Webrwanda Backend

Author: webrwanda

  • Ubushakashatsi bwagaragaje uburyo gusurira umukunzi wawe cyangwa uwo mwashakanye ari ikimenyetso gikomeye cy'urukundo #rwanda #RwOT

    Iyo umubano wakomeje kuba mwiza rero buri wese akiyumva muri mugenzi we hari igihe baba bameze nk'abavandimwe batagitinyana ku buryo buri wese yakora buri kimwe nta soni afite.

    Ese gusura uri kumwe n'umukunzi wawe ni ikibazo?

    Gusura ni ibintu bisanzwe nk'uko twabivuze haruguru ndetse ntiwabihagarika burundu nk'uko utareka kurya, kurira, guseka n'ibindi, ni igikorwa kibera mu mara aho aba yohereza umwuka utari mwiza hanze kandi ni ikimenyetso cy'ubuzima bwiza kuko haramutse hariho umuntu utabikora yaba afite ikibazo gikomeye.

    N'ubwo akenshi bifatwa nk'igikorwa giteye isoni ariko ubushakashatsi burabivuguruza aho bushimangira ko icyo gikorwa iyo gikozwe n'umuntu ari kumwe n'umukunzi we cyangwa uwo bashakanye bifatwa nk'ikimenyetso cy'urukundo nyarukundo.

    Umwe mu bakoraga ubu bushakashatsi ari we Decesare, mu gitabo yanditse cyitwa Naked Parenting avugamo ubuhamya bwe aho avuga ko umunsi wa mbere asurira umugabo we ari na wo munsi umunezero n'urukundo rwinshi byatashye mu rugo rwabo kuko umugabo we yahise yongera kwifuza kuzasazana n'umugore we kubera icyo gikorwa gifatwa nk'igisuzuguritse yari akoze.

    Niba utajya witangira ukabona urasuze uri kumwe n'umukunzi wawe kandi utabasha kubikorera mu ruhame, nuko wiyumva neza kandi ukaba wumva utekanye rwose, ibyo byerekana urukundo rukomeye mufitanye mwembi.

    Niba ufite umukunzi cyangwa uwo mwashakanye mujya museka cyane mugakwenkwenuka mu gihe umwe muri mwebwe asuze, mbese bikaba intangiriro y'ikiganiro cyanyu ni uko mwembi mukundana cyane ndetse bigaragaza ko ntacyo mujya muhishanya.

    Ikindi gikomeye ubushakashatsi bugaragaza ni uko niba utinya gusura uri kumwe n'umukunzi wawe cyangwa uwo mwashakanye bishatse kuvuga ko n'ubusanzwe hari ibindi bintu byinshi umuhisha, muri make ntabwo umwizera na gato. Nyuma yo gusoma iyi nkuru rero ntuzongere kwitangira uri kumwe n'umukunzi wawe, gusura ni igikorwa kizagufasha kwereka uwo ukunda ko umukunda by'ukuri kandi ko ntacyo umukinga.

    Source : http://umuryango.rw/ubuzima-115/imibereho/article/ubushakashatsi-bwagaragaje-uburyo-gusurira-umukunzi-wawe-cyangwa-uwo

  • Abajya ku nzibutso za Jenoside basabwe kubanza kwipimisha Covid-19: Impinduka mu bikorwa byo #Kwibuka27 –

    Umuhango wo gutangiza Kwibuka ku nshuro ya 27 Jenoside yakorewe Abatutsi, ku rwego rw’Igihugu uzabera ku Rwibutso rwa Kigali ruri ku Gisozi mu Karere ka Gasabo, Umujyi wa Kigali nk’uko bisanzwe bigenda buri mwaka.

    Bitandukanye n’umwaka ushize ubwo Abanyarwanda bari muri gahunda ya Guma mu Rugo, kuri iyi nshuro nyuma y’umuhango wo gucana urumuri rw’icyizere ku rwibutso rwa Kigali hazakurikiraho umuhango nyir’izina uzabera i Rusororo mu Intare Arena.

    Mu kiganiro yagiranye na RBA, Umunyamabanga Nshingwabikorwa wa CNLG, Dr Bizimana Jean Damascène, yavuze ko iki gikorwa kizakurikira umuhango wo gutangiza icyunamo ari nacyo kizavugirwamo ubutumwa nyamukuru.

    Mu bazacyitabira harimo abayobozi bakuru b’igihugu, abahagarariye ibihugu byabo mu Rwanda, abo mu nzego z’ibanze, abikorera, abanyamadini n’abacitse ku icumu n’ibindi byiciro bitandukanye.

    Ati “Mbega ibyiciro byose by’Abanyarwanda bizahagararirwa muri icyo gikorwa kizabera mu Intare Arena, kirangwe n’ibiganiro, ubuhamya, indirimbo ndetse n’ubutumwa nyamukuru bugenewe Abanyarwanda, inshuti z’u Rwanda n’amahanga yose. Icyo ni igikorwa gishya ugereranyije n’umwaka ushize.”

    Dr Bizimana yavuze ko abandi Banyarwanda bazakurikira ibi bikorwa mu buryo bw’ikoranabuhanga ririmo Radio na Televiziyo, ibinyamakuru ndetse n’imbuga nkoranyambaga.

    CNLG ivuga ko ibikorwa bitandukanye birimo urugendo rwo kwibuka ndetse n’umugoroba w’icyunamo byose nta bizaba. Ni mu gihe kandi icyumweru cy’icyunamo ibikorwa bisanzwe biba mu bihe bisanzwe byo kwibuka bizaba hatangwa ibiganiro mu buryo bw’ikoranabuhanga.

    Nk’uko amabwiriza yo kwirinda Covid-19, avuga ko gushyingura byemewe, ni nako bizagenda aho uturere twagiye tubona imibiri y’Abatutsi bishwe muri Jenoside muri uyu mwaka bizakorerwa ku nzibutso ariko hubahirizwa amabwiriza yo kwirinda ikwirakwira rya Covid-19.

    Dr Bizimana ati “Bivuze ko abaturage bafite ababo bataburuwe muri ibi bihe, imiryango izajya igena abayihagararira bakurikije umubare, inzego z’ibanze zizabikurikirana, iz’umutekano n’iz’ubuzima zizabikurikirana nk’uko bisanzwe ku buryo amabwiriza yubahirizwa.”

    Yakomeje agira ati “Iki kirajyana no kuba abantu bajya gushyira indabo ku nzibutso nabyo ni ibintu bifasha kwibuka ababo, kuzirikana abacu, icyo gikorwa nacyo abantu bashobora kuzajya bajya kugikora ariko bubahirije nanone ya mabwiriza yo kwirinda Covid-19, birinda kugenda ari benshi, ari ikivunge, hakajyayo umubare ugenwe wemewe.”

    Dr Bizimana avuga kandi ko abantu bakwiye kwirinda kujya bafata amamodoka arimo abantu benshi ngo babaherekeze nk’uko byari bisanzwe ahubwo bagashishikarizwa bajya bipimisha Covid-19, mbere yo kujya ku nzibutso.

    Ati “Bashobora kubikora mu byiciro bitandukanye cyangwa ku minsi itandukanye, ariko tubanashishikariza kubanza kwipimisha Covid-19 bakamenya uko bahagaze noneho kuba bagiye no kujya mu ruhame icyo bakacyubahiriza kandi bakirinda kugendera rimwe ari benshi. Inzego ntizabyemera kuko amabwiriza aba agomba kubahirizwa uko ateye.”

    Muri ibi bihe byo kwibuka ku nshuro ya 27 hateganyijwe ibiganiro bizajya bibera mu bigo bitandukanye na za Minisiteri aho bizajya bitangwa hifashishijwe ikoranabuhanga abakozi babyo bagasobanurirwa amateka yaranze Jenoside yakorewe Abatutsi.

    Umunyamabanga Nshingwabikorwa wa CNLG, Dr Bizimana Jean Damascène, yagaragaje uko umuhango wo kwibuka Jenoside yakorewe Abatutsi uzakorwa hubahirizwa amabwiriza yo kwirinda Covid-19

  • Covid-19: Minisitiri Gatabazi yasabye abatuye mu Majyepfo kwitwararika birinda gusubizwa muri #GumaMuRugo –

    Yabigarutseho kuri uyu wa Mbere tariki ya 5 Mata 2021 ubwo yari mu Karere ka Nyaruguru aho yagiranye ibiganiro n’abagize inzego z’ibanze, abavuga rikijyana n’abafatanyabikorwa.

    Minisitiri Gatabazi yaganiriye n’abo mu Mirenge ya Ruheru, Nyabimata, Muganza na Kivu.

    Yagarutse by’umwihariko ku bwiyongere bw’icyorezo cya Covid-19, avuga ko imibare y’abacyandura mu Majyepfo bakomeje kuba benshi, abasaba kwitwararika birinda ko bashyirwa muri gahunda ya guma mu rugo.

    Yagize ati “Intara y’Amajyepfo kuri ubu ni yo iri ku isonga mu bwandu bwa Covid-19 ku buryo bisaba ko abaturage mwongera imbaraga mu kubahiriza amabwiriza yo kuyirinda.”

    “Mu muhanda nagiye mbona abaturage batambaye agapfukamunwa, hari n’abaje hano mu nama batwambara ari uko bahageze, ntabwo ari ko bigenda. Agapfukamunwa ntabwo ari ako kwambara uje mu nama, ni ako kwirinda uri mu bandi baturage mutabana mu nzu, ba bandi baba bashobora kuba bafite aho banyuze utazi.”

    Yabibukije ko agapfukamunwa atari ako kwambara babonye abayobozi cyangwa abapolisi, ahubwo kagomba kwambarwa igihe cyose umuntu avuye mu rugo agiye aho ashobora guhura n’abandi.

    Ati “Urebye uko imibare ihagaze muri Huye, Gisagara, Ruhango, Nyaruguru n’ahandi, murasabwa kongera gutekereza kurushaho, mufate ingamba kuko nibiba ngombwa hari ibice bigomba gusubira muri guma mu rugo.”

    Minisitiri Gatabazi yabibukije ko guma mu rugo ari yo ihenda kurusha kwirinda, abasaba kubahiriza amabwiriza yose yashyizweho n’inzego z’ubuzima agamije gukumira Covid-19.

    Bamwe mu bitabiriye iyo nama batanze ibitekerezo bavuze ko bagiye kongera imbaraga mu gukumira ikwirakwira rya Covid-19 bubahiriza amabwiriza y’inzego z’ubuzima.

    Bimenyimana Venuste ati “Tugiye kongera imbaraga mu kwirinda kuko kuba imibare y’abandura Covid-19 iri kwiyongera bigaragara ko habayeho kudohoka mu Ntara yacu y’Amajyepfo.”

    Imibare ya Minisiteri y’Ubuzima imaze iminsi igaragaza ko abandura Covid-19 benshi bari kugaragara mu Ntara y’Amajyepfo.

    Mu minsi ishize Guverinoma y’u Rwanda yashizeho amabwiriza yihariye ku Turere twa Ruhango, Nyanza, Huye, Gisagara, Nyamagabe na Nyaruguru y’uko abantu bagomba kuba bageze mu rugo 19h00, bitandukanye n’ahandi mu gihugu kuko isaha yagizwe 21h00.

    Minisitiri Gatabazi yagiranye ibiganiro n’abagize inzego z’ibanze, abavuga rikijyana n’abafatanyabikorwa mu Karere ka Nyaruguru

    Minisitiri Gatabazi yasabye abatuye Intara y’Amajyepfo kwitwararika bakumira Covid-19 birinda gusubizwa muri guma mu rugo

    Minisitiri Gatabazi yasuye Akarere ka Nyaruguru kuri uyu wa Mbere, agirana ibiganiro byihariye n’abagatuye

    Abatanze ibitekerezo biyemeje kongera imbaraga mu gukumira icyorezo cya Covid-19

    Abitabiriye inama bahawe umwanya wo gutanga ibitekerezo

    Minisitiri Gatabazi aganira n’abo mu Mirenge ya Ruheru na Nyabimata muri Nyaruguru

    [email protected]

  • Abana ba Kabuga Félicien bavuze uburyo yafashwe bugwate n'umwunganizi we #rwanda #RwOT

    Mu itangazo rigenewe abanyamakuru ryasohowe mu izina ry'umuryango n'umuhungu we Donatien Nshimyumuremyi, bavuga ko bari basabye urukiko ko Bwana Altit akurwaho kubera ko yanze kubaha amakuru ajyanye na Kabuga n'uburyo ateganya gukoresha mu kumwunganira.

    Bwana Altit avuga ko abona Kabuga wenyine ari we wamuha amabwiriza, kandi gusangira amakuru n'abo mu muryango we “binyuranyije n'amabwiriza y'ibanga” ry'umwuga, nk'uko bivugwa n'inyandiko y'urukiko.

    Mu cyumweru gishize, urukiko rw'urwego rwa ONU/UN (UNIRMCT) rwasigaye ruca imanza zitarangijwe n'urukiko rwa Arusha rwategetse ko Altit akomeza kuba uwunganira Félicien Kabuga, mu gihe uyu yari yasabye kuva muri uru rubanza.

    Bwana Altit yabwiye BBC Gahuzamiryango dukesha iyi nkuru ko “ntacyo yavuga” kuri icyo cyemezo cy'urukiko.

    Mu mpera z'ukwezi kwa mbere, Bwana Altit yandikiye urwo rukiko asaba kwishyurwa akava muri uru rubanza kubera kutumvikana n'uwo yunganira n'umuryango we, nk'uko biri mu nyandiko ya UNIRMCT.

    Altit yunganira Kabuga kuva mu mwaka ushize nyuma y'uko afatiwe mu Bufaransa akagezwa imbere y'inkiko zaho maze akoherezwa i La Haye mu Buholandi ku ishami ry'urukiko mpuzamahaga rwa Arusha.

    Ni iki nyirizina kiri mu itangazo?

    Itangazo risubiramo amagambo ya Donatien Nshimyumuremyi, umuhungu mukuru wa Kabuga, agira ati:

    “Ubuzima bwa papa wacu bwakomeje kumera nabi kuva yagera i La Haye [The Hague] kandi umwunganizi we Emmanuel Altit ntabwo aravugana na papa wacu cyangwa abana be mu gihe kirenga amezi abiri, ndetse na nyuma yuko [papa wacu] akoze impanuka aho afungiye akaza kubagwa bikomeye”.

    “Turumva papa wacu arimo gufatwa bugwate n'umwunganizi we, wanga kuvugana na we cyangwa umuryango we kandi akaba atari kumwunganira uko bikwiye”.

    Nta cyo Bwana Altit yari yatangaza ku mugaragaro kuri ibi bishya bivugwa n'abana ba Kabuga.

    Abana ba Kabuga bavuga ko bagishije inama abanyamategeko mpuzamahanga bo mu manza mpanabyaha bakababwira ko ari ibintu bishoboka ko byumvikanyweho na Kabuga n'urugereko rumuburanisha, umwunganizi we yajya abaha amakuru ku buzima bwe, n'icyo ari kubikoraho.

    Urukiko ruvuga ko Me Altit washyizweho na UNIRMCT ngo yunganire uregwa adashobora no gukorera umuryango w'uregwa

    Bavuga ko ari bo b'ibanze bitaye kuri se “mu myaka ya vuba aha ishize kandi ni ibintu byatubabaje cyane gukumirwa n'umuntu ufatwa nk'ukwiye kuba aharanira inyungu za papa wacu mu buryo bushoboka bwose”.

    Bavuga ko bahangayikishijwe no kuba se amaze ukwezi kurenga ari mu bitaro i La Haye, kandi “afite intege nke cyane ari no mu rujijo kuburyo inama iheruka n'umucamanza yabaye gusa mu buryo bw'inyandiko kuko atashoboraga kwitabira”.

    Bati: “Ibyo bivuze ko, kuba umwunganizi amaze igihe kirekire ataramubona, papa wacu yahejwe burundu mu rubanza rufata icyemezo cyagira ingaruka ku buzima bwe”.

    “Dufite ubwoba ko umwunganizi arimo gukorana n'abategetsi ngo baburanishe papa wacu hatitawe ku buzima bwe bwo ku mubiri no mu mutwe kandi ko uburenganzira bwa papa wacu n'ubwacu burimo guhonyorwa”.

    Basaba ko urubanza rwa Kabuga ruburanishwa “mu mucyo kurushaho” kandi akemererwa kubona “umwunganizi yizeye kandi natwe tuzi neza ko azaharanira inyungu ze uko bishoboka kose”.

    Kabuga w'imyaka 85, nk'uko byavuzwe mu rukiko, yafatiwe mu Bufaransa mu kwezi kwa gatanu nyuma y'imyaka irenga 20 yihisha ubucamanza mpuzamahanga.

    Mu kwezi kwa 11/2020 yasomewe ibyaha bya jenoside, ahawe umwanya Me Altit wari umwunganiye yagize ati: “…ndasaba ko mwemera ko nta cyo avuga ariko binavuze ko atanemera ibyo aregwa.”

    Source : http://umuryango.rw/amakuru/mu-mahanga/article/abana-ba-kabuga-felicien-bavuze-uburyo-yafashwe-bugwate-n-umwunganizi-we

  • Source : https://agakiza.org/????-LIVE-IGITARAMO-10-Lewis-Vocal-Band-ndirimbo-Topic-Igisobanuro-cya-Pasika-7845-7845-7845-7845-7845.html

  • Huye: Abiga imyuga beretswe ibyo bashobora gukora bikabarinda ubushomeri basoje amasomo –

    Ni igikorwa iryo huriro ryakoze risanze abo banyeshuri aho biga mu bigo birimo Don Bosco Rango TVET School; VTC Rwabuye na Koperative ya ‘Kora’ ikorera mu Rwabayanga.

    Iryo huriro ryatangijwe mu Ukwakira 2020 rifite intego yo kunga ubumwe hagati y’abafatanyabikorwa b’akarere mu gusaranganya amahirwe ahari yateza imbere urubyiruko harandurwa ikibazo cy’ubushomeri.

    Umuyobozi wa YDA mu Karere ka Huye, Kayisire Pauline, yavuze ko basuye ibyo bigo mu rwego rwo kumenyekanisha iryo huriro.

    Yakomeje avuga ko kandi rigiye gufasha urubyiruko kumenya amahirwe ari mu karere no kurushyigikira mu bikorwa by’iterambere.

    Yagize ati “Iyi mikoranire n’abafatanyabikorwa igiye kudufasha guhuza amakuru, gukurikirana no gusangiza amahirwe urubyiruko.’’

    Yakanguriye abafatanyabikorwa bafite gahunda zunganira urubyiruko bagana Akarere ka Huye no kwegera YDA mu rwego rwo kunoza ibikorwa byabo.

    Bamwe mu rubyiruko baganirijwe bavuze ko bari bafite impungenge ko nibarangiza kwiga bazabura icyo bakora bagakomeza kuba abashomeri, ariko ibiganiro bahawe bibongereye icyizere no kwiga bashyizeho umwete.

    Hasuwe umwe mu rubyiruko wahuguwe witwa Ntawuhiganayo Nicodeme witinyutse, agatangira gucuruza ahereye ku bihumbi 10 Frw ariko ubu akaba ageze ku bushobozi bwo kubona inyungu y’amafaranga 3000 Frw ku munsi.

    Yagize ati “Inama nabagira ni ukwirinda ubunebwe, gukura amaboko mu mufuka kandi ntidutinye akazi.’’

    Uwitwa Byiringiro François ukorera ububaji muri Koperative Kora, yavuze ko nyuma yo guhabwa amahugurwa, kuri ubu yatangiye kubona inyungu.

    Kayitare Léon Pierre, umukozi w’Akarere ka Huye ushinzwe Ihuriro ry’abafatanyabikorwa mu Iterambere yavuze ko YDA ari ingenzi kuko ije gufasha urubyiruko rw’aka karere.

    Ati “Ibyo twiteze kuri aba bafatanyabikorwa ni ugushyira hamwe tukareba amahirwe ahari, tugafatanya gutanga amakuru ku rubyiruko rutayafite, cyane cyane urubyiruko rutuye mu byaro.”

    “Twiteze ko ubufatanye tuzagirana buzatuma amahirwe tubasha kuyasaranganya ndetse tukabasha gufasha urubyiruko.”

    Kugeza ubu YDA mu Karere ka Huye imaze kugira abafatanyabikorwa bagera kuri 32 ikaba ifite intego yo kuzazenguruka akarere kose imenyekanisha ibikorwa byayo.

    Basuye urubyiruko rwiga imyuga itandukanye

    Kugeza ubu YDA mu Karere ka Huye imaze kugira abafatanyabikorwa bagera kuri 32 ikaba ifite intego yo kuzazenguruka akarere kose imenyekanisha ibikorwa byayo

    Ni igikorwa iryo huriro ryakoze risanze abo banyeshuri aho biga mu bigo n’aho bakorera hanze

    Urubyiruko rwiga imyuga rwaganirijwe rusabwa kwigana umwete

    [email protected]

  • Huye: Abiga imyuga beretswe ibyo bashobora gukora bikabarinda ubushomeri basoje amasomo – #rwanda #RwOT

    Ni igikorwa iryo huriro ryakoze risanze abo banyeshuri aho biga mu bigo birimo Don Bosco Rango TVET School; VTC Rwabuye na Koperative ya 'Kora' ikorera mu Rwabayanga.

    Iryo huriro ryatangijwe mu Ukwakira 2020 rifite intego yo kunga ubumwe hagati y'abafatanyabikorwa b'akarere mu gusaranganya amahirwe ahari yateza imbere urubyiruko harandurwa ikibazo cy'ubushomeri.

    Umuyobozi wa YDA mu Karere ka Huye, Kayisire Pauline, yavuze ko basuye ibyo bigo mu rwego rwo kumenyekanisha iryo huriro.

    Yakomeje avuga ko kandi rigiye gufasha urubyiruko kumenya amahirwe ari mu karere no kurushyigikira mu bikorwa by'iterambere.

    Yagize ati 'Iyi mikoranire n'abafatanyabikorwa igiye kudufasha guhuza amakuru, gukurikirana no gusangiza amahirwe urubyiruko.''

    Yakanguriye abafatanyabikorwa bafite gahunda zunganira urubyiruko bagana Akarere ka Huye no kwegera YDA mu rwego rwo kunoza ibikorwa byabo.

    Bamwe mu rubyiruko baganirijwe bavuze ko bari bafite impungenge ko nibarangiza kwiga bazabura icyo bakora bagakomeza kuba abashomeri, ariko ibiganiro bahawe bibongereye icyizere no kwiga bashyizeho umwete.

    Hasuwe umwe mu rubyiruko wahuguwe witwa Ntawuhiganayo Nicodeme witinyutse, agatangira gucuruza ahereye ku bihumbi 10 Frw ariko ubu akaba ageze ku bushobozi bwo kubona inyungu y'amafaranga 3000 Frw ku munsi.

    Yagize ati 'Inama nabagira ni ukwirinda ubunebwe, gukura amaboko mu mufuka kandi ntidutinye akazi.''

    Uwitwa Byiringiro François ukorera ububaji muri Koperative Kora, yavuze ko nyuma yo guhabwa amahugurwa, kuri ubu yatangiye kubona inyungu.

    Kayitare Léon Pierre, umukozi w'Akarere ka Huye ushinzwe Ihuriro ry'abafatanyabikorwa mu Iterambere yavuze ko YDA ari ingenzi kuko ije gufasha urubyiruko rw'aka karere.

    Ati 'Ibyo twiteze kuri aba bafatanyabikorwa ni ugushyira hamwe tukareba amahirwe ahari, tugafatanya gutanga amakuru ku rubyiruko rutayafite, cyane cyane urubyiruko rutuye mu byaro.'

    'Twiteze ko ubufatanye tuzagirana buzatuma amahirwe tubasha kuyasaranganya ndetse tukabasha gufasha urubyiruko.'

    Kugeza ubu YDA mu Karere ka Huye imaze kugira abafatanyabikorwa bagera kuri 32 ikaba ifite intego yo kuzazenguruka akarere kose imenyekanisha ibikorwa byayo.

    Basuye urubyiruko rwiga imyuga itandukanye

    Kugeza ubu YDA mu Karere ka Huye imaze kugira abafatanyabikorwa bagera kuri 32 ikaba ifite intego yo kuzazenguruka akarere kose imenyekanisha ibikorwa byayo

    Ni igikorwa iryo huriro ryakoze risanze abo banyeshuri aho biga mu bigo n’aho bakorera hanze

    Urubyiruko rwiga imyuga rwaganirijwe rusabwa kwigana umwete

    [email protected]

    Source : http://igihe.com/amakuru/u-rwanda/article/huye-abiga-imyuga-beretswe-ibyo-bashobora-gukora-bikabarinda-ubushomeri-basoje

  • Mu mashusho ihere ijisho ubukwe bw’umunyamakuru Mbabazi Gerard wa RBA, Minisitiri bamporiki yabutashye(VIDEO) #rwanda #RwOT

    Umunyamakuru wa RBA, Mbabazi Gerard yakoze ubukwe na Uwase Alice bari bamaze imyaka 3 bakundana.

    Uyu munsi habaye umuhango wo gusaba no gukwa, gusezerana imbere y’Imaba byabereye muri Paruwasi ya Regina Pacis i Remera.

    Uretse iyi mihango, habaye n’umuhango wo gushyingirwa. Ni ubukwe bwatwashywe n’umunyamabanga wa Leta muri Minisiteri y’Urubyiruko n’Umuco, Edouard Bamporiki.

    Source : http://isimbi.rw/imyidagaduro/article/mu-mashusho-ihere-ijisho-ubukwe-bw-umunyamakuru-mbabazi-gerard-wa-rba-minisitiri-bamporiki-yabutashye-video

  • Nyir'ikamyo iherutse guteza impanuka ya Gariyamoshi yatwaye ubuzima bw'abantu benshi cyane ari kwicuza #rwanda #RwOT

    Lee Yi-hsiang, w'imyaka 49, yavuze ko “ababajwe bikomeye” n'iyo mpanuka kandi ko ashaka “kwihanganisha bya nyabyo” ababuze ababo.

    Ku wa gatanu, ikamyo ye ifite igice cy'inyuma kirambuye yari iparitse ahantu hateze, ariko iranyerera isubira inyuma, bituma gariyamoshi ita inzira yayo hafi y'umujyi wa Hualien.

    Abantu batari munsi ya 50 – barimo n'umushoferi wa gariyamoshi – barapfuye, naho abandi barenga 200 bakomerekera muri iyo mpanuka.

    Abakora iperereza bavuga ko amashusho yafashwe na 'cameras' z'umutekano (CCTV) yo mu gice cy'imbere cya gariyamoshi yagaragaje umushoferi wayo afite amasegonda 6.9 gusa yo kugira icyo akora kandi iyo gariyamoshi yari iri mu ntera ya metero 250 gusa uvuye kuri iyo kamyo.

    Bavuga ko icyo gihe kitari gihagije ngo abe yahagarika iyo gariyamoshi ngo abuze uko kugongana.

    Ubu iperereza ririmo kureba niba Bwana Lee yarananiwe gufata feri y'ubutabazi bwihuse cyangwa niba hari ikibazo cya tekinike cyari kiri mu modoka ye.

    Mu mpera y'icyumweru gishize yahaswe ibibazo n'abashinjacyaha, bamurekura atanze ingwate, ariko ku cyumweru yongeye gufungwa kubera ko afatwa nk'ushobora gutoroka ubutabera kandi mbere urukiko rwigeze kumuhamya icyaha, nkuko ibitangazamakuru byo muri Taiwan bibivuga.

    Asoma itangazo ari imbere y'abanyamakuru hanze y'inzu ye, Bwana Lee yavuze ko azakorana n'abakora iperereza kuri iyo mpanuka, ndetse “nirengere ibyo nkwiye kwirengera”. Nuko ahita ajyanwa na polisi.

    Yari umwe mu itsinda rihora rigenzura inzira ya gariyamoshi yo mu burasirazuba mu gace k'imisozi ka Taiwan, bareba iby'inkangu n'ibindi byago. Binibazwa ko ari we wari utwaye iyo kamyo.

    Iyo gariyamoshi igizwe n'ibice umunani by'ubwikorezi, yari irimo iva mu murwa mukuru Taipei ijya mu mujyi wa Taitung ubwo yagonganaga n'iyo kamyo, ikagwa mu nzira yo munsi y'ubutaka mu majyaruguru y'umujyi wa Hualien.

    Yari yuzuye abantu bagiye mu kiruhuko kirekire cyo mu mpera y'icyumweru, kandi benshi mu bagenzi hafi 500 bari bayirimo bashobora kuba bari bahagaze kubera ko yari yuzuye cyane.

    Bamwe mu barokotse iyo mpanuka bapfushije abagize imiryango yabo bose, nkuko bitangazwa n'ibiro ntaramakuru AFP, ndetse Taiwan yatangaje icyunamo cy'iminsi itatu.

    Hakomeje kubazwa ibibazo ku kigero cy'uko iyo gariyamoshi yari yuzuye, no kuba nta nzitiro zari ziri kuri ako gace k'inzira ya gariyamoshi.

    Ibi byatumye ku cyumweru Minisitiri wa Taiwan wo gutwara abantu n'ibintu, Lin Chia-lung, asaba kwegura ku mirimo ye.

    Kuri Facebook, yanditse ati: “Nkwiye kuba naremeye ibyo nanengwaga byose mu minsi micye ishize, ariko ntitwakoze neza bihagije”.

    Ariko, leta ya Taiwan ntabwo iremera ubwegure bwe, ndetse yavuze ko akwiye kuguma ku mirimo ye kugeza iperereza rirangiye.

    Source : http://umuryango.rw/amakuru/mu-mahanga/article/nyir-ikamyo-yateje-impanuka-ya-gariyamoshi-yatwaye-ubuzima-bw-abantu-benshi

  • Gasana Darlne wabaye Miss CBE na Miss Congen… – #rwanda #RwOT

    Gasana Edna Darlène yari mu bakobwa bahataniye ikamba rya Miss Rwanda 2015 ryegukanywe na Miss Kundwa Doriane, ariko nawe yari mu bakobwa bahabwaga amahirwe muri aya marushanwa ndetse yanegukanye ikamba ry'umukobwa w'intangarugero mu mibanire n'abandi (Miss Congeniality). Nyuma kubura ikamba rya Miss Rwanda 2015, ntiyacitse intege kuko yahise anitabira amarushanwa ya Miss CBE, ndetse akaza kuryegukana.

    Kuri ubu uyu mukobwa yamaze kwambikwa impeta y’urukundo n’umusore witwa Christian bamaze imyaka 8 bakundana. Ni mu birori byabaye ku mugoroba wo ku Cyumweru tariki 04/04/2021 ubwo hirya no hino ku Isi bizihizaga Umunsi Mukuru wa Pasika – Izuka rya Yesu Kristo. Miss Darlene yakorewe ibi birori mu buryo bwamutunguye cyane dore ko hari hashize iminsi micye yizihije isabukuru y’amavuko, akaba ari ho umuntu yakeka cyane ko ari bwo yari gukorerwa ‘Surprise’ ariko ntibibe.

    Miss Darlene yambitswe impeta mu birori byabereye kuri Inka Steakhouse mu Mujyi wa Kigali. Mu kiganiro na InyaRwanda.com, uyu mukobwa yadutangarije ko umusore wamwambitse impeta bamaze imyaka 8 bakundana. Urukundo rw’aba bombi ntirwamenyekanye mu itangazamakuru kabone nubwo bamaranye igihe kingana gutya. Ku bijyanye n’ubukwe bwabo n’ubwo nta mpapuro z’ubutumire zirajya hanze, amakuru yizewe ahari avuga ko buzaba muri uyu mwaka kuri Boxing Day ni ukuvuga tariki 26 Ukuboza 2021.

    REBA AMAFOTO Y’UKO BYARI BIMEZE UBWO DARLENE YAMBIKWAGA IMPETA

    Bagiye kurushinga nyuma y’imyaka 8 bamaze bari mu munyenga w’urukundo

    Miss Darlene n’umukunzi we bari banezerewe cyane

    AMAFOTO: Shane Costt – Afrifame Pictures

    Source : https://inyarwanda.com/inkuru/104566/gasana-darlene-wabaye-miss-cbe-na-miss-congeniality-muri-miss-rwanda-yambitswe-impeta-numu-104566.html