Webrwanda Backend

Author: webrwanda

  • PSG yamaze kwemeza umukinnyi izasimbuza Kylian Mbappe ugiye kuyicika #rwanda #RwOT

    PSG yamaze kwemera kurekura Kylian Mbappe usigaje umwaka umwe w'amasezerano aho yifuza kumusimbuza uyu Richarlison nawe ukomeje kwigaragaza mu Bwongereza.

    Kylian Mbappe w'imyaka 22 yamaze kubwira PSG ko nta gahunda afite yo kongera amasezerano ahubwo yifuza kwigira muri Real Madrid afana.

    Mbappe uheruka kuvugirizwa induru n'abafana ba PSG kubera ko yanze kugumana nabo,yitwaye neza mu mwaka w'imikino ushize ariko ntabwo ashaka guhanganira ishema na Neymar Jr na Lionel Messi.

    Umunyamakuru wa RMC sport witwa Hadrien Grenier yatangaje ko PSG yamaze kuvugana n'abahagarariye Richarlison kugira ngo bayifashe kumuzana ku kibuga Parc des Princes gusimbura Mbappe.

    Uyu muhungu w'imyaka 24 n'inshuti ya hafi ya Neymar Jr bahurira mu ikipe ya Brazil ndetse biravugwa ko nawe atakwitesha amahirwe yo gukina mu ikipe y'ubukombe nka PSG.

    Uyu musore yari mu ikipe ya Brazil yatwaye umudali wa zahabu mu mikino Olimpike batsinze Espagne ibitego 2-1 ndetse ari mu bakinnyi Brazil igenderaho kuko yanayigejeje ku mukino wa nyuma wa Copa America.

    Nyuma y'aho umutoza Carlo Ancelotti agiriye muri Real Madrid,ngo Richarlison ntiyishimiye gukorana na Benitez ariyo mpamvu byakoroha kuba yakwerekeza muri PSG igihe yaba imushatse.

    Amakuru avuga ko uyu munya Brazil na James Rodriguez bashaka kwigendera kubera kudashaka gukorana na Benitez.

    Richarlison yerekeje muri PSG yaba abaye umukinnyi wa 6 isinyishije nyuma ya Lionel Messi, Sergio Ramos, Gianluigi Donnarumma, Gini Wijnaldum na Achraf Hakimi.


    Richarlison ashobora kwerekeza muri PSG

    Source : https://umuryango.rw/imyidagaduro/imikino/article/psg-yamaze-kwemeza-umukinnyi-izasimbuza-kylian-mbappe-ugiye-kuyicika

  • Bushayija Pascal agiye gusohora indirimbo ivuga ku byo abato bibeshyaho #Rwanda #RwOT via @kigalitoday #rwanda #RwOT

    Bushayija Pascal agiye guhanura urubyiruko rutavana amaboko mu mifuka
    Bushayija Pascal agiye guhanura urubyiruko rutavana amaboko mu mifuka

    Muri iyo ndirimbo avugamo ubuzima umwana muto acamo bwa gitesi aho abona ko ibintu byose bishoboka, yamara gukura akabona ko nta kintu kizana byose bisaba kubiharanira.

    Yagize ati “Kera nk’iri umwana sinari nzi ko amafaranga ategeka isi, najyaga mbona abantu bagenda mu mamodoka meza abandi bakaba mu mazu ahenze, numvaga ko babibonera ubusa. Gusa naje kubona ko byose biboneka umuntu yagotse”.

    Yongeyeho ati “Aho naciriye akenge nashatse amafaranga ndayaheba, nashatse ishuri ngo nzamere nk’abandi ndaribura, nashatse no kwiba birananira none no gusabiriza simbishoboye, abanduta mungire inama”.

    Iyi ndirimbo agiye gusohoka ngo yayitekereje nyuma yo kubona ko hari urubyiruko ruzi ko ibintu byose bashobora kubibona mu buryo bworoshye, ndetse bamwe bajya mu ngeso mbi kugira ngo bakunde babone amafaranga.

    Ibi ngo ni ubutumwa yifuza guha uwo ari we wese udakura amaboko mu mufuka akibwira ko hari icyo yageraho adakoresheje ubwonko n’amaboko, ko nta kintu cyakwizanira utagiharaniye.

    Bushayija Pascal ni umuhanzi wamenyekanye cyane mu ndirimbo yo hambere yitwa Elina, aza no gukora izindi ndirimbo zikunzwe cyane harimo nka Dina, Nzaririmba, Ndishakira uwanjye, Nyundo n’izindi.


    source : https://ift.tt/3yg9pYe

  • Abemerewe gutaha nyuma ya saa mbiri z'ijoro – YEGOB #rwanda #RwOT

    Kuri uyu wa Kabiri tariki 24 Kamana 2021 nibwo hatangira imikino ya Afrobasket ibera muri Kigali Arena. Kubera ko imwe mu mikino iri buze kuba nyuma ya saa mbiri z'ijoro, Polisi y'U Rwanda yemereye abari bube barebye iyi mikino ko bataha nyuma y'amasaha yagenwe yo gutaha ariyo saa mbiri z'ijoro ariko bakerekana iticye baraba binjiriyeho ubwo barebaga imikino ya Afrobasket kugirango koko bemeze ko bari barimo kureba iyi mikino. Ibi bikubiye mu itangazo FERWABA yashyize hanze ibinyujije ku rukuta rwa Twitter.

    Source : https://yegob.rw/abemerewe-gutaha-nyuma-ya-saa-mbiri-zijoro/

  • Canada: Umunyamideli Nkusi Steve warohamye mu… – #rwanda #RwOT

    Amakuru avuga ko uyu musore yari kumwe n'inshuti ze ku wa gatandatu bari kwishimisha mu bwato, hanyuma aza gusimbuka agiye koga. Ageze mu mazi, ngo bamubonye amerewe nabi, yananiwe koga, bagerageza kumuvanamo ariko biranga.

    Ahagana saa kumi n'ebyiri z'umugoroba zo ku wa gatandatu tariki 21 Kanama 2021, nibwo Polisi yamenyeshejwe iby'aya makuru y'uko hari umusore warohamye mu mazi ihita yihutira gutabara. Hakozwe ubutabazi bukomeye bwo mu mazi gusa birangira umurambo we ubuze kugeza n'ubu.

    Nkusi Steve yitabye Imana afite imyaka 24

    Polisi yo muri Canada mu Mujyi wa Niagra niyo iri gushakisha uyu musore w'umunyamideli ukomoka mu Rwanda, witwa Nkusi Steve, warohamye mu mazi y'ahitwa Sunset Beach mu gace ka St. Catharines.

    Urupfu rwa Nkusi rwashenguye abantu benshi yaba inshuti ze n'umuryango we.

    N'ubwo ibikorwa byo gushakisha umubiri we bigikomeje, Polisi yamaze gushyiraho nimero ku buryo uwawubona yakwihutira guhita ayimenyesha.

    Sandrine Mugeni, mushiki wa Nkusi nawe wihutiye kugera ahabereye iyi mpanuka, yabwiye CHCH News ko uyu musore yari afite imyaka 24. Ati 'Mu muryango wacu wasangaga buri wese amukunda, yakundwaga n'abantu benshi.'

    Nkusi Steve yari umuhanga mu kwiruka

    Mushiki wa Nkusi yahishuye ko uyu musore wakundaga gufasha abatishoboye yari afite umushinga wo kubakira imfubyi mu Rwanda.

    Nkusi Steve yari umusore umurika imideli wabarizwaga muri 'Angie's models' ikorera Ottawa muri Canada.

    Nkusi Steve yari umuhanga mu gusimbuka urukiramende

    Usibye kumurika imideli, uyu musore yari n'umuhanga mu bijyanye no kwiruka ndetse n'umukino wo gusimbuka.

    Uyu mwaka yitabyemo Imana, ni nawo yari arangijemo amashuri ye ya kaminuza mu bijyanye n'icungamutungo.

    Nkusi Steve yitabye Imana yari aherutse kurangiza kaminuza

    Nkusi Steve yari umunyamideli wabigize umwuga

    Ubutumwa Angie’s Models yageneye umuryango we

    IKIGANIRO SANDRINE MUGENI MUSHIKI WA NKUSI YAGIRANYE NA CHCH NEWS

    Imana ikomeze umuryango we, umuryango wa InyaRwanda wifurije Nkusi Steve iruhuko ridashira

    Source : https://inyarwanda.com/inkuru/108884/canada-umunyamideli-nkusi-steve-warohamye-mu-mazi-urupfu-rwe-rwashenguye-imitima-ya-benshi-108884.html

  • Jules Sentore, Davis D na Dream Team Djs bara… – #rwanda #RwOT

    U Rwanda rurakira Igikombe cya Afurika cya Basketball mu bagabo kigiye kuba ku nshuro ya 30. U Rwanda ruri mu itsinda A hamwe na Repubulika Iharanira Demokarasi ya Congo, Angola na Cap-Vert.

    Mu birori biteganyijwe byo gufungura iyi mikino ya Afrobasket 2021, biteganyijwe ko abahanzi nyarwanda barimo Jules Sentore, Davis D n'aba Djs bamenyerewe mu Rwanda barimo Dj Marnaud, Dj Toxxyk na Dj Jullz aribo baza gususurutsa abari bwitabire ibi birori.

    Umuhanzi Jules Sentore, umwa mu bari bususurutse abantu mu birori bifungura iyi mikino, yararikiye abafana be ko yiteguye neza ababwira ko bahura kuri uyu mugoroba bagatarama bigatinda.

    Jules Sentore yerekanye ko yiteguye neza

    Umuhanzi Davis D nawe uri bususurutse abantu mu birori byo gufungura iyi mikino, abinyujije kuri konti ye ya Instagram, yabwiye abakunzi be ko yishimiye kongera guhura n'abafana be ababaza indirimbo bifuza ko yabaririmbira.

    Ubutumwa bwa Davis D abaza abakunzi be indirimbo bashaka

    Afrobasket 2021 igiye kubera mu Rwanda, ni irushanwa rihanzwe amaso n'Isi yose cyane ko ibihugu bya Afurika bizwi muri uyu mukino w'intoki bizaba bicakiranira muri Kigali Arena, ndetse binaca ahantu hose ku mbuga nkoranyambaga.

    Abategura iri rushanwa rigiye kubera mu Rwanda kuva tariki ya 24 Kanama kugeza ku wa 5 Nzeri 2021, baherutse gutangaza ko abafana bipimishije kandi bafite ibisubizo byerekana ko batarwaye COVID-19, bemerewe kureba imikino muri Kigali Arena.

    Jules Sentore ni umwe mu barasusurutsa abantu kuri uyu mugoroba

    U Rwanda ruzakira Igikombe cya Afurika cya Basketball mu bagabo kigiye kuba ku nshuro ya 30, ruri mu itsinda A hamwe na Repubulika Iharanira Demokarasi ya Congo, Angola na Cap-Vert.

    Itike yo mu myanya y'icyubahiro (VIP) izajya igura ibihumbi 15 Frw (15$). Imyanya yo mu cyicaro cyo hasi izajya yishyurwa ibihumbi 10 Frw (10$) mu gihe iyo hejuru izaba ari 7000 Frw (7$).

    Dj Toxxyk nawe arahabaye

    Ibi biciro byose birebana n'imikino izajya iba ku munsi ndetse birimo n'ikiguzi cy'igipimo cya COVID-19 ku bifuza gupimirwa kuri Stade Amahoro i Remera.

    Umukino wa mbere w'u Rwanda uteganyijwe kuri uyu wa Kabiri tariki ya 24 Kanama 2021, aho rurahura na Repubulika ya Demokarasi ya Congo guhera saa Kumi n'ebyiri z'umugoroba.

    Dj Marnaurd ubarizwa muri Dream Team Djs araba ahari kuri uyu mugoroba

    Ikipe y'Igihugu izasubira mu kibuga ku wa Kane ikina na Angola mu gihe izasoreza kuri Cap-Vert ku wa Gatandatu, tariki ya 28 Kanama 2021.

    Kuva tariki ya 24 kugeza ku ya 29 Kanama 2021, hazajya haba imikino ine ku munsi. Amatike yo kureba iyi mikino agurwa hifashishijwe ikoranabuhanga ku rubuga rwa ticqet.rw

    Dj Julzz wo muri Dream Team Djs

    Source : https://inyarwanda.com/inkuru/108882/jules-sentore-davis-d-na-dream-team-djs-nibo-barasusurutsa-abaritabira-ibirori-byo-gufungu-108882.html

  • Jose Chameleone yabwiye amagambo akomeye Nyin… – #rwanda #RwOT

    Jose Chameleone mu butumwa yanyujije kuri Twitter, yabwiye nyina umurwaje amagambo akomeye ati: 'Wakoze mama, urukundo rwawe rurigaragaza. Ntiwigeze uva k'ukuri! Nzakura nkomeye kandi nkwigiraho Imana iguhe kuramba'. 

    Source : https://inyarwanda.com/inkuru/108888/jose-chameleone-yabwiye-amagambo-akomeye-nyina-umurwaje-108888.html

  • Ethiopia igiye gushinga imbuga nkoranyambaga zayo nyuma yo kunenga Facebook, Twitter na WhatsApp #Rwanda #RwOT via @kigalitoday #rwanda #RwOT

    Ethiopia ivuga ko iteganya gutangiza umushinga wo kwihangira imbuga nkoranyambaga zayo nyuma yo gushinja amasosiyete mpuzamahanga nka Facebook, Twitter, WhatsApp na Zoom kuba akora nabi agakorera ngo cyane mu nyungu z’ibihugu ibi bigo biba biturukamo mu gusenya umudendezo n’ituze by’ibindi bihugu.

    Umuyobozi w’ikigo cya Leta gishinzwe umutekano kuri murandasi no gutangaza amakuru, Shumete Gizaw, yatangarije itangazamakuru ryo mu gihugu cya Ethiopia ko Facebook na Twitter cyane cyane byahindutse ibikoresho by’abanyapolitiki usanga kenshi baharanira inyungu zabo gusa bitwaje ko bahirimbanira rubanda.

    Bwana Shumete yamaganaga kuba hari konti zimwe zafunzwe zitagakwiye gufungwa burundu, izindi zirahagarikwa.

    Avuga kuri ibi bigo, ngo hari amakonti bifunga byose abihera ku kuba mbere y’amatora yo muri Kamena, Facebook yavuze ko yafunze icyo yise urusobe cyangwa ihuriro rya za konti nyinshi kandi mpimbano zahujwe n’ikigo cya Leta gishinzwe gukurikirana itumanaho na interineti. Iki kigo cyikaba cyari cyaragiye ngo kizifungura zigamije gushyigikira Leta muri ibi bikorwa.

    Uretse gusimbuza imbuga nkoranyambaga nka Facebook na Twitter, Shumete yavuze kandi ko Ethiyopia irimo gutegura urubuga rukomeye ishobora gusimbuza porogaramu cyangwa ikoranabuhanga ryamenyekanye cyane mu kohererezanya ubutumwa ari ryo rya WhatsApp hamwe n’irindi koranabuhanga rikoreshwa mu nama nyinshi z’iyakure ryitwa Zoom.

    source : https://ift.tt/3DdWGsY

  • Umusore ukekwaho kwica nyina yafatiwe i Musanze #Rwanda #RwOT via @kigalitoday #rwanda #RwOT

    Ku wa Mbere tariki 23 Kanama 2021, nibwo umubyeyi w’uyu musore witwa Nyiratabaro Virginie, wari utuye mu Karere ka Gakenke, yasanzwe yapfuye, bikekwa ko yishwe n’umuhungu we Twambazimana, wahise atoroka.

    Amakuru y’urupfu rw’uwo mubyeyi, akimara kumenyekana, inzego zitandukanye zirimo n’izishinzwe umutekano, zihutiye gushakisha uwo musore, atahurwa kuri uyu wa Kabiri tariki 24 Kanama 2021 mu Mudugudu wa Nduruma, Akagari ka Kigombe, Umurenge wa Muhoza mu Karere ka Musanze.

    Byemejewe n’Umuvugizi w’Urwego rw’Igihugu rw’Ubugenzacyaha RIB Dr Murangira B. Thierry wagize ati: “Ni byo koko Twambazimana yafatiwe mu Karere ka Musanze. Akekwaho kwica umubyeyi we wari utuye mu Gakenke, ari na ho icyaha cyabereye. Agomba guhita ajyanwa mu Karere ka Gakenke kugira ngo akorweho iperereza, hanamenyekane impamvu yaba yabimuteye, tukazayimenya amaze kubazwa”.

    Dr Murangira yibutsa abantu bose ko kizira kwica umuntu kandi ari icyaha gihanwa n’amategeko. Yagize ati: “Kwica ni bibi. Amakimbirane abantu bagirana aganisha ku rupfu, ni ishyano. Icyo tubwira urubyiruko n’abandi bantu bose, baba abashakanye n’abakiri ingaragu, ni uko kwica umuntu, icyo byaba byaturutseho cyose ni icyaha gihanwa n’amategeko. Ugihamijwe ahanishwa igihano cyo gufungwa burundu. Inama tujya, ni uko abantu birinda amakimbirane hagati yabo, bakajya bayakemura hakiri kare, byaba bigoranye, bakegera inzego zibari hafi harimo na RIB ikabafasha, aho kugira ngo ayo makimbirane agere aho abyara ibikorwa bigayitse byo kwihorera, kurwana cyangwa ubwicanyi”.

    Twambazimana yabanaga n’umubyeyi we(akekwaho kwica) mu Mudugudu wa Kirabo, Umurenge wa Busengo mu Karere ka Gakenke.

    source : https://ift.tt/3B7SQQ7

  • Igisupusupu yagarutse mu rukiko asabirwa kuguma muri gereza #rwanda #RwOT

    Ubushinjacyaha bwabisabye mu rubanza rw’ubujurire bwa Nsengiyumva Francois wajurirye icyemezo cyo gufungwa by’agateganyo iminsi 30 yafatiwe n’Urukiko rw’Ibanze rwa Kiramuruzi.

    Uru rubanza rwabaye hifashishijwe ikoranabuhanga, inteko y’urukiko n’Ubushinjacyaha bari ku cyicaro cy’Urukio Rwisumbuye rwa Nyagatare mu gihe Nsengiyumva Francois yari kuri Gereza ya Rwamagana aho afungiye naho Umwunganira mu mategeko Me Nizeyimana Boniface we yari mu biro bye ku Kacyiru.

    Nsengiyumva Francois wahawe umwanya ngo asobanure impamvu z’ubujurire bwe, yabwiye Urukiko ko nk’uko yabivuze aburana ifunga n’ifungurwa mu rukiko rw’Ibanze rwa Kiramuruzi, atemera icyaha.

    Uyu muhanzi utavuze byinshi, yagize ati 'Ntabwo nemera icyaha nkekwaho n’Ubushinjacyaha cyo gufata umwana ku ngufu ahubwo najururiye Nyagatare kuko nkeneye Ubutabera kandi ndabwizeye.'

    Me Nizeyeimana Boniface wunganira uregwa, yabwiye Urukikiko ko umukiriya we arengana ko kandi Urukiko rutashingira ku batangabuhamya batanzwe n’ubushinjcyaha kuko ubuhamya bwabwo babubuze.

    Me Nizeyimana wagarutse kuri Raporo ya muganga yagaragaje ko umukobwa uvugwaho gusambanywa basanze arwaye indwara zandurira mu mibonano mpuzabitsina zisanzwe zifitwe na Nsengiyumva.

    Uyu munyamategeko wavugaga ko Nsengiyumva yafashwe uwo mwana ahamaze iminsi ibiri gusa, ati 'Ntabwo byumvikana ukuntu umuntu yamara ahantu iminsi ibiri agahita yandura indwara zandurira mu mibonano mpuzabitsina.'

    Ubushinjacyaha bwahawe Umwanya ngo bugire icyo buvuga ku byavuzwe n’uruhande rw’uregwa, buvuga bitewe n’uburemere bw’icyaha gikekwa kuri Nsengiyumva kandi bukaba bugikora iperereza, yakomeza gufungwa by’agateganyo.

    Urukiko rumaze kumva impande zombi rwanzuye ko icyemezo kuri ubu bujurire kizasomwa tariki 26 Kanama 2021.

    UKWEZI.RW

    Source : http://www.ukwezi.rw/mu-rwanda/Amakuru-anyuranye/Igisupusupu-yagarutse-mu-rukiko-asabirwa-kuguma-muri-gereza

  • Abafana ba Arsenal bakoreye urugomo umutoza Arteta ukomeje kwitwara nabi #rwanda #RwOT

    Mu mashusho yakwirakwijwe ku mbuga nkoranyambaga,umutoza Arteta yazengurutswe n'aba bafana bari bariye karungu baramutuka karahava.

    Aba bafana bumvikanye bari gusaba uyu mutoza kubavira mu ikipe kuko ayigejeje habi hashoboka.Arsenal iri ku mwanya wa 19 n'umwenda w'ibitego 4 ndetse nta nota cyangwa igitego irabona.

    Ku cyumweru,nibwo Arsenal yatsinzwe ku mukino w'umunsi wa 2 wa Premier League na Chelsea ibitego 2-0 bya Romelu Lukaku na Reece James.

    Nu ubwa mbere mu myaka 118,Arsenal irangije imikino 2 ya shampiyona itsinzwe ndetse itinjije igitego ariyo mpamvu bamwe mu bafana bari ku kibuga bavugirije induru abakinnyi.

    Aba bafana bakimara kuzenguruka imodoka ya Arteta baramubwiye bati 'Tugirire impuhwe wegure.'

    Abashinzwe umutekano bahise bahagera birukana aba bafana bafasha Arteta gutaha mu rugo.

    Icyakora,Arteta ntiyigeze asubiza aba bafana bari barakaye ahubwo yakoresheje ihoni kugira ngo bave mu nzira bamureke atahe.

    Uwashyize hanze ayo mafoto yanditseho ati 'Uyu musaruro ntabwo ari mwiza.'Iyi videwo yahise irebwa n'abantu 9,000 mu gihe gito hanyuma abandi 700 batanga ubutumwa.

    Umwe mu barebye iyi videwo yagize ati 'Bakoze neza Arteta nagende.'Icyakora abandi bavuze ko Arteta akwiriye kwirukanwa ariko bidakwiriye ko asagarirwa n'abafana kuri ruriya rwego.

    Source : https://umuryango.rw/imyidagaduro/imikino/article/abafana-ba-arsenal-bakoreye-urugomo-umutoza-arteta-ukomeje-kwitwara-nabi