Author: webrwanda

Nk’uko byatangajwe n’Abayobozi ba Police ndetse n’Abayobozi b’ibyo bitaro, hagabwe ibitero bibiri icyarimwe, kimwe kuri ibyo bitaro, ikindi kuri Polisi ikorera hafi yabyo, bikaba byabereye muri Leta ya Kaduna mu Mujyaruguru ya Nigeria.

Igitero cyagabwe kuri ibyo bitaro nk’uko byatangajwe n’umuvugizi wabyo, Maryam Abdulrazaq, aganira n’ibiro ntaramakuru by’Abongereza ‘Reuters’, cyabaye ku Cyumweru mu masaha ya mu gitondo, kimara nibura isaha imwe.

Uwo muvugizi w’ibitaro yavuze ko mu bashimuswe harimo abaturage batandatu, abaforomokazi babiri harimo umwe bajyananye n’umwana we ufite umwaka umwe, umukozi wo muri Laboratwari, ushinzwe gucunga umutekano aho ku bitaro ‘security guard’ n’undi mukozi umwe w’ibitaro.

Polisi yatangaje ko abashimuswe muri rusange ari abantu umunani. Kugeza ubu abo babashimuse ntibaratangira gusaba ingurane y’amafaranga cyangwa ikindi bashaka kugira ngo babarekure, nk’uko umuvugizi w’ibyo bitaro abivuga.

Abdulrazaq ati “Kugeza ubu, nta mafaranga turasabwa gutanga ngo barekurwe. Nta kintu na kimwe turumva gitangazwa n’ayo mabandi kuva yabajyana”.

Mu itangazo Polisi yasohoye, umuvugizi wayo i Kaduna witwa Muhammed Jalige yagize ati “Umubare munini w’abantu bitwaje intwaro baturutse muri iryo tsinda, bateye ku cyicaro cy’ishami rya Polisi ku masaha amwe n’ayo batereye ku bitaro, bagamije kuvanaho abapolisi bari ku kazi muri ayo Masaha”.

Jalige yavuze ko muri abo bantu bitwaje intwaro harimo abakomerekeye muri iyo mirwano na Polisi mu gihe yarimo ishaka gutabara abari bashimuswe ku bitaro.

Abantu bitwaje intwaro ngo baturuka mu mutwe uzwi ku izina rya ‘bandits’, bibasira cyane ibice by’Amajyaruguru no hagati mu gihugu cya Nigeria. Batera mu giturage, bakiba amatungo bagashimuta n’abantu cyane cyane abanyeshuri kugira ngo basabe amafaranga y’umurengera, babone kubarekura.

Guhera mu kwezi k’Ukuboza 2020, ngo abanyeshuri basaga 800 barashimuswe, 150 muri bo bakaba n’ubu baraburiwe irengero.

Abatujwe mu Mudugudu wa Buhoro bavuga ko bishimiye ubuzima bagiyemo

Abahawe inzu bavuga ko byari bigoranye gutura mu nzu bakodesha imyaka 27 yose ishize, bakaba bavuga ko bagiye kurushaho kwiteza imbere kuko ibyo batangaga mu bukode bazabishakamo ibindi bakeneye.

Umuryango wa Uwimana Abdul Karim wararokotse Jenoside yakorewe Abatutsi ugizwe n’abantu batanu, abana batatu n’umugore hamwe na we ubwe.

Uwimana avuga ko yari amaze imyaka 14 akodesha inzu we n’umuryango we baturamo mu mujyi wa Ruhango, ubundi agacumbikirwa n’abagiraneza ku buryo byari bimugoye mu kwiyubaka igihe nta hantu afite ho kuba.

Agira ati “Ba nyiri inzu bahoraga bantera hejuru ugasanga niba uyu munsi nabuze ay’ubukode ba nyirayo baransohoye najya ahandi ngo imuka imuka, kubona ubukode byansabaga guca inshuro n’umugore agaca inshuro ku buryo hari n’igihe najyana nibaza icyatumye ncika ku icumu”.

Imiryango yahawe inzu zirimo ibikoresho binyuranye, inahabwa ibiribwa

Umubyeyi washakanye na Uwimana avuga ko yibazaga ukuntu imibereho ye izaba imeze n’abana be igihe bakomeje gukura kandi ariko banakeneye ibyo kubitaho ku ishuri ngo agashenguka umutima, ariko akiyumanganya.

Agira ati “Najyaga nibaza ukuntu nzajya nimukana n’abasore n’inkumi ngashenguka umutima, ubundi twakoreraga inda ku buryo nta bushobozi bwo kubaka twari dufite, ariko ubu abana banjye na bo barishimye kuko na bo bafite iwabo”.

Ashimira ubuyobozi bwakoze ibishoboka kugira ngo babone icumbi kuko nibura bagiye gukomeza urugendo rwo kwiyubaka.

Umuyobozi w’Umuryango FPR Inkotanyi mu Ntara y’Amajyepfo, Vuganeza Aron, avuga ko mu rwego rwo gukomeza gufasha abanyamuryango n’abaturage muri rusange byabaye ngombwa ko bakusanya ubushobozi ngo aba bacitse ku icumu bafashwe kubona amacumbi.

Umuryango wa Uwimana ni umwe mu batujwe wari ufite ikibazo cy’icumbi

Ashimira kandi Abaturage muri rusange biyumvamo bagenzi babo bacitse ku icumu bakemera gufatanyiriza hamwe ngo batange umusanzu wabo mu kubabonera aho baba no kubafasha mu bindi bakeneye hakurikijwe ubushobozi buhari.

Vuganeza avuga ko intego nyamukuru y’Umuryango RPF Inkotanyi ari uguharanira ko ubuzima bw’umuturage bugira agaciro kandi bukarushaho kuba bwiza, ari na yo mpamvu yo kubakira abo baturage amacumbi meza.

Agira ati “Umuturage wacu agomba kubaho mu buzima bwiza kandi yishimye, ntabwo wakwishima urara ahantu hatameze neza. Turishimira ko nibura aba baturage babonye amacumbi meza tunashimira abaturage bacu bashyize hamwe ngo bafatanye kubabonera ibyo kubafasha”.

Vuganeza avuga ko Umuryango RPF Inkotanyi wifuza ko buri Munyarwanda gira imibereho myiza

Mu rwego rw’ibikorwa byo Kwibohora ku nshuro ya 27, abanyamuryango ba RPF Inkotanyi mu karere ka Ruhango bashyikirije kandi abaturage inkunga z’ibiribwa mu mirenge ya Kinihira na Bweramana, ndetse banagabira inka umuryango wa Gatare Innocent wo mu Murenge wa Mbuye wamugariye ku rugamba rwo kubohora igihugu.

Abahinzi b’ibirayi b’i Nyamagabe na Nyaruguru bizeye ko ishwagara bazahabwa izatuma beza kurushaho

Ni nyuma y’uko tariki 5 Mata 2021 ab’i Nyaruguru bari babwiye Minisitiri w’Ubutegetsi bw’igihugu, Jean Marie Vianney Gatabazi, ko Perezida wa Repubulika yabemereye ishwagara, nyamara bakaba batayihabwa.

Icyo gihe bamugejejeho icyifuzo cyo kuyihabwa kuri Nkunganire, nyuma y’uko hari abayihawe bagomba kwishyura ntibabikore, na we abemerera kuzabakorera ubuvugizi.

Guverineri w’Intara y’Amajyepfo, Alice Kayitesi, ubwo yaganiraga n’abaturage bahagarariye abandi mu Murenge wa Gatare mu Karere ka Nyamagabe, ku itariki 16 Kamena 2021, yababwiye ko ishwagara abahinzi bifuje bagiye kuyihabwa.

Yagize ati “Akarere ka Nyamagabe n’aka Nyaruguru mu Ntara y’Amajyepfo ni two twashyizwe muri gahunda ya Nkunganire ku ishwagara. Amafaranga mwagenerwaga yariyongereye kuko twayakuye mu tundi turere twose, kandi ishwagara tuzabaha si nk’iyo mwajyaga mugura ya kabiri. Ni iya mbere”.

Yanifuje ko abahinzi bazitabira kuyifashisha, kugira ngo ubuhinzi bwabo butere imbere.

Abahinzi basanzwe bifashisha ishwagara bakiriye neza iyi nkuru, cyane cyane bishimira kuba bagiye kujya bahabwa inziza kurusha izindi.

Jean Baptiste Habanabakize wo mu Murenge wa Gatare yagize ati “Ibirayi twari tugeze aho dusarura toni 25 gusubiza hejuru kuri hegitari, ariko nitubona iyongiyo nziza tuzageza no muri 30 ndetse no muri 35 nk’uko mu Ruhengeri beza”.

Narcisse Karengera, umuhinzi wabigize umwuga w’i Muganza mu Karere ka Nyaruguru, ari na we wagejeje icyifuzo cyo guhabwa ishwagara kuri Perezida w’u Rwanda ubwo yasuraga Akarere ka Nyaruguru, na we yishimiye kuba bagiye kujya bahabwa ishwagara kuri Nkunganire, kuko inziza urebye ngo yabageragaho ihagaze ku mafaranga 120/Kg, kandi bakenera toni 2.5 kuri hegitari, zikamaramo imyaka ibiri.

Agira ati “MINALOC baradusuye baranabimbwira ko bayitwemereye, ariko twateguye imirima, iyo itugeraho ubu tuba twaratangiye kuyishyira mu butaka kuko twamaze gutabira”.

Dr. Charles Bucagu umuyobobozi. mukuru wungirije ushinzwe ubuhinzi muri RAB, avuga ko ishwagara izagera ku bahinzi hagati muri Kanama, ku buryo bazayiteresha mu gihembwe cy’ihinga gitaha.

Mu rwego rwo gutegura igikombe cya Afurika “FIBA Afrobasket Rwanda 2021” izabera mu Rwanda kuva tariki 24/08 kugeza tariki 05/09/2021, abakinnyi 17 batangiye imyitozo igamije kubongerera imbaraga no kumenyerana n’umutoza mushya.

Umutoza w’ikipe y’igihugu ya Basketball Sheikh Sarr ukomoka muri Senegal, yahamagaye abakinnyi 27 ndetse banatangiye imyitozo, aho izina ryagaritsweho cyane ari Kapiteni wa Patriots Mugabe Aristide.

Arstide Mugabe aheruka guhamagarwa muri Nyakanga 2018

Mugabe Aristide yaherukaga guhamagarwa mu Ikipe y’Igihugu ya Basketball muri Nyakanga 2018 ubwo hashakwagwa itike y’igikombe cy’Isi cya 2019,ubwo u Rwanda rwatsindaga Uganda mu ijonjora ry’ibanze.

Nyuma yaho uyu mukinnyi ntiyongeye guhamagarwa n’umutoza Vladimir Bosnjak, aho abatoza bavugaga ko impamvu ari ukuba bashaka guhamagara abakinnyi bakiri bato, n’ubwo benshi bakurikirana umukino wa Basketball bavugaga impamvu zitandukanye n’izatanzwe n’abatoza.

Mugabe Arstide yongeye kwerekana ko agishoboye mu marushanwa ya BAL yabereye muri Kigali Arena

Urutonde rw’abakinnyi 17 bahamagawe

1.Ntore Habimana (Tiger BBC)
2.Aristide Mugabe (Patriots)
3.Sagamba Sedar (Patriots)
4.Nshobozwabyosenumukiza Jean Jacques Wilson (REG BBC)
5.Hagumintwari Steven (Patriots BBC)
6.Sangwe Armel (APR BBC)
7.Rutazigwa Gitore (Shoot for the Stars)
8.Mpoyo Olenga Axel (APR BBC)
9.Kazeneza Emile Gallois (APR BBC)
10.Honore Niyongira (APR BBC)
11.Nkusi Arnaud (APR BBC)
12.Kaje Elie (REG BBC)
13.Ndizeye Ndayisaba Dieudonné
14.Shyaka Olivier (REG BBC)
15.Ntwari Marius Tresor (APR BBC)
16.Ngoga Elias (UGB)
17.William Robeyns (Lige Basketball)

Muri iri rushanwa rizabera mu Rwanda kuva tariki 24 Kanama kugeza 05 Nzeri 2021, amakipe 14 muri 16 ni yo aheruka gushyirwa mu matsinda, mu gihe amakipe 2 asigaye azamenyekana muri Nyakanga 2021 nyuma y’imikino yo mu itsinda E yasubitswe.

Uko amatsinda ahagaze

Group A: Rwanda, Angola, DR Congo and 3GR.E
Group B: Tunisia, Egypt, Central Africa Republic and Guinea
Group C: Nigeria, Cote d’Ivoire, Mali and Kenya
Group D: Senegal, Cameroon, South Sudan and 2GR.E

Minisitiri Bamporiki Edouard

Ni mu mpanuro yatangiye ku Isibo TV, ku mugoroba wo ku itariki 04 Nyakanga 2021, ubwo yari umutumirwa mu kiganiro kijyanye n’umunsi wo kwibohora asobanura umuco w’u Rwanda, by’umwihariko ujyanye n’imyambarire.

Minisitiri Bamporiki, abajijwe ku muco ujyanye n’imyambarire mu Rwanda, yavuze ko akenshi byakunze kugaragara ko mu Rwanda hari abambara ibirangaza abantu, bitewe no kutajijukirwa cyangwa ngo bajyanishe imyambaro n’ibikorwa barimo n’aho bikorerwa.

Yatanze urugero rw’abambarira mu rugo imyambaro yo muri pisine kandi kugera kuri iyo pisine bakora urugendo rubasaba gutega bisi, hakaba n’abambara imyambaro yo mu kabyiniro kandi bagomba kubanza kujya mu isoko guhaha. Ni ho ahera avuga ko mu gihe umuntu yambaye umwambaro ajyanisha n’aho ari, bidashobora guteza ikibazo cyo kwica umuco w’igihugu.

Ati “Niba ugiye kwambara, ambara ibijyanye n’aho uri cyangwa ugiye, buriya ni cyo njye mvuga, niba ugiye muri pisine, urambara umwenda wo muri pisine kuva mu rugo uri bujye muri bisi, urabanza guteza ibibazo muri bisi. Urajya mu isoko kugura inyanya, wa mwambaro ujyanye guhaha ni na wo ujyana no kubyina, umwenda wo mu kabyiniro ntabwo ari uwo mu isoko”.

Arongera ati “Niba wiyubaha, ambara umwenda ujyanye n’aho ugiye nta kibazo”.

Yavuze no ku mbuga nkoranyambaga zikomeje gutiza umurindi iyo myambarire idakwiye zisakazwaho amafoto y’urukozasoni, avuga ko imbuga nkoranyambaga, zakabaye izo kubaka abantu aho kubayobya.

Agira ati “Urubuga rukwiye kuba rujyaho ibifitiye abantu akamaro, niba ushyira ikintu ku mbuga kitari buvuge aho wari uri, kitari busobanure icyo ushaka kuvuga uragishiriraho iki? Uyu munsi ushobora gusanga umwana ashyize hanze ifoto yambaye ubusa, ejo wazajya kumwamamaza ngo abe Meya, abantu ugasanga baravuga bati ariko uriya muntu yambara ubusa ntabwo akwiye kutuyobora, ibyo bikaba nk’ibimwangije”.

Arongera ati “Ariko uramutse ubonye umuntu ari Meya, ejo ukabona ifoto kera akiri muto yicaye muri pisine, nta wabigira urubanza, ariko niba ifoto itari busobanure aho wari uri izaguteza ingorane no mu gihe utazi, nta mpamvu rero yo gukoresha imbuga nkoranyambaga nk’imbunda twiyerekejeho twirasa, kandi ugomba kumenya icyo urasa n’aho ukirasira”.

Aragira inama abantu kumenya gukoresha izo mbuga nkoranyambaga mu kubaka abaturage no kubabanisha, aho kubateranya.

Ati “Abantu bagira igihe cyo kwambara bakagira n’igihe cyo kwiyambura, ntawe urara yambaye, ntawe ujya muri pisine yambaye ikoti, ibi bintu kubipfa ni nko kudutwara umwanya w’ubusa, umuntu ajye yambara umwenda umuhesheje ishema ujyanye n’aho agiye”.