Webrwanda Backend

Author: webrwanda

  • Mozambique : Ingabo z’u Rwanda zanditse amateka akomeye zibohoza ahari ibirindiro by’ibyihebe #rwanda #RwOT

    Ingabo z’u Rwanda ku bufatanye n’iza Mozambique, zabohoje uriya Mujyi wa Mocímboa da Praia wari umaze imyaka ibiri ufitwe n’inyeshyamba z’iterabwoba muri iriya Ntara ya Cabo Delgado.

    Mocímboa da Praia ni Umujyi ukomeye cyane kuko ari wo wari ibirindiro bikuru by’inyeshyamba zimaze imyaka itanu mu ntambara n’ingabo za Mozambique mu Ntara ya Cabo Delgado.

    Izi nyeshyamba zari zimaze imyaka irenga ibiri zigenzura uyu mujyi, nyuma yo kuwambura ingabo za Leta mu 2019. Izi nyeshyamba ni zo zagenzuraga ikibuga cy’indege ndetse n’icyambu byo muri uyu mujyi.

    Mu gihe Ingabo z’u Rwanda ku bufatanye n’iza Mozambique zafataga imijyi itandukanye irimo Awasse na Palma, inyeshyamba zatsindwaga zakomeza gusubira inyuma zinjira mu gace ka Mocímboa da Praia, ari naho zashinze ibirindiro.

    Amakuru yemeza ko mbere yo kugaba igitero simusiga kuri izi nyeshyamba, Leta y’u Rwanda yohereje izindi ngabo mu buryo bwihuse kugira ngo zunganire izari zimaze ibyumweru birenga bitatu ku rugamba, aho zifatanyije n’ingabo za Mozambique.

    Ibitero byo kuri izi nyeshyamba byagabwe mu byiciro bibiri, birimo icyanyuze mu Majyepfo n’ikindi cyanyuze mu Majyaruguru y’Umujyi wa Mocímboa da Praia.

    Ku rundi ruhande, Ingabo z’u Rwanda zirwanira mu mazi zari zimaze iminsi itatu zifashe ibirwa biri mu Nyanja y’u Buhinde, ku buryo bitashoboka ko inyeshyamba zihungirayo.

    Urugamba rwo gutsintsura inyeshyamba mu Mujyi wa Mocímboa da Praia rwafatwaga nk’urushyira iherezo kuri iyi ntambara, nubwo ibikorwa byo gucunga umutekano mu bice byafashwe bizakomeza mu gihe kirekire, kuko zimwe mu nyeshyamba zahungiye mu mashyamba akikije imijyi itandukanye imaze gufatwa.

    Hagati aho, Ingabo z’Umuryango w’Iterambere mu bihugu biri mu Majyepfo ya Afurika, SADC, nazo ziri kwitegura kwinjira ku rugamba mu gukomeza guhashya izi nyeshyamba. Amakuru avuga ko izi ngabo ziri bugere mu birindiro byazo kuri uyu wa Mbere.

    Source : http://www.ukwezi.rw/mu-rwanda/2/Mozambique-Ingabo-z-u-Rwanda-zanditse-amateka-akomeye-zibohoza-ahari-ibirindiro-by-ibyihebe

  • Source : https://agakiza.org/????-LIVE-IGITARAMO-27-KWITOZA-Kubaha-Imana-Ev-Claudine-8274-8274-8274.html

  • Akinwumi Adesina yashimye ibikorwa by’ingabo z’u Rwanda muri Mozambique – #rwanda #RwOT

    Abinyujije ku rubuga rwa twitter, Dr Adesina yashimiye byimazeyo ingabo z’u Rwanda ku bwo kubohoza ago gace.

    Ati “Nta mutekano, nta terambere rishobora kubaho. Ndagushimiye Perezida Kagame ku bw’imiyoborere yawe itangaje kandi irangwa n’ubwitange.”

    Yakomeje avuga ko ibikorwa byo kwirukana imitwe yitwaje intwaro muri Mozambique n’uduce yigaruriye tukabohozwa bitari ishema kuri icyo gihugu gusa, ahubwo no kuri Afurika muri rusange.Ati “U Rwanda rwongeye gushimisha Afurika.”

    Kuva saa tanu zo kuri iki Cyumweru tariki ya 8 Kanama 2021, ni bwo ingabo z’u Rwanda zasoje urugamba rwo kubohoza Mocímboa da Praia yari imaze imyaka hafi itanu yarigaruriwe n’abarwanyi b’imitwe yitwaje intwaro.

    Hihutiwe gufatwa Ikibuga gito cy’Indege n’icyambu gikomeye cyo muri aka gace, ku buryo mu gihe gito hongera gukoreshwa.

    Umuyobozi w’Ingabo z’u Rwanda muri Mozambique, Brig Gen Muhizi Pascal, yabwiye IGIHE ko icy’ingenzi kwari ugukura umwanzi aho yashyize ibirindiro hanyuma hagakurikiraho kumuhiga aho aherereye.

    Yagize ati “Aha ni ho mu karere ka Mocímboa, ni cyo cyari icyicaro cy’umwanzi, ni ho yari afite ubuyobozi, ni ho yari yarigaruriye. Ibyo yakoraga byose agaba ibitero ni aha yagarukaga ku birindiro bye. Ni umujyi yari yarabohoje abamo igihe kirekire kirenga imyaka itanu.”

    Ingabo z’u Rwanda zagiye muri Mozambique mu ntangiriro za Nyakanga 2021 ku busabe bwa Perezida w’icyo gihugu, Filipe Nyusi. Intego yari iyo kwirukana imitwe y’iterabwoba imaze imyaka ihungabanya umutekano waho.

    Hari hitezwe ko zifatanya n’iz’Umuryango w’Ibihugu bya Afurika y’Amajyepfo (SADC) ariko zo zatinze kuhagera zinahageze ntizahita zitangira gutanga ubufasha.

    Dr Akinwumi Adesina, yavuze ko ingabo z’u Rwanda (RDF) zongeye kugarurira Afurika akanyamuneza kubera ibikorwa byazo muri Mozambique

    Nyuma yo gufata Mocímboa da Praia muri Mozambique, ingabo z’u Rwanda zahakajije umutekano

  • Nyagatare : Gitifu w’Umurenge uherutse gufatirwamo Abagorozi bamaze umwaka basengera mu rwuri yahagaritswe #rwanda #RwOT

    Icyemezo cyo guhagaruka mu gihe cy’amezi abiri Umunyamabanga Nshingwabikorwa w’umurenge wa Karangazi cyafashwe mu mpera z’iki Cyumweru twaraye dusoje.

    Gifashwe nyuma y’igihe gito inzego z’umutekano zisanze abaturage bo mu itorero ry’Abagorozi basengera mu rwuri rw’umuturage aho bivugwa ko batangiye kuhasengera muri 2019.

    Umuyobozi w’Akarere ka Nyagatare, Mushabe David Claudian, yemeje ihagarikwa ry’uyu Munyamabanga Nshingwabikorwa w’Umurenge wa Karangazi, avuga ko yahagaritswe kubera kunanirwa gucunga umutekano w’abaturage be.

    Ati 'Nk’uko amategeko abiteganya hafashwe umwanzuro wo kuba tumuhagaritse mu kazi mu gihe cy’amezi abiri kuko hari inshingano ze atabashije kuzuza. Ntabwo yabashije gucunga neza umutekano w’abaturage be, ngirango murabizi ko hari abantu bagaragaye mu murenge we bamaze igihe kinini basenga kandi ntabashe kubikurikirana.'

    Uyu muyobozi w’Akarera ka Nyagatare, yongeye ko kumuhagarika amezi abiri mu kazi aricyo gihano basanze akwiriye, bityo ko agomba kwakira igihano yahawe, kuko bari barabanje kumuganiriza nawe agahabwa umwanya wo kwisobanura nk’uko amategeko abiteganya. Mushabe David Claudian, avuga ko ku muhagarika ari ukugira ngo akosore.

    Ati 'ntago twamuhagarika tutamuganirije ngo ahabwe umwanya wo kwisobanura kuko niko amategeko abiteganya. Guhana umuntu ntakindi tuba tugamije ni ukugirango akosore.'

    Uyu Munyamabanga Nshingwabikorwa w’umurenge wa Karangazi wahagaritswe amezi abiri, agomba kuyamara adahembwa.

    Umukozi ushinze imari n’ubutegetsi mu Murenge wa Karangazi ni we wahawe gusigarana inshingano mu gihe adahari.

    Uyu mwanzuro wo kumuhagarika uje nyuma y’uko Umuyobozi w’Intara y’Iburasirazuba, CG Gasana Emmanuel, asuye Akarere ka Nyagatere mu mpera z’iki Cyumweru agakomoza ku bantu 19 basengera mu itorero ry’Abagorozi rigizwe nabiyomoye ku Badivantisiti b’umunsi wa Karindwi bafatiwe mu rwuri rw’umuturage bari bamazemo umwaka urenga basengeramo, akavuga ko kutabimenya ari intege nkeya no kutita ku bintu.

    Tariki ya 24 Nyakanga 2021, nibwo Polisi yo mu Karere ka Nyagatare yafashe abagorozi 19 bari mu rwuri bamazemo igihe basenga ruherereye mu Mudugudu wa Karuhoza, Akagari ka Mbare mu Murenge wa Nyagatare. Aho bose babaga mu ihema rimwe ryari mu rwuri rw’umuturage bamazemo umwaka urenga.

    Source : http://www.ukwezi.rw/mu-rwanda/Amakuru-anyuranye/article/Nyagatare-Gitifu-w-Umurenge-uherutse-gufatirwamo-Abagorozi-bamaze-umwaka-basengera-mu-rwuri-yahagaritswe

  • Eric Nshimiyimana yavuze ku bakinnyi be 6 batarasanga abandi mu mwiherero #rwanda #RwOT

    Umutoza w’ikipe ya AS Kigali, Eic Nshimiyimana yavuze ko abakinnyi be batandatu batarasanga abandi mu mwiherero bose azi aho ariko iki cyumweru kirangira nabo baje.

    Mu cyumweru gishize nibwo AS Kigali yatangiye imyitozo yitegura imikino Nyafurika ya CAF Confederations Cup izahagarariramo u Rwanda.

    Iyi kipe yatangiye imyitozo idafite abakinnyi bayo 6 barimo Haruna Niyonzima, Kwizera Pierrot, Shabani Hussein Tchabalala, Robert Saba, Kakule Mugheni Fabrice na Rukundo Denis.

    Eric Nshimiyimana agaruka kuri aba bakinnyi yavuze ko nk’ikipe bazi aho bari kandi ntawanze kwitabira k’ubushake, iki cyumweru bose baraba bahageze.

    Ati “hari Saba uri hanze utaraza, abandi twari kumwe bagiye mu biruhuko nka Tchabalala na Pierrot bazaza muri iki cyumweru(twatangiye), Haruna na we azaza muri iyi weekend nibwo azagera mu Rwanda(y’ejo hashize), Rukundo(Denis) na we ashobora kuza ku wa Mbere. Abandi bose baraje uretse abo 6 ariko nabo tuzi aho bari.”

    Agaruka k’urwego yasanzeho abakinnyi be, Eric Nshimiyimana avuga ko nyuma y’igihe bari mu biruhuko yasanze batariyongereye ibiro cyane ndetse yizeye ko mu minsi ya vuba bazaba bameze neza bose.

    Tariki ya 15 Kanama 2021 nibwo hazaba tombola y’uburyo amakipe azahura mu mikino nyafurika izaba, ni nabwo hazamenyekana ikipe AS Kigali bazahura.

    Haruna Niyonzima ategerejwe muri AS Kigali

    Rukundo Denis yakinaga muri Uganda mu ikipe ya Police FC

    Kakule Mugheni Fabrice na we yamaze kuba umukinnyi wa AS Kigali

    Tchabalala aracyari mu biruhuko i Burundi

    Kwizera Pierrot na we aracyari mu biruhuko

    Saba Robert na we ategerejwe i Kigali

    Source : http://isimbi.rw/siporo/article/eric-nshimiyimana-yavuze-ku-bakinnyi-be-6-batarasanga-abandi-mu-mwiherero

  • Source : https://agakiza.org/????-LIVE-IGITARAMO-27-KWITOZA-Kubaha-Imana-Ev-Claudine-8274-8274-8274-8274-8274-8274-8274-8274-8274-8274-8274-8274-8274-8274-8274-8274-8274-8274-8274-8274-8274-8274.html

  • Platini P yateguje indirimbo idasanzwe iri… – #rwanda #RwOT

    Platini P yahagurutse ava mu gihugu cy'u Rwanda yerecyeza mu gihugu cya Nigeria mu minsi micye ishize. Muri iki gihugu yagiye asangayo inshuti ye 'magara ntunsige' yitwa Isimbi Alliance wamamaye mu ruhando rwa filimi nyarwanda nyuma akaza kubengukwa n'imwe muri kompanyi zikomeye mu myidagaduro, ya 'One Percent Managers'. Iyi kompanyi, ni nayo yabengutse umunyamuziki Platini P, wahoze akorera mu itsinda ryakunzwe n'abatari bacye rya Dream Boyz.

    Ubwo Platini P yerecyezaga muri Nigeria, yavuze ko agiye yo mu rugendo rw'ibyumweru bibiri, impamvu yatangaje ko ari impamvu z'akazi, byaje kurangira ari ugusinya amasezerano yo gufashwa mu muziki nk'uko yari yarabitangaje.

    Mu masaha macye, Platini abinyujije ku rukuta rwe rwa Instagram, yemeje ko kuwa 16 Kanama azashyira hanze indirimbo n'ubwo yakoresheje imvugo isa n'izimije agira ati: 'Kuwa 16 Kanama ni umunsi mpuzamahanga w'indirimbo narohamyemo  mu rukundo nayo.'

    Ariko mu by’ukuri akaba ntakindi yashakaga guhishura 'uretse kwemeza bimwe mubyo yari yavuze agenda' ko byamushobokeye akaba kuwa 16 Kanama 'azashyira hanze indirimbo yakunze' kandi yizera ko izaryohera abakunzi b’umuziki, yifashije ifoto nziza yicaye ku modoka y’umukara.Yambaye mu buryo bwe budasanzwe dore ko ahorana udushya mu bijyanye n’imyambarirePlatini P ubwo yavaga mu Rwanda mu minsi itandatu ishizeIsimbi Alliance, Ambasaderi Stanislas Kamanzi na Platini PUbutumwa bwa Platini P buteguza indirimbo yavuze ko izandika amateka mu rwego mpuzamahanga nawe yakunze bidasanzwe

    Source : https://inyarwanda.com/inkuru/108414/platini-p-yateguje-indirimbo-idasanzwe-iri-ku-rwego-mpuzamahanga-yakoreye-nigeria-108414.html

  • Umupasiteri yareze mu nkiko umugore we amushinja ko yavuze ko afite igitsina gito #rwanda #RwOT

    Uyu mugabo yabwiye urukiko ko umugore we ahora abwira bagenzi be ko afite igitsina gito kitagira icyo kimumarira mu gutera akabariro.

    Ikinyamakuru Zambian Observer dukesha iyi nkuru,cyavuze ko uyu mupasiteri yabwiye urukiko rwa Chifubu ko ashaka gutandukana n'uyu mugore we kubera aya magambo yo kumusebya.

    Ati 'Yambwiye ko yicuza kuba yaremeye ko dushyingiranwa kuko ntazi gutera akabariro.Nyiricyubahiro,igitsina cyanjye gifite ikibazo,iyo hari ubukonje numvamo uburibwe.Nyuma yo kuvuga ayo magambo nahise mwirukana mwohereza iwabo muri Congo.'

    Pasiteri yavuze ko byose byari bimeze neza mu rugo rwabo batarimuka ngo bave ahitwa Luanshya berekeza I Ndola.

    Uyu mugore wa pasiteri yabwiye urukiko ko umugabo we akunda abagore cyane ndetse ko akunze kumuhohotera iyo amubwiye ku bushobozi bwe buke mu gutera akabariro.

    Uyu mugore avuga ko iyo babonye umukozi,uyu mupasiteri amusambanya ndetse ko anamuherekeza iyo yirukanwe.

    Source : https://umuryango.rw/ubuzima-115/udushya/article/umupasiteri-yareze-mu-nkiko-umugore-we-amushinja-ko-yavuze-ko-afite-igitsina

  • Indirimbo ya Buravan iri mu 10 zikunzwe kuri… – #rwanda #RwOT

    Tariki 19 Nyakanga 2021, nibwo Nasibu Abdul Juma Issack [Diamond] yasohoye indirimbo 'Iyo' yakoranye n'abaraperi bo muri Afurika y'Epfo aribo Focalistic, Ntosh Gazi ndetse n'itsinda Mapara Jazz. Kuri ubu, iyi ndirimbo imaze kurebwa n'abantu barenga miliyoni 4.

    Iri imbere y'indirimbo zasohokeye rimwe, bigaragazwa n'intonde iyoboye. Irakunzwe, ndetse ibitekerezo by'abamaze kuyumva no kuyireba mu bitangazamakuru bitandukanye bavuga ko ifite umudiho ugera ku ngoma z'amatwi.

    Diamond ni umwe mu bahanzi bazwiho gukorana indirimbo n'abandi bahanzi, cyane cyane abo muri Afurika. Asohora iyi ndirimbo, yavuze ko yizerera mu bumwe n'amahoro, kandi ko umuziki ari imwe mu nkingi zihuza abantu bo mu bihugu bitandukanye bafite imico itandukanye.

    Avuga ko ariyo mpamvu yahisemo gukorana indirimbo n' 'abavandimwe' bo muri Afurika y'Epfo 'kugira ngo nshishikarize abantu gukomeza guharanira ubumwe n'amahoro'.

    Ku rutonde rwa Radio Mpuzamahanga y’Abafaransa RFI, 'Iyo' iri ku mwanya wa mbere, ikurikiwe na 'Sorry' ya Lefa na Tayc, 'Chini juu' ya King 88 na Young Lunya, 'Contigo' ya Vanilla na Kiko Goldenboy, 'Balance' ya Paulo Chakal na Kadja, 'Your man' ya Dram T.

    Hari kandi 'My everything' ya Dashan a Pompis, 'Paloma' ya Mr. P, 'Belle Epoque' ndetse na 'Ye ayee' ya Buravan. 

    Iyi ndirimbo 'Ye ayee' iri kuri Album nshya Buravan yitegura gushyira hanze.

    Iyi Album iriho indirimbo enye yakoze mu muziki ugezweho uvanzemo n'umwimerere w'umuziki Nyarwanda.

    Iyi njyana yatangije izumvikana mu ndirimbo enye ziri kuri Album ye. Yiteze ko izafasha umuziki w’u Rwanda kurenga imbibi. Iyi njyana inumvikana mu ndirimbo ye 'Ye ayee' iri ku rutonde rwa RFI.

    Iyi Album ageze kure ategura, izaba ibaye iya kabiri asohoye nyuma ya 'The Love Lab' yamurikiye muri Kigali Conference & Exhibition Village, tariki 1 Ukuboza 2018.

    Indirimbo ya Buravan iri ku mwanya wa 10 ku rutonde rwa RFI ruyobowe n'iya Diamond

    Diamond yavuze ko yakoranye indirimbo 'Iyo' n'abahanzi bo muri Afurika y'Epfo kugira ngo ashishikarize abantu kuramba ku bumwe n'amahoro

     


    Indirimbo 'Iyo' Diamond yakoranye n'abaraperi bo muri Afurika y'Epfo Focalistic, Ntosh Gazi ndetse n'itsinda Mapara Jazz ikomeje guca ibintu

    KANDA HANO UREBE AMASHUSHO Y'INDIRIMBO 'YE AYEE' YA BURAVAN

    “>

    KANDA HANO UREBE INDIRIMBO 'IYO' YA DIAMOND,FOCALISTIC, NTOSH GAZI NA MAPARA JAZ

    “>

    Source : https://inyarwanda.com/inkuru/108415/indirimbo-ya-buravan-iri-mu-10-zikunzwe-kuri-rfi-ziyobowe-niya-diamond-108415.html

  • Source : https://agakiza.org/????-LIVE-IGITARAMO-27-KWITOZA-Kubaha-Imana-Ev-Claudine-8274-8274-8274-8274-8274-8274-8274.html