Webrwanda Backend

Author: webrwanda

  • Nyanza : Abantu 19 bafatiwe mu kabari bashinze mu ishyamba kasohokeragamo abashaka kwica icyaka #rwanda #RwOT

    Umuvugizi wa Polisi mu Ntara y’Amajyepfo, Superintendent of Police (SP) Theobald Kanamugire yavuze ko aba 19 bafashwe tariki ya 07 Nyakanga bafatirwa mu Murenge wa Busasamana, Akagari ka Kavumu, Umudugudu wa Gihisi B. Abandi 22 bafatirwa mu mirenge ya Ntyazo na Mukingo.

    Yagize ati 'Polisi k’ubufatanye n’izindi nzego bafatanya kugenzura uko amabwiriza yo kurwanya COVID-19 bageze mu Mudugudu wa Gihisi B mu gihe cya saa moya z’umugoroba abaturage babaha amakuru ko hari abantu bashinze akabari mu ishyamba riri hafi aho. Bahise bajyayo koko muri iryo shyamba bahasanga abantu 19 barimo banywa inzoga begeranye nta n’umwe wambaye agapfukamunwa.'

    SP Kanamugire yavuze ko ako kabari ko mu ishyamba ari ak’uwitwa Mukamana, uyu ngo asanzwe acuruza ibigage n’inzoga z’indi zitemewe zizwi ku izina rya dunda ubwonko nk’uko abaturage babivuga. Ngo uyu Mukamana ubusanzwe acuruza yikingiranye agafungura umuryango wo mu gikari gusa. Aba 19 bafashwe bakaba bari basohotse mu kabari ke basohokanye inzoga ndetse zashira akabashyira izindi aho mu ishyamba.

    Akomeza avuga ko abandi 22 bafashwe tariki ya 08 Nyakanga bafatiwe mu mirenge ya Ntyazo na Mukingo mu tugari dutandukanye. Muri aba bantu harimo abatambara agapfukamunwa, abarengeje amasaha yo gutaha, abatafunze amaduka yabo ku masaha yashyizweho ndetse n’abandi bagiye bafatwa batubahirije amabwiriza y’andi ajyanye no kurwanya ikwirakwira ry’iki cyorezo cya Koronavirusi.

    Umuvugizi wa Polisi mu Ntara y’Amajyepfo yongeye kwibutsa abaturage muri rusange ko kwirinda Covid-19 ari inshingano za buri wese ntabwo ari ukubikora kubera ubonye Polisi.

    Yagize ati 'Aya mabwiriza agamije kubarinda kwandura COVID-19 no kwirinda kuyanduza abandi. Abajya kunywera inzoga mu ishyamba cyangwa n’ahandi bibibwira ko bihishe Polisi n’izindi nzego baribeshya kandi baranihemukira kuko Koronavirusi yo ntiyihishwa. Aho bazajya hose mu gihe batubahirije amabwiriza yo kuyirinda izabasangayo, icyababera kiza tunabakangurira ni ugukurikiza aya mabwiriza yose uko yakabaye.'

    Umunyamabanga Nshingwabikorwa w’Umurenge wa Busasamana, Bizimana Egide aganira n’aba bafashwe yabibukije amabwiriza yo gukumira ikwirakwizwa ry’iki cyorezo abibutsa ko Leta iyashyiraho igamije ko buri muturage ayasobanukirwa kandi akayubahiriza.

    Ati 'Ntibikwiye ko haba hakiri umuturage utarumva cyangwa ngo abone ubukana bw’iki cyorezo buri munsi hatangazwa imibare w’abantu gihitana n’abacyandura. Abantu bakwiye kwirinda kwandura no kwanduza abandi, kugira ngo bigerweho rero ni uko bakurikiza amabwiriza atangwa.'

    Abafashwe bajyanwe ku biro by’imirenge bafatiwemo barigishwa banacibwa n’amande, mu gihe akabari ka Mukamana Solange kafunzwe acibwa n’amande nk’uko amabwiriza abiteganya.

    Source : http://www.ukwezi.rw/mu-rwanda/Amakuru-anyuranye/article/Nyanza-Abantu-19-bafatiwe-mu-kabari-bashinze-mu-ishyamba-kasohokeragamo-abashaka-kwica-icyaka

  • Abangavu b’u Rwanda bakomeje kugorerwa mu Buholandi #rwanda #RwOT

    Ikipe y’igihugu y’abangavu batarengeje imyaka 20 mu mukino wa Volleyball bakomje kugorerwa mu Buholandi mu gikombe cy’Isi, ni nyuma y’uko na Brazil ibatsinze amaseti 3-0.

    Uyu munsi u Rwanda rwakinaga umukino wa 2 wo mu itsinda A aho ruri kumwe n’u Buholandi, Brazil na Argentine.

    Nyuma yo gutsindwa n’u Buholandi mu mukino ufungura igikombe cy’Isi amaseti 3-0, uyu munsi rwakinnye na Brazil.

    Brazil yaje gutsinda u Rwanda amaseti 3-0. Iseti ya mbere bayitsinze 25 -10, iya kabiri bayitsinda 25 — 15, iya gatatu niho bandagarije u Rwanda barutsinda ku manota 25-2.

    U Rwanda ruzasoza imikino isoza itsinda ku munsi w’ejo rukina na Argentine ku isaha ya saa 14:30′.

    Abangavu b’u Rwanda bakomeje gutsindwa umusubirizo

    Ise ya nyuma u Rwanda rwayitsinzwe ku manota 2

    Source : http://isimbi.rw/siporo/article/abangavu-b-u-rwanda-bakomeje-kugorerwa-mu-buholandi

  • Ibya CANO byashyizweho akadomo birangiye M.Irene asubiranye na Vestine&Dorcas #rwanda #RwOT

    Byatangiye Murindahabi wihimbye M. Irene atangaza ko Kompanyi ye ya yabaye ihagaritse gukorana na bariya bahanzikazi yafashije kumenyekana.

    Nyuma haje inkubiri idasanzwe ubwo umubyeyi wa bariya bakobwa witwa …yashyiraga hanze urwandiko rwa paji enye yasobanuraga ibyo yavugaga ko ari intandaro y’itandukana rya M.Irene na Vestine&Dorcas.

    Muri iyi nyandiko avugamo ko M Irenge yagiye yungukira muri bariya bana be ndetse ngo ko yabambuye YouTube Channel akaba akomeje kuyikamamo akayabo.

    Uyu mubyeyi kandi yavugaga ko umunyamategeko w’umuryango wabo yasabye M.Irene gutanga ibisobanuro byimbitse bitaba ibyo bakitabaza RIB.

    Ibi byatumye benshi batanga ibitekerezo byinshi bamwe banavuga ko hari abihishe inyuma ya birya bikorwa barimo ngo abagiriye ishyari M.Irene.

    Benshi banenze abashatse kuburizamo imikoranire ya M.Irene na bariya bahanzikazi ku buryo hari n’aberuye ko bashenguwe no kuba M.Irene adakomezanyije na bariya bakobwa yazamuye.

    Kuri uyu wa Gatandatu ni bwo hasohotse amashusho aragaza M.Irene, Vestine&Dorcas n’umubyeyi w’aba bakobwa, M.Irene ari we witangariza ko azakomeza gukorana na bariya bahanzikazi.

    Ni inkuru yashimishije bamwe mu bari bashenguwe no kuba batandukanye, bavuga ko bariya bakobwa bakwiye gukomeza gufashwa kuzamura impano yabo.

    UKWEZI.RW

    Source : http://www.ukwezi.rw/Imyidagaduro/article/Ibya-CANO-byashyizweho-akadomo-birangiye-M-Irene-asubiranye-na-Vestine-Dorcas

  • Ese wowe urakibuka uwo mwatobanye akondo? Bak… – #rwanda #RwOT

    Muri ibi bihe abantu benshi bahindurwa n’ibihe bagezemo, iterambere cyangwa akazi bakora bakibagirwa abo bareranwe. Kubera iterambere ryihuta nk’umuyaga usanga bamwe bajya gutura mu mijyi abandi mu bindi bihugu, aha usanga urungano ruhita ruburana.

    Ese wowe urakibuka umwana mwatobanye akondo? Niba igisubizo ari yego, ni byiza cyane byerekana ko uzirikina umwana mwareranwe Mu bitangazamakuru bitandukanye birimo yabaleftonline byerekana inkuru yo mu mafoto y’umusore n’inkumi bafite inkuru y’urukundo rutangaje rwatangiriye mu bwana bwabo. Bivugwa ko ari bo muri Nigeria.  

    Urukundo rwabo rwatangariye mu bwana! Umukobwa witwa Nimi Nomchops yanyuze ku mbuga nkoranyambaga ashima Imana mu kubayobora mu rugendo rw’urukundo kuva mu bwana, aho yagize ati: “Ibi byose ni Imana, ni ugushima urugendo twanyuzemo, mukunzi wanjye warakonze nanjye nkukunda byimbitse, nishimira kubana nawe mu buzima, uranyuzuza”.

    Bakundanye mu bwana 

    Source : https://inyarwanda.com/inkuru/107420/ese-wowe-urakibuka-uwo-mwatobanye-akondo-bakundanye-bakiri-ku-ibere-birangira-bambikanye-i-107420.html

  • Ngoma: Umugabo ukekwaho kwica umwana we yibyariye yatawe muri yombi – #rwanda #RwOT

    Ni icyaha cyabereye mu Murenge wa Mutenderi mu Kagari ka Kibare mu Mudugudu wa Rwakaza kuwa Gatatu tariki 7 Nyakanga 2021.

    Amakuru avuga ko umuturage witwa Nizeyimana yari agiye guhinga mu gishanga kigabanya Umurenge wa Mutenderi na Jarama ariwe wabonye umurambo w’uwo mwana ahuruza inzego z’umutekano.

    Mu iperereza ngo byaje kugaragara ko uwo mwana yari yirirwanye na se mu isoko rya Sake nyuma ngo baje gutungurwa no kubona umurambo w’umwana se aburirwa irengero.

    Hakurikiyeho igikorwa cyo kumushakisha maze ku mugoroba wo kuri uyu wa Gatanu afatirwa mu Mudugudu wa Iramiro mu Kagari ka Kigoma mu Murenge wa Jarama.

    Umunyamabanga Nshingwabikorwa w’Umurenge wa Jarama, Ndayambaje Emmanuel, yashimiye abaturage bakora irondo avuga ko aribo bamutaye muri yombi nyuma yo kwerekwa ifoto ye bagasabwa kuba maso bamubona bakamufata.

    Ati “ Kugira ngo dufate uriya mugabo, twari twabonye amakuru ko hari umugabo wishe umwana we mu Murenge wa Mutenderi duturanye kubera ko twabonye ifoto ye, twahise dutangira kuganira n’abashinzwe umutekano mu Murenge wacu hamwe n’abaturage bakora irondo cyane cyane. Kugira ngo naramuka abonetse mu Murenge wacu azafatwe.”

    Yvuze ko ejo mu gitondo aribwo abaturage barara irondo babwiye ubuyobozi ko bumufashe yambuka ava mu Murenge wa Mutenderi yakoreyemo icyaha ajya mu Murenge wa Jarama.

    Uyu mugabo ngo yahise ashyikirizwa sitasiyo ya RIB ya Jarama kugira ngo imushyikirize ubutabera abihanirwe niba koko yarishe umwana we.

  • U Rwanda rwashyizwe mu bihugu byagejeje umuriro w’amashanyarazi ku baturage benshi – #rwanda #RwOT

    Iyi Raporo yakozwe n’ibigo bitandukanye birimo Banki y’Isi, Ikigo Mpuzamahanga cyita ku Ngufu (IEA), Ishami ry’Umuryango w’Abibumbye rishinzwe ibarurishamibare, UNSD, iryita ku Buzima, OMS, ndetse n’Ikigo Mpuzamahanga cyita ku Ngufu z’imirasire, IRENA, hagamijwe kureba aho Isi igeze mu kugeza abaturage ku ntego ya 7 y’iterambere rirambye, SDG7, yo kugeza umuriro w’amashanyarazi ku batuye Isi bose bitarenze 2030.

    U Rwanda rwashyizwe mu bihugu byabashije kugeza umuriro ku baturage benshi ugereranyije n’ubwiyongere bwabo buri mwaka, aho mu 2019 rwagejeje umuriro ku baturarwanda ku rugero rwa 38% ruvuye kuri 35% rwari rufite mu 2018.

    Yagize iti “Hagati ya 2010 na 2019, kimwe cya kabiri cy’ibihugu 20 bifite umuriro w’amashanyarazi muke byabashije kuwongera buri mwaka ku rugero rurenze uruba ruteganyijwe ku Isi. Naho kuva mu 2017 kugeza mu 2019, ibihugu birimo u Rwanda, Uganda Tanzania, Liberia, Guinea-Bissau na Guinea byongereye umuriro ku rugero ruruta urw’ubwiyongere bw’abaturage.”

    Kugeza ubu mu Rwanda abaturage bafite umuriro w’amashanyarazi bangana na 65%, muri bo 17,8% bakaba bakoresha umuriro ukomoka ku mirasire y’izuba.

    U Rwanda rwihaye intego ko mu 2024, buri muturarwanda azaba ashobora gukoresha amashanyarazi yaba afatiye ku muyoboro mugari cyangwa izindi ngufu (amashanyarazi akomoka ku mirasire y’izuba, nyiramugengeri, gaz methane iri mu Kiyaga cya Kivu n’ibindi)

    Mu kubigeraho, hashyizwe ingufu nyinshi mu gushyira mu bikorwa ingamba zigamije kongera umuriro nubwo zagiye zikomwa mu nkokora n’icyorezo cya Covid-19. Harimo ishyirwa mu bikorwa ry’imishinga yagutse izatuma igihugu kirushaho kwihaza mu mashyanyarazi.

    Muri yo harimo uruganda rwa Hakan Peat to Power rugiye gutangira gutanga amashanyarazi akomoka kuri Nyiramugengeri ruherereye mu Murenge wa Mamba mu Karere ka Gisagara aho mu cyiciro cyarwo cya mbere ruzajya rutanga Megawati 40 ndetse biteganyijwe ko nirumara kuzura neza ruzajya rutanga Megawatt 70.

    Hari kandi n’umushinga w’inganda zo ku rwego rw’Akarere zirimo urwa Rusumo ruhuriweho n’u Rwanda, Burundi na Tanzania, uzatanga Megawatt 80, u Rwanda rukabonaho Megawatt 27.

    Umushinga wa Rusizi III nawo uri mu izatanga umuriro w’amashanyarazi, akaba ari umushinga u Rwanda ruhuriweho na Repubulika iharanira Demokarasi ya Congo n’u Burundi, ukazatanga Megawatt 200, u Rwanda rukazabonaho Megawatt 67.

    Raporo ya Energy Progress Report yerekanye ko kandi u Rwanda rufite umushinga rwatangiye mu 2019, wo guha abaturage umuriro w’amashanyarazi akomoka ku mirasire y’izuba uzatwara miliyoni 45$.

    Mu 2000 abari bafite umuriro w’amashanyarazi bari 2%, mu mwaka wa 2010 bageze ku 9%,muri uyu mwaka abagerwaho n’ amashanyarazi ni 65%. Uyu mwaka wa 2021 uzarangira bangana na 71%. Biteganyijwe ko bazaba ari 100% mu 2024.

    U Rwanda rufite umushinga uzatwara miliyoni 45$ wo guha abaturage umuriro w’amashanyarazi akomoka ku mirasire y’Izuba

    U Rwanda rwaje mu bihugu 20 ku Isi byabashije kugeza umuriro w’amashanyarazi ku baturage benshi kuva mu 2010 kugeza mu 2019

    Uruganda rwa Hakan Peat Power mu z’amashanyarazi zitangira gukora vuba, rukaba ruzatangira rutanga Megawatt 40 mu cyiciro cyarwo cya mbere

  • Ibihe bikomeye ku banyeshuri bakize Covid-19 bitegura ibizamini bya leta – #rwanda #RwOT

    Ikigo cy’Igihugu gishinzwe Ibizamini n’Ubugenzuzi mu mashuri kigaragagaza ko guhera ku wa 12 Nyakanga 2021 abanyeshuri basoza amashuri abanza bazatangira gukora ikizamini cya Leta, mu gihe ku wa 20 Nyakanga abari kurangiza icyiciro rusange n’amashuri yisumbuye nabo bazabitangira.

    Ni ibizamini bigiye gukorwa ku nshuro ya Mbere kuva Covid-19 yagera mu Rwanda kuko mu 2020 hatigeze hakorwa ibizamini bya Leta.

    N’ubwo ingengabihe yatangajwe ariko hari n’ingamba zo gukomeza kwirinda ikwirakwira rya Covid-19 kuko igihari kandi yakajije umurego.

    Mu minsi ishize, Minisitiri w’Uburezi aherutse gutangaza ko amashuri yose afungwa, abiga baba mu bigo bagahita bacyurwa hagasigara abari kwitegura ibizamini bya Leta.

    Gufungwa kw’amashuri igitaraganya byakomye mu nkokora abari kwitegura ibizamini bya leta yaba abiga bataha cyangwa ababa mu kigo kuko byahuriranye no kuba kwegerana bitemewe bityo abanyeshuri basabwa kwiga buri wese ku giti cye aho kwigira mu matsinda.

    Ku biga bataha bo ni ibindi kuko hari ubwo abanyeshuri bishyiraga hamwe bakajya gusubiramo amasomo ku bigo bibegereye, ubu ntabwo byakunda n’ugerageje kwitegura abikorera mu rugo iwabo ku giti cye.

    Umunyamakuru wa IGIHE yatembereye muri Kigali ku bigo by’amashuri, abanza n’ayisumbuye no mu ngo kureba uko abanyeshuri bari kwitegura ibizamini n’icyizere bafite cyo kwitwara neza.

    Umunyeshuri wiga muri Saint Joseph les Travailleurs witegura gukora ibizamini bisoza amashuri yisumbuye mu masomo ajyanye n’Ubukerarugendo, Uwera Claudine, yabwiye IGIHE ko n’ubwo biri kumugora ariko agerageza gusubiramo amasomo kandi ko yiteguye kwitwara neza.

    Ati “Ndiguhura n’imbogamizi nyinshi kuko ndi kwiga njye nyine kandi kubera Covid-19 ntabwo mbasha guhura na bagenzi banjye ngo nigane nabo cyangwa ngo mpure n’ umwarimu abe yansobanurira. Ikibazo kirimo ntabwo ndigusobanukirwa neza ibyo ndikwiga.”

    Ku ruhande rw’abanyeshuri bari gufashirizwa mu ishuri bo bavuga ko n’ubwo kwigira mu matsinda bitemewe ariko bafashwa mu myiteguro yabo kandi ko biteguye kwitwara neza nk’uko Munyana Ange wiga mu cyiciro rusange yabigarutseho.

    Ati “Dushingiye ku byo ikigo cyadufashijemo n’uburyo turi gusubiramo dufite icyizere cyo gutsinda. N’ubwo tutemerewe gukorera mu matsinda usanga abana b’abahanga ari bo bajya imbere bakadusobanurira cyangwa se tugafata nk’ibibazo tutumva tukabibaza umwarimu, gusa umunyeshuri wiga ataha tumufitiye impuhwe n’impungenge ko ashobora kuba atabona ubufasha buhagije.”

    Mugenzi we wiga mu mwaka wa gatandatu Bahizi Olivier yavuze ko nta gikwiye gusubika ibizamini cyane ko bamaze igihe kitari gito bategereje gusoza uyu mwaka w’amashuri wababereye muremure.

    Ati “Ni byo turabibona ko imibare iri kwiyongera umunsi ku wundi n’abaremba bari kwiyongera ariko tucyumva ko amashuri abaye ahagaritswe twabanje kugira ubwoba nk’abakandida, bamwe muri twe baranarize. Nubwo dusigaje igihe cy’icyumweru bashobora kudufungira ariko ku ruhande rwacu mu mashuri twirinze ntihagire ababoneka bandura muri aba bitegura gukora ikizamini njyewe numva nta mpamvu yatubuza gukora ikizamini.”

    Yakomeje ati “Leta nubwo yashyiraho iyo guma mu rugo ariko mu mashuri ndumva ikizamini cya Leta tutabura kugikora uyu mwaka.”

    Ku ruhande rw’abanyeshuri biga mu mashuri abanza biteganyijwe ko ku wa 11 Nyakanga 2021 bazahurira aho bagomba gukorera ibizamini ngo bahabwe amabwiriza.

    Umuyobozi w’ishuri ribanza rya Kamuhoza, Nkomezi Alex, yemeje ko ibizamini bidakozwe yaba ari nk’impanuka idasanzwe.

    Umuyobozi wa Groupe scolaire Kimisagara nka hamwe mu hazakorerwa ibizamini dore ko ari nayo site nini mu Karere ka Nyarugenge kuko hazakorera abanyeshuri basaga 850 bavuye ku bigo bitanu binyuranye, Nsengimana Charles, yavuze ko imyiteguro bayigeze kure kandi ko hashyizweho uburyo abanyeshuri n’abarimu bazaba bari kugenzura uko ibizamini bikorwa bazajya bubahiriza amabwiriza yo kwirinda Covid-19.

    Ati “Dufite ingamba zijyanye no kwirinda Covid-19, bazinjira tubapima umuriro kandi dufite ibipimo bihagije, umaze gupimwa akarabe naho mu cyumba cy’ikizamini byo umwana aba yicaye ku ntebe ari umwe, nta kintu na kimwe tubona kizabangamira ibizamini kugira ngo bitagenda neza.”

    Ubuhamya bw’abanyeshuri bakize Covid-19

    Uko imibare y’abandura icyorezo cya Covid-19 yiyongera bigenda bitera impungenge abantu bose, haba abayirwaye cyangwa abatarayirwara. Buri wese umutima uba udiha atekereza ko ashobora kuyandura.

    Ku banyeshuri bo nubwo batekereza ko kwiyongera kwayo gushobora kubabuza amahirwe yo gukomeza amasomo yabo cyane ko amashuri ari mu bikorwa bya mbere bikunze gufungwa, abayirwaye bavuga ko ari indwara batakwifuza kongera kurwara bitewe n’ububi bwayo.

    Mukamisha Olga Pamela uri gusoza amashuri mu bijyanye n’Ubugenge, Ubutabire n’Ibinyabuzima [Physics, Chemistry and Biology] yagarutse k’uko yiyumvaga ubwo yari ayirwaye.

    Ati “Covid-19 ni indwara ihungabanya, yantunguye cyane nyirwara. Ntabwo nari nzi ko yangeraho ariko ishobora no gutera agahinda gakabije. Bakidupima bakatubwira ngo ndayirwaye nahise ntekereza ko ngiye gupfa, kandi ko n’iyo ntapfa uyu mwaka nzongera ngasibira kuko numvaga kuyirwara utakira.”

    Akomeza avuga ko yababajwe cyane no kubona ari indwara ituma ashyirwa mu kato ka wenyine agahamagararira buri wese ko nta adakwiye gukerensa amabwiriza yo kwirinda ikwirakwira ryayo.

    Bamurange Vicky nawe wiga mu mwaka wa gatandatu, Imibare, Ubugenge n’Ubumenyi bwa Mudasobwa, [Mathematics, Physics and Computer Science) muri Lycée de Kigali yasobanuye ko benshi batekereza ko batarwara Covid-19 bibeshya kuko yandura mu buryo butunguranye.

    Ati “Ntabwo navuga ngo ni indwara yoroshye cyangwa yoroheje ahubwo ni ibintu bisaba kwitonda, ndetse akirinda kuko ibaho n’ubwo abantu benshi baba bumva ko itabaho ariko irahari cyane.”

    Bamurange yavuze ko yagaragaje ibimenyetso byayo ariko ntiyasobanukirwa koko niba ariyo ahubwo atekereza ko yaba arwaye indwara isanzwe nka Malaria, bamupimye bamusangamo Covid-19 bimutera kwiheba yumva ko ashobora kutazakora ibizamini bya Leta kuko yarwaye ku wa 14 Kamena 2021.

    Umuyobozi mu Kigo cy’Igihugu gishinzwe Ubugenzuzi n’Ibizamini mu mashuri, Dr. Alhponse Sebaganwa, yabwiye IGIHE ko abanyeshuri bashobora kugaragara ko barwaye Coronavirus mu bihe by’ibizamini nta mpungenge bakwiye kugira kuko bazategurirwa ibindi bizamini bamaze gukira icyorezo.

    Ikizamini gisoza amashuri abanza kizakorwa n’abanyeshuri 254.678, ibisoza icyiciro rusange cy’amashuri yisumbuye bizakorwa n’abanyeshuri 122.320, abasoza amashuri yisumbuye ni 52.145 mu gihe mu mashuri y’imyuga n’ubumenyingiro, abazakora ibizamini bya Leta ari 21.053.

    Aba banyeshuri bizeye ko kuri iyi nshuro nta kintu na kimwe cyaburizamo ikizamini cya leta bitegura

    Abiga bataha bari mu ihurizo ryo kutabona bagenzi babo babafasha gusubiramo amasomo

    Iyo ugeze mu bigo abanyeshuri bakiri mu bigo, ubasanga mu mashuri yabo bari gusobanurirana

    Amafoto: Igirubuntu Darcy

    Video : Lizerie Uwacu

  • IMANA NTIRENGANYA: Vestine na Dorcas bari kumwe na Maman wabo bagarukiye M. Irene| Umva uko byose byagenze – YEGOB #rwanda #RwOT

    Ku isaha y'i Saa sita zo kuri uyu wa Gatandatu tariki ya 10 Nyakanga 2021, Irene Murindahabi ari kumwe na Vestine na Dorcas ndetse na Mama wa Vestine na Dorcas bakoze ikiganiro cyari kigamije gutanga umwanzuro ku kibazo kimaze iminsi kivugwa hagati ya Vestine na Dorcas ndetse na MIE iyoborwa na M. Irene.

    Nkuko amashusho dukesha MIE EMPIRE abigaragaza, Vestine na Dorcas bavuze ko batigeze batandukana bo ubwabo nkuko abantu benshi babivugaga ngo aba bana bagiye gutandukana ndetse banavuze ko bishimye cyane kongera guhura na M. Irene.

    Vestine na Dorcas basabye abantu bose bumvise amagambo Maman wabo yavuze ko atayavuze ku bwe ahubwo yayavuze kuko yari yayabwiwe ahubwo basaba abantu bose kubaha Maman wabo bakareka kumusebya kuko ari Umubyeyi mukuru ukwiye kubahwa.

    Ku bijyanye n'Itangazo ryasohotse ririho Amazina ndetse n'umukono wa Maman wa Vestine na Dorcas, Aba bana bavuze ko Maman wabo yababwiye ko ririya tangazo atariwe waryanditse.

    Vestine na Dorcas bavuze ko mu gihe bari basumbirijwe n'amagambo atandukanye, barapfukamye barasenga Imana none yabasubije ibi bikaba byagaragazwagwa n'akanyamuneza bari bafite dore ko banyuzagamo bagaseka.

    Vestine na Dorcas bishimiye kongera gusubirana na M. Irene

    Mu gusoza, M. Irene yavuze ko nkuko yari yabivuze impano z'aba bana (Vestine na Dorcas) zahawe umugisha n'Imana asaba abantu bose bababajwe n'ibyabaye kwihangana.

    Vestine na Dorcas banyujijemo bararirimba bashimira Imana

    Vestine na Dorcas basubiranye na M. Irene

    Source : https://yegob.rw/imana-ntirenganya-vestine-na-dorcas-bari-kumwe-na-maman-wabo-bagarukiye-m-irene-umva-uko-byose-byagenze/

  • Umuhanzi Israel Mbonyi yabwiye amagambo akomeye Vestine na Dorcas. – YEGOB #rwanda #RwOT

    Nyuma y'aho M.Irene atangarije ko yamaze gutandukana n'abahanzikazi Vestine na Dorcas baririmba indirimbo zihimbaza Imana kuri ubu Israel Mbonyi nawe uririmba indirimbo zo kuramya no guhimbaza Imana yababwiye amagambo meza yo kubakomeza.

    Ku itariki 8 Nyakanga 2021 nibwo M Irene yakoze ikiganiro gitunganyije cy'amashusho yanyujije kuri shene ye ya Label yise MIE Empire. Ni ikiganiro yavugiyemo byinshi n'ibihato byagejeje ku iherezo ry'imikoranire itari mu nyandiko yari afitanye n'abahanzikazi Vestine na Dorcas yinjije mu muziki muri 2020.

    Umwaka umwe yari amaranye n'aba bahanzikazi mu ndirimbo zihimbaza Imana, awusobanura nk'umwaka udasanzwe ariko kandi watumye ashyira mu bikorwa ibyo yize muri Kaminuza y'u Rwanda n'ubundi bumenyi yagiye yunguka mu kibuga cy'imyidagaduro.Nyuma y'uku gutandukana kwatumye abatari bake bacika ururondogoro.

    Israel Mbonyi, umuhanzi mu ndirimbo zo kuramya no guhimbaza imana, yagize icyo avuga kuri vestina na dorcas ababwira ko ari umugisha kandi ko iyabahamagaye izabakomeza.

    Abinyujije kurukuta rwe rwa Instagram Israel Mbonyi yagize ati ' #Vestine &Dorcas
    Iyabahamagaye izabakomeza, Muri Umugisha. Turabasengera kandi muhumure Urusaku ruzashira.'

    Source : https://yegob.rw/umuhanzi-israel-mbonyi-yabwiye-amagambo-akomeye-vestine-na-dorcas/

  • Afurika y’Epfo: Meya w’Umujyi wa Johannesburg yishwe na Covid-19 #Rwanda #RwOT via @kigalitoday #rwanda #RwOT

    Meya Geoff Makhubo witabye Imana
    Meya Geoff Makhubo witabye Imana

    Mu itangazo rigenewe abanyamakuru, Eunice Magcina, Umuyobozi w’agateganyo w’Ujyi wa Johannesburg yagize ati “Makhubo yapfuye mu gitondo cyo ku itariki 9 Nyakanga, nyuma y’igihe yari amaze mu bitaro”.

    Perezida wa Afurika y’Epfo, Cyril Ramaphosa, yihanganishije umuryango wa nyakwigendera Makhubo, yongeraho ko urupfu rw’uwo muyobozi ari “impuruza yibutsa ko hari icyorezo gikomeye cyica kandi kitwugarije twese”.

    Afurika y’Epfo ni igihugu gituwe n’abaturage hafi Miliyoni 60, ubu kikaba ari igihugu kirimo kwibasirwa cyane na Coronavirus yihinduranyije yitwa ‘Delta’.

    Umujyi wa Pretoria n’uwa Johannesburg ni yo yibasiwe cyane n’iyo virusi kuko 2/3 by’abanduye iyo virusi nshya ya Corona ari ho baherereye, ibitaro n’amavuriro bikaba byuzuye abarwayi.

    Mu bantu bagera kuri miliyoni 2.1 bapimwe bagasanga baranduye iyo virusi ya Delta, Afurika y’Epfo ifite 37% by’abanduye bose ku Mugabane wa Afurika, igakurikira na Maroc ifite 9% ndetse na Tunisie ifite 8 %, nk’uko bitangazwa n’Ikigo gishinzwe kugenzura no gukumira indwara z’ibyorezo ku Mugabane wa Afurika.

    Guverinoma ya Afurika y’Epfo yakunze kunengwa kuba igenda gacye cyane mu gukingira abaturage Covid-19, kuko ubu ngo 6% by’abaturage ba Afurika y’Epfo ni bo bamaze kubona urukingo rwo Coronavirus rumwe cyangwa ururenze rumwe.

    Guverinoma yatangaje ko izatangira gukingira abafite munsi y’imyaka 50 mu byumweru biri imbere, ngo bakajya bakingira nibura abantu 300,000 ku munsi guhera batangiye kugeza muri Kanama 2021.

    Afurika y’Epfo irakingira abaturage bayo ikoresheje inkingo za ‘Sinovac’ na ‘Sinopharm’ zakorewe mu Bushinwa, zikiyongera ku za Pfizer-BioNTech na Johnson & Johnson na zo zirimo gukoreshwa muri icyo gihugu.