Author: webrwanda

Rutahizamu w’umunyarwanda ukinira ikipe ya Simba SC, Meddie Kagere yateye utwatsi ibivugwa ko afitanye ikibazo n’umutoza Didier Gomes da Rosa ndetse ko atishimiye kudakinishwa ku mukino wa Kaizer Chiefs, aho yavuze ko we yubaha amahitamo y’umutoza.

Simba SC iheruka gusezererwa muri ¼ cya CAF Champions League na Kaizer Chiefs yo muri Afurika y’Epfo ku giteranyo cy’ibitego 4-3, umukino ubanza batsindiwe Afurika y’Epfo 4-0, Kagere yagiye mu kibuga asimbura, uwo kwishyura wo Kagere atakandagiye no mu kibuga batsinze 3-0.

Super Manager yumvikanye mu binyamakuru bitandukanye avuga ko Gomes ari we wisezereye kuko atigeze akinisha Kagere Meddie.

Ubwo yaganiraga n’itangazamakuru mu minsi ishize, Gomes yavuze ko nta kibazo na kimwe afitanye na Kagere bityo ko atajya kuvuga ku byavuzwe n’umuhagarariye, ngo yakoresheje inama ba rutahizamu be 3(Kagere, Bocco na Mugalu) akababwira ko buri umwe azagira igihe cyo gukina.

Uyu rutahizamu yatangaje ko kuri iki kibazo cyo kudakina umukino wa Kaizer Chiefs, yavuze ko nta kibazo afitanye n’umutoza ko we icyo areba ari ukubyaza umusaruro amahirwe abonye.

Ati”ikuntu kiri mu ntekerezo zanjye ni ukumenya neza ko mu gihe mpawe umwanya ari ugukora neza kugira ngo mfashe ikipe tugere kubyo twifuza.”

“Niyo mpamvu niyo nicaye ku ntebe ntatandukaniro ngaragaza kuko nziko nimpabwa umunya hari icyo ndibuhindure. Ukuntu nteye sinkunda kuvuga byinshi, mba nshaka gukora ibikorwa bikivugira nk’uko akazi kanjye kameze. Nta kibazo mfitanye n’umutoza kandi ndashimira Imana ko uko buri gihe mpawe umwanya ntsinda.”

Meddie Kagere avuga ko intego ari ugusoza ku mwanya wa mbere w’abatsinze ibitego byinshi bikaba inshuro ya 3 yikurikiranya. Kugeza ubu afite 11, uwa mbere ni Prince Dube wa Azam FC ufite 14.

Meddie Kagere ngo we icyo areba ni ukubyaza umusaruro amahirwe ahawe yo gukina

Super Manager aherutse gutangaza ko uyu mutoza ari we wisezereye kudakinisha Kagere

Kagere ngo nta kibazo afitanye n’umutoza Gomes

Icyakora hari serivisi zafunzwe izi ngamba zigishyirwaho n’ubu zakomeje gufungwa zirimo utubari.

Amasaha y’ingendo yo ntacyahindutse kuko ingendo zibujijwe hagati ya saa yine z’ijoro (22:00) kugeza saa kumi za mu gitondo (04:00).

Akarere ka Karongi kamaze iminsi kagaragaramo imibare minini y’abarwayi bashya ba COVID-19, kashyiriweho umwihariko kuko ingendo zibujijwe hagati ya saa moya z’ijoro (19:00) na saa kumi za mu gitondo (04:00).

UKWEZI.RW

Sous-Lieutenant Henri Jean Claude Seyoboka yakatiwe igifungo cya burundu ahamijwe ibyaha bitatu birimo icya Jenoside, icyo kurimbura imbaga n'icyaha cyibasiye inyokomuntu.

Ku wa 26 Gashyantare 2021, Seyoboka yajuririye Urukiko Rukuru rwa Gisirikare avuga ko akeneye abatangabuhamya bo kumushinja koko niba ibyo byaha yarabikoze ndetse nawe akazana abo kumushinjura.

Icyo gihe yavugaga ko aho bamushinja gukorera ibyaha bya Jenoside, mu Kiyovu, Saint Famille, Saint Michel, no muri Rugenge ubu ni ku Muhima atigeze ahagera mu gihe cya Jenoside ahubwo ko yakoreraga i Kanombe, ndetse anagaragaza ko atari we witwaga Lieutenant Claude ko haba harabayeho kumwitiranya n'undi bityo ko haza abamuzi neza bakabimushinja.

Ku ruhande rw'Ubushinjacyaha bwari bwahamagaje abatangabuhamya bane bagizwe na Rekeraho Jonathan wari umuturanyi wa Seyoboka mu Kiyovu, wanabonaga ibikorwa bye mu gihe cya Jenoside aho yanyuraga kuri bariyeri n'amabwiriza yahatangaga; Rongorongo Hussein wari Visi Perezida w'Interahamwe zo muri Rugenge, yanavuze ko yari yungirije Seyoboka mu buyobozi bwazo; Gasasira Ally Ahmed Saddam warokokeye muri Saint Famille, na Bizimana Jean wahoze ari Burugumesitiri wa Nyarugenge no mu gihe cya Jenoside.

Abatangabuhamya b'Ubushinjacyaha bose bahurije ku kuba Seyoboka yari umusirikare kandi yafashaga Interahamwe no kuziha imyitozo ya Gisirikare muri Jenoside yakorewe Abatutsi.

Rongorongo wari umwungirije yabwiye abacamanza ko Seyoboka yari mu nterahamwe nk'uwoherejwe kubaha imyitozo ya gisirikare no kubigisha imbunda kandi byakorerwaga mu rugo rwa Mukandutiye Angelina nawe wakatiwe igifungo cya burundu.

Seyoboka yari afite umutangabuhamya umwe ariwe Mukandutiye Angelina, uyu bivugwa ko Interahamwe zahuriraga mu rugo rwe ndetse ko n'imyitozo ariho zayikoreraga. Kuri ubu afungiye muri Gereza ya Nyarugenge iri i Mageragere.

Uyu mukecuru yabwiye urukiko ko yari azi Seyoboka mbere ya Jenoside ariko ko atigeze amubona mu nterahamwe zacumbitse iwe, icyakoze yavuze ko yigeze amubona rimwe yaje kuzisura n'ubwo Seyoboka we yabiteye utwatsi avuga ko atigeze ahakandagiza ikirenge muri ibyo bihe.

Nyuma yo kumva abatangabuhamya, Ubushinjacyaha bwasabye urukiko kudaha agaciro ubujurire bwa Seyoboka kuko nta shingiro bufite ahubwo akemera gukora igihano yakatiwe n'Urukiko rwa Gisirikare kuko impamvu atanga zidafite ishingiro.

Bwifashishije inyandiko y'ubuhamya murumuna wa Seyoboka yahaye urukiko yagaragaje ko ingengabihe igaragara ihabanye cyane ni yo we yatangaga ivuga ko yari i Kanombe.

Mu batanze ubuhamya kandi bagarutse ku itariki ya 21 Mata 2021 aho Seyoboka yari mu nama karundura yari igamije kwica Abatutsi bari barahungiye muri CELA (Centre d'études des Langues Africaines), gusa nabyo yabihakanye yivuye inyuma.

Uhagarariye abaregera indishyi yavuze ko izo ndishyi zemejwe n'urukiko n'ubwo utabona icyo wasimbuza ubuzima bw'umuntu ariko haba hatanzwe byibuze kimwe cya kabiri cy'igihano ni ukuvuga angana n'ibihumbi 500 Frw by'igihano n'ibihumbi 300 Frw by'ikurikiranarubanza.

Urukiko rwahaye umwanya Jean Claude Seyoboka abanza kugaragaza ko abatangabuhamya b'Ubushinjacyaha bamuhimbiye ibinyoma, asaba kugirwa umwere ku byaha byose akurikiranyweho.

Yagize ati 'Ibyo byose ndabihakanye. Urubanza ndimo ni ubuzima bwanjye. Nk'uko mwabibonye abatangabuhamya bameze nk'abatojwe ibyo bavuga. Icyo mbasaba, rwose muzarebe ibyo bintu byose muzasanga harimo akarengane gakomeye. Njyewe uhagaze imbere yanyu nta bwicanyi nigeze, nta Mututsi nishe, nta n'uwo nigeze nkubita urushyi.'

Yasabye ko ubujurire bwe bwahabwa agaciro, maze akagirwa umwere ku byaha byose akurikiranyweho kuko atigeze abikora. Ku ndishyi naho yavuze ko umuntu yishyura indishyi z'ibyaha yakoze bityo ko byaba ari akarengane kwishyurira ibyo atigeze akora.

Urukiko rwapfundikiye urubanza, ruvuga ko imyanzuro izasomwa ku wa 28 Kamena 2021 saa Tanu za mu gitondo ku Rukiko Rukuru rwa Gisirikare i Kanombe.

Sous-Lieutenant Henri Jean Claude Seyoboka yagejejwe mu Rwanda tariki ya 18 Ugushyingo 2016 yoherejwe n'ubutabera bwa Canada aho yari amaze imyaka 20 nyuma yo gutahura ko yabeshye mu myirondoro ye ko atigeze aba umusirikare.

Sous-Lieutenant Henri Jean Claude Seyoboka yongeye kugezwa mu rukiko aburana ubujurire

Ubwo yinjiraga mu Rukiko Rukuru rwa Gisirikare ruri i Kanombe

Sous-Lieutenant Seyoboka yakatiwe n'Urukiko rwa Gisirikare igifungo cya burundu ahamijwe ibyaha bitatu birimo icya Jenoside, icyo kurimbura imbaga n'icyibasiye inyokomuntu

Bizimana Jean wahoze ari Burugumesitiri wa Nyarugenge no mu gihe cya Jenoside yakatiwe imyaka 30, afungiye i Mageragere

Bizimana yavuze ko Seyoboka yari umusirikare watanzwe n'ubuyobozi hagamijwe gufasha interahamwe muri Jenoside

Mukandutiye Angelina yavuze ko atigeze abona Seyoboka mu bikorwa by’Interahamwe icyakora yamubonye rimwe yaje kuzisura ari kumwe n’abandi basirikare

Rekeraho Jonathan wari umuturanyi wa Seyoboka yavuze ko amuzi mu bikorwa by’interahamwe mu bihe bya Jenoside ndetse ko yanamwiboneye yica umuntu

Rongorongo Hussein yavuze ko Seyoboka bakoranaga mu gihe cya Jenoside ari Visi Perezida we

Seyoboka yahawe umwanya wo kubaza abatangabuhamya bose kugira ngo ashire ingingimira

Iyi nkunga yemejwe ku wa 26 Gicurasi 2021 irimo ibice bibiri, aho miliyoni 36,77$ azaba ari inguzanyo yatanzwe binyujijwe mu Kigega Nyafurika Gitsura Amajyambere (ADF), naho miliyoni 47,45$ zatanzwe nk'impano icyo kigega cyageneye u Rwanda.

Mu itangazo BAD yashyize ahagaragara yavuze ko imiryango 77.470 ari yo izagezwaho amashanyarazi igakurwa mu kizima. Ibyo ngo bizasaba ko hubakwa umuyoboro wa kilometero 1.620 utwara umuriro muke, n'undi wa kilometero 595 utwara umuriro uringaniye mu turere dutandatu tw'Amajyepfo.

Iyo nkunga kandi izanifashihswa mu gusana no kwagura umuyoboro wa kilometero 1.720 utwara umuriro muke, ndetse igire uruhare mu gukwirakwiza transformateurs mu mijyi yunganira Kigali.

Iyi nkunga ya BAD iri mu murongo wayo wo guhindura imibereho y'Abanyafurika ikaba myiza kurushaho, ikanashyigikira gahunda Leta y'u Rwanda yihaye y'uko mu 2024 abaturarwanda bazaba bafite amashanyarazi 100%.

Ni ibintu byitezweho kuzagira uruhare rukomeye mu Cyerekezo 2050, kuko bizongera ihangwa ry'imirimo bikagabanya ubushomeri, bikanacogoza iyangizwa ry'amashyamba n'ikoreshwa ry'inkwi n'amakara; bityo urugendo rwo kubungabunga ibidukikije rugakomeza nta nkomyi.

Binitezweho guteza imbere imyigire y'abanyeshuri bahuraga n'imbogamizi yo gusubiramo amasomo mu masaha y'ijoro, by'umwihariko abiga bataha. Ibura rya serivisi zimwe na zimwe zitangirwa kuri internet naryo rizahagarara.

Imibare yerekana ko kugeza ubu ingo zifite amashanyarazi mu Rwanda zisaga 60,9%, harimo izigera kuri 15,9% zifite adafatiye ku muyoboro mugari, yiganjemo akomoka ku mirasire y'izuba.

BAD yahaye u Rwanda inkunga ya miliyari 84 Frw agenewe ibikorwa byo kwegereza abaturage amashanyarazi

IRMCT yatangaje ko kuri uyu wa Kabiri tariki 1 Kamena 2021, aribwo hateganyijwe inama ntegura rubanza [Status Conference] igomba kuba mbere y'uko Kabuga asubira imbere y'inteko iburanisha.

Kabuga aburanishwa n'Inteko y'Abacamanza bayobowe na Iain Bonomy, Graciela Susana Gatti Santana na Elizabeth Ibanda-Nahamya.

Uyu mugabo bivugwa ko yavutse mu 1935, yaboneye izuba mu yahoze ari Segiteri ya Muniga, Komini ya Mukarange, Perefegitura ya Byumba.

Inyandiko y'ibirego igenderwaho yatanzwe ku itariki ya 14 Mata 2011; uyu musaza yafatiwe i Asnières-sur-Seine, mu Bufaransa, ku wa 16 Gicurasi 2020.

Ku itariki ya 30 Nzeri 2020, Urukiko rusesa Imanza rw'u Bufaransa rwanze ubujurire bwa Kabuga ku Cyemezo cy'Urukiko rw'ibanze, cyemeje ko agomba gushyikirizwa IRMCT.

Ku itariki ya 1 Ukwakira 2020, Perezida Carmel Agius yashyizeho Urugereko rwa Mbere rw'Iremezo rugizwe n'Abacamanza Iain Bonomy, Perezida; Graciela Susana Gatti Santana na Elizabeth Ibanda-Nahamya, ruzaburanisha uru rubanza kuva igihe Kabuga yimuriwe ku cyicaro cy'Ishami rya IRMCT bireba.

Ku itariki ya 21 Ukwakira 2020, Umucamanza Iain Bonomy yahinduye Urwandiko rwo gufata n'Itegeko ryo kwimura, anategeka ko Kabuga yimurirwa ku Ishami rya IRMCT ry'i La Haye.

Kabuga yashyikirijwe IRMCT ku wa 26 Ukwakira 2020. Umuhango wo kwitaba Urukiko bwa mbere wabaye ku wa 11 Ugushyingo 2020. Icyo gihe, Kabuga yahakanye ibyaha byose aregwa mu nyandiko y'ibirego.

Félicien Kabuga aregwa icyaha cya Jenoside, kuba icyitso cy'abakoze Jenoside, guhamagarira abantu ku mugaragaro kandi mu buryo butaziguye gukora Jenoside, ubwinjiracyaha bwa Jenoside, ubwumvikane bugamije gukora Jenoside, itoteza n'itsembatsemba nk'ibyaha byibasiye inyokomuntu byakorewe mu Rwanda mu 1994.

Kabuga Félicien ufatwa nk'umuterankunga mukuru wa Jenoside yakorewe Abatutsi mu 1994