Author: webrwanda
-
Urugo rw’Abahinde baba mu Rwanda rwiyemeje kugabanya ku mushahara rukagaburira abatishoboye #Rwanda #RwOT via @kigalitoday #rwanda #RwOT
-
- Bashyiraga abaturage ibiribwa mu ngo
James Aziz n’umuryango we bavuye mu Buhinde baza gutura mu Rwanda mu mwaka wa 2011 ari abantu basanzwe (nk’uko yabisobanuye), ariko mu Rwanda ngo bahagiriye umugisha wo gucuruza bunguka ku buryo ngo bakwiye gusangira n’abatishoboye.
Aziz afite ikigo gikora kikanacuruza ibijyanye n’ikoranabuhanga, uwo bashakanye Milcah Grace Aziz na we akagira ishuri ryigenga, byose bakaba barabishinze kuva aho baziye mu Rwanda mu myaka 10 ishize.
Kuri iki Cyumweru urwo rugo rwatanze ibiribwa bizamara iminsi irindwi ku miryango itishoboye 20 ituye mu Gatsata mu karere ka Gasabo, ikaba yaratakaje akazi kubera gahunda zijyanye no kwirinda Covid-19.
James Aziz agira ati “Uyu murimo (wo gufasha abantu) twatangiye kuwukora mu mwaka wa 2013. Imana yaturemye twese tungana, niba hari icyo mfite mba ngomba kuguhaho, nta kintu twakoze kugira ngo tube dufite ibiruse iby’abandi, ni ubuntu bw’Imana twagiriwe”.
-
- Umwe mu baturage Umuryango wa Aziz wahaye ibiribwa
Avuga ko urugo rwe rwiyemeje kugira umuco wo kwigomwa amafaranga ku mushahara rubona, ndetse no kujyana abana mu gihe rugiye gutanga ibiribwa ahantu hose bumvise abashonje, kugira ngo na bo bazakurane uwo murage.
Albina Shannon Aziz, umwana wabo w’umukobwa w’imfura ufite imyaka 15 y’ubukure, ubu yiga mu mwaka wa gatanu w’amashuri yisumbuye, ariko ngo ntabwo azatezuka ku murage w’ababyeyi be.
Shannon yagize ati “Ubu nta mafaranga mfite ariko wenda mu gihe kizaza nzakomeza urugendo ababyeyi banjye batangiye, kuko Imana ntabwo yabahamagaye bonyine ahubwo yahamagaye urugo rwose”.
Urwo rugo rwirinze kuvuga amafaranga ruzajya rwigomwa buri kwezi ariko imiryango 20 rwahaye ibiribwa kuri iki cyumweru ngo ruzakomeza kuyitaho mu gihe kingana n’amezi ane, nyuma yaho rwongere gutangira gufasha abandi gutyo gutyo.
Urugo rwa Aziz rusaba undi muntu wese ufite umutima ukunze abandi, guhoza ku mutima abantu batishoboye bari hirya no hino ku isi.
-
- Milcah Grace Aziz ahamagarira abandi babishoboye gutanga ibiribwa ku baturage
Imiryango yahawe ibiribwa ndetse n’abayobozi mu nzego z’ibanze mu Gatsata, ntacyo bifuje gutangaza ku bijyanye n’ubufasha butangwa n’umuryango wa Aziz.
Uyu muryango watanze ibiribwa ku badafite akazi muri iyi minsi imirimo imwe n’imwe yahagaze, bigizwe n’umuceri, isukari, ifu y’igikoma ndetse n’ifu y’ibigori (kawunga).
Uretse kugaburira abantu rukeka ko batishoboye, urugo rwa Aziz rumaze no gushyiraho amashuri atatu y’incuke ahendukiye benshi (asaba amafaranga y’ishuri atarenze ibihumbi 20), mu rwego rwo gufasha abana bakomoka mu miryango y’amikoro make kubona aho biga.
-
-
Kamonyi-Rukoma: Abacukuzi 10 b'amabuye y'agaciro batawe muri yombi aho bari mu nama #rwanda #RwOT
Polisi y'u Rwanda ikorera mu Karere ka Kamonyi ku gicamunsi cy'iki cyumweru mu Kagari ka Bugoba, Umurenge wa Rukoma yataye muri yombi abantu 10 basanzwe bakora ubucukuzi bw'amabuye y'agaciro mu buryo butemewe. Ni nyuma yuko bamwe bari bayicitse mu masaha y'igitondo bakaza kwikusanya mu nama nayo itemewe muri ibi bihe bya Covid-19. Mu byo bakurikiranyweho, harimo Ubucukuzi butagira ibyangombwa, Gukoresha abana imirimo y'agahato aho bamwe ngo banavuye mu mashuri. Hari kandi ngo no kwica amabwiriza ya Covid-19.
Amakuru mpamo agera ku intyoza.com kandi yemezwa na Polisi y'u Rwanda ni uko aba bantu uko ari 10 batawe muri yombi, basanzwe mu kabari bari mu nama itemewe muri ibi bihe bya Covid-19. Byari nyuma kandi yuko mu masaha ya mu gitondo hari bamwe bacitse Polisi bakiruka ubwo yashakaga ku bafata kuko ngo imaze iminsi ibafiteho amakuru simusiga y'ibyaha ibakekaho.
Umuvugizi wa Polisi y'u Rwanda mu Ntara y'Amajyepfo, SP Theobard Kanamugire yahamirije intyoza.com ko aba bantu batawe muri yombi, ko kandi Polisi imaze igihe ibafiteho amakuru y'ibyaha ibakekaho, ko ndetse bamwe mu masaha ya mu gitondo cy'iki cyumweru bayicitse bakiruka.
SP Kanamugire yagize ati' Ubundi hafashwe abantu 10, bose twari dusanzwe tubafiteho amakuru simusiga yuko bacukura amabuye mu buryo bunyuranije n'amategeko. Ikindi cya kabiri bakajyanayo abana batoya bari munsi y'imyaka 18 bakabakorera'.
Akomeza avuga ko nyuma yuko Polisi na RIB bafatanije, bamenye ko hari aho barimo gukorera inama kandi bari babafiteho ayo makuru; ko bakoresha abana, ko bacukura amabuye y'agaciro mu buryo bunyuranije n'amategeko, ko kandi nta n'ufite icyangombwa ndetse banabimazemo igihe, ngo nibwo bapanze kubafata kuko amakuru ahagije bari bayafite ndetse bamaze igihe bashaka uko bazabafata.
Mu bindi, Umuvugizi wa Polisi mu Ntara y'Amajyepfo, SP Theobard Kanamugire avuga ko hejuru yo gukora ubucukuzi mu buryo bunyuranije n'amategeko kuko nta byangombwa, hejuru kandi yo gukoresha abana bato mu bucukuzi, haniyongeraho ko barenze ku mabwiriza yo kwirinda icyorezo cya Covid-19 bakajya gukora inama itazwi mu kabari muri ibi bihe by'icyorezo.
Nyuma yuko Polisi mu gitondo ikoze umukwabu (Operation) yo gufata aba bantu ariko bamwe bakayicika, ngo amakuru yakomeje gushakishwa kugeza bamenye aho bari bateraniye babagwa gitumo, barabafata. Abafashwe bose bashyikirijwe RIB Sitasiyo ya Rukoma, aho ngo bagiye gukorerwa Dosiye. Gusa ngo n'iperereza ku bindi rirakomeza. Avuga kandi ko umuntu wese ukora ubucukuzi mu buryo bunyuranije n'amategeko ndetse n'undi ngo waba yibwira ko yakwihisha Polisi ari ikibazo cy'igihe gusa, ko nta n'umwe utazafatwa mu bakora ibitemewe.
Amakuru yandi agera ku intyoza.com ni uko muri uku guterana kw'aba bantu bafashwe, mu byo bigaga ngo harimo no kureba uko bakusanya amafaranga yo guha bamwe mu bayobozi cyangwa abakozi mu kigo gifite ubucukuzi mu nshingano zacyo ngo nabo bajye baborohera. Ibi kandi si amakuru mashya mu bucukuzi cyane ko byinshi mu birombe bikora bitujuje ibyangombwa kandi bizwi ko ntabyo. Ni mu gihe hari abo usanga barabisabye ndetse n'aho bakorera(indani) hatunganije kurusha aha bamwe mu bahabwa ibyangombwa. Aha ni naho benshi bahora batunga intoki ko hari ruswa n'ibijyana nayo mu itangwa ry'impushya mu bucukuzi bw'amabuye y'agaciro.
Munyaneza Theogene / intyoza.com
-
U Bufaransa: Producer Dieudonn yatangiye guc… – #rwanda #RwOT
Muri Kamena 2021, ni bwo Producer Musuma Dieudonné yatangaje ko yacuze injyana (beat) ibihumbi bitatu zo kugurisha abahanzi bo mu Rwanda cyane cyane abakora injyana ya Drill iharawe n'urubyiruko muri iki gihe, Rap ndetse na Afrobeat.
Bamwe mu baraperi bamuyobotse barimo umuraperi B-Threy bakoranye indirimbo 'Nkwibutse'. Bamwe mu batanze ibitekerezo bavuze ko bakunze iyi ndirimbo, kandi ko injyana yayo ari nziza.
Kuva mu 2010, Musuma Dieudonné abinyujije muri studio ye y'umuziki MrHoodDream Productionz yatangiye kwiga uko yajya acura injyana z'indirimbo ubundi akazigurisha abahanzi batandukanye, ahereye kubo mu Bufaransa ari naho abarizwa.
KANDA HANO WUMVE INDIRIMBO ‘NKWIBUTSE’ YA PRODUCER MR HOOD DREAM NA B-THREY
Yakuze akunda injyana ya Hip Hop akunda n'abahanzi bakora iyi njyana barimo nka 2Pac, Puff Daddy n'abandi batumye yumva ashaka kugera ikirenge mu cyabo.
Uyu musore wavutse mu 1998, avuga ko kuva afite imyaka 17 yatangiye gukora injyana z'indirimbo akazigurisha abahanzi barimo umuraperi SLK yagurishije indirimbo ya mbere mu 2015.
Akigera mu Bufaransa agiye gukomeza amasomo ye, yabonye n'umwanya uhagije wo kuganira na ba Producer bakomeye ku Isi barimo nka Producer Lex Luger wakoze indirimbo 'BMF' y'umuraperi w'umuherwe Rick Ross uherutse gusohora Album.
Dieudonné kandi yahuguwe na Producer Metro Boomin wakoze indirimbo z'abaraperi barimo Drake na Future bihagazeho mu muziki ku Isi.
Ashingiye ku masomo, umuhate no kuba akunda injyana ya Drill na Rap yiyemeje kubikora mu buryo bw'umwuga atangira gucura injyana z'indirimbo.
Avuga ko asanzwe afite abahanzi bo mu Bufaransa, Nigeria no mu bihugu byo mu Burayi acuruzaho 'beat' ariko ko ashaka no kuzigurisha abahanzi bo mu Rwanda
Dieudonné avuga ko yakunze uburyo Bushali, B-Threy na Slum Drip bitwara mu njyana ya Drill, ari nayo mpamvu ashaka abahanzi 20 bo guha 'beat' z'ubuntu abandi akazibagurisha mu zirenga ibihumbi bitatu yamaze gukora.
Mu kiganiro aherutse kugirana na INYARWANDA ati 'Ndashaka gukorana n'abahanzi bakizamuka bo mu Rwanda. Nabonye mu Rwanda hari abahanga benshi, ntabwo basinziriye. Njya mbona ibiganiro kuri Televiziyo n'ahandi bigaragaza ko umuziki w'u Rwanda wateye imbere.'
Producer Mr Hood Dream yatangiye gucuruza 'beat' yacuze ahereye ku muraperi B-Threy
![]()
Producer Mr Hood Dream avuga ko afite 'beat' zirenga ibihumbi bitatu yacuje, harimo 20 azatanga ku buntu ku bahanzi bo mu Rwanda
KANDA HANO WUMVE INDIRIMBO 'NKWIBUTSE' YA PRODUCER MR HOOD DREAM NA B-THREY
-
Perezida Kagame yaherekeje mugenzi we Faustin-Archange Touadéra wasoje uruzinduko rwe mu Rwanda #rwanda #RwOT
Mu mafoto yashyizwe hanze,yagaragaje Perezida Kagame aherekeje mugenzi we wa Centrafrique ku Kibuga Mpuzamahanga cy'Indege cya Kigali, nk'uko asanzwe abigenza ku bashyitsi basuye u Rwanda.
Mu minsi ine yamaze mu Rwanda, Perezida Touadéra, yagiranye ibiganiro na Perezida Kagame,basinyana amasezerano,asura ibice bitandukanye bibitse amateka y'u Rwanda ndetse n'ibikorwa by'iterambere u Rwanda rugezeho.
Mu kiganiro bagiranye n'abanyamakuru kuwa kane w'iki cyumweru, Perezida Touadéra na mugenzi we Paul Kagame bavuze kuri byinshi birimo ingabo zoherejweyo muri Centrafrique ku masezerano y'ibihugu byombi.
Perezida Kagame yavuze ko koherezayo ingabo ku masezerano y'ibihugu byombi byari igisubizo cyihuse kuko amategeko agenga imikorere ya MINUSCA “yatumaga bishobora gufata igihe kirekire”.
Ibihugu byombi byasinye amasezerano ane arimo ay'ubufatanye mu bya gisirikare mu kwezi kwa 10/2019 i Bangui muri Centrafrique.
Kagame avuga ko nubwo ingabo za MINUSCA n'ingabo zagiyeyo ku masezerano y'ibihugu byombi zari zifite inshingano zisa ariko “bamwe bashobora gukora akazi vuba kurusha abandi.”
Ati: “Centrafrique yari yugarijwe n'iyo mitwe yihutaga ishaka guhungabanya amatora no kugariza umujyi wa Bangui…
“â¦Amasezerano yacu rero yatumaga dushobora koherezayo ingabo vuba ngo zikore akazi nkako UN yagombaga gukora ariko ikagenda buhoro, wenda uko niko amategeko abagenga akora, ibyo sinabihindura, na Perezida Touadera ntiyabihindura.”
Perezida Touadera yavuze ko ingabo z'iki gihugu zasubimbirijwe n'inyeshyamba kuko zari zikiri kwiyubaka kuva mu 2016, bikaba ngombwa ko leta isaba ubufasha amahanga.
Ati: “Twitabaje Perezida Kagame, leta, n'Abanyarwanda bekemera kohereza vuba ingabo hashingiwe ku masezerano twagiranye ngo zidufashe kurwanya ibikorwa bya CPC.”
Touadera avuga ko umusanzu w'ingabo z'u Rwanda zoherejwe ku masezerano y'ibi bihugu cyangwa iziri muri MINUSCA wahagaritse izo nyeshyamba.
Ati: “Iyo hataba uko kuza kw'izo ngabo zafashije izacu nibaza ko ibintu byari kuba bitandukanye n'ibyo tuzi ubu…Twanyuzwe cyane uburyo ingabo z'u Rwanda zikora⦔
Avuga ko izo ngabo zabafashije gutabara inzego za leta no gukomeza amatora kugeza arangiye. Arenzaho ko ashimira Abanyarwanda gufasha Centrafrique.
Mu ijambo rye, Perezida Kagame yavuze ko u Rwanda rwishimiye gufatana urunana n'abaturage ba Centrafrique mu rugendo ruganisha ku kubaka amahoro, ubwiyunge n'iterambere.
Uruzinduko rwa Perezida Touadéra rwaje nyuma y'amasaha make u Rwanda rwohereje batayo y'izindi ngabo 750 zijya kunganira izisanzwe mu butumwa bw'amahoro bwa Loni muri Centrafrique.
Ni ukuvuga ko kugeza ubu, u Rwanda rufiteyo batayo eshatu zishinzwe kubungabunga amahoro n'umutekano muri Minusca.
-
Ingabo z'u Rwanda n'iza Mozambike zigaruriye icyambu cya Mocimboa da Praia #rwanda #RwOT
Ingabo z'u Rwanda zifatanyije n'iza Mozambique, zimaze kwigarurira icyambu cya Mocímboa da Praia, ari na ho hari icyicaro gikuru cy'imitwe y'iterabwoba kuva mu myaka ibiri ishize.
Uyu Mujyi kandi niwo uherereremo icyicaro gikuru cy'aka karere n'ikibuga cy'indege.
Mu butumwa Ingabo z'u Rwanda zashyize kuri Twitter,zagize ziti “Icyambu cy'umujyi cya Mocímboa da Praia,cyari cyarigaruriwe n'inyeshyamba mu myaka irenga ibiri,cyafashwe n'ingabo z'u Rwanda n'iza Mozambike. Uyu mujyi kandi ufite icyicaro cy'akarere n'ikibuga cy'indege.”
Brigadier General Pascal Muhizi ukuriye imirwano,yavuze ko gufata ibirindiro bikuru by'ibyihebe ari ikintu cy'ingenzi mu kurwanya abakora ibikorwa by'iterambwoba mu Ntara ya Cabo Delgado.
Ati “Turishimye kubera ko twageze ku ntego yacu nyuma y'ukwezi kumwe gusa duhangana n'ibyihebe.Ubu twafashe akarere ka Mocímboa da Praia,ibirindiro bikuru by'ibyihebe.Ni intsinzi ikomeye kuri twe no kuri Mozambike.”
Kuri uyu wa Gatandatu, Ingabo z'u Rwanda zagiye guhashya imitwe y'iterabwoba muri Mozambique, zishe abarwanyi bane mu gitero zagabye ahitwa “1st May”.
Muri iyo mirwano, ingabo z'u Rwanda zishemo abarwanyi bane, hafatwa imbunda enye za RPG, eshatu za SMG n'ibindi bikoresho birimo inyandiko.
Abasirikare bamwe barwana baturutse mu ruhande rumwe, abandi mu rundi ku buryo bose bazahurira ahantu hamwe.
Ingabo z'u Rwanda n'iza Mozambike zirashaka kugenzura ibice byose by'intara ya Cabo Delgado, hanyuma abaturage bagatangira gusubizwa mu byabo nta nkomyi.
Mu ntangiriro za Nyakanga uyu mwaka ni bwo ingabo z'u Rwanda zagiye muri Mozambique nyuma y'ubusabe bwa Perezida w'icyo gihugu, Filipe Nyusi.
Byari byitezwe ko izi ngabo zifatanya n'iz'Umuryango uhuza ibihugu bya Afurika y'Amajyepfo (SADC) ariko iza SADC zatinze kuhagera na nyuma yo kuhagera ntizahita zitangira gutanga ubufasha.
Muri 'weekend' ishize, amato n'indege za Africa y'Epfo byageze i Pemba hafi y'akarere k'intambara, n'imodoka z'intambara zitwaye abasirikare 1,500 ba Africa y'Epfo zihita zinjira imbere ku butaka.
Imodoka z'intambara za Botswana n'abasirikare bagera kuri 300 nabo binjiye muri Mozambique.
U Rwanda ruvuga ko ingabo zarwo ziriyo mu gihe cyose bizaba bikenewe, kandi byitezwe ko zifata akarere karinzwe cyane kazungurutse Palma no hafi y'umushinga rutura wa gaze hanyuma Total ikizera umutekano ikagaruka mu kazi umwaka utaha.
-
Messi yarize cyane ubwo yasezeraga kuri FC Barcelona anavuga ikipe igiye kumwegukana [AMAFOTO] #rwanda #RwOT
Ubwo yari agiye kuvuga ijambo imbere y'abantu amamiliyoni bari bamukurikiye ku isi yose,Messi yahise arira cyane ndetse avuga ko atumva ukuntu agiye gusezera kuri iyi kipe y'ubuzima bwe.
Ati 'Nari namaze kwemera kuguma muri FC Barcelona.Aha n'urugo rwanjye n'urugo rwacu.Nifuzaga kuguma muri Barcelona kuko niwo wari umupangu wanjyeâ¦ariko uyu munsi ndi gusezera ku buzima bwose namaze hano.'
Ikipe ya PSG niyo ihabwa amahirwe yo kumwegukana ndetse na Messi yemeye ko ari ukuri bishoboka ko ayerekezamo.Ati 'Paris Saint-Germain birashoboka.Nta kintu turemeza ariko nakiriye telefoni nyinshi z'amakipe menshi nyuma y'aho Barcelona isohoye itangazo.Turacyavugana.'Messi yemeje ko yagerageje gufasha ikipe kugira ngo ayigumemo ariko ngo nta musaruro byatanze kubera amategeko ya La liga.
Ati 'Amasezerano yanjye mashya yari yarangiye.Byose byari byarangiye.Nashakaga kuguma hano ariko ubwo nagarukaga mvuye mu biruhuko nasanze byarangiye.
Uko niko Joan Laporta yabisobanuye.Ku munota wa nyuma kubera ibintu bya La LIGA ntabwo byakunze.Ndababaye cyane kuko sinifuzaga kuva muri iyi kipe.Nkunda Barca kandi nashakaga kuyigumamo.Amasezerano yanjye yari ateguye.
Nakoze ibyo nari nshoboye ngo mpagume.Nta kibazo nagiranye na Barcelona mu by'ukuri.Ibintu byose byari bimeze neza kandi bari bamaze kunyemeza kuguma muri Barcelona.'
Messi aherutse kwifotoza ari kumwe n'abakinnyi ba PSG barimo Neymar, Leandro Paredes, Angel Di Maria na Marco Verratti ahitwa Ibiza.
Abjijwe kuri iyo foto yagize ati 'Byarahuriranye.Nari ndi hariya n'inshuti zanjye,hanyuma twemera gufata ifoto.Barambwiye bati'Ngwino I Paris! Ariko byari urwenya kuko twari mu biruhuko.'
Abajijwe ku hazaza ha Barcelona,Messi yagize ati 'Barcelona ni ikipe nziza ifite abakinnyi beza, nizera ko bizagenda neza mu gihe kiri imbere.'
-
Cesc Fabregas yavuze uko byagenze ku munsi wa… – #rwanda #RwOT
Cesc Fabregas w’imyaka 34 y’amavuko Abinyujije ku rukuta rwa Instagram, yagarutse k'uburyo yabanye na Lionel Messi ndetse n’umunsi wa mbere ubwo yageraga muri Barcelona dore ko aba basore bombi bangana mu myaka. Yagize ati: 'Buri gihe nzahora nibuka umunsi wazaga mu cyumba ufite imyaka 13 hanyuma bambwira ko uyu mwana ukomoka muri Argentina na we aje kugerageza amahirwe muri Barcelona. Wicaraga hasi ndetse umunsi wose ugashira utavuze. Umutoza wacu yaranyegereye arambwira ngo ngomba kugira imbaraga kuri wowe urabibona urisekera.”
![]()
Ati: “Inzozi zanjye buri gihe zari ugukina mu ikipe ya mbere ya Barcelona ariko kubikora ndi kumwe nawe ndetse na Gerard Pique byatumye inzozi zanjye ziba nziza kurushaho kuko bwa nyuma byarangiye bibaye'.Â
Yakomeje amubwira ati: 'Uvuye muri Barcelona nk’umukinnyi w’ibihe byose, ntabwo bizongera kubaho kubona Barcelona nk’iyi kandi utarimo. Warakoze, wongere ngo warakoze kuri buri kimwe watanze. Nshuti twabanye n’umutima wanjye wose, nkwifurije buri kimwe ndabizi neza uzishima aho uzajya hose, turagukunda.”
![]()
Fabregas ari muri BarcelonaÂ
Cesc Fabregas na Lionel Messi bakinanye mu ikipe y’abato ya Barcelona, ndetse baza kongera gukinana ubwo Fabregas yagarukaga muri Barcelona avuye muri Arsenal mu 2011 nabwo yongera kuvamo ajya muri Chelsea mu 2014.
