Webrwanda Backend

Author: webrwanda

  • Imitsi ijyana amaraso mu bwonko yaraturitse, Jacques wanyuze muri APR FC aratabaza, ubutumwa kuri Gen James Kabarebe #rwanda #RwOT

    Rutayomba Jacques wize umupira mu ishuri rya APR FC aratabaza umuyobozi w’ikirenga w’iyi kipe, Gen James Kabarebe ngo amufashe kwivuza indwara ya Stroke(guturika kw’imitsi ijyana amaraso mu bwonko).

    Rutayomba Jacques ni umwe mu bakinnyi batangiranye n’irerero rya APR FC 2009 aho yasohotsemo muri 2012 ahita ajya gukinira ikipe ya Amagaju FC.

    Amagaju FC yayikiniye kuva 2012 kugeza 2015 aho yahise ahagarika gukina bitewe n’imvune zamuzengereje.

    Mu kiganiro n’ikinyamakuru ISIMBI, Rutayomba Jacques yavuze ko yaje kubona akazi mu Bashinwa bakora ibigega Kicukiro muri 2019.

    Uyu mugabo wumvikana ko afite imbaranga nke mu mvugo ye, avuga ko nyuma y’amezi 3 yahise agira ikibazo cy’indwara ya Stroke(guturika kw’imitsi itwara amaraso mu bwonko) arivuza ariko biranga.

    Ati'aho mu bashinwa nahakoze amezi 3 gusa, nahise ngira ikibazo cya Stroke muri Nzeri 2019. Narivuje CHUK ariko byaranze ubu ndamye mu rugo, ndaribwa cyane.'

    Akomeza avuga ko abaganga bamubwiye ko gukira yakira ariko bisaba ko ajya kuvurirwa mu Buhinde kandi akaba nta bushobozi afite.

    Ati'abaganga bambwiye ko kereka ngiye kwivuriza mu Buhinde. Ntabwo bambwiye amafaranga bisaba ariko ubu rwose nta n’ubushobozi mfite nkeneye ubufasha bwa buri muntu.'

    Avuga ko yagerageje kuvugana na Gen James Kabarebe ariko ntibyamukundira akaba amusaba ko yamufasha kwivuza.

    Ati'umuyobozi wa APR FC nagerageje kuvugana na we ni Gen James Kabarebe, ariko ntabwo byankundiye. Nasabaga rwose ko yamfasha nkivuza.'

    Bamwe mu bakinnyi babanye n’uyu mukinnyi mu irerero rya APR FC, bavuze ko koko uyu mukinnyi ameze nabi akeneye ubufasha bwa buri munyarwanda akaba yakwivuza.

    Rutayomba Jacques ubu aba mu Busanza aho arwajwe n’umugore we na we udafite akazi, akaba asaba n’abakinnyi babanye mu irerero rya APR FC kureba uko bamufasha. Wifuza kuvugisha Rutayomba Jacques wamuhamagara kuri 0788348891.

    Yamaze igihe ahumekera mu byuma byongera umwuka

    Ubuzima bwe ntibumeze neza

    Atararwara yari umusore mwiza

    Source : http://isimbi.rw/siporo/article/imitsi-ijyana-amaraso-mu-bwonko-yaraturitse-jacques-wanyuze-muri-apr-fc-aratabaza-ubutumwa-kuri-gen-james-kabarebe

  • Kiyovu Sports yakoze inama yo gushaka kidobya yatumye inanirwa kurenga amatsinda #rwanda #RwOT

    Ubuyobozi bw'ikipe ya Kiyovu SC, bwatumije inama y'igitaraganya irimo kwiga ku bijyanye no gusezerera bamwe mu batoza no guhagarika abakinnyi banze gukurikiza amabwiriza y'umutoza mukuru.

    Nkuko amakuru dukesha IGIHE abitangaza,Mu gitondo cyo kuri uyu wa Kabiri,nibwo ikipe ya Kiyovu Sports icumbitse i Runda,yabyukiye mu nama yo kwiga ku cyihishe inyuma y'umusaruro mubi yabonye mu itsinda B rya shampiyona.

    Mvukiyehe Juvenal uyobora iyi kipe yatumije inama yahuje abakinnyi, abatoza, Umunyamabanga Mukuru w'iyi kipe ndetse na bamwe mu bagize komite nyobozi y'ikipe.

    Iyi nama yatumijwe igitaraganya, nyuma y'aho Kiyovu Sports itsindiwe iwayo na Rutsiro FC 2-1 bigatuma iyi kipe yo ku Mumena yisanga mu makipe umunani agomba kuzahatanira kutamanuka mu cyiciro cya kabiri.

    Mu byaganiriweho harimo kureba impamvu yo kubura umusaruro mwiza,ubugambanyi bwa bamwe bantu mu ikipe ya Kiyovu Sports,impinduka zishobora gukorwa muri Kiyovu Sports mu batoza,ndetse n'intego bazajyana mu makipe umunani ya nyuma

    Source : http://umuryango.rw/imyidagaduro/imikino/article/kiyovu-sports-yakoze-inama-yo-gushaka-kidombya-yatumye-inanirwa-kurenga

  • Amerika ifashije u Rwanda, imitwe y’iterabwoba yarandurwa burundu: Micheal Rubin avuga kuri Congo –

    Yabigaragaje mu nkuru ndende yanditse mu kinyamakuru The National Interest gikorera muri Amerika, aho yagarutse ku ntambwe u Rwanda rwateye mu myaka 27 rumaze nyuma ya Jenoside yakorewe Abatutsi mu 1994.

    Yagarutse ku rugendo rutoroshye yakoranye n’ingabo z’u Rwanda mu Karere ka Rubavu kari mu Burengerazuba bw’u Rwanda hafi y’umupaka na Repubulika Iharanira Demokarasi ya Congo, bakabona umwotsi uturuka muri Parike y’Igihugu ya Virunga ku ruhande rwa Congo, ahari hakambitse inyeshyamba za FDLR.

    Michael Rubin yavuze ko yahuye n’abaturage bagizweho ingaruka n’igitero cya FDLR yagabye mu Kinigi mu Majyaruguru y’u Rwanda mu mwaka wa 2018, cyahitanye abagera kuri 14, abandi 18 bagakomereka mu ijoro rimwe.

    Yagaragaje ukuntu uyu mutwe n’indi yitwaje intwaro ikambitse muri pariki y’igihugu ya Virunga yazengereje abaturage ba Congo ibaka imisoro mu buryo butemewe n’amategeko, ikica inyamaswa ziri muri iyo pariki, igateza umutekano muke bigatuma ubukerarugendo muri iyo pariki bugabanuka, kandi bugira akamaro ku bukungu bw’abayituriye.

    Rubin watanze amasomo ku basirikare bakuru ba Amerika mbere y’uko bajyana ingabo mu ntambara ya Iraq na Afghanistan, yagaragaje ko ubufatanye bw’u Rwanda na Amerika bwarandura burundu imitwe y’iterabwoba imaze imyaka irenga 20 yarajujubije abaturage, ikaba ikibazo ku iterambere rya Congo no k’u Rwanda cyane ko FDLR igizwe n’Abanyarwanda basize bakoze Jenoside mu 1994.

    Yavuze ko haramutse hakoreshejwe camera zirimo utwuma tubasha kubona imbunda cyangwa ibindi bikoresho bidasanzwe byifashishwa n’izo nyeshyamba, zigashyirwa mu duce zikunda kwibasira, hajya hakumirwa icyaha kitaraba abo barwanyi bagafatwa bataratera abaturage.

    Rubin yagaragaje ko ikoranabuhanga ryo gukoresha indege zitagira abapilote (drones) zirimo camera, byafasha gutahura ahakambitse inyeshyamba hirya no hino muri Congo n’ingendo zose zikora bityo zikarandurwa burundu.

    Yavuze ko Leta Zunze Ubumwe za Amerika zihaye ubufasha u Rwanda [rusanzwe rufite izi drones na camera ahantu hatadukanye] intambara zitarangira ziterwa n’izi nyeshyamba zashyirwaho akadomo.

    Michael Rubin ni inarararibonye akaba n’umushakashatsi mu bijyanye n’imitwe y’iterabwoba, ndetse mu 2017, Leta ya Turukiya yashyizeho igihembo cya ibihumbi 800$, kugira ngo Rubin ajye gufasha iyo Leta guhangana n’ibibazo by’iyo mitwe.

    Yanabaye umukozi muri Minisiteri y’Ingabo ya Amerika, Pentagon, Ashinzwe Ibibazo byo mu Burasirazuba bwo Hagati.

    Micheal Rubin yavuze ko u Rwanda rushobora kurandura imitwe y’iterabwoba ikorera muri Congo

  • Niragire wamamaye muri sinema yaguze imodoka y’akataraboneka ya miliyoni 150 Frw –

    Iyi modoka uyu mugore yaguze, ni umwe mu zigezweho zitungwa n’abifite kandi zubashywe ku Isi. Ni ubwoko bw’imodoka zigenda ahantu hose n’ahari imisozi bitewe n’uko zigiye hejuru.

    Niragire yabwiye IGIHE ko iyi modoka yayiguze nko kwihemba kubera umurava yakoranye akabasha kugera kuri byinshi birimo no gushinga Genesis TV imaze igihe gito itangiye gukora.

    Ati “Iyi modoka ni igihembo cy’umurava nakoranye kuva kera. Numvaga hari igihe nzihemba ikintu nk’iki kandi ndashimira Imana ko yabinshoboje. Ndasaba abana b’abakobwa kujya bakorana umwete umurimo wose berekejeho amaboko kuko aribwo bazagera ku nzozi zabo nk’uko biri kugenda bimerera.”

    Iyo modoka yakorewe muri Australie n’uruganda rwa Magna Steyr rumaze igihe rukora ubu bwoko bw’izi modoka za Mercedes.

    Niragire yatangiye gukina filime mu 2008 kugeza ubu amaze kugaragara muri nyinshi zakunzwe. Yakuze yumva afite inzozi zo kuba umunyamakuru no gukora mu ndege.

    Kuri ubu uyu mubyeyi nubwo yagize televiziyo ye bwite, ntibimubuza gukina filime. Aheruka kugaragara muri filime ye yitwa ‘Little Angels’ yubakiye ku buzima busanzwe bwa buri munsi.

    Akunda kugira inama abagore by’umwihariko bacyitinya, abasaba kugaragaza ibibarimo kuko aribwo buryo bwiza bwo gutanga umusanzu mu kubaka ubukungu bw’igihugu.

    Ati “Nibatinyuke bakore burya ntabwo wahomba utashoye, nibakore nibiba bibi bigiremo bakore ibyiza ariko bakore ibyo bakunda kuko nibyo bizatuma bagera ku nzozi zabo.”

    Genesis TV ya Niragire yibanda cyane mu myidagaduro, ubukerarugendo n’ikoranabuhanga. Iyi televiziyo nshya yatangiranye n’abanyamakuru batandukanye biganjemo abakiri bashya muri uyu mwuga nawe arimo ndetse anafiteho ikiganiro yise ‘Queen of hillywood’.

    Uretse iyi modoka asanzwe afite na televiziyo

    Niragire ni umwe mu bakinnyi ba filime batunze imodoka ihenze

    Uyu mugore yavuze ko iyi modoka ari igihembo yihaye cyo gukora cyane

  • Abakozi 250 b'uruganda rw'icyayi rwa Pfunda bahagaritse akazi kubera imibereho mibi – #rwanda #RwOT

    Benshi muri abakozi bafite ibi bibazo ni abakozi bo mu ngo za ba nyir'uruganda ndetse n'abahinga icyayi bavuga ko bamaze imyaka irenga 10 bakora, nta masezerano kandi bakaba bahembwa amafaranga makeya.

    Bavuze ko babajwe no kuba bamaze igihe bahembwa ibihumbi 15. Iki kibazo abakozi bavuga ko kimaze imyaka irenga icumi inzego zitandukanye zikizi.

    Uruganda rw'icyayi rwa Pfunda mu bakozi 1.600 rukoresha , 101 nibo bonyine bafite amasezerano y'akazi.

    Nyuma y'uko bimenyekanye ko bakoze imyigaragambyo, ubuyobozi bw'akarere ka Rubavu hamwe n'inzego z'umutekano bahazindukiye mu guhosha aya makimbirane.

    Turacyabikurikirana…..

    Abakozi batandukanye bazindukiye ku ruganda basaba gufatwa neza (Ifoto: RBA)

    Source : http://igihe.com/amakuru/u-rwanda/article/abakozi-250-b-uruganda-rw-icyayi-rwa-pfunda-bahagaritse-akazi-kubera-imibereho

  • Terms of Reference for selection of a consult… – #rwanda #RwOT

    Introduction & Purpose

    It is part of MTN Rwandacell's strategy to improve its preparedness in ensuring continuity of operations, availability of critical resources, minimization of interruptions to business processes, and full recovery of business infrastructure and applications in the event of a disaster. To achieve this MTN Rwanda wishes to develop and implement a  comprehensive Business impact analysis, Business Continuity Plan, and  Disaster Recovery Plan (BCP, BIA &DRP Program) that will achieve this  objective in a timely, effective, and efficient manner.

    Effective business continuity measures are critical for any business entity. MTN Rwandacell is committed to protecting its staff and ensuring the continuity of critical business and support processes to protect the organization, mitigate risk, safeguard revenues, and sustain both a stable financial service provision and customer confidence.

    Objectives 

    MTN Rwandacell is seeking a consultant to define, author and implement a Business Impact Analysis, Business Continuity and Disaster Recovery Plan.  Following are the objective of BC&DR Program 

    The end-to-end service shall cover activities:

    1. Identifying critical business functions of the organizations within MTN Rwanda. 

    2. Identifying tasks that comprise critical business functions. 3. Assessing the criticality of business applications/ services and determine acceptable recovery time and 

    4. Identifying the assets used by business units.

    5. Documenting the impact of an extended loss to the operations and key business functions.

    6. Determining immediate and extended terms system recovery requirements

    7. Documenting opportunities to mitigate risk in all aspects of business continuity. 

    8. Provide MTN Rwanda's management with an understanding of the total effort required in resources, staff time and capital to develop and effective BCP &DR plan.

    9. Develop a detailed recovery process flow that address the current physical location of the company. 

    10. Identify the team(s) required to facilitate the recovery process in the event of a disaster.

    11. Develop a BCP &DR plan that is understandable, in digital format and easy to use and maintain. 

    12. Define a BC&DR plan maintenance plan that can be integrated into MTN  Rwanda's ongoing business planning and information services process for  BC & DR plan to remain viable over time. 

    13. Implementation of the agreed upon opportunities to mitigate risk in event of a disaster.  

    MTN Rwanda will consider

     (i) Reputed Consultant Company, expertise in Telecoms in required (ii) an Expert seconded by reputed consulting company or (iii) an individual Consultant capable of providing the services detailed out in this document.

    Note: More details on the scope and ToR's will be shared to the preselected companies.

    For bids submission please contact below email address [email protected], [email protected] and [email protected]

    Deadline for proposal submission is on Wednesday 26th May 2021. 

    Source : https://inyarwanda.com/inkuru/105711/terms-of-reference-for-selection-of-a-consultant-to-develop-mtn-rwandacells-business-impac-105711.html

  • Abarasta biyambaje urukiko rwa Kenya, basaba kwemererwa gukoresha 'Urumogi'   #rwanda #RwOT

    Kuri uyu wa mbere itsinda ry'abantu( bazwi nk'Abarasita) ryagiye mu rukiko muri Kenya gusaba ko bemererwa gukoresha urumogi ku mpamvu 'z'ukwemera' kwabo.

    Abagize Rastafari Society of Kenya, bavuga ko bari muri ba nyamucye mu by'ukwemera, ariko abagize uwo muryango babaho mu bwoba bw'amategeko abangamiye imigirire y'ukwemera kwabo.

    Bavuga ko kenshi abarigize bafatwa bidakwiye, baterwa ubwoba, basakwa mu buryo bunyuranyije n'amategeko mu ngo zabo cyangwa ahandi bari.

    Abagize iri tsinda bavuga ko gukoresha urumogi byemewe mu kwemera kwabo kwa 'Rastafarianism' ku mpamvu z'imigenzo y'ukwemera, ubuvuzi, guteka n'impamvu z'ibirori.

    Abanyamategeko Shadrack Wambui na Alexander Mwendwa bavuga ko urumogi ari 'isakaramentu' rihuza abemera 'n'umuremyi' wabo.

    Aba ba-Rasta bavuga ko kuba amategeko ahana gukoresha urumogi bivuze ko Leta ivangura kandi ibangamiye aba ba nyamucye mu kwemera kwabo. Bashinja abategetsi kutarengera iryo tsinda ry'abafite uko kwemera kugira ngo uburenganzira bwabo bwubahirize.

    Mu 2019 nkuko BBC ibitangaza, urukiko rukuru muri Kenya rwemeje ko ihuriro rya Rastafari ari itsinda rishingiye ku kwemera kimwe n'ayandi yose, kandi rigomba gufatwa nk'ayandi madini.

    Uwo mwanzuro wafashwe nyuma y'ikirego aho umugabo yareze ishuri ko ryirukanye umukobwa we kuko afite ibisage (dreadlocks). Uwo mubyeyi yavuze ko umukobwa we afite ibisage kuko umuryango we uri mu kwemera kwa Rastafari.

    Munyaneza Theogene / intyoza.com

    Source : https://www.intyoza.com/abarasta-biyambaje-urukiko-rwa-kenya-basaba-kwemererwa-gukoresha-urumogi/

  • Abakozi 250 b’uruganda rw’icyayi rwa Pfunda bahagaritse akazi kubera imibereho mibi –

    Benshi muri abakozi bafite ibi bibazo ni abakozi bo mu ngo za ba nyir’uruganda ndetse n’abahinga icyayi bavuga ko bamaze imyaka irenga 10 bakora, nta masezerano kandi bakaba bahembwa amafaranga makeya.

    Bavuze ko babajwe no kuba bamaze igihe bahembwa ibihumbi 15. Iki kibazo abakozi bavuga ko kimaze imyaka irenga icumi inzego zitandukanye zikizi.

    Uruganda rw’icyayi rwa Pfunda mu bakozi 1.600 rukoresha , 101 nibo bonyine bafite amasezerano y’akazi.

    Nyuma y’uko bimenyekanye ko bakoze imyigaragambyo, ubuyobozi bw’akarere ka Rubavu hamwe n’inzego z’umutekano bahazindukiye mu guhosha aya makimbirane.

    Turacyabikurikirana…..

    Abakozi batandukanye bazindukiye ku ruganda basaba gufatwa neza (Ifoto: RBA)

  • Amatariki n’ibikorwa bya Perezida Macron i Kigali –

    Amakuru IGIHE ikesha bamwe mu bari gutegura uruzinduko rwe mu Rwanda, ni uko Macron azagera i Kigali ku wa 27 Gicurasi, akahava ku wa 28 Gicurasi, hazaba ari ku wa Gatanu.

    Mu ruzinduko rwe, igikorwa cya mbere azagirira mu Rwanda ni ugusura urwibutso rwa Jenoside rwa Kigali ku Gisozi hanyuma atahe Centre Culturel Francophone.

    Uwahaye amakuru IGIHE yagize ati “Ashobora kugirana n’ikiganiro n’abanyamakuru gusa byo ntabwo turabimenya neza.”

    Nibwo bwa mbere Macron azaba agiriye uruzinduko muri Afurika y’Iburasirazuba by’umwihariko u Rwanda bigendanye n’amateka ashaririye ibihugu byombi bifitanye ashingiye ku ruhare rw’iki gihugu cy’i Burayi muri Jenoside yakorewe Abatutsi.

    Centre Culturel Francophone izafungurwa na Macron, ni ikigo gifite igice cyisanzuye biteganyijwe ko kizajya kiberamo ibitaramo n’imyidagaduro itandukanye.

    Giha urubyiruko uburyo bwo kwiga ururimi rw’Igifaransa n’abanyabugeni b’abanyarwanda hakababera ahantu ho kwitoreza no guteza imbere umwuga wabo.

    Kizaba gisimbuye Ikigo Ndangamuco cy’Abafaransa cyitwaga, Centre d’Echanges Culturels Franco-Rwandais yari iherereye iruhande rwa Rond- Point nini yo mu Mujyi wa Kigali rwagati ku ruhande rugana mu Kiyovu. Yafunzwe inasenywa mu 2014 n’Ubuyobozi bw’Umujyi wa Kigali bwavuze ko ubutaka bw’aho yari iherereye butakoreshwaga neza ndetse iyo nyubako itari ikitajyanye n’imyubakire ihagenewe.

    Centre Culturel Francophone iherereye mu Mujyi wa Kigali ku Kimihurura iruhande rwa Kigali Convention Centre. Yagombaga kuzura ikanatahwa mu 2020 ariko imirimo yayo yadindijwe n’icyorezo cya COVID-19 bituma irangira muri Mata uyu mwaka.

    Macron asuye u Rwanda mu gihe ibihugu byombi biri mu rugendo rushya rugamije kuzahura umubano nyuma y’imyaka 27 Jenoside yakorewe Abatutsi ibaye.

    U Bufaransa bwari bwarinangiye kwemera uruhare rwabwo, gusa raporo iheruka ya Komisiyo yitiriwe Duclert yashushe n’ishyira ibintu mu buryo.

    Macron yakunze kugaragaza ko ashaka gutsura umubano mushya n’u Rwanda kuva yajya ku butegetsi. Na Perezida Kagame yakunze kugaragaza ko imiyoborere ya Macron itanga icyizere mu kuzahura umubano w’u Rwanda n’u Bufaransa.

    Ku wa 7 Gicurasi 2021, Perezida Kagame yari yagiranye ibiganiro na Franck Paris, Umujyanama wa Perezida Macron kuri Afurika.

    Kuva Jenoside yakorewe Abatutsi yaba, Umukuru w’Igihugu w’u Bufaransa warukandagiyemo ni Nicolas Sarkozy wahageze ku wa 25 Gashyantare 2010.

    Icyo gihe yasuye urwibutso rwa Jenoside rwa Kigali ku Gisozi, agirana ibiganiro na Perezida Kagame nyuma anaganira n’abanyamakuru aho yemeye uruhare rw’igihugu cye mu mateka ashaririye y’u Rwanda.

    Undi waherukaga mu Rwanda, hari mbere ya Jenoside. Ku wa 11 Ukuboza 1984 Juvénal Habyarimana wari Perezida icyo gihe, yakiriye François Mitterrand wari inshuti ye magara.

    Kuva Macron yayobora u Bufaransa, umubano w’igihugu cye n’u Rwanda warahindutse mu buryo bugaragara

    Sarkozy ubwo yageraga i Kigali mu 2010 mu ruzinduko rwa mbere rwa Perezida w’u Bufaransa nyuma ya Jenoside yakorewe Abatutsi

    Centre Culturel Francophone yamaze kuzura, ubu irakoreshwa

  • Ubufaransa bwahariye Sudan umwenda wa Miliyari 5 z'Amadolari #rwanda #RwOT

    Ubufaransa buvuga ko buzahanagura ideni ringana na Miliyari 5 z'Amadolari buheraniwe na Sudani, Ubudage nabwo bwemera guha imfashanyo icyo gihugu, mu nama irimo kubera i Paris, yo gufasha Sudani no kuzamura ubukungu bwa Afurika bwasinzikajwe na Covid-19.

    Iyo nama ikoranije abakuru b'ibihugu bya Afurika barenga icumi, hamwe n'intumwa zihagarariye amashyirahamwe mpuzamahanga y'ubutunzi/ubukungu, Ubumwe bw'Uburayi hamwe n'Ubushinwa.

    Perezida Emmanuel Macron w'Ubufaransa yavuze ko yashimye kubona Leta mfatakibanza/y'inzibacyuho irimo yerekeza igihugu kuri demokarasi, byerekana ko icyo gihugu gikwiye gushyigikirwa mu bukungu ndetse na Poritike.

    Minisitiri w'Intebe wa Sudani, Abdalla Hamdok, avuga ko igihugu cye gikungahaye ku mabuye y'agaciro, kitarimo gishaka guhabwa iby'ubusa, ariko ko gikeneye abatwarayo imitahe/imigabane( abajya gushora imari).

    Ibiganiro byo kuri uyu wa kabiri kuri Afrika nkuko VOA ibitangaza, biribanda ahanini ku ngaruka z'ubukungu zatewe na COVID-19, yahagaritse igice cy'ubukerarugendo hamwe n'ibindi bice byinjizaga. Banki nkuru y'isi igereranya ko hiyongereye miriyoni 34 z'abakene muri Afrika, babeshejweho n'amafaranga adashyika amadolari abiri ku munsi, cyane cyane mu karere ka Afurika kari munsi ya Sahara.

    Munyaneza Theogene / intyoza.com

    Source : https://www.intyoza.com/ubufaransa-bwahariye-sudan-umwenda-wa-miliyari-5-zamadolari/