Nyuma yo kurahirira kuyobora Zambia, Perezida Hakainde yagiranye ibiganiro mu muhezo n’abari bahagarariye ibihugu byabo muri uyu muhango barimo na Minisitiri Dr Biruta wari uhagarariye u Rwanda.
Ibiro by’Umukuru w’Igihugu wa Zambia, byatangaje ko Perezida Hakainde yaganiriye na bo muri Taj Pamodzi hotel iherereye mu Murwa Mukuru w’iki gihugu, Lusaka.
Perezida Hakainde yavuze ko yaganiriye n’aba bayobozi ku ngingo zitandukanye zagarutse ku bubanyi n’amahanga.
Ati “Twaganiriye kuri gahunda z’iterambere twise Iterambere rya Zambia n’abanya-Zambia, mbere na mbere. Turi gukora ibishoboka byose kugira ngo Zambia izungukire mu buhahirane n’ubufatanye n’amahanga.”
Yakomeje agira ati “Turajwe ishinga no guharanira kuzahura ubukungu bwa Zambia ku bw’abaturage n’igihugu cyacu ndetse n’akarere muri rusange.”
Uretse Minisitiri Dr Biruta kandi abandi bahagarariye ibihugu byabo bitabiriye irahira rya Perezida Hakainde barimo uwa Repubulika Iharanira Demukarasi ya Congo, Félix Tshisekedi Tshilombo, Perezida wa Tanzania, Samia Suluhu Hassan, Uhuru Kenyatta wa Kenya n’abandi.
Ubwo yari amaze kurahirira kuyobora iki gihugu kuri uyu wa Kabiri, Perezida Hakainde yavuze ko ari iby’agaciro kuba yaragiriwe icyizere n’Abanya-Zambia kandi ari umuhungu wo mu cyaro.
Amakuru yizewe agera kuri IGIHE avuga ko aba bakobwa bageze mu Rwanda ku wa 24 Kanama 2021. Bose bari basanzwe biga mu Ishuri rikuru ryigisha ibijyanye n’Imiyoborere muri iki gihugu rizwi nka ‘School of Leadership Afghanistan (SOLA).’
Umwe mu bashinze iri shuri, Shabana Basij-Rasikh, abinyujije kuri Twitter yavuze ko kugira ngo aba bakobwa bagere mu Rwanda byagizwemo uruhare na Guverinoma ya Qatar, iya Leta Zunze Ubumwe za Amerika n’iy’u Rwanda.
Yavuze ko aba bakobwa bazakomereza amasomo yabo mu Rwanda ariko yemeza ko bazaba bahari by’igihe gito mu gihe bategereje ko amahoro agaruka mu gihugu cyabo.
Yagize ati “SOLA iri kwimuka ariko kwimuka kwacu ntabwo ari ukw’iteka ryose. Igihembwe hanze y’igihugu ni cyo twateganyije. Mu gihe ibintu bizaba bisubiye mu buryo, twizeye ko tuzasubira muri Afghanistan.”
Kugeza ubu ntiharamenyakana byinshi ku bijyanye n’uburyo aba bakobwa bazigamo, gusa Minisiteri y’Uburezi ibinyujije kuri Twitter yatangaje ko ibahaye ikaze muri gahunda y’amasomo bagiye gukomereza mu Rwanda.
Kuva ku wa 15 Kanama 2021, Aba-Taliban bakongera gufata ubutegetsi, abaturage b’iki gihugu bakomeje guhunga ku bwinshi aho ku bufatanye n’ibindi bihugu bamwe bari kujyanwa mu by’agateganyo birimo u Rwanda na Uganda mu gihe bagitegereje ko babona ibihugu by’i Burayi na Amerika bizabakira.
Aba bakobwa basanzwe biga muri School of Leadership Afghanistan bagiye gukomereza amasomo yabo mu Rwanda
Umugabo witwa Dominic Ssemwogerere uzwi cyane muri Uganda kubera akazi ke k'ubuganga,yakoze ubukwe bw'igitangaza kuwa Gatandatu w'icyumweru gishize n'umukunzi we Josephine Namuju ariko ku munsi wakurikiyeho yakoze impanuka byarangiye imuhitanye.
Ikinyamakuru The New Vision cyavuze ko Bwana Ssemwogerere, wari nyiri ibitaro byitwa Villa Maria Hospital biri I Masaka,yakoze impanuka ubwo yari atwaye impano babahaye mu bukwe mu rugo rwabo rushya.
Uyu mugabo yahisemo gukoresha moto mu gihe abarimo umugore we bakoresheje imodoka bimukira mu rugo rushya.
Uyu mugabo atwaye iyi moto mu muhanda,yagonze ikinogo imoto ye ita umuhanda igongana n'imodoka.
Uyu muganga yahise ajyanwa kwa muganga mu bitaro byitwa Mulago ariko nyuma y'umunsi umwe yaje gushiramo umwuka.
Abanyeshuri b'abakobwa 250 bakomoka muri Afghanistan bageze mu Rwanda aho bagiye gukomereza amasomo yabo mu gihe igihugu cyabo kirimo ibibazo by'umutekano muke byatewe no kongera gufata ubutegetsi kw'Aba-Taliban.
Aba banyeshuri biga mu ishuri ribanza n'iryisumbuye ry'abakobwa ritegamiye kuri leta ryigisha ibijyanye n'imiyoborere (School of Leadership, Afghanistan, SOLA), ryigamo abanyeshuri bacumbikirwa mu kigo.
Shabana Basij-Rasikh uri mu barishinze, ku wa kabiri yavuze ko abagera hafi kuri 250 barimo abanyeshuri, abakozi baryo n'abo mu miryango yabo, bari mu nzira berekeza mu Rwanda, banyuze muri Qatar, gutangira “igihembwe cy'amezi atandatu mu mahanga ku banyeshuri bacu bose”.
Minisiteri y'uburezi mu Rwanda yatangaje ubutumwa kuri Twitter buha ikaze abo mu ishuri SOLA.
Madamu Shabana yavuze ko yizeye ko baba bimukiye mu Rwanda by'igihe cy'amezi atandatu gusa, bakazasubira muri Afghanistan ibintu nibisubira mu buryo.
Kuwa 15 Kanama 2021, nibwo Aba-Taliban bongeye gufata ubutegetsi bituma abaturage ba Afghanistan batangira guhunga ku bwinshi aho ku bufatanye n'ibindi bihugu bamwe bari kujyanwa mu by'agateganyo birimo u Rwanda na Uganda mu gihe bagitegereje ko babona ibihugu by'i Burayi na Amerika bizabakira.
Mu gihugu cya Ghna, hakomeje kuvugwa inkuru iteye agahinda cyane, y'umugore witwawitwa Dubigan Sabrina wahuye n'uruvagusenya Ku munsi w'amavuko we.
Nkuko amakuru aturuka mu binyamakuru byo mu gihugu cya Ghana abivuga, uyu mugore yahuye n'ibibazo byo gupfusha abana batanu Bose yareraga bahiriye mu nzu Ku isabukuru ye.
Amakuru atangwa n'ikinyamakuru kitwa Ghana news avuga ko uyu mubyeyi wari usanzwe urera aba abana 5 wenyine, yavuye murugo rwe agiye kuzana inshuti ze mu kirori k'isabukuru ye y'amavuko .Agarutse asanga inzu ye yaka umuriro yarimo abana be bose ukwari 5.
Amakuru akomeza avuga ko umuriro watangiriye mu igorofa rya kabiri ry'inyubako iri mu burasirazuba bwa St Louis hakurya y'ikibuga cy'ishuri ribanza rya Annette Harris.
Umukuru wa Polise wo muri ako gace yatangarije iki kinyamakuru dukesha iyi nkuru ko ubwo bazaga kuzima iyi nkongi basanze abana 4 bamaze kwitaba Imana , umwe wari usigaye ari muzima ajyanwa mubitaro ari naho yaguye.
Dore amakosa rusange akorwa na benshi mu gihe barimo gusukura umubiri, wagakwiye kwirinda kuko yakuzanira ibibi byinshi kurusha ibyiza.
1.Kudakaraba intoki uvuye mu musaraneÂ
Mu gihe uvuye ku musarane ni ngombwa gukaraba intoki n'isabune Nkuko byerekanwa n'ikigo gishinzwe kurwanya indwara no kuzirinda, gukaraba intoki ni bumwe mu buryo bwiza kandi bwizewe bwakurinda kuba warwara cg se wakwanduza abandi.Ukunze gusanga, hari abantu bava mu bwiherero badakarabye intoki cg se abandi ntibakarabe neza.Waba wakoresheje ubwiherero rusange, cg se iwawe mu rugo, ni ngombwa gukaraba intoki neza n'amazi meza ndetse n'isabune.
2.Kudapfuka neza ku munwa mu gihe witsamura
Gupfuka ku munwa mu gihe witsamura cg se ukorora ni ingenzi cyane, kuko birinda gukwirakwiza mikorobe ahantu hose. Gusa benshi usanga bitsamura niyo baba bari mu bantu benshi ntacyo bibabwiye cg se batazi ko bari gukora amakosa.Ubushakashatsi bwakozwe bwerekana ko umuntu umwe mu bantu bane, atajya yibuka gupfuka umunwa we mu gihe yitsamuye ari mu ruhame.
Mu gihe witsamura cg ukorora ni ngombwa gupfuka umunwa, usibye kugufasha guhorana isuku, ni ingenzi cyane mu kurinda ikwirakwiza ry'indwara zandurira mu mwuka n'ibiza (ibicurane by'ibiguruka n'izindi zikwirakwizwa mu mwuka).
Niba urwaye ibicurane cg izindi ndwara zandurira mu mwuka, ni byiza kwirinda kujya ahari abantu benshi, kugira ngo utanduza abandi. Mu gihe ugiye mu ruhame, ukibuka kwipfuka ku munwa mu gihe ukorora cg witsamura.
Kubyerekeye isuku yo mu kanwa, ni ingirakamaro kwita k'uburoso ukoresha usukura mu kanwa.Uburoso ntibugomba kubikwa butose cg se ngo ubukoreshe igihe kirenze amezi 3.Abantu benshi ukunze gusanga nyuma yo koza amenyo, ahita atereka uburoso hasi bugitose, yaba mu bwogero cg se ahandi abubika. Iri ni ikosa rikomeye rikunze gukorwa na benshi mu kwita ku isuku y'umubiri.
Uburoso butose ni indiri ikomeye ya bagiteri nyinshi, iyo ubuteretse hasi ukongera kubukoresha uba winjiza bagiteri nyinshi mu kanwa hawe, ibi bikaba isoko y'indwara zo mu kanwa (harimo no kuva amaraso mu menyo) ndetse no kunuka mu kanwa.
Nyuma yo koza amenyo, ugumba kubuzunguza ku buryo amazi ashiramo, warangiza ukabushyira mu kantu gatuma umwuka winjira neza, byanashoboka ukaba uburekeye ku zuba.
Nk’uko babisobanuriye itangazamakuru, aya mafaranga Bruce Melodie yasinyiye bazayamuha cash mu gihe cy'imyaka ibiri. Impande zombi zatangaje ko aya masezerano ari ukuri atari ibihuha. Bagiye gutangirira ku bukangurambaga bwiswe More fresh life bugamije kwigisha abantu gusirimuka bagahindura imyumvire mu buzima bujyanye n'uko bahaha bifashishije ikoranabuhanga, abahinzi nabo bakamenya uko bakwiriye gukora ngo ibiribwa bahinga babicuruze mu buryo bugezweho.
Bavuze ko bari bamaze amezi atandatu baganira ku gusinya aya masezerano
Shikama Dioscore watangije iyi sosiyete, mu kiganiro n'itangazamakuru ubwo Bruce Melodie yasinyaga aya masezerano, yavuze ko bashatse gukora amateka y'ibidasanzwe bikorwa mu ruganda rwa muzika. Ati 'Twashatse guhindura ibisanzwe biba mu ruganda rwa muzika nyarwanda. Ntabwo ibi bintu ari igihuha nibyo”. Iyi sosiyete yari isanzwe ikorana n'abahinzi bari hagati y'ibihumbi 2000 na 3000 , ngo ubu bashaka gukuba uwo mubare inshuro 100.
Muri iki gihe umusaruro wangirika utageze ku isoko ni 40% kuko abahinzi batabona uko bawugezayo cyangwa bakabura abaguzi. Shikama yavuze ko bashaka ko bafashijwe na Bruce Melodie, uyu mubare uzagabanuka ukagera ku 10%. Bifuza kandi ko Bruce Melodie azabafasha nibura bakajya babona abaguzi 10,000 ku munsi.
Bruce Melodie yatangaje ko yishimiye urwego umuziki we umaze kugeraho. Ati 'Nanjye nishimiye kuba ndi aha. Nishimiye kuba nagiriwe kino cyizere. Nari maze igihe nkora umuziki ariko ntabwo ibintu byari byakageze kuri uru rwego. Niteguye gukorana n'iyi sosiyete neza nk'uko nsanzwe mbigenza.'
Umujyanama wa Bruce Melodie, Lee Ndayisaba asobanura imbere y’itangazamakuru
Food Bundles ikorera muri Afurika yose ndetse na Dubai na Qatar. Ifasha abantu kugeza umusaruro wabo ku isoko. Ni urubuga rwa Internet rufasha abantu kugura ibiribwa. Tariki 4 Gicurasi 2021, nibwo Bruce Melodie na Kigali Arena bashyize umukono ku masezerano y'imikoranire hagati y'impande zombi.
Shikama umuyobozi wa food bundles(ibumoso), Bruce Melodie na Lee umujyanama we
Aya masezerano ya Bruce Melodie na Kigali Arena agena ko Bruce Melodie yemerewe gukorera ibintu bitandukanye muri Kigali Arena birimo nk'ibitaramo, ibiganiro n'itangazamakuru n'ibindi byose byatuma ahitabaza mu bikorwa bye ibyo ari byo byose. Aya masezerano afite agaciro ka miliyoni 150 Frw. Igihe aya masezerano azamara ntabwo impande zombi zigeze zifuza ko gitangazwa.
Umuhanzi Bruce Melodie yinjiye mu baherwe mu Rwanda
Juliet na John bakoze ubukwe nyuma y’imyaka 5 bamaze bakundana ariko urukundo rwabo bakaba bararugize ibanga cyane dore ko abantu bari bazi ko bakundana ari mbarwa – ahubwo benshi bamenye ko bakundana ubwo Juliet yavugaga YEGO. Tumusiime Juliet akora kuri Televiziyo Rwanda akaba n’umuhanzikazi mu muziki wa Gospel ndetse ni n’umukozi wa Equity Bank, naho umugabo we John Muhereza ni umunyamakuru kuri Televiziyo imwe yo muri Kenya ariko ayikorera aba i Kigali akaba n’umuhanga mu gutunganya amafoto n’amashusho ndetse n’ibiganiro bya Televiziyo.
Byari ibyishimo bisendereye kuri Juliet na John ku munsi w’ubukwe bwabo
Ubukwe bwabo bubaye nyuma y’amezi 8 bagaragarije inshuti n’imiryango yabo ko bari mu rukundo dore ko tariki 06/12/2020 ari bwo Juliet yabwiye YEGO umukunzi we John mu birori byabereye mu Kiyovu kuri 5 Swiss Hotel bigategurwa mu buryo bwatunguye cyane Juliet. Kuwa 26 Gicurasi ni bwo basezeranye imbere y’amategeko naho tariki ya 21 Kanama 2021 basezerana imbere y’Imana mu rusengero rwa EPR Kabuga mu birori biryoheje ijisho byitabiriwe n’abantu bacye mu kwirinda Covid-19.Â
John na Juliet bambariwe n’abarimo ibyamamare mu myidagaduro yo mu Rwanda nka Uwase Delphine wabaye umunyamakuru wa Flash Tv ubu akaba azwi nka Soleil muri filime y’uruhererekane ‘Bamenya’, umunyamakuru Murenzi Emmanuel (Emmalito) wa Isibo Tv, Sharon Kacyeye uririmba muri Kingdom of God Ministries, Umugabekazi Rebecca [Becky Rocsi] ukorana na Juliet mu kiganiro RTV Sunday Live, Pastor Mucyo Diana umuhanzikazi mu muziki wa Gospel wari Marraine wa Juliet, n’abandi.
Mu muhango wo Gusaba no Gukwa
Mu kiganiro aherutse kugirana na InyaRwanda.com, Tumusiime Juliet yatangaje ko hari ibintu byinshi yagendeyeho ajya kwemerera urukundo John Muhereza, ku isonga hakaba hari imico ye yamunyuze cyane. Yagize ati “Ibyatumye mubwira YES ni byinshi pe. Icya mbere ni ukubera imico ye, kabisa ku mico ni 100%. Icya kabiri aranyubaha kandi akanyumva cyane, ikindi yubaha Imana n’abantu. Gusa igikomeye ni uburyo ankundamo, uko byagenda kose n’aho namurakaza kuri we nza ku mwanya wa mbere, kandi agira umutima wihangana cyane”.Â
Ati: “Nta bintu byo gufuha cyane agira kuko yizeye ijambo namubwiye. Kuko iyo aza kuba afuha cyane sinzi ko byari kuvamo pe n’uburyo nimereye kubera ko nkunda abantu cyane. Ibyo rero byamuhesheje amanota. Ikindi ni uko muri test (umukoro) namuhaye zose yazitwayemo neza cyane, kuko yubahirije byose kandi abikorana umutima mwiza mu myaka ine, rero nta kindi namwitura uretse kumukunda cyaneeee kandi nkamutetesha cyane, kuko yambereye inkoramutima y’ukuri. Ndasaba Imana kumuha umugisha no kumurinda muri byose kandi izanshoboze kumubera uwo yifuza”.
Juliet na John bamaze imyaka 5 bari mu munyenga w’urukundo
Mu muziki akora wo guhimbaza Imana, Juliet Tumusiime amaze gukora indirimbo zitandukanye zirimo; ‘Tera intambwe imwe’, ‘Waba usize iki’ na ‘Sinzaceceka’. Kuri ubu Juliet n’umugabo we John bakomeje gusangiza abakunzi babo ku mbuga nkoranyambaga amafoto y’umunsi wabo w’amateka aho bagaragaza ko baryohewe cyane n’intambwe nshya bateye yo kurushinga. Mu butumwa yanyujije kuri Instagram, hari aho Juliet yagize ati “Uyu ni umunsi Imana yaremye, reka tuwishimiremo tuwunezererwemo”. Yongeyeho ko atangiye shapitire nshya (Chapter) y’ubuzima ndetse akaba yinjiye mu migisha mishya hamwe n’umukunzi we.
REBA ANDI MAFOTO Y’UBUKWE BWA JULIET NA JOHN
“Uyu ni umunsi Imana yaremye reka tuwishimiremo”
Basezeranye imbere y’Imana kuzabana ubuziraherezo
Juliet hamwe n’abakobwa b’ikimero bari bamugaragiye
Juliet hamwe na Marraine we Pastor Mucyo Diana
Emmalito (ibumoso) mu basore bambariye John wa Juliet, uko ari batatu bakoranye ku yahoze ari Royal Tv
Umukwe n’umugeni hamwe na Parrain na Marraine
John na Juliet barebana akana ko mu jisho
J&J bakoze ubukwe bubereye ijisho
Becky Rocsi (ibumoso) yambariye mugenzi we bakorana kuri RTV
Soleil burya no kubyina ni ibintu bye!
Ubwo Juliet na John basezeranaga imbere y’amategeko
Juliet ati “Nta kindi namwitura uretse kumukunda nkamutetesha cyane!”
Uyu muhanzi yakoze iyi ndirimbo mu kwifatanya n'Abasaserdoti bari guhabwa iryo Sakramentu muri aya mezi ya Nyakanga na Kanama 2021.
Ku wa 19 Kanama 2021 Diyosezi ya Gikongoro yungutse umupadiri mushya ari we Padiri Senani Callixte. Ni igikorwa cyabereye muri Paruwasi ya Muganza Kiyobowe na Musenyeri Celestin Hakizimana umwepiskopi wa Gikongoro.
Padiri Visenti Twizeyimana watorewe n’umwepiskopi wa diyoseze ya Ruhengeri kuba Padiri Mukuru wa paruwasi Katedarali ya Ruhengeri yarahiriye imbere y’ Umwepiskopi n’abakristu b’iyi paruwasi kuzarangiza neza ubutumwa yahawe.
Ku wa 21 Kanama 2021, muri paruwasi Kitabi diyosezi Gikongoro, habereye umuhango w’itangwa ry’ubupadiri kuri diyakoni Emmanuel Ingabire; n’abafaratiri batatu, Anatole Igirimbabazi wa paruwasi Bishyiga, Emmanuel Ndacyayisaba wa Gahunga na Faustin Nshimyumuremyi wa Cyanika bahabwa ubudiyakoni.
Ku itariki nk'iyi, Kuri katedarali ya Kibungo habereye umuhango w’Itangwa ry’ubupadiri ku badiyakoni batatu ari bo Janvier Murwanashyaka wa paruwasi Nyarubuye, Mariyamungu Jean wa paruwasi Rukoma, Iryivuze Dieudonne wa Paruwasi Kansana.
Tariki 22 Kanama 2021, Ikinyamakuru Kinyamateka cya Kiliziya Gatolika cyatangaje ko umuryango wo muri diyosezi ya Nyundo wakoze amateka yo kwibaruka abapadiri batatu bavuka mu rugo rumwe. Abo bapadiri ni Padiri Gilbert, padiri Leandre na Padiri Revocat wabuhawe ku wa Gatandatu tariki 21 Kanama 2021 i Byumba.
Mu kiganiro na INYARWANDA, Padiri Bosco Rwubake yavuze ko uretse kwifatanya n'Abahawe ubusaserdoti muri aya mezi, yanakoze iyi ndirimbo mu rwego rwo kubibutsa inshingano bafite zo kureberera inama z'Imana.
Ati 'Nakoze iyi ndirimbo mu rwego rwo kubibutsa ubwiza bwaryo n’inshingano turihererwamo. Inshingano z'umusaserdoti ni ukwigisha, gutagatifuza no kuyobora imbaga y’Imana.'
Uyu mu padiri yabwiye urubyiruko biyumvamo umuhamagaro wo kwiyegurira Imana, ko ari inzira nziza nta gihombo kirimo. Ati 'Nibyiza kuko ni ubuzima, noneho by”umwihariko bikaba ubuzima bw’iteka. Muri make gukorera Imana ni ubuzima ni ibyishimo n’umunezero.'
Mu busanzwe isakramentu ry’ubusaserdoti urihabwa umaze kunyura mu bihe by’iciro by’amasomo harimo 'Philosophie' na 'Theologie'.
Padiri Bosco Rwubake yakoze indirimbo ku Isakramentu ry'Ubusaserdoti n’inshingano z’umusaseridotiPadiri Bosco yavuze ko yakoze indirimbo 'Umusaseridoti' mu rwego rwo kwifatanya n'abahawe isakaramentu ry'Ubusaseridoti muri Nyakanga na Kanama 2021
Ku gicamunsi cy'uyu wa 25 Kanama 2021, Polisi y'u Rwanda ku bufatanye n'ubuyobozi bw'Akarere ka Kamonyi bamurikiye umuryango wa Sumwiza Sylvan na Nabahweje Agnes, inzu y'agaciro k'amafaranga asaga Miliyoni 18 y'u Rwanda. Iyi nzu, iherereye mu Mudugudu wa Ruvumura, Akagari ka Cyambwe, Umurenge wa Musambira.
Mu ijwi rito ry'izabukuru n'uburwayi avuga ko afite, Umusaza Sumwiza yashimiye Polisi y'u Rwanda agira ati' Ubu mu mbona mpagaze aha ng'aha maze iminsi ndwaye, nubwo ndwaye kubashimira, utabashima yaba ari muntu ki se!?, yaba atari umuntu'.
Mu ijambo rishima, yasabye Se wabo ugaragara nk'ugifite agatege kuvuga mu izina rye, yagize ati' Ibyo abantu babona ni byinshi ariko nti babibona kimwe kuko nabyo biba bitameze kimwe. Ibyo twibonera ni byiza kandi ibyiza barabishima. Kugira neza ni ibintu bidatungura Abanyarwanda kuko ntabwo bije nonaha. Byari umuco ushingira mu gukunda, mu gufatikanya, mu gufasha abatishoboye no gushyigikira ibyagezweho. Turabashimiye byimazeyo nka Polisi y'u Rwanda n'abo muhagarariye, uwabatumye'.
Akomeza ati ' Iyi nkunga muduteye ni inkunga itangwa n'abazi gutanga, itangwa n'abagira neza, kandi Leta yacu igira neza, ikunda abo iyobora. Ntibahungabanya, ahubwo irababungabunga. Dushimiye Polisi y'u Rwanda yatekereje kuri aba bana bacu, imaze kureba imbere n'inyuma uko bameze ikabashakira amasaziro meza. Inkunga muteye uyu muryango wacu turabashimiye twimazeyo, dushimiye na Leta muhagarariye iba yabatumye, muyitubwirire ko inkunga mwaduteye tuyishimye'.
CP Bruce Munyambo.
Komiseri muri Polisi y'u Rwanda, Bruce Munyambo wavuze mu izina ry'Umuyobozi mukuru wa Polisi utabonetse ku bw'impamvu z'akazi, yashimiye ubufatanye buri hagati y'Ubuyobozi bw'Akarere ka Kamonyi, Abaturage na Polisi y'u Rwanda mu bikorwa bitandukanye byo kubungabunga umutekano w'Abaturage n'ibyabo. Yashimye by'umwihariko ubufatanye bwabayeho mu gikorwa cyo kubakira uyu muryango inzu.
Yagize kandi ati ' Polisi y'Igihugu irishimye cyane ku bw'iri cumbi muzehe Sumwiza Sylvan na Nabahweje Agnes babonye. Turabasaba kugira ngo uyu muco mwiza wo gufatanya dukura mu muco Nyarwanda ukomeze. Twabizeza yuko igihe cyose muzajya mutwitabaza nkuku, turahari kandi twiteguye gufatanya namwe kugira ngo habeho iterambere ry'abaturage'.
Umusaza wahawe inzu na Polisi.
Umuvugizi wa Polisi y'u Rwanda, CP John Bosco Kabera wari kumwe n'itsinda rya Polisi ryaje gushyikiriza uyu muryango iyi nzu, yavuze ko iki ari kimwe mu bikorwa byinshi Polisi y'u Rwanda ikora hirya no hino mu gihugu bijyanye no gukorana n'abaturage. Avuga ko agaciro k'inzu yahawe uyu muryango ari amafaranga y'u Rwanda Miliyoni 18. Ashimangira kandi ko byose kugenda neza byavuye mu bufatanye bw'Ubuyobozi bw'Akarere n'abaturage, ko niyo Polisi yatanga amafaranga yose yo kuyubakisha atariyo yazana abafundi, abayedi n'ibindi byakoreshejwe mu kubaka.
CP Kabera, ashimangira ko iyi nzu isobanuye ikintu gikomeye cyane kubera ko byerekana ko Polisi yegereye abaturage, ko abaturage nabo barushaho kuyizera, ko kandi bishyira isano ya bugufi hagati yabo ituma n'aho Polisi itari baba bahari bagatanga amakuru, bavuga ibitagenda neza aho batuye bityo Polisi ifatanije n'izindi nzego bakaba batabara. Ashimangira ko mu gihugu hose, mu turere twose hari ibikorwa bitandukanye Polisi itegura gukora, byose mu nyungu z'iterambere n'imibereho myiza y'umuturage.
