Webrwanda Backend

Author: webrwanda

  • Vestine na Dorcas basohoye indirimbo Nshya yuzuyemo ubutumwa bwiza nyuma yo gusubira muri MIE[VIDEO] #rwanda #RwOT

    Aba bana basohoye iyi ndirimbo 'Ibuye' nyuma ya Adonai imaze kurebwa n'abarenga miliyoni kuri youtube ya MIE Empire yakunzwe n'abatari bake kuva ikimara gusohoka kuko ukwezi kumwe imaze isohotse imaze gutangwaho ibitekerezo birenga 1900.


    Umuvugizi wa MIE , Irene Murindahabi maze Iminsi ateguza abantu batandukanye kwifata amashusho bari kubyina igisirimba bashaka mu bukangurambaga yashyiraga ku mbuga nkoranyambaga ze yise 'Ibuye' ntihagire umenya ibyo yari yashatse gusobanura.

    Vestine na Dorcas hamwe n'umujyanama wabo Irene Murindahabi bakimara gushyira umukono ku masezerano

    MIE Empire ya Irene Murindahabi niyo yafashije aba bahanzi kazi bakora umuziki wo kuramya no guhimbaza Imana kuva bagitangira kugeza abanyarwanda babamenye mu ndirimbo zakunzwe zirimo nka Nahawe Ijambo, Papa n'izindi, ubu bakaba ari bamwe mu bahanzi bakora indirimbo zo kuramya no guhimbaza Imana bakunzwe cyane.

    Iyimvire aka karirimbo keza

    Source : https://umuryango.rw/imyidagaduro/article/vestine-na-dorcas-basohoye-indirimbo-nshya-yuzuyemo-ubutumwa-bwiza-nyuma-yo

  • Bite bya Kwizera Olivier muri Rayon Sports utari ubutse amasezerano ye #rwanda #RwOT

    Kugeza ubu umunyeza Kwizera Olivier avuga ko amasezerano y’umwaka yasinyiye Rayon Sports wasojwe, ni mu gihe iyi kipe yo ivuga ko agifite amasezerano azageza muri 2023, uyu munsi biteganyijwe ko impande zombie ziri buhure.

    Mu mpera z’ukwezi gushize nibwo Kwizera Olivier yatangaje ko asezeye umupira w’amaguru hari ibindi agiye gukora.

    Nyuma yo kugaruka yisubiyeho ku cyemezo cye nibwo impaka zabaye nyinshi, aho uyu musore wari uzi ko yasoje amasezerano ye yabwiwe ko agifite amasezerano y’iyi kipe bityo ko ikipe imwifuza igomba kuvugana Rayon Sports.

    Amakuru ISIMBI yamenye ni uko Kwizera Olivier yasinye aya masezerano ari mu rurimi rw’igifaransa atasobanukiwe neza n’ibyo avuga, bivuze ko atasobanukiwe neza nayo.

    Andi makuru avuga ko na nyuma yo gusinya atigeze ahabwa kopi y’amasezerano ye ngo ayibike, amasezerano ye yose abitswe na Rayon Sports.

    Nyuma y’izi mpaka biteganyijwe ko uyu munsi Kwizera Olivier agomba kwicarana n’ubuyobozi bwa Rayon Sports bakaganira ku bibazo biri muri aya masezerano ye.

    Amasezerano ye ateye ate? Avuga iki?

    Amasezerano ya Kwizera Olivier ari mu rurimi rw’igifaransa, aho uyu munyezamu agongwa n’ingingo ya 3 agace ka mbere n’aka kabiri.

    Kwizera Olivier yasinyiye Rayon Sports muri Nyakanga 2020 asinya umwaka umwe.

    Ingingo ya 3 agace ka mbere(3.1) y’amasezerano ye ivuga ko asinye umwaka(amezi 12) atari umwaka w’imikino (season), aya amasezerano akaba agomba gukurikizwa guhera igihe shampiyona izatangirira(shampiyona yatangiye mu Kuboza 2020 nubwo yasubitswe ariko amasezerano nibwo yatangiye kubahirizwa), bivuze ko amasezerano ya Kwizera ari bwo yatangiye kugira agaciro. Umwaka we yasinye uzarangira mu Kuboza 2021.

    Iyo urebye agace ka kabiri k’iyi ngingo ya 3(3.2) kavuga ko mu gihe umwaka we uzaba urangiye aya masezerano azahita yiyongeraho undi mwaka bidasabye ibindi biganiro bikaba muri condition yakoreragamo (renouvelable automatiquement en même condition).

    Aha bivuze ko amasezerano ye azahita yiyongera bidasabye ko habaho kwicarana kw’impande zombi ngo baganire ku masezerano mashya ahubwo Kwizera azakomeza akazi ahabwa ibyo yahabwaga niba ari ibihumbi 800 yahembwaga azakomeza abihembwe, niba ari miliyoni 7 yahawe asinya nizo azahabwa kuri uwo mwaka. Bivuze ko amasezerano ya Kwizera Olivier azarangira mu Kuboza 2022.

    Kwizwera Olivier ngo amasezerano ye ntayo yari abitse

    Source : http://isimbi.rw/siporo/article/bite-bya-kwizera-olivier-muri-rayon-sports-utari-ubutse-amasezerano-ye-avuga-ko-yarangiye

  • Gufata abaturage si wo muti wo kurwanya ubucukuzi butemewe – Guverineri Habitegeko #Rwanda #RwOT via @kigalitoday #rwanda #RwOT

    Ubuyobozi bwagaragaje ko gufata abacukura mu buryo butemewe atari byo bikemura ikibazo
    Ubuyobozi bwagaragaje ko gufata abacukura mu buryo butemewe atari byo bikemura ikibazo

    Guverineri Habitegeko ahamya ko nyuma yo gusuzuma ibibazo biri mu bucukuzi butemewe mu Karere ka Ngorororero, bigaragara ko umuturage ucukura amabuye aba afite uwo ayashyira, kandi uwo ari we uteza ibibazo bityo ko hakwiye guhinduka uburyo bwo guhangana n’abagura amabuye mu buryo butemewe, kuko ari bo bihishe inyuma y’ubucukuzi butemewe.

    Habitegeko avuga ko abayobozi b’inzego z’ibanze na bo bihishe inyuma y’ubwo bucukuzi butemewe kuko bakoreye hamwe n’izindi nzego amakuru agatangwa ibyo bibazo byakemuka kandi abakora ubucukuzi butemwe bagafatwa.

    Agira ati “Imisozi barayangiza, imigezi murabona uko isa, urugomero rwa Nyabarongo rurangirika, mbese twemeranyijwe ko hari ikibazo. Abaturage n’abayobozi tugiye gushyira hamwe imbaraga tukaburwanya kuko igihe umuturage ucukura bimutunze we azabona akazi muri kompanyi zemewe”.

    Guverineri Habitegeko avuga ko gufata abaturage bidahagije ngo ubucukuzi butemewe buhagarare
    Guverineri Habitegeko avuga ko gufata abaturage bidahagije ngo ubucukuzi butemewe buhagarare

    Yongeraho ati “Dutakaza abantu benshi abagwa mu birombe biba, abantu bagura amabuye barazwi twabonye amakuru ko abo bantu bazwi, ubucukuzi buremewe abashaka gucukura nibaze bacukure mu buryo bwemewe, naho bariya baza bashuka abaturage ndababwira ko tugiye kubarwanya”.

    Guverineri Habitegeko avuga ko kwirirwa bafata abaturage nk’abakora ubucukuzi butemewe bidahagije kuko ataribo kibazo ahubwo ikibazo ari abaforoderi baza kugura ayo mabuye bityo ko ingamba zikwiye kuba zifatwa zigomba kuba zirimo no gufata abo baza kugura amabuye.

    Harakekwa na ruswa mu gutuma abagura amabuye badafatwa

    Inzego zitandukanye kandi zagaragaje ko kuba abantu baza kugura amabuye badafatwa baba bakingirwa ikibaba n’abayobozi bamwe na bamwe bigatuma amakuru adatangwa neza cyangwa hakabaho n’ibisa nko gutera ubwoba uwahirahira gutanga amakuru bigatuma abaforoderi bakomeza kwidegembya.

    Aya ni amabuye y
    Aya ni amabuye y’agaciro Polisi iherutse gufatana abaforoderi mu Karere ka Ngororero

    Umuyobozi mukuru wa Kompanyi ikora ubucukuzi bw’amabuye y’agaciro (NMC) mu Karere ka Ngororero, Justin Uwiringiyimana, avuga ko abagura ayo mabuye bayashyira cyangwa bakayagurisha n’abacuruzi b’amabuye y’agaciro mu mujyi wa Kigali ariko ugasanga ntibafatwa nyamara ngo batanakanganye cyane.

    Agira ati “Amabuye bayagurisha kuri kontwari ziyagura mu mujyi wa Kigali zo ziba zemewe, usanga abo bayagura bo badatanga imisoro ku buryo hari abakozi bacu bajya mu bucukuzi butemewe kuko abaforoderi batanga menshi kuko batishyura imisoro. Gusa inzego z’ubuyobozi bw’ibane zidufashije kubarwanya birashoboka”.

    Umwe mu bayobozi b’imidugudu avuga ko amabuye abayagura bazwi kandi abacukura na bo bazwi ahubwo usanga koko habagaho imbaraga nkeya mu kubarwanya rimwe na rimwe nk’iyo hari abahawe amabahasha y’amafaranga nka ruswa, ariko ngo bagiye kwisubiraho bakarwanya abagura amabuye mu buryo butemewe.

    Inzego z
    Inzego z’umutekano n’abayobozi batandukanye basuye ahacukurwa mu buryo butemewe n’amategeko

    Umuyobozo w’akarere ka Ngororero Ndayambaje Godefroid avuga ko mu minsi mike haraba hagaragaye impinduka mu gufata abagura amabuye mu buryo butemewe, kugira ngo harwanywe ibibazo bibushamikiyeho birimo imfu z’abagwa mu birombe, no kwangiza ibidukikije.


    source : https://ift.tt/3yh9ISD

  • Ababazwa n’uko amaze imyaka irenga 30 atazi aho se akomoka #Rwanda #RwOT via @kigalitoday #rwanda #RwOT

    Muhizi avuga ko yifuza kumenya inkomoko ya se Rutaganzwa Ildephonse no kumenya abavandimwe ba se
    Muhizi avuga ko yifuza kumenya inkomoko ya se Rutaganzwa Ildephonse no kumenya abavandimwe ba se

    Ubwo u Rwanda rwari mu bihe bya Jenoside yakorewe Abatutsi mu 1994 nibwo umubyeyi we Rutaganzwa Ildephonse yishwe icyo gihe Muhizi akaba yari afite imyaka itanu n’amezi icyenda, basigarana na nyina Mukamuhizi Laurence ukomoka mu Karere ka Nyanza.

    Muhizi avuga ko se yakoraga akazi ko ku kubaka amazu, nyina na we akaba yaraje kwitaba Imana mu mwaka wa 2009 ariko akaba atarigeze ababwira inkomoko ya se ku buryo kugeza ubu nta muvandimwe n’umwe wo kwa se yigeze amenya cyangwa ngo amenye aho batuye ku buryo asigaye ababazwa n’uko atazi aho akomoka ndetse akaba atazi n’abavandimwe bahuje amaraso na se umubyara.

    Ati “Kugeza uyu munsi umuryango wo kwa mama ndawuzi, ariko na bo nagerageje kubabaza bambwira ko nta makuru bafite, niko gufata umwanzuro wo kuza kubinyuza mu itangazamakuru hano muri Kigali Today ngo ndebe ko nabasha kuzabonana n’umuryango wo kwa papa, kuko bambwiye ko nta makuru na macye bafite kuri papa kubera ko mama yavukaga i Nyanza yaje i Kigali bisanzwe ashakisha ubuzima jye nahise ncyeka ko ari muri ubwo buryo bahuyemo bose baje gushakisha bikarangira abo bavukana aho i Nyanza batabashije kumenya inkomoko ya papa kuko bo bari i Kigali abandi bari mu Ntara”.

    Abajijwe niba yaragerageje kugera aho yavukiye ngo abaze abo bari baturanye niba nta makuru bafite kuri se, Muhizi yagize ati “Ntabwo nigeze njya kubazayo ariko uko biri kose nanjye uko ngana uku nguku nshobora kuba navuga nti aba bantu bashobora kuba bampa amakuru ariko nararebye nsanga nta makuru babona bitewe n’imibereho y’ubuzima bwariho kuri icyo gihe kuko nta muntu washoboraga gushyikirana n’undi”.

    Kuri ubu Muhizi afite umugore n’abana bane akaba amaze imyaka 11 akora akazi ko kurinda umutekano gusa ngo yifuza kumenya inkomoko ye kuko hari igihe ashobora kuzabibazwa n’abana akabura icyo abasobanurira.

    Ati “Kubaho utazi aho ukomoka ntabwo ari byiza jyewe nafashe icyemezo cy’uko ngomba kuhashakisha n’Imana imfashije nkabasha kumenya umuryango wa papa ahantu uba nkamenyana na bo tukamenyana nk’umuryango nanjye nkitwa ko mfite umuryango wo kwa papa niba na sogokuru bakibaho tukamenyana niba na ba nyogokuru bakibaho tukamenyana niba se hari n’abavandimwe be bavukana tukamenyana nkabona undi muryango.”

    Akomeza agira ati “Niba hari umuryango cyangwa abavandimwe ba Rutaganzwa Ildephone barimo kunyumva bamfasha bakanyiyereka tukabasha kumenyana n’iyo yaba ari abaturanyi cyangwa se abamuzi cyangwa bazi umuryango wo kwa papa bamfasha kumenyana n’umuryango we”.

    Mu gushaka kumenya byimbitse ko n’abavandimwe ba Muhizi bo kwa nyina ntacyo bazi ku nkomoko ya se, Kigali Today yagerageje kuvugana na nyina wabo (Mukuru wa Nyina) witwa Mukanyarwaya Valerie utuye mu Kagari ka Gahondo, Umurenge wa Busasamana mu Karere ka Nyanza, na we avuga ko nta makuru yandi afite.

    Yagize ati “Umva nkubwire usibye na Muhizi nanjye ubwanjye ntiwambaza ngo ise avuka hehe kuko numvise ko bashakanye aho i Kigali, numva ngo murumuna wanjye afite umugabo aho i Kigali ni byo nzi gusa nta bindi, ngiye kukubwira ngo nzi aho ise avuka naba nkubeshye, narabasuye pe ariko sininjiye mu buzima bwo kubaza ibyo bintu icyo nzi ni uko yari afite umugabo nkabona yarabyaye ariko nkubwiye ngo ise avuka aha byaba ari ibinyoma kandi nkurahije Imana ihoraho ntabyo nzi pe”.

    Mu makuru macye Muhizi afite ni uko yumvise ko se yakoraga akazi ko kubaka akajya ajya gukorera amafaranga ku buryo ngo yashoboraga kugenda akazagaruka nka nyuma y’icyumweru.


    source : https://ift.tt/3jkKLlk

  • Abaturiye Sebeya bafite icyizere cy’uko itazongera kubangiriza #Rwanda #RwOT via @kigalitoday #rwanda #RwOT

    Kuva muri 2020 mu turere twa Rutsiro, Ngororero, Nyabihu na Rubavu hatangiye ibikorwa byo kubungabunga icyogogo cya Sebeya.

    Abaturiye uyu mugezi bavuga ko ibikorwa byakozwe mu misozi miremire bigenda bitanga icyizere ko uyu mugezi utazongera kubangiriza.

    Habimana Aron, Umunyamabanga Nshingwabikorwa w’Umurenge wa Nyundo avuga ko batangiye kubona ibitanga icyizere ko Sebeya itazongera kubangiriza.

    Agira ati “Ubundi buri mwaka uyu mugezi wangiriza abawuturiye, umwaka ushize ntawe wangirije cyangwa ngo usenyeye kandi ibikorwa birakomeje birimo gutera ibiti, amaterasi y’indinganire hamwe no gukora ikidendezi kigabanya umuvuduko w’amazi, bikazafasha ko yongera kwihuta akaba yakwangiriza abayituriye”.

    Habimana avuga ko kuba umwaka ushize ntawe Sebeya yangirije bigaragaza ko mu myaka iri imbere ibikorwa byo kwangiza kwa Sebeya bizaba amateka.

    Abaturiye Sebeya bakomeje gukorerwa ibikorwa bibateza imbere bikabahindurira ubuzima birimo guhabwa inka zibafasha kubona amata no kubona ifumbire bashyira mu mirima yabo myinshi yashyizwemo amaterasi y’indinganire.

    Hari amatungo magufi yahawe abaturage, ariko hari ibiti by’imbuto abaturage bahawe mu guteza imbere imirire myiza, byiyongeraho gushyikiriza abaturage imbabura za canarumwe zituma abaturage bashobora kubungabunga ibidukikije.

    Simbizi Cyprien ni umuturage utuye mu Kagari ka Mukondo, avuga ko n’ubwo hashyizweho ibikorwa byo kubungabunga Sebeya ngo byinshi bitanga iterambere ku buzima bw’abaturiye Sebeya.

    source : https://ift.tt/3jh5oyA

  • Kirehe: SEDO afunzwe akekwaho kwaka ruswa abatishoboye #Rwanda #RwOT via @kigalitoday #rwanda #RwOT

    Umuyobozi w’Akarere ka Kirehe wungirije ushinzwe iterambere ry’ubukungu, Nsengiyumva Jean Damascène avuga ko Manishimwe yafashwe ku wa Gatatu tariki ya 25 Kanama 2021, amasaha y’amanywa akaba afungiye kuri sitasiyo ya RIB ya Nyamugali.

    Uwo muyobozi avuga ko Manishimwe Obed w’imyaka 34 y’amavuko, ibyaha akekwaho yabikoze mu bihe bitandukanye kandi bitakozwe muri uyu mwaka gusa ahubwo haburaga igihe gusa ngo afatwe abiryozwe.

    Avuga ko ibyaha akurikiranyweho harimo kugurisha ubutaka bwa Leta ku muturage bwari bwegereye, washakaga kubusaba Leta kugira ngo ibuhe umwana we.

    Ati “Amakosa yari amaze gukora ni menshi, hari aho yagurishije ubutaka bwa Leta (Igisigara), aho umuturage bwari bwegereye yatekereje kubusaba akabuha umwana we, SEDO amusaba 200,000 frs kugira ngo abumuhe ariko umuturage amubwira ko yabona 180,000Frs aranayamuha, nyuma y’aho byaje kumenyekana arabikenga arayamusubiza”.

    Irindi kosa ngo yambuye umuturage inka yahawe muri gahunda ya Girinka ajya kuyororera iwe ndetse no kwaka abaturage badafite amacumbi ruswa kugira ngo bayahabwe.

    Agira ati “Mu by’ukuri amakosa ateye isoni cyane, yatse umuturage inka ya girinka ajya kuyororera iwe, hari ikindi yakoze aho umuturage utari ufite inzu, aho aba yari yarimutse avuye mu Bugesera, yatse 100,000Frs kugira ngo amushyire ku rutonde rw’abazubakirwa”.

    Umuturage kubera ko yari akennye kandi akeneye n’icumbi ngo yasubiye iwabo mu Bugesera agurisha isambu yari ahafite amuha amafaranga yamwatse ariko mu byiciro bitewe n’uko na we yayabonaga.

    Ati “Yakurikiranye agasambu yasize mu Bugesera k’umuryango arakagurisha agenda amuha ibice ibice, 35,000Frs, 25,000Frs bizakurangira agejeje 90,000Frs, arayamuha ndetse ayamuha binyuze kuri telefone ye kuri Mobile Money”.

    Visi Meya Nsengiyumva avuga ko n’ubwo mu batswe ruswa hagaragaye uwo umwe kuko hari ibimenyetso, ariko atari we wenyine ahubwo hari n’abandi benshi cyane abatishoboye bakeneye amacumbi.

    Agira inama abantu bose bahawe ishingano zo gukorera abaturage, kunyurwa n’ibyo bahabwa ibitari ibyabo bakabizibukira.

    Agira ati “Icyo nasaba bagenzi banjye twahawe izi nshingano ni ukunyurwa n’ibyo duhabwa, ibitari ibyawe rwose ni ukuzibukira, ibitari ibyawe nta mpamvu yo kubitekerezaho no kubitaho umwanya. Ni n’icyubahiro gikomeye kuko hari abadafite uwo mushahara”.

    Nsengiyumva avuga ko Leta ikora ibishoboka byose ikabiha umukozi kugira ngo akorere abaturage, ariko bibabaje kuba hari bamwe batanyurwa na byo nyamara babizi ko hanze hari abandi batabonye ayo mahirwe y’akazi kandi bagakeneye.

    source : https://ift.tt/3mBmUzI

  • Kamonyi: Umuryango utishoboye washyikirijwe inzu nziza wubakiwe na Polisi y'u Rwanda #rwanda #RwOT

    Iyi nzu iherereye mu Karere ka Kamonyi, Umurenge wa Musambira, Akagari ka Cyambwe, Umudugudu wa Ruvumura. Iyi nzu ifite n'izindi z'inyongera (Annex) ziri mu gikari, Polisi yazubatse mu gihe kingana n'amezi 4 zitwara amafaranga y'u Rwanda agera muri Miliyoni 18.

    Igikorwa cyo gutaha iyi nzu cyari gihagarariwe n'umuyobozi w'ishami rya Polisi rishinzwe guhuza ibikorwa bya Polisi n'abaturage, Commissioner of Police (CP) Bruce Munyambo, hari kandi umuvugizi wa Polisi y'u Rwanda, CP John Bosco Kabera, Umuyobozi w'agateganyo w'Akarere ka Kamonyi , Tuyizere Thadee n'abandi bapolisi bayobora mu Ntara y'Amajyepfo no mu Karere ka Kamonyi.

    Mu ijambo rya CP Munyambo wari uhagarariye Polisi y'u Rwanda yashimiye abaturage b'Akarere ka Kamonyi ndetse n'abayobozi babo ku bufatanye bakomeje kugaragaza mu kurwanya ibyaha ariko cyane cyane ubufatanye bagaragaje kugira ngo inzu y'umuryango wa Sumwiza yuzure.

    Yagize ati” Polisi y'u Rwanda irishimye kandi turanashimira abaturage ba hano twafatanije kugera kuri iki gukorwa cyo kubaka iyi nzu. Ubu bufatanye si ubwa none kuko dusanzwe dufatanya mu bikorwa bitandukanye bijyanye no gukumira no kurwanya ibyaha.”

    CP Munyambo yakomeje agaragaza ko iyi nzu ari imwe mu mazu 30 n'ibindi bikorwa bitandukanye Polisi y'u Rwanda irimo kugeza ku banyarwanda hirya no hino mu gihugu, mu bikorwa byayo ngarukamwaka byahariwe ukwezi kwa Polisi.

    Ati“Ni bimwe mu bikorwa Polisi y'u Rwanda ijya igeza ku baturage buri mwaka. Ni ibikorwa Polisi ifatanyamo n'abaturage nk'ikimenyetso cyo kubegera bagafatanya gukemura ibindi bibazo cyane cyane iby'umutekano.”

    Umuyobozi w'agateganyo w'Akarere ka Kamonyi, Tuyizere Thadee yashimiye Polisi y'u Rwanda ku gikorwa cyo kubakira umuryango wa Sumwiza Sylivain, yavuze ko atari ubwa mbere Polisi y'u Rwanda ifasha abaturage.

    Ati” Turashimira Polisi y'u Rwanda ku bikorwa idufasha kenshi, twabagejejeho ubusabe bwo kubakira uyu muryango utishoboye kandi utari ufite aho kuba. Igikorwa Polisi ikoze kiba gikoze neza ari ikitegererezo nk'uko mubona iyi nzu, irakomeye kandi ifite byose umuturage yakenera nk'amazi n'umuriro.”

    Meya Tuyizere yakomeje avuga ko mu kwezi gutaha kwa Nzeri mu Murenge wa Ngamba hazatahwa indi nzu nayo Polisi irimo kubakira utishoboye. Yanavuze ko ayo mazu avuye mu mazu 650 Akarere ka Kamonyi kagomba kubakira abatishoboye muri uyu mwaka wa 2021.

    Umusaza Sumwiza mu ijambo rye yavuze ko utashimira Polisi y'u Rwanda yaba atari umuntu. Yavuze ko ibyiza bigomba gushimwa.

    Ati” Si ubwa mbere Polisi ifashije abatishoboye kandi inahora isigasira ibyagezweho. Iyi nkunga y'inzu n'ibyangombwa byayo turabyishimiye cyane.”

    Sumwiza yakomeje ashimira Polisi y'u Rwanda ariko cyane cyane ashimira Leta y'u Rwanda yaje ihagarariwe na Polisi y'u Rwanda. Yavuze ko Igihugu kimuhaye amasaziro meza.


    Source : https://umuryango.rw/amakuru/mu-rwanda/ubuzima/article/kamonyi-umuryango-utishoboye-washyikirijwe-inzu-nziza-wubakiwe-na-polisi-y-u

  • Mutsinzi Ange ntakitabiriye ubutumire bw’Amavubi #rwanda #RwOT

    Myugariro w’umunyarwanda uheruka gusinyira ikipe ya CD Trofense muri Portugal, Mutsinzi Ange Jimmy yamaze gutangaza ko atazitabira ubutumire bw’Amavubi kubera ko yifuza kubanza kumenyera mu ikipe ye nshya.

    Mutsinzi Ange yari mu bakinnyi 39 umutoza Mashami Vincent yahamagaye ashaka kuzakoresha mu mikino ibiri yo mu itsinda E na Mali tariki ya 1 Nzeri muri Maroc na Kenya tariki ya 5 Nzeri mu Rwanda, ni mu gushaka itike y’igikombe cy’Isi cya 2022 kizabera muri Qatar.

    Uyu musore yahamagawe ari mu Bubiligi ari mu igeragezwa, ku wa Mbere w’iki cyumweru nibwo yatangajwe nk’umukinnyi mushya wa CD Trofense muri Portugal mu cyiciro cya kabiri.

    Uyu musore rero akaba yamaze kubwira ikipe y’igihugu Amavubi ko yifuza ko ataza kuko ashaka kubanza kumenyera mu ikipe ye nshya.

    Bamwe mu bakinnyi bakina hanze bamaze kuhagera nka Buhake Twizere Clement ukina muri Norway, Kalisa Jamil na Nsengiyumva Isaac bakina muri Uganda, Emery Mvuyekure wa Tusker muri Kenya yaraye ahageze.

    Meddie Kagere wa Simba SC yaraye ageze mu Rwanda, Nirisarike Salomon we ategerejwe mu Rwanda uyu munsi.

    Rwatubyaye Abdul ukinira FK Shkupi muri Macedonia y’Amajyaruguru, Manzi Thierry ukinira Dila Gori FC muri Georgia , Mukunzi Yannick ukina muri Sandvikens IF muri Suède na Imanishimwe Emmanuel wa FAR Rabat muri Maroc, Rwatubyaye Abdul ukinira FK Shkupi muri Macedonia y’Amajyaruguru, Manzi Thierry ukinira Dila Gori FC muri Georgia, Mukunzi Yannick ukina muri Sandvikens IF muri Suède na Imanishimwe Emmanuel wa FAR Rabat muri Maroc, Ngwabije Bryan Clovis wa SC Lyon mu Bufaransa bose bazahurira n’Amavubi muri Maroc.

    Mutsinzi Ange yasabye ko atazitabira ubu butumire bw’Amavubi kuko ashaka kumenyera mu ikipe ye nshya

    Mutsinzi Ange Jimmy yamaze gusinyira CD Trofense

    Source : http://isimbi.rw/siporo/article/mutsinzi-ange-ntakitabiriye-ubutumire-bw-amavubi

  • ‘IBUYE’ Indirimbo nshya ya Vestine na Dorcas #rwanda #RwOT

    Vestine na Dorcas bamenyekanye mu ndirimbo Adonai, Papa, Warakoze n’izindi, kuri ubu bamaze gushyira hanze indirimbo nshya IBUYE.

    Ifite iminota 4 n’amasegonda 6, aya ni yo magambo ayigize:

    Igihe nta ntsinzi nabonaga imbere yanjye. Rubasha yarafoye aramasha ahamya mu kico gutarangwa byanyujuje impamvu nyinshi zo guhimbaza

    Inyikirizo: Kuko Uwiteka wanjye yafashe igikundiro cye agitegekesha icyangiro nari mfite mu maso y’abantu, ubwo mbona ngaruye ubuyanja.

    Ibuye ryo kwizera yampaye nti ryari guhusha Goliyati. Ntibyashobokaga ko nangara kandi data ari umwami x2. Yaravuze ndakira angendesha nemye mu nzira zigoyeee iherezo ryanjye ku bisi arigira itangiriro kuri we singikanzwe ukundi kandi nshagawe n’igitinyiro cye

    //Dore umwanzi abuze uruvugiro abambari be bakwiye imishwaro intare ya Yuda iranesheje !! x2

    Ibuye ryo kwizera yampaye ntiryari guhusha goliyati ntibyashobokaga ko nangara kandi data ari umwami x2

    IBUYE By Vestine and Dorcas (Official Video 2021)

    [email protected]

    Source : https://agakiza.org/Ifite-iminota-4-n-amasegonda-6-aya-ni-yo.html

  • Umugabo yakatiwe igifungo cy' imyaka 6 kubera gucura umugambi wo gushimuta Guverineri #rwanda #RwOT

    Umugabo witwa Ty Garbin yakatiwe gufungwa imyaka irenga itandatu (6) azira gucura umugambi wo gushimuta Guverineri wa leta ya Muchigan Gretchen Whitmer kubera ingamba z' iyo leta zo kurwanya Covid19.

    Bivugwa ko uyu mugabo yari umwe mu bagize itsinda ry'abagabo barenga 12 bashinjwe kugira uruhare muri uwo mugambi.

    Uyu mugabo yakatiwe kuri uyu wa Gatatu tariki ya 25 Kanama 2021, anatagekwa kuriha amande angana n' amadolari 2, 500 agera kuri miliyoni 2, 5 mu mafaranga y' u Rwanda nk' uko BBC dukesha iyi nkuru yabitangaje.

    Amakuru avuga ko abaregwa, bamwe muri bo bari mu mutwe witwara gisirikare wo muri Michigan utavuga rumwe na leta, bateganyaga kwirara mu biro bikuru by'iyo leta biri mu murwa mukuru wayo Lansing.

    Ariko mu mwaka ushize bahise bateganya gushimuta Madamu Whitmer aho yari ari mu rugo rwe rw'ibiruhuko, nkuko bitangazwa n'ikinyamakuru The New York Times.

    Madamu Whitmer mu mwaka ushize nibwo yashyizeho izo ngamba zo kurwanya icyorezo cya Covid19, kugeza ubu nyinshi muri izo ngamba zakuweho

    Batandatu muri bo barezwe mu rukiko rwo ku rwego rwa leta, naho Garbin, w'imyaka 25, ni we wenyine wemeye icyaha.

    Abandi barindwi baregwa iterabwoba n'ibyaha bijyanye no kuba mu mutwe w'abagizi ba nabi mu rukiko rwo muri leta, bijyanye n'uwo mugambi wo gushimuta Guverineri.

    Garbin yasinye amasezerano ajyanye no kwemera icyaha, asobanura birambuye uko uwo mugambi wari uteye.

    Yavuze ko abagabo batandatu bo muri iryo tsinda bitoreje mu nzu ye, bubaka 'inzu yo kurasaho' imeze kimwe n'iyo Guverineri yari arimo mu kiruhuko, 'bayigabaho igitero n'imbunda'.

    Nkuko umwunganzi wa Garbin yabivuze, umukiliya we yari yarabihiwe no kuba mu ngamba zo kwirinda Covid nyuma yo gutakaza imibereho yakuraga mu kazi ke ko gukanika indege.

    Ku wa gatatu, Garbin yasabye imbabazi Madamu Whitmer kubera 'umuhangayiko n'ubwoba' umuryango we wagize.

    Mu itangazo rye ry'ubuhamya, Madamu Whitmer yavuze ko agikomeje gushyirwa ku nkeke.

    Yagize ati: 'Narebeye mu madirishya yanjye mbona amatsinda manini y'abantu bafite intwaro nyinshi mu ntera ya 'yards' 30 [metero 27] uvuye ku rugo rwanjye. Nibonye mu ishusho y'ikibumbano nanizwe. Mu minsi ishize mu myigaragambyo hari hari icyapa gisaba 'gutwika umupfumu’'.

    Amategeko ya guma mu rugo yashyizweho na Madamu Whitmer yatumye abantu babarirwa mu bihumbi bigaragambiriza ku biro bikuru bya leta, aho benshi bamugereranyije n'umunyagitugu w'Umudage Adolf Hitler.

    Source : https://impanuro.rw/2021/08/26/umugabo-yakatiwe-igifungo-cy-imyaka-6-kubera-gucura-umugambi-wo-gushimuta-guverineri/