Webrwanda Backend

Author: webrwanda

  • Tokyo 2020: Mugisha Moise ntiyasoje isiganwa… – #rwanda #RwOT

    Mu rukerera rwo kuri uyu wa Kuri uyu wa Gatandatu tariki ya 24 Nyakanga 2021, imikino Olempike 2020 yakomeje hakinwa umukino w'isiganwa ry'amagare ryo mu muhanda mu cyiciro cy'abagabo, aho bakoze intera y'ibilometero 234 kuva i Fuji berekeza i Tokyo.

    Uyu munsi ntiwahiriywe na gato umunyarwanda Mugisha Moise wari uhanzwe amaso n'abanyarwanda, kuko atigeze asoza intera y'ibilometero 234 bagombaga gusiganwa.

    Uyu mukinnyi uyu w'imyaka 23 y'amavuko, ari mu bakinnyi 41 batasoje isiganwa nyuma yo gukora impanuka nk'uko byagenze no ku bandi barimo Umwongereza Geraint Thomas n'Umubiligi Greg Van Avermaet watwaye umudali wa Zahabu mu 2016.

    Umunya-Equateur Richard Carapaz w'imyaka 28, yegukanye umudali wa Zahabu nyuma yo kuba uwa mbere akoresheje amasaha atandatu, iminota itanu n'amasegonda 28.

    Uyu mugabo watwaye Giro d'Italia mu 2019, akaba uwa gatatu muri Tour de France 2021, yacomotse mu bilometero bitandatu bya nyuma ubwo yari kumwe n'Umunyamerika Brandon McNulty wabaye uwa gatandatu.

    Umunya-Slovienia Tadej Pogačar watwaye Tour de France inshuro ebyiri ziheruka, yatwaye umudali w'Umuringa nyuma yo kuba uwa gatatu ubwo yagereraga rimwe ku murongo n'Umubiligi Wout Van Aert watwaye umudali wa Feza.

    Isiganwa ry'uyu munsi ryari ryitabiriwe n'abakinnyi 126 bifuzaga kwegukana imidali muri iyi mikino.

    Uko 10 ba mbere bakurikiranye:

    1 Carapaz Richard Ecuador 6:05:26
    2 Van Aert Wout Belgium 1:07
    3 Pogačar Tadej Slovenia ,,
    4 Mollema Bauke Netherlands ,,
    5 Woods Michael Canada 275 ,,
    6 Mcnulty Brandon United States ,,
    7 Gaudu David France 175 ,,
    8 Urán Rigoberto Colombia ,,
    9 Yates Adam Great Britain ,,
    10 Schachmann Maximilian Germany 1:21

    Mugisha Moise ntiyasoje ibilometero 234 mu mikino Olempike

    Umunya-Colombia Carapaz niwe wegukanye umudali wa zahabu

    Source : https://inyarwanda.com/inkuru/107915/tokyo-2020-mugisha-moise-ntiyasoje-isiganwa-ryegukanwe-numunya-colombia-richard-carapaz-107915.html

  • Intambwe mu korohereza abanyeshuri : Hari uwabyaye abazwe bucya ajya gukora icya Leta #rwanda #RwOT

    Uretse abandi bari koroherezwa gukora ibizimani barimo n’uri gukorera mu bitaro yabyariyemo, ibi bigaragaza intambwe ishimishije uburezi bwo mu Rwanda bumaze gutera mu korohereza abanyeshuri bafite imbogamizi.

    By’umwihariko kandi bigaragaza indi ntambwe nziza mu korohereza abana b’abakobwa baterwa inda mu gihe mu minsi yashize hari abo byabagaho bagahita birukanwa.

    Uyu munyeshuri witwa Isabwe Angelique, yiga Imibare, Ubukungu n’Ubumenyi bw’Isi (MEG) ku Rwunge rw’Amashuri rwa Mushongi.

    Isabwe Angelique umaze igihe gito arongowe yabyaye umwana w’umuhungu abazwe ku wa Gatatu tariki 21 Nyakanga 2021 ntiyacika intege azindukira ajya gukora ikizamini cya 'Economics' (Ubukungu) bukeye ku wa Kane tariki 22 Nyakanga 2021.

    Angelique nyuma yo gushaka umugabo ubwo amashuri yari afunze kubera Covid-19, aho yongeye gusubukura itangwa ry’amasomo, yakomeje kwiga.

    Ku wa Gatatu tariki 21 Nyakanga nibwo yibarutse umwana w’umuhungu, nyuma y’uko ku wa Kabiri tariki 20 Nyakanga 2021 yari yatangiye gukora ibizamini bya Leta bisoza amashuri yisumbuye.

    Tariki ya 20 Nyakanga 2021, mu gihugu hose hatangijwe ibizamini bya Leta bisoza ikiciro cya mbere n’icya kabiri cy’amashuri yisumbuye ndetse n’ay’imyuga n’ubumenyingiro.

    Isabwe Angelique na we nk’abandi bakandida yazindukiye mu kizamini cy’imibare kuri site y’ikizamini ya ES Nyamugali, Akagari ka Nyamugali.

    Nyuma ya saa sita yakoze isomo rya 'Entrepreneurship' nta kibazo na kimwe afite nubwo yaburaga amasaha make ngo yibaruke imfura ye.

    Ku munsi wakurikiyeho Tariki ya 21 Nyakanga 2021, nta kizamini bari bafite hari akaruhuko, maze ahagana saa kumi z’umugoroba (4h00′ p.m) nibwo ibise byamufashe maze ajyanwa ku Bitaro bya Kinihira, nyuma yo kugezwayo biba ngombwa ko abagwa ariko bigenda neza yibaruka umuhungu.

    Umuyobozi wa site y’ikizamini ya ES Nyamugali uyu mwana w’umukobwa yakoreragaho ikizamini cya Leta gisoza amashuri yisumbuye, Simpunga Damien yemeye ko uyu mugore ukiri muto yibarutse kandi agakomeza ikizamini, yongeraho ko ubu ameze neza.

    Ati 'Nibyo Angelique yakoze ikizamini cya Leta ku munsi wa mbere nk’abandi bose, bukeye bwaho ku itariki ya 21 Nyakanga 2021 nta kizamini bari bafite, ku mugoroba nibwo yajyanywe ku Bitaro bya Kinihira biba ngombwa ko abagwa, yibaruka umwana w’umuhungu kandi bose bameze neza kugeza ubu.'

    Uyu Simpunga akomeza agira ati 'Ikizamini bwari bucye akora cya Economics yagikoze neza aho yari mu Bitaro, twabifashijwemo n’ubuyobozi bw’Akarere, na Polisi bamushyikiriza ikizamini aho yibarukiye kandi yagikoze neza.'

    Simpunga Damien yashimye ubutwari bwa Angelique bwo kuba ataracitse intege nyuma yo gushaka umugabo ngo ate ishuri nk’uko abandi bana b’abakobwa babigenza.

    Ati 'Kubera Covid-19 yashatse umubago atabiteganyije, ariko turamushima ko atacitse intege agakomeza kwiga, bikwiye kubera abandi urugero cyane cyane n’ababyeyi bakura abana mu mashuri ngo batwaye inda, uru ni urugero rwiza rw’ubutwari ku bandi bana b’abakobwa bahura n’ibizazane nk’ibi. Ikizamini yaragikoze kandi n’ibisigaye azabikora kuko ameze neza nyuma yo kwibaruka.'

    Ku wa Mbere tariki ya 26 Nyakanga 2021 Isabwe azakora ikizamini cy’Ubumenyi bw’Isi (Geography) ya mbere n’iya kabiri, naho Tariki ya 27 Nyakanga 2021, akazakora ikizamini cye cya nyuma cya General Studies, nta gihindutse azagikorera hamwe na bagenzi be kuri ES Nyamugali.

    Source : http://www.ukwezi.rw/mu-rwanda/Amakuru-anyuranye/article/Intambwe-mu-korohereza-abanyeshuri-Hari-uwabyaye-abazwe-bucya-ajya-gukora-icya-Leta

  • Umupadiri wo muri Diyoseze ya Byumba yasezeye ku mpamvu bwite #rwanda #RwOT

    Ibaruwa ya Fidele de Charles Ntiyamira wari Padiri, yanditswe tariki 18 Nyakanga 2021, igenew Musenyeri wa Diyosezi ya Byuma, Nzakamwita Servilien.

    Iyi baruwa ifite impamvu ivuga ko asezera ku nama y’abasasiridoti no guhagarika umuhamagaro, avugamo ko yifuza gusaba guhagarika uriya murimo kubera impamvu ze bwite.

    Uyu wari Padiri bigaragara ko ashobora kuba atari mu Rwanda kubera aderesi zo mu Budage yakoresheje, yavuze ko yafashe icyemezo cyo kwegura nyuma yo kubitekerezaho byimbitse ndetse akagisha inama umuryango we n’abapadiri bagenzi be.

    Uyu musaseridoti yavuze ko azakomeza gukorera Imana n’umuryango wayo nk’umulayiki ariko yarashatse umugore, asaba Musenyeri kumworohereza gushyira mu bikorwa umushinga we wo gushinga umuryango.

    Yakomeje avuga ko amaso ye azakomeza kuyahanga kiliziya mu gihe cyose izamuha amahirwe yo gukomeza kuyikorera yifashishije ubumenyi bushingiye kuri tewolojiya ayikesha.

    Source : http://www.ukwezi.rw/mu-rwanda/Iyobokamana/article/Umupadiri-wo-muri-Diyoseze-ya-Byumba-yasezeye-ku-mpamvu-bwite

  • Mugisha Moise ntiyasoje isiganwa mu Mikino Olempike #rwanda #RwOT

    Umunyarwanda wabimburiye abandi gukina mu Mikino Olempike irimo kubera mu Buyapani, ni Mugisha Moise usiganwa ku igare aho atahiriwe n’isiganwa kuko atarisoje, ni mu gihe umunya-Equateur Richard Carapaz w’imyaka 28 ari wegukanye umwanya wa mbere.

    Ku munsi w’ejo hashize ku wa Gatanu nibwo iyi mikino Olempike ya 2020 yafunguwe ku mugaragaro, mu gitondo cyo kuri uyu wa Gatandatu tariki ya 24 Nyakanga nibwo habaye isiganwa ry’amagare ryo mu muhanda aho abasiganwa bakoze ibiromtero 234 aho bava Fuji berekeza mu mujyi wa Tokyo.

    Mugisha Moise wari uhagarariye u Rwanda muri iri siganwa akaba atahiriwe n’iri kuko atabashije gusoza, akaba ari mu cyiciro cy’abandi 23 batabashije gusoza iri siganwa.

    Richard Carapaz ukomoka muri Equateur wanatwaye Giro d’Italia mu 2019 ni we waje kwegukana iri siganwa ahabwa umudali wa Zahabu, yakoresheje amasaha 6 n’iminota 5.

    Umunya-Slovienia Tadej Pogačar watwaye Tour de France inshuro ebyiri ziheruka, yatwaye umudali w’Umuringa nyuma yo kuba uwa gatatu ubwo yagereraga rimwe ku murongo n’Umubiligi Wout Van Aert watwaye umudali wa Feza.

    Tariki ya 30 Nyakanga nibwo abanyarwanda bazongera gukina, Yankurije Marthe usiganwa metero ibihumbi 5, Agahozo Alphonsine na Maniraguha Eloi bazarushanwa mu koga nibwo bazakina, ni mu gihe Hakizimana John usiganwa Marathon azakina tariki ya 8 Kanama.

    Team Manager w’Ikipe y’u Rwanda mu Mikino Olempike, Mugisha Junior (ibumoso), Mugisha Moïse, umutoza Sempoma na Mukundiyukuri Jean De Dieu (iburyo) bafashe ifoto imbere y’isiganwa

    Richard Carapaz wegukanye iri siganwa

    Ni isiganwa ritari ryoroshye, 24 ntabwo barisoje

    Source : http://isimbi.rw/siporo/article/mugisha-moise-ntiyasoje-isiganwa-mu-mikino-olempike

  • Padiri yatunguye benshi ubwo yandikaga ibaruwa isezera kugira ngo ajye gushaka umugore #rwanda #RwOT

    Ntabwo ari ibintu bisanzwe cyane kubona abapadiri baba bariyeguriye gukorera Imana ndetse bariyemeje kutazashaka abagore mu buzima bwabo bose kuko iyo hagize ubikora akava mu murimo wo kuba Padiri maze akajya gushaka umugore biba ari sakirirego cyane.

    Nubwo bidakunze kubaho cyane ariko umupadiri witwa Ntiyamira Fidele de Charles yafashe umwanzuro wo kurambika ikanzu y'ubusasaridoti hasi akareka umurimo wo kuba padiri ahubwo akajya gushaka umugore akubaka urugo.

    Nkuko yabitangaje abinyujije mu Ibaruwa yanditse tariki ya 18 Nyakanga 2021, yayanditse igenewe Musenyeri wa Diyosezi ya Byumba witwa Seriveriyani Nzakamwita Eveque amusaba ko yakwemera ubwegure bwe bujyanye no kureka umurimo wo kuba padiri ahubwo akajya mu buzima busanzwe nk'abandi bose.

    Padiri Ntiyamira yanditse ibaruwa avuga ko yicaye agafata umwanya uhagije wo gutekereza ku mwanzuro wo kureka kuba umupadiri ndetse akaba yaragiriwe inama n'abantu batandukanye, umuryango we n'abandi benshi, bikaba byarangiye afashe umwanzuro wo guhagarika umurimo w'ubupadiri yari amazemo imyaka igera kuri 13 ahubwo akajya gushaka umugore akubaka urugo nk'abandi.

    Uyu mupadiri yavuze ko kuba yahisemo guhagarika uyu murimo yari yarahisemo kuva kera bitavuze ko agiye kureka Imana ahubwo azakomeza gukorera Imana ariko akazajya abikora yarashatse umugore, akaba yabyanditse avuga ko azakorera Imana mu buryo butandukanye nuko yari asanzwe abikora.

    Source : https://impanuro.rw/2021/07/24/padiri-yatunguye-benshi-ubwo-yandikaga-ibaruwa-isezera-kugira-ngo-ajye-gushaka-umugore/

  • Karasira Aimable ngo ibyo yavugaga byatewe no kuba ataraherukaga imiti y’ibibazo byo mu mutwe #rwanda #RwOT

    Ubushinjacyaha bwareze Karasira icyaha cyo guhakana jenoside, kuyiha ishingiro no kubiba amacakubiri. Ibi bikiyongeraho icyo kugira umutungo w’amafaranga atagaragariza inkomoko.

    Ni ibyaha ubushinjacyaha bwavuze ko byakozwe mu kwezi kwa gatanu binyuze mu biganiro yanyujije ku rubuga rwe rwa YouTube “Ukuri mbona” ndetse no mu byo yahaye abandi banyamakuru.

    Ngo yemeje ko jenoside itateguwe, ko yatewe n’ihanurwa ry’indege ya Habyarimana. Kuri we ngo ubutegetsi bwa Habyarimana bwakoze jenoside byo kwirwanaho kuko Inkotanyi zamuteraga ibisasu bya bombe.

    Na ho ku mutungo utagaragarizwa inkomoko, ubushinjacyaha buvuga ko hatahuwe amafaranga menshi mu rugo rwa Karasira kandi ntagaragaze inkomoko yayo.

    Muri rusange aya mafaranga abarirwa muri miliyoni zisaga 40 uyabaze mu Manyarwanda.

    Ahawe ijambo, Karasira yahakanye ibyaha byose aregwa. Yabwiye urukiko ko ibyo yavuze atari mu bihe bye byiza byo gutekereza kuko afite ibibazo byo mu mutwe kandi ko yari amaze igihe atabona imiti imworohereza.

    Yabajijwe niba nta kibazo abona mu magambo ye muri iki gihe. Yavuze ko hari ibyo yari kuvuga ukundi cyangwa akagabanya amagambo iyo aza kuba yari mu bihe bye byiza.

    Gusa yabwiye umucamanza ko ibyo yavuze birimo n’ukuri n’ubwo ngo atari byiza kukuvuga buri gihe.

    Avuga ku mafaranga, Karasira yavuze ko hari ayo yahawe n’inshuti ze zamugiriye impuhwe kubera ibibazo yahuye na byo.

    Ngo hari n’andi menshi yishyuwe na YouTube kubera inkuru zanyuraga ku rubuga rwe.

    Karasira yavuze ko hari n’asaga miliyoni yahawe n’umwe mu bakozi b’urwego rw’ubugenzacyaha (RIB) bamusaba kuvuga nabi abo ubutegetsi bubona nk’abanzi babwo.

    Abamwunganira Evode Kayitana na Gatera Gashabana na bo bavuze ko Karasira arwaye kandi ko bidakwiye gufunga cyangwa kuburanisha umurwayi.

    Raporo ya muganga yasabwe n’ubushinjacyaha yerekanye ko Karasira afite ibibazo byo mu mutwe kandi ko amaze igihe abyivuza.

    Gusa iyi raporo ngo ikanzura ko ibibazo afite bitamwambuye ubushobozi bwo gutekereza.

    Ku mutungo utagaragarizwa inkomoko, abunganira Karasira babwiye urukiko ko afite uburenganzira bwo kwakira impano kabone n’ubwo zaba zivuye ku bo leta itishimiye.

    Basaba ko Karasira akurikiranwa n’abaganga ndetse byaba ngombwa agashyirwa mu bitaro.

    Karasira kandi ngo akwiye kurekurwa urubanza rutabaye kuko ibyo aregwa byakozwe n’umuntu udafite ubushobozi bwo gutekereza neza.

    Mbere y’uko urubanza rutangira, abunganira Karasira babanje gusaba ko raporo ya muganga yakozwe iteshwa agaciro kuko uwayikoze atari umuganga usanzwe uvura Karasira.

    Ikindi cyavugwaga ni uko ubwo yakorwaga ngo umuganga yari ahagarikiwe n’abapolisi bafite imbunda kandi ko nta banga ryabayeho hagati y’umurwayi n’umusuzuma.

    Iki cyifuzo ariko cyateshejwe agaciro, umucamanza yavuze ko raporo yakozwe n’ubifitiye ububasha kandi abikora yubahirije amategeko.

    Muri iri buranisha, Karasira yasaga n’utizeye kuzahabwa ubutabera, avuga ko mu Rwanda amabwiriza aremera kurusha amategeko.

    Abo ateruye ngo babishatse n’ejo yafungurwa kimwe n’uko yamara imyaka nk’iyo Mandela yamaze muri gereza mu gihe abo atavuze baba ari ko babishaka.

    Biteganyijwe ko umwanzuro w’urukiko uzatangazwa ku wa kabiri w’icyumweru gitaha.

    Source : http://www.ukwezi.rw/mu-rwanda/Amakuru-anyuranye/Karasira-Aimable-ngo-ibyo-yavugaga-byatewe-no-kuba-ataraherukaga-imiti-y-ibibazo-byo-mu-mutwe

  • Byumba: Padiri Ntiyamira yasohoye urwandiko a… – #rwanda #RwOT

    Padiri Fidèle de Charles Ntiyamira, ushaka kureka kuba Umupadiri bitewe n’impamvu ze bwite zirimo no kuba ashaka kugira umuryango, yakoreraga muri Diyosezi Gatolika ya Byumba. Iyo witegereje neza ibaruwa ya Padiri Fidèle de Charles Ntiyamira yagiye ahagaragara, usanga yarandikiwe Umushumba Mukuru wa Diyosezi Gatolika ya Byumba, Musenyeri Nzakamwita Servilien ku wa 18 Nyakanga 2021.

    Padiri Fidèle de Charles Ntiyamira, wahawe ubupadiri kuwa 09/08/2008, akabusezeraho kuwa 18/07/2021, mu ibaruwa ye isezera ku bupadiri yavuze ko n’ubwo asezeye, adasezeye ku gukorera Imana, agasobanura ko azabikomeza ariko atari Padiri. Yavuze ko gusezera kuba Padiri ari ibintu yatekerejeho cyane aho yabigishijemo inama Abapadiri bagenzi be. 

    Source : https://inyarwanda.com/inkuru/107914/byumba-padiri-ntiyamira-yasohoye-urwandiko-asezera-ku-nshingano-zubupadiri-kuko-ashaka-kur-107914.html

  • RDB yagaragaje intandaro y’ikibazo cya M Iren… – #rwanda #RwOT

    Nyuma y'inkundura zimaze iminsi zivugwa zakuruye impaka ndende bikaba ngombwa ko hanitabazwa Urwego rw’Igihugu rw'ubugenzacyaha [RIB] zishingiye ahanini ku gutandukana kwa M Irene n’abahanzikazi afasha Vestine & Dorcas, kuri ubu RDB yagaragaje intandaro z’icyo kibazo inagira inama abakora ubucuruzi bushingiye ku buhanzi mu rwego rwo kwirinda ibibazo nk'ibi.

    Ruhima Blaise umukozi wa RDB usanzwe ari mu bayobozi bakurikirana ubuhanzi muri iki kigo cy'igihugu cy'iterambere kinareberera inyungu n'umutungo mu by'ubwenge w'abahanzi, mu kiganiro kihariye yagiranye na InyaRwanda.com mu busesenguzi yagaragaje intandaro y'ikibazo cya M Irene na Vestine & Dorcas maze agira inama abakora ubucuruzi bushingiye ku buhanzi.

    Yagize ati 'Murebe n'ama kese inahangaha ejo bundi ari kuza ari guhitinga muri YouTube bavuga cano, turashaka cano yacu uri kumva, ni ukuberi iki? Ni ukubera ko abantu bumvikana mu magambo bagatangira gukora bikabananira nta masezerano bafitanye niho bipfira'. Yagiriye inama abakora ubucuruzi bushingiye ku bahanzi baba aba Producer, abaririmba n’ abacuranga, ko kugira ngo umenye nyiri igihangano bisaba ko hakorwa amasezerano.

    Yashimangiye ko igihe abantu runaka bagiye gukorana bakwiye kugirana amasezerano. RDB yavuze ko iherutse gutegura amahugurwa y'ibyumweru bibiri agamije kwigisha abahanzi n'aba producer n'abandi bafite aho bahuriye n'ubuhanzi ku bijyane no kumenya uko bakwiye kungukira mu byo bakora no kubigiraho uburenganzi. Ikibabaje ngo ni uko abitabiriye bari mbarwa ku buryo usanga abahanzi ariyo mpamvu batamenye ingingo zikwiye kubarengera. 

    Yavuze ko abahanzi nyarwanda benshi batazi ko hari Code bahabwa ikabafasha kwishyurwa aho ari ho ibihangano byabo byakoreshejwe. Producer JP usanzwe umenyereye iby’izi code unazishyirira abahanzi mu bihangano byabo yabwiye inyaRwanda.com ko iyi code igura byibura amadorari 2. Asobanura ko bibabaje kuba abahanzi batazi byinshi bijyane no kuba bakwinjiza binyuze mu bihangano byabo nta mananiza abayeho.

    Ntibizibagirana mu mateka ko abavandimwe babiri Vestine na Dorcas binjiye mu muziki mu 2020, bakakirwa n'imbaga nyamwinshi kubera ubuhanga n'amajwi yabo mu muziki bakora wo kuramya no guhimbaza Imana. Uwabuze umuranga yaheze mwa nyina! Ntibizibagirana ko aba bana umunyamakuru Murindahabi M Irene, ariwe wabamurikiye abanyarwanda nyuma yo kuvumbura impano bifitemo maze agatangira kubafasha binyuze mu nzu ye ifasha abanzi yise MIE.

    M Irene warenzwe na Mike Karangwa

    Mu ntangiro z’uku kwezi tariki 7 Nyakanga nibwo Murindahabi M Irene yashyize hanze itangazo rivuga ko yatandukanye na Vestine na Dorcas. Ku munsi wakurikiyeho nibwo byatangiye gusakuza ndetse uyu munyamakuru anyuze ku rubuga rwa Youtube rw'iyi nzu ye ifasha abahanzi yasobanuye byinshi bijyanye n'itandukana rye n'aba bahanzi avuga ko yakorewe akagambane n'abarimo Mike Karangwa ndetse na Nzizera Aimable, maze noneho umuriro urushaho kwaka.  

    Atabinyuze ku ruhanze yavuze ko aba bagabo aribo bari inyuma y’itandukan rye n'aba bahanzikazi. Havutse inkuru nyinshi ndetse bihagurutsa n'ababyeyi b'aba bana bavuga ko ntacyo M.Irene yabamariye bamusaba kubasubiza shene (Cano) ya YouTube yabo biba impaka ndende YouTube iba YouTube.

    Gusa byaje gutungurana M Irene yongeye gukora ikindi kiganiro ari kumwe n'aba bana ndetse n'umubyeyi wabo maze bakavuga ko basubiranye. Kuri rundi ruhande ariko hahise havuka ikirego ndetse ubu kiri muri RIB aho Mike Karangwa ari we wareze M Irene amushinja kumuharabika. Umuvugizi w'urwego rw'ubugenzacyaha, RIB, Dr Murangira Thierry yahamirije inyaRwanda.com ko iki kirego bacyakiriye asobanura ko Mike yareze avuga ko ibyamuvuzweho ari ibihuha kandi biri kumugiraho ingaruka. 

    Mike Karangwa wajyanye ikirego muri RIB

    Iki kirego yagitanze nyuma y’uko nawe akoze ikiganiro kuri Youtube akavuga ko M Irene natamusaba imbabazi azajya kumurega, ni nako byagenze. Ubu ni ugutegereza ibizava mu iperereza riri gukorwa n'ubugenzacyaha.

    Source : https://inyarwanda.com/inkuru/107906/rdb-yagaragaje-intandaro-yikibazo-cya-m-irene-na-vestine-dorcas-inagira-inama-abanyamuziki-107906.html

  • Dr Ngirente yasobanuye umurongo leta yihaye mu kuzamura iterambere rya mwarimu – #rwanda #RwOT

    Leta y’u Rwanda na yo izirikana ko uyu ari umwuga wubashywe kandi ko abawurimo bakora akazi gakomeye ikaba ari yo mpamvu gahunda zitegura uko ahazaza habo harushaho kuba heza.

    Mu bikorwa bya leta bigamije gufasha mwarimu kubaho neza harimo kubegereza serivisi z’imari zidahenze, kubaha inyongera ku mushahara, korohereza mu myigire abahisemo ishami ry’inderabarezi n’ibindi.

    Minisitiri w’Intebe, Dr Edouard Ngirente, ubwo yari mu kiganiro yagiranye n’Inteko Ishinga Amategeko imitwe yombi, ku wa 22 Nyakanga 2021, yagarutse kuri ibi bikorwa bya leta bifasha abarimu kugira imibereho myiza.

    Yavuze ko umwarimu ubishaka kandi ubishoboye azajya afashwa kwiga akaminuza kugeza ku rwego rwa “Masters” yishyurirwa na Leta ikiguzi cyose cy’amasomo kugeza arangije kwiga kandi ntazishyuzwe ibyamutanzweho.

    Ni mu gihe abitegura kuba abarimu bazajya bahitamo ishami ry’inderabarezi TTC, leta yiyemeje kubashyigikira mu myigire yabo ibarihira icya kabiri (½) cy’amafaranga y’ishuri bacibwa. Ibi byakozwe nyuma yo kuvugurura integanyanyigisho yari isanzwe igenderwaho muri aya mashuri ategura abarimu.

    Dr Ngirente yagize ati “Hafashwe umwanzuro ko buri munyeshuri ujya kwiga mu ishuri Nderabarezi (TTCs), ni ukuvuga uwitegura kuzaba mwarimu, Leta izajya imwishyurira icya kabiri (½) cy’amafaranga y’ishuri buri mwaka w’amashuri kugeza igihe arangirije kwiga [ayisumbuye].”

    Ibi bisobanuye ko umunyeshuri wiga ishami nderabarezi azajya yishyura gusa 50% by’amafaranga y’ishuri andi 50% Leta ikayamutangira. Ibi kandi byatangiye gukorwa kuva mu mwaka w’amashuri ushize wa 2020/2021.

    Ikindi gikomeye abahisemo kwiga amashuri y’inderabarezi bashyiriweho, ni ukuba mu gihe cyo gutanga buruse za Leta ku bifuza kwiga Kaminuza, amasomo y’uburezi yarashyizwe ku rwego rumwe n’amasomo ya siyansi, ikoranabuhanga n’imibare (STEM).

    Akarusho karimo ku bahisemo uburezi ni uko umunyeshuri wiga ibijyanye n’uburezi we azajya asonerwa inguzanyo ya buruse mu gihe cyose arangije kwiga agakora umwuga w’uburezi.

    Dr Ngirente yakomeje ati “Umunyeshuri uzajya arangiza mu mashuri nderabarezi akigisha imyaka itatu mu mashuri abanza, azajya ahabwa buruse itazishyurwa n’amafaranga atunga umunyeshuri azamufasha kwiga Kaminuza (Bachelors) mu ishami ry’Uburezi.

    Uzajya arangiza muri Kaminuza mu Ishami ry’Uburezi, akigisha imyaka itanu mu mashuri yisumbuye, we azajya yemererwa buruse itazishyuzwa n’amafaranga atunga umunyeshuri byo gukomeza mu cyiciro cya gatatu cya Kaminuza (Masters) mu ishami ry’Uburezi.”

    Muri rusange mu Rwanda hari amashuri Nderabarezi 16 yakira abanyeshuri bari hagati ya 3000 na 4000 buri mwaka. Mbere y’aya mavugurura abasaba kuyigamo bari bake cyane ariko kuri ubu bakaba bariyongereye ku kigero cyo hejuru.

    Inyongera ya 10% ku mushahara n’irindi terambere rya mwarimu

    Muri iki kiganiro Minisitiri w’Intebe yagarutse ku bijyanye no kongera umushahara w’abarimu kugira ngo abashe kugira imibereho myiza bityo abashe gutanga umusaruro uganisha ku ireme ry’uburezi ryifuzwa.

    Ati “Twemera ko ireme ry’uburezi ritazamuka hatazamuwe n’imibereho myiza ya mwarimu kuko ari we utanga ubwo bumenyi n’iryo reme ry’uburezi tuvuga.”

    Kuva mu 2019, abigisha mu mashuri abanza n’ayisumbuye bongererwa 10% by’umushara wabo wa buri kwezi. Iyi gahunda yarakomeje mu 2020 ndetse no mu mwaka w’ingengo y’Imari wa 2021/2022 aya mafaranga yarateganyijwe nubwo igihugu gihanganye n’ibihe bitoroshye byatewe n’icyorezo cya Covid-19 nk’uko Dr Ngirente yakomeje abisobanura.

    Si ubwa mbere Leta y’u Rwanda igaragaje ubushake bwo gushyigikira iterambere rya mwarimu, kuko yagiye ishyiraho gahunda zitandukanye zimufasha kujyana n’iterambere nk’aho mu 2006 hashyizweho Ikigo cy’Imari iciriritse “Umwalimu Sacco” cyagenewe kuguriza no gufasha abari mu mwuga w’ubwarimu kwiteza imbere babona serivisi z’imari zibahendukiye.

    Guhunda y’iguriro rya mwarimu

    Abagize Inteko Ishinga Amategeko babajije Minisitiri w’Intebe kuri gahunda yo gushyiraho isoko cyangwa iguriro rya mwarimu ‘Teachers’ Shop’ rizafasha mu kugera ku mibereho myiza y’abarimu ku buryo bw’umwihariko.

    Minisitiri w’Intebe yavuze ko gahunda y’isoko rya mwarimu yamaze gutekerezwaho ndetse kuva mu mezi 18 ashize hari itsinda ryo muri Minisiteri y’Uburezi ririmo kwiga kuri uyu mushinga, ibisabwa n’uburyo uzashyirwa mu bikorwa.

    Ati “Ni gahunda leta yatangiye gutekerezaho, hashize umwaka n’igice. Ngira ngo muri Mineduc twari twabiganiriyeho bakora imbanzirizamushinga ariko ni umushinga usaba amafaranga menshi y’ingengo y’imari, kuko isaba kuyishyira mu bikorwa mu gihugu hose.”

    Yakomeje agira ati “Muzi ko mwarimu aba mu Murenge w’igihugu cyose, birasaba gutegurwa neza, bikigwa neza , bigashakira inkunga ihagije ku buryo twe nka leta ntabwo twari twabisohora ngo tuvuge ngo bigiye gukorwa iki gihe n’iki ariko ndagira ngo mbabwire ko tumaze igihe kirenga amezi 18 turimo kwiga kuri uwo mushinga.”

    Dr Ngirente yavuze ko mubyo guverinoma itekereza mu kuzamura imibereho ya mwarimu buri mwaka n’iyo gahunda yatekerejweho ndetse hari n’uburyo ishobora kuzatangirana n’ibintu bike by’ibanze, noneho ibindi bikazajya byongerwaho hakurikijwe uko ubushobozi bw’igihugu bungana.

    Ku rundi ruhande ariko hari abikorera batangiye gushyiraho uyu mushinga w’isoko rya mwarimu, Minisitiri w’Intebe, Dr Ngirente yavuze ko muri rusange hari gahunda iri gutegurwa ihamye izashyirwa mu bikorwa na leta mu bihe biri imbere.

    Uyu mushinga kuri ubu wamaze gutangizwa bigizwemo uruhare na ba rwiyemezamirimo, batangiriye mu Karere ka Rwamagana no mu duce tumwe two mu Mujyi wa Kigali, aho abarimu bashyiriweho iguriro ribafasha guhaha ibyo bakeneye ku giciro gito.

    Nko mu yandi masoko, ikilo cy’isukari kigura amafaranga ari hagati ya 1100Frw na 1200Frw mu gihe mu isoko rya mwarimu kigurishwa 950 Frw. Abatangije aya maguriro bavuze ko bagerageza gukorana n’inganda zo mu Rwanda ku buryo abarimu bagurishwa ibicuruzwa byose baba bagabanyijeho nibura 10 %.

    Iriguriro ryihariye rya mwarimu ryatangiye muri Mutarama 2021, ubu rimaze gufungura amashami atanu arimo iriri i Rugende muri Rwamagana, Ntunga, Karenge na Rwamagana ndetse n’iryo mu Karere ka Burera ritaratangira gukora.

    Mu korohereza abarimu baba abo mu mashuri abanza n’ayisumbuye, Minisitiri w’Uburezi, Dr Uwamariya Velentine yavuze ko ku bufatanye n’Ubuyobozi bw’Uturere ari natwo mukoresha wa mwarimu, hari gushakwa uburyo bwo gufasha aba barimu kujya bakorera hafi y’imiryango yabo.

    Minisitiri w’Intebe, Dr Ngirente ubwo yagezaga ku Nteko Ishinga Amategeko gahunda ya leta yo guteza imbere amashuri y’imyuga n’ubumenyingiro

  • Nyagatare: Abantu 19 bafashwe nyuma y’umwaka basengera mu rwuri “barangiwe” n’Imana – #rwanda #RwOT

    Aba baturage bafatiwe mu Kagari ka Mbare mu Murenge wa Karangazi mu rwuri rw’umuturage.

    Umunyamabanga Nshingwabikorwa w’Umurenge wa Karangazi, Ndamage Andrew, yabwiye IGIHE ko aba baturage babafashe mu masaha ya saa tanu z’amanywa ubwo basangaga basenga barenze ku mabwiriza yo kwirinda COVID-19.

    Yakomeje avuga ko aba baturage byatangiye haza babiri, bacumbikirwa na nyir’urwuri nyuma abandi bagenda baza aho ngo babwiye ubuyobozi ko Imana ariyo yahabayoboye ngo kuko ariho bakwiriye gusengera hizewe.

    Yavuze ko aba baturage nta n’umwe ugira ubwisungane mu kwivuza, nta ndangamuntu bagira, ntibambara udupfukamunwa, abana babo ntibiga ndetse ntibanashaka no gupimwa COVID-19 ngo kuko batayemera.

    Yakomeje agira ati “ Ni ahantu bagiye baza uruhongohongo kuko hari hacumbikiwe babiri abandi bagenda baza nyuma abenshi baturutse mu Karere ka Ngoma n’ahandi, niho biberaga bari bahamaze igihe kinini.”

    Bose bararaha hanze mu ihema abana babo ngo nibo barara mu nzu mu gihe bamaze umwaka urenga bibera muri uru rwuri.

    Ibyo kwirinda COVID-19 ntibabikozwa

    Mu gihe abandi baturage bo mu Karere ka Nyagatare bari muri gahunda ya Guma mu Rugo bashyizwemo mu rwego rwo kwirinda ikwirakwira rya COVID-19, aba bakirisitu bo ntibakozwa ibyo kwirinda iki cyorezo kuko batambara udupfukamunwa kandi ntibanemere ko gihari.

    Ndamage ati “Kubabwira Coronavirus bahita bakubwira ko ari ibyago byateye ngo kandi abantu barindwa n’Imana.”

    Uyu muyobozi yavuze ko kuri ubu bagiye kubatwara kuri Polisi ya Nyagatare kugira ngo bakomeze kwigishwa ngo kuko imyumvire bafite iteye inkeke.

    Ati “ Tugiye kubanza tubigishe kuko bageze ku rwego rwo hejuru mu buyobe, tugiye kubanza tubigishe imyumvire bafite mu gusenga ihinduke kuko hari abataye abagore, abataye abagabo n’abandi benshi bataye imiryango yabo ngo kuko aribwo butumwa bafite.”

    Uyu muyobozi yasabye abaturage kujya birinda imyumvire ipfuye mu gusenga ibabwira ko badakwiriye kwirinda ibyorezo cyangwa se gutanga ubwisungane bwo kwivuza.

    Abenshi mu bafashwe baturuka mu Karere ka Ngoma.

    Bose bararaga hanze mu ihema basenga, abana babo nibo barara mu nzu

    Aba baturage ntibajya batanga ubwisungane mu kwivuza ngo kuko Imana itabyemera