papa Léon XIV yatowe mu gihe hashize imyaka 125 Ivanjili igeze mu Rwanda, Antoine Cardinal Kambanda yabajijwe niba bateganya gutumira uyu Mushumba wa Kiliziya ku Isi, mu birori byo kwizihiza iyo yubire, undi asubiza ko bitakunda kubera gahunda nyinshi zihari.

Yavuze ko impamvu ari uko umwaka ugeze hagati kandi yubire y'imyaka 125 ishize Ivanjili igeze mu Rwanda izahurirana n'indi y'imyaka 2025 Ivanjili igeze ku Isi.

Ati 'Uyu mwaka afite ibintu byinshi. Byaba bigoye ko yashobora gushyiraho na gahunda zacu mu Rwanda ariko tuzamutumira n'ikindi gihe.'

Yavuze ko ari umugisha ukomeye cyane gutora Papa bwa mbere ariko bikaba akarusho kuko bari bashyigikiwe cyane n'imbaraga nyinshi y'abakirisitu ku Isi yose.

Ati 'Ni ibyishimo byinshi ko tubonye Papa kandi ubonye ari umuntu ukenewe muri iki gihe.'

Papa Léon XIV ategerejweho kunga ikirenge mu cya Papa Francis wabaye Umushumba wa Kiliziya Gatolika ku Isi, wabaniye u Rwanda mu buryo budasanzwe mu myaka 31 ishize.

Papa Francis yapfuye umubano wa Kiliziya n'u Rwanda ukomeye nyuma y'aho yaciye bugufi agasaba imbabazi ku ruhare rwa Kiliziya Gatolika muri Jenoside yakorewe Abatutsi.

Tariki 20 Gicurasi 2017, Perezida Kagame na Madamu Jeannette Kagame bakoreye uruzinduko i Vatican, Umukuru w'Igihugu yakirwa n'Umushumba wa Kiliziya Gatolika, bagirana ibiganiro byasize imigozi yari iziritse umubano w'impande zombi ucitse.

Icyo gihe Papa Francis yasabye Imana imbabazi ku byaha ndetse no gutsindwa kwa Kiliziya n'abayo bose barimo n'abihaye Imana batwawe n'urwango ndetse n'ubugizi bwa nabi, bagaca ukubiri n'inshingano zabo z'iyogezabutumwa mu byabereye mu Rwanda.

Papa Francis yagaragaje umubabaro ukomeye we bwite, uw'ubutaka butagatifu bwa Vatican ndetse na Kiliziya muri rusange uturuka kuri Jenoside yakorewe Abatutsi, anagaragaza kandi ukwifatanya n'abahekuwe ndetse n'abakomeje kugerwaho n'ingaruka z'ibyo bihe bikomeye.

Ku wa 8 Gicurasi 2025 ni bwo Umunyamerika Robert Francis Prevost yatorewe kuba Umushumba Mukuru mushya wa Kiliziya Gatolika ku Isi, ndetse afata izina rya Papa Leo XIV.
Ni we Munyamerika wa mbere wari utorewe kuyobora Kiliziya Gatolika ku Isi, akaba Papa wa 267 uyoboye Kiliziya Gatolika. Yabonye amajwi ari hejuru ya 89 mu 133 y'Aba-Cardinal bitabiriye itora.

Antoine Cardinal Kambanda yavuze ko Papa Francis asize umubano w’u Rwanda na Kiliziya umeze neza

Papa Léon XIV yitezweho gukomeza kunoza umubano wa Kiliziya na Leta y’u Rwanda

Guha izo telefone ba nyirazo byabaye ku wa 15 Gicurasi 2025. Abafatiwe muri ibyo byaha byo kwiba telefone ni abantu 14.

Muri abo harimo abazibaga bazishikuje abantu n'andi mayeri atandukanye, abiyitiriraga Polisi na RIB bakajya aho bacuruza telefone zakoze bakazibaka, n'abazikuragamo 'passwords' bakanahindura 'serial numbers' zazo n'abakoze ubufatanyacyaha.

Abandi berekanywe bafatiwe mu bujura butandukanye harimo bane bibye amafaranga ndetse n'undi umwe ukurikiranyweho kwihesha ikintu cy'undi hakoreshejwe uburiganya.

Umuvugizi wa RIB, Dr. Murangira B. Thierry yabwiye itangazamakuru ko abibwe telefone bakwiye guhita batanga ikirego kuri RIB ndetse bagakoresha ibizwi nka 'SIM Swap' kugira ngo batibwa n'amafaranga baba bafiteho.

Dr. Murangira yasabye abantu kugira amakenga kuko hari bamwe mu bibwe izo telefone mu buryo bwo kurangara kandi iyo zimaze kwibwa hari izo RIB itabasha kugaruza ku buryo icyiza ari ukugira amakenga.

Yatanze ingero ku bantu bamwe bibwe telefone bari mu nsengero abasaba kuba maso, abazibwe mu bukwe bizeye umuntu batazi n'abandi batandukanye batagize amakenga.

Ati 'Bitwaye iki kuba abantu bamenyana igihe bari ahantu hamwe mbere yo kwizerana cyangwa bitwaye iki ufashe telefone yawe ukayishyira mu mufuka aho kuyiha umuntu ngo agufashe.'

Yasabye abafite ibigo bikoresha abakozi bacyurwa nijoro kujya babageza mu rugo neza kuko kubasiga kure y'aho baba byongera ibyago byo kwibwa.

Ati 'Dufite ingero z'abibwe muri ubwo buryo. Imodoka zibasiga ku muhanda saa munani saa cyenda z'ijoro kandi baramanuka muri metero icumi noneho abajura iyo bamaze kumenya ko bahabasiga buri munsi bashobora kuhabategera bakabambura. Turasaba ko bajya babageza ku muryango bakahava ari uko binjiye.'

Abagura telefone zibwe na bo babwiwe ko bazabihomberamo haba abantu ku giti cyabo n'abazicuruza.

Ati 'Uragura telefone n'umuntu wayibye ni wowe ugwa mu gihombo. Harimo abo twafashe batwereka aho baziguze kandi abo bacuruzi iyo babuze uwo baziguze na we ni bo bagwa mu gihombo.'

Yihanangirije kandi abakura 'passwords' muri telefone cyangwa bagahindura 'serial numbers' zazo ko na byo ari icyaha ndetse muri abo bafashwe na bo barimo.

Icyaha cyo kwiba giteganwa n'ingingo ya 166 y'Igitabo giteganya ibayaha n'ibihano muri rusange.

Iyo ugikurikiranyweho abihamijwe n'urukiko ahanishwa igifungo cy'umwaka umwe ariko kitarenze imyaka ibiri n'ihazabu kuva kuri miliyoni imwe ariko itarenze miliyoni ebyiri z'amafaranga y'u Rwanda.

Telefone zibwe zirenga 300 zasubijwe benezo

Abasubijwe telefone ni abazibwe zigafatwa na RIB mu mezi atanu ashize

Abibwe telefone bagiye bazisubizwa

Dr Murangira yahereje telefone umwe mu bazibwe

Umuvugizi wa RIB, Dr. Murangira B. Thierry yasabye abantu kugira amakenga kuri telefone zabo

Abakurikiranyweho ubujura bwa telefone

Byagarutsweho ku wa 12 Gicurasi 2025, aho Isi yose yizihizaga Umunsi Mpuzamahanga w'Abaforomo, wahujwe n'uw'ababyaza uba ku 5 Gicurasi.

Imyuga y'ubuforomo n'ububyaza igenda itera imbere mu Rwanda kuko nko mu 1995 abayikora babarirwaga muri 400 mu gihugu hose, ariko kuri ubu barenga ibihumbi 17.

Ku rundi ruhande ariko abakora uyu mwuga bamaze iminsi bataka ko bahembwa intica ntikize, bituma ubuzima bwabo budashobora gutera imbere.

Umushahara wabo ubarirwa mu bihumbi 197 Frw. Hari n'abavuga ko bafite impamyabushobozi zo ku rwego rwo hejuru ariko bahemberwa ku zo ku rwego rwo hasi.

Umuyobozi Mukuru wa RNMU, Gitembagara André, yavuze ko bamaze imyaka myinshi bahembwa umushahara utajyanye n'igihe.

Yagize ati 'Muri iyi minsi nubaza ikibazo umuforomo, azagusubiza ko ari umushahara muke. Dufite ikibazo cy'uko ukiri hasi ukaba utanajyanye n'igihe, ivugururwa ry'umushahara mu buvuzi riheruka gukorwa mu 2016, imyaka icumi irashize nta mpinduka.'

Itegeko ry'umurimo riteganya ko umukozi akora amasaha 40 mu cyumweru ariko kwa muganga ntibishobora kubahirizwa.

Ati 'Iyo ugiye nko mu bitaro by'uturere cyangwa ibigo nderabuzima usanga harimo abaganga benshi bagikora amasaha hagati ya 50 na 60, yewe hari n'abayarenza mu cyumweru, ibyo rero bigira ingaruka ku buzima bwacu nk'abakozi ariko bikazigira no bantu duha serivise.'

Gitembagara akomeza avuga ko iyo umukozi atanga serivise ananiwe, bigakubitiraho na cya kibazo cy'imibereho itameze neza kubera wa mushahara ukiri muke byanze bikunze bigira ingaruka zitari nziza mu kazi bari gukora.

Yasabye bagenzi be gukorana umwete, bagatanga sirivise zirimo ubushishozi kugira ngo habungabungwe ubuzima bw'abaturage bakorera.

Abaforomo n'ababyaza mu Rwanda bagize hejuru ya 65% by'umubare w'abaganga bari mu gihugu.

Bizihije uyu munsi basangira banasabana

Urugaga rw'Abaforomo n'Ababyaza mu Rwanda (RNMU) rwiyemeje kugira ubufatanye mu guharanira iterambere ry’abaforomo, amaforomokazi n’ababyaza

Umuyobozi Mukuru wa RNMU, Gitembagara André yavuze ko abanyamuryango bakwiye gukorana ubushishozi bakirinda amakosa mu kazi kabo

Byari ibyishimo ku baforomo n’ababyaza bizihiza umunsi mukuru wabo

UConn iherereye i Storrs muri Leta ya Connecticut imwe muri 50 zigize Amerika. Yashinzwe mu 1881, ikaba imaze gushyira ku isoko abarenga ibihumbi 250.

Ambasade y'u Rwanda muri Amerika yashimiye Dr. Mbonye kuri iyo ntambwe yateye irakomeza iti 'Ni impamyabushobozi izirikana umusanzu ukomeye n'ubuhanga bye.'

Dr Mbonye asanzwe ari Umuyobozi w'Umuryango Nyarwanda wita kuri siyanse (Academy of Sciences) ndetse ni umuhanga mu bijyanye n'isanzure (astrophysicist).

Ni n'umuyobozi w'Itsinda ry'abashakashatsi ku bijyanye n'isanzure (Rwanda Astrophysics Space and Climate Sciences Research Group: RASCSRG) ryo muri Kaminuza y'u Rwanda, ndetse akaba no mu Kanama Ngishwanama mu bya Siyanse (National Science Advisory Group: SAG).

Ni umuhanga mu bijyanye no gukoresha imibare n'ubugenge mu kumenya ibibera mu isanzure (Theoretical Astrophysicist) n'ibijyanye no kumenya inkomoko y'isanzure (Cosmologist).

Afite Impamyabushobozi y'Ikirenga yakuye muri Kaminuza ya Connecticut mu 1995. Yigishije isomo ry'Ubugenge muri UConn, muri Kaminuza ya Michigan no muri Rochester Institute of Technology iherereye i Henrietta muri New York. Ndetse yanakoze mu Rwego rushinzwe iby'Isanzure muri Leta zunze Ubumwe za Amerika, NASA.

Mu 2012 ni bwo yagarutse muri Afurika, ahabwa imyanya itandukanye irimo kuba Umuyobozi w'agateganyo wa Kaminuza y'u Rwanda, Umuyobozi w'Ishami rya Kaminuza y'u Rwanda ry'Ubumenyi n'Ikoranabuhanga n'Umunyamabanga Nshingwabikorwa w'Inama y'Igihugu y'Ubumenyi n'Ikoranabuhanga (NCST), ku buyobozi bwe hashyizweho imishinga itandukanye iteza imbere urwego rw'ubumenyi n'ikoranabuhanga.

Dr Mbonye yabaye umwe mu bagize Inama y'Ubutegetsi ya Komisiyo y'Ubumenyi n'Ikoranabuhanga ya Afurika y'Uburasirazuba, ashinzwe kwandika ibyo iyo nama yemeje. Ni imirimo yakoze umwaka umwe kugeza mu 2018.

Yabaye Umuyobozi Mukuru w'Inama y'Ubutegetsi y'Ikigo cy'u Rwanda gishinzwe Ingufu, REG imyaka itatu kugeza mu 2018, ndetse uyu munsi akomeje gukora ubushakashatsi butandukanye muri Kaminuza y'u Rwanda.

Dr. Manasse Mbonye yahawe Impamyabumenyi y'Ikirenga y'icyubahiro na Kaminuza ya Connecticut

Dr. Manasse Mbonye yashimiwe uruhare akomeje kugaragaza mu guteza imbere ubumenyi n’ikoranabuhanga

Ibi byabereye mu Murenge wa Musasa, Akagari ka Gisiza ho mu Mudugudu wa Gihinga mu ijoro rya tariki 14 rishyira iya 15 Gicurasi 2025, mu masaha ya saa 3h00' z'ijoro.

Umunyamabanga nashingwabikorwa w'Umurenge wa Musasa, Bisengimana Janvier mu kiganiro na IGIHE yavuze ko uyu musore yatorotse afatirwa Nyabugogo..

Ati 'Yakubise anakomeretsa Se umubyara w'imyaka 64, aho barwaniye mu kabari kabo bapimiragamo inzoga, amukomeretsa mu mutwe bikomeye yahise yoherezwa mu bitaro bya Murunda ariko biba iby'ubusa kuko yapfuye ubwo bari bagiye kumwohereza mu bitaro bya Kigali CHUK, yahise atoroka ariko ku bufatanye n'inzego afatirwa muri Kigali (Nyabugogo).'

Yasabye abaturage gukumira icyaha kitaraba, bagatangira amakuru ku gihe ubuyobozi bugakurikirana hakiri kare, bitarabyara urupfu.

Umusore wo muri Rutsiro yishe Se afatirwa i Kigali agerageza gutoroka

Muri 2024, umusaruro w'ubuhinzi wazamutse ku kigero cya 5% kandi muri Gahunda ya Kabiri yo kwihutisha iterambere NST2 (2024 – 2029) biteganyijwe ko uzazamuka hejuru ya 6% buri mwaka no kwiyongera kuri 50% mu mpera za NST2.

Ingengo y'imari igenewe ubuhinzi mu 2025/2026 yagabanyutseho miliyari 11 Frw, iva kuri miliyari 233 Frw mu 2024/2025 igera kuri miliyari 222 Frw mu 2025/2026.

Basabye kandi guteganya amafaranga agenewe kwishyura ibirarane uturere dufitiye abacuruzi b'inyongeramusaruro kubera ko gutinda kubyishyura bishobora kubangamira imikoreshereze y'inyongeramusaruro bikagira ingaruka ku musaruro w'ubuhinzi.

Ikindi Abasenateri basabye ko ingengo y'imari igenewe ingufu yakongerwa kugira ngo icyerekezo cyo kugeza amashanyarazi kuri bose kizagerweho uko bikwiye.

Minisitiri Dr. Jimmy Gasore aheruka gutangariza Abadepite ko u Rwanda rufite gahunda yo gutanga umuriro w'amashanyarazi ku ngo zirenga ibihumbi 280 mu mwaka wa 2025/2026.

Ingengo y'imari igenewe korohereza urwego rw'abikorera no guhanga imirimo mu rubyiruko yagabanyutseho miliyari 82 Frw iva kuri miliyari 214 Frw mu 2024/2025 igera kuri miliyari 132 FRw mu 2025/2026.

Abasenateri kandi bagaragaje ko hakenewe kongerwa ingengo y'imari igenewe korohereza urwego rw'abikorera no guhanga imirimo mu rubyiruko kugira ngo abikorera bashishikarire gushora imari mu mishinga itandukanye, bityo bigire uruhare mu kugabanya ibitumizwa mu mahanga no kongerera urubyiruko amahirwe yo kubona imirimo irufasha kwiteza imbere.

Sena y'u Rwanda kandi yasabye ko ingengo y'imari igenewe Akarere ka Nyamagabe, Gisagara, Rutsiro, Kamonyi, Karongi n'aka Kayonza mu 2025/2026 yagabanyutse ugereranyije n'ingengo y'imari ivuguruye ya buri Karere mu 2024/2025 kandi Ubushakashatsi bwa Karindwi ku Mibereho y'Ingo (EICV7) bwaragaragaje ko tuza mu tw'imbere mu kugira abaturage bakennye kurusha utundi.

Perezida wa Komisiyo y'Iterambere ry'Ubukungu n'Imari muri Sena, Senateri Nsengiyumva Fulgence, yagaragaje ko kuba uturere turi inyuma tukaba twaranagenewe ingengo y'imari nto byaba bisa no kuduhuhura.

Ati 'Ni two turere twagenewe ingengo y'imari ntoya ugereranyije n'utundi kandi muri buriya bushakashatsi ni two turi inyuma. Ese si ukuduhuhura? Ingengo y'imari si yo kamara ngo iterambere rigerweho hari n'imikorere, ariko tuvuge ko ingengo y'imari Akarere kari gafite kakaba akanyuma, umuntu ntiyatekerezaga ko kari gakwiye gushyigikirwa ngo kagire aho kagera nako.'

Yasabye ko buri Karere muri utwo kakongererwa ingengo y'imari kugira ngo bigafashe kwihutisha gahunda zigamije gukura abaturage bako mu bukene.

Ikindi basabye ni ukugena ingengo y'imari igenewe ibikorwa byo guhuriza hamwe inzibutso, kubaka no gusana inzibutso za Jenoside yakorewe Abatutsi mu 1994.

Muri rusange Guverinoma y'u Rwanda yatangaje ko amafaranga ateganyijwe gukoreshwa mu ngengo y'Imari ya 2025/26 ari miliyari 7.032,5 Frw, aziyongeraho miliyari 1.216,1Frw ugereranyije na miliyari 5.816,4 Frw yo mu ngengo y'imari ivuguruye ya 2024/25.

Abasenateri basabiye ubuhinzi gutekerezwaho cyane

Abasenateri bagaragaje ibitekerezo byabo ku gutegura ingengo y’imari ya 2025/2026

Ubuyobozi bwa Sena y’u Rwanda

Perezida wa Komisiyo y'Iterambere ry'Ubukungu n'Imari muri Sena, Senateri Nsengiyumva Fulgence, ageza ku basenateri isesengura n’ibitekerezo bakusanyije

Hashize iminsi banki zo mu karere ziri kwiga uburyo zatangira kugura zahabu, u Rwanda rusanze ibindi bihugu nka Tanzania, Uganda na Kenya.

Guverineri wa Banki Nkuru y'u Rwanda, Soraya Hakuziyaremye, yabwiye abanyamakuru ko kugura zahabu ari uburyo bushya bugiye gufasha BNR mu bwizigame.

Ati 'Nka Banki Nkuru y'Igihugu y'u Rwanda, twafashe icyemezo cyo gutangira kureba uburyo twabyaza umusaruro zahabu. Uyu ni umutungo mushya, kandi nk'uko dukomeje kurebera kuri bagenzi bacu, tuzabatangariza mu mpera z'umwaka utaha w'ingengo y'imari, ingano ya zahabu tuzaba twarashoboye kugura.'

Hakuziyaremye yavuze ko intego y'ingenzi ya BNR mu bwizigame mu madovize ndetse n'ishoramari, ari uguharanira ko amafaranga aboneka n'ishoramari rigakorwa, hakahabo umutungo ufite agaciro kagaragara kandi hakaboneka n'inyungu.

Ati 'Urebye kuri zahabu uyu munsi, ibyo irabyujije. Rero ibyo dushingiraho uyu munsi, bitanga icyizere.'

Soraya yavuze ko inama y'ubutegetsi yamaze kwemeza ko BNR yatangira gushora imari muri zabahu, kandi ko bizatangirana n'umwaka w'ingengo y'imari uzatangira muri Nyakanga 2025. Ati 'Nibwo tuzatangira kongera zahabu mu byo tubara nk'umutungo wacu.'

Hashize imyaka myinshi zahabu ari umutungo wifashishwa na Banki Nkuru z'Ibihugu mu gushora imari n'ubwizigame. Ubu urebye ku Isi hose, Banki z'ibihugu zibarirwa umutungo wa zahabu ungana na toni ibihumbi 35, nibura bingana na 1/5 cya zahabu imaze gucukurwa.

Akamaro k'ingenzi ka zahabu kuri banki z'ibihugu ni ugushyiraho uburyo bunyuranye bw'ubwizigame cyane ko zahabu yo idapfa gutakaza agaciro ku isoko nubwo ifaranga ry'igihugu n'ubukungu byo byaba bidahagaze neza.

Ibihugu byinshi usanga ubwizigame bwabyo bushingiye ku madolari. Kugira ubwizigame muri zahabu bitanga umutekano usesuye bitandukanye no kugira ubwizigame mu mafaranga afatika kuko zahabu idashingiye ku mikorere ya banki iyo ariyo yose ishobora kugirwaho ingaruka n'ibibazo by'ubwumvikane buke cyangwa politiki.

Urugero ni nk'uko umutungo u Burusiya bwari bufite mu madolari, wafatiriwe kubera intambara yabwo muri Ukraine. Kuri zahabu, ibyo ntibyabaho kuko aba ari umutungo ufatika ubitswe.

Banki Nkuru y'Igihugu muri Tanzania yatangiye kugura Zahabu muri Kamena 2023, ndetse byageze muri Nzeri 2024 imaze kwibikaho ibiro 418. Muri icyo gihe, abacukura n'abacuruza zahabu, basabwe guha 20% by'umutungo wayo bafite, Banki Nkuru y'Igihugu ya Tanzania kugira ngo ibike ubwizigame bunini.

Guverineri wa Banki Nkuru y'Igihugu, Soraya Hakuziyaremye, yavuze ko guhera muri Nyakanga, izatangira kugura zahabu

Kuva ku icumbi ry'i Nyamirambo na Kacyiru, kugeza ku biribwa by'ibanze nka kawunga, ibiciro bikomeje kugorana ku buryo bamwe batangiye no kongera kwitekerezaho bati 'Harya iby'ibanze nkenerwa ni ibihe?' bitari uko babiyobewe ahubwo ibyari iby'ibanze bisigaye bikosha.

Ushobora kumva ibi ukagira ngo ni ayanjye. Ariko reka nkunyuriremo ubuhamya bushingiye ku kiganiro mperutse kugirana na mugenzi wanjye, mu minsi ishize wafatwaga nk'ubona agatubutse.

Uyu mugabo urongoye vuba, yinjiza ibihumbi 600 Frw ku kwezi. Turi kuganira yanyeretse ko ayo mafaranga ari iyanga mu buzima bw'i Kigali.

Yambwiye ko nubwo ahembwa ibihumbi 600 Frw ndetse agerageza kuyakoresha neza uko ashoboye ariko ukwezi kujya kurangira imibare yabaye imibare, ataba yagiye mu myenda agasingiza Imana.

Imbuto mu bitacyigonderwa n’ubonetse wese

Yagerageje gutura kure y'umujyi nubwo ari ho akorera, kugira ngo abashe kwigondera inzu yo gukodesha we n'umugore we n'umwana umwe afite.

Ati 'Mu 2023 nagiye mu nkengero za Kigali nshaka inzu y'ibyumba bibiri n'uruganiriro bansha ibihumbi 120 Frw ariko ubu bamaze kungeza kuri 200 Frw. Ni ya nzu imwe ntacyo nyirayo yahinduyeho.'

Twarakomeje turaganira ambwira ko nibura ku kwezi iwe bahahisha ibihumbi 230 Frw, ariko bakabaho mu buzima bw'ibanze.

Uwo mushahara we twarakomeje tuwutera imirwi, anyereka ko ku kwezi akoresha byibuze ibihumbi 70 Frw nk'ikiguzi cy'urugendo, wateranyaho amazi umuriro n'umukozi urera umwana, wa mushahara ukaba urirenze.

Niba umuntu uhembwa ibihumbi 600 Frw arira kandi ubona ko ari mu bahembwa neza, ugereranyije n'imishahara yo mu Rwanda wa muntu winjiza nibura ibihumbi 200 Frw ku kwezi kandi na we atuye mu Mujyi wa Kigali abayeho ate?

Ikiganiro cyanjye cyakomereje ku yindi nshuti yanjye. Ahembwa ibihumbi 400 Frw.

Mubajije uko ubuzima buhagaze, uyu mugabo utuye ku Gisozi yakomeje ati 'Nubwo mpembwa ibihumbi 400 Frw ariko usanga mpora mu madeni. Ukuraho ayo kwishyura inzu, kurya ay'urugendo, ukabona yose arashize pe. Ubanza byose bishingiye ku kuba ibiciro by'ibintu byinshi byarazamutse cyane uhereye ku nzu zo kubamo.'

Kugira ngo nemere ibyo yambwiye nanyarukiye mu isoko, icyakora nsanga nubwo ibiciro muri ibi bihe bigenda bigabanyuka ariko na none nsanga uwaryaga inyama gatatu mu kwezi, agomba kureba uko inshuro ebyiri yazisimbuza ibishyimbo bitaba ibyo, imibare ikamubana ibindi.

Ikilo cy'inyama zivanze ni 6000 Frw, wagera ku mbuto ugasanga ikilo cy'imyembe ni 2000 Frw, icy'ibirayi amake akaba 700 Frw, icy'amashaza 3000 Frw, ibishyimbo 1200 Frw, litiro y'amavuta 4500 Frw n'ibindi.

Negereye umucuruzi ambwira ko impamvu ari imisoro iba yazamutse na bo bagashakamo ayabo, indi mpamvu ikaba ba rusahurira mu nduru.

Litiro y’amavuta yo guteka hari aho ageze kuri 4500 Frw

Murindwa Andrew uranguza mu Isoko rya Nyarugenge ati 'Hari ubwo nk'amavuta aza yari amaze igihe yarabuze, yanaza akaza ari make, wagira amahirwe akaba ari wowe bayaha. Iyo uyafite wenyine uhita uhanika igiciro kuko abantu bose ari wowe baza kubaza.'

Yavuze ko mu bindi bituma ibiciro bizamuka harimo gukodesha, atanga urugero ko mu mezi atatu ashize yishyuraga ubukode bw'ibihumbi 500 Frw ubu bamugejeje ku bihumbi 700 Frw.

Ati 'Ayo namwishyuye muri Mata 2025 yayanze, njye nzayavana he? Ubwo bivuze ngo nanjye ndahita nongeraho ku biciro kugira ngo nyabone.'

Icyakora n'imibare y'Ikigo cy'Ibarurishamibare irabigaragaza, kuko nko kuva muri Mutarama kugeza muri Werurwe 2025, ibiciro ku masoko byazamutseho, 7,4%, 6,3% na 6,5% uko bikurikirana, ugereranyije n'ayo mezi ya 2024.

Uretse ibiribwa, amacumbi na yo ni kimwe mu by'ibanze nkenerwa ku muntu, ariko na byo bigenda bizamuka umunsi ku wundi, aho umuntu akora ibilometero n'ibilometero ajya gushaka aho yakwikinga mu ntanzi z'umujyi.

Umwe mu bafite inzu bakodesha ziherereye i Nyamirambo mu Karere ka Nyarugenge yambwiye ko mu myaka itatu ishize, ibintu byahindutse ku buryo nk'inzu y'icyumba n'uruganiriro yakodeshaga ibihumbi 80 Frw ubu ayikodesha ibihumbi 250 Frw kandi 'na zo zarabuze nubwo zihenze.'

Ati 'Ubwiyongere bw'abaza mu Mujyi wa Kigali butuma inzu zihenda ziba zishakwa na benshi ugahitamo utanga menshi. Ikindi ni ibiciro ku masoko. Mu mafaranga bampa ni yo nkuramo ibintunga nibizamuka nanjye nzazamura.'

Uyu mugabo agaragaza ko iterambere ry'Umujyi wa Kigali na ryo rituma ibiciro bizamuka kuko hari ubwo basabwa kuvugurura inzu zikajyana n'igihe na bo bagashaka kugaruza ayo batanze mu gukodesha.

Ati 'Umunyarwanda atunzwe n'icyo yavunikiye. Iyo nzu ninyivugurura wanyishyuraga ibihumbi 200 Frw, urumva nirangira ari yo nzakomeza kugukodesherezaho? Ntabwo bishoboka. Erega wibuke ko ibikoresho bihenze.'

Mugenzi we utuye mu Murenge wa Muhima mu Karere ka Nyarugenge mubajije impamvu yongeza ibiciro by'inzu uko bukeye, yarambwiye ati 'Igihe cyashize isukari yaguraga 800 Frw none ubu iri kugura angahe? Inyama zaguraga 3000 Frw ku kilo, uyu munsi zigura angahe? None njye ayo gukoresha nzayakura he?'

Uyu mushoramari ufite inzu zirenga 30 yumvikanisha ko ibintu byahenze bitari ku byo kurya gusa.

Yarakomeje ati 'Ikamyo ya Howo yuzuye umucanga mu minsi ishize yaguraga ibihumbi 200 Frw none uyu munsi kuyibonera ku bihumbi 500 Frw, uba wasenze.'

Ibiciro by’inzu biri kuzamuka umunsi ku wundi

Izamuka ry'ibiciro rizahoraho!

Umusesenguzi mu by'ubukungu, Teddy Kaberuka, yavuze ko impamvu ibiciro bikomeje gutumbagira ijyana n'ibirimo umusaruro muke w'u Rwanda, ihindagurika ry'ibiciro ku masoko mpuzamahanga, n'izamuka ry'idolari.

Mu minsi ishize Guverineri wa Banki Nkuru y'u Rwanda, Soraya Hakuziyaremye, yavuze ko Ifaranga ry'u Rwanda ryataye agaciro ku kigero cya 9,8% ugerenyije n'Idolari rya Amerika, mu gihe mu 2023 ryari ryagabanyutseho 18%.

Uko kugabanyuka, Kaberuka avuga ko na byo biri mu bituma ubuzima buhenda ati 'Niba ujya kurangura mu Bushinwa idolari rivunjwa 1200 Frw, yasubirayo agasanga ni 1250 Frw, naza ya 50 Frw arayongera ku giciro cy'igicuruzwa.'

Icyakora avuga ko nubwo ntako Leta itagira ngo bigabanyuke, ariko bigomba kubaho nk'igihugu kiri mu nzira y'amajyambere.

Ati 'Uko leta yakora kose ibiciro bizakomeza kuzamuka. Ariko nubwo iby'isoko ntacyo twabikoraho ariko icyo kongera umusaruro twagikoraho, tukawongera, haba mu buhinzi mu nganda n'ibindi.'

Yakomeje ati 'Uko umusaruro wiyongera n'amafaranga ariyongera, imishahara ikiyongera. Hashyirwe imbaraga mu gushakira abantu ibishoro, uhinga abone ifumbire n'imbuto, ucuruza abone igishoro, ibintu biboneke ku masoko. '

Agaragaza ko ari na byo byagira uruhare mu kugabanya umuvuduko w'Idolari, kuko abayashaka cyane baba bake, cya gicuruzwa cyajyaga gushakwa mu mahanga, igihugu kiba kigikizeho, ibikorerwa mu gihugu bikiyongera, n'ibyoherezwa mu mahanga bikaba byinshi.

Ku bijyanye n'amacumbi akomeje kuzamuka, Kaberuka abona ko nta cyo leta yabikoraho kuko zizamuka bijyanye n'izindi serivisi zazamutse.

Ati 'Niba ibiciro byo kubaka bizamutse, umufundi yarazamutse, isima yarazamutse, na nyir'inzu azashaka uko ayagaruza. Leta nta cyo babikoraho.'

Mu mboni ze kugira ngo Leta ihangane n'icyo kibazo, ni uko yashora mu kubaka inzu zihendutse, noneho umuntu akayibamo ashaka amikoro, nyuma akazayivamo yarabonye iye nk'uko bibaho mu bihugu byateye imbere.

Ati 'Si ngombwa ko leta iziha abantu burundu. Igomba kuzitanga ku muntu igihe cyagera akimuka hakajyamo abandi. Icyo uba ugamije ni ugufasha abantu kubona amacumbi'

Umusesenguzi mu bijyanye n’Ubukungu n’Iterambere, Teddy Kaberuka, agaragaza ko Leta ikwiriye guhindura uburyo itangamo inzu zo kubamo