Webrwanda Backend

Author: webrwanda

  • Gakenke: Ikibazo cy’abagaragaye bagirana amakimbirane n’uwari utwaye moto kiri gukurikiranwa #Rwanda #RwOT via @kigalitoday #rwanda #RwOT

    Uwo mumotari wari utwaye ibiribwa(urusenda mu mifuka), yafatiwe mu Murenge wa Muhondo, ubwo yarimo agerageza kurenga imbibi z’Akarere ka Gakenke, yinjira mu Karere ka Rulindo kandi muri iki gihe cyo kwirinda ikwirakwizwa ry’icyorezo cya Covid-19 bitemewe.

    Nzamwita Déogratias yagize ati: “Uwo mumotari yashakaga kwerekeza muri Rulindo avuye muri Gakenke. Mu kumuhagarika, ubwo yari ageze mu Murenge wa Muhondo, umenya yahutaje abamuhagaritse, na bo mu gushaka kwirwanaho, basa n’ababikora mu buryo bigaragara ko budahwitse”.

    Ati: “Nanjye nabibonye gutyo mu mashusho, ariko urumva nyine, ibyo bibazo byatewe n’uko uwo mumotari yashakaga kwambukiranya uturere twombi kandi twese tuzi neza ko muri iki gihe cya Guma mu Karere bitemewe. N’ubwo abamuhagaritse babikoze nabi, ariko ubwabyo n’uwo mumotari yari yakoze amakosa. Abantu ntibakwiye kurenga ku mabwiriza ngo bakinishe iki cyorezo uko biboneye.”

    Mu bagaragaye muri aya mashusho, bari mu kazi ko gukumira abarenga ku mabwiriza yo kwirinda Covid-19, barimo n’urubyiruko rw’abakorerabushake, abakorera ku rwego rw’Umudugudu na Gitifu w’Umurenge wa Muhondo ugaragara mu mashusho akandagiye kuri moto y’uwo mumotari.

    Mayor Nzamwita, avuga ko n’ubwo bigaragara ko bari mu kazi ko gukumira abarenga ku mabwiriza yo kwirinda Covid-19, uburyo babikozemo ngo nibwo butagenze neza.

    Ati: “Ni yo mpamvu twabihariye RIB ngo ibikurikirane, irebe neza uruhare rwa buri wese, ugaragaraho amakosa abihanirwe”.

    Mu butumwa yanyujije ku rubuga rwayo rwa Twitter, Polisi y’u Rwanda yatangaje ko uwo mumotari yafashwe nta ruhushya yasabye. Mu gukubita umuhuzabikorwa w’Umurenge ngo akaba aribwo urubyiruko rw’abakorerabushake rwatabaye. Naho ikijyanye no gukubita uwo mumotari, Polisi yavuze ko kiri gukurikiranwa.

    Muri iki gihe icyorezo cya Covid-19 gikomeje kugaragara hirya no hino, Ubuyobozi bukomeje gusaba abaturage kutagikerensa, kuko ubukana bwacyo budasiba kwigaragaza.

  • Bamporiki ashimira umuhanzi Munyanshoza wagize uruhare rukomeye mu buzima bwiza afite #Rwanda #RwOT via @kigalitoday #rwanda #RwOT

    Mu kiganiro yagiranye n’abanyamakuru bo kuri Televiziyo yitwa Isibo, Bamporiki yagize ati “Ugiye kuvuga ngo umuntu yageze hano ate? Ni Munyanshoza. Wamuha iki se ko ugiye kumuha wamuha ibyawe byose, mu kuzirikana ubwo bupfura bwe!”

    Bamporiki yavuze ko bwa mbere ahura na Mibirizi bahuriye i Kamembe(Rusizi) mu marushanwa y’indirimbo zijyanye na Gacaca mu 1999, icyo gihe ngo Mibirizi aba uwa mbere Bamporiki aba uwa gatanu, kandi bari bahembye abantu batatu.

    Nyuma ngo Mibirizi yaramubwiye ati “Nkurikije amagambo yawe, wandika neza, ariko kuririmba si ibyawe kuko uririmba nabi, ufite ijwi ribi pe! Ariko uje i Kigali wajya wandika, nkaririmba, buriya twakorana”.

    Bamporiki avuga ko Mibirizi atamubeshyaga koko ngo nta jwi ryiza ryo kuririmba agira byari ugushakisha. Nyuma y’uko Bamporiki ageze i Kigali, ngo hari ubwo Mibirizi yagiye ahantu hitwa ku Mugote, azana amagambo n’amateka, araza abwira Bamporiki ati “Mfasha iyi ndirimbo tuyinoze”.

    Bamporiki ati “Buriya ‘Imfura zo ku Mugote’ rwose ni indirimbo ye ijana ku ijana, ariko mfite uruhare rwanjye runini, ariko ibyo mbyita guha agaciro umuntu utifitiye n’icyizere”.

    Ikindi Bamporiki avuga ko ahora azirikana kuri Mibirizi ni igihe byigeze kuba ngombwa ngo asezerera abandi bose babanaga mu rugo ariko asigarana na Bamporiki kuko we ngo yari atarabona icyerekezo cy’ubuzima.

    Yagize ati “Hari igihe Mibirizi yigeze kugira ikintu umuntu yakwita nka ‘crise’ y’imibereho (amikoro aragabanuka), kugira abantu benshi mu rugo, arababwira ati mwese mufite uko mwabaho, utari wabona icyerekezo cy’ubuzima ni Edouard kandi ni jye wamuzanye, ni jye watumye aza i Kigali,… mwebwe muragenda ariko agume ahangaha. Ubwo ni ubupfura kuvuga ati, uyu muntu ni jye watumye aza, ntabwo rero ndi bumutererane kandi adafite icyo ashingiraho. Erega ubwo iyo atemera ko mpaguma n’aha si mba mpari! Buriya ahantu turi uyu munsi, hari abateye inkunga urwo rugendo, ubwo rero yubahwe kuko yagize neza”.

    Munyanshoza na we yemeza ibi Bamporiki yavuze

    N’ubwo Bamporiki avuga iby’ubupfura, ubugiraneza bwa Munyanshoza, akumva atabona icyo amuha gihwanye n’ibyo yamukoreye, ariko Munyanshoza na we ku ruhande rwe ashima Bamporiki kuko ngo mu buzima babanyemo, babanye neza kandi bahuza.

    Ibyo Bamporiki avuga ko bahuriye mu marushanwa y’indirimbo za Gacaca, Munyanshoza arabyemeza akavuga ko nyuma yo kurushanwa, icyo gihe bagiye kwakirirwa muri Hoteli y’aho i Rusizi yitwa ‘Hotel des chutes’. Bamporiki ngo yaraje aramwegera baraganira cyane, ku buryo mu bari baje kurushanwa bose uwo yatashye bamenyanye cyane ari Bamporiki ndetse amusigira umwirondoro w’uko yamubona aramutse aje i Kigali.

    Nyuma y’ayo marushanwa ngo hanyuzemo igihe kirekire baraburanye kuko ngo bishoboka ko izo aderesi yari yarazitaye, ariko bongera guhuzwa n’amarushanwa y’indirimbo n’imivugo byo gushishikariza abantu gutanga imisoro byabereye kuri sitade y’i Nyamirambo, bahera ubwo babana mu nzu.
    Munyanshoza ati “Icyo gihe maze kumva amatangazo nagiye kubaza ibisabwa, ndaza ntegura indirimbo, na we ngo akaba yaraje ariko atarambona kuko yari yataye aderesi, aba Kimicanga. Icyo gihe rero abarushanwa mu ndirimbo babashyize ukwabo n’abarushanwa mu mivugo bajya ukwabo, birangiye baratubwira ngo dusohoke akanama nkemurampaka kiherere, dusohotse nibwo twumvise abagiye mu marushanwa y’imivugo bavuga ngo hari umuntu uvuye mu giturage, avuze umuvugo mwiza, ngo twese tushake indi myanya uwa mbere ni uwe”.

    Nyuma ibyo kurushanwa birangiye batangaza ko uwa mbera mu ndirimbo ari Munyanshoza ahembwa 150.000 Frw, naho uwa mbere mu mivugo aba Bamporiki ahembwa 50.000Frw. Ngo bombi ntibibukanaga ku isura ariko ubwo basomaga amazina y’abatsinze, Bamporiki yahise yumva izina rya Munyanshoza aramwegera buri wese ashimira undi kuko babaye aba mbere bombi, baranibwirana, bongera kwibukiranya uko bamenyaniye i Rusizi bakaba bari baraburanye, bava aho bajya kubana mu rugo. Munyanshoza avuga ko yashimishijwe n’ukuntu Bamporiki akimara icyumweru kimwe gusa aho iwe, wasangaga hahora abana bato bavuga ko bashaka Bamporiki kubera ibyo yabigishaga by’amakinamico bamukunda, ndetse n’ababyeyi bari baturanye aho bamukunda.

    Munyanshoza kandi ashimira Bamporiki ko n’ubwo binyuze mu nzira zitandukanye yaje kuzamuka ariko agakomeza kuzirikana abamufashije.

    Yagize ati “Iyi foto ureba, ejobundi arahirira kuba Umunyamabanga wa Leta muri Minisiteri y’Urubyiruko n’Umuco, ni ifoto yifotoranyije na Nyakubahwa Perezida wacu, noneho yari yadutumiye…, ashimira abantu mu byiciro byose babanye, ariko ikintu cyanshimishije ni uko yampaye ‘cadeau’ (impano) y’umwihariko, yabanje gushimira abantu bose, arangije aravuga ati noneho icyiciro cya kabiri hari umuntu nshimira by’umwihariko, ni uko ampa iyi mpano”.

  • Police FC ishobora gutanga arenga miliyoni 10 ikagura rutahizamu wa Musanze FC #rwanda #RwOT

    Rutahizamu wa Musanze FC, Twizerimana Onesme yamaze kumvikana n’ikipe ya Police FC kuba yayerekezamo, ni mu gihe iyi kipe yo mu Majyaruguru igomba kwishyurwa miliyoni 10.

    Onesme yari asigaranye amezi 6 y’amasezerano muri Musanze FC, nyuma y’uko uyu mwaka w’imikino urangiye yamenyesheje ubuyobozi bw’iyi kipe ko hari ikipe y’i Kigali imwifuza.

    Amakuru ISIMBI yamenye ni uko perezida w’iyi kipe, Placide bakunze kwita Trump yamubwiye ko agenda bakumvikana ubundi akubahiriza ibikubiye mu masezerano ye.

    Amasezerano avuga ko uyu musore ikipe imwifuza igomba kwishyura miliyoni 10 z’amafaranga y’u Rwanda, ni mu gihe yaguzwe miliyoni 5.

    Gusa amakuru avuga ko Musanze FC ishobora korohereza uyu mukinnyi kuri miliyoni 10 ziri mu masezerano agomba kugurwa ikaba yafatamo 5 na we agatwara 5 ku mezi 6 yari ayisigaraniye akyongera ku yandi Police FC yarenzaho imugura(kuri miliyoni 10).

    Uyu rutahizamu akaba yamaze kumvikana na Police FC aho yemeye kuyisinyira imyaka 3.

    Amakuru avuga ko uyu rutahizamu atarasinya ariko bitarenze iki cyumweru azaba yamaze gushyira umukono ku masezerano, ni nyuma y’uko ikipe ya Musanze FC izaba imaze kumuha urupapuro rumurekura(release letter).

    Mu mwaka n’igihe amaze muri Musanze FC, yayitsindiye ibitego 10 muri shampiyona(buri shampiyona yatsinze 2). Yakiniye amakipe atandukanye nka APR FC na AS Kigali.

    Twizerimana Onesme yamaze kumvikana na Police FC

    Source : http://isimbi.rw/siporo/article/police-fc-ishobora-gutanga-arenga-miliyoni-10-ikagura-rutahizamu-wa-musanze-fc

  • Ariko njyewe ni ibintu nari niteze ko bizaba – Jimmy Gatete, imyaka 18 irashize amateka yanditswe #rwanda #RwOT

    Ku munsi nk’uyu 2003, Amavubi y’u Rwanda yabonye itike y’igikombe cy’Afurika cya 2004, igikombe kimwe rukumbi yitabiriye, hari nyuma yo gutsindira Ghana i Kigali igitego 1-0 cya Jimmy Gatete watangaje ko ko nubwo abantu bumvaga bidashoboka we yari abyiteze ko bizaba.

    U Rwanda rwisanze mu itsinda rya 13, ruri kumwe na Uganda na Ghana, iri tsinda ryagombaga gutanga ikipe imwe ijya mu gikombe cy’Afurika.

    Amavubi yari yatangiye nabi, ubwo tariki ya 13 Ukwakira 2002 yakinaga umukino wa mbere wo mu itsinda rya 13 kuri Accra Stadium igatsindwa 4-2.

    Ibitego bya Ghana byatsinzwe na Ntaganda Elias myugariro w’Amavubi witsinze igitego ku munota wa 24, Hamza Mohammed atsinda icya 2 ku munota wa 42, Kweku Charles Bismark Taylor Asampong ku munota wa 58 na Derek Owusu Boateng ku munota wa 70.

    Karekezi Olivier wahaye umupira Jimmy Gatete agatsinda Uganda, umukino wabaye urufunguzo rwo kubona itike ya CAN 2004

    Ibitego by’Amavubi byatsinzwe na Hassan Milly ku munota wa 16 na Ndikumana Hamad Hatauti ku munota wa 43.

    Nyuma yo gutsindwa na Ghana, Amavubi yari yizeye ko azatsinda Imisambi ya Uganda(Uganda Cranes) i Kigali, gusa siko byaje kugenda tariki ya 23 Werurwe 2003 umukino warangiye ari 0-0.

    Uko imikino yagendaga ishira niko n’amahirwe y’Amavubi mu gikombe cy’Afurika cya 2004 yagendaga ayoyoka, nyuma yo kunganyiriza na Uganda i Kigali ntabwo yari yizeye gutsindira Uganda muri Uganda.

    Amavubi yasabwaga gutsinda imikino yayo yose kugira ngo yerekeze mu gikombe cy’Afurika cya 2004, yakurikijeho umukino Uganda muri Uganda tariki ya 7 Kamena 2003.

    Eric Nshimiyimana umwe mu bafashije Amavubi kubona itike ya CAN 2004

    Imbere y’abantu ibihumbi 50 bari muri Nakivubo Stadium, Kampala, mu mukino utari woroshye waranzwe n’ubushyamirane aho na rutahizamu w’Amavubi Jimmy Gatete yaje gukubitwa agakomeretswa umutwe. Yasohowe hanze y’ikibuga babanza kumupfuka, yaje kugaruka mu kibuga maze ku munota wa 40 ku mupira mwiza yari ahawe na Kakrekezi Olivier ahita atsindira Amavubi igitego cya mbere, Uganda yagerageje kwishyura iki gitego ariko biranga umukino nurangira ari 1-0.

    Hari hasigaye umukino umwe w’ishiraniro wagombaga gusiga hamenyekanye ikipe ijya mu gikombe cy’Afurika muri iri tsinda, ni uwo Ghana yagombaga gusuramo Amavubi i Kigali.

    Hari tariki ya 6 Nyakanga 2003, ku munsi nk’uyu, Amavubi yasabwaga gutsinda byanze bikunze kugira ngo abone itike, abafana baje kuyashyigikira ari benshi, ntibabatetereje maze Jimmy Gatete ku munota wa 49 atsinda igitego n’umutwe cyaje no gusoza uyu mukino kuko warangiye ari 1-0. Amavubi abona itike y’igikombe cy’Afurika cya 2004, igikombe kimwe rukumbi yitabiriye.

    Jimmy Gatete yaje gutangaza ko n’ubwo benshi nta cyizere bari bafite ariko we yari agifite, yumvaga bishoboka.

    Yagize ati'abantu benshi bumvaga ari ibintu bidashoboka ariko njyewe ni ibintu nari niteze ko bizaba. Narabitekerezaga none byaranabaye byaranshimishije cyane. Byari ibyishimo sinjye njyenyine kuko hari n’abishimye kundusha kandi ari nanjye watsinze kiriya gitego. Ngarutse kuri njyewe byaranshimishije sinzi uko nabisobanura byari birenze kereka wenda uwambonaga icyo gihe.'

    Jimmy Gatete yatsindiye igitego Amavubi cyayahesheje itike, avuga ko ari ibintu byari byitezwe

    Amavubi yagiye mu gikombe cy’Afurika afite amanota 7, Uganda ya kabiri yari nfite 5 mu gihe Ghana yagize amanota 3 zose zirasigaye.

    Amavubi yakinnye CAN 2004

    Source : http://isimbi.rw/siporo/article/ariko-njyewe-ni-ibintu-nari-niteze-ko-bizaba-jimmy-gatete-imyaka-18-irashize-amateka-yanditswe

  • Florent Ibenge watandukanye na As Vita Club,… – #rwanda #RwOT

    Jean Florent Ikwanga Ibenge w’imyaka 59 aherutse gutandukana na As Vita Club bari bamaranye imyaka igera ku 9 nyuma yo kubura igikombe cya Shampiyona yo muri Congo ku maherere. Kuri iki gicamunsi nibwo Ibenge yasinye amasezerano y’imyaka 2, aho azajya ahembwa ku kwezi Miliyoni zigera kuri 55 z’Amanyarwanda (55,000,000 Frw) nk’uko amakuru INYARWANDA ifite abihamya.

    Kuri iki cyumweru ni bwo Ibenge yerekeje muri Maroc aho yaraye anarebye umukino RS Berkane yakinaga.

    Ibenge akigera muri Maroc yahise ahura na Perezida wa RS Berkane

    Ibenge yageze muri As Vita Club mu 2012 avuye muri Shanghai Shenshua FC nyuma y’imyaka ibiri agirwa umutoza mukuru wa Congo. Mu 2014 na 2018 Ibenge yegukanye igikombe cya Shampiyona ndetse anagera ku mukino wa wa nyuma wa CAF Champions League mu 2014.

    Source : https://inyarwanda.com/inkuru/107235/florent-ibenge-watandukanye-na-as-vita-club-yasinye-muri-rs-berkane-aho-azajya-ahembwa-mil-107235.html

  • IFOTO Y'UMUNSI: Miss Grace Bahati ari kumwe n'umuhungu we – YEGOB #rwanda #RwOT

    Kuri uyu wa Mbere tariki ya 05 Nyakanga 2021 twabazengurukiye imbuga nkoranyambaga zitandukanye maze tubahitiramo ifoto y'umunsi. Iyo foto ntayindi ni iya Miss Bahati Grace (wegukanye ikamba rya Miss Rwanda 2009) ari kumwe n'umwana we w'umuhungu.

    Source : https://yegob.rw/ifoto-yumunsi-miss-grace-bahati-ari-kumwe-numuhungu-we/

  • Mugabo/musore ,niba ushaka kwitwara neza mu gitanda ihatire gufata aya mafunguro. – YEGOB #rwanda #RwOT

    Hari ubwoko bw'amafunguro igitsina gabo kigomba kurya kugira ngo kirusheho gukomera no kugira ubudahangarwa mu gikorwa cyo gusana umuryango harimo gutera akabariro.

    Aya mafunguro ashobora kugufasha kugira imbaraga no gukomera mu bice bitandukanye by'umubiri harimo ibifite aho bihuriye n'ibyi myibarukire.

    1.Imbuto n'imboga z'umuhondo

    Izi mbuto ni ingenzi cyane ku banu b'igitsina gabo zirimo imyembe, amacunga, amapera ndetse n'imboga nka caroti, inkeri n'izindi kuko zituma imyanya myibarukiro yabo ikura neza.

    2.Avoka

    Uru rubuto rufite umumaro ukomeye ku buzima bw'umuntu muri rusange ariko cyane cyane ku bagabo kuko umuntu ukunda kururya ruramubyibushya cyane.kubera amavuta aba muri uru rubuto, biba byiza ugiye ufata nibura agasate kamwe kangana na kimwe cya kane cy'urubuto rwose uko umaze gufata amafunguro asanzwe.

    3.Kunywa amata

    Kunywa amata n'ibindi biyakomokaho ni ingenzi cyane kuko byongera ibinure mu mubiri ugasanga umubiri unoze kandi ibi bigaragara ku bantu b'igitsina gabo kuruta abandi

    4.Kurya imineke

    Kurya imineke cyane ni byiza ku bantu b'igitsina gabo kuko bituma amaraso atembera neza mu mubiri, gukomeza amagufa n'imitsi. Umugabo urya imineke cyane kandi agira ubushake n'imbaraga mu gihe cyo gutera akabarariro.

    5.Kurya amafi

    Ni byiza ko umugabo arya amafi ndetse n'ibiyakomokaho kenshi kuko bifasha umutima gukora neza no kukomeza imikaya kandi bikarinda n'ubugumba ku bantu b'igitsina gabo.

    6.Kurya amafunguro arimo soya

    Soya nayo ni kimwe mu biribwa bifite akamaro gakomeye mu kurinda kanseri yibasira imyanya myibarukiro y'abagabo cyane cyane udusabo tw'intanga.

    7.Isosi y'inyanya

    Gufata iyi sosi ni byiza cyane kuko birinda indwara zitandukanye harimo na kanseri zifata imyanya myibarukiro y'umugabo

    8.Kurya inyama zitukura

    Kurya inyama zitukura kenshi ku muntu w'umugabo byongera intungamubiri kandi bigakomeza n'imitsi, bitandukanye cyane no kuba wafata izindi bitandukanye zose harimo iz inkoko cyangwa izindi zose zidatukura.

    Source : https://yegob.rw/mugabo-musore-niba-ushaka-kwitwara-neza-mu-gitanda-ihatire-gufata-aya-mafunguro/

  • #COVID19: Mu Rwanda abakize ni 231, abapfuye ni 9 #Rwanda #RwOT via @kigalitoday #rwanda #RwOT

    Abitabye Imana ni abagore bane b’imyaka 82 (i Kigali), 76 (i Rubavu), 62 (i Karongi), 57 (mu Ruhango) n’abagabo batanu b’imyaka 79, 72, 52, 51 (Kigali) na 64 (i Rubavu), bakaba bahise buzuza umubare w’abantu 479 bamaze kwicwa n’iki cyorezo mu Rwanda.

    Abarimo kuvurwa bose hamwe ni 15,080.

    Abantu 251,719 bamaze guhabwa doze ya kabiri y’urukingo rwa COVID-19 (AstraZeneca) barimo 244 bayihawe ku wa Mbere.

    Inzego zishinzwe ubuzima zisaba Abaturarwanda baba abakingiwe n’abatarakingirwa gukomeza kwitwararika birinda kwandura cyangwa kwanduza abandi icyorezo cya COVID-19 gikomeje kugaragaza ubukana mu Rwanda n’ahandi ku isi.

  • Siti True Karigombe yishongoye ku bandi baraperi nyarwanda(VIDEO) #rwanda #RwOT

    Umuraperi nyarwanda urimo kuzamuka, Siti True Kaligombe yasohoye amashusho y’indirimbo ye yise Intro(Free Style) aho aba yishongora ku bandi baraperi avuga ko ari we wenyine wize umuziki ndetse ko abazi ubwenge baza kumubaza uko abikora.

    Iyi ndirimbo ngufi y’iminota 2 n’amasegonda 12, yakozwe na Trackslayer, nta gitero nta nyikirizo ahubwo aba arimo yivuga ibigwi.

    Uyu musore wize umuziki mu ishuri rya muzika ku Nyundo, uretse kuririmba azi no gukubita ingoma.

    Iyi ndirimbo yasohoye hari agace yumvikanamo asa n’uwishongora ku bandi baraperi aho aba avuga ko kuva u Rwanda rwabaho ari we wenyine muraperi wabyize, ngo ndetse abaraperi bazi ubwenge baramwegera bakamubaza uko abikora.

    Agira ati 'ninjye muraperi utagira ibigare agendamo, batangazwa no kuba mbakusanya ari amatsinda ibyo barabizi(…) umunsi nazaga nasanze mwese mwikomanga ku gatuza, mbakubise acapella muhita mutuza, nahise mbaramiza amata ngo ndebe ko mwava i buzimu gusa nasanze muremanywe umutima mutindi.'

    'Ninjye muraperi umwe rukumbi wize umuziki mu Rwanda kuva u Rwanda rwaremwa, muzasome mu bitabo, ntibyari koroha iyo ntahagararira Nyundo muri uru ruhando, ryari kuba ishuri rya mabande(bands) n’abahogoza kuko iyi njyana yacu nahazamuye ibendera, abaraperi bazi ubwenge nibo banyegera bakambaza bati ni gute uvanga rap ya street n’iyi rap ya Sorvage.'

    Siti Karigombe yamenyekanye mu muziki ubwo yafashaga Riderman ku rubyiniro, nyuma yatangiye kujya asohora indirimbo ze ndetse ubu akaba yaramaze kurangiza indirimbo zigize EP(extended play) yise 'Ndi mu kazi petit’.

    Siti Karigombe ngo ni we muraperi ukora ibyo yize

    Source : http://isimbi.rw/imyidagaduro/article/siti-true-karigombe-yishongoye-ku-bandi-baraperi-nyarwanda-video

  • Miss Jolly yifatanyije nAbanya-Tanzania kwiz… – #rwanda #RwOT

    Ku gicamunsi cy'uyu wa Mbere tariki 5 Nyakanga 2021, Miss Mutesi Jolly yashyize amashusho ku mbuga nkoranyambaga y'amasegonda 49' yifatanya n'abanya-Tanzania kwizihiza iminsi 100 ishize Samia Suluhu Hassan atangiye kuyobora Tanzania.

    Samia Suluhu w'imyaka 61 y'amavuko ni Perezida wa Gatandatu wa Tanzania, na Perezida wa mbere w'umugore uyoboye iki Gihugu. Ni we mugore rukumbi mu Karere k'Afurika y'Uburasirazuba uyoboye igihugu mu rwego rwa Politiki.

    Tariki 18 Werurwe 2021, ni bwo Mama Samia yarahiye kuyobora Tanzania, ahita yiyongera ku rutonde 'ruto cyane' rw'abagore bayoboye ibihugu muri Afurika.

    Kuva, uyu munsi abanya-Tanzania bari kwizihiza amezi atatu ashize Mama Samia ari ku butegetsi; bizihiza ibikorwa bitandukanye amaze gukora kuva yatangira inshingano.

    Miss Mutesi Jolly yabwiye INYARWANDA, ko ari iby'igiciro kinini kuri we kwifatanya n'abanya-Tanzania kwizihiza uyu munsi kuko Mama Samia agaragaza gushyigikira umugore, kandi nawe akaba ari gutegura irushanwa rigamije rya Miss East Africa rigamije gutinyura umukobwa.

    Yagize ati “Kuba ari umugore, akaba amaze amezi atatu abaye Perezida wa Tanzania, ndetse akaba abaye n'umugore wa mbere ubaye Perezida mu Karere k'Afurika y'Uburasirazuba, urabizi turimo turategura irushanwa rigamije gutinyura abakobwa kuba rero ari umugore wa mbere w'umuperezida wa Tanzania, akaba n'umugore wa mbere mu Karere ni ibintu tugomba kwishimira cyane cyane nkanjye uri gutegura irushanwa.” 

    Akomeza ati “Ni urugero rwiza abakobwa bagomba kureberaho. Rero nibwo butumwa namuhaga, namwifuriza ishya n'ihirwe kuko ari kubera indorerwamu abakobwa muri rusange, atari abakobwa bo muri Tanzania ahubwo abakobwa bo mu Karere k'Afurika y'Uburasirazuba ndetse no muri Afurika.”

    Mu mpera z'iki Cyumweru, Miss Mutesi Jolly Visi-Perezida w'irushanwa rya Miss East Africa yagiranye ibiganiro n'abarimo Umunyamabanga wungirije muri Minisiteri y'Itangazamakuru, Umuco, Ubugeni na Siporo; Ambasaderi wa Kenya muri Tanzania, Hon Dan Kazungu baganiriye ku gushyigikira irushanwa rya Miss East Africa 2021 yahawe gutegura.

    Her excellence @SuluhuSamia Being the first woman President of Tanzania & first woman President in East Africa,is a reminder to all women across the continent that women are the most powerful beings&there's no limit to what they can do once given space,thx 4 being an inspiration pic.twitter.com/MqRP3fMdKw

    â€" Jolly Mutesi. #TeamPK (@JollyMutesi) July 5, 2021

    Miss Mutesi Jolly yashimiye Perezida Samia kubera ikitegererezo abakobwa bo muri Afurika Miss Mutesi Jolly yavuze ko nka Visi-Perezida wa Miss East Africa bishimiye iminsi 100 ishize Perezida Samia atangiye kuyobora Tanzania, by'umwihariko akaba ahanira guteza imbere abagore  Miss Mutesi Jolly yagiranye ibiganiro byihariye n'Umunyamabanga wungirije muri Minisiteri y'Itangazamakuru, Umuco, Ubugeni na SiporoMiss Mutesi Jolly yaganiriye na Ambasaderi wa Kenya muri Tanzania, Hon Dan Kazungu

    Source : https://inyarwanda.com/inkuru/107265/miss-jolly-yifatanyije-nabanya-tanzania-kwizihiza-iminsi-100-yubuyobozi-bwa-perezida-samia-107265.html