Webrwanda Backend

Author: webrwanda

  • Musanze: Ubuhamya bw’abagore biteje imbere babikesha ikimina –

    Mu buhamya bw’aba bagore, bagaragaza ko bahoze ari abagore bo mu rugo, bagakora imirimo yatumaga badahura ngo basangire ibitekerezo mu iterambere.

    Umuyobozi w’Ikimina ‘Abajyana n’Igihe’, Uzamukunda Esperance, yavuze ko batangiye bagamije kujya bitangira ubwisungane mu kwivuza ariko bikabanza kubananira, gusa bakiyemeza gukomeza kugera ubwo bageze ku ntego yabo.

    Yagize ati “Twatangiye muri 2016, twahuraga ku mugoroba w’ababyeyi ariko ugasanga ikibazo cya mituweli kiragenda kigaruka, uwo mwaka ntitwahise tubigeraho ariko ntitwacitse intege twarakomeje. Twari 12 ariko ubu turi ingo 155 kandi abagore nibo benshi kuko ari 145 mu gihe abagabo ari 10”.

    Akomeza avuga ko kuri ubu bamaze gutera imbere kuko bamaze kugira amafaranga arenga miliyoni 4 Frw, ndetse bakaba barajwe ishinga no gukora indi mishinga ibateza imbere.

    Yagize ati “Ubu umutungo wose dufite ni miliyoni 4.2 Frw, kandi tuzishyura mituweli ya 1.8 Frw. turateganya gukora ubworozi bw’inkoko, twamaze kwizigamira muri Ejo Heza kandi twiteguye gukomeza kuguriza bagenzi bacu kugira ngo turusheho kwiteza imbere”.

    Nyiraneza Claire nawe yagize ati “Nari umugore wirirwa mu rugo nkategereza ko umugabo ari we uzana amafaranga yo gukoresha, hari igihe namusabye amafaranga y’isabune mbona ko atabyakiye neza, maze ntangira kwizigamira ku mafaranga nari nagurishije ibihaza. umugabo yarabikunze ndetse aranshyigikira dufata inguzanyo tuguramo inka, ubu irahaka kandi turafatanya mu kuyishyura dusigajemo ibihumbi 15 Frw mu bihumbi 100 Frw bari baduhaye”.

    Minisitiri w’Uburinganire n’Iterambere ry’Umuryango, Bayisenge Jeannette, uherutse gusura iki Kimina, yavuze ko ibi byerekana ko abagore bashoboye, bityo ko badakwiye kwitesha amahirwe y’iterambere no gukomeza gushingira iterambere ry’umuryango ku bagabo gusa.

    Yagize ati “Aba bagore babikoze neza kandi burya abagore bagaragaje ubushobozi ntibagomba kwitesha amahirwe bahabwa yo kwitera imbere. Icyo dusaba abagabo ni ukubashyigikira muri uru rugendo rw’iterambere. Turifuza umuryango uteye imbere kandi utekanye, niyo mpamvu twese dukwiriye gushyiramo imbaraga, niba tugamije kubaka umuryango uteye imbere kandi utekanye tugomba no kwirinda amakimbirane yo mu miryango ariko uruhare rw’umuturage ni ntasimburwa kubera ko ari nawe uba aba muri bya bibazo”.

    Ikimina Abajyana n’Igihe gifite abanyamuryango

    bari mu ngo 155 bakaba bamaze kugira ubwizigame bwa miliyoni 4 Frw.

    Itsinda ry’Abajyana n’Igihe ryiteje imbere rinyuze mu kwizigamira mu kimina

  • Umurundi Ndayiragije Etienne watoje ikipe y'igihugu ya Tanzania yasimbuye Karekezi Olivier gutoza ikipe ya Kiyovu SC. #rwanda #RwOT

    Nyuma yaho ubuyobozi bwa Kiyovu SC bwemeje ko uwari umutoza wayo mukuru Karekezi Olivier batandukanye, iyi kipe yamaze gutangaza ko umurundi Ndayiragije Etienne yamaze gusinyira urucaca kuyitoza mu gihe cy'amezi abiri.

    Ndayiragije watoje ikipe y'igihugu ya Tanzania aje gutoza Kiyovu Sc nyuma yaho komite nyobozi y'urucaca yicaye ikiga ku myitwarire yaranze Karekezi aho byavuzwe ko atitwaye neza ubwo ngo ataraye mu mwiherero w'iyi kipe mu ijoro ryo ku wa gatandatu tariki ya 1 Gicurasi 2021.

    Nyuma y'ibyo Kiyovu ikaba yarahise yanzura gutandukana n'umutoza mukuru wasimbujwe Ndayiragije Etienne wamaze no kugera mu gihugu cy'u Rwanda ndetse akaba yamaze no kwerekwa itangazamakuru kuri uyu wa gatatu.

    Ndayiragije Etienne aje muri Kiyovu nyuma yaho iyi kipe ifite akazi gakomeye ko guhatanira igikombe cya shampiyona y'u Rwanda ya 2020-2021 ikomeje gukinwa, kuri uyu wa gatatu tariki ya 5 Gicurasi 2021 Kiyov SC irakira ikipe ya Rayon Sports.

    The post Umurundi Ndayiragije Etienne watoje ikipe y'igihugu ya Tanzania yasimbuye Karekezi Olivier gutoza ikipe ya Kiyovu SC. appeared first on RUSHYASHYA.

    Source : https://rushyashya.net/umurundi-ndayiragije-etienne-watoje-ikipe-yigihugu-ya-tanzania-yasimbuye-karekezi-olivier-gutoza-ikipe-ya-kiyovu-sc/

  • Kiyovu iraje neza Abayovu itsinda Rayon 3-2, APR yo yatsinze umukino wa 2 #rwanda #RwOT

    Uyu mukino wa kabiri ku makipe yombi, urangiye ari ibitego 3 bya Kiyovu kuri 2 bya Rayon Sports bituma amakipe yombi anganya amanota atatu kuko Rayon yatsinze umukino wa mbere mu gihe Kiyovu yari yawutsinzwe.

    Igitego cya mbere muri uyu mukino cyatsinzwe na Rayon Sports yabonewe igitego cya mbere na Manasse Mutatu wakibonye ku munota wa gatatu w’igice cya mbere cy’umukino.

    Kiyovu Sports yakinaga yataka cyane, yaje kubona igitego cyo kwishyura ku munota wa 10 cyatsinzwe na Robert Saba.

    Igice cya mbere cy’uyu mukino cyarangiye amakipe anganya 1-1, abakinnyi bajya kuruhuka bumva inama z’abatoza babo.

    Ku munota wa 52 w’umukino, Kiyovu Sports byagaragaraga ko ishaka intsinzi muri uyu mukino, yabonye igitego cya kabiri cyatsinzwe na Ghislain Armel.

    Gusa ibyishimo bya Kiyovu ntibyamaze umwanya munini kuko Rayon Sports yishyuye ku munota wa 70 ku gitego cyatsinzwe Idrissa Dagnogo.

    Umukino ubut umunota umwe ngo urangire, ku munota wa 90 Kiyovu Sports yabonye penaliti ku ikosa ryakorewe Ghislain Armel.

    Bigirimana Abedi wateye iyi penaliti yaboneye Kiyovu Sports igitego cy’agashinguracumu bituma iyi kipe inatahana amanita atatu.

    Ni na ko uyu mukino warangiye ukaba wabonetsemo ikarita y’umutuku yahawe Niyibizi Emmanuel bakunda kwita Kibungo wa Rayon Sports.

    Ku rundi ruhande mu mikino yo mu itsinda A, APR FC yatsindiye Muhanga FC 3-1 i Muhanga, ihita igira amanota atandatu kuko yari yatsinze n’umukino wa mbere 2-1 Gorilla FC.

    UKWEZI.RW

    Source : http://www.ukwezi.rw/Imikino/article/Kiyovu-iraje-neza-Abayovu-itsinda-Rayon-3-2-APR-yo-yatsinze-umukino-wa-2

  • Perezida Kagame yayoboye Inama y’Abaminisitiri –

    Ibiro by’Umukuru w’Igihugu, Village Urugwiro byatangaje ku rukuta rwa Twitter ko iyi nama yabaye ku gicamunsi cyo kuri uyu wa Gatatu. Byitezwe ko iyi nama ishobora kuza gufatirwamo ingamba zitandukanye zo kwirinda COVID-19 no koroshya zimwe mu zari zisanzweho.

    Abagize guverinoma baherukaga guterana biga ku ngamba zo guhashya Covid-19, ku wa 14 Mata 2021, ari nabwo bafashe imyanzuro irimo kuba mu Turere twa Ruhango, Nyanza, Huye, Gisagara, Nyaruguru na Nyamagabe mu Majyepfo ingendo zibujijwe guhera saa Moya z’ijoro.

    Inama y’Abaminisitiri iheruka kandi yibukije abaturage bose ko ari ngombwa kubahiriza amabwiriza yo kwirinda COVID-19 harimo gusiga intera hagati y’umuntu n’undi, kwambara agapfukamunwa no gukaraba intoki.

    Imibare imaze iminsi itangazwa na Minisiteri y’Ubuzima mu Rwanda igaragaza ko mu bice byo hirya no hino mu gihugu hari uturere turimo Karongi, Kirehe n’ahandi hamaze iminsi hagaragara ubwandu bwinshi bwa Coronavirus, mu gihe mu Mujyi wa Kigali imibare igenda igabanyuka.

    Minisante igaragaza ko kuva muri Werurwe 2020, ubwo umuntu wa mbere wanduye Coronavirus yagaragaraga mu Rwanda, hamaze gufatwa ibipimo 1,326,706 byagaragayemo abanduye 25,351.

    Ni mu gihe ku rundi ruhande abantu 23,523 bamaze gukira iki cyorezo, mu gihe abakirwaye ari 1,491 barimo umwe urembye. Abamaze guhitanwa na Coronavirus ni 337. Imibare y’abamaze gukingirwa ni 350,310.

    Perezida Kagame yayoboye inama y’Abaminisitiri yiga ku ngingo zitandukanye

    Perezida Kagame ari kumwe na Minisitiri w’Intebe, Dr Edouard Ngirente na Minisitiri w’Ububanyi n’Amahanga, Dr Vincent Biruta

    Amafoto: Village Urugwiro

  • Rubavu: Umushinzacyaha n’umukozi wa MAJ bakurikiranyweho ruswa y’ibihumbi 500 Frw –

    Umuvugizi w’Umusigire w’Urwego rw’igihugu Rushinzwe Ubugenzacyaha, RIB, Dr Murangira B. Thierry, yemeje amakuru avuga ko bafunzwe kubera kwaka indonke hamwe n’uwayitanze mu gihe iperereza rigikomeje.

    Ati “Bakurikiranweho icyaha cyo kwakira no gusaba ruswa. Bafunganywe n’undi ukurikiranweho icyaha cyo gutanga ruswa kugira ngo umukobwa we wari ufunzwe akurikiranweho cyo kwiyitirira umwirondoro utari uwe n’icyaha cy’ubuhemu adakurikiranwa. Bafungiwe kuri Station ya RIB iri ku Gisenyi mu gihe iperereza rigikomeje kugira ngo dosiye ishyikirizwe ubushinjacyaha.”

    Yakomeje aburira abaturage ko RIB itazihanganira abarya ruswa kuko imunga ubukungu bw’igihugu, ikabangamira n’itangwa rya serivise inoze n’iyubahirizwa ry’uburenganzira bwa muntu kandi nta muntu wari ukwiriye kuba akora imirimo ashinzwe kubera ko yahawe indonke.

    Yasabye abaturage kujya batanga amakuru ku buryo bwagenwe bahamagara kuri 166 cyangwa bakandikira kuri E-Menyesha mu gihe babonye cyangwa baketse ahantu hari gukorerwa icyaha, ndetse anashimira abaturage bagira uruhare mu gutanga amakuru.

    Ingingo ya 4 y’ Itegeko N°54/2018 ryo kuwa 13/08/2018 ryerekeye kurwanya ruswa ivuga ko gusaba, kwakira cyangwa gutanga indonke, rivuga, umuntu wese usaba, utanga cyangwa wakira, mu buryo ubwo ari bwo bwose, indonke iyo ari yo yose, kuri we cyangwa ku wundi muntu cyangwa akemera amasezerano yabyo kugira ngo akore cyangwa adakora ikiri mu nshingano ze cyangwa yifashishije imirimo ye kugira ngo gikorwe cyangwa kidakorwa aba akoze icyaha.

    Iyo abihamijwe n’urukiko, ahanishwa igifungo kirenze imyaka itanu ariko kitarenze imyaka irindwi n’ihazabu y’amafaranga y’u Rwanda yikubye inshuro kuva kuri eshatu kugeza kuri eshanu z’agaciro k’indonke yatse cyangwa yakiriye.

    RIB yataye muri yombi umushinjacyaha n’umukozi wa MAJ mu Karere ka Rubavu

  • Umunyamakuru Angel Mutabaruka arokotse impanuka ikomeye #rwanda #RwOT

    Iyi mpanuka ibaye mu mugoroba wo kuri uyu wa Gatatu tariki 05 Gicurasi 2021, yabereye Kimirongo mu Karere ka Gasabo mu Mujyi wa Kigali.

    Ni impanuka y’ikamyo yari ipakiye amabuye yo kubakisha yagonze imodoka nto izwi nk’ivatiri yari itwaye n’uyu Munyamakuru Angel Mutabaruka.

    Uyu munyamakuru Angel Mutabaruka, yabwiye UKWEZI ko iyi kamyo yahurudutse igakubita iyi vatiri ku rubavu rw’iburyo aho yari anicaye ariko Imana igakinga akaboko.

    Imodoka ya Angel Mutabaruka yangiritse cyane ku gice cy’imbere aho iriya kamyo yayikubitse ariko akavamo ari mutaraga.

    Angel Mutabaruka avuga ko uretse kuba imodoka ye yangiritse cyane ariko we ntacyo yabaye ndetse ko atanakomeretse.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/article/Umunyamakuru-Angel-Mutabaruka-arokotse-impanuka-ikomeye

  • Rayon Sports y’abakinnyi 10 yatsinzwe na Kiyovu Sports, APR FC ikura amanota i Muhanga #rwanda #RwOT

    Rayon yabonye ikarita ituruka yatsinzwe na Kiyovu Sports ibitego 3-2 mu mukino wa shampiyona waberaga kuri Stade Amahoro i Remera.

    Wari umukino wa kabiri wo mu itsinda B rya shampiyona y’icyiciro cya mbere mu Rwanda umwaka w’imikino 2021.

    Rayon Sports yatsinze Gasogi United mu mukino wa mbere w’iri itsinda, yari yasuye Kiyovu Sports yari yastinzwe na Rutsiro FC 2-1 mu mukino wa mbere. Ni umukino wabereye kuri Stade Amahoro.

    Kiyovu Sports yagiye kwakira iyi kipe idafite rutahizamu Babuwa Samson wahagaritswe kubera ikibazo cy’imyitwarire. Uyu rutahizamu mu mikino ibiri aheruka guhuramo na Rayon Sports yari yatsinzemo ibitego 2(yakinaga muri Sunrise FC)

    Iyi kipe ariko yari ifite kapiteni wayo, Kimenyi Yves wahoze akinira Rayon Sports umwaka ushize akaba ari wo mukino wa mbere yari agiye gukina ahanganye n’iyi kipe kuva yayivamo.

    Ntiyari ifite Eric Irambona na we wavuye muri Rayon Sports, arimo gukiruka imvune.

    Rayon Sports abakinnyi bayo bose bari bahari uretse Héritier Luvumbu baherutse kugura akaba ataratangira gukoreshwa.

    Rayon Sports yatangiye ishaka igitego ndetse iza no kubibona hakiri kare ku munota wa 4 kuri kufura yatewe na Manace Mutatu, ni nyuma y’ikosa yari amaze gukorerwa na Nyirinkindi Saleh inyuma gato y’urubuga rw’amahina.

    Ku munota wa 5, Bigirimana Abedi aba yishyuriye Kiyovu ariko umupira yabonye ari mu rubuga rw’amahina awuterana igihunga ujya hanze.

    Kuva kuri uyu munota Kiyovu Sports yashyize igitutu gikomeye kuri Rayon Sports ishaka kwishyura iki gitego.

    Ku munota wa 10 Dusingizimana Gilbert yahinduye umupira imbere y’izamu maze Abedi awufunga mu rubuga rw’amahina rwa Rayon Sports ashota mu izamu maze myugariro Clement aritambika awukuramo ariko usanga Saba Robert ahagaze wenyine umupira awohereza mu rushundura, yishyurira Kiyovu Sports.

    Ku munota wa 15 Saba Robert yongeye kubona andi mahirwe ari mu rubuga rw’amahina ariko awuteye unyura inyuma y’izamu.

    Ku munota wa 23, Gilbert yagerageje ishoti mu izamu rya Rayon Sports ariko umunyezamu Kwizera Olivier arawufata.

    Manace Mutatu ku munota wa 32 yahaye umupira Sugira Ernest inyuma gato y’urubuga rw’amahina aritakuma atera ishoti rikomeye ariko umupira ubwugarizi bwa Kiyovu Sports buwushyira muri koruneri.

    Ku munota wa 33, Armel Ghislain yacenze myugariro Clement amwinjirana mu rubuga rw’amahina ariko ateye mu izamu umupira uca hanze yaryo.

    Rayon Sports yasaga niyihariye umukino, ku munota wa 41, Sugira Ernest yacomekewe umupira arawushorera ashaka kwinjira mu rubuga rw’amahina ngo atere yagezemo ariko ahura n’umunyezamu Kimenyi Yves arawumutanga.

    Ku munota wa 45, Nyirinkindi Saleh yahinduye umupira mwiza imbere y’izamu, Kwizera Olivier awukuramo ukubita myugariro Samuel uyoboka muri Koruneri itagize icyo itanga. Igice cya mbere cyarangiye ari 1-1.

    Umutoza wa Rayon Sports yatangiye igice cya kabiri akora impinduka hinjiramo Niyonkuru Sadjati havamo Muhire Kevin wagize ikibazo cy’imvune mbere gato y’uko igice cya mbere kirangira aho yahise anatwarwa mu mbangukira gutabara(Ambulance).

    Kiyovu Sports nayo yagitangiye ikora impinduka havamo Saba Robert wari watsinze igitego hinjiramo Ngendahimana Eric.

    Kiyovu Sports yatangiye igice cya kabiri ishaka igitego isatira cyane, maze ku munota wa 52 Armel Ghislain yatsindiye igitego cya kabiri Kiyovu Sports ku mupira wari uhinduwe na Gilbert.

    Ku munota wa 55 Guy Bukasa yakoze impinduka za kabiri havamo Sekamana Maxime hinjiramo Jean Vital Aurega.

    Muri iki gice cya kabiri, umukino wagiye urangwa n’amakosa menshi cyane abakinnyi ba Rayon Sports bari ku gitutu cyo kwishyura aho kugeza ku munota 60 Amran na Aurega bari bamaze guhabwa ikarita y’umuhondo.

    Ku munota wa 62, Manace wari ugiye gutera koruneri yahise ayipasa Blaise atera ishoti rikomeye ariko umupira abakinnyi ba Kiyovu Sports bawohereza muri koruneri.

    Ku munota wa 68, Rayon Sports yakoze izindi mpinduka havamo Amran hinjiramo Dagnogo. Ku munota 69 na Kiyovu Sports yakoze impinduka havamo Saleh hinjiramo Ishimwe Kevin.

    Izi mpinduka zafashije Rayon Sports kuko ku munota wa 70 Dagnogo umupira wa mbere yafashe yahise atsinda igitego, ni kuri kufura yari itewe na Manace Mutatu.

    Ku munota wa 78 myugariro wa Rayon Sports, Niyibizi Emmanuel yabonye ikarita ituruka nyuma y’ikosa yakoreye Ishimwe Kevin amabuza kwinjira mu rubuga rw’amahina kandi ari we wari umukinnyi wa nyuma.

    Kiyovu Sports yahawe kufura yatewe ikagarurwa n’urukuta.

    Ku munota wa 86 Kiyovu Sports yabonye igitego cya 3 gitsinzwe na Bigirimana Abedi kuri penaliti, ni nyuma y’uko Rugwiro Herve yakoreye ikosa Armel mu rubuga rw’amahina. Umukino warangiye ari 3-2.

    Undi mukino wo muri iri tsinda rya B wabaye, Gasogi United yanganyije na Rutsiro FC 0-0. Muri iri tsinda Rutsiro FC ifite 4, Rayon Sports na Kiyovu Sports zikagira 3, Gasogi United zikagira 1.

    Indi mikino yabaye ni iyo mutsinda A, Bugesera FC yatsindiwe na Gorilla FC i Remera kuri Stade Amahoro 3-1, ni mu gihe i Muhanga APR FC yahatsindiye AS Muhanga 3-1. Muri iri tsinda APR FC niyo ya mbere n’amanota 6, Gorilla 3, Bugesera FC na AS Muhanga zifite ubusa.

    Abakinnyi 11 impande zombi zitabaje

    Kiyovu Sports: Kimenyi Yves, Serumo Ali Omar, Mbonyingabo Regis, Habamahoro Vincent, Ngandu Omar, Mbogo Ally, Nyirinkindi Saleh, Bigirimana Abedi, Saba Robert, Armel Ghislain na Dusingizimana Gilbert

    Rayon Sports: Kwizera Olivier, Niyibizi Emmanuel, Ndizeye Samuel, Rugwiro Herve, Niyigena Clement, Nshimiyimana Amran, Muhire Kevin, Manace Mutatu, Sugira Ernest, Nishimwe Blaise na Sekamana Maxime

    Saba Robert yatsindiye Kiyovu Sports igitego cya mbere

    Kevin Muhire ntabwo yasoje umukino kuko yavunitse igice cya mbere kigiye kurangira

    Abakinnyi ba Kiyovu Sports babanjemo

    Abakinnyi ba Rayon Sports babanjemo

    Source : http://isimbi.rw/siporo/article/rayon-sports-y-abakinnyi-10-yatsinzwe-na-kiyovu-sports-apr-fc-ikura-amanota-i-muhanga

  • Amafoto y'inkumi z'ikimero Kiza zaherekeje Tour du Rwanda – YEGOB #rwanda #RwOT

    Kimwe mu bintu u Rwanda rumaze kumenywaho, ni uburanga bw'abari n'abategarugori baruvukamo. Babaye ibirangirire n'ikimenyimenyi iyo hagize nk'umunyamahanga ubazwa icyo azi ku rw'imisozi igihumbi, ntiyabura kukubwira abakobwa beza Imana yarwihereye.

    Abanyarwandakazi bazwi ho uburanga karemano, atari bimwe byateye ubu byo kwihinduranya ugasanga umuntu afite ibice by'umubiri bigera iriya kandi atari byo yavukanye.

    Mu bikorwa binyuranye, ubu bwiza bugaragiwe n'ubwenge n'ubushobozi, bufasha izi nkumi mu kazi ka buri munsi. Iyo bigeze mu bikorwa mpuzamahanga nka Tour du Rwanda, bamwe muri bakobwa baritabazwa kuko baba bizeweho ubumenyi buzatuma imigendekere myiza yaryo iba nta makemwa.

    Muri iri rushanwa, ubasanga cyane mu bijyanye no kwamamaza ibikorwa, aho ibigo by'ubucuruzi biba byabiyambaje ku ikubitiro ngo rubanda bamenye ibyo bikora.

    Ni ko n'uyu mwaka bimeze, kuko hafi sosiyete zose ziri kwamamaza muri Tour du Rwanda uyu mwaka, zifite abakobwa beza bazifasha kumenyekanisha ibyo zikora.

    Abanyamakuru  bafotoye izi nkumi z'ikimero ziba zihagaze mu mpande z'umuhanda zamamaza ibikorwa bitandukanye by'abaterankunga b'iri rushanwa.

    Miss Naomi nishimwe nawe ari kugaragara muri tour du Rwanda

    Miss Kayirebwa Marie Paul wabaye Miss Popularity mu 2021 na Ishimwe Sonia wegukanye ikamba rya Miss Heritage mu 2021

    Inkumi z'ikimero kiza ziri mu biryoshya Tour du Rwanda.

    src:igihe

    Leave your vote

    Comments

    0 comments

    Source : https://yegob.rw/amafoto-yinkumi-zikimero-kiza-zaherekeje-tour-du-rwanda/

  • IGICE CYA 2: Amateka y’Intumwa Dr Paul Muhirwa Gitwaza #rwanda #RwOT

    Igice cya mbere kibanze ku guhamagarwa kw’Intumwa Gitwaza n’uburyo yatangiye umurimo w’iyogezabutumwa ku myaka micye. Igice cya kabiri kikaba gikubiyemo ukuntu yatangiye umurimo Imana yamuhereye inkoni mu buryo bweruye mu gihugu cy’u Rwanda.

    Ubwo Gitwaza yageraga mu gihugu cy’u Rwanda hamwe n’abavandimwe be muri Kristo bari basangiye n’andi matorero na minisiteri z’ivugabutumwa zitandukanye inshingano y’iyogezabutumwa no kubaka abarinzi bashingiye kuri Kristo mu gihugu. Hagati y’umwaka wa 1995 na 1999, bahuje intego yo gushakira hamwe icy’ingenzi itorero n’igihugu bikeneye hamwe igihugu cyari kivuye muri Jenoside yakorewe Abatutsi muri Mata 1994.

    Nyuma y’imyaka ine bagerageza guhuza amatorero anyuranye, mu guhuza intego yo gukorera hamwe muri Krisito byaje kugenda byumvikana maze kuwa 22/12/1999 bahurira hamwe muri Stade Amahoro mu masengesho akomeye yasojwe kuwa 02/01/2000 kuva ubwo bahita banatangira igikorwa cyo gukora amasuku mu mujyi, babaga bambaye imipira yanditseho ngo ‘Sukura umujyi, sukura umutima’.

    Kuva icyo gihe amasengesho mpuzamatorero atangira kujya abera kuri sitade Amahoro, uhagarariye iki gikorwa yari Umushumba Emmanuel Kolini wo mu itorero rya Angilikani, Umuyobozi yari Rev. Antoine Rutayisire nawe wo muri Angilikani akaba n’Umuyobozi muri Africa Evangelical Enterprise (AEE), n’abajyanama barimo Rev. Joel Sengoga, Rev. Rutunda Emmanuel na Apotre Dr Gitwaza ubwe.

    Yaje gutangiza n’ikindi gikorwa kitswe Afurika Haguruka Urabagirane cyamamaye cyane mu Rwanda nka ‘Afurika haguruka’. Cyatangiye mu ntangiriro z’ukwezi kwa munani mu mwaka wa 2000. Ni igikorwa cyaje gishingiye ku buhanuzi bwakiriwe na Apotre Gitwaza bugira buti ‘Imana yibuka Afurika kandi irashaka ko ihaguruka igafata ubuyobozi buhambaye kandi bushingiye kuri Kristo’.

    Iki gikorwa kandi kikaba cyaragombaga gutangirizwa mu Rwanda nk’uko ubuhanuzi busobanurwa na Dr Gitwaza wabwakiye, bwari bwubatse mu ntego kandi y’Imana ni uko u Rwanda ruzaba intango y’ivuka rishya n’ihinduka rya Afurika. Iki gikorwa kuva mu 2000 kugera mu 2019 cyagiye kiba mu buryo bw’inama n’amahuriro yibanda ku cyageza Afurika ku intsinzi Imana iyifuriza.

    Kuri ubu Intumwa Dr Paul Muhirwa Gitwaza yashyingiranywe na Pasiteri Angelique bafitanye abana batatu Elisha, Luka na Dawidi.

    Source: InyaRwanda.com

    [email protected]

    Source : https://agakiza.org/IGICE-CYA-2-Amateka-y-Intumwa-Dr-Paul-Muhirwa-Gitwaza.html

  • Yarekuwe! Byukusenge Jennifer yavuze ihohoterwa yakorewe muri Uganda ashinjwa kuba intasi y’u Rwanda –

    Byukusenge yashimuswe tariki ya 5 Mata nyuma yo kugera muri iki gihugu agiye gusura nyina umubyara aho yari yahageze tariki ya 3 Mata ajyanywe n’indege ya Rwandair.

    Uyu mukobwa wiga muri Kaminuza ya Mount Kenya yavuze ko yageze muri iki gihugu agiye gusura nyina ariko akaba afiteyo n’abandi bantu benshi baziranye.

    Ngo ubwo yari agiye gusura imwe mu nshuti ze y’Umunyarwanda nibwo yahamagawe n’umwe mu basore b’Abagande bamenyaniye mu Rwanda ari umukiliya we ubwo yatangaga serivisi za M Pesa amusaba ko basuhuzanya ngo kuko yari yabonye ko ari muri Uganda biciye mu mafoto yari yashyize ku mbuga nkoranyambaga.

    Uyu musore ngo yamubajije aho aherereye undi arahamubwira ahita amubwira ko bari mu gace kamwe amusaba kumwemerera akaza kumusuhuza, ngo bitewe n’uko n’ubundi iyo yabaga yagiyeyo n’ubundi yamusuhuzaga, yahise amwemerera undi araza arahamusanga asohoka agiye kumusuhuza niko gutabwa muri yombi.

    Ati “Mu modoka yazanye n’abagabo bagera kuri bane ndasohoka mu gipangu njya kumusuhuza, ijambo nibuka twavuganye yarambwiye ngo narabyibushye, ni uko mbona yicaye imbere mu modoka ifite ibirahure byijimye ndamusuhuza nsuhuza n’umushoferi n’undi mugabo wari wicaye inyuma.”

    “Imbere hari abagabo bahise baza bansanga bahita bavuga ko twese turi abanyabyaha, ntangira kubabaza ikibazo gihari ahubwo batangira kunsunika mu modoka uwo musore yari arimo.”

    Byukusenge yavuze ko bahise bamusunikira muri ya modoka wa musore yari yicayemo ariko ntibamubwira ikibazo gihari, bamugejeje mu modoka bamubwira nabi nawe ari kurira ngo nibwo yabonye ko bose bafite imbunda, bagenda bamujijisha ko uwo musore ariwe bashakaga ko we bari bumurekure.

    Ati “Tugeze imbere wa musore bamuhindurira imodoka bamushyira mu modoka isanzwe ya Taxi Voiture njye nkomezanya nab o, nahise ngira ubwoba bwinshi batangira kuncekekesha banshyirisha umutwe hasi ntangira kuvunika umugongo banjyana ahantu ntazi kuko ntanarebaga aho tujya.”

    Yavuze ko agejejwe aho bajyaga bamwambitse ikigofero mu mutwe bamutwara ahantu mu bwiherero (toilette) aho yafungiwe icyumweru n’igice.

    Umunsi wa mbere akigeramo ngo haje umuntu amuha akantu k’akamatera gato n’akaringiti we yiyumvisha ko bagiye kumwica akomeje kumviriza neza yumva mu kandi kumba hari undi Munyarwanda uhafungiwe uhamaze iminsi ndetse ngo yanamusizeho.

    Uyu musore ngo niwe wamukomeje amusaba gusenga kandi agakomera.

    Umunsi wa kabiri ubwo yari afunzwe ataramenya icyo azira ngo nibwo baje bamukura muri ako kumba bamujyana kumubaza uwamutumye muri Uganda.

    Ati “ Barankubise bikomeye ku buryo ikibuno, amatako ndetse no mu birenge hababaraga cyane nanirwa no kuryama ahubwo ndara nicaye, bankubitaga banyita inshuti ya Kagame bakambaza uwo naje kureba.”

    Uyu mukobwa w’imyaka 24 yavuze ko ubwo abasirikare bo muri iki gihugu bamukubitaga bamubazaga ubwoko bwe akabasubiza ko ari Umunyarwanda ari nako bamubwira ko yatumwe na Kagame ariko ko bagiye kumuhindura ikimuga.

    Byukusenge yavuze ko ku munsi wa gatatu bamukuye muri ka kumba bamujyana kumusaka bahereye kuri ya nshuti ye yari yasuye ubwo bamufataga, yavuze ko bagezeyo bakahasanga imashini y’umuntu wari wayimuhaye mu Rwanda ngo ayishyire umwana we wigaga muri Makerere bayikurayo bakomereza kwa nyina naho basaka imyenda ye yazanye nyuma bamusubiza kumufungira muri ka kumba.

    Nyuma y’iminsi mike ngo yakuwe muri ka kumba ashyirwa ahandi hantu yasanze abandi Banyarwandakazi babiri nabo bahafungiwe, ngo nta muntu wajyaga abasura. Bakuweyo kuri uyu wa 5 Gicurasi bazanwa mu Rwanda.

    Ntazi aho yafungiwe

    Byukusenge yavuze ko ahantu yari afungiwe ari mu kigo cya gisirikare ariko atapfa kumenya aho ariho ngo kuko bahoraga babapfutse ku buryo utahamenya neza, yavuze ko atamenya neza niba hari abandi bahafungiye uretse uwo muhungu wamwihanganishije akimusangayo abandi ngo ntiyamenyaga aho babafungira.

    Byukusenge agira inama abantu batega indege bakajya muri iki gihugu kwitonda ngo kuko amazi atakiri ya yandi isaha n’isaha wahafatirwa ugakorerwa iyicarubozo nk’iryo yakorewe.

    Ati “Nihereyeho, urugero ni ukwitonda cyane kuko nanjye ndahamya neza ko nta kintu nazize, narakubiswe, ndazwa mu musarani ahantu hasa nabi cyane nyamara ntazi icyo nzira nabagira inama yo kwirinda kujya muri Uganda kuko abazajyayo bazakorerwa iyicarubozo.”

    Byukusenge yavuze ko ibyanditswe by’uko yari atwite atari byo ndetse ngo nta n’ubukwe afite ahubwo yagiye muri iki gihugu agiye gusura umubyeyi we ngo kuko bari bamaze igihe batabonana, uyu mukobwa yagiye muri Uganda mu gihe yaherukagayo mu 2018.

    Byukusenge Jennifer yavuze ko mu gihe yari amaze muri Uganda yakorewe iyicarubozo