Author: webrwanda

Ni ingingo Depite Uwamariya yagarutseho mu gikorwa cyo kwibuka ku nshuro ya 31 Jenoside yakorewe Abatutsi mu Bitaro Bikuru bya Kaminuza bya Butare (CHUB).

Uruhare rw'abaganga, abaforomo n'ababyaza bari mu myanya y'ubuyobozi muri CHUB rwarigaragaje cyane mu gutegura no gushyira mu bikorwa Jenoside, aho abarwayi n'abarwaza basaga 300 biciwe muri ibi bitaro.

Mu ngero zitangwa harimo Dr. Nshimyumuremyi Jean Berchimas wari umuyobozi wungirije wa Kaminuza Nkuru y'u Rwanda (UNR) wamenyekanye mu gutegura ibikorwa by'ubwicanyi, harimo no gushyiraho 'Komite y'Inkunga y'Umutekano' yari igamije gutera inkunga Interahamwe.

Uyu yagize uruhare mu iyicwa rya bamwe mu bayobozi nka Dr. Jean Baptiste Habyarimana, wari Perefe wa Perefegitura ya Butare, anafatanya n'abandi baganga ba CHUB mu bwicanyi.

Undi ni Dr. Munyemana Sosthène, wari umwarimu muri Kaminuza y'u Rwanda ndetse akaba n'umuganga muri CHUB. Yahamijwe ibyaha bya Jenoside mu Bufaransa, aho yahawe igihano cy'imyaka 24, ariko Urukiko Gacaca rwo rukamukatira imyaka 30 mu 2007, ku bwicanyi yakoreye muri CHUB no muri Tumba, aho yiciye abagore n'abana.

Hari kandi Dr. Sindikubwabo Théodore, wabaye Perezida muri Leta y'Abatabazi, akaba yari na muganga w'inzobere mu kuvura abana.

Uyu yatanze amabwiriza yo gukoresha ubumenyi bwa kiganga mu kwica Abatutsi mu nama yahurije hamwe abaganga b'Abahutu ku wa 21 Mata 1994 muri CHUB.

Yababwiye gukoresha ubumenyi bwabo mu kwica Abatutsi, harimo nko kwerekana aho umuntu agomba gukomeretsa kugira ngo apfe vuba, ndetse banabyigisha Interahamwe.

Hari kandi Dr. Gatera wari muganga w'amagufa wakoresheje gaze y'ubumara (Formol) mu kuvumbura Abatutsi bari bihishe mu ishyamba hafi ya CHUB maze baricwa.

Undi muganga wagize uruhare muri Jenoside ni Dr. Nshimyumukiza Jotham, wari umuyobozi w'ibitaro. Yahamijwe ibyaha bya Jenoside birimo no kwica abarwayi, abaganga n'ababyaza yari ayoboye.

Uyu azwiho kuba yarabwiye abasirikare ba ESO ko uwitwaga Karekezi Jean Claude wari umuforomo muri CHUB ari Umututsi, maze bamwicira imbere y'abarwayi.

Ashingiye kuri aya mateka, Depite Uwamariya Vénéranda, wari witabiriye iki gikorwa, yasabye ko aba bicanyi bakidegembya bakurikiranwa mu bihugu bihishemo kandi bakamburwa n'ibyangombwa byo kuvura.

Ati ''Abatarafatwa bakwiye guhagarikwa ku murimo wo kuvura, bakanavanwa ku rutonde rw'abaganga bemerewe gukora. Bakwiye kandi no gushyikirizwa inkiko, kugira ngo abo bishe n'abo biciye bahabwe ubutabera.''

Amateka agaragaza ko byibura abaganga n'abaforomo basaga 60 bakoraga muri CHUB bakoze Jenoside haba mu bitaro, mu Mujyi wa Butare ndetse no mu nkengero zaho.

Abagize inzego z’umutekano bashyize indabo ku mva

Depite Uwamariya Vénéranda ashyira indabo ku rwibutso rwa UR-Huye ruruhukiyemo abazize Jenoside barimo n’abo muri CHUB

Umuyobozi Mukuru w’Agateganyo w’Ibitaro bya CHUB, Dr. Ngarambe Christian, yavuze ko abaganga ba none biyemeje kuziba icyuho cy’abaganga bijanditse muri Jenoside

Abatanze ubuhamya bagarutse ku kaga bahuye nako ubwo bahungiraga mu Bitaro bya CHUB

Depite Uwamariya Vénéranda yasabye ko abaganga bahemukiye u Rwanda bari mu mahanga bamburwa ibyangombwa byo kuvura bakanashyikirizwa inkiko

Ibi byabaye mu ijoro ryo ku wa 25 Gicurasi 2025, mu Murenge wa Rubavu, Akagari ka Gikombe, ho mu Mudugudu wa Gafuku.

Umuvugizi wa Polisi mu Ntara y'Iburengerazuba, SP. Karekezi Twizere Bonaventure yabwiye IGIHE ko inzego zishinze iperereza zatangiye gushaka amakuru ku rupfu rw'uyu mugabo.

Ati 'Yishwe atewe icyuma n'umumotari utaramenyekana. Umurambo we wajyanywe ku bitaro bya Gisenyi kugira ngo ukorerwe isuzuma (autopsie), mu gihe iperereza rikomeje ngo hamenyekane uwakoze iki cyaha, kandi afatwe agezwe imbere y'ubutabera.'

Yakomeje yihanganisha umuryango wagize ibyago.

Ati 'Turihanganisha umuryango wa nyakwigendera muri ibi bihe bikomeye, kandi tunasaba abaturage gutanga amakuru yose yafasha mu gutuma ukekwaho icyaha afatwa.'

Yanaboneyeho gusaba abaturage kwirinda kwishora mu makimbirane no mu bikorwa by'ubugizi bwa nabi, ndetse no gutanga amakuru ku gihe, kuko umutekano ari inshingano ya buri wese, kandi ko ubufatanye bw'inzego z'umutekano n'abaturage ari bwo shingiro ry'umutekano urambye.

Baribarira Jean Pierre utuye muri uyu Murenge wa Rubavu, yabwiye IGIHE ko bibabaje 'kuba umuntu yicirwa hagati y'amazu, ku matara yaka kandi kuri kaburimbo, ese abahaturiye bo kuki batatabaye, hakaneye gukazwa ingamba.'

Inzego zishinzwe umutekano zageze ahakorewe ubu bugizi bwa nabi

Batsinze mu marushanwa ngarukamwaka yitwa 'Chinese Bridge Competition', aho abanyeshuri bahatana mu ngeri zinyuranye z'umuco n'ururimi rw'Igishinwa.

Ku urwego rw'Igihugu ayo marushanwa yabaye ku wa 25 Gicurasi 2025 muri Kaminuza y'u Rwanda. Ategurwa n'ikigo cy'uburezi cy'Abashinwa, Confucius Institute gifite ishami muri UR.

Hahatanaga icyiciro cy'abanyeshuri bo muri koleji enye za UR ndetse n'amashuri ane yisumbuye, mu gihe icyiciro cy'abiga mu mashuri abanza cyo kizahatana muri Nyakanga.

Abahatana ni abigishwa Igishinwa nk'isomo babangikanya n'andi asanzwe ndetse mbere yo kwitabira irushanwa ryo kugaragaza ibyo bashoboye babanza gukora irindi ry'ikizamini cyanditse.

Muri kaminuza, mu mashuri abanza n'ayisumbuye hahembwa imyanya ine ya mbere bagahabwa ibikoresho bitandukanye birimo mudasobwa no kujya mu Bushinwa.

Uwa mbere mu biga muri kaminuza n'abo mu mashuri yisumbuye ahabwa buruse yo kujya kwiga Igishinwa mu Bushinwa, gutemberezwa muri icyo gihugu ndetse no guhagarira Igihugu mu marushanwa y'Igishinwa ku rwego rw'Isi azaba muri Kanama 2025.

Uwa kabiri mu biga muri kaminuza na we ahembwa gutemberezwa mu Bushinwa n'ibikoresho na ho indi myanya yose igahembwa ibikoresho bitandukanye.

Irafasha Blaise wabaye uwa mbere mu biga muri UR yabwiye IGIHE ko iyo ntsinzi ari inzozi ze zibaye impamo kuko yatangiye kurushanwa mu 2019 akiga mu mashuri yisumbuye kandi ko yiteze kugera kure mu rurimi rw'Igishinwa.

Ati 'Hasigaye amarushanwa yo ku rwego rw'Isi kandi nizeye kuzahagararira u Rwanda neza nk'uko na hano nabikoze. Igishinwa nakibonyemo amahirwe menshi kuko nko mu gihe cy'ibiruhuko natangiye kugikuramo amafaranga. Mfite gahunda yo kukiga nkagera ku mpamyabumenyi ya PhD.'

Igiraneza Sano Cynthia wahize abandi mu mashuri yisumbuye yavuze ko Igishinwa ari ururimi akunda cyane kandi ko kujya kurwiga mu Bushinwa ari amahirwe kuri we no ku gihugu.

Ati 'Niga ibijyanye na mudasobwa mu Rwanda rero nishimiye kuba nzajya kwiga mu Bushinwa kuko nzabasha gukurayo ubumenyi bujyanye na byo mbuzane mu Rwanda bufashe n'abandi.'

Umuyobozi wa Koleji y'Uburezi muri UR, Dr. Prof. Nsanganwimana Florien, yavuze ko iryo rushanwa ari amahirwe akomeye ku banyeshuri kuko ribafasha kwigaragaza ku ruhando mpuzamahanga bikababera amahirwe akomeye mu iterambere ryabo.

Umuyobozi wa Confucius Institute muri UR, Zeng Guangyu yavuze mu Rwanda Igishinwa cyatangiye kwigishwa mu 2009 bigeze mu 2014 hatangira irushanwa rya 'Chinese Bridge Competition', rituma umubare w'abakimenya wiyongera aho ubu habarwa abagera mu 20.000 bakimenye, bibafungurira amarembo anyuranye.

‘Chinese Bridge Competition’ ni amarushanwa ngarukamwaka

Abanyeshuri bahatanye mu buryo bunyuranye bw’ibihangano by’Igishinwa

Igiraneza Sano Cynthia wahize abandi mu mashuri yisumbuye, yavuze ko Igishinwa ari ururimi akunda cyane kandi ko kujya kurwiga mu Bushinwa ari amahirwe kuri we no ku gihugu

Imyanya yahembwe ni ine muri kaminuza no mu mashuri yisumbuye

Irakoze Blaise watsindiye kuzahagararira u Rwanda mu biga muri kaminuza, yahawe ishimwe ari kumwe na mushiki we

Umuyobozi wa Confucius Institute muri UR, Zeng Guangyu, yavuze ko mu Rwanda Igishinwa cyatangiye kwigishwa mu 2009

Umuyobozi wa Koleji y'Uburezi muri UR, Dr. Prof. Nsanganwimana Florien, yavuze ko iryo rushanwa ari amahirwe akomeye ku banyeshuri kuko ribafasha kwigaragaza ku ruhando mpuzamahanga

Ni umuhango wabaye ku wa 24 Gicurasi 2025. Abahawe impamyabumenyi ni abarangije amasomo mu mashami atandukanye arimo Icungamutungo, Ubucuruzi mpuzamahanga, Gucunga imishinga, Imiyoborere no guteza imbere ibigo na Engineering.

John Osborne, Umwarimu akaba n'Umuyobozi w'amasomo mpuzamahanga muri Oklahoma Christian University, yavuze ko intego yabo ari gukomeza gufasha Abanyarwanda kubona impamyabumenyi zikomeye kandi bitabasabye kujya mu mahanga.

Ati 'Intego ni uguha abanyeshuri b'abahanga mu Rwanda ubumenyi buhanitse mu masomo agiye atandukanye arimo Engineering ndetse n'ibijyanye n'ubucuruzi, kandi bitabasabye kuza ku cyicaro cya Oklahoma muri Amerika.'

Yakomeje avuga ko kubera iyo ntego bafite bagiranye imikoranire na I&M Bank Rwanda Plc, kugira ngo borohereze abanyeshuri babo babuze amafaranga y'ishuri kwiga nta nkomyi.

Yagize ati 'Twaricaye dutekereza uburyo bwakorohereza abanyeshuri b'Abanyarwanda kubona ubu burezi, nibwo twagiranye imikoranire na I&M Bank, ku buryo bwo gufasha abanyeshuri kwishyura ishuri bitabagoye.'

Oklahoma Christian University yatangije ishami mu Rwanda mu 2012 ku gitekerezo cya Perezida Paul Kagame, kubera umubano mwiza iyi kaminuza yari ifitanye n'u Rwanda.

Iyi kaminuza itanga amasomo yayo mu buryo bw'ikoranabuhanga bwashyizweho, aho umunyeshuri wiga ari mu Rwanda bitamusaba kujya mu ishuri, ahubwo ashobora kwigira aho ari kandi igihe ashakiye.

Iyi kaminuza kandi itanga impamyabumenyi iri ku rwego mpuzamahanga cyane ko amasomo aba banyeshuri baba bahabwa ari ayo kuri kaminuza ya Oklahoma muri Amerika nk'uko Mbaraga Ivan, Umuyobozi nshingwabikorwa w'iyi kaminuza mu Rwanda yabivuze.

Ati 'Iyi mpamyabumenyi iba yerekana ko yemewe na Amerika, ni kuvuga ngo ni impamyabumenyi yemewe ku rwego mpuzamahanga kandi yujuje ibisabwa byatuma ishobora gukoreshwa aho ariho hose ku Isi.'

Kuri ubu Oklahoma Christian University yatangiye gutanga amasomo y'icyiciro cya kabiri cya kaminuza, mu rwego rwo gukomeza gufasha Abanyarwanda kubona uburezi bwiza kandi bufite ireme.

Iyi kaminuza kuva yatangira gukorera mu Rwanda imaze gutanga impamyabumenyi z'icyiciro cya gatatu cya kaminuza ku banyeshuri b'Abanyarwanda barenga 600.

Oklahoma Christian University itanga impamyabumenyi z'icyiciro cya gatatu cya Kaminuza ziri ku rwego mpuzamahanga

Umuyobozi ushinzwe amasomo mpuzamahanga muri Oklahoma Christian University, yavuze ko intego yabo ari guha Abanyarwanda uburezi bufite ireme

Ivan Mbaraga yavuze ko iyi kaminuza imaze imyaka igera kuri 20 itanga impamyabumenyi ku banyeshuri b'Abanyarwanda

Abanyeshuri bavuze ko ubumenyi bahawe bugiye kubafasha kurushaho kunoza ibyo bakoraga

Byari ibyishimo ku banyeshuri barangije amasomo muri Oklahoma Christian University

Ibi yabigarutseho mu buhamya yatanze ku wa 24 Gicurasi 2025, ubwo Itorero Methodiste Libre mu Rwanda ryibukaga ku nshuro ya 31 abayoboke baryo muri conference ya Kibogora bishwe muri Jenoside yakorewe Abatutsi.

Ni igikorwa cyabanjirijwe no kuremera uwarokotse Jenoside utishoboye no kunamira abashyinguye mu Rwibutso rwa Jenoside yakorewe Abatutsi rwa Hanika.

Mukangira ushinzwe imicungire y'uru rwibutso yavuze ko Jenoside yabaye ari kuri Paruwasi ya Hanika aranaharokokera.

Uyu mubyeyi wavukanaga n'abavandimwe batanu, batatu muri bo bakicwa muri Jenoside yavuze ko nyuma y'iminsi itatu bahungiye kuri iyi paruwasi barenga ibihumbi 15 bagabweho igitero cy'Interahamwe zitwaje intwaro gakondo zirimo imipanga, amahiri na ntampongano y'umwanzi.

Ati 'Padiri Mategeko yabonye ko bikomeye atugira inama yo kurunda amabuye twirwanaho biba iby'ubusa. Uwo munsi hano hishwe Abatutsi'.

Nyuma y'uwo Interahamwe zinjije mu Kigo Nderabuzima no mu nyubako za Paruwasi zirahasahura zisahura n'amakanzu y'abapadiri.

Ati 'Abicanyi bafashe amakanzu y'abapadiri bica bayambaye bakarabira amaraso mu nzu y'Imana. Twari tuziko nta muntu wakwicira abantu mu Kiliziya'.

Mukangira yashimiye abatarahigwaga bahishe Abatutsi n'Ingabo z'Inkotanyi zahagaritse Jenoside yakorewe Abatutsi.

Umushumba Mukuru w'Itorero Methodiste Libre mu Rwanda, ari na we urihagarariye ku Isi, Bishop Samuel Kayinamura yihanganishije Mukangira n'abandi barokotse Jenoside yakorewe Abatutsi abasaba gukomera.

Mukangira Angelique warokokeye I Hanika avuga ko Jenoside yakoranwe ubukana kugera aho abicanyi bica Abatutsi bambaye amakanzu y’abapadiri

Bishop Kayinamura Samuel yasabye abitabira ibikorwa byo kwibuka kujya bakura amasomo kuri Jenoside

Iyi mbuga yari yahungiyemo Abatutsi barenga ibihumbi 15

Yabigarutseho ubwo abayoboke ba ADEPR Gihogwe n'abanyamuryango bayo bibukaga ku nshuro ya 31 Jenoside yakorewe Abatutsi muri mu 1994.

Ni igikorwa cyabaye ku wa 24 Gicurasi 2024, kibera kuri Paruwasi ya Gihogwe iherereye mu Murege wa Jabana mu Karere ka Gasabo.

Abo bayoboke basawe basabwa gutanga umusanzu mu rugamba rw'iterambere no kurwanya abapfobya bakanahakana Jenoside.

Iki gikorwa cyaranzwe n'ibiganiro byibanze ku mateka yaranze u Rwanda ndetse hanagaragazwa intambwe nziza igihugu cyateye, himakazwa gahunda ya Ndi Umunyarwanda.

Mukanizeyimana yavuze ko kwibuka ari umwanya mwiza wo kuzirikana abishwe muri Jenoside no gusubiza amaso inyuma kugira ngo hatekerezwe ku byabaye abantu baharanira ko bitazongera kuba ukundi.

Yongeraho ko nk'abakirisitu, Ijambo ry'Imana bigishwa rikwiye kubabera intwaro nziza yo kwitwara neza mu byo bakora byose.

Ati 'Ntabwo abishwe muri Jenoside mu 1994 bishwe n'abatarasengaga gusa, harimo n'abakirisitu. Gukizwa no kwitwa umuntu w'Imana biratandukanye. Dukizwe ariko dukizwe neza nk'abantu b'Imana.'

Umunyamabanga Nshingwabikorwa w'Umurenge wa Jabana, Shema Jonas, yasabye abakirisitu gufatanya guhashya ingengabitekerezo ya Jenoside bagashyira imbere ikibahuza kuruta ikibatanya.

Umushumba wa Paruwasi ya Gihogwe, Pasiteri Jean Paul Niyihaba, yahumurije abarokotse Jenoside yakorewe Abatutsi muri Mata 1994, ashimira ubuyobozi bwabashije kurema igihugu gishyize imbere ubumwe.

Kuri Paruwasi ya Gihogwe hari urukuta rwo kwibuka rwanditseho amazina y'abantu 62 bahoze ari abanyamuryango ba ADEPR, bishwe muri Jenoside yakorewe Abatutsi mu 1994.

ADEPR Gihogwe n'abanyamuryango bayo bibutse ku nshuro ya 31 Jenoside yakorewe Abatutsi

Hacanywe n’urumuri rw’icyizere

Abahoze ari abayoboke ba ADEPR bishwe muri Jenoside bunamiwe

Mukanizeyimana Solange wari uhagarariye IBUKA yavuze ko ijambo ry'Imana rikwiye gufasha abantu kwitwara neza

Uwitonze warokotse Jenoside yakorewe Abatutsi yatanze ubuhamya ashimira Inkotanyi zabarokoye

Uwitonze yashimiye ababyeyi bamuhishe mu gihe cya Jenoside

Pst Jean Paul Niyihaba yashimiye ubuyobozi bw'Igihugu bwimakaje ubumwe

Umunyamabanga Nshingwabikorwa w'Umurenge wa Jabana, Shema Jonas, yasabye abakirisitu gufatanya guhashya ingengabitekerezo ya Jenoside

Umuryango mpuzamahanga uharanira Demokarasi (IDU) watoye Tundu Lissu nk'umwe mu ba Visi Perezida muri Africa, mu matora yabereye i Bruxelles mu Bubiligi, aho inama ya IDU yari iteraniye.

Ni mu gihe Stephen Harper, wahoze ari Minisitiri w'Intebe wa Canada, yatorewe gukomeza kuba umuyobozi mukuru w'uyu muryango nk'uko itangazo ryasohowe n'ishyaka rya Chadema ryabitangaje.

Iri tangazo rikaba ryarasohotse ku wa 24 Gicurasi 2025 ryemeza aya makuru, ryashyizweho umukono na Brenda Rupia usanzwe ari umuyobozi w'itangazamakuru muri Chadema.

Tundu Lissu akaba yatorewe kuba umuyobozi wa IDU mu gihe cy'imyaka itatu, kimwe na Stephen Harper.

Lissu na Harper, batangajwe nk'abayobozi batoranyijwe mu rwego rwo gukomeza guteza imbere umuryango wa IDU ku Isi.

Tundu Lissu atorewe uyu mwanya mu gihe ari mu buroko aho akurikiranyweho ibyaha bibiri birimo kugambanira igihugu no gukwirakwiza amakuru y'ibinyoma kuri interinet.

Ni mu gihe kandi iburanishwa rye rikomeje mu rukiko rw'ibanze rwa Kisutu i Dar es Salaam.

Tundu Lissu ufunze, yatorewe kuba Visi Perezida w’Umuryango mpuzamahanga uharanira Demokarasi muri Africa