Webrwanda Backend

Author: webrwanda

  • Muhanga: Hagaragajwe ko hari ibice by'insina byaribwa bikanavamo ibikoresho bitandukanye #rwanda #RwOT

    Ishuri Rikuru Gatolika rya Kabgayi(ICK) ryamuritse ubushakashatsi ryakoze ku mukanana w'igitoki ndetse n'intimatima yo mu mutumba. Ubu bushakashatsi bwerekanye ko bushobora guteza imbere abahinzi b'urutoki kubera ko igice cyakoreweho cyari gisanzwe kijugunywa. Ni ubushakashatsi bwamuritswe kuri uyu wa 23 Mata 2021.

    Umuyobozi w'amasomo muri Kaminuza Gatolika ya Kabgayi akaba ari nawe wari ukuriye ubu bushakashatsi ku nsina, Padiri Dr Dushimimana Fidele avuga ko ubusanzwe abafite insina baryaga ibitoki gusa ariko ko bagiye kubyaza ibindi bice by'insina umusaruro.

    Avuga ko uwariye imyanana y'insina abonamo intungamubiri zisangwa mu bindi biryo, ko ikindi hari ubushakashatsi bwakozwe bwerekana ko imyanana y'ibitoki ifite byinshi ihishe, ifasha abafite indwara zimwe na zimwe, ko ndetse n'ibindi bice by'insina bishobora kwifashishwa mu kurinda ibidukikije hagakorwamo ibikoresho.

    Yagize ati' Ubushakashatsi bugaragaza ko kurya igitoki bitagihagije, ahubwo twamaze kubona ko hari ibindi bice bishobora kuribwa kuko intungamubiri zisangwa mu bindi biribwa usanga no mu mukana birimo. Ibi bizafasha abaturage kurwanya imirire mibi kandi bakarushaho gutera imbere bakoresheje ibi bice byari byarirengagijwe.

    Akomeza ati' Umutumba uzafasha guhanga ibikoresho byasimbura amasashe yabujijwe kuko usanga yo yangizaga ibidukikije, bityo ibikoresho biva mu mutumba bigashobora gufasha kugabanya iyangizwa ry'ibidukikije.

    Musenyeri wa Diyosezi ya kabgayi akaba n'umuyobozi mukuru wa Kaminuza Gatolika ya Kabgayi ,Samalagde Mbonyintege yasabye aba bakoze ubushakashatsi gutekereza no ku bindi bice by'insina birimo inguri zazo kuko hari igihe zigeze gufasha abanyarwanda zikababera amafunguro.

    Yagize ati' Aba bakoze ubu bushakashatsi bagize neza kutwereka ibi bice nabyo bikwiye kuribwa kuko hari ibihe Abanyarwanda bigeze kurya inguri z'insina kubera inzara yari ibugarije, ariko ibi bikwiye guherwaho nabyo bigakorwaho kugirango abaturage babyigireho kandi babone ibibateza imbere kuko nk'ubu ibi byagirwaga ifumbire bigomba kujya bibaha amafaranga biteze imbere'.

    Umuyobozi mu nama Nkuru ishinzwe amashuri makuru na Kaminuza wongenyeho ay'ubumenyingiro ,Dr Christine Gasingirwa akaba ashinzwe ubushakashatsi, avuga ko ashimira abakoze ubu bushakashatsi n'abandi bagize uruhare kugirango ibi bishoboke.

    Avuga ko imyigishirize ikwiye kujyana n'ibyo uzi bituma abandi batera imbere kuko hari igihe kigeze kugera ugasanga abantu bose bavuga ko za kaminuza zisohora abadafite ubumenyi ku byo bize, ariko ko ibi bigaragaza ko ubumenyi buhari.

    Umuyobozi mu kigo cy'Igihugu cy'Imiyoborere mu Rwanda (RGB)ushinzwe igenzura bikorwa, Nkurikiye Andre avuga ko ikigo ahagarariye gifite umugambi wo gukorana n'imiryango itegamiye kuri Leta ndetse n'imiryango ishingiye ku myemerere mu guhangana n'ibibazo bibangamiye imibereho myiza y'abaturage kugirango bave mu bukene.

    Muri iri murika bushakashatsi havuzweko imboga zikomoka ku mukanana zifasha mu kurwanya imirire mibi, harimo kugabanya isukari ku barwayi ba Diayabete, kuvura ubwandu bw'imyanda yo mu maraso, kongera amashereka ku bagore bonsa, kugabanya agahinda ku bagafite, kugabanya uburibwe ku babufite ndetse n'abagore bari mu mihango, kongera akanyamuneza no kugabanya ibinure n'umubyibuho ku bawufite.

    Tubibutse ko mu moko atanu y'insina yakoreweho ubushakashatsi harimo izizwi nk'Indaya, Inyamunyo, Gashangara, Poyo, Intuntu na FHIA 17 na 25, basanze Inyamunyo na Poyo arizo zavamo imboga ziribwa habanje gukurwamo amakakama ndetse zikaba zaribwa nka 'Salade' ndetse iyi mikanana ya poyo n'inyamunyo ikaba ishobora kuribwa 2/3 byayo ni ukuvuga 60% bishobora kuribwa.

    Akimana Jean de Dieu

    Source : https://www.intyoza.com/muhanga-hagaragajwe-ko-hari-ibice-byinsina-byaribwa-bikanavamo-ibikoresho-bitandukanye/

  • Rwatubyaye Abdoul n'umukunzi we basezeranye kubana akaramata – YEGOB #rwanda #RwOT

    Myugariro w'umunyarwanda ukinira ikipe ya FC Shkupi muri Macedonia, Rwatubyaye Abdul, yasezeranye kubana akaramata n'umukunzi we, Hamida, kuri uyu wa Gatandatu tariki ya 24 Mata 2021.

    Rwatubyaye Abdoul

    Rwatubyaye yahamije aya makuru abinyujije ku rukuta rwe rwa instagram aho yagize ati ” 04.24.2021 a day ro remember for life super happy thrilled that i get to hold your hand till eternity being your loving and faithful husband the crown 👑is yours queen👸 “. Umukunzi we, Hamida nawe yahise amusubiza mu magambo agira ati ” Till Death do us apart I Love you eternally My Lovely Husband❤️💋💋💋💘💘💘💝💝💝💓💓💓💞💞💕❣️❣️❣️💗💗💗💞💞💞💖💖💖🤴🤴🤴👑👑👑💍💍💍”.

    Si ibi gusa ahubwo Hamida abinyujije kuri story ya instagram ye yatangaje ibi bikurikira:


    Ibi bibaye mu gihe mu minsi ishize Abdoul Rwatubyaye yavuze ko atuye umukunzi we igitego yari amaze gutsindira ikipe ye ya FC Shkupi.

    Hamida, umukunzi wa Rwatubyaye, yemeye kubana nawe akaramata akamubera umugore

    Amafoto ajyanye n'umuhango wo kuba umwe kwa Rwatubyaye n'umukunzi we turacyayabakusanyiriza….

    Leave your vote

    Comments

    0 comments

    Source : https://yegob.rw/rwatubyaye-abdoul-numukunzi-we-basezeranye-kubana-akaramata/

  • Perezida Touadéra yashimangiye ubufasha buzahabwa Abanyarwanda bifuza gushora imari muri Centrafrique –

    Umuyobozi w’Urugaga rw’Abikorera mu Rwanda, Robert Bapfakurera, yayoboye itsinda rigari ry’abashoramari b’Abanyarwanda bari gushaka amahirwe bashoramo imari muri Centrafrique.

    Leta y’u Rwanda, nk’igihugu cyanyuze mu bibazo bijya gusa n’ibyo Centrafrique uri kunyuramo uyu munsi, yafashe iya mbere mu gushyigikira Perezida Touadéra, wamaze kwerekana neza ko yifuza kubyaza umusaruro ubukungu bw’icyo gihugu, bumaze imyaka myinshi bukungahaza amahanga nyamara abaturage miliyoni 5,6 ba Centrafrique bakaza mu bakennye cyane bari ku Isi.

    Perezida Touadéra yisunze u Rwanda mu kubaka ubukungu bwa Centrafrique

    Mu kubaka ubukungu bwa Centrafrique, Perezida Touadéra, usanzwe ari impuguke mu bukungu, yabanje gushakira umuti ikibazo cy’umutekano, maze agirana amasezerano n’u Rwanda mu by’umutekano, ari nayo yahereweho u Rwanda rwohereza umutwe w’ingabo udasanzwe muri icyo gihugu, kugira ngo ubungabunge umutekano mu bihe bikomeye by’amatora, nka kimwe mu bikorwa by’ingenzi mu kubaka igihugu kigendera ku mategeko.

    Nyuma y’umutekano, n’ubwo utaragerwaho byuzuye, intambwe ikurikiyeho ni iyo kubaka ubukungu, binyuze mu guteza imbere ibikorwa by’ubucuruzi bigirwamo uruhare rufatika n’abashoramari.

    Nk’uko bimeze ku mutekano, u Rwanda runafitanye amasezerano na Centrafrique mu by’ubucuruzi, ndetse si ibanga ko ibihugu byombi biri gushyira imbaraga muri uru rwego, ushingiye ku bimenyetso birimo ingendo zitandukanye zirimo guhuza abadipolomate n’abacuruzi hagati y’ibihugu byombi ziyongereye cyane muri aya mezi ane ashize.

    Ni ingendo zorohejwe na RwandAir, yatangiye gukorera ingendo muri Centrafrique kuwa 3 Gashyantare uyu mwaka, aho yagabanyije amasaha y’urugendo akava kuri 15 akagera kuri atanu n’igice gusa, kandi ikazajya ihakorera ingendo ebyiri mu cyumweru.

    Mu byo Perezida Touadéra yemereye abanyarwanda harimo ko ibikorwa byabo bizasonerwa imisoro mu gihe gishobora kugera ku myaka 10.

    Nyuma y’ibiganiro, Ruzibiza Stephen wari muri uru ruzinduko yagize ati “Twashimangiraga ibyo abaperezida b’ibihugu byombi bari baraganiriye mu koroherezanya mu bucuruzi hagati y’ibihugu byombi. [Touadera] yavuze ko ari we wasabye Perezida mugenzi we kugira ngo abashoramari bo mu Rwanda baze muri Centrafrique bahateze imbere banasigire n’ubumenyi abaho.”

    Yongeyeho ko PerezidaTouadera yabasezeranyije ko agiye gukora ibishoboka byose agashyigikira ishoramari ryabo.

    Ati “Yiyemeje gushyira mu bikorwa ibyo yasezeranyije Perezida mugenzi we […] ku buryo igihe dukeneye ubufasha bwose yemeye ko azabidukorera.”

    Centrafrique yuzuyemo amahirwe y’ishoramari

    Mu bikorwa byihutirwa Abanyarwanda bashobora gutangira gushoramo imari, harimo ubuhinzi kuko Centrafrique ifite hegitari miliyoni 30 zidahingwa.

    Perezida Touadéra arashaka ko abashoramari b’Abanyarwanda bamufasha kubyaza umusaruro ayo mahirwe y’iterambere, bagakora ubuhinzi bugezweho muri icyo gihugu kuko uretse kuba kitabona ibiribwa bihaza abaturage bacyo, ubutaka bwacyo bufite ubushobozi bwo kuba bwahaza ibindi bihugu cyane nk’ibituye mu bice by’ubutayu biri mu Majyaruguru ya Centrafrique, byaba ari isoko ryiza cyane ry’umusaruro w’ubuhinzi wakomokayo.

    Mu bindi Perezida Touadéra yamaze kugaragaza ko byakorwamo ishoramari ritanga umusaruro, harimo urwego rwa banki, ari na rwo nkingi ya mwamba yo guteza imbere urwego rw’abikorera muri rusange.

    Perezida Touadéra yamaze kugaragaza ko ishoramari muri banki za gisirikare, iz’abagore, iz’urubyiruko, iz’iterambere n’izindi zitandukanye z’ubucuruzi, rihawe ikaze muri icyo gihugu.

    Harimo kandi urwego rw’inganda, runakubiyemo urwego rw’ubucukuzi bw’amabuye y’agaciro aboneka ku bwinshi muri icyo gihugu.

    Centrafrique ni kimwe mu bihugu bifite amabuye y’agaciro y’ubwoko butandukanye harimo n’aboneka hacye cyane ku Isi nka ’rare earth’, umutungo ukenewe cyane ku Isi magingo aya ukorwamo ibirimo bateri z’imodoka n’ibindi bikoresho by’ikoranabuhanga rihambaye.

    Harimo kandi amabuye nka zahabu, diamant, coltan, peteroli n’ubundi bwoko bwinshi bw’amabuye y’agaciro, uretse ko amenshi agirira akamaro ba rusahurira mu nduru n’imitwe y’inyeshyamba, aho kuba abenegihugu bayakwiye. Nk’ubu 95% bya zahabu na 30% bya diamant icukurwa muri Centrafrique icuruzwa hanze y’igihugu mu buryo bunyuranyije n’amategeko.

    Gukorera ubucuruzi muri Centrafrique ntibizoroha, kuko ibikorwa by’ingenzi mu koroshya ishoramari nk’umuriro w’amashanyarazi, bisa nk’ibidahari burundu, kuko bifitwe na 3% gusa by’abatuye Centrafrique.

    Minisitiri Ushinzwe Ibikorwa by’Ishoramari, Pascal Bida Koyagbele, aherutse kubwira IGIHE ko yizeye ko ishoramari ry’Abanyarwanda rizatanga umusanzu ukomeye ku iterambere n’amahoro by’iki gihugu cy’igituranyi.

    Ati “Ntekereza ko ari iterambere ry’ubukungu, bizateza imbere amahoro, bizatanga imirimo ku rubyiruko, izateza imbere ubukire, izatuma abantu batandukanye babona ibyo gukora mu guteza imbere igihugu ariko ibirenze iby’ubukungu, ingabo z’ibihugu byombi zigomba gukorana mu gushakira umutekano abaturage.”

    Ku Banyarwanda barimo Nsabumukiza Aimable, rwiyemezamirimo mu bijyanye n’amahoteli n’ubukerarugendo, ubwo yakoreraga urugendo muri iki gihugu, yavuze ko ku Munyarwanda ushaka gukora, Centrafrique atari ahantu ho gushora imari mu mafaranga gusa ahubwo ko n’abafite ibyo bazi bashaka gukora, bashobora kugana iki gihugu.

    Abayobozi ba PSF bakiriwe mu Biro bya Perezida muri Centrafrique

    Perezida Touadéra yakiriye Robert Bapfakurera ukuriye Urugaga rw’Abikorera mu Rwanda, PSF

  • Imvune ya Kimenyi Yves imaze ukwezi kurenga ntiramwemerera gukina, abatoza ba Kiyovu Sports bafite icyizere #rwanda #RwOT

    Umunyezamu akaba na kapiteni wa Kiyovu Sports, Kimenyi Yves ntaratangira kwifashishwa mu mikino y’iyi kipe kubera imvune yakuye mu ikipe y’igihugu, gusa abatoza b’iyi kipe bo bizeye ko shampiyona izatangira ameze neza.

    Kimenyi Yves yagiriye ikibazo cy’ivi mu myitozo y’ikipe y’igihugu Amavubi muri Werurwe 2021 ubwo yiteguraga imikino isoza itsinda, Mozambique na Cameroun mu gushaka itike y’igikombe cy’Afurika.

    Iyi mvune yatumye uyu mukinnyi atanakomeza imyitozo aho yahise ava mu bakinnyi bagomba gukoreshwa kuri iyi mikino akomeza kwitabwaho n’abaganga.

    Uyu mukinnyi akaba ari mu mwiherero n’ikipe ye ya Kiyovu Sports aho akora imyitozo yoroheje ariko akaba atarakoreshejwe mu mikino ibiri itambutse ya gicuti ikipe ye yakinnye, uwo batsinzwemo na Police FC 3-2 ku wa Kane w’iki cyumweru aho bifashishije umunyezamu Ishimwe Patrick n’uwo batsinze uyu munsi Mukura VS 1-0 wafashwe na Bwanakweli Emmanuel.

    Umutoza wungirije w’iyi kipe, Kalisa François yavuze ko uyu munyezamu yatangiye imyitozo ndetse bizeye ko shampiyona izatangira yarakize neza.

    Ati'kapiteni(Kimenyi Yves) arahari, akora imyitozo yoroheje ari kumwe n’umuganga w’ikipe, ni ikibazo yagiriye mu ikipe y’igihugu, arimo kugerageza gukora ku buryo tuzatangirana na we shampiyona.'

    Kiyovu Sports iri mu itsinda B na Rayon Sports, Gasogi United na Rutsiro FC, izatangira shampiyona ikina na Rutsiro FC. Shampiyona izatangira tariki ya 1 Gicurusi isozwe tariki ya 29 kamena 2021.

    Kimenyi Yves aracyafite imvune

    Source : http://isimbi.rw/siporo/article/imvune-ya-kimenyi-yves-imaze-ukwezi-kurenga-ntiramwemerera-gukina-abatoza-ba-kiyovu-sports-bafite-icyizere

  • Perezida Touadéra yashimangiye ubufasha buzahabwa Abanyarwanda bifuza gushora imari muri Centrafrique – #rwanda #RwOT

    Umuyobozi w'Urugaga rw'Abikorera mu Rwanda, Robert Bapfakurera, yayoboye itsinda rigari ry'abashoramari b'Abanyarwanda bari gushaka amahirwe bashoramo imari muri Centrafrique.

    Leta y'u Rwanda, nk'igihugu cyanyuze mu bibazo bijya gusa n'ibyo Centrafrique uri kunyuramo uyu munsi, yafashe iya mbere mu gushyigikira Perezida Touadéra, wamaze kwerekana neza ko yifuza kubyaza umusaruro ubukungu bw'icyo gihugu, bumaze imyaka myinshi bukungahaza amahanga nyamara abaturage miliyoni 5,6 ba Centrafrique bakaza mu bakennye cyane bari ku Isi.

    Perezida Touadéra yisunze u Rwanda mu kubaka ubukungu bwa Centrafrique

    Mu kubaka ubukungu bwa Centrafrique, Perezida Touadéra, usanzwe ari impuguke mu bukungu, yabanje gushakira umuti ikibazo cy'umutekano, maze agirana amasezerano n'u Rwanda mu by'umutekano, ari nayo yahereweho u Rwanda rwohereza umutwe w'ingabo udasanzwe muri icyo gihugu, kugira ngo ubungabunge umutekano mu bihe bikomeye by'amatora, nka kimwe mu bikorwa by'ingenzi mu kubaka igihugu kigendera ku mategeko.

    Nyuma y'umutekano, n'ubwo utaragerwaho byuzuye, intambwe ikurikiyeho ni iyo kubaka ubukungu, binyuze mu guteza imbere ibikorwa by'ubucuruzi bigirwamo uruhare rufatika n'abashoramari.

    Nk'uko bimeze ku mutekano, u Rwanda runafitanye amasezerano na Centrafrique mu by'ubucuruzi, ndetse si ibanga ko ibihugu byombi biri gushyira imbaraga muri uru rwego, ushingiye ku bimenyetso birimo ingendo zitandukanye zirimo guhuza abadipolomate n'abacuruzi hagati y'ibihugu byombi ziyongereye cyane muri aya mezi ane ashize.

    Ni ingendo zorohejwe na RwandAir, yatangiye gukorera ingendo muri Centrafrique kuwa 3 Gashyantare uyu mwaka, aho yagabanyije amasaha y'urugendo akava kuri 15 akagera kuri atanu n'igice gusa, kandi ikazajya ihakorera ingendo ebyiri mu cyumweru.

    Mu byo Perezida Touadéra yemereye abanyarwanda harimo ko ibikorwa byabo bizasonerwa imisoro mu gihe gishobora kugera ku myaka 10.

    Nyuma y'ibiganiro, Ruzibiza Stephen wari muri uru ruzinduko yagize ati 'Twashimangiraga ibyo abaperezida b'ibihugu byombi bari baraganiriye mu koroherezanya mu bucuruzi hagati y'ibihugu byombi. [Touadera] yavuze ko ari we wasabye Perezida mugenzi we kugira ngo abashoramari bo mu Rwanda baze muri Centrafrique bahateze imbere banasigire n'ubumenyi abaho.'

    Yongeyeho ko PerezidaTouadera yabasezeranyije ko agiye gukora ibishoboka byose agashyigikira ishoramari ryabo.

    Ati “Yiyemeje gushyira mu bikorwa ibyo yasezeranyije Perezida mugenzi we […] ku buryo igihe dukeneye ubufasha bwose yemeye ko azabidukorera.'

    Centrafrique yuzuyemo amahirwe y'ishoramari

    Mu bikorwa byihutirwa Abanyarwanda bashobora gutangira gushoramo imari, harimo ubuhinzi kuko Centrafrique ifite hegitari miliyoni 30 zidahingwa.

    Perezida Touadéra arashaka ko abashoramari b'Abanyarwanda bamufasha kubyaza umusaruro ayo mahirwe y'iterambere, bagakora ubuhinzi bugezweho muri icyo gihugu kuko uretse kuba kitabona ibiribwa bihaza abaturage bacyo, ubutaka bwacyo bufite ubushobozi bwo kuba bwahaza ibindi bihugu cyane nk'ibituye mu bice by'ubutayu biri mu Majyaruguru ya Centrafrique, byaba ari isoko ryiza cyane ry'umusaruro w'ubuhinzi wakomokayo.

    Mu bindi Perezida Touadéra yamaze kugaragaza ko byakorwamo ishoramari ritanga umusaruro, harimo urwego rwa banki, ari na rwo nkingi ya mwamba yo guteza imbere urwego rw'abikorera muri rusange.

    Perezida Touadéra yamaze kugaragaza ko ishoramari muri banki za gisirikare, iz'abagore, iz'urubyiruko, iz'iterambere n'izindi zitandukanye z'ubucuruzi, rihawe ikaze muri icyo gihugu.

    Harimo kandi urwego rw'inganda, runakubiyemo urwego rw'ubucukuzi bw'amabuye y'agaciro aboneka ku bwinshi muri icyo gihugu.

    Centrafrique ni kimwe mu bihugu bifite amabuye y'agaciro y'ubwoko butandukanye harimo n'aboneka hacye cyane ku Isi nka 'rare earth', umutungo ukenewe cyane ku Isi magingo aya ukorwamo ibirimo bateri z'imodoka n'ibindi bikoresho by'ikoranabuhanga rihambaye.

    Harimo kandi amabuye nka zahabu, diamant, coltan, peteroli n'ubundi bwoko bwinshi bw'amabuye y'agaciro, uretse ko amenshi agirira akamaro ba rusahurira mu nduru n'imitwe y'inyeshyamba, aho kuba abenegihugu bayakwiye. Nk'ubu 95% bya zahabu na 30% bya diamant icukurwa muri Centrafrique icuruzwa hanze y'igihugu mu buryo bunyuranyije n'amategeko.

    Gukorera ubucuruzi muri Centrafrique ntibizoroha, kuko ibikorwa by'ingenzi mu koroshya ishoramari nk'umuriro w'amashanyarazi, bisa nk'ibidahari burundu, kuko bifitwe na 3% gusa by'abatuye Centrafrique.

    Minisitiri Ushinzwe Ibikorwa by'Ishoramari, Pascal Bida Koyagbele, aherutse kubwira IGIHE ko yizeye ko ishoramari ry'Abanyarwanda rizatanga umusanzu ukomeye ku iterambere n'amahoro by'iki gihugu cy'igituranyi.

    Ati 'Ntekereza ko ari iterambere ry'ubukungu, bizateza imbere amahoro, bizatanga imirimo ku rubyiruko, izateza imbere ubukire, izatuma abantu batandukanye babona ibyo gukora mu guteza imbere igihugu ariko ibirenze iby'ubukungu, ingabo z'ibihugu byombi zigomba gukorana mu gushakira umutekano abaturage.'

    Ku Banyarwanda barimo Nsabumukiza Aimable, rwiyemezamirimo mu bijyanye n'amahoteli n'ubukerarugendo, ubwo yakoreraga urugendo muri iki gihugu, yavuze ko ku Munyarwanda ushaka gukora, Centrafrique atari ahantu ho gushora imari mu mafaranga gusa ahubwo ko n'abafite ibyo bazi bashaka gukora, bashobora kugana iki gihugu.

    Abayobozi ba PSF bakiriwe mu Biro bya Perezida muri Centrafrique

    Perezida Touadéra yakiriye Robert Bapfakurera ukuriye Urugaga rw’Abikorera mu Rwanda, PSF

    Source : http://igihe.com/amakuru/u-rwanda/article/perezida-touadera-yemeye-kuzafasha-abanyarwanda-bifuza-gushora-imari-muri

  • Gasogi United yazanye abanya-Brazil babiri yatsinze AS Kigali(AMAFOTO) #rwanda #RwOT

    Mu mukino wa gicu, ikipe ya Gasogi United yatsinze AS Kigali 1-0 cya Heron, ni umukino wabereye kuri Stade ya Bugesera.

    Ni umukino wateguwe mu rwego rwo gufasha amakipe yombi kwitegura shampiyona iteganyijwe gutangira mu kwezi gutaha.

    AS Kigali yari igiye gukina umukino wayo wa gatatu wa gicuti, ni nyuma yo gutsinda Gorilla 3-2 ndetse ikananganya na Marines FC1-1.

    Gasogi United yo ukaba wari umukino wa gicuti wa 2 ikinnye, ni nyuma yo gutsinda Gorilla FC 1-0.

    Uyu mukino igice cya mbere cy’umukino cyihariwe na Gasogi United kuko yagiye ibona amahirwe menshi n’ubwo atari ko yose yayabyaje umusaruro.

    Ku munota wa 31 Gasogi United yaje kubona igitego cya mbere gitsinzwe na Herron Scarla Berrian kuri penaliti, ni nyuma y’ikosa Mukonya(Ahoyikuye Jean Paul) yakoreye kuri Rugangazi Prosper wahise unasohoka mu kibuga agasimburwa na Kikoyo.

    Amakipe yombi yagiye kuruhuka ari 1-0. Mu gice cya kabiri AS Kigali yaje yariye karungu maze isatira cyane Gasogi United ndetse inabona amahirwe menshi ariko kureba mu izamu rya Mazimpaka Andre witwaye neza cyane muri uyu mukino biranga, umukino warangiye ari 1-0.

    Uyu mukino kandi wakurikiranywe n’abakinnyi babiri bashya b’abanya-Brazil baje gukinira Gasogi United.

    Umwe ni Diego Dos Santos ukina inyuma y’umwataka(10) umaze iminsi mu Rwanda aho yanatangiye imyitozo, undi ni Diogo Da Souza ukina nk’umwataka(9) wageze mu Rwanda uyu munsi.

    11 amakipe yombi yitabaje

    Gasogi United: Mazimpaka Andre, Yamini Salum(Nkubana Marc), Ndabarasa Tresor, Kazindu Bahati Guy, Kaneza Augustin, Herron Scarla Berrian(Byumvuhore Tresor), Tuyisenge Hakim Dieme, Rugangazi Prosper(Kikoyo), Iradukunda Jean Bertran(Nzitonda Eric), Niyonkuru Jean Luc na Nkuzimana Sadi(Idi Museremu)

    AS Kigali: Ndayishimiye Eric Bakame, Rugirayabo Hassan, Ahoyikuye Jean Paul[Mukonya], Karera Hassan, Rurangwa Mosi, Kwizera Pierrot, Ndekwe Felix, Shabani Hussein Tchabalala, Benedata Janvier, Hakizimana Muhadjiri na Orotomal Alex.

    Abakinnyi 11 Gasogi United yabanjemo

    Abakinnyi 11 AS kigali yabanje mu kibuga

    Ba kapiteni mbere y’umukino

    Tchabalala(11) agerageza gucenga

    Mosi akurura Bertrand wa gasogi United

    Bertrand agerageza guhindura umupira imbere y’izamu

    Diego Dos Santos yatangiye imyitozo muri Gasogi United

    Diogo Da Souza wageze mu Rwanda uyu munsi(ibumoso) na Diego Dos Santos watangiye imyitozo(iburyo) bakurikiraniye umukino muri Stade

    Perezida wa Gasogi United, KNC yarebye uko abasore batsinze AS Kigali

    Umuyobozi wa APR FC, Maj Gen Mubarakh Muganga yakurikiranye uyu mukino

    Source : http://isimbi.rw/siporo/article/gasogi-united-yazanye-abanya-brazil-babiri-yatsinze-as-kigali-amafoto

  • Watford yiganye Norwich nayo ihita igaruka muri Premier League nyuma y'amezi 9 gusa #rwanda #RwOT

    Igitego 1-0 Ismaila Sarr yatsindiye Watford mu mukino yari ihanganyemo na Millwall kuri Vicarage Road cyayifashije guhita igaruka muri Premier League.

    Ismaila Sarr yategewe mu rubuga rw'amahina ku munota wa 11 w'umukino,byatumye ahabwa penaliti yinjije neza agarura Watford mu cyiciro cya mbere nyuma y'amezi 9 gusa imanutse.

    Ikipe ya Watford itozwa n'umugabo witwa Xisco isigaje imikino 2 muri Championship ariyo mpamvu ubu ifite intego imwe gusa yo gushaka uko yakwegukana igikombe cya shampiyona ihanganiye na Norwich.

    Watford yatwara igikombe igihe Norwich yaba itsinzwe umwe muri iyi mikino hanyuma yo ikayitsinda yose.

    Norwich yo yatsinze Queens Park Rangers ibitego 3-1 ikomeza kurusha Watford amanota 5.Watford imaze gutsinda imikino 10 muri 11 iheruka gukina ndetse uyu Sarr wayizamuye amaze gutsinda ibitego 13 anatanga imipira yavuyemo ibitego 10.

    Hull City yakinaga mu cyiciro cya 3 nayo yagarutse muri Championship nyuma yo gutsinda ibitego 2-1 ikipe ya Lincoln City.

    Source : http://umuryango.rw/imyidagaduro/imikino/article/watford-yiganye-norwich-nayo-ihita-igaruka-muri-premier-league-nyuma-y-amezi-9

  • Rayon Sports igiye gusinyisha umunya Gabon wifuzwa n'amakipe akomeye muri Afurika #rwanda #RwOT

    Uyu Junior Bayanho-Aubyang w'ikipe ya Bouenguidi Sport yo muri GABON yamaze kugera i Kigali aho umwanya uwo ariwo wose arasinya amasezerano muri Rayon Sports.

    Amakuru aravuga ko uyu musore yifuzwagacyane na TP Mazembe yo muri RDC na Wydad Athletic Casablanca yo muri Maroc, nyuma yo kwigaragaza muri Champions League y'uyu mwaka igeze muri ¼ cy'irangiza.

    Uyu Rutahizamu azagaragara ku wa mbere mu mukino wa gicuti ikipe ya Rayon Sports na Police FC, cyane ko yageze mu Nzove.

    Umwe mu bashakira abakinnyi ikipe ya Wydad Athletic Casablanca muri uku kwezi yemeje ko uyu mukinnyi afite ubuhanga bakeneye bityo bazamukoresha igerageza bakareba ko bamuha amasezerano.

    Rayon Sports iri mu itsinda B rya Shampiyona, izatangirira kuri Gasogi United tariki ya 2 Gicurasi, iminsi itatu mbere yo guhura na Kiyovu Sports mu gihe izasoreza kuri Rutsiro FC tariki ya 8 Gicurasi 2021.

    Mu kwitegura iyi mikino, imaze gukina umukino umwe wa gicuti, aho yatsinze Bugesera FC ibitego 2-0 ku wa Gatatu mu gihe ishobora gukina na Police FC undi mukino wa gicuti ku Cyumweru cyangwa ku wa Mbere tariki ya 26 Mata 2021.

    Source : http://umuryango.rw/imyidagaduro/imikino/article/rayon-sports-igiye-gusinyisha-umunya-gabon-wifuzwaga-n-amakipe-akomeye-muri

  • Ndera: Agahinda k'umwana watewe inda afite imyaka 17 agashyirwa ku nkeke n'ababyeyi be – #rwanda #RwOT

    Mu kiganiro IGIHE yagiranye n'uyu mwana, yavuze ko abayeho nabi dore ko ababyeyi be bari guha akato umwana we w'umwaka n'igice.

    Uyu mukobwa ubusanzwe uvuka mu Murenge wa Kanyinya, yavuze ko yatewe inda n'umumotari kandi kuva icyo gihe ntibarongera kubonana na rimwe.

    Ati 'Umuryango wanjye ntabwo wemera uyu mwana, urabyumva ko akato katabura ku babyeyi.'

    Yakomeje avuga ko ahangayikishijwe n'ubuzima bw'umwana we cyane ko n'umusore wamuteye inda batari bongera kubonana na rimwe.

    Ati 'Natwise mfite imyaka 17 umwana afite umwaka umwe n'igice. Ikibazo mfite ni uko uwanteye inda tutari twongera kubonana kandi yari yanyijeje ko tuzabana tugasezerana ku buryo ari nabyo yagendaga anshukisha kugira ngo tujye turyamana.'

    Yemeza ko abayeho nabi kuko iwabo ntacyo bamufasha ahubwo bahora bamucunaguza banamucyurira ku buryo no kubona amashereka bimugora kubera kurya rimwe na rimwe.

    Uyu mwana yemeza ko aramutse abonye abagiraneza bamurihira amashuri yajya kwiga imyuga kugira ngo abashe gutunga umwana we.

    Impuzamiryango yita ku Burenganzira bwa Muntu, CLADHO, igira inama ababyeyi yo kudatererana abana babo bazizwa ko batwaye inda imburagihe, ahubwo bakababa hafi kugira ngo badahura n'ibibazo byisumbuyeho.

    Uyu mukobwa avuga ko ababyeyi be bamuhoza ku nkeke ijoro n’amanywa

    Source : http://igihe.com/amakuru/u-rwanda/article/ndera-agahinda-k-umwana-watewe-inda-afite-imyaka-17-agashyirwa-ku-nkeke-n

  • Amb. Mutsindashyaka yagaragaje ko kurwanya ipfobya rya Jenoside atari inshingano z’abanyarwanda gusa –

    Uyu muhango wabaye hakoreshejwe ikoranabuhanga wahuriyemo abayobozi bahagarariye ibihugu byabo muri Congo, abahagarariye imiryango mpuzamahanga, inshuti z’u Rwanda ndetse n’abanyarwanda baba mu bihugu biri mu nshingano za Ambasade y’u Rwanda muri Congo Brazzaville aribyo Gabon, Centrafrique, Cameroun na Repubulika ya Congo.

    Umujyanama mu by’amategeko wa Komisiyo y’Igihugu yo Kurwanya Jenoside, CNLG, Dr Bideri Diogène mu kiganiro yatanze yagarutse ku nshingano za buri wese mu kurwanya ihakana, ipfobya n’ingengabitekerezo ya Jenoside mu kwirinda ko yazongera kubaho ahariho hose.

    Ambasaderi w’u Rwanda muri Congo, Mutsindashyaka Théoneste, yavuze ko kurwanya ingengabitekerezo ya Jenoside, atari inshingano y’abanyarwanda gusa, ahubwo bireba buri kiremwamuntu.

    Ati “Ni inshingano zacu twese, nk’ikiremwamuntu, nk’abaturage b’Isi. Tugomba gukoresha uburyo bwose kugira ngo guhakana no gupfobya Jenoside bitabona umwanya mu bihugu byacu kandi n’ababiguzemo uruhare bagahanwa.”

    Amb. Mutsindashyaka yashimiye ibihugu birimo gukora iperereza no gukurikirana abagize uruhare muri Jenoside yakorewe Abatutsi mu 1994, anashishikariza ibindi bitarabikora gukora iperereza, guta muri yombi, gukurikirana cyangwa se kohereza mu Rwanda abakekwa.

    Ati “Nta cumbi rikwiye kubaho ku basize bakoze jenoside ndetse n’abagifite ingengabitekerezo ya jenoside, kubera ko ubutabera bugomba kubakurikirana.”

    Ministiri w’Umuco n’Ubugeni muri Repubulika ya Congo, Dieudonné Moyongo, wari uhagarariye leta ya Congo muri uyu muhango, yavuze ko hagendewe ku mateka bikwiriye ko amahanga ahuza imbaraga mu kurwanya ipfobya, ihakana n’ingengabitekerezo ya Jenoside.

    Yanashimiye kandi u Rwanda n’abanyarwanda kuba bataraheranywe n’agahinda k’ibyabaye, ahubwo bikaba byaratumye bagira imbaraga zo kongera kwiyubakira igihugu bashingiye ku bumwe n’ubwiyunge.