Author: webrwanda

Mu mukino wa kabiri wo mu itsinda F wabereye ku kibuga Fussball Arena Munich mu Budage, ku mugoroba wo kuri uyu wa Gatandatu tariki ya 19 Kamena 2021, warangiye u Budage bunyagiye Portugal ibitego 4-2, birimo bibiri byitsinzwe n'ubwugarizi bwa Portugal.

Wari umukino ukomeye cyane wari witezwe n'abatari bacye, bashakaga kureba neza ubushobozi bw'aya makipe ahabwa amahirwe yo kwegukana irushanwa yahuriye mu itsinda ryiswe iry'urupfu.

Uyu mukino u Budage bwari hejuru cyane, bwatunguwe ku munota wa 15 Cristiano Ronaldo abaca mu rihumye abatsinda igitego cya mbere ku mupira yahawe na Diogo Jota, nyuma y’uko Robin Gosens w'u Budage atsinze igitego ku munota wa gatanu kikangwa.

U Budage ntibwacitse intege kuko ku munota wa 35 Ruben Dias yitsinze igitego ku gitutu gikomeye yokejwe na Kai Havertz, amakipe anganya 1-1.

Ku munota wa 39, u Budage bwabonye igitego cya kabiri cyitsinzwe na Raphael Guerreiro washakaga kurenza umupira akisanga yawuboneje mu rushundura.

Igice cya mbere cyarangiye u Budage buyoboye umukino ku kinyuranyo cy'ibitego 2-1.

Amakipe akigaruka avuye mu karuhuko, ku munota wa 51 ku mupira wari uvuye kwa Robin Gosens, rutahizamu ukinira Chelsea yo mu Bwongereza Kai Havertz yatsindiye u Budage igitego cya Gatatu bukomeza kuyobora umukino.

Robin Gosens wari wazonze cyane Abanya-Portugal yatsinze igitego cya Kane cy'u Budage ku munota wa 60 ku mupira mwiza yahawe na Joshua Kimmich, bigabanya icyizere cy'abanya-Portugal cyo gucyura intsinzi kuri uyu mukino.

Ku munota wa 67 Portugal yabonye igitego cya kabiri cyatsinzwe na Diogo Jota ku mupira mwiza wari uhinduwe na Cristiano Ronaldo.

Abanya-Portugal bakomeje gushaka ibitego bibiri byo kwishyura ariko iminota 90 irangira batsinzwe umukino wa mbere muri iri rushanwa.

Gutsinda uyu mukino byafashije u Budage kugaruka mu makipe ahataniye iki gikombe, ndetse bukaba busabwa gutsinda Hongrie ku mukino wa nyuma wo mu itsinda kugira ngo bubone itike ya 1/8.

Portugal byayongereye akazi gakomeye ku mukino w'umunsi wa nyuma mu itsinda, izakina n'u Bufaransa, aho basabwa gutsinda cyangwa kunganya kugira ngo babone itike y'imikino ya 1/8.

Mu wundi mukino wo muri iri tsinda wabaye, ikipe y'igihugu ya Hongrie yihagazeho inganya n'u Bufaransa 1-1, bituma buri kipe muri iri tsinda rya F, igomba gutegereza umukino w'umunsi wa nyuma, aho aribwo uzasobanura amakipe azakina 1/8.

Magingo aya u Bufaransa nibwo buyoboye itsinda n'amanota 4, u Budage na Portugal bafite amanota 3, mu gihe Hongrie ifite inota rimwe.

Cristiano Ronaldo niwe watsinze igitego cya mbere cya Portugal

U Budage bwanyagiye Portugal 4-2

Toni Kroos aganira na Cristiano bakinanye muri Real Madrid nyuma y’umukino

Robin Gosens niwe wabaye umukinnyi w’umukino

Uko amakipe akurikirana mu itsinda mbere y’umukino w’umunsi wa nyuma

Ntiryari ijoro ryiza kuri Cristiano Ronaldo na Portugal abereye kapiteni, ni nyuma yo gutsindwa n’u Budage 4-2 mu mukino w’umunsi wa 2 mu itsinda F rya Euro2020.

K’umunsi w’ejo hashize hakomezaga imikino ya Euro2020 hakinwa umunsi wa kabiri mu itsinda F, u Bufaransa nyuma yo gutsinda u Budage mu mukino wa mbere, bwaje kunganya na Hongrie 1-1.

Nyuma y’uyu mukino hakurikiyeho umukino wa Portugal n’u Budage. U Budage nibwo bwinjiye mu mukino hakiri kare aho Robin Gosens yari yafunguye amazamu ku munota wa 5 ariko baracyanga kuko yari yaraririye.

Ku munita wa 15 Cristiano Ronaldo yaje gutsindira Portugal igitego cya mbere ku mupira yari ahawe na Diogo Jota.

Kuva kuri uyu munota u Budage bwasatiriye cyane, bushyira igitutu kuri Portugal maze ku munota wa 35, Rúben Dias yitsinda igitego ku mupira wahinduwe na Robin Gosens, ku munota wa 39 babonye igitego cya kabiri na cyo cyitsinzwe na Raphael Guerreiro ku mupira wahinduwe na Joshua Kimmich. Amakipe yagiye kuruhuka ari 2-1.

Umutoza wa Portugal yataniye igice cya kabiri azana Renato Sanchez asimbura Bernardo Silva.

Izi mpinduka ntacyo zafashije Portugal kuko ku munota wa 51, Kai Havertz yatsindiye u Budage igitego cya 3 ku mupira wari uhinduwe imbere y’izamu na Robin Gosens.

Robin Gosens usanzwe watakira Atlanta mu Butaliyani wazonze cyane Portugal, yaje gutsindira u Budage igitego cya 4 ku munota wa 60, ni umupira yatsinze n’umutwe wari uhinduwe na Joshua Kimichi.

Diogo Jota ku munota wa 67 yatsindiye Portugal igitego cya kabiri ku mupira wari uhinduwe na Cristiano Ronaldo.

Kugeza ubu muri iri tsinda ntibirasobanuka kuko buri kipe ifite amahirwe yo kuzamuka muri 1/8 kuko u Bufaransha bufite amanota 4, u Budage na Portugal 3 mu gihe Hongrie ifite 1, buri kipe isigaje umukino umwe aho niba Portugal ya Cristiano ishaka kugera muri 18 igomba gutsinda u Bufaransa ni mu gihe u Budage busabwa gutsinda Hongrie.

Undi mukino wabaye ni uwo mu itsinda E aho Espagne nyuma yo kunganya na Sweden mu mukino wambere, yongeye kunganya na Poland 1-1.

Umutoza wa Marines FC, Yves Rwasamanzi avuga ko impamvu yanyagiwe na APR FC ibitego 6-0, ari uko yari yaruhukije abakinnyi yitegura umukino wo ku wa Kabiri usoza shampiyona.

APR FC k’umunsi w’ejo hashize yari yakiriye Marines FC mu mukino w’umunsi wa 6 wa shampiyona mu cyiciro cy’amakipe ahatanira igikombe, ukaba warabereye i Huye.

Yaje kuyinyagira ibitego 6-0, ni umukino wavugishije benshi ku mbuga nkoranyambaga aho bamwe bavugaga ko iyi kipe ya Marines FC ishobora kuba yatanze amanota k’ubushake.

Nyuma y’uyu mukino, umutoza Yves Rwasamanzi utoza Marines FC, yavuze ko byatewe n’uko hari abakinnyi yari yaruhukije bitewe n’uko bari bakinnye imikino yegeranye bityo akaba yabateguriraga umukino wo ku wa Kabiri usoza shampiyona.

Ati”Shampiyona yari igoye cyane kuko twakinnye imikino myinshi tutaruhuka, twakinnye imikino ibiri ishize ikomeye twahuyemo na Rayon Sports ndetse na AS Kigali, byari ngombwa ko turuhutsa abakinnyi bamwe, dushyiramo abakinnyi bashya bageze aho bararuha kubera kudakina kenshi, ariko nta kundi twagombaga kubagerageza nabo bagakina kuko dufite undi mukino ku wa Kabiri, ntabwo twari gukoresha bamwe ku mikino yose.'

Uyu mutoza kandi akaba yahamije ko imvune y’umunyezamu we Ntwari Fiacre na kapiteni we Ndayishimiye Thierry batasoje umukino ari kimwe mu byabakozeho.

Marines izasoza shampiyona yakira ikipe ya Bugesera FC i Rubavu kuri Stade Umuganda.

Teta yaryumyeho ,yanga kugira icyo atangaza kurukundo rwe na Odion Ighalo

Mu mukino w'umunsi wa Gatandatu wa shampiyona y'u Rwanda, wabereye kuri Stade Huye kuri uyu wa Gatandatu tariki ya 19 Kamena 2021, wasize APR FC ibonye intsinzi ya mbere ikomeye muri uyu mwaka w'imikino nyuma yo kunyagira Marines FC ibitego 6-0.

Ibitego byose bya APR FC byabonetse mu gice cya kabiri bitsinzwe na Manishimwe Djabel, Mugunga Yves, Ombolenga Fitina na Byiringiro Lague watsinze ibitego bitatu muri uyu mukino.

Gutsinda Marines FC umuba w'ibitego bitandatu ku busa, byatumye APR FC ifata umwanya wa mbere n'amanota 16 n'ibitego 14 izigamye, binayihesha amahirwe menshi yo kwisubiza igikombe cya shampiyona cy'uyu mwaka.

Undi mu kino wari ufite icyo uvuze ku gikombe cya shampiyona wabereye mu karere ka Bugesera, ukaba wahuje Bugesera FC na AS Kigali, ukaba warangiye iyi kipe y'abanyamujyi batsinze Bugesera igitego 1-0 cyatsinzwe na Nkinzingabo Fiston.

Gutsinda igitego kimwe gusa, ntabwo byahaye amahirwe AS Kigali gukomeza kwicara ku mwanya wa mbere kuko APR FC yahiase iyirusha umubare w'ibitego izigamye, kuko banganya amanota 16, ariko APR FC ikayirusha ibitego 4 izigamye.

Umukino wa nyuma aya makipe zakina muri uyu mwaka w'imikino, nta mpinduka zikomeye zitezwe, kuko tariki ya 22 Kamena 2021, APR FC izakina na Rutsiro FC, mu gihe AS Kigali izakina na Police FC.

APR FC nitwara igikombe cy'uyu mwaka kizaba kibaye icya 19 cya shampiyona yegukanye, kikazaba ari icya 37 mu bikombe bikomeye yegukanye mu myaka 27 imaze ishinzwe.

Iyi kipe y’ingabo z’igihugu imaze imikino 37 idatsindwa, niyegukana iki gikombe idatsinzwe kizaba kibaye igikombe cya kabiri kikurikiranya begukanye badatsinzwe.

Undi mukino wabaye, Police FC yatsinze Espoir FC ibitego 2-1.

APR FC igiye kwegukana igikombe cya kabiri cya shampiyona idatsinzwe umukino n’umwe