Webrwanda Backend

Author: webrwanda

  • Hatangijwe umushinga uzatuma ingo zisaga 500.000 zigura amashyiga arondereza ibicanwa –

    Uyu mushinga uzashyirwa mu bikorwa ku bufatanye n’abikorera biteganyijwe ko uzamara imyaka itanu.

    Umukozi wa REG ushinzwe Ubukangurambaga ku ikoreshwa rya Gaz, Karera Issa, avuga ko Nkunganire izatangwa ku mashyiga akoresha ibicanwa binyuranye birimo amakara, inkwi, burikete, palete, gaz, amashanyarazi n’ibindi bicanwa abafatanyabikorwa b’umushinga bazagaragaza ko bihuye n’intego zawo.

    Yagize ati “Intego y’uyu mushinga ni ukorohereza ingo zisaga 500.000 kwigurira amashyiga arondereza ibicanwa, yizewe mu buziranenge kandi arengera ibidukikije. Umushinga ugamije kandi kongera umubare w’abikorera bakora aya mashyiga n’abayacuruza mu gihugu. Ikigamijwe ni ukugabanya buhoro buhoro ikoreshwa ry’amakara mu mijyi no kugabanya kurambiriza ku nkwi gusa mu bice by’icyaro.”

    Karera avuga ko ingano ya Nkunganire izatangwa hakurikijwe icyiciro cy’ubudehe umugenerwabikorwa arimo ndetse n’urwego rw’ishyiga yifuza ririmo.

    Yakomeje avuga ko umushinga ari igisubizo ku baturarwanda kuko uzafasha abaremerwaga n’ikiguzi cy’amashyiga cyane abifuzaga kwishyurira rimwe ikiguzi cy’ibikoresho bijyana na gaz, dore ko ari nacyo kinini ugereranyije n’ikiguzi cya gaz ubwayo.

    Ati “Uyu mushinga ni imwe mu ngamba zizafasha kugera ku ntego igihugu cyiyemeje yo kugabanya umubare w’ingo zikoresha inkwi ukagera byibura kuri 42% bitarenze umwaka wa 2024 ndetse no kugabanya ikoreshwa ry’amakara ryiganje mu bice by’imijyi.”

    Muri uyu mushinga, Leta yifuza ko ikoreshwa ry’amakara mu mijyi ricika buhoro buhoro, agasimbuzwa ibindi bicanwa bitabangamira ibidukikije nka gaz n’amashyiga akoresha amashanyarazi aho bishoboka.

    Karera avuga ko mu byaro, gahunda izibanda mu kugabanya ingano y’inkwi zikoreshwa n’urugo, bijyana no guhindura amashyiga asanzwe akoreshwa agasimbuzwa arondereza inkwi biruseho kandi atarekura imyotsi myinshi ijya kwanduza ikirere.

    Akomeza ati “Amashyiga azatangwa azaba afite ubuziranenge bwapimwe ndetse bwemejwe n’Ikigo cy’Igihugu gishinzwe Ubuziranenge, RSB. Tuzakorana na ba rwiyemezamirimo batandukanye babyifuza bakora cyangwa bacuruza amashyiga atandukanye yujuje ubuziranenge twifuza.”

    Muri uyu mushing aba rwiyemezamirimo bifuza gukorana nawo basabwa gusinya amasezerano y’ubufatanye na REG binyuze muri EDCL, bakuzuza ifishi iboneka ku rubuga rwa REG isaba amakuru ku mashyiga bakora cyangwa bacuruza kugira ngo harebwe ko yujuje ibisabwa, hanyuma rikoherezwa gupimwa ubuziranenge muri RSB.

    Ibi biri mu rwego rwo guteza imbere ibikorerwa mu gihugu bigizwemo uruhare na ba rwiyemezamirimo bakora cyangwa bacuruza amashyiga.

    Muri uyu mushinga, ishyiga ryujuje ibisabwa rizajya ryoherezwa gupimwa muri RSB ndetse ni wo uzishyura ikiguzi cyabyo. Ibyavuye mu isuzuma ry’ishyiga nibyo bizatuma rwiyemezamirimo yemererwa kugirana amasezerano ya Nkunganire na Banki y’Iterambere y’u Rwanda (BRD) izanyuzwamo amafaranga y’umushinga.

    Mu Rwanda hatangijwe umushinga uzatuma ingo zisaga 500.000 zigura amashyiga arondereza ibicanwa

  • Amarangamutima ya Bad Rama nyuma y’igenda rya Queen Cha #rwanda #RwOT

    Nyuma y’uko umuhanzikazi Queen Cha asezeye muri The Mane, nyir’iyi nzu itunganya umuziki, Bad Rama yamwifurije ishya n’ihirwe kandi azakomeze kurangwa n’ikinyabupfura.

    Uyu munsi nibwo abinyujije kuri Instagram ye, Queen Cha yashyizeho itangazo rigaragaza ko yamaze gutandukana na The Mane Music.

    Umuyobozi wa The Mane mu nyandiko yuzuyemo amarangamutima menshi, Bad Rama yavuze ko atakwifuje gutandukana n’uyu muhanzi ariko byose bikaba byabaye mu bwumvikane amwifuriza ishya n’ihirwe mu myaka iri imbere.

    Mu nyandiko irambuye yagi,e ati”Hari beshi byakuye umutima cyane, bababaye ariko ndabizinko nakwigishije guhora utsinda ukaba ‘winner’ w’ibihe byose no mu mikino twakinaga byari uko nagira ngo mbamenyeshe ko nta gikuba cyacitse kuko ibyabaye n’ibyumvikanweho na mbere y’amasezerano y’akazi yabayeho yarambwiye ngo Bad ndakwizera unsinyishe igihe ushaka nawe uzambere imfura ninumva nahindura ubuzima uzandeke ngende.”

    “N’ibi byabaye biragoye nange kubyakira ndetse n’ikipe ya The Mane kubera ko Queen yatubaniye neza Tugera kuri byinshi turi kumwe dutwara ibikombe dukora indirimbo nzakunzwe n’ibitaramo bikomeye turabyitabira njyewe by’umwihariko yambereye inshuti nziza, umujyanama mwiza ndetse akansubizamo intege aho zabaga zishize akanyumvisha ko nshoboye.”

    “Ni inshuti yanjye nziza nubaha inyubaha nifuzaga kugumana nawe ubuzima bwose bw’akazi ariko murabizi ubuzima ni burebure kandi hakenerwamo byinshi tumaze nk’umwaka tuganira iki kintu, angisha n’inama y’ibyo yifuza gukora nyuma y’uko ava muri The Mane ariko igihe cyose ku bw’imibanire myiza twagiranye byaratugoraga kuvuga ngo n’uyu munsi, urabitangira ariko umunsi wageze byabaye Queen ndakwifuriza ibihe byiza n’urugendo rushya utangiye.”

    “Nsaba n’ishuti za The Mane n’abafana bayo gukomeza gushyigikira umukobwa wacu kuko nziko urugendo rugikomeje kandi ari bwo adukeneye cyawe. Njye nka Bad Rama nkusezeranije kuzakuba hafi nk’uko byahoze kandi ubufasha uzakenera mbufite nzabuguha, umutima ikinyabupfura n’urukundo ugira uzabihorane Imana izayobore intabwe zawe warakoze.”

    Queen Cha akaba yasezereye rimwe n’umujyanama w’abahanzi muri The Mane ari Aristide Gahunzire.

    Abaye umuhanzi wa 3 utandukanye na The Mane nyuma ya Jay Polly na Safi Madiba, bakaba basigaranye Calvin Mbanda na Marina.

    Bad Rama yifurije Queen Cha amahirwe masa mu rugendo agiye gutangira

    Bad Rama yashenguwe n’igenda rya Queen Cha

    Source : http://isimbi.rw/imyidagaduro/article/amarangamutima-ya-bad-rama-nyuma-y-igenda-rya-queen-cha

  • Ambasaderi Karamba yagaragaje ko abapfobya Jenoside atari abo kujenjekerwa – #rwanda #RwOT

    Ni ubutumwa Ambasaderi Karamba yagarutseho ku wa 18 Mata 2021 ubwo Ambasade y'u Rwanda muri Tanzania ifatanyije n'Abanyarwanda batuye muri icyo gihugu bitabiraga igikorwa cyo kwibuka ku nshuro ya 27 Jenoside yakorewe Abatutsi mu 1994.

    Uwo muhango wayobowe na Ambasaderi w'u Rwanda muri Tanzania, Maj Gen Charles Karamba, wabaye hifashishijwe ikoranabuhanga mu rwego rwo kwirinda COVID-19.

    Ambasaderi Karamba yashimiye Abanyarwanda batuye mu muri Tanzania, kuba badahwema kwifatanya n'abandi mu bihe byo kwibuka Jenoside yakorewe Abatutsi ndetse no gushyira hamwe imbaraga mu nzira yo kubaka bundi bushya igihugu mu nzego zose.

    Yavuze ko iki gihe cyo kwibuka Abatutsi bishwe muri Jenoside yakorewe Abatutsi, Abanyarwanda bakwiye kugikoresha baha agaciro inzirakarengane zayo ari nako basubiza amaso inyuma bakazirikana inzira yo kubaka u Rwanda.

    Yavuze ko Abanyarwanda bakwiye gutahiriza umugozi umwe mu kurwanya abifuza ko Jenoside yongera kuba.

    Yagize ati “Ni muri urwo rwego twibuka abacu bazize Jenoside yakorewe Abatutsi, ndetse tunaganira kuri ayo mateka kugira ngo abantu barusheho kumenya ukuri ku byabaye ndetse no kurwanya abashaka gukomeza uwo mugambi mubisha.'

    Ambasaderi Karamba yavuze ko kurwanya abapfobya Jenoside yakorewe Abatutsi bitagomba guharirwa Leta, ko ahubwo ari urugamba buri wese agomba kurwana.

    Yagaragaje ko gutsinda abapfobya Jenoside atari ibintu byagora Abanyarwanda kubera ko bafite Leta n'ubuyobozi bwiza.

    Umushakashatsi kuri Jenoside yakorewe Abatutsi, Tom Ndahiro, uri mu batumiwe mu kiganiro, yasangije abandi uko ibikorwa byo guhakana no gupfobya Jenoside bikorwa, igihe bikorerwa, uko bikorwa n'ababikora.

    Yagarutse ku mateka yaranzwe n'amacakubiri mu Rwanda, mu myaka itandukanye ya mbere ya 1994, avuga ko Jenoside yabanjirijwe n'ibindi bikorwa byo gutsemba Abatutsi birimo ibyabaye mu 1959, 1963, 1973 na 1992.

    Tom Ndahiro yavuze ko guhakana Jenoside bitangira abayikora batanga imbwirwaruhame zuzuye urwango, gutesha agaciro umuntu bakamwita inyamaswa n'ibindi bibi byinshi.

    Uyu mushakashatsi kuri Jenoside yakorewe Abatutsi yavuze ko abayihakana usanga bakoresha imvugo zitandukanye zirimo izemeza ko nta yabaye, ko habaye ebyiri ndetse hakaba n'abayita intambara.

    Yakomeje ati “Uretse abakoze Jenoside hari n'abayipfobya bararokotse. Ikindi cyiciro cy'abapfobya Jenoside yakorewe Abatutsi ni abavuga ko gukomeza kuyivuga ari ugukabiriza no kubishakiramo indonke.''

    Tom Ndahiro yabwiye abitabiriye igikorwa cyo kwibuka ku nshuro ya 27 Jenoside ko nk'uko Perezida Kagame yabivuze nta muntu ukwiye guterwa ubwoba no guhangana n'abahakana Jenoside mu gihe bo ibyo bakora bitabatera isoni.

    Nyuma y'icyo kiganiro abitabiriye iki gikorwa bahawe umwanya wo gutanga ibitekerezo n'inyunganizi ndetse no kubaza ibibazo.

    Perezida w'Inteko Ishinga Amategeko y'Umuryango wa Afurika y'Uburasirazuba (EALA), Martin Ngoga, na we witabiriye uyu muhango yavuze ko mu myaka itatu ishize ibikorwa by'abapfobya Jenoside yakorewe Abatutsi byagiye byiyongera kandi bigakorwa mu buryo busa n'ubwateguwe.

    Ati 'Mu bapfobya harimo abakomoka ku bakoze Jenoside, ibihugu by'ibihangange byishyize hamwe mu gupfobya bigakora ibintu bimwe, ku gihe kimwe kandi bakabikorera icyarimwe […]''

    “Tugomba kurwanya abapfobya Jenoside yakorewe Abatutsi kandi ku buryo bwihuse. Abanyarwanda batuye muri Tanzania batanze ibitekerezo binyuranye ku buryo bwo kurwanya ipfobya rya Jenoside yakorewe Abatutsi.'

    U Rwanda ruri kwibuka ku nshuro ya 27 abishwe muri Jenoside yakorewe Abatutsi, ni igikorwa kizamara amezi atatu kikazarangira muri Nyakanga.

    Ambasaderi w’u Rwanda muri Tanzania, Maj Gen Charles Karamba, yagaragaje ko abapfobya Jenoside atari abo kujenjekerwa

    Uyu muhango wo kwibuka abazize Jenoside yakorewe Abatutsi witabiriwe n’abantu batandukanye. Wabaye hifashishijwe ikoranabuhanga mu kwirinda ikwirakwira rya COVID-19

    [email protected]

    Source : http://igihe.com/amakuru/u-rwanda/article/ambasaderi-karamba-yagaragaje-ko-abapfobya-jenoside-atari-abo-kujenjekerwa

  • Ku myaka itatu, yasambanyijwe n’uwamureraga amutera ubumuga –

    Gakobwa (izina twahinduriye) we nta rukundo rwa kibyeyi yigeze abona ahubwo yatewe agahinda n’uwamwitagaho. Ubwo yari afite imyaka itatu, yahuye n’akaga asambanywa n’uwo yafataga nka se amutera ubumuga, amaguru ye yose n’igice kimwe cy’ukuboko ntibyongera gukora.

    Uko byagenze…}}

    Gakobwa yabyawe n’ababyeyi babanaga mu buryo butemewe n’amategeko. Nyina amaze gutandukana na se, yashatse undi mugabo witwa Mukarurinda Jérôme nawe mu buryo bunyuranyije n’amategeko baza nawe gutandukana.

    Mu 2014, nyina yaje gufata umwanzuro ava mu Mujyi wa Kigali asubira mu Karere ka Gisagara aho avuka ariko Gakobwa amusigira umugabo wa kabiri.

    Umwana agize imyaka itatu, Mukarurinda yaje kumufata aramusambanya. Birangiye, umugabo yagerageje gusibanganya ibimenyetso amuta mu mukoki, aza gukurwamo n’abaturanyi bumvise ijwi ry’umwana urira.

    Uwari uyoboye Umudugudu wa Kagugu uyu mwana yari atuyemo, Nzamurambaho Mathias, yabwiye IGIHE ko nyuma y’uko uyu mwana asambanyijwe, umugabo yaje gutabwa muri yombi anafungirwa muri Gereza ya Mageragere.

    Yakatiwe igifungo cya burundu ariko nyuma aza kwitaba Imana.

    Uyu mwana ufite imyaka 11 ubu, yaje kujyanwa kwa muganga, ariko kubera ukuntu yari yangiritse, aza gukuramo ubumuga.

    Ati “Umwana yoherejwe kwa muganga Kibagabaga, nabo bamwohereza ku bitaro bya CHUK, hanyuma bagerageza ibyashoboka nk’abaganga ariko babona ko yari yarangijwe, dukomeza tumukorera ubuvugizi.”

    Nyuma umwana yajyanywe mu kigo cyita ku bana bafite uburwayi bw’ingingo cya AVEH Umurerwa giherereye mu Karere ka Bugesera ari naho magingo aya ari.

    Umuyobozi wungirije wa AVEH Umurerwa, Umunyana Cecile, yabwiye IGIHE ko akigera muri iki kigo, yabanje kwitabwaho kuko yari yarahungabanye.

    Ati “Yageze muri iki kigo afite imyaka 11, mu kuhagera dusanga afite ikibazo kuko ntabwo agenda, akuruza ikibuno, igice cyo hepfo n’igice cyo ku kuboko ntibikora.”

    Yavuze ko ahantu ashobora kuvurirwa ari mu Bitaro bya Gatagara. AVEH Umurerwa yamujyanyeyo ngo avurwe maze basanga hakenewe miliyoni 2,6 z’amafaranga y’u Rwanda.

    Ati “I Gatagara baduhaye icyizere ko ashobora kuzagenda, ko yaba mu bitaro nibura iminsi 65, akabagwa agakorerwa ibikenewe byose akabasha gutangira kwigishwa kugenda.”

    Umuntu wifuza gufasha uyu mwana yahamagara kuri izi nimero: 0788492713

    Uyu mwana yasambanyijwe afite imyaka itatu, ubu afite imyaka 11

  • Ambasaderi Karamba yagaragaje ko abapfobya Jenoside atari abo kujenjekerwa –

    Ni ubutumwa Ambasaderi Karamba yagarutseho ku wa 18 Mata 2021 ubwo Ambasade y’u Rwanda muri Tanzania ifatanyije n’Abanyarwanda batuye muri icyo gihugu bitabiraga igikorwa cyo kwibuka ku nshuro ya 27 Jenoside yakorewe Abatutsi mu 1994.

    Uwo muhango wayobowe na Ambasaderi w’u Rwanda muri Tanzania, Maj Gen Charles Karamba, wabaye hifashishijwe ikoranabuhanga mu rwego rwo kwirinda COVID-19.

    Ambasaderi Karamba yashimiye Abanyarwanda batuye mu muri Tanzania, kuba badahwema kwifatanya n’abandi mu bihe byo kwibuka Jenoside yakorewe Abatutsi ndetse no gushyira hamwe imbaraga mu nzira yo kubaka bundi bushya igihugu mu nzego zose.

    Yavuze ko iki gihe cyo kwibuka Abatutsi bishwe muri Jenoside yakorewe Abatutsi, Abanyarwanda bakwiye kugikoresha baha agaciro inzirakarengane zayo ari nako basubiza amaso inyuma bakazirikana inzira yo kubaka u Rwanda.

    Yavuze ko Abanyarwanda bakwiye gutahiriza umugozi umwe mu kurwanya abifuza ko Jenoside yongera kuba.

    Yagize ati “Ni muri urwo rwego twibuka abacu bazize Jenoside yakorewe Abatutsi, ndetse tunaganira kuri ayo mateka kugira ngo abantu barusheho kumenya ukuri ku byabaye ndetse no kurwanya abashaka gukomeza uwo mugambi mubisha.”

    Ambasaderi Karamba yavuze ko kurwanya abapfobya Jenoside yakorewe Abatutsi bitagomba guharirwa Leta, ko ahubwo ari urugamba buri wese agomba kurwana.

    Yagaragaje ko gutsinda abapfobya Jenoside atari ibintu byagora Abanyarwanda kubera ko bafite Leta n’ubuyobozi bwiza.

    Umushakashatsi kuri Jenoside yakorewe Abatutsi, Tom Ndahiro, uri mu batumiwe mu kiganiro, yasangije abandi uko ibikorwa byo guhakana no gupfobya Jenoside bikorwa, igihe bikorerwa, uko bikorwa n’ababikora.

    Yagarutse ku mateka yaranzwe n’amacakubiri mu Rwanda, mu myaka itandukanye ya mbere ya 1994, avuga ko Jenoside yabanjirijwe n’ibindi bikorwa byo gutsemba Abatutsi birimo ibyabaye mu 1959, 1963, 1973 na 1992.

    Tom Ndahiro yavuze ko guhakana Jenoside bitangira abayikora batanga imbwirwaruhame zuzuye urwango, gutesha agaciro umuntu bakamwita inyamaswa n’ibindi bibi byinshi.

    Uyu mushakashatsi kuri Jenoside yakorewe Abatutsi yavuze ko abayihakana usanga bakoresha imvugo zitandukanye zirimo izemeza ko nta yabaye, ko habaye ebyiri ndetse hakaba n’abayita intambara.

    Yakomeje ati “Uretse abakoze Jenoside hari n’abayipfobya bararokotse. Ikindi cyiciro cy’abapfobya Jenoside yakorewe Abatutsi ni abavuga ko gukomeza kuyivuga ari ugukabiriza no kubishakiramo indonke.’’

    Tom Ndahiro yabwiye abitabiriye igikorwa cyo kwibuka ku nshuro ya 27 Jenoside ko nk’uko Perezida Kagame yabivuze nta muntu ukwiye guterwa ubwoba no guhangana n’abahakana Jenoside mu gihe bo ibyo bakora bitabatera isoni.

    Nyuma y’icyo kiganiro abitabiriye iki gikorwa bahawe umwanya wo gutanga ibitekerezo n’inyunganizi ndetse no kubaza ibibazo.

    Perezida w’Inteko Ishinga Amategeko y’Umuryango wa Afurika y’Uburasirazuba (EALA), Martin Ngoga, na we witabiriye uyu muhango yavuze ko mu myaka itatu ishize ibikorwa by’abapfobya Jenoside yakorewe Abatutsi byagiye byiyongera kandi bigakorwa mu buryo busa n’ubwateguwe.

    Ati “Mu bapfobya harimo abakomoka ku bakoze Jenoside, ibihugu by’ibihangange byishyize hamwe mu gupfobya bigakora ibintu bimwe, ku gihe kimwe kandi bakabikorera icyarimwe […]’’

    “Tugomba kurwanya abapfobya Jenoside yakorewe Abatutsi kandi ku buryo bwihuse. Abanyarwanda batuye muri Tanzania batanze ibitekerezo binyuranye ku buryo bwo kurwanya ipfobya rya Jenoside yakorewe Abatutsi.”

    U Rwanda ruri kwibuka ku nshuro ya 27 abishwe muri Jenoside yakorewe Abatutsi, ni igikorwa kizamara amezi atatu kikazarangira muri Nyakanga.

    Ambasaderi w’u Rwanda muri Tanzania, Maj Gen Charles Karamba, yagaragaje ko abapfobya Jenoside atari abo kujenjekerwa

    Uyu muhango wo kwibuka abazize Jenoside yakorewe Abatutsi witabiriwe n’abantu batandukanye. Wabaye hifashishijwe ikoranabuhanga mu kwirinda ikwirakwira rya COVID-19

    [email protected]

  • Nyuma y’umwaka urenga Sekamana Maxime yagarutse muri Rayon Sports baramubyinisha(AMAFOTO) #rwanda #RwOT

    Nyuma y’umwaka urenga atari mu kazi bitewe no kutishyurwa amafaranga iyi kipe yamusigayemo imugura ava muri APR FC muri 2019, Sekamana yagarutse muri Rayon Sports atangira imyitozo yitegura shampiyona izatangira mu kwezi gutaha.

    Sekamana Maxime yaherukaga muri Rayon Sports muri Werurwe 2020 ubwo shampiyona umwaka w’imikino 2019-2020 yasubikwaga kubera Coronavirus, ubwo imikino yasubukurwaga mu Kwakira 2020 ntiyigeze aza mu bandi.

    Uyu mukinnyi akaba yageze mu Nzove aho ikipe irimo ikorera umwiherero n’imyitozo yitegura shampiyona izatangira ku wa 1 Gicurasi.

    Uyu musore wari wavuze ko atazagaruka atumvikanye n’ubuyobozi, ntabwo yigeze atangaza icyo bumvikanye, ni mu gihe amakuru ISIMBI ifite ari uko abakinnyi babwiwe ko bazajya gutangira shampiyona abo ikipe ifitiye amafaranga barayabonye.

    Mu kiganiro aheruka kugirana n’ikinyamakuru ISIMBI.RW muri Gashyantare 2021, Maxime yavuze ko shampiyona nisubukura ari bwo azamenya niba azagaruka muri Rayon Sports cyangwa bazatandukana.

    Ati'Ntabwo ikibazo kirakemuka. Kugeza ubu ntabwo ndavugana n’ubuyobozi. Nsigaje umwaka umwe w’amasezerano, ngomba kuvugana nabo nkamenya niba bazandekura cyangwa niba bazakemura ikibazo nkaba nayikinira.'

    Yakomeje avuga ko iki kibazo ari cyo cyatumye atajya mu mwiherero n’ubwo yari yifitye n’ibindi bibazo bwite.

    Ati'Niyo mpamvu rwose ntagiye mu mwiherero, gusa byahuriranye n’ubundi nifitiye n’utundi tubazo twanjye ku ruhande.'

    Sekamana Maxime arishyuza Rayon Sports amafaranga y’u Rwanda angana na miliyoni 4 zasigaye ubwo yagurwaga muri mpeshyi ya 2019.

    Tariki ya 28 Kanama 2020 Sekamana Maxime yasinyanye amasezerano na Munyakazi Sadate wari perezida w’iyi kipe, yemeza ko yakiriye miliyoni 3 ku mwenda iyi kipe yari imufitiye n’aho miliyoni 1 isigaye akazayibona bitarenze tariki ya 31 Mutarama 2021.

    Maxime nyuma yo gusinya aya masezerano yasanze sheki yahawe itazigamiye ahita atesha agaciro amasezerano bagiranye, byatumye atitabira umwiherero w’iyi kipe witegura shampiyona ya 2020-2021, watangiye ku wa 1 Ugushyingo 2020.

    Uyu mukinnyi yanze kujya mu bandi kugeza shampiyona itangiye tariki ya 4 Ukuboza 2020 nabwo ntabwo yigeze ayikina.

    Sekamana Maxime yinjiye muri Rayon Sports umwaka ushize wa 2019, ayisinyira amasezerano y’imyaka 2 ubu mu mwaka we wa nyuma.

    Bagenzi be bamwakiriye aranababyinira

    Nyuma y’igihe kinini yatangiye imyitozo

    Maxime yatangiye gukora imyitozo

    Afite inyota yo gufasha ikipe ye muri shampiyona

    Source : http://isimbi.rw/siporo/nyuma-y-umwaka-urenga-sekamana-maxime-yagarutse-muri-rayon-sports-baramubyinisha-amafoto

  • U Rwanda na Singapore byasinyanye amasezerano azateza imbere ikoreshwa ry'ikoranabuhanga mu bucamanza – #rwanda #RwOT

    Umuhango wo gusinya aya masezerano wabaye kuri uyu wa 19 Mata hifashishijwe ikoranabuhanga, aho abayobozi b'Inkiko z'Ikirenga mu bihugu byombi bayashyizeho umukono badahuye imbonankubone.

    Perezida w'Urukiko rw'Ikirenga rw'u Rwanda, Dr Ntezilyayo Faustin, yavuze ko aya masezerano agabanyijemo ibyiciro birimo n'ikijyanye n'ubufatanye mu miburanishirize y'imanza.

    Ati 'Harimo imikoranire igamije gutuma inzego z'ubucamanza mu Rwanda, ziba umusingi w'iterambere. Hari intambwe Singapore imaze gutera mu gutuma ubucamanza butanga umusanzu ugaragara ku iterambere ry'igihugu. Harimo n'ubufatanye mu miburanishirize y'imanza no gukurikirana ibirego hakoreshejwe ikoranabuhanga.'

    Dr Ntezilyayo yavuze ko hagiye gutezwa imbere uburyo bwo gukoresha ubuhuza (Mediation) mu gukemura amakimbirane, cyane cyane mu bucuruzi bwambukiranya imipaka.

    Ati 'Tuzibanda ku buhuza n'ubundi buryo bw'ubukemurampaka hatabayeho kugana inkiko. Tuzagirana ubufatanye mu bijyanye n'amahugurwa, yaba abereye mu gihugu cyangwa abaye hifashishijwe ikoranabuhanga, ndetse dutafanye guteza imbere imicungire n'ikurikiranwa ry'ibirego n'amakuru aba abitswe mu buryo bw'ikoranabunga.'

    Aya maserano yitezweho guteza imbere ubucamanza mu Rwanda, yasinywe mu gihe Urukiko rw'Ikirenga rw'u Rwanda rwari rusanganywe imikoranire n'urwa Singapore, biturutse ku kuba ibi bihugu byombi bihurira mu Muryango w'Ibihugu bikoresha ururimi rw'Icyongereza, Commonwealth.

    Perezida w'Urukiko rw'Ikirenga muri Singapore, Sundaresh Menon, yavuze ko aya masezerano azateza imbere imitangire y'ubutabera muri ibi bihe Isi yose ihanganye n'icyorezo Covid-19

    Ati 'Aya masezerano yitezweho kurushaho kuzamura umubano hagati y'ubucamanza bw'u Rwanda n'ubwa Singapore. Ibi birerekana umuhate dufite mu guteza imbere urwego rw'ubucamanza mu bihugu byombi, duteza imbere kandi tujyanisha imikorere yacu n'icyorezo Covid-19 cyugarije Isi.'

    Ambasaderi w'u Rwanda muri Singapore, Uwihanganye Jean de Dieu, yavuze ko kuba u Rwanda rugiranye na Singapore amasezerano mu bijyanye n'ubucamanza, akiyongera ku yandi ibihugu byombi bifitanye mu zindi nzego nk'ubucuruzi, ari ingirakamaro ku bashoramari bo mu Rwanda n'abo muri Singapore.

    Ibi Uwihanganye abishingira ku kuba aya masezerano azateza imbere imikoreshereze y'ikoranabuhanga mu nkiko, bityo amakimbirane ashobora kuvuka mu bucuruzi bwambukiranya imipaka akazajya akemurwa bitagoranye.

    Amasezerano yasinywe n'impande zombi yitezweho guteza imbere imicungire y'ibirego mu buryo bw'ikoranabuhanga, ubuhuza mu nkiko no hanze yazo, imiburanishirize y'ibirego bito no kongerera ubushobozi urwego rw'ubucamanza biciye mu mahugurwa ahabwa abakarera muri uru rwego.

    Perezida w'Urukiko rw'Ikirenga rw'u Rwanda, Dr Ntezilyayo Faustin na mugenzi we wa Singapore bashyize umukono kuri aya masezerano hifashishijwe ikoranabuhanga

    Umuhango w’isinywa ry’aya masezerano witabiriwe n’abantu bake mu rwego rwo kwirinda COVID-19

    Perezida w'Urukiko rw'Ikirenga rw'u Rwanda, Dr Ntezilyayo Faustin yavuze ko aya masezerano azateza imbere byinshi mu bucamanza bw’u Rwanda birimo n’ikoreshwa ry’ikoranabuhanga

    Source : http://igihe.com/amakuru/u-rwanda/article/u-rwanda-na-singapore-byasinyanye-amasezerano-azateza-imbere-ikoreshwa-ry

  • Uwarokotse Jenoside Yakorewe Abatutsi, Beatrice Uwera yageneye ubutumwa abashinyaguzi bapfobya Jenoside bigira abayirokotse by'Umwihariko abagize Jambo Asbl #rwanda #RwOT

    Uwera Beatrice udakunze kwihanganira abahakana n'abapfobya Jenoside yakorewe Abatutsi by'umwihariko abiyita ko bayirokotse ahubwo ari abana b'abayikoze nka Gatebuke Claude na Denise Zaneza mwene Sebatware Marcel wasize yoretse imbaga y'abatutsi muri CIMERWA ndetse n'abandi babana muri Jambo ASBL.

    Beatrice yatangiye abagaya ababwira ko kwiyitirira gucika ku icumu atari ibintu ahubwo ari ugushinyagurira abarokotse nuko abaha Ubutumwa butomoye bugira buti 'Uwabaha kuvukira mu bwoba, mukavuka aho mutagira ba sekuru, ba sewabo na ba Nyirarume, babaza ababyeyi babo impamvu batagira imiryango bakaburirwa igisubizo nabo!' 'Uwabaha gukurira mu rujijo nka bamwe muri twe, ba nyina bajyaga kwandikisha ku ishuri mu wa mbere bati ise ninde? Nyina w'umwana ati yarapfuye izina rikandikwa ariko umwana w'imyaka 7 agaherako asobanukirwa ko ise yapfuye nta kindi gisobanuro, kandi ubwo yarishwe'

    'Uwabaha kwiga uri umuhanga warangiza Primaire ntiwemererwe kwiga ayisumbuye, ugasibira inshuro eshatu ntacyo bitanga, bikarangira ubaye umuhinzi cg umunywi w'urwagwa ugategereza igihe bazagutemera'

    'Uwabaha gukurira mu bwoba, ababyeyi bawe bahora barwana no kutagaragara ngo badahohoterwa kubera uko bareshya😭 yajya mu kabari nk'abandi agakubitwa, yajya mu nama y'abaturage agatangwaho ingero mbi, akicwa no kwigunga' 'Uwabaha guhigwa ugashyirwa ku rutonde rw'abagome rw'abagome, imbarutso yakoma bakaguhiga, bakagutema, bakagutemera abana, bakagutemera abavandimwe n'abo ukunda'

    'Uwabaha kumara imyaka 27 utazi ibyobo abawe bajugunywemo, wagira Imana umugororwa akakwerurira ko nyoko cyangwa nyogokuru bamutaye mu musarane babanje kumucamo ibice' 'Uwabaha kurwara Ihungabana ridakira kubera guhora mu gihirahiro cyo kwibaza aho abawe batawe n'icyo bazize udafitiye igisubizo maze bagahora muri confusion ya jenoside, wabona umwana ukikanga kuko asa nuwawe, wabona umugabo ukamwikangamo so cyangwa musaza wawe'

    'Uwabaha guhora ubara imyaka wibaza abana bawe batemaguwe uko bari kuba bangana iyo baza kubaho. Uwabaha kuba INCIKE ugasaza utagira umwana n'umwe kandi warabyaye abana benshi ufite n'abuzukuru, ukabura aho wavutse ukabura aho washatse ugasigara uhagaze mu cyeragati'

    'Muri ubwo butumwa yashyize ku rubuga rwa Facebook yashoje agira ati 'ndetse uwabaha no KUZIMA mugasogongera bya nyabyo kuri uwo mubabaro n'agahinda. Inkuru yabo ikajya ibarwa n'ababamenye iminsi yazaba myinshi bakibagirana' Ubundi Umunyarwanda wa nyawe ntiyakifuje ko ikibi kigera kuri mugenzi we ariko ibyo abajenosideri bikora bitandukanye n'icyerekezo cyiza cy'Imibereho myiza'

    Bea Uwera agirana ibiganiro na Rushyashya yagize ati 'Simbifurije guhura n'akaga twahuye nako, ariko kucyifuza nabyo ubwabyo umuntu yagatekereje inyungu zibiherekeje zitari ugutagatifuza ba se b'inkoramaraso bafite ibiganza bijejeta amaraso y'abatutsi bamennye, Ubundi Umuntu arivukira ariko umwambari w'umujenosideri ushaka kugenda nkawe ntiyakabaye mu bantu.

    The post Uwarokotse Jenoside Yakorewe Abatutsi, Beatrice Uwera yageneye ubutumwa abashinyaguzi bapfobya Jenoside bigira abayirokotse by'Umwihariko abagize Jambo Asbl appeared first on RUSHYASHYA.

    Source : https://rushyashya.net/uwarokotse-jenoside-yakorewe-abatutsi-beatrice-uwera-yageneye-ubutumwa-abashinyaguzi-bapfobya-jenoside-bigira-abayirokotse-byumwihariko-abagize-jambo-asbl/

  • U Rwanda na Singapore byasinyanye amasezerano azateza imbere ikoreshwa ry’ikoranabuhanga mu bucamanza –

    Umuhango wo gusinya aya masezerano wabaye kuri uyu wa 19 Mata hifashishijwe ikoranabuhanga, aho abayobozi b’Inkiko z’Ikirenga mu bihugu byombi bayashyizeho umukono badahuye imbonankubone.

    Perezida w’Urukiko rw’Ikirenga rw’u Rwanda, Dr Ntezilyayo Faustin, yavuze ko aya masezerano agabanyijemo ibyiciro birimo n’ikijyanye n’ubufatanye mu miburanishirize y’imanza.

    Ati “Harimo imikoranire igamije gutuma inzego z’ubucamanza mu Rwanda, ziba umusingi w’iterambere. Hari intambwe Singapore imaze gutera mu gutuma ubucamanza butanga umusanzu ugaragara ku iterambere ry’igihugu. Harimo n’ubufatanye mu miburanishirize y’imanza no gukurikirana ibirego hakoreshejwe ikoranabuhanga.”

    Dr Ntezilyayo yavuze ko hagiye gutezwa imbere uburyo bwo gukoresha ubuhuza (Mediation) mu gukemura amakimbirane, cyane cyane mu bucuruzi bwambukiranya imipaka.

    Ati “Tuzibanda ku buhuza n’ubundi buryo bw’ubukemurampaka hatabayeho kugana inkiko. Tuzagirana ubufatanye mu bijyanye n’amahugurwa, yaba abereye mu gihugu cyangwa abaye hifashishijwe ikoranabuhanga, ndetse dutafanye guteza imbere imicungire n’ikurikiranwa ry’ibirego n’amakuru aba abitswe mu buryo bw’ikoranabunga.”

    Aya maserano yitezweho guteza imbere ubucamanza mu Rwanda, yasinywe mu gihe Urukiko rw’Ikirenga rw’u Rwanda rwari rusanganywe imikoranire n’urwa Singapore, biturutse ku kuba ibi bihugu byombi bihurira mu Muryango w’Ibihugu bikoresha ururimi rw’Icyongereza, Commonwealth.

    Perezida w’Urukiko rw’Ikirenga muri Singapore, Sundaresh Menon, yavuze ko aya masezerano azateza imbere imitangire y’ubutabera muri ibi bihe Isi yose ihanganye n’icyorezo Covid-19

    Ati “Aya masezerano yitezweho kurushaho kuzamura umubano hagati y’ubucamanza bw’u Rwanda n’ubwa Singapore. Ibi birerekana umuhate dufite mu guteza imbere urwego rw’ubucamanza mu bihugu byombi, duteza imbere kandi tujyanisha imikorere yacu n’icyorezo Covid-19 cyugarije Isi.”

    Ambasaderi w’u Rwanda muri Singapore, Uwihanganye Jean de Dieu, yavuze ko kuba u Rwanda rugiranye na Singapore amasezerano mu bijyanye n’ubucamanza, akiyongera ku yandi ibihugu byombi bifitanye mu zindi nzego nk’ubucuruzi, ari ingirakamaro ku bashoramari bo mu Rwanda n’abo muri Singapore.

    Ibi Uwihanganye abishingira ku kuba aya masezerano azateza imbere imikoreshereze y’ikoranabuhanga mu nkiko, bityo amakimbirane ashobora kuvuka mu bucuruzi bwambukiranya imipaka akazajya akemurwa bitagoranye.

    Amasezerano yasinywe n’impande zombi yitezweho guteza imbere imicungire y’ibirego mu buryo bw’ikoranabuhanga, ubuhuza mu nkiko no hanze yazo, imiburanishirize y’ibirego bito no kongerera ubushobozi urwego rw’ubucamanza biciye mu mahugurwa ahabwa abakarera muri uru rwego.

    Perezida w’Urukiko rw’Ikirenga rw’u Rwanda, Dr Ntezilyayo Faustin na mugenzi we wa Singapore bashyize umukono kuri aya masezerano hifashishijwe ikoranabuhanga

    Umuhango w’isinywa ry’aya masezerano witabiriwe n’abantu bake mu rwego rwo kwirinda COVID-19

    Perezida w’Urukiko rw’Ikirenga rw’u Rwanda, Dr Ntezilyayo Faustin yavuze ko aya masezerano azateza imbere byinshi mu bucamanza bw’u Rwanda birimo n’ikoreshwa ry’ikoranabuhanga

  • Rubavu: Ukutavuga rumwe ku mpanuka yaguyemo umushoferi –

    Iyi nkuru yamenyekanye mu gitondo cyo kuri uyu wa 19 Mata nyuma yo gusanga umurambo w’uyu mugabo aho ibi byabereye mu Mudugudu wa Hanika, Akagari ka Terimbere, Umurenge wa Nyundo.

    Iyi mpanuka yamenyekanye ubwo abaturage babonaga imodoka yarenze umuhanda ugana kuri cathédrale ya Nyundo, bayegereye basanga umurambo w’umushoferi munsi imodoka imutsikamiye.

    Nyiri iyi modoko witwa Habarurema Antoine yavuze ko yatunguwe n’urupfu rw’umukozi we kuko ku Cyumweru yari yiriwe akora.

    Ati “Ejo yajyanye ifarini i Kayove mu Karere ka Rutsiro avuyeyo ajyana imbaho i Nyamyumba, ni uko atashye aha lifuti umugore baraza bageze ku Nyundo kigingi avamo. Twatunguwe no kumva ngo yakoze impanuka ahubwo bamwe barimo gucyeka ko yaba yishwe dutegereje icyo Urwego rw’Igihugu rw’Ubugenzacyaha, RIB, rwemeza.”

    Umunyamabanga Nshingwabikorwa w’agateganyo w’Umurenge wa Nyundo, Nangamabwire Léonidas, yavuze ko batakwemeza neza icyaba cyishe uyu mugabo mu gihe hatarakorwa iperereza.

    Ati “Natwe ni uku twabibonye ubu itsinda rya RIB rishinzwe kugenzura ahabereye ibyaha by’ubwicanyi bavuye i Karongi ni nabo dutegerejeho kumenya amakuru y’ukuri ajyanye n’uru rupfu.”

    Nubwo bamwe mu baturage badahwema kugaragaza ko uyu mugabo ashobora kuba yishwe bitewe n’uko batumva uburyo umuntu ashobora kugongwa n’imodoka yari atwaye, abaturanyi ba nyakwigendera bemeza ko nta kibazo yajyaga agirana n’abandi ku buryo byamuviramo kwicwa.

    Imodoka yataye umuhanda itsikamira shoferi biteza ururjijo uko yaba yamugonze kandi ariwe wari uyitwaye

    RIB yahise ihagera ijyana umurambo ngo iwukorere isuzuma