Author: webrwanda

Maj Gen Nyakarundi yabwiye abasirikare n'abapolisi bitegura kujya mu butumwa ko abo bagiye gusimbura bakoze akazi gakomeye mu gufasha gusubiza ibintu ku murongo mu ntara ya Cabo Delgado, abasaba kubyubakiraho bubahiriza inshingano zabo neza.

Yabasabye kurangwa n'ikinyabupfura no kwimakaza gukorera hamwe kugira ngo bazabashe kubahiriza inshingano boherejwemo.

Ubutumwa bw'inzego z'umutekano z'u Rwanda muri Mozambique bukubiye mu masezerano ibihugu byombi byagiranye ku busabe bwa Mozambique mu 2021.

Hari nyuma y'uko ibyihebe byigaruriye Intara ya Cabo Delgado, kuva mu 2017 kugeza mu 2021, bikica abaturage bagera kuri 3000, benshi baciwe imitwe, ibyo byanatumye abagera ku bihumbi 800 bava mu byabo, bahungira mu nkambi imyaka ine yose.

Mu 2022 inzego za gisirikare z'u Rwanda na Mozambique zasinye amasezerano yo kwagura imikoranire hagamijwe kurushaho gushyira imbaraga mu bikorwa biri kubera i Cabo Delgado no kubaka ubushobozi bw'inzego z'umutekano z'imbere mu gihugu.

Icyakora hari abiyemeza, akumva ko inzira zose byanyuramo agomba gukabya inzozi ze uko byagenda kose, kabone n'iyo yaba nta bushobozi afite bwo gukora ubwo bukwe bw'akataraboneka.

Iyo myumvire ni imwe ituma umuntu ajya kwaka imyenda y'umurengera, haba muri banki cyangwa muri bagenzi be, ariko ashaka gukabya za nzozi.

Ibyo bijyana n'ibyateye wagira ngo gukora ubukwe hari 'formule' izwi bigomba gukurikiza, aho ubona bimwe mu bigize imihango y'ubukwe bitwara amafaranga menshi, biramutse bitanakuwemo nta cya byakwica.

Ntiwakwirengagiza kandi abakora ubukwe bw'agatangaza bashaka kwemeza abantu cyangwa bakabikora mu buryo bwo guhangana, kuko inshuti ye yabukoze cyangwa umukozi bakorana, na we agakubita agatoki ku kandi ati 'nzamwemeza.'

Iyo agize amahirwe ya mafaranga akayabona, akora ubukwe bw'igitangaza koko, ariko kuko nyine butajyanye n'amikoro ye mu mezi ane akurikiyeho, ibibazo bitangira kuba ibibazo, akagenda yububa acengana n'abo abereyemo amadeni.

Aha ni ha handi ugasanga umuntu imyaka yagombaga kuba ari gutera imbere ayimaze yishyura ibyakoreshejwe mu masaha atagera no kuri 24 kandi nta nyungu byazanye.

Ese koko birakwiye ko umuntu afata ideni?

IGIHE yaganiriye n'abaturage batandukanye barimo n'abakoze ubukwe, batanga ibitekerezo bitandukanye by'uko babyumva.

Niyitegeka Nathanael yavuze ko gusaba inguzanyo umuntu agiye gukora ubukwe ari ibintu byeze, icyakora nta kabuza biteza igihombo uwo muryango ugiye kubana.

Yagize ati 'Ntabwo bikwiriye ko ujya gufata ideni kugira ngo ukore ubukwe ugamije kunezeza abantu, iyo bigenze gutyo birangira bishyize rwa rugo mu gihombo.'

Yavuze ko we igihe yakoraga ubukwe atigeze ashaka kwemeza abantu ahubwo yakoze ibijyanye n'ubushobozi bwe kandi ntibyabujije ko ubukwe butahwa.

Uwizeye utuye i Kabuga we avuga ko iyo abantu bafashe inguzanyo kugira ngo bakore ubukwe bituma umuryango usenyuka mbere y'uko wubakwa.

Ati 'Mu bukwe abantu bakoresha amafaranga menshi kandi yakabaye azamura uwo muryango, gufata miliyoni 5 Frw ukazishora mu bukwe uba ugiye gusesagura kuko biragoye ko ayo mafaranga uzayasubizaho byoroshye.'

Kureka gukora ubumwe byaba ari uguta umuco?

Ubukwe ni ikintu gikomeye mu muco Nyarwanda, buri mubyeyi wese aba yumva ari ishema kubona umwana we abukoze, ariko se tuzishime aho tutishyikira kugira ngo tudatakaza umuco?

Sinzabakwira Jean Damascene, we abona ko byose bipfira mu gukora ibyo umuntu adashoboye, ko umuntu wese yakora ubukwe mu bushobozi afite kandi bukagenda neza.

Ati 'Nta mpamvu yo gushaka ibyishimo bikujyana mu gihombo, birashoboka ko watumira abantu 20 ushoboye kwakira kurenza uko watumira abantu 100 bikagusaba kujya mu ideni.'

Abihuza na Niyitegeka Charlotte, uvuga ko buri muntu yakora ubukwe mu bushobozi bwe ndetse we avuga ko atari bwo bwubaka urugo ahubwo hubaka Imana.

Niyitegeka kandi abona ko mu gihe nta bushobozi buhari, icyiza ari uko abantu babana bakazakora ubukwe nyuma barabonye ubushobozi.

Ibi yabigarutseho ku wa 23 Gicurasi 2025, mu mwiherero wahuje abayobozi bari mu ruhererekane rw'impu n'ibizikomokaho mu Rwanda (Rwanda Leather Value Chain Association — RLVCA).

Mukamugema yagaragaje ko MINAGRI ikomeje gushishikariza aborozi kunoza uburyo bororamo kugira ngo ibyo batanga bibyare inyungu kurushaho.

Yagize ati 'Duharanira ko umworozi yorora neza kugira ngo inyama, impu n'ibindi bikomoka ku matungo bizamure umusaruro kandi bibone isoko.'

Yongeyeho ko MINAGRI ikorana n'izindi nzego zirimo Minisiteri y'Ubucuruzi n'Inganda, ndetse n'ibigo bishinzwe ubuziranenge kugira ngo hazamurwe ireme ry'ibikomoka ku mpu.

Mu mwaka wa 2022, nyuma yo kugaragarizwa imbogamizi abakora muri uru rwego bahura na zo, Minisiteri y'Ubucuruzi n'Inganda yemeye gushyira imbaraga mu kubaka uruganda rutunganya impu mu Rwanda.

Ibi byatumye hashingwa Kigali Leather Cluster, ariko nyuma hagaragazwa ko iri huriro ryibanda ku bakorera mu Mujyi wa Kigali, hashyirwaho irindi ririmo abaturuka mu gihugu hose, ari ryo RLVCA.

Ubu RLVCA rigizwe n'abarenga 3000 barimo 300 bafite ibyangombwa n'urubyiruko rwinshi, rufite inyota yo kwihangira imirimo binyuze mu bikomoka ku mpu. Nubwo uruganda rutari rwubakwa, ahazubakwa haramenyekanye. Gusa haracyari ikibazo cy'abashoramari mu kugira uruhare muri uwo mushinga.

Umuyobozi wa RLVCA, Jean d'Amour Kamayiresi, yavuze ko Banki Nyafurika Itsura Amajyambere (AfDB) imaze gutanga inkunga ya miliyari imwe n'igice kugira ngo uru rwego ruzamuke.

Yagize ati 'Iyo nkunga izadufasha gutangira gukora ibikomoka ku mpu mu gihugu imbere, aho kuzohereza hanze ngo tubigure menshi tubigarura inaha. Twifuza ko abanyarwanda bambara ibikorerwa iwacu.'

Bagaragaje korora neza amatungo ni inkingi ikomeye mu rugendo rwo gutunganya impu zujuje ubuziranenge mu Rwanda. Nubwo hari intambwe imaze guterwa, urugendo ruracyakomeje cyane cyane mu gushaka ishoramari rizafasha kubaka uruganda rwifuzwa.

MINAGRI n'abafatanyabikorwa bakomeje guhuriza hamwe imbaraga kugira ngo uru rwego rutere imbere kandi ruzamure ubukungu bw'igihugu.

Umuyobozi wa RLVCA, Jean d'Amour Kamayiresi, yavuze ko Banki Nyafurika Itsura Amajyambere imaze gutanga inkunga ya miliyari imwe n'igice kugira ngo uru rwego ruzamuke

Umuyobozi Mukuru ushinzwe uruhererekane nyongeragaciro muri Minisiteri y'Ubuhinzi n'Ubworozi (MINAGRI), Alice Mukamugema, yagaragaje ko korora neza amatungo ari ingenzi mu kongera umusaruro w'impu zujuje ubuziranenge

Abenshi batanze ibitekerezo by’uburyo uru rwego rwatera imbere

Ni amakuru akubiye mu itangazo ryashyizwe hanze ku wa 25 Gicurasi 2025 n'Umuvugizi w'Agateganyo wa UPDF, Chris Magezi.

Iryo tangazo rivuga ko icyo cyemezo cyafashwe bitewe n'uruhare rutaziguye rwa Ambasaderi w'u Budage muri Uganda, Mathias Schauer, mu bikorwa bigamije guhirika ubutegetsi muri iki gihugu.

Col Magezi yavuze ko icyo cyemezo cyashingiwe ku makuru yizewe ava mu butasi bwa Uganda, yemeza ko Amb Schauer ari gukorana n'imitwe yitwaje intwaro igamije guhirika ubutegetsi bwa Uganda.

Ati 'Ubufatanye bwose buzakomeza guhagarara kugeza ubwo hakemuwe byuzuye iki kibazo cya Ambasaderi [Schauer] ukomeje gukorana n'imitwe ya politiki n'iyitwara gisirikare ikorera mu gihugu irwanya Guverinoma ya Uganda.'

Ku itariki 23 Gicurasi 2025 ni bwo UPDF yatangiye gushinja Ambasaderi Schauer gushyigikira imitwe y'abantu barwanya ubutegetsi bwa Perezida Yoweri Museveni.

Ni imitwe iri kuvuka ku bwinshi mu gihe hitegurwa amatora y'Umukuru w'Igihugu mu 2026, igamije guhungabanya umutekano w'ahahurira abantu benshi no kwangiza ibikorwaremezo.

Col. Magezi yavuze ko inzego z'ubutasi za Uganda ziryamiye amajanja nyuma yo kumenya ko mu bice bitandukanye bya Uganda hari iyo mitwe ishyigikiwe n'abarimo Ambasaderi Schauer.

Uganda n'u Budage bifatanya mu bikorwa bitandukanye bya gisirikare, nko gutanga amahugurwa, gutanga ibikoresho bigezweho, kurwanya iterabwoba no kubungabunga umutekano, ubutabazi bw'ibanze inkunga mu by'ubuzima, amasomo mu bya gisirikare n'ibindi.

Uganda yahagaritse ubufatanye bwayo n’u Budage mu bya gisirikare

Mu 2021 ubwo Umugaba Mukuru w'ingabo za Uganda, Gen Muhoozi Kainerugaba, yari kumwe na Amb Matthias Schauer

SAMIDRC yatangiye gucyura ibikoresho byayo tariki ya 29 Mata 2025, hashingiwe ku cyemezo cyafashwe n'abakuru b'ibihugu by'umuryango wa Afurika y'amajyepfo (SADC) tariki ya 13 Werurwe 2025, cyo guhagarika ubutumwa bwayo.

Muri iki cyiciro hatashye amakamyo 35 atwaye ibikoresho by'intambara, byanyujijwe mu Rwanda, bigakomereza muri Tanzania.

Mu masaha ashyira saa 16h00' z'umugoroba wo kuri uyu wa 25 Gicurasi 2025, imodoka zitwaye ibi bikoresho by'intambara bitwikiriye amahema, ni bwo zahagurutse ahazwi nko mu Rugerero mu Karere ka Rubavu zikomeza zerekeza Musanze-Kigali.

Abasirikare bagize SAMIDRC abenshi muri bo baracyari mu bigo byabo i Goma no mu nkengero za Sake, amakuru ahari ni uko bazataha ibikoresho byabo bimaze gushira muri iki gihugu.

Tariki ya 19 Gicurasi 2025, mu masaha y'ijoro nibwo icyiciro cya gatandatu cy'ibikoresho bya SAMIDRC cyaherukaga kunyuzwa mu Rwanda.

Muri iri shuri hari abana 22 barimo abatawe n'ababyeyi babo bagakomeza kwibana, abananiranywe na ba mukase n'abandi bagiye bafite ibibazo bitandukanye bibana ariko bakomeje umuhate wo kwiga batitaye ku bibazo bafite.

Umwe muri aba bana wiga mu mwaka wa gatandatu w'amashuri yisumbuye, yagize ati 'Hari ibibazo twagize, ababyeyi baradusiga, twegereye ubuyobozi bw'ikigo turabibabwira, batwemerera kudufasha mu kubona ibyo kurya ku manywa na nijoro ndetse banatwemerera kuduha ibindi bikoresho by'ishuri. Ni ibintu byatumye dukomeza kwiga none tugiye gusoza.''

Keza (Izina ryahinduwe) na murumuna we bafashijwe n'ikigo, cyemera kubagaburira ku manywa na nijoro nyuma yo gusigara ari bonyine.

Ati 'Ni ibintu bidufasha cyane kuko tuva hano turiye n'ibya nijoro ku mugoroba noneho bigatuma usubira mu masomo nta nzara.''

Mugenzi wabo wiga mu mwaka wa gatanu w'amashuri yisumbuye we yavuze ko yatawe n'ababyeyi be, abibwira ubuyobozi bw'Ikigo bumwemerera kumugaburira saa Sita na nijoro ndetse bunamwemerera n'ibindi bikoresho.

Ati 'Nahereye mu mwaka wa kane bangaburira kugeza na n'ubu, iyo hari n'akazi kabonetse mu kigo barakampa nkagakora noneho bakampa amafaranga amfasha mu bundi buzima. Ubu ndibana nakabaye naragiye kuba mayibobo ariko ndashimira ubuyobozi bw'Igihugu cyacu n'ikigo cyacu bamfashije nkakomeza kwiga.''

Umuyobozi wa GS Mukarange, Alexandre Havugimana, yavuze ko uretse kubagaburira ku manywa na nijoro babashakira n'ibindi bikoresho by'ishuri ku buryo bibafasha kwiga neza.

Ati ''Harimo abana bapfushije ababyeyi babo, hari abo ababyeyi basize ariko ukabona umwana arashaka kwiga, rero twarabirebye tubona hari abana 22 batwegereye batubwira ibibazo bafite. Dufata umwanzuro w'uko tubagaburira Saa Sita na nimugoroba ku buryo ataha nta kibazo cy'inzara afite kandi rwose biri gutuma biga neza.''

Umuyobozi w'Akarere ka Kayonza, Nyemazi John Bosco, yashimiye igikorwa cyiza cyakozwe n'iri shuri, asaba ibindi bigo kugira uruhare mu kwita ku bana nk'aba baba bibana.

Kuri ubu iki kigo cya GS Mukarange gifite abanyeshuri hafi 3000 barimo abiga mu mashuri abanza n'abiga mu mashuri yisumbuye, bose biga bataha.

Bamwe mu bana bagaburirwa n'ishuri ku manywa na nijoro, bavuga ko batawe n'ababyeyi babo

Umuyobozi wa GS Mukarange, Havugimana Alexandre, avuga ko kuri ubu abana 22 bagaburirwa ku manywa na nijoro kubera ibibazo bafite mu miryango

Umuyobozi wungirije w'Akarere ka Nyamasheke ushinzwe Iterambere ry'Ubukungu, Muhayeyezu Joseph Désiré yabitangaje ku wa 24 Gicurasi 2025, mu gikorwa cyo kwibuka abapasiteri, n'abakirisitu b'Itorero Methodiste Libre mu Rwanda, conference ya Kibogora bishwe muri Jenoside yakorewe Abatutsi.

Ni igikorwa cyabanjirijwe no gufasha uwarokotse Jenoside yakorewe Abatutsi utishoboye mu Murenge wa Macuba, no kunamira Abatutsi bashyinguye mu Rwibutso rwa Jenoside rwa Hanika.

Ni igikorwa kibaye mu gihe hashize icyumweru kimwe, Nyirangirinshuti Thérèsie, umukecuru wo mu Karere ka Nyamasheke warokotse Jenoside yishwe atemwe n'abamusanze mu rugo iwe, bikekwa ko bafite ingengabitekerezo ya Jenoside.

Visi Meya Muhayeyezu yihanganishije imiryango y'abavugabutumwa n'abakirisitu bishwe muri Jenoside, agaragaza ko bibabaje kuba n'ubu hari abagifite ingengabitekerezo ya Jenoside.

Ati “Abavugabutumwa turabasaba ko inyigisho za Bibiliya twazihuza n'ubuzima busanzwe, tukubaka ubumwe bw'Abanyarwanda, kugira ngo turebe ko twarandura burundu ingengabitekerezo n'amacakubiri kuko birihuta kumvikana iyo izo nyigisho zitanzwe n'umuvugabutumwa kurenza iyo zitanzwe na gitifu w'umurenge”.

Umushumba wa EMLR, mu Rwanda ari nawe Uhagarariye iri torero ku rwego rw'Isi, Bishop Samuel Kayinamura, yavuze ko bashyizeho gahunda y'uko igikorwa cyo kwibuka kizajya gikorwa muri conference zose uko ari 10 no bigo bishamikiye ku itorero birimo iby'uburezi n'ubuvuzi, ndetse ngo bashyizeho n'itsinda ryo kwibukiranya amateka ya Jenoside kugira ngo bamenye imyirondoro y'abapasiteri, abadiyakoni, abaririmbyi n'abakirisitu b'itorero ryabo bishwe muri Jenoside.

Bishop Kayinamura yavuze ko abitabira igikorwa cyo kwibuka badakwiye kubifata nk'umuhango, ko ahubwo bakwiye kujya bakuramo amasomo yo mu buzima bwabo bwa buri munsi.

Ati “Mu gikorwa cyo kwibuka twumvamo abantu bari babi dukwiye kwirinda ibyo bakoze, ariko harimo n'abantu beza dukwiye kwigana ibyo bakoze”.

Mu itorero EMLR conference ya Kibogora habarurwa Abatutsi 51 bishwe muri Jenoside barimo umupasiteri umwe. Nta mupasiteri waho wakoze Jenoside icyakora nta n'uwarokoye Abatutsi.

Kwibuka abayoboke ba EMLR Kibogora bishwe muri Jenoside byitabiriwe n’abayobozi mu nzego zitandukanye

Visi Meya Muhayeyezu yasabye abavugabutumwa kwifashisha Bibiliya mu kwigisha ubumwe bw’Abanyarwanda

Bishop Kayinamura Samuel yasabye abitabira ibikorwa byo kwibuka kujya bakura amasomo kuri Jenoside

Mukangira Angelique warokokeye i Hanika, avuga ko Jenoside yakoranywe ubukana kugera aho abicanyi bica Abatutsi bambaye amakanzu y’Abapadiri

EMLR, conference ya Kibogora yagabiye uwarokotse Jenoside

Ni pack yamuritswe mu muhango wabereye ku Cyicaro Gikuru cya MTN Rwanda.

Iyi pack izajya itanga iminota yo guhamagara 200, n'ubutumwa bugufi (SMS) 200 kuri 200Frw.

Umwihariko w'iyi pack ni uko izajya irangira Saa Sita z'ijoro z'umunsi ukurikiye uwo wayiguriyeho.

Umuyobozi ushinzwe kwamamaza iyi pack muri MTN, Ritah Umurungi, yavuze ko ubu buryo bworohereza Abanyarwanda bakunda gukoresha telefone mu buzima bwabo bwa buri munsi.

Ati 'Iyi pack ya DESA DE, yaba umuntu uvuga cyane, yaba uri gutereta, yaba uvuga ubucuruzi, mbese igihe cyose ushatse guhamagara, DESA DE ni yo gisubizo.'

Yakomeje avuga ko 'Iyo mvuze Desa, abantu bahita bumva ibiceri 200 Frw, rero ni uburyo bwiza bwo gutuma umuntu yumva vuba icyo dushaka kuvuga, ni pack ya 200 Frw, iguha iminota 200 na SMS 200.'

MTN ubusanzwe igira pack zigenewe urubyuriko ndetse n'izigenewe abantu bakuru, gusa DESA DE yo ishobora kugurwa n'abantu b'ingeri zose aho baherereye hose mu gihugu.

Ni pack ikoreshwa ku murungo wa MTN gusa, aho ushobora kuyigura ukanze *140*22#.

Iyi pack kandi ushobora kuyigura ukoresheje MoMo wigurira cyangwa ugurira undi muntu.

Umuhanzi Bushali niwe uzamenyekanisha iyi 'pack' nshya ya MTN Rwanda

Ni igikorwa cyabereye ku cyicaro cy'Ingabo z'u Rwanda, RWANBATT-2, mu Kigo cya Gisirikare cy'Ingabo za Loni i Malakal.

Iki gikorwa cyateguwe n'Ingabo z'u Rwanda kigamije gufasha abaturage batuye muri uyu Mujyi wa Malakal uherereye mu Ntara ya Upper Nile.

Amahugurwa yibandaga ahanini ku buryo abo babyeyi bashobora gutegura indyo yuzuye, bakoresheje ibikomoka muri iki gihugu ndetse berekwa akamaro ka yo mu guharanira ubuzima bwiza bw'umwana.

Nyuma y'ayo mahugurwa abagore 120 bayitabiriye bahawe impamyabushobizi.

Umuyobozi wa Polisi mu Ntara ya Upper Nile, Maj Gen Joseph Mayon Akoon, yashimiye Ingabo z'u Rwanda ku buryo zikomeje gufasha abagore bo muri Malakal kwiteza imbere ndetse anazashimira uburyo zikomeje gukorana neza n'abaturage bahatuye muri rusange.

Maj Gen Akoon yakomeje ashishikariza abahawe amahugurwa kuzayakoresha neza bafasha abana babo kubona indyo yuzuye, anabasaba ko bakwiriye kwigisha abandi batitabiriye kugira ngo bakomeze barwanye imirire mibi n'ingwingira mu bana.

Umuyobozi wa RWANBATT-2, Lt Col Charles Rutagisha, yavuze ko ishema rya buri mubyeyi, ari ukugira abana bafite ubuzima buzira umuze, yemeza ko kubigeraho bihera ku kubaha indyo yuzuye.

Yibukije abari bitabiriye icyo gikorwa ko umwana wagaburiwe neza, avamo umuturage mwiza ukora inshingano ze uko bikwiriye, yerekana uburyo ahazaza ha Sudani y'Epfo hashingiye ku bakiri bato bakomeye kandi bafite ubuzima bwiza.

Abari n’abategerugori bo mu Ngabo z’u Rwanda bari muri UNMISS bigishije ababyeyi bo muri Sudani y’Epfo gutegura indyo yuzuye

Ababyeyi bo muri Sudani y’Epfo bahawe impamyabushobozi nyuma yo kwigishwa uko bategura indyo yuzuye

Amahugurwa y’iminsi itatu yateguwe n’ingabo z’u Rwanda ziri mu butumwa bwo kugarura amahoro muri Sudani y’Epfo

Ababyeyi 120 bo muri Sudani y’Epfo basoje amahugurwa y’iminsi itatu bahawe n’Ingabo z’u Rwanda abafasha kumenya uko bategura indyo yuzuye