Webrwanda Backend

Author: webrwanda

  • Gasabo: Abitegura gukora ikizamini cya Leta baraye ku biro by’umurenge bategereje gufotorwa –

    Mu ijoro ryo ku wa Gatanu tariki ya 23 Mata 2021, nibwo ku biro by’umurenge wa Kinyinya haraye abanyeshuri batandukanye bari baje ngo bafotorwe amafoto azashyirwa ku ndangamuntu zabo.

    Ni abanyeshuri bari baturutse mu mirenge itandukanye, baba benshi kurusha ababahaga serivisi.

    Ibi bije nyuma y’aho hasohokeye amabwiriza y’uko buri munyeshuri wese uzakora ikizamini cya Leta gisoza amashuri yisumbuye asabwa kugira indangamuntu.

    Umunyeshuri umwe mu baganiriye na Tv1 yagize ati “ Turi benshi cyane twaraye ku murenge bukeye batuzana hano ku kigo cy’amashuri cya Kagugu, twaraye duhagaze.”

    Umunyabanga Nshingwabikorwa w’Umurenge wa Kinyinya, Nduwayezu Alfred yemereye IGIHE ko ibi byabaye ariko byatewe n’uko abanyeshuri bashaka kwifotoza baje ari benshi kandi ubaha iyo serivisi ari umwe.

    Ati “ Urebye ni abana baza bashaka kwifotoza noneho bakarara amajoro bagenda kuko iyo bamenye ko icyo gikorwa kizaba barara amajoro bagenda,Gatsata baraza Nduba baraza Bumbogo baraza na Jabana baraza bose kugira ngo barebe ko bahagera mbere.”

    Kubera ubwinshi bw’abo banyeshuri, byabaye ngombwa ko bamwe basabwa gusubira mu mirenge baturukamo bagategereza igihe bazaza kubafotora.

    Umuyobozi Nshingwabikorwa w’Akarere ka Gasabo, Umwali Pauline, yavuze ko basabye ikigo cy’Igihugu Gishinzwe Indangamuntu kubaha abandi bakozi bane babafasha muri iki gikorwa.

    Ati “Ntabwo ari uko bisanzwe bimeze, muri iki cyumweru ni abana b’abanyeshuri bagejeje imyaka. Twatunguwe no kubona baje ari benshi ariko twasabye NIDA ko baduha abakozi babo bane baza gufasha umurenge kuko umurenge uba ufite umukozi umwe ubishinzwe.”

    Bivugwa ko abanyeshuri bagera kuri 400 aribo bari baje ku murenge wa Kinyinya kwifotoza.

    Aba banyeshuri baturutse mu mirenge itandukanye igize Gasabo bashaka amafoto yo gukoresha ku ndangamuntu

  • Abantu 12 barimo Umuraperi Jay Polly bafatiwe mu birori banywa ibiyobyabwenge –

    Aba bantu bafatiwe mu rugo rwa Jay Polly i Kibagabaga ku wa Gatanu w’iki cyumweru, aho basanzwe bari mu birori mu gihe bitemewe muri iki gihe mu kwirinda Coronavirus.

    Mu muhango wo kwereka itangazamakuru aba bantu wabereye ku Cyicaro cya Polisi ku rwego rw’Umujyi wa Kigali kiri i Remera, Polisi yavuze ko aho bafatiwe i Kibagabaga ngo basanganywe n’ibiyobyabwenge birimo urumogi n’imiti ifasha abasore gutera akabariro izwi nka “Puturi”.

    Mu bafashwe harimo na muganga watanze icyangombwa mpimbano cyerekana ko umwe muri bo yipimishije Coronavirus ndetse akaba ntayo afite.

    Uyu muganga ari mu itsinda ryabonye bwa mbere umurwayi wa Coronavirus mu Rwanda muri Werurwe umwaka ushize.

    Yavuze ko yicuza kuba yaguye mu makosa akomeye kuko “Nakoze ibishoboka byose ngo ndwanye COVID-19 none mbabajwe ko nisanze mu cyaha nk’iki.’’

    Umuraperi Jay Polly yasobanuye ko ibyabaye we nta ruhare yabigizemo kuko yari yagiye muri gahunda ze z’umuziki.

    Yagize ati “Hari abantu bo muri Tanzania na Amerika bari baje kumpa ikiraka cyo kwamamaza. Twamaze kuvugana njya kuri studio nsize murumuna wanjye mu rugo, ngarutse nsanga abantu benshi ntazi mu rugo.’’

    Yavuze ko ibijyanye n’urumogi, impapuro z’uko bipimishije Coronavirus na puturi abyumva gutyo ariko nta makuru abifiteho.

    Umuvugizi wa Polisi y’Igihugu, CP John Bosco Kabera, yavuze ko Abanyarwanda bakwiye gukomeza kwitararika ku ngamba zo kwirinda Coronavirus.

    Abantu 12 barimo Umuraperi Jay Polly bafatiwe mu birori banywa ibiyobyabwenge

    Aba bantu bose bafatiwe mu rugo kwa Jay Polly ruri i Kibagabaga

  • Breaking News: Umuraperi ukomeye mu Rwanda ari mu bantu 12 bafatiwe mu birori banafite ibiyobyabwenge birimo urumogi. #rwanda #RwOT

    Umuraperi Jay Polly yatawe muri yombi ari kumwe n'abandi bantu 11 aho bari barenze ku mabwiriza yo kwirinda COVID-19 ndetse banafatanwa ibiyobyabwenge birimo urumogi.

    Kuri iki Cyumweru tariki ya 25 Mata 2021, Polisi y'u Rwanda yerekanye Jay Polly na bagenzi be aho yabasanze i Kibagabaga bari mu birori kandi bitemewe.

    Uretse kurenga ku mabwiriza yo kwirinda COVID-19 Polisi y'u Rwanda yatangaje ko banafatanywe ibiyobyabwenge birimo urumogi, n'imiti yongerera ingufu abagabo mu gihe cyo gukora imibonano mpuzabitsina izwi nka 'Puturi'.

    Aba bose bari bafite ibyangombwa byerekana ko bipimishije COVID-19 by'ibihimbano ndetse umuganga wabibahaye nawe yatawe muri yombi.

    Umuhanzi Jay Polly yatawe muri yombi

    Source : https://impanuro.rw/2021/04/25/breaking-news-umuraperi-ukomeye-mu-rwanda-ari-mu-bantu-12-bafatiwe-mu-birori-banafite-ibiyobyabwenge-birimo-urumogi/

  • Burundi : Umwe mu Bajenerali bakoreye Coup d’État Nkurunziza igapfuba yapfiriye muri gereza #rwanda #RwOT

    Uyu wari umusirikare ukomeye mu Burundi, akaba ari n’umwe mu bigeze gukorera Coup d’État Perezida Pierre Nkurunziza muri 2015, yapfuye kuri uyu wa Gatandatu tariki 24 Mata 2021 mu masaha y’umugoroba.

    Maj Gen. Cyrille Ndayirukiye yapfuye urupfu rutunguranye aho yari afungiye muri gereza, gusa urwego rushinzwe imfungwa n’abagororwa cyangwa Igisirikare cya kiriya gihugu ntibatangaje icyo yazize.

    Gen Ndayirukiye yari Minisitiri w’Ingabo ku butegetsi bwa Perezida Nkurunziza, ndetse afatwa nk’umuntu wa kabiri ukomeye mu bari mu mugambi wo guhirika ubutegetsi bwe akurikiye Gen Niyombare Godefroid.

    Mu 2016, urukiko rwakatiye Ndayirukiye igihano cyo gufungwa burundu nyuma yo kumuhamya icyaha cyo gushaka guhirika ubutegetsi ubu akaba yari ari gukora iki gihano.

    Muri Gicurasi 2015 ubwo Pierre Nkurunziza wari Perezida w’u Burundi yari i Dar es Salaam muri Tanzania yagiye mu nama y’Abakuru b’Ibihugu byo mu Karere, ni bwo Gen Niyombare Godefroid yatangaje ko bamuhiritse ku butegetsi.

    Ibiro by’Umukuru w’Igihugu byatangaje ko iyo Coup d’État atari yo ndetse nyuma y’igihe gito, Perezida Pierre Nkurunziza yahise agaruka i Burundi yakirwa nka Perezida ndets akomeza kuyobora aza no gutsinda amatora muri manda ya gatatu ariko yaje kwitaba Imana hamaze gutorwa Perezida Evariste Ndayishimiye uyobora iki gihugu ubu.

    JPEG - 50.3 ko
    Gen Ndayirukiye uhagaze

    UKWEZI.RW

    Source : http://www.ukwezi.rw/Mu-mahanga/Umutekano/article/Burundi-Umwe-mu-Bajenerali-bakoreye-Coup-d-Etat-Nkurunziza-igapfuba-yapfiriye-muri-gereza

  • Hamuritswe ikoranabuhanga rishya rizafasha abakorana na CLECAM Ejo Heza kubitsa no kubikuza kuri telefone –

    Ni serivisi zisanzwe zizwi nk’izikoreshwa mu bigo by’imari bikomeye, ku buryo bamwe mu bahinzi n’aborozi babitsa mu kigo cy’imari cya CLECAM bavuga ko iyi serivise ije ari igisubizo kuri bo cyane kuko izabafasha mu gucunga neza imari yabo bitabasabye gukora ingendo no gutonda umurongo bajya ku cyicaro cya banki yabo.

    Habimana Damien, umwe mu banyamuryango ba CLECAM, yavuze ko iyi serivisi yo kubitsa no kubikuza kuri telefone izabafasha kudatakaza umwanya bajya kuri banki kubitsa cyangwa kubikuza.

    Yagize ati “Mbere wakeneraga amafaranga yo guhemba nk’abakozi wakoresheje ba nyakabyizi, bikagusaba kuza kuyareba kuri banki, rimwe na rimwe ukabikuza menshi wirinda kuzakora urundi rugendo, hagira asigara ukayakoresha ibyo utayateganirije. Kuri ubu bitewe n’uko uyabona mu buryo bworoshye kuri telefone, ubikuza ayo ugiye gukoresha gusa andi akaguma mu bwizagame bwacu.”

    Gahonzire Espérance na we avuga ko bigiye gutuma bagira umwete wo kwizigama.

    Yagize ati “Mbere washoboraga kugurisha nk’amata cyangwa agatebo k’inyanya, amafaranga ukayabika mu rugo uvuga ngo azabanze abe menshi aho gutega njya kuyabitsa, nkazasubirayo njyanye andi, rimwe na rimwe bikarangira uyakoresheje ibindi utateguye. Kuri ubu, aho tuboneye iyi serivisi urayabona ukayashyira kuri telefoni yawe, ukayabitsa cyangwa ukayabikuza.”

    Umuyobozi wa ADFinance Ltd, Mugabonake Bayingana Olivier, yavuze ko batekereje gukora uyu mushinga wa serivisi z’ikoranabuhanga mu bijyanye n’imari, nyuma yo gukora ubushakashatsi bagasanga umuturage atakaza amafaranga menshi ndetse n’umwanya mu gihe ajya kubitsa cyangwa kubikuza.

    Yagize ati “Hari ubushakashatsi twakoze dusanga umuturage atakaza nibura amafaranga arenga 780 Frw ku rugendo kandi bikamutwara amasaha abiri kugira ngo abashe kugera ku ishami rya banki ye. Twasanze umuturage ajyayo inshuro zirenga eshatu mu kwezi, ugasanga atakaza amafaranga menshi ndetse n’umwanya ku buryo abihomberamo cyane.”

    Yavuze ko Ubwo rero usanga ayo azasabwa ngo akoreshe iyi serivisi ari macye cyane ugereranyije ni gihombo yahuraga nacyo kugirango abone serivisi za banki. Ikindi Kandi bizafasha abaturage mu kubona inguzanyo kuko bizatuma bakoresha cyane konti zabo cyane nkuko biri mubirebwa mu kwiga ubusabe bw’inguzanyo. “

    Dusabumuremyi Merchias, Umuyobozi wa CLECAM Ejoheza yasobanuye zimwe mu nyungu zizagera ku banyamuryango bazitabira gukoresha iyi serivisi y’ikoranabunga mu kubitsa no kubikuza ya “Push and Pull”.

    Ati “Abakiliya bagiye koroherwa mu kubona serivisi za banki, aho batazongera gukora urugendo bajya kubitsa no kubikuza, ahubwo bakajya bayohereza kuri telefoni yabo bakegera umu-agent wa sosiyete y’itumanaho ubegereye akababikuriza bitagoranye. Iyi serivisi ya Mobile Banking rero izabafasha kubona serivisi za bank bari mu rugo.”

    Yavuze ko imbogamizi zigihari ari abanyamuryango badafite telefoni cyangwa se batarandikisha nimero ya telefon bakoresha ku buryo babasha gukoresha iyi serivisi, anaboneraho kubashishikariza kuyitabira cyane ko ugeze ku kigo cy’imari cyose cya CLECAM, bamufasha kuyikoresha.

    Kuri ubu hamaze kubitswa no kubikuzwa amafaranga arenga miliyoni 125 Frw hifashishijwe iyi serivisi nshya. Kuva yahagera kandi, abanyamuryango bamaze kugera ku bihumbi 26 batangiye kuyikoresha, ni ukuvuga hafi 45% by’abakiliya bose ba CLECAM Ejoheza.

    Abitabiriye umuhango wo gutangiza serivisi ya Push and Pull

    Aimable Nkuranga, Umuyobozi Mukuru w’Ihuriro ry’ibigo by’imari iciriritse yashimye iyi serivisi nshya

    Gahonzire Esperance, umunyamuryango wa clecam ukoresha serivisi ya push and pull yavuze ko bigiye kuborohereza

    Mugabonake Bayingana Olivier yavuze ko batekereje gukora uyu mushinga wa serivisi z’ikoranabuhanga mu bijyanye n’imari, nyuma yo gukora ubushakashatsi bagasanga umuturage atakaza amafaranga menshi

    Ubuyobozi bwa IMSAR, umufatanyabikorwa wa CLECAM bwari buhagarariwe

    Dusabumuremyi Merchias, Umuyobozi wa CLECAM Ejo Heza

  • Polisi yerekanye abantu 12 barimo Jay Polly bafatiwe mu birori #rwanda #RwOT

    Aba bantu 12 barimo uyu muraperi wakanyujijeho mu Rwanda ubwo yigeze kugira abakunzi benshi kubera ibihangano bye, bafatiwe i Kibagabaga bari kunywa ibiyobyabwenge birimo n’urumogi.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Polisi-yerekanye-abantu-12-barimo-Jay-Polly-bafatiwe-mu-birori

  • Kigali: Polisi yafashe umwe mu bakwirakwiza amavuta yo kwisiga atemewe #rwanda #RwOT

    Polisi y'u Rwanda, ikorera mu Mujyi wa Kigali mu Karere ka Nyarugenge yafashe uwitwa Hakizimana Charles w'imyaka 33, yafashwe arimo kugenda akwirakwiza amavuta atemewe yo kwisiga azwi ku izina rya mukorogo, ibi byabaye kuri uyu wa Gatanu tariki ya 23 Mata 2021 .

    Hakizimana yafashwe atwaye ayo mavuta kuri moto, afatirwa mu isoko rya Karama mu Kagari ka Nyabugogo mu Murenge wa Kigali mu Karere ka Nyarugenge.

    Hakizimana akimara gufatwa yavuze ko yari umukozi wahawe akazi ko kujya agemurira ayo mavuta abacuruzi batandukanye mu masoko yo mu Mujyi wa Kigali, akaba yayakuraga mu bubiko bwa sebuja yavuze ko yitwa Nkurikiyimana Juvenal bakunze kwita Gatoya utuye mu Murenge wa Kimisagara. 

    Umuyobozi wa Polisi mu Karere ka Nyarugenge, Senior Superintendent of Police(SSP) Jackline Urujeni yavuze ko Hakizimana yafatanwe amako agera kuri 11 y'amavuta yo kwisiga atemewe harimo ayitwa Carolight, Diproson, Mediven, White Max, Delmasol n'andi atandukanye.

    SSP Urujeni yavuze ko gufatwa kwa Hakizimana kwagizwemo uruhare n'abaturage biturutse ku bufatanye busanzwe  hagati ya Polisi y'u Rwanda n'abaturage mu kurwanya ibyaha.

    Yagize ati'Abaturage baduhaye amakuru ko hari umuntu ugenda ukwirakwiza  amavuta atemewe ahindura uruhu. Yafashwe afite igikapu kinini cyuzuyemo ayo mavuta atemewe mu Rwanda, yavuze ko ayahabwa n'umukoresha we witwa Nkurikiyimana Juvenal ngo akaba yaramuhaye akazi ko kujya ayamugereza ku bakiriya be bacururiza mu Mujyi wa Kigali.'

    Umuyobozi wa Polisi mu Karere ka Nyarugenge yakomeje avuga ko hakirimo gushakishwa uyu Nkurikiyimana, asaba abaturage gukomeza kurwanya ibyaha batangira amakuru ku gihe. Yaburiye bamwe mu bacuruzi bagicuruza amavuta atemewe ko babicikaho kuko Polisi ifatanije n'izindi nzego batazahwema kugenzura abagicuruza ayo mavuta bakabihanirwa.

    Hakizimana yahise ashyikirizwa Urwego rushinzwe ubugenzacyaha(RIB) kugira ngo hakorwe iperereza.

    Itegeko nº68/2018 ryo ku wa 30/08/2018 riteganya ibyaha n'ibihano muri rusange ingingo ya 266 ivuga ko Umuntu wese ukora, ugurisha, utanga ibintu bibujijwe bikurikira: Umuti; ibintu bihumanya;  ibintu binoza cyangwa bisukura umubiri;  ibindi bikomoka ku bimera; aba akoze icyaha. Iyo abihamijwe n'urukiko, ahanishwa igifungo kitari munsi y'umwaka umwe (1) ariko kitarenze imyaka ibiri (2) n'ihazabu y'amafaranga y'u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW) cyangwa kimwe gusa muri ibyo bihano.

    Source : https://impanuro.rw/2021/04/25/kigali-polisi-yafashe-umwe-mu-bakwirakwiza-amavuta-yo-kwisiga-atemewe/

  • Umunyarwandakazi Alyn Sano yasezerewe mu irushanwa mpuzamahanga rigeze mu mahina #rwanda #RwOT

    Uyu munyarwandakazi wari umaze iminsi asaba Abanyarwanda kumutora muri iri rushanwa rikomeye muri Africa, yasezerewe mu ijoro ryo kuri uyu wa 25 Mata 2021.

    Iki gikorwa cyabereye i Abidjan muri Côte d’Ivoire, cyari kitabiriwe na benshi bari baje gushyigikira aba banyempano bo mu bihugu bya Afurika bikoresha ururimi rw’Igifaransa.

    Cya ikiciro cyo gushakisha abahanzi bane berekeza mu cyiciro cya nyuma cy’iri rushanwa 'The Voice Afrique’.

    Umunyarwandakazi Alyn Sano yari umwe mu bari bahatanye muri iri rushanwa nubwo bitamuhiriye ko abasha kuharenga.

    Mu cyiciro kibanziriza icya nyuma niho Alyn Sano yagarukiye, ntiyabashije gukomeza mu itsinda yari arimo nyuma yo kurushwa n’umusore ukomoka muri Togo witwa Foganne.

    JPEG - 96.8 ko
    Gyovanni ni we wakomeje

    UKWEZI.RW

    Source : http://www.ukwezi.rw/Imyidagaduro/article/Umunyarwandakazi-Alyn-Sano-yasezerewe-mu-irushanwa-mpuzamahanga-rigeze-mu-mahina

  • Burundi: Perezida Ndayishimiye yasabye abasirikare guhora biteguye kwivuna umwanzi utari kure #rwanda #RwOT

    Kuri uyu wa Gatanu, Perezida Evariste Ndayishimiye yatangije umwaka w'ishuri rya gisirikare mu Burundi, ISCAM.

    Perezida Ndayishimiye yahamagariye abasirikare bose kuba maso muri iyi minsi no kwitegura kurwanya umwanzi aho yaturuka hose.

    Ubwo butumwa bwagarutsweko kandi na Minisitiri w'ingabo n'umukuru w'ibiro bikuru bya gisirikare.

    Umukuru w'igihugu cy'u Burundi,Ndayishimiye Evariste yasabye igisirikare cye guhora kiri maso ndetse kigahora cyteguye kwivuna umwanzi umwanya uwo ari wo wose, kandi hatitawe aho aturutse.

    Ubwo yarimo gutangiza umwaka w'ishuri 2020/201 muri kaminuza ya gisirikare ISCAM, Perezida Evariste Ndayishimiye yavuze ko n'ubu umwanzi atari kure, abasaba kuba maso.

    Perezida Ndayishimiye, yibukije abakuri ingabo kwirinda abanyepolitike babashyiramo ibitekerezo bibi nkuko byabaye mu myaka ishize ubwo bamwe bashakaga gufata ubutegetsi ku ngufu. Yabasabye kumva impanuro z'ababakuriye.

    Muri ibi birori, umukuru w'ibiro bikuru bya gisirikare Prime Niyongabo, yemereye umukuru w'igihugu gukomeza kumuyoboka, kandi ko agiye gukomeza kubishishikariza abasirikare ayoboye.

    Minisitiri w'ingabo, Alain Tribert Mutabazi, asaba ingabo kurikanura zikarinda imipaka y'igihugu.

    Muri ibyo birori byo gutangiza umwaka w'ishuri rya gisirikare no guha impamyabushobozi abarangije muri iyo kaminuza, abategetsi batandukanye bashimiye ingabo ko zarinze igihugu mu myaka itanu ishize banenga abo bise ko bahemutse bashatse gushyira igihugu mu kaga.

    Hari n'abasirikare bahawe ibihembo, barimo uyobora ISCAM, Colonel Gaspard Baratuza washimangiye ko basubije ibintu mu buryo, bakagarura n'abasirikare yemeje ko bari bataye umurongo mu gushaka guhirika ubutegetsi mu mwaka wa 2015.

    Ku rundi ruhande, Général Major Cyrille Ndayirukiye wari ufungiwe muri gereza ya Gitega kubera kugira uruhare mu gikorwa cyo guhirika ubutegetsi bwa nyakwigendera Perezida Pierre Nkurunziza muri 2015 yapfuye. Yafatwaga nka kizigenza mu bahoze ari abasirikare ba FAB.

    IJWI RY'AMERIKA

    Source : http://umuryango.rw/amakuru/mu-mahanga/umutekano/article/burundi-perezida-ndayishimiye-yasabye-abasirikare-guhora-biteguye-kwivuna

  • Ndi umuzungu wabaye mayibobo mu buzima bubi|Papa yakundaga abagore cyane turamuta twigarukira mu Rwanda. – YEGOB #rwanda #RwOT

    Uyu musore ufite Papa we w'umuzungu na nyina w'umunyarwandakazi avuga ko yabayeho mu buzima bubi bwo kumuhanda ,aho yatoraguraga ibyuma akajya kugurisha kugirango afashe barumuna be.

    Manzi John ni umusore wavukiye muri Uganda ,aho yakuguriye kugeza agarutse mu Rwanda, nyuma yo gusiga se ubabyara kubera imyifatire ye igayitse nkuko abivuga.Manzi avuga ko Ise akomoka muri Pakistan naho nyina akaba umunyarwandakazi. Avuga ko Se yababareye umuntu mubi,ufite ingeso yo gukunda abagore cyane, ndetse no kumubuza amahirwe yo kwiga.Manzi yavuze ko yamaze imyaka igera muri 4 yose yaravuye mu ishuri.Muri iyo myaka yose yari abayeho nabi ,ari umwana wo kumuhanda(mayibobo).Avuga ko yatoraguraga ibyuma akajya kugurisha kugirango afashe barumuna be ,dore ko papa wabo yari yaramaze gushaka undi mugore.Yavuze ko nyuma baje gufata icyemezo biyizira mu Rwanda, ariko biyibye kuko ngo mu muco w'abanya Pakistan bigoye ko wabatwara abana be. Bageze mu Rwanda uyu musore avuga ko bamaze umwaka wose batiga ,hanyuma baza gutangira kwiga mumwaka wa 4 w'amashuri abanza ndetse abasha no kugenda amenya ururimi rw'ikinyarwanda neza ,kuri ubu ni umusore w'imyaka 25 y'amavuko .

     

     

    Leave your vote

    Comments

    0 comments

    Source : https://yegob.rw/ndi-umuzungu-wabaye-mayibobo-mu-buzima-bubipapa-yakundaga-abagore-cyane-turamuta-twigarukira-mu-rwanda/