Webrwanda Backend

Author: webrwanda

  • Ruhango: Umusore yasanzwe yapfiriye hagati y’amatanura atwikirwamo amatafari –

    Uwo musore w’imyaka 28 y’amavuko yakoraga mu kirombe gitwikirwamo amatafari mu Mudugudu wa Karama mu Kagari ka Muhororo. Ubusanzwe akomoka mu Karere ka Nyamagabe.

    Umunyamabanga Nshingwabikorwa w’Umurenge wa Byimana, Mutabazi Patrick, yabwiye IGIHE ko umurambo w’uwo musore wabonywe n’umukecuru wari ugiye gutwikira amatafari, asanga utwikiriye mu mahema, ahita abimenyesha ubuyobozi.

    Yavuze ko kugeza ubu hataramenyekana icyishe uwo musore kuko nta bikomere yari afite yemeza ko Urwego rw’Igihugu rw’Ubugenzacyaha, RIB, rwatangiye iperereza.

    Yagize ati “Kugeza ubu ntabwo turabimenya kuko nta bikomere yari afite, ariko yari yavuye uturaso duke mu mazuru no mu kanwa. RIB iri guperereza ngo hamenyekane icyamwishe.”

    Kuri icyo kirombe hari umuzamu waharariraga ndetse n’abandi bagabo batatu bari bacaniriye itanura. Bose bavuze ko batazi uko uwo musore yahageze, kuko ngo nabo batunguwe no kubona umurambo we muri iryo hema ryari rihari. Bahise batabwa muri yombi na RIB kugira ngo hakorwe iperereza

    Umurambo wa Niyomusaba wajyanwe ku Bitaro bya Kacyiru gupimwa kugira ngo hamenyekane icyamwishe.

    Niyomusaba Elie yasanzwe yapfiriye mu kirombe gitwikirwamo amatafari mu Murenge wa Byimana / Ifoto: Umuseke

    [email protected]gihe.rw

  • Guverinoma y’u Rwanda yashyikirijwe raporo ku ruhare rw’u Bufaransa muri Jenoside –

    Iyi raporo ifite amapaji agera kuri 600 yiswe “A Foreseeable Genocide: The Role of the French Government in Connection with the Genocide against the Tutsi”, bishatse kuvuga “Jenoside yatutumbaga: Uruhare rwa Guverinoma y’u Bufaransa muri Jenoside yakorewe Abatutsi’’.

    Bob Muse ukorera Ikigo cy’Abanyamerika gitanga ubufasha mu by’Abanyamategeko cya Levy Firestone Muse cyakoze iyi raporo ni we wayimurikiye Guverinoma binyuze mu Nama y’Abaminisitiri idasanzwe iteraniye muri Village Urugwiro.

    IGIHE yamenye ko iyi raporo yakozwe na Levy Firestone Muse, ifatanyije n’ibigo byo mu Rwanda birimo MRB ATTORNEYS (MRB), Trust Law Chambers na Certa Law.

    Raporo y’u Rwanda yibanze ku bihe bitandukanye kuva mbere ya Jenoside, mu gihe yakorwaga ndetse na nyuma yayo. Yakozwe hifashishijwe inyandiko zitandukanye ndetse n’ibiganiro byatanzwe n’abantu banyuranye barimo abakada ba FPR Inkotanyi, abahoze muri FDLR, abayobozi bakuru, abakoraga muri Loni n’abandi.

    Igiye gushyirwa hanze nyuma y’uko ku wa 26 Werurwe, Umunyamateka Prof. Vincent Duclert yashyikirije Perezida w’u Bufaransa, Emmanuel Macron, raporo yerekana uruhare rw’iki gihugu muri Jenoside yakorewe Abatutsi.

    Muri iyi raporo, Prof. Duclert na bagenzi be bagaragaje ko u Bufaransa bwashyigikiye buhumyi Jenoside yakorewe Abatutsi.

    Raporo Duclert yagaragaje ko u Bufaransa bwagize “Uruhare rukomeye kandi ntagereranywa” mu mateka ashaririye u Rwanda rwanyuzemo yagejeje ku kwicwa kw’Abatutsi barenga miliyoni mu 1994.

    Raporo y’u Rwanda ku ruhare rw’u Bufaransa muri Jenoside yatangiye gukorwa mu mwaka wa 2018.

    Perezida Kagame yayoboye Inama y’Abaminisitiri idasanzwe u Rwanda rwashyikirijwemo raporo ku ruhare rw’u Bufaransa muri Jenoside yakorewe Abatutsi

    Bob Muse ukorera Ikigo cy’Abanyamerika gitanga ubufasha mu by’Abanyamategeko cya Levy Firestone Muse yamurikiye abaminisitiri iyi raporo hifashishijwe ikoranabuhanga

    Perezida Kagame, Minisitiri w’Intebe, Dr Ngirente Edouard na Minisitiri w’Ububanyi n’Amahanga, Dr Vincent Biruta ubwo bamurikirwaga raporo ku ruhare rw’u Bufaransa muri Jenoside yakorewe Abatutsi

    Amafoto: Village Urugwiro

  • Ikipe ya Tottenham yirukanye umutoza wayo Jose Mourihno wari umaze amezi 17 mu mirimo #rwanda #RwOT

    Mu gitondo cyo kuri uyu wa mbere tariki ya 19 Mata 2021, ikipe ya Tottenham Hotspurs imaze gutangaza ko yirukanye umutoza wayo Jose Mourihno wari umaze igihe kingana n'amezi 17 atoza iyi kipe yo mu Bwongereza kuko yayigezeyo tariki ya 20 Ugushyingo 2019.

    Mu itangazo rigenewe itangazamakuru iyi kipe ya Tottenham yashyize ahagaragara itangaje ko itandukanye n'uyu mutoza Jose Mourihno ndetse n'abandi bari bafatanyije kuyobora iyi kipe bagizwe na Joao Sacramento, Nuno Santos, Carlos Lalin ndetse na Giovanni Cerra.

    Iyi kipe kandi ikaba yaboneyeho gutangaza ko Tottenham igiye kuba itozwa n'uwahoze ayikinira ndetse akaba yaranatoje abakiri bato b'iyi kipe Ryan Mason afatanyije na Chris Powell bafite akazi katoroshye mu mpera z'iki cyumweru ubwo bazakina na Manchester City mu mukino wa nyuma wa Carabao Cup.

    Jose Mourihno w'imyaka 58 y'amavuko yirukanywe nyuma yaho yaje muri iyi kipe asimbuye Mauricio Pochetino wari wirukanywe muri 2019, uyu mugabo kandi mubyo azize harimo umusaruro muke kuko mu mikino itandatu iheruka yose yayitakaje.

    Muri rusange Jose Mourihno wari ugifite amasezerano muri Tottenham kugeza tariki ya 30 Kamena 2023, kuva ageze muri iyi kipe yatoje imikino 86 atsinda imikino 45 anganya 17 atsindwa imikino 24.

    Jose Mourihno ukunze kwirukanwa kenshi amasezerano ye atarangiye amaze gusarura miliyoni zirenga 93 z'amayero, kugeza ubu muri Tottenham araza guhabwa miliyoni 30 z'amayero kubwo kwirukanwa amasezerano atarangiye.

    The post Ikipe ya Tottenham yirukanye umutoza wayo Jose Mourihno wari umaze amezi 17 mu mirimo appeared first on RUSHYASHYA.

    Source : https://rushyashya.net/54391-2/

  • Ibimenyetso simusiga byakwereka ko wamaze kwibasirwa na stress ikabije. – YEGOB #rwanda #RwOT

    Stress akenshi ifatwa na benshi nk'ibintu bibaho mu buzima busanzwe bwa buri munsi, ariko uko igenda ikura niko ibyara indwara ikomeye cyane izwi nka stress ikabije.Kumenya gutandukanya ibimenyetso n'ibiranga indwara hakiri kare, bifasha kwirinda ko indwara yagera kure.

    Niwibonaho ibi bimenyetso uzamenye ko stress yakubanye nyinshi urebe icyo wakora:

    1.Gusinzira nabi cyangwa kubura ibitotsi

    Iyo ufite stess ikabije, ubwonko buba bufite ibitekerezo byinshi. Ubwonko buhita butangira gukora cyane bityo igihe ubwonko buruhuka kikagabanuka, bikaba byatera ibibazo mu gusinzira bihagije, bityo ibibazo biterwa no kudasinzira neza bigatangira kukwibasira.

    2.Impinduka mu gifu

    Mu gihe ugize ubwoba cg hari ikintu gishimishije kikubayeho, ukunze kumva mu gifu hari ibintu bigendamo cg bivuga (butterflies). Gusa kandi ni na kimwe mu bimenyetso bikomeye byerekana ko ufite stress ikabije. Ubushakashatsi bwakozwe n'ishuri rya Harvard Medical School, bwagaragaje ko iyo urwaye indwara zo mu rwungano ngogozi, nko kwituma impatwe, aside nyinshi mu gifu, cg izindi ndwara z'amara (irritable bowel syndrome), ibimenyetso by'izi ndwara biriyongera ku buryo bukabije mu gihe ufite stress.

    3.Kwiyongera ibiro

    Urugero ruri hejuru rw'imisemburo ya stress rutera umubiri kubika ibinure cyane, utitaye ko ubyibushye cg unanutse. Abantu benshi igihe bafite stress ikabije bakunze kurya cyane, bityo umubiri ntukoreshe imbaraga ahubwo ukazibika gusa.

    Niba udashaka kongera ibiro mu buryo bwihuse, irinde ubuzima burimo stress.

    4.Kwikanya kw'imikaya

    Imisemburo ikorwa mu gihe cya stress usibye kuzamura umuvuduko w'amaraso no kongera inshuro umutima utera ku munota, itera imikaya yawe kwikanya cg gukomera ku buryo bitoroha kuyinyeganyeza. Ibi kandi biba mu gihe ufite ubwoba.

    Uburibwe butandukanye bw'imikaya butewe no kwicara cg guhagaraga nabi bukaba bwatera ibibazo bimwe na bimwe nko kuribwa umugongo, mu ngingo cg kubabara ahandi hatandukanye mu gihe ufite stress ikabije.

    5.Gutakaza Imisatsi

    Stress ikabije itera imisemburo yitwa androgens (imisemburo y'igitsina) gukorwa. Iyi misemburo ishobora guhindura uburyo udusabo tw'imisatsi tumeze, bikaba byatera gucika imisatsi muri icyo gihe. Ibi bishobora no gukomeza kuba nyuma y'amezi 3 na 6 uhuye n'ikigutera stress ikabije.

    6.Kwibagirwa Cyane

    Niba utangiye kuzajya wibagirwa cyane, tumwe mu tuntu twari dusanzwe mu byo ukora buri munsi yaba mu kazi cg mu buzima busanzwe, ntakabuza ufite stress. Cortisol ni umusemburo wa stress, urekurwa mu gihe ufite stress ikabije, ubuza hippocampus (aka ni agace k'ubwonko gatuma wibuka ibintu bya vuba) ubushobozi bwo kwibuka ibintu.

    Uburyo bwo kubikosora, ni uko ushaka ikigutera stress ukagikuraho nuko ubushobozi bwo kwibuka bukagaruka.

    7.Uduheri twa hato n'ahato mu maso

    Stress ikabije yibasira muri rusange umubiri wose, uruhu ntirusigara. Iyo ufite ibipimo biri hejuru by'umusemburo wa androgens bishobora gutera uruhu gutangira kuzana uduheri cyane cyane mu isura. Ikindi kandi mu gihe ufite stress, ubushobozi bw'umubiri bwo kwisana buragabanuka, bityo ibyo biheri bikaba byagumaho igihe kinini kugeza igihe ikigutera stress kivuyeho.

    Leave your vote

    Comments

    0 comments

    Source : https://yegob.rw/ibimenyetso-simusiga-byakwereka-ko-wamaze-kwibasirwa-na-stress-ikabije/

  • Umubare w’ibihugu Umunyarwanda ashobora kujyamo adasabwe visa wageze kuri 61 –

    Ibi bisobanuye ko agaciro ka Pasiporo y’u Rwanda kari kwiyongera, ndetse iyi raporo yerekanye ko iri ku mwanya wa 81 muri uyu mwaka, ivuye kuwa 83 muri pasiporo 110 zifite agaciro gakomeye kurusha izindi ku Isi.

    Kwiyongera kw’agaciro ka pasiporo biterwa n’umubare w’ibihugu uyifite ashobora kujyamo bitamusabye visa. U Rwanda ruri mu bihugu bifite pasiporo iri kuzamura agaciro kayo kurusha izindi ku Isi, bitewe n’uko umubare w’ibihugu uyifite ashobora kujyamo nawo uri kwiyongera. Mu 2010, uyu mubare wari ibihugu 39, ariko umaze kugera kuri 61.

    U Rwanda ruherutse kugirana amasezerano n’ibihugu birimo Qatar, Indonesia, Singapore n’ibindi bitandukanye, afasha Abanyarwanda kuba bajya muri ibyo bihugu bakoresheje pasiporo gusa.

    U Rwanda kandi rumaze igihe muri gahunda zo kongera umutekano wa pasiporo zarwo, cyane cyane zirushaho kujyanishwa n’ikoranabuhanga, mu rwego rwo kuzongerera umutekano n’ubwizerwe ku rwego mpuzamahanga.

    Ku rwego rw’Isi, u Buyapani ni cyo gihugu cya mbere ku Isi mu bifite pasiporo ifite agaciro kurusha ibindi, kuko uyitunze ashobora kujya mu bihugu 193 bitamusabye visa.

    Bukurikirwa na Singapore ishoboza uyifite kujya mu bihugu 192, u Budage na Koreya y’Epfo bikaza ku mwanya wa gatatu n’ibihugu 191.

    Finland, Luxemburg, Espagne n’u Butaliyani biza ku mwanya wa kane aho ufite pasiporo yabyo ashobora kujya mu bihugu 190, mu gihe Denmark na Autriche biza ku mwanya wa gatanu n’ibihugu 189.

    Amerika n’u Bwongereza biza ku mwanya wa 7 n’ibihugu 187, mu gihe u Bushinwa buza ku mwanya wa 68 n’ibihugu 77.

    Muri Afurika, Seychelles ni cyo gihugu cya mbere, kikaza ku mwanya wa 27 ku Isi, aho ufite pasiporo yacyo ajya mu bihugu 151 bitamusabye visa, igakurikirwa n’Ibirwa bya Maurice iza ku mwaka wa 30 ku rwego rw’Isi n’ibihugu 146.

    Mu Karere ka Afurika y’Iburasirazuba, Kenya niyo iza ku mwanya wa mbere n’ibihugu 72, ikaba iri no ku mwanya wa 72 ku rwego rw’Isi.

    Agaciro ka pasiporo y’u Rwanda gakomeje kuzamuka ku rwego rw’Isi, ubu ni iya 81

  • Umushinjacyaha wa IRMCT yagaragaje icyatuma abahakana Jenoside batsindwa –

    Yabigarutseho ku wa Gatandatu w’Icyumweru gishize tariki 17 Mata, mu nama yabaye hifashishijwe ikoranabuhanga ifite insanganyamatsiko igira iti “Imyaka 27 nyuma ya Jenoside yakorewe Abatutsi: Ni gute twashyira iherezo ku bayihakana?”

    Dr Brammertz yavuze ko abakekwaho uruhare muri Jenoside baramutse bagejejwe imbere y’ubutabera, abayikana batsindwa.

    Ati “Kurwanya abahakana Jenoside, tugomba gukomeza guharanira ubutabera. Ubushinjacyaha kuri buri wese ukekwaho uruhare muri Jenoside ni ukwamagana abayihakana no kwibutsa ukuri. Ntabwo twakongera gutsindwa uyu munsi ngo twemere ko guhakana Jenoside bikwirakwira.”

    Ambasaderi w’u Rwanda mu Buholandi, Nduhungirehe Olivier, yavuze ko hakiri imbogamizi zibangamiye ibikorwa byo gufata, guta muri yombi no kugeza mu butabera abakekwaho uruhare muri Jenoside ngo babiryozwe.

    Amb. Nduhungirehe yavuze ko ikintu gikomeye kibura kugeza ubu ari ubushake bwa politiki by’umwihariko mu bihugu biba bicumbikiye aba bakekwaho ibyaha bya Jenoside.

    Ati “Ikibazo gikomeye gihari ni ukubura ubushake bwa politiki bwo guhangana n’iki kibazo. Nyuma y’imyaka 27 Jenoside yakorewe Abatutsi ibaye, haracyari ibihugu bidashaka kuburanisha cyangwa kohereza abakekwaho uruhare muri Jenoside.”

    Yakomeje avuga ko mu kuganira n’ibyo bihugu bibacumbikiye ngo bikore ibikwiye, aho ibyo bihugu bikwiye kutirengagiza ko ubutabera bugomba gutangwa ku gihe.

    Abagize uruhare muri Jenoside barakidegembya

    Minisiteri y’Ubutabera mu Rwanda itangaza ko kuva mu 2007, ubwo hashyirwagaho ishami rishinzwe gukurikirana abagize uruhare muri Jenoside, hamaze gutangwa inyandiko zo guta muri yombi abagera ku 1146 bari mu bihugu 33.

    Ku rundi ruhande ariko biratangaje kuko kugeza ubu abamaze kuzanwa mu Rwanda bari gukurikiranwa n’ubutabera ari 46.

    Ni ukuvuga ko abandi 1.100 bose bakekwaho uruhare muri Jenoside batarafatwa ngo bashyikirizwe ubutabera abenshi muri bo bibereye mu bihugu by’amahanga bidegembya.

    Umuyobozi Mukuru muri Minisiteri y’Ubutabera ushinzwe urwego rw’ubufatanye mpuzamahanga mu Butabera, Umurungi Providence, yavuze ko u Rwanda rumaze kwakira bake cyane ugereranyije n’abo rwasabye bose.

    Ati “Ibihugu byose bigomba gukora ibishoboka byose mu kurwanya umuco wo kudahana no kurwanya abahakaba Jenoside hashyirwa mu bikorwa amategeko ahana Jenoside n’abayihakana.”

    Ubushinjacyaha bw’u Rwanda butangaza ko mu bibangamira ifatwa ry’abakekwaho kugira uruhare muri Jenoside yakorewe Abatutsi harimo kuba ibihugu bihishemo byanga kubatanga ariko hakabamo n’ababigezemo bagahindura imyirondoro ku buryo kubafata ari ingorabahizi.

    Muri iyi nama kandi hatanzwe ibiganiro bitandukanye birimo icyatanzwe na Dr. Roland Moeland, Umwarimu muri Kaminuza ya Maastrict, Mutanguha Freddy uyobora Umuryango Aegis Trust n’urwibutso rwa Kigali.

    Dr Serge Brammertz yavuze ko kugeza mu butabera abakekwaho uruhare muri Jenoside yakorewe Abatutsi byatuma abahakana bakanayipfobya batsindwa

  • Uwantwaye ni uyu, amazimwe n’ashire – TMC wagarutse mu muziki #rwanda #RwOT

    Nyuma y’igihe atumvikana mu muziki, Mujyanama Claude wamenyekanye nka TMC muri Dream Boys yasohoye indirimbo yise 'Uwantwaye’.

    Muri Gashyantare 2020 nibwo TMC yafashe rutemikirere yerekeza muri Amerika aho yari agiye gukomeza amasomo ye akaba yiga Data Sciences muri Eastern University iherereye muri Leta ya Pennsylvania.

    Kugenda kwe byasaga n’ibishyize ihererezo ku itsinda rya Dream Boys yaririmbanagamo na Platini usigaye na we ukora umuziki ku giti cye.

    Kuva yagenda yari atarasohora indirimbo, nyuma yo gutezaguza abakunzi be mu mpera z’icyumweru gishize ko agiye gushohora indirimbo, TMC yamaze gushyira hanze amashusho y’indirimbo ye 'Uwantwaye’.

    Muri iyi ndirimbo TMC yumvikana yishyize mu cyiciro cy’umusore utakagiza umukobwa aba yarihebeye avuga ko urukundo rutihishira ko we uwamutwaye umutima ari uwo mukobwa, ngo abavuga ibyo batazi bakwiye guceceka.

    Iyi ndirimbo mu buryo bw’amajwi yatunganyijwe na Lick Lick mu gihe amashusho yafashwe ndetse anatunganywa na Sam Kent.

    TMC n’umukobwa yifashishije mu mashusho y’indirimbo ye

    TMC yasohoye indirimbo ye ya mbere

    Source : http://isimbi.rw/imyidagaduro/article/uwantwaye-ni-uyu-amazimwe-n-ashire-tmc-wagarutse-mu-muziki

  • U Rwanda na Singapore basinyanye amasezerano y’ubufatanye mu by’Ubucamanza #rwanda #RwOT

    Aya masezerano yashyizweho umukono hifashishijwe uburyo bw’Ikoranabuhanga bw’iya kure, aho uhagarariye u Rwanda yari ari i Kigali ndetse n’uhagarariye Singapore we yari ari muri kiriya gihugu.

    Ni amasezerano yasinywe ku ruhande rw’u Rwanda na Perezida w’Urukiko rw’Ikirenga, Dr Ntezilyayo Faustin ndetse n’uw’Urukiko rw’Ikirenga rwa Singapore, Sundaresh Menon.

    Aya masezerano agamije gufatanya mu miburanishirize y’imanza no gukurikirana ibirego hakoreshejwe ikoranabuhanga n’ibindi.

    Kuva muri 2016 mu Rwanda hatangiye uburyo bw’Ikoranabuhanga mu gutanga ibirego no kubikurikirana rizwi nka IECMS (Integrated Electronic Case Management System) ubu akaba ari na bwo buryo bukoreshwa ahantu hose.

    Kuva icyorezo cya COVID-19 cyagera mu Rwanda hagashyirwaho ingamba zo kwirinda ikwirakwira ryacyo zatumye ibikorwa bihuriza abantu hamwe bihagaragara, Ubucamanza bw’u Rwanda bwatangiye kuburanisha hakoreshejwe ikoranabuhanga ry’iya kure.

    Ubu buryo n’ubu bukomeje gukoreshwa, bwagize uruhare mu kuburanisha imanza zihutirwaga muri biriya bihe bya COVID-19.

    Ubuyobozi bw’Ubucamanza bw’u Rwanda buvuga ko ubu buryo bwo kuburanisha abantu hifashishijwe ikoranabuhanga, buzanakomeza gukoreshwa no mu bihe COVID izaba itakibuza abantu guhurira hamwe kuko byagaragaye ko bishoboka.

    Gusa abakurikiranira hafi ubucamanza mu Rwanda bavuga ko hagikenewe ingufu mu bijyanye n’ibikorwa remezo bikenerwa muri iri koranabuhanga kuko hari igihe ribatenguha mu gihe bari kuburana cyangwa mu gihe bitegura kuburana bikaba byabangamira iburanisha.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/U-Rwanda-na-Singapore-basinyanye-amasezerano-y-ubufatanye-mu-by-Ubucamanza

  • USA-Russia: Amerika yavuze ko Navanly napfa Uburusiya buzabiryozwa #rwanda #RwOT

    Leta zunze ubumwe za Amerika yaburiye Uburusiya ko habazaho ingaruka mu gihe impirimbanyi itavuga rumwe n'ubutegetsi Alexei Navalny yapfira muri gereza.

    Umujyanama w'Amerika mu bijyanye n'umutekano w'igihugu, Jake Sullivan, yabwiye televiziyo CNN ko hazabaho 'ingaruka niba Bwana Navalny apfuye' kandi Uburusiya ni bwo 'bwabiryozwa n'amahanga'.

    Perezida w'Amerika Joe Biden yavuze ko uburyo Navalny afashwemo ku bijyanye n'ubuvuzi ari 'akarengane kuzuye kandi ntibikwiye na gato'.

    Ubwongereza, Ubufaransa, Ubudage n'umuryango w'Ubumwe bw'Uburayi (EU) na byo byagaragaje guhangayika bitewe n'uburyo afashwemo.

    Abaganga ba Navalny bavuga ko azapfa mu minsi micye iri imbere niba adahawe ubuvuzi bwihutirwa kubera kubabara cyane mu mugongo no kugagara kw'akaguru.

    Ambasaderi w'Uburusiya mu Bwongereza Andrei Kelin yavuze ko Navalny arimo gushaka kuvugwaho gusa kandi ko atazemererwa gupfira muri gereza.

    Navalny w'imyaka 44, uzwi cyane mu kunenga Perezida Vladimir Putin, yafunzwe MURI Gashyantare 2021, akurikiranyweho ibirego byo kwiyitirira umutungo utari uwe.

    Gusa we avuga ko ibyo birego bishingiye ku mpamvu za politike.

    Ku itariki ya 31 Werurwe 2021, yatangiye imyigaragambyo yo kwiyicisha inzara yamagana kuba adashobora guhura n'itsinda ry'abaganga be bihariye.

    Abaganga be bavuga ko ibipimo by'amaraso aheruka gufatwa bigaragaza ko ashobora kugira ikibazo cyo kunanirwa gukora kw'impyiko ze bikamuviramo guhagarara ku mutima mu kanya ako ari ko kose.

    Amerika isanzwe ifitanye amakimbirane n'Uburusiya mu rwego rwa dipolomasi, ashingiye ku irogwa rya Navalny ryari rigiye kumuviramo urupfu mu mwaka ushize, ryakoreshejwe ikinyabutabire cyo mu ntambara cya Novichock.

    Ibiro bya perezida w'Uburusiya  Kremlin  bihakana ibivugwa na Navalny ko Perezida Vladimir Putin ari we watanze itegeko ryo kumuroga.

    The post USA-Russia: Amerika yavuze ko Navanly napfa Uburusiya buzabiryozwa appeared first on Flash Radio TV.

    Source : https://flash.rw/2021/04/19/usa-russia-amerika-yavuze-ko-navanly-napfa-uburusiya-buzabiryozwa/?utm_source=rss&utm_medium=rss&utm_campaign=usa-russia-amerika-yavuze-ko-navanly-napfa-uburusiya-buzabiryozwa

  • UCL: UEFA Champion's league mumarembera #rwanda #RwOT

    UEFA Champions league mumarembera.

    Ninyuma yaho amakipe menshi akomeye agera kuri 12 y'iburayi yiyemeje gutangiza irushanwa rishya ryiswe Super league.
    Amakipe yo mubwongereza arimo Chelsea, Liverpool, Manchester United, Manchester city, Tottenham hot Spurs na Arsenal.
    Amakipe yo muri Spain arimo FC Barcelona, Athletico Madrid na Real Madrid.
    Amakipe yo mugihugu cy'ubutariyani arimo AC Milan, Juventus na Inter Milan yose uko ari 12 arahurira munama kuruyu wakabiri kugirango yige kumitegurire n'imigendekere yiri rushanwa rishya ashaka gutangiza.

    Ayo niyo makipe ashaka gutangiza irushanwa rishya ryiswe UEFA super league.

    Ibi bivuzeko irushanwa risanzwe rihuza amakipe yabaye ayambere iwayo UEFA Champion's league ryaba riri mumarembera.
    Gusa ariko nubwo bimeze bityo hari amakipe atabikozwa nka FC Bayern Munich, Dortmund na PSG ndetse ayamakipe yo aratinya ibihano byazayafatirwa n'impuzamashyirahamwe rya ruhago kumugabane w'iburayi UEFA no kwisi FIFA.

    The post UCL: UEFA Champion's league mumarembera appeared first on .

    Source : https://kigalinews24.com/2021/04/19/ucl-uefa-champions-league-mumarembera/