Webrwanda Backend

Author: webrwanda

  • Umukecuru ukundana bidasanzwe n'inguge y'ingabo yahawe isomo. – YEGOB #rwanda #RwOT

    Nyuma yaho uyu mukecuru witwa Adie Timmermans w'imyaka 86 amaze igihe agirana umubano udasanzwe ningagi y'ingabo kuri ubu yahagaritswe gusura icyanya cy'inyamaswa cya Antwerp mu Bubiligi.

    Ikinyamakuru TMZ cyatangaje ko buri cyumweru Timmermans yasuraga icyo cyanya agiye kureba iyo nguge yiswe Chita, bakagaragarizanya amarangamutima y'urukundo arimo gusomana no gukoranaho ku misatsi.

    Ubuyobozi bw'iyo nzu bwavuze ko bidakwiriye kuko hari impungenge z'uko iyi nyamaswa yahindura imyitwarire ikaba nk'ibana n'abantu cyane kurusha uko yaguma uko iri. Ikindi cyari gihangayikishije ngo ni uko iyo myitwarire ishobora kuyigisha zigenzi zayo.

    Timmermans amaze guhagarikwa kongera kuyisura yasutse amarira, yibaza uko atazongera gusura iki cyanya mu gihe bagenzi be bazakomeza kuyikora, abwira itangazamakuru ko yari imufatiye runini mu buzima bwe.

    Source : https://yegob.rw/umukecuru-ukundana-bidasanzwe-ninguge-yingabo-yahawe-isomo/

  • Real Madrid igiye gutwara PSG rutahizamu Kylian Mbappe yari ikomeyeho cyane #rwanda #RwOT

    Ikipe ya Real Madrid itajya ibura umukinnyi yifuza,yamaze gutera intambwe ishimishije mu rugamba rwo kwegukana Kylian Mbappe kuko kubera akayabo yasutse ku meza ya PSG byatumye yemera ko baganira.

    Mu ijoro ryakeye nibwo amakuru yavuze ko Real Madrid yashyize ku meza ya PSG miliyoni 137 z'amapawundi kuri uyu rutahizamu w'imyaka 22 usigaje umwaka w'amasezerano.

    Abayobozi ba PSG barangajwe imbere na Perezida Nasser Al-Khelaifi bagiye batangaza ko Kylian Mbappe ntaho azajya ariko uyu mukinnyi yanze kongera amasezerano nubwo bamwegereye inshuro 3 zose bamuha umushahara mwiza n'agahimbazamusyi gahanitse.

    Mbappe wakuze afana Real Madrid ndetse akaba afite inzozi zo kuzayikinira,yanze byose PSG yamuhaye ndetse agerekaho no kwanga gukinana na Neymar Jr na Messi kugira ngo yigire i Madrid.

    PSG yanze kariya kayabo ka mbere Real Madrid yatanze aho yifuza ko ariya miliyoni 137 bayongeraho izindi 34 hanyuma bakamurekura.

    Mbappe wagiye muri PSG aguzwe miliyoni 166 avuye muri AS Monaco,arifuzwamo miliyoni £171 kandi nta masezerano akanganye afite ibintu byatumye benshi bacika ururondogoro.

    Real Madrid imyaka idashora amafaranga menshi ku isoko,irashaka kugura Mbappe kugira ngo yongere kugira ubusatirizi bukomeye cyane ko Benzema wenyine adahagije.

    Umutoza wa PSG,Mauricio Pochettino yari afite inzozi zo gukoresha Mbappe, Neymar na Lionel Messi ku busatirizi ariko bishobora kutamukundira kuko ikinyamakuru L'Equipe gitangaza ko iyi kipe yo mu Bufaransa yiteguye kurekura Mbappe igihe Real Madrid yaba yishyuye amafaranga ahagije.

    Hari andi makuru avuga ko PSG iri gushaka kuganira bwa nyuma na Mbappe kugira ngo ayigumemo gusa ukuri guhari nuko uyu nta gahunda afite yo kongera amasezerano.

    Real Madrid yazanye umukinnyi umwe David Alaba ku buntu imukuye muri Bayern Munich, hanyuma igurisha Martin Odegaard muri Arsenal na Raphael Varane muri Manchester United bombi kuri miliyoni £72.

    Amakuru aravuga ko umuyobozi wa siporo wa PSG,Leonardo yiteguye kurekura Kylian Mbappe kuko yaberetse ko nta gahunda afite yo gusinya amasezerano.

    Yagize ati “Kylian Mbappé arashaka kujya Real Madrid kandi ntizamubuza.Twanze amafaranga ya mbere ya Real Madrid ariko ibyo dushaka nibigerwaho tuzareba.

    Real madrid yaradusuzuguye,ikora ibidakwiriye,yica amategeko.Ntabwo tuzemera miliyoni 160 z'amayero.Nibiba ngombwa ko agenda bizaba ari uko tubishatse.

    Nta gahunda dufite yo kuvugana na Real Madrid,ese izuzuza ibyo tuyisaba?,ntabwo mbizi.Nzi ibyo ndi kuvuga ku myitwarire mibi ya Real Madrid.Imaze imyaka 2 ishka Mbappe, ivugana na buri wese,umuryango we…Ntabwo twigeze dufungura umuryango wo kurekura Mbappe……..”


    Mbappe ni ingirakamaro kuri PSG ariko yanze kuyongerera amasezerano

    Source : https://umuryango.rw/imyidagaduro/imikino/article/real-madrid-igiye-gutwara-psg-rutahizamu-kylian-mbappe-yari-ikomeyeho-cyane

  • Ibintu 5 utamenye Yesu aha abamukunda #rwanda #RwOT

    Nuko Dawidi amaze kuvugana na Sawuli, umutima wa Yonatani uherako uba agati gakubiranye n’uwa Dawidi, kandi Yonatani akamukunda nk’uko yikunda.Maze uwo munsi Sawuli ajyana Dawidi iwe, ntiyamukundira gusubira kwa se ukundi.Bukeye Yonatani na Dawidi basezerana isezerano, kuko yari amukunze nk’uko yikunze. (1 Samweli 18:10-4)

    Muri iyi nkuru yo muri Bibiliya dusangamo Dawidi, Yonatani umuhungu we na Dawidi. Reka Dawidi tumugire twebwe, Yonatani tumugire Yesu, Sawuli we ashobora kuba ahagarariye Satani. Urukundo rwa Dawidi na Yonatani ruratangaje rwakabaye rugereranywa n’urwo dukunda Yesu. Akenshi tubwira Yesu ko tumukunda cyane, ariko iyo tugeze mu bikorwa usanga atari ko bimeze.Mubyukuri urukundo si amagambo gusa, urukundo ni amagambo avanze n’ibikorwa.

    Bibiliya iravuga ngo Yonatani yahaye Dawidi ibintu 5 bikurikira:

    1. Umwitero:

    Umwitero usobanuye impano z’Imana. Mugihe cya Eliya na Elisa muribuka ko Eliya yahaye Elisa umwitero Umwuka w’Imana ahita amuzaho. Yesu yaravuze ngo muzahabwa imbaraga Umwuka Wera nabamanukira kandi muzaba abagabo bo kumpamya. Ikintu kigaragaza ko wahawe Umwuka Wera ni uko uzaba ukundisha Imana umutima wawe wose n’ubwenge bwawe bwose n’imbaraga zawe zose. Ikindi ni imbaraga ushyira mu kwezwa no kwihana.

    2. Umwambaro

    Umwambaro usobanuye gukiranuka.Yesu iyo umwakiriye akwigisha gukiranuka ku gato no ku kanini, kandi bizakubera umugisha niwiga kubaho ubuzima bwo gukiranuka. Ikintu kikumenyesha ko umuntu ari inshuti ya Yesu uzasanga asigaye akiranuka mu kazi, mu rugo, ku cyacumi, avugisha ukuri n’ibindi.

    3 Inkota

    Inkota isobanura Ijambo ry’Imana. Iyo usomye Abefeso 6 uhita ubona Ijambo ry’Imana icyo rivuze. Abakolosayi 3:16 haranditse ngo Ijambo rya Kristo ribe muri mwe rigwiriye rifite ubwenge bwose. Ijambo ry’Imana rirangiza imanza zananiranye kandi ritanga ubuzima.

    4. Umuheto:

    Umuheto usobanuye amasengesho. Umuheto urasa kure. Inkota yo ushobora kuyitera uwo muri kumwe, ariko umuheto wo urekura umwambi ukagera kure. Amasengesho ni ikintu gikomeye. Ushobora gusengera umuntu uri muri Amerika Imana igasubiza igakora ibintu bitangaje.

    Bill Gharam yaravuze ngo iyo umuntu asenga, ashobora no gukoresha abamalayika kuko mwibuke ko Petero igihe yari yafashwe yafunzwe, ab’itorero bagiye mu cyumba barasenga, aho basengeye haranyeganyega malayika ahita amanuka muri gereza aravuga ati 'Abera bavuze ngo ntupfa, ambara imyenda yawe n’inkweto unkurikire tugende.' Nuko banyura mu nzugi zifunze zose zihita zifungura. Mubyukuri nidusenga imiryango izakinguka ndetse ibyananiranye bizashoboka.

    5. Umukandara

    Umukandara usobanuye kuvugisha ukuri. Abefeso 6 haravuga ngo mukenyere umukandara ari wo kuri. Muri iyi minsi ikinyoma kiyogoje isi, hari ubwo uhamagara umuntu umureba imbere ya we akakubwira ngo yagiye i Bunaka. Nyamara telephone zakagombye kuba zikora umugambi w’Imana atari izo kubeshyeraho. Ibyo twakora byose bitari mu kuri byaba ari ubusa.

    Bibiliya iravuga ngo Yesu ni inzira y’ukuri n’ubugingo. Iyi nzira yitwa Yesu abanyamadini bose bayihururiyemo, ariko ikibazo abayigendamo mu kuri ni bangahe? Abantu bose batagenze muri iyi nzira mu kuri bazahura n’ingorane yo kubura ubugingo buhoraho. Aho kugira ngo ukore byinshi bitari mu kuri, wakora bicye ariko biri mu kuri.

    Muri macye turebye ibintu 5 Yonatani yahaye Dawidi, nyamara uruta Yonatani ari hano ni Yesu umwana w’Imana yiteguye gukora ibiruta ibyo utekereza, azaguha indishyi z’akababaro icyo usabwa ni ukurambura amaboko yo kubyakira.

    Source: Agakiza tv

    [email protected]

    Source : https://agakiza.org/Ibintu-5-utamenye-Yesu-aha-abamukunda.html

  • Munyakazi Bruce Melodie yasinyiye akayabo ka miliyari muri Food Bundle #rwanda #RwOT

    Uyu muhanzi yamaze gushyira umukono kuri aya masezerano yamuhaye akayabp ka miliyari imwe mu mafaranga y'u Rwanda ,aya mafaranga yaje yiyongera kuyandi masezerano yo kwamamazqa uyu muhanzo asanzwe afite akaba ahise amugira umuhanzi w'umuherwe kurusha abandi mu Rwanda.

    Bruce Melodie zahabwa aya amafaranga mu gihe cy'imyaka ibiri.Bagiye gutangirira ku bukangurambaga bwiswe #morefreshlife bugamije kwigisha abantu gusirimuka bagahindura imyumvire mu buzima bujyanye n'uko bahaha bifashishije ikoranabuhanga, abahinzi nabo bakamenya uko bakwiriye gukora ngo ibiribwa bahinga babicuruze mu buryo bugezweho.

    Bavuze ko bari bamaze amezi itandatu baganira ku gusinya aya masezerano.

    Shikama Dioscore watangije iyi sosiyete, mu kiganiro n'itangazamakuru ubwo Bruce Melodie yasinyaga aya masezerano, yavuze ko bashatse gukora amateka y'ibidasanzwe bikorwa mu ruganda rwa muzika.

    Ati 'Twashatse guhindura ibisanzwe biba mu ruganda rwa muzika nyarwanda. Ntabwo ibi bintu ari igihuha nibyo.'

    Iyi sosiyete yari isanzwe ikorana n'abahinzi 2000 , ngo ubu bashaka gukuba uwo mubare inshuro 100.

    Muri iki gihe umusaruro wangirika utageze ku isoko ni 40% kuko abahinzi batabona uko bawugezayo cyangwa bakabura abaguzi. Shikama yavuze ko bashaka ko bafashijwe na Bruce Melodie, uyu mubare uzagabanuka ukagera ku 10%. Bifuza Kandi ko Bruce Melodie azafasha nibura bakajya babona abaguzi 10 000 ku munsi.

    Bruce Melodie yatangaje ko yishimiye urwego umuziki we umaze kugeraho.

    Ati 'Nanjye nishimiye kuba ndi aha. Nishimiye kuba nagiriwe kino cyizere. Nari maze igihe nkora umuziki ariko ntabwo ibintu byari byakageze kuri uru rwego. Niteguye gukorana n'iyi sosiyete neza nk'uko nsanzwe mbigenza.'

    Food Bundle ikorera muri Afurika yose ndetse na Dubai na Qatar. Ifasha abantu kugeza umusaruro wabo ku isoko. Ni urubuga rwa Internet rufasha abantu kugura ibiribwa.

    Tariki 4 Gicurasi 2021, nabwo Bruce Melodie na Kigali Arena bashyize umukono ku masezerano y'imikoranire hagati y'impande zombi.

    Aya masezerano agena ko Bruce Melodie yemerewe gukorera ibintu bitandukanye muri Kigali Arena birimo nk'ibitaramo, ibiganiro n'itangazamakuru n'ibindi byose byatuma ahitabaza mu bikorwa bye ibyo aribyo byose.

    Aya masezerano afite agaciro ka miliyoni 150 Frw. Igihe aya masezerano azamara ntabwo impande zombi zigeze zifuza ko gitangazwa.

    Source : https://umuryango.rw/imyidagaduro/article/munyakazi-bruce-melodie-yasinyiye-akayabo-ka-miliyari-muri-food-bundle

  • Harry Kane yahisemo kuguma muri Tottenham bituma Manchester City ishaka rutahizamu w'umunyabigwi #rwanda #RwOT

    Harry Kane yemeye ko agiye kuguma mu ikipe yamuzamuye Tottenham muri uyu mwaka w'imikino ariko afite agahinda kenshi kuko umuyobozi w'iyi kipe Daniel Levy yari yamusezeranyije ko azamurekura niyifuza kugenda.

    Uyu rutahizamu w'imyaka 28 niwe City yari yashoyeho amaso yayo ndetse yatanze miliyoni 100 kuri we ariko Levy uzwiho guhenda cyane avuga ko ashaka 150 z'amapawundi.

    Ibi ntibyoroheye City yaguze Grealish aya mafaranga ariyo mpamvu yazibukiriye ahubwo ikiyemeza gushaka Cristiano Ronaldo w'imyaka 36 udasiba gutsinda ibitego.

    Abinyujije ku rubuga rwe rwa Twitter,Harry Kane atunguye abafana ku gicamunsi cyo kuri uyu wa Gatatu agira ati “Biratangaje cyane ukuntu abafana ba Spurs banyakiriye neza ku Cyumweru no gusoma ubutumwa banyoherereje bwo kunshyigikira mu cyumweru cyose.

    Ngiye kuguma mu ikipe muri iyi mpeshyi ndetse nzitanga 100% kugira ngo mfashe ikipe kugera ku ntsinzi.”

    Umutoza wa Spurs,Nuno Espirito Santo yasamiye iyi nkuru hejuru n'ibyishimo ahita avuga ati “Inkuru nziza cyane,amakuru meza kuri buri wese kuko Harry kuva yaza mu ikipe yarakoze cyane kandi ibyo nibyo duha agaciro.Imyitwarire ye mu myitozo yari myiza cyane……Ubu birarangiye.”

    Uyu mutoza yahise avuga ko uyu Kane arabanza mu kibuga ku mukino wo kwishyura wa Conference League bazakina na Pacos de Ferreira yo muri Portugal yabatsinze igitego 1-0 mu mukino ubanza.

    Iyi nkuru ihise ituma rutahizamu wa Juventus ukomoka muri Portugal Cristiano Ronaldo w'imyaka 36, abona amahirwe menshi yo kuba yakwerekeza muri Manchester City.

    Iyi kipe ifite igikombe cya Premier League giheruka, irashaka rutahizamu ariyo mpamvu amahirwe menshi ari uko Cristiano Ronaldo ariwe ushobora kugurwa cyane ko ari kuboneka kuri miliyoni 28 z'amapawundi ndetse nawe akaba yifuza kuva mu Butaliyani.

    Umunyabigwi Cristiano Ronaldo yahoze akinira ikipe ya Manchester United yakoreyemo amateka adasanzwe ndetse bamwe mu bafana bayo bamufata nk'umwami.

    Umushakira amakipe amaze igihe avugana na Manchester City kugira ngo imugure aze kuyishakira ibitego dore ko nta rutahizamu ifite nyuma yo kugenda kwa Kun Aguero.

    Ikinyamakuru L'Equipe kiri mu bivugisha ukuri cyane,cyavuze ko Ronaldo yamaze kwemera ibyo kwimukira muri City gukinana na bagenzi be b'abanye Portugal ari bo Bernardo Silva, Ruben Dias w'imyaka 24, hamwe n'umukinyi w'inyuma Joao Cancelo w'imyaka 27.

    City irashaka guha Ronaldo umushahara yifuza, ariko ntiyiteguye gutanga igiciro cya miliyoni 28 z'amapawundi isabwa.

    Source : https://umuryango.rw/imyidagaduro/imikino/article/harry-kane-yahisemo-kuguma-muri-tottenham-bituma-manchester-city-ishaka

  • Ibitangaje ku musore wakiniye Ikipe y'Igihugu ya Basketball wakoze ku mutima Shaddyboo #rwanda #RwOT

    Shadyboo yakozwe ku mutima cyane n'umukinnyi w'Amavubi ya Basketball witwa Wiliams Robeyns .Uyu Mukinnyi yakunzwe na benshi bitewe n'uburyo yitwaye neza mu kibuga ndetse akanaba n'umukinnyi w'umukino wo ku munsi w'ejo ubwo Ikipe y'igihugu cy'u Rwanda yakinaga na DRC.

    Williams Robeyns ni umusore wavutse kuya 23 Gashyantare 1996.Se umubyara n'Umubiligi naho nyina akaba ari umuyarwandakazi.Williams akina nk'uwabigize umwuga(Professional) mu ikipe ya Liege Basketball mu gihugu cy'Ububiligi.

    Muri uyu mukino William Robeyns wakiniye u Rwanda umukino bwa mbere, yatsinze amanota 23 mu gihe Maxi Munanga Shamba wa Repubulika Iharanira Demokarasi ya Congo, yatsinze 22.

    Source : https://umuryango.rw/imyidagaduro/article/ibitangaje-ku-musore-wakiniye-ikipe-y-igihugu-ya-basketball-wakoze-ku-mutima

  • Bruce Melodie agiye gukorera Miliyari y’Amafaranga y’u Rwanda #Rwanda #RwOT via @kigalitoday #rwanda #RwOT

    Bruce Melodie
    Bruce Melodie

    Bruce Melodie ni umwe mu bahanzi nyarwanda bamaze iminsi bahagaze neza haba mu gukora indirimbo zakunzwe n’abatari bake ndetse no kubona ibiraka byinshi , dore ko amaze iminsi asinya amasezerano n’ibigo by’ubucuruzi bitandukanye.

    Bruce Melodie muri uyu munsi ufite umujyanama mushya mu bikorwa bye bishamikiye kuri muzika, yari aherutse gusinya andi masezerano ya Miliyoni 150 n’ubuyobozi bw’inyubako ya Kigali Arena agamije kuyamamaza.

    Hari abakunze gushidikanya ku kuri kw’ibivugwa n’aba bahanzi mu gihe basinye ayo masezerano kuko hari abumva ko bishobora kuba ari ukubeshya kugira ngo bivugwe cyane. Icyakora Bruce melodie yatangaje ko ibi ari ukuri.

    Bruce Melodie ni umwe mu bahanzi nyarwanda bamaze iminsi bahagaze neza haba mu gukora indirimbo zakunzwe n’abatari bake ndetse no kubona ibiraka byinshi , dore ko amaze iminsi asinya amasezerano n’ibigo by’ubucuruzi bitandukanye.

    Bruce Melodie muri iyi minsi ufite umujyanama mushya mu bikorwa bye bishamikiye kuri muzika, yari aherutse gusinya andi masezerano ya Miliyoni 150 n’ubuyobozi bw’inyubako ya Kigali Arena agamije kuyamamaza.

    Hari abakunze gushidikanya ku kuri kw’ibivugwa n’aba bahanzi mu gihe basinye ayo masezerano kuko hari abumva ko bishobora kuba ari ukubeshya kugira ngo bivugwe cyane. Icyakora Bruce melodie yatangaje ko ibi ari ukuri.

    Kompanyi ya Food Bundles igiye kwishyura Bruce Melodie Miliyari y’Amafaranga y’u Rwanda kugira ngo ayamamaze mu myaka ibiri, ivuga ko ayo masezerano ataje atunguranye, kuko impande zombie zari zimaze amezi atandatu zirimo kuyaganiraho.

    Iyo Kompanyi yizera ko gukorana na Bruce Melodie bizatuma igera ku rundi rwego ikava ku bihumbi bitatu by’abahinzi ikorana na bo ikagera ku bihumbi 300.


    source : https://ift.tt/3Ba6Usl

  • Emerera ubushake bw’Imana #rwanda #RwOT

    Ubwami bwawe buze, Ibyo ushaka bibeho mu isi, Nk’uko biba mu ijuru. (Matayo 6:10)

    Bibiliya iduhishurira ko Imana itajya irwanya ubushake bwayo: ihamagarira abantu kubwubahiriza mu mudendezo. Kubw’ibyo, umuntu wese akeneye kubyibwira ubwe, kuruta uko Imana ibimubwira: “Nahisemo gukora ubushake bwawe kugira ngo ibyo ushaka bibeho.”

    Imana itwereka, binyuze mu ngero nyinshi zo muri Bibiliya, ko inzitizi zikomeye zibuza abantu kugera ku bushake bwayo ari ukwikunda, ubwibone, urwikekwe n’inzangano umuntu agaragaza.

    Imana yamenyesheje Adamu na Eva ubushake bwayo, ariko ntibayumvira. Imana yavuganye na Kayini imumenyesha ubushake bwayo: “Kunesha icyaha.” Ariko Kayini ntiyumviye iyi nama. Ni kangahe muri Bibiliya hari aho abantu batumviye ubushake bw’Imana! Kumenya no kwemera ubushake bw’Imana ni ikibazo cya buri munsi kuri twe abizera.

    Amasengesho menshi dusenga ntabwo ari yo kandi ntazigera asubizwa, kuko ari kure y’ubushake bw Imana, nkuko Yakobo abitwibutsa: “Murasaba, ariko ntimuhabwa , kuko musaba nabi, kugira ngo uhaze ibyo ukeneye. Ibyifuzo” (Yakobo) 4.3). Ijambo “irari” rishobora gusimburwa n “ibyifuzo”. Icyo dushaka ntabwo buri gihe aricyo Imana ishaka. Pawulo yasenze asaba gukira, ariko igisubizo cy’Imana cyari kinyuranye na byo: “Ubuntu bwanjye burahagije kuri wowe, kuko imbaraga zanjye zujujwe mu ntege nke” (2 Abakorinto 12: 8-9).

    Kuba twifuza ubuzima, gukira, iyo turwaye, ni bisanzwe. Iki cyifuzo kiremewe. Ariko, ubushake bw’Imana bushobora kuba ahandi hatari gukira. Mu buryo nk’ubwo, Petero yumvise Yesu amubwira ko umunsi umwe agomba kujya aho adashaka. “Ni ukuri, ni ukuri, ndakubwira yuko ukiri umusore wikenyezaga ukajya aho ushaka hose, ariko nusaza uzarambura amaboko undi agukenyeze, akujyane aho udashaka.'” (Yohana 21.18).

    Ntawe ukunda imibabaro. Ariko rimwe na rimwe Imana itwemerera gufata inzira nk’iyi. “Ibyo ushaka bibeho” Mu bihe nk’ibi bisobanura kwakira imibabaro. Yesu ubwe avuga ko yasenze avuga ngo byose bibe uko Imana ishaka mu gikombe giteye ubwoba, isengesho rye ryaremewe, icyakora ryibandaga ku bushake bwa Data: Ati 'Aba, Data, byose biragushobokera, undenze iki gikombe, ariko bye kuba uko jyeweho nshaka, ahubwo bibe uko wowe ushaka”(Mariko 14:36).

    Niba Yesu agomba kuba yarahuye n’iki kintu ntabone ibyo yashakaga ni cyo Se yashakaga, tuzarushaho kuba twe ubwacu kandi akenshi tugomba gusubiramo, “Ibyo ushaka bibeho.”

    Source: www.topchretien.com

    [email protected]

    Source : https://agakiza.org/Emerera-ubushake-bw-Imana.html

  • Umukinnyi wa filime Sandra wakundanye igihe k… – #rwanda #RwOT

    Sandra wamenyekanye muri filime zitandukanye yitabye Imana kuri uyu wa 24 Kanama 2021, aguye mu bitaro bya Gisirikare i Kanombe muri Kigali, aho yari amaze igihe arwariye.

    Umuhanzi Bahati yanditse kuri 'status' ya WhatsApp ye agaragaza ko ashenguwe n'urupfu rwa Sandra. Ati 'Sandra Umumararungu Perike ntacyo mfite cyo kuvuga Imana iguhe iruhuko ridashira.' Akomeza ati 'Ese nk'ubu Isi iteye ite?'

    Uyu muhanzi yanagaragaje amashusho y'indirimbo itsinda rya Just Family yabagamo [Bahati] ryakoreshejemo uyu mukobwa wamamaye muri sinema.

    Yanagaragaje amashusho Sandra aririmba asubiramo indirimbo z'abahanzi mu ndirimbo zo kuramya no guhimbaza Imana, barimo Prosper Nkomezi n'abandi.

    Sandra yagize izina rikomeye muri filime abicyesha filime zirimo nka 'Kaliza', 'Ay'urukundo', 'Ruzagayura' n'izindi. Gusa, yari amaze igihe ashyize ku ruhande ibijyanye na sinema, yiyegurira ibijyanye n'ubucuruzi.

    Sandra na Bahati Makaca bakundanye igihe kinini, biyemeza no kurushinga nk'umugabo n'umugore ariko baje gutandukana buri wese aca inzira ze.

    Umukinnyi wa filime Sandra Umumararungu wamenyekanye muri filime zirimo 'Kaliza' yitabye Imana kuri uyu wa Kabiri  

    Bahati yashenguwe n'urupfu rwa Sandra bakundanye igihe kinini bagatandukana bitegura kurushinga

    Source : https://inyarwanda.com/inkuru/108899/umukinnyi-wa-filime-sandra-wakundanye-igihe-kinini-na-bahati-yitabye-imana-108899.html

  • Kayonza: Uwarindaga icyuzi ngo kitagwamo abantu yasanzwemo yapfuye – #rwanda #RwOT

    Byabereye mu Mudugudu wa Macuba mu Kagari ka Murundi mu Murenge wa Murundi; uyu mugabo akaba ari we wari usanzwe arinda iki cyuzi kugira ngo kitagwamo abantu.

    Umunyamabanga Nshingwabikorwa w’agateganyo w’Umurenge wa Murundi, Gashayija Benon, yabwiye IGIHE ko uwo mugabo waguyemo ari we usanzwe aharinda akaba yasanzwemo mu gitondo cyo kuri uyu wa Kabiri.

    Ati “Ni umugabo usanzwe aharinda, ni icyuzi cya Gacaca gitanga amazi mu mirima y’umuceri rero yari avuye mu Kagari kamwe ajya mu kandi aho kiri, hari ikiraro kigabanya Akagari ka Ryamanyoni na Murundi haramanuka cyane rero ubwo rero yahaciye nijoro ngo kuko yari yanasomye ku gacupa ashobora kuba yahise agwamo.”

    Uyu muyobozi yakomeje avuga ko abamubonye mu gitondo ari abaturage ngo basanze igare ryamuguye hejuru, afite telefone mu mufuka n’amafaranga ibihumbi 30 000 Frw.

    Gashayija yavuze ko kuri ubu umurambo wa nyakwigendera wajyanwe ku bitaro bya Gahini gukorerwa isuzuma mbere y’uko ushyingurwa. Yavuze ko kandi RIB iri gukora iperereza kugira ngo koko yemeze niba ari impanuka cyangwa niba ari ibindi bibazo yagize.

    Uyu mugabo yasanzwe yaguye mu cyuzi yari ashinzwe kurinda

    source : https://ift.tt/3yi1cmC