Webrwanda Backend

Author: webrwanda

  • Ndimbati yaruciye ararumira abajijwe ipeti yakuye mu gisirikare #rwanda #RwOT

    Nyuma y’uko Uwihoreye Mustapha wamamaye nka Ndimbati muri Sinema Nyarwanda atunguranye agashyira hanze ifoto yambaye gisirikare, yabajijwe ipeti yakuyemo ariko yirinda kugira byinshi abitangazaho.

    Tariki ya 4 Nyakanga ubwo u Rwanda rwizihizaga Umunsi wo Kwibohora ku nshuro ya 27, Ndimbati yatunguye benshi ubwo yashyiraga hanze ifoto ya kera ari mu gisirikare, aho yahise anahishura ko yari mu basirikare babohoye u Rwanda.

    Iyi foto yaherekejwe n’amagambo agira ati 'intego yari iyo kubohora u Rwanda.'

    Iyi foto yazamuye amarangamatima ya benshi bagiye bibaza byinshi, bamwe batungurwa no kuba uyu mugabo yarabaye umusirikare.

    Mu kiganiro yahaye ikinyamakuru ISIMBI, abajijwe ku ipeti yakuye mu gisirikare, Ndimbati yavuze ko yarikuyemo ariko atajya kurivuga ahubwo ngo abamuzi bazabaze abo babanye bazaribwirwa.

    Ati'ipeti narikuyemo, narindifite ariko hari abo twabanye bakirimo, hari abo twabanye bavuyemo, abo bose uzabasha kugirirwa umugisha hari uwo bazahura amubwire ati uriya ndamuzi, kandi ndabizi ahari abajya bahura n’abasirikare, abo twabanye bakababwira bati uriya turamuzi, tumuzi gutya na gutya.'

    Ndimbati avuga ko Umunsi wo Kwibobora awishimira cyane kuko umwibutsa byinshi, umusubiza mu buzima yanyuzemo butari bworoshye ariko we na bagenzi be barwananye uru rugamba bakaba barageze ku ntego bari bariyemeje.

    Ifoto ya Ndimbati yazamuye amarangamutima ya benshi

    Ndimbati ngo Umunsi wo Kwibohora ni umwe mu minsi imushimisha

    Source : http://isimbi.rw/imyidagaduro/article/ndimbati-yaruciye-ararumira-abajijwe-ipeti-yakuye-mu-gisirikare

  • Interahamwe n'ibigarasha biba muri Mozambike byahiye ubwoba byumvise ko u Rwanda rugiye koherezayo Ingabo n'abapolisi. #rwanda #RwOT

    Amaraso arasama, kandi uzahemukira u Rwanda ntazigera ashyira umutima mu gitereko. Dore nk'ubu amakuru atugeraho avuye muri Mozambike, aravuga ko interahamwe n'ibigarasha biba muri icyo gihugu byatangiye guhinda umushyitsi byibaza noneho aho byerekeza, kuko byumva akabyo kashobotse.

    Kubunza imitima byatangiye mu minsi ishize ubwo Perezida wa Mozambike yagiriraga uruzinduko mu Rwanda, ndetse hakavugwa amakuru y'uko Perezida Filipe Nyusi yagenzwaga no gusaba mugenzi we w'uRwanda, Paul Kagame, kumwoherereza ingabo zo kubungabunga umutekano ubangamiwe n'ibikorwa by'iterabwoba.

    Iyi nkuru yateye ubwoba cyane imitwe y'iterabwoba, ndetse RNC ya Kayumba Nyamwasa ikora uko ishoboye ngo igikorwa cyo kohereza ingabo z'uRwanda muri Mozambike kiburizwemo, ariko ibyifuzo byayo byimwa agaciro, nk'uko bisanzwe.

    Byageze n'aho uwitwa David Himbara, umugaragu wa Nyamwasa na Museveni, yikinisha akwiza ku mbuga nkoranyambaga ko ngo bageze ku mugambi wo gutambamira ingabo z'uRwanda, zikaba zitakigiye muri Mozambike. Ntimumbaze umwobo Himbara na bashebuja bihishemo kubera ikimwaro, kuko inkuru ibagezeho ibashegeshe bitavugwa.

    Abajenosideri n' abafatanyabikorwa babo b'ibigarasha barushijeho kudagadwa kuri uyu wa gatanu, ubwo Leta y'uRwanda yasohoraga itangazo rivuga ko mu minsi ya vuba igiye kohereza abasirikari n'abapolisi 1.000, bakajya mu Ntara ya Cabo Delgado imaze igihe yaribasiwe n'ibikorwa by'iterabwoba.

    Iyo ntara kandi ni imwe mu zituyemo abo Banyarwanda b'abagizi ba nabi, cyane cyane interahamwe zahuze imijyi minini nka Maputo, zitinya gutabwa muri yombi.

    Abantu basanzwe baduha amakuru yizewe batubwiye ko izo nzererezi ubu zatangiye gutekereza kuva muri Mozambike, zikajya muri za Malawi, Zambiya, Angola ndetse no mu bihugu byo muri aka karere nka Uganda, Tanzania, Kenya n'ahandi.

    Ibi ni ugupfunda imitwe nk'uhiriye mu nzu ariko, kuko no muri ibyo bihugu, uretse Uganda yiyemeje kuba indiri y'abicanyi, abayobozi n'abaturage batagishaka gucumbikira inkoramaraso.

    Aka wa mugani wa Gahini amaze kwica umuvandimwe we Abel rero, interahamwe n'ibigarasha isi itagiye kubibana ntoya! Ngaho nibatyaze amaguru, ariko amaherezo y'inzira ni mu nzu. Umunsi uzagera abo bagome bibone mu maboko y'ubutabera.

    The post Interahamwe n'ibigarasha biba muri Mozambike byahiye ubwoba byumvise ko u Rwanda rugiye koherezayo Ingabo n'abapolisi. appeared first on RUSHYASHYA.

    Source : https://rushyashya.net/interahamwe-nibigarasha-biba-muri-mozambike-byahiye-ubwoba-byumvise-ko-u-rwanda-rugiye-koherezayo-ingabo-nabapolisi/?utm_source=rss&utm_medium=rss&utm_campaign=interahamwe-nibigarasha-biba-muri-mozambike-byahiye-ubwoba-byumvise-ko-u-rwanda-rugiye-koherezayo-ingabo-nabapolisi

  • RIB yafunze abantu bakekwaho ibyaha birimo no kurema umutwe w’abagizi ba nabi #Rwanda #RwOT via @kigalitoday #rwanda #RwOT

    Abafunzwe ni Nsengiyumva Alphonse, Niyonzima Paul, Micyomyiza Flugence, Karibuhungu Benjamin na Mutijima Kadahwema William, nk’uko bigaragara ku rubuga rwa Twitter rwa RIB.

    Bumwe mu buryo bakoresha muri ubwo buriganya, bareba inzu cyangwa ubutaka bugurishwa, umwe akigira nyir’inzu, abandi bakigira aba komisiyoneri bashaka abaguzi, hakaba hari n’abandi bashinzwe gucura ibyangombwa by’ibihimbano.

    Bahimba ibyangombwa by
    Bahimba ibyangombwa by’ubutaka bakoresha muri ubwo buriganya

    Iyo bamaze kuzuza umugamgi bashaka umuguzi, bakajya gusura inzu cyangwa ubutaka. Muri ako kanya igihe bari kumvikana ibiciro haza undi muntu wigize umuguzi, na we ushaka ya nzu kugira ngo bakumvishe ko agiye kuyigutwara, bityo bikaborohera kugushuka.


  • FLN iri mu marembera, u Burundi na bwo burimo kuyirwanya – Gen Kabarebe #Rwanda #RwOT via @kigalitoday #rwanda #RwOT

    Gen James Kabarebe
    Gen James Kabarebe

    Gen Kabarebe yabitangaje ubwo yaganiraga n’Urubyiruko rugize Umuryango FPR-Inkotanyi ruba ku migabane y’u Burayi na Amerika, abenshi baje mu Rwanda baturutse mu gihugu cy’u Bubiligi.

    Gen Kabarebe yaganirije urwo rubyiruko ari kumwe na Minisitiri w’Ububanyi n’Amahanga, Dr Vincent Biruta hamwe na Minisitiri w’Urubyiruko n’Umuco, Rosemary Mbabazi.

    Abo bayobozi bose basabye urubyiruko ruvuye mu mahanga kujya rurwanya ipfobya n’ihakana rya Jenoside yakorewe Abatutsi rikorerwa ku mbuga nkoranyambaga, ndetse no kuvuguruza amakuru asebya u Rwanda.

    Gen Kabarebe yavuze ko FLN ikomoka ku bajenosideri bahungiye muri Repubulika Iharanira Demokarasi ya Congo (yari Zaïre) mu 1994, batangiye biyita ALIIR nyuma baza kwitwa FDLR.

    Avuga ko batsinzwe no kudashyira hamwe kuko ngo Abakiga batumvikanaga n’Abanyenduga kuva kera, bikaza gutuma bigabanyamo ibice bibiri.

    Abanyenduga bayoborwaga na Paul Rusesabagina ufungiwe mu Rwanda, hamwe na Gen Wilson Irategeka wiciwe muri Congo, ni bo ngo baje gushinga umutwe wa FLN wateraga uturutse i Burundi ukagaba ibitero mu turere twa Nyaruguru na Nyamagabe, wishingikirije ishyamba rya Nyungwe.

    Gen Kabarebe avuga ko inshuro nyinshi uyu mutwe uregwa iterabwoba, wagiye ugaba ibitero ku Rwanda wishingikirije u Burundi, ariko aho bigeze ubu Ingabo z’u Burundi na zo ngo zirimo kuwurwanya.

    Umwe mu banyeshuri baganirizwaga n’Abayobozi mu cyumba cy’Ingoro y’Inteko Ishinga Amategeko kuri uyu wa Gatanu, yari yabajije Gen Kabarebe icyakozwe kugira ngo bakumire ibitero bya FLN muri Nyungwe.

    Gen Kabarebe yamusubije agira ati “Buri gihe (FLN) bagendaga bacibwa intege (uko bagabye ibitero ku Rwanda), Ingabo z’u Burundi na zo ubu zirimo kubarwanya, bari mu bihe bya nyuma byo kubaho kwabo (mu marembera)”.

    Amakuru nk’aya hamwe n’andi urwo rubyiruko ruzajya ruhabwa n’u Rwanda, ngo ni yo rugomba gutangariza abasebya igihugu nk’uko uwitwa Aline Byusa, wavuye mu Bubiligi yakomeje abisobanura.

    Byusa yagize ati “Ubutumwa dufite ni ugukomereza aho ababohoye igihugu bagejeje, cyane cyane mu rugamba rwo guhangana n’abahakana Jenoside ku mbuga nkoranyambaga, kwamamaza u Rwanda no kuvuguruza abaruvuga nabi kuko twabonye ko babeshya”.

    Minisitiri w’Urubyiruko n’Umuco, Rosemary Mbabazi, yabwiye urwo rubyiruko rwaturutse i Burayi ko ibyo u Rwanda rwagezeho rwiyubaka (ibicuruzwa rukora) bashobora kubibyazamo ishoramari bakajya kubicuruza mu mahanga aho batuye.


  • Amerika yashyize u Rwanda mu bihugu byugarijwe na Covid_19 #rwanda #RwOT

    Ikigo cy'abanyamerika gishinzwe gukumira no kurwanya indwara CDC, cyashyize u Rwanda mu bihugu byugarijwe n'icyorezo cya Coronavirus ndetse kinagaragaza umwihariko uri muri uru Rwanda.

    Mu gihe cy'ukwezi kumwe gusa u Rwanda rwagaragaje ko rufite ubwiyongere bukabijw bw'icyorezo cya Coronavirus hirya no hino mu gihugu, taliki ya munani Nyakanga kandi minisiteri y'ubuzima yatangaje ko hari ibimenyetso simusiga ko ubwandu bwihinduranyije bwa Delta Variant bwageze mu gihugu.

    Urutonde rw'ibihugu 54 rwashyizwe hanze na CDC rugaragaraho n'u Rwanda ni urutonde rw'ibihugu byugarijwe na Coronavirusi, ni urutonde rugaragaramo ibihugu nka Leta zunze ubumwe z'abarabu, DRC ndetse na Uganda.

    Mu butumwa bwaherekeje uru rutonde, iki kigo CDC cyasabye abaturage bo muri leta zunze ubumwe za America kureka kwerekeza muri ibyo bihugu mu gihe batarafata inkingo ku buryo bwuzuye.

    Ubwo cyageraga ku Rwanda, iki kigo cyashimangiye ko umunyamerika wese wkwiye kwirinda kujya mu Rwanda, mu gihe yaba yiyemeje kujyayo akabanza akagenzura niba yarafashe urukingo mu buryo bwuzuye neza.

    Nubwo CDC yavuze ityo ariko, yongeyeho ko u Rwanda ari igihugu cyo kwitondera cyane ko hari ubwandu bugishidikanwaha, ngo nuwakingiwe arandura, agashegeshwa kandi akanahitanwa n'iyi virus.

    Source : https://impanuro.rw/2021/07/09/amerika-yashyize-u-rwanda-mu-bihugu-byugarijwe-na-covid_19/

  • Imyitwarire ikwiye kuranga umukobwa n'umuhungu bari mu rukundo rw'ukuri. – YEGOB #rwanda #RwOT

    Mu buzima busanzwe iyo uhuye n'umuntu kandi akaba aribwo bwa mbere uhuye nawe ni byiza ko umugaragariza imyifatire myiza kabone n'ubwo waba ufite imyifatire iruhije mu gukundwa.

    Mumaze kwemeranya ubushuti muba mugomba gukomeza kuganira no kubwizanya ukuri by'umwihariko iyo muri kumwe nk'iyo mwasohokanye cyangwa umwe yasuye undi ningombwa ko muhuza kubyo muri kuganira kuko bishobora kuba byabafasha gutera imbere no kugirana inama zitandukanye.

    Ntabwo ari byiza ko umwe yibanda ku ruhande rwe gusa ngo yumve ko icyo avuze aricyo atagomba kuvuguruzwa ahubwo bagomba kujya inama kuri buri kimwe cyose.

    Kandi nanone ntabwo gusohokana cyangwa gusurana aba ariwo mwanya wo kwishimisha gusa ahubwo mugomba no kwibuka kuganira kubyo mubona byaba bitagenda neza mu rukundo rwanyu.

    Umusore cyangwa inkumi ugiye gushaka inshuti nyanshuti cyangwa umukunzi ntabwo yakabaye areba uburanga buhanitse cyangwa ubutunzi cyangwa se kugendera kubyo abandi bavuga kuko ibyo byose ni ibirebeshwa amaso ya bugufi nyamara tutazi ko ibyo byose bishobora kurangira vuba.

    Ahubwo urukundo nyarwo ruba mu mu mutima imbere. Amafaranga n'ubutunzi ni nk'umuyaga, uhuha rimwe mu kanya ukabura.

    Basore namwe bakobwa mukundana urukundo nyakuri mutabeshyanya kuko bizabahesha ishema mu bandi, yaba abababona ndetse n'aho muba kdi bizatuma ababubaha.

    Ikindi kandi niba mukunda by'ukuri ntimukabihishe kuko iyo umwe aterekana ko akundana n'undi hashobora kuzamo agatotsi ko kuba umwe atizera undi bitewe nuko ashobora kuba yakwibaza impamvu undi atamumurikira inshuti ze cyangwa ngo yemere ko bakundana.

    Source : https://yegob.rw/imyitwarire-ikwiye-kuranga-umukobwa-numuhungu-bari-mu-rukundo-rwukuri/

  • U Rwanda rugiye kohereza abasirikare 1000 muri Mozambique – #rwanda #RwOT

    Cabo Delgado ni intara iri mu Majyaruguru ya Mozambique, ituwe n’abaturage barenga miliyoni ebyiri bari ku buso bwa kilometero kare 82.625. Iri ku mupaka wa Tanzania ndetse ituwe n’abaturage bo mu bwoko bw’aba- Makonde, Makua na Mwani.

    Ibikorwa bya Guverinoma y’u Rwanda byo koherezayo ingabo muri iki gihugu bije nyuma y’ubusabe bwa Perezida wa Mozambique, Filipe Nyusi, wagiriye uruzinduko mu Rwanda muri Mata.

    Kuva icyo gihe bivugwa ko u Rwanda rwahise rutangira kugenzura neza uko ikibazo cy’umutekano muke n’iterabwoba gihagaze muri ako gace. Hari amakuru avuga ko rwahise rwoherezayo itsinda rigamije kureba uko byifashe.

    Itangazo ryashyizwe ahagaragara na Guverinoma y’u Rwanda rivuga ko izi ngabo zizoherezwayo zizakorana n’iza Mozambique cyo kimwe n’iz’Umuryango w’Iterambere ry’Ibihugu byo mu Majyepfo ya Afurika, SADC.

    Riti “Uku kohereza ingabo gushingiye ku mubano mwiza hagati ya Repubulika y’u Rwanda n’iya Mozambique, nyuma y’isinywa ry’amasezerano y’ubufatanye atandukanye hagati y’ibihugu byombi mu 2018 kandi rishingiye ku bushake bw’u Rwanda ku mahame yo kurinda (R2P) n’amasezerano yo mu 2015 ya Kigali yo kurinda abasivile.”

    Izi ngabo zigiye muri Mozambique nyuma y’ibiganiro hagati y’ibihugu byombi. Muri Mata uyu mwaka, Perezida wa Mozambique, Filipe Nyusi yasuye u Rwanda aganira na Perezida Paul Kagame ku ngingo zitandukanye zirimo ubufatanye mu guhashya iterabwoba.

    Ntabwo hatangajwe byinshi ku biganiro abakuru b’ibihugu byombi baganiriye, icyakora Perezida Nyusi yaje mu Rwanda mu gihe Mozambique yari imaze iminsi yibasiwe n’ibitero by’iterabwoba bigabwa n’umutwe ushamikiye ku mutwe w’iterabwoba wa ISIS ugendera ku mahame akaze ya kisilamu.

    Nubwo ingabo za Leta zikomeje gutsinsura uwo mutwe mu Mujyi wa Palma mu Ntara ya Cabo Delgado iherereye mu Majyaruguru ya Mozambique, hari amagana y’abaturage bahitanwe n’ibitero mu gihe abandi bavuye mu byabo.

    Aka gace uwo mutwe ugabamo ibitero gakungahaye kuri gaz ndetse sosiyete y’Abafaransa, Total yashoye miliyari 20 z’amadolari mu kubaka uruganda rwo gucukura iyo gaz. Gusa nyuma y’ibitero, iyo sosiyete yatangaje ko ibaye ihagaritse uwo mushinga.

    Mu bishwe muri ako gace harimo abanyamahanga ndetse ibikorwaremezo nk’amabanki, amahoteli n’ibindi na byo byarangiritse, bikaba byaratumye benshi bahagrika ibikorwa bahakoreraga.

    Umujyi wa Palma wagabweho ibitero utuyemo abanyamahanga basaga 1000 bari mu bikorwa bifite aho bihuriye n’icukurwa rya gaz.

    Guhera mu 2017, agace ka Cabo Delgado kagiye kibasirwa n’ibitero by’imitwe y’iterabwoba rimaze guhitana ubuzima bw’abasaga 3000 mu gihe ibihumbi by’abaturage byahunze.

    Mu kwezi gushize abakuru b’ibihugu bigize umuryango uhuza ibihugu byo muri Afurika y’Amajyepfo (SADC), bahuriye i Maputo muri Mozambique baganira ku kibazo cy’umutekano muke kiri mu Majyaruguru y’icyo gihugu.

    Bemeje koherezayo umutwe wa SADC w’ingabo zishinzwe kurwana aho rukomeye ngo zifashe mu guhashya imitwe y’iterabwoba ikorera muri Cabo Delgado ishobora no gukwirakwira mu bindi bihugu byo mu karere idahagaritswe.

    Inzira igejeje Ingabo z’u Rwanda muri Mozambique

    • Mu Ukwakira 2017, abagizi ba nabi bafitanye isano n’umutwe wa Islamic State wo muri Iraq n’uwitwa Levant (ISIL) batangiye kugaba ibitero mu gace ka Cabo Delgado muri Mozambique.
    • Rimwe na rimwe, abo barwanyi biyita al-Shabaab, nubwo nta sano na rito bafitanye na al-Shabaab yo muri Somalia.
    • Ingabo za Mozambique zimaze igihe zihangana n’abo barwanyi gusa byatumye abasivili benshi bahunga iyo mirwano.
    • Abo barwanyi bagabye ibitero muri Kanama 2020 bafata Umujyi wa Mocimboa da Praia.
    • Muri Mata 2020, abantu barenga 50 bishwe baciwe imitwe ndetse abagera kuri uwo mubare nanone bishwe muri ubwo buryo mu Ugushyingo 2020.
    • Muri Nzeri 2020, abarwanyi ba ISIL bagabye igitero ku kirwa cya Vamizi kiri ku Nyanja y’Abahinde.
    • Ku wa 24 Werurwe 2021, aba barwanyi bafashe Umujyi wa Palma, bica n’abaturage mu gihe abarenga 35.000 by’abaturage 75.000 bawutuyemo bavuye mu byabo.

    Guverinoma y’u Rwanda yemeje ko igiye kohereza abasirikare 1000 muri Mozambique

  • Ngoma: Umuyobozi akurikiranyweho kunyereza asaga miliyoni 1 Frw yo kwishyura mituweli – #rwanda #RwOT

    IGIHE yamenye ko uyu muyobozi w’imyaka 31 yatawe muri yombi ku wa 7 Nyakanga 2021.

    Umuvugizi w’Urwego rw’Igihugu rw’Ubugenzacyaha, RIB, Dr Murangira B. Thierry, yavuze ko uwo muyobozi yafashwe ndetse iperereza riri gukorwa.

    Yakomeje ati “Uwafashwe afungiye kuri Sitasiyo ya RIB ya Kibungo mu gihe iperereza rikomeje kugira ngo hakorwe dosiye ishyikirizwe Ubushinjacyaha.’’

    Yavuze ko abakora ibyaha byo kunyereza umutungo ufitiye inyungu rubanda batazihanganirwa.

    Yakomeje ati “RIB iributsa abaturarwanda ko itazihanganira uwo ariwe wese uzafatirwa mu cyaha cyo kunyereza umutungo ashinzwe kugenzura awukoresha mu nyungu ze bwite. Abantu bakwiye kumenya ko iki ari icyaha gihanwa n’amategeko.’’

    Ingingo ya 10 y’itegeko N°54/2018 ryo ku wa 13/08/2018 ryerekeye kurwanya ruswa iteganya ko uhamijwe icyaha cyo kunyereza umutungo ahanishwa igifungo kitari munsi y’imyaka irindwi ariko kitarenze 10 n’ amafaranga y’u Rwanda yikubye inshuro kuva ku nshuro eshatu kugeza kuri eshanu z’agaciro k’umutungo yanyereje.

    Umuyobozi ushinzwe Iterambere, Imibereho Myiza n’Ubukungu (SEDO) mu Kagari ka Kibare mu Murenge wa Mutenderi mu Karere ka Ngoma akurikiranyweho icyaha cyo kunyereza 1.006.000 Frw yari agenewe kwishyura mituweli y’umwaka wa 2021

  • Ntimukwiye gutegereza guhamagarwa ngo murwanire igihugu cyanyu- Gen James Kabarebe – #rwanda #RwOT

    Ibi Gen. James Kabarebe yabigarutseho kuri uyu wa 9 Nyakanga 2021, ubwo yagiranaga ibiganiro n’itsinda ry’abahungu n’abakobwa baba mu bihugu bitandukanye ariko bakaba bamaze iminsi mu Rwanda, aho bari gusobanurirwa amateka y’Igihugu cyabo.

    Gen Kabarebe yavuze ko ikibazo u Rwanda ruri guhura na cyo cy’abaruharabika n’abagoreka amateka yarwo cyari cyitezwe kuko ngo nyuma yo gukora Jenoside abayikoze bakurikizaho kuyihakana.

    Yavuze ko buri cyiciro cy’urugamba rwo kubohora igihugu cyagiye kigira imbogamizi, yemeza ko abaharabika u Rwanda na bo ari imbogamizi mu cyiciro u Rwanda rugezemo rwibohora.

    Yavuze ko uru rubyiruko rufite ibyo rusabwa byose kugira ngo ruvuguruze amakuru atangwa n’abaharabika igihugu, anabibutsa ko kugira ngo babikore badakwiye gutegereza kubisabwa ko ahubwo bakwiye kubifata nk’inshingano.

    Gen James Kabarebe yasabye uru rubyiruko guhangana n’abavuga ibinyoma ku gihugu cyabo

    Uru rubyiruko rwasabwe kumva ko rufite inshingano zo kuvuguruza abaharabika igihugu

    Inkuru irambuye mukanya

  • Minisitiri Biruta na Mbabazi bahanuye urubyiruko rw’Abanyarwanda ruba mu mahanga – #rwanda #RwOT

    Abayobozi barimo Minisitiri w’Urubyiruko, Rosemary Mbabazi na Minisitiri w’Ubabanyi n’Amahanga, Dr Vincent Biruta n’Umujyanama wa Perezida Kagame mu by’umutekano, Gen James Kabarebe; baganirije urubyiruko rw’abanyarwanda ruba mu mahanga.

    Kuri uyu wa 9 Nyakanga 2021 nibwo itsinda ry’urubyiruko rutuye mu mahanga rumaze iminsi mu ruzinduko mu Rwanda ryagiranye ibiganiro n’abayobozi batandukanye.

    Iri tsinda rigezwe n’abagera kuri 60 baturutse mu bihugu byiganjemo ibyo ku Mugabane w’u Burayi nk’u Bubiligi, u Bufaransa n’u Budage.

    Uretse abakomoka ku babyeyi bose b’Abanyarwanda, iri tsinda ririmo n’abavanze. Ni ukuvuga abafite umubyeyi umwe w’Umunyarwanda.

    Mu minsi bamaze mu Rwanda basuye ibikorwa bitandukanye byiganjemo ibifite amateka yihariye mu rugamba rwo kubohora igihugu.

    Nyuma yo gusura aha hantu hatandukanye, babonanye n’abayobozi bakuru b’igihugu kugira ngo babaganirize ku cyerekezo cy’u Rwanda.

    Minisitiri Biruta yabagaragarije ko nyuma y’ibibazo u Rwanda rwanyuzemo ubu ruri mu bihugu biri kwitwara neza mu bintu bitandukanye birimo korohereza ubucuruzi.

    Yabasabye gukomeza kugaragaza indangagaciro z’Abanyarwanda aho baba hose kandi bagahangana n’abakomeje guharabika igihugu bavuga ibitari byo.

    Yabasabye ko iki gikorwa batangiye cyo kugaruka bagasura igihugu cyabo cyazakomeza kandi bakarushaho kongera umubare w’abacyitabira.

    Minisitiri Rosemary Mbabazi we yagaragarije uru rubyiruko bimwe mu bigize umuco w’u Rwanda. Yababwiye ko mu gihe kinini cyashize Abanyarwanda bibonaga mu moko y’Abahutu, Abatutsi n’Abatwa yemeza ko ariko ubu bose bibona nk’Abanyarwanda binyuze muri Ndi Umunyarwanda.