Webrwanda Backend

Author: webrwanda

  • Perezida mushya wa Zambia yanze kwimukira mu nyubako Leta yamugeneye #rwanda #RwOT

    Nubwo uwo yasimbuye, Edgar Lungu,yari yamaze kuva muri iyo nzu,Perezida Hichilema yanze kwimukira muri iyo nzu nziza cyane.

    Uwari umukuru w'igihugu,Lungu, ubu yamaze gukodesha inzu y'umukinnyi w'umupira w'amaguru w'umunya-Zambia uba mu Bushinwa, Stopilla Sunzu, nk'uko biri gutangazwa n'ibinyamakuru by'aho muri Zambia.

    Ibinyamakuru bisubiramo ibyavuzwe n'umunyamabanga mukuru w'ishyaka rya Hichilema, Batuke Imenda, ko umukuru w'igihugu mushya azakorera kmu biro by'umukuru w'igihugu, ariko ko azakomeza kuba mu nzu ye bwite, yise Community House (inzu rusange).

    Zambia Daily Mail yatangaje ko Imenda yavuze ati : '' Nk'uko yabivuze mbere y'uko arahira, prezida wacu azakomeza kuba mu nzu ye iri New Kasama. Community House niho hamubereye neza kurushaho. Ugereranyije inzu zombi,iye ni nziza kurushaho.”

    Inkuru y'uko prezida Hichilema atazajya kuba mu nyubako y'umukuru w'igihugu ije mu gihe Lungu, yatsinzwe arushijwe amajwi arenga miliyoni mu matora yabaye ku wa 12 z'ukwezi kwa munani.

    Yanditse kuri Twitter ubutumwa bwo gusezera, avuga ko ajyanye ibyo “azibukirwaho byiza'' mu gihe yamaze ari umukuru w'igihugu.

    Ati: “Muri iyi myaka irindwi ishize, ku ngoro y'umukuru w'igihugu niho hari hasigaye ari mu rugo kuri njyewe n'umuryango wanjye.Sinigeze nishyiramo ko ntazahava,none ejo narahavuye.Nahavuye numva ko njyanye ishema ry'uko natanze uruhare rwanjye, nk'uko abaperezida batanu bambanjirije babikoze.

    Amakuru avuga ko Perezida Hichilema usanzwe ari umuherwe muri Zambia,atunze inka zisaga ibihumbi 700 n'akayabo kenshi k'amadolari yakuye mu bushabitsi.

    BBC

    Source : https://umuryango.rw/amakuru/mu-mahanga/politiki/article/perezida-mushya-wa-zambia-yanze-kwimukira-mu-nyubako-leta-yamugeneye

  • Nyarugenge: Gaz yaturitse yangiza inzu eshanu n'ibikoresho #rwanda #RwOT

    Mu Kagari ka Biryogo mu Murenge wa Nyarungenge, gaze yaturitse yangiza inzu eshanu,ikomeretsa abaturage babiri,umwe akaba yahise ajyanwa kwa muganga.

    Amakuru dukesha IGIHE avuga ko ahagana saa tanu n'igice zo kuri uyu wa Kane tariki ya 26 Kanama 2021, aribwo iyi gaz yari irimo gutekerwaho muri restaurant yashyushye cyane ihita iturika abantu bose bari aho hafi,banywa icyayi cya 'Thé Vert' bakizwa n'amaguru.

    Bimwe mu byo iyi gaz yangije harimo ibisenge by'inzu n'ibirahuri byazo ndetse n'inzugi na bimwe mu bikoresho byari muri restaurant.

    Abaturage babwiye IGIHE dukesha iyi nkuru ko iyi gaz ikimara gushyuha uwari uyitetseho yahise asohora icupa ryayo riba ariho riturikira ndetse banahamya ko iyo itaba iri hanze yari gutwika inzu nyinshi cyane.

    Uwitwa Habumuremyi Cléophas yagize ati 'Urabona yari arimo guteka irashyuha cyane ayizana muri ruhurura ngo ihore nibwo ituritse itumbagiza iyi Béton mu kirere imena ibirahuri byose by'izi nzu inangiza ibisenge byazo byose.'

    Undi muturage witwa Kaka Idi yunzemo agira ati 'Yari iri gucumba umwotsi ayishyira hanze ashaka ngo ihore ihita iturika. Twari turi kunywa icyayi dukizwa n'amaguru.'

    Abangirijwe inzu n'iyi gaz yaturitse babwiye IGIHE ko batari bamenya agaciro k'ibintu yangije.

    Source : https://umuryango.rw/amakuru/mu-rwanda/umutekano/article/nyarugenge-gaz-yaturitse-yangiza-inzu-eshanu-n-ibikoresho

  • Nsengiyumva Francois ‘Igisupusupu’ yarekuwe #rwanda #RwOT

    Umuhanzi Nsengiyumva [Igisupusupu] wari watawe muri yombi akurikiranyweho icyaha cyo gufata ku ngufu umwana w’imyaka 13, yarekuwe nyuma y’uko ibimenyetso Urukiko rwasanze ibimenyetso byatanzwe bidahagije.

    Kuri uyu wa Kane tariki ya 26 Kanama 2021 nibwo Urukiko Rwisumbuye rwa Nyangatare rwategetse ko uyu muhanzi wari wakatiwe gufungwa iminsi 30 y’agateganyo arekurwa akaburana ari hanze.

    Igisupusupu yari yakatiwe n’Urukiko rw’Ibanze rwa Kiramuruzi gufungwa imisni 30 y’agateganyo, yahise ajuririra iki cyemezo maze tariki ya 24 Kanama Urukiko rwisumbuye rwa Nyagatare hifashishijwe ikoranabuhanga rwumva ubujurire bwe.

    Uyu munsi nibwo hasomwe imyanzuro y’ubujujrire maze basanga ibimenyetso byatanzwe n’Ubushinjacyaha nk’impamvu nkomezacyaha ku buryo yaburana afunze nta shingiro zifite.

    Igisupusupu yatewe muri yombi ku wa Gatatu tariki ya 30 Kamena i Kiramuruzi.

    Uyu muhanzi akaba yari akurikiranyweho gufata ku ngufu umwana yakoreshaga w’imyaka 13 n’icyaha cyo kumukoresha imirimo ivunanye.

    Igisupusupu yarekuwe azajya aburana ari hanze

    Source : http://isimbi.rw/imyidagaduro/article/nsengiyumva-francois-igisupusupu-yarekuwe

  • Manchester City igeze kure ibiganiro na Cristiano Ronaldo #rwanda #RwOT

    Ikipe ya Manchester City yamaze kwemera ko igiye gushaka umunyabigwi Cristiano Ronaldo kugira ngo ayikinire imyaka 2 ndetse imwishyure akayabo k'ibihumbi 230 by'amapauwundi ku cyumweru.

    Nyuma yo kunanirwa kuzana rutahizamu wa Tottenham,Harry Kane,ikipe ya Manchester City yabonye ko bitayorohera kugera ku ntsinzi igendera kuri Gabriel Jesus wenyine ariyo mpamvu ihanze amaso Cristiano Ronaldo.

    Icyakora amakuru aravuga ko City idashaka kwishyura miliyoni Juventus yifuza ku mwaka umwe Cristiano Ronaldo asigaje aho ishaka miliyoni 25 z'amapawundi.

    Byavugwaga ko Juventus yifuza ko bayiha rutahizamu Gabriel Jesus kugira ngo nayo irekure Cristiano Ronaldo ariko Guardiola yabyanze.

    Ronaldo w'imyaka 36, yavuze ko yifuza guhindura shampiyona ariyo mpamvu umushakira amakipe,Jorge Mendes yamushakiye umwanya muri City kuri miliyoni £25.

    Ronaldo yanze kubanza mu kibuga mu mukino Juventus iheruka kunganya na Udinese ibitego 2-2,byatumye benshi bashidikanya ku hazaza he muri iyi kipe.

    Nubwo bivugwa ko Paris Saint-Germain ishaka Ronaldo nyuma yo kunanirwa kugumana Kylian Mbappe,amahirwe menshi yo kumwegukana arahabwa Manchester City.

    City imaze kugura umukinnyi umwe Jack Grealish yatanzeho miliyoni 100 z'amapawundi gusa yashakaga Harry Kane kuri miliyoni 100 z'amapawundi ntibyakunda.

    Source : https://umuryango.rw/imyidagaduro/imikino/article/manchester-city-igeze-kure-ibiganiro-na-cristiano-ronaldo

  • ITANGAZO RYA CYAMUNARA Y'UMUTUNGO UTIMUKANWA UGIZWE N'INZU UHEREREYE MU MURENGE WA KINIHIRA MU KARERE KA RULINDO #rwanda #RwOT

    UMUHESHA W'INKIKO W'UMWUGA ARAMENYESHA ABANTU BOSE KO AZATEZA MURI CYAMUNARA UMUTUNGO UTIMUKANWA WA UWAMAHORO DENYSE UHEREREYE MU MUDUGUDU WA MUTOYI, AKAGALI KA KARENGAMAZI, UMURENGE WA KINIHIRA AKARERE KA RULINDO. CYAMUNARA IKAZAHERA KU ITALIKI YA 30/08/2021.

    UWIFUZA IBINDI BISOBANURO YASOMA ITANGAZO RIRI HANO HASI CYANGWA SE AGAHAMAGARA KURI TELEFONI + 0788357831/0728357831

    Source : https://umuryango.rw/amatangazo/article/itangazo-rya-cyamunara-y-umutungo-utimukanwa-ugizwe-n-inzu-uherereye-mu-murenge

  • Ibitaravuzwe ku ndirimbo 'Ibuye’ ya Vestine na Dorcas, habaye impanuka isubirwamo(VIDEO) #rwanda #RwOT

    Hashize amasaha make Vestine na Dorcas basohoye indirimbo 'Ibuye’, bavuga ko ari indirimbo yabagoye kuko ubwo bari bavuye gufata amashusho yayo, umuhanzi Chriss Easy ari na we wafashe amashusho y’iyi ndirimbo yakoze impanuka ikarita(memory card) yari ariho ikameneka biba ngombwa ko bayasubiramo.

    Aba bakobwa baririmba indirimbo zo kuramya no guhimbaza Imana, bamaze kwigarurira imitima ya benshi, basohoye indirimbo 'Ibuye’ igaruka ku buryo Imana idatererana abana bayo, icyo umuntu aba asabwa ari ukwizera gusa.

    Dorcas na Vestine bakaba bari mu maboko ya MIE ari yo irereberera inyungo zabo mu muziki, bavuga ko M Irene akaba umuyobozi wa MIE atajya asinzira akora byinshi kugira ngo batere imbere birenze n’inyungu yaba abikuramo.

    Mu kiganiro n’ikinyamakuru ISIMBI, Vestine yatanze urugero kuri iyi ndirimbo uburyo bafashe amashusho yayo maze uwayafashe agakora impanuka, amashusho akangirika ariko Irene akongera akishyura agasubirwamo.

    Ati 'urugero natanga ni nk’ibintu byatubayeho muri iyi ndirimbo 'Ibuye’, twafashe amashusho, byose arabyishyura ibyo twakoresheje, aho twakoreye arahishyura, noneho turangije Chriss Eazy akora impanuka gato baramuhusha ikarita (memory card) baba barayigonze, arongera yishyura ibindi aho twakoreye, ibyo twakoresheje byose arabyishyura.'

    Chriss Eazy ni we wayoboye iyi ndirimbo mu buryo bw’amashusho(video director) yakoze impanuka ubwo bari basoje kuyikorera kuri Romantic Garden.

    'Ibuye’ ni indirimbo ya 4 ya Vestine na Dorcas, ni nyuma ya 'Nahawe Ijambo’, 'Papa’ na 'Adonai’ baheruka gusohora.

    Dorcas(ibumoso) na Vestine(iburyo) bavuga ko M Irene(hagati) akora byinshi kugira ngo batere imbere

    Source : http://isimbi.rw/iyobokamana/article/ibitaravuzwe-ku-ndirimbo-ibuye-ya-vestine-na-dorcas-habaye-impanuka-isubirwamo-video

  • ITANGAZO RYA CYAMUNARA Y'UMUTUNGO WIMUKANWA WA CRC RW LTD UGIZWE N'IMYENDA N'IBIKORESHO BYO KUYIBIKAMO UHEREREYE MU NZU Y'UBUCURUZI YA KBC KIMIHURURA #rwanda #RwOT

    UMUHESHA W'INKIKO W'UMWUGA ARAMENYESHA ABANTU BOSE KO AZATEZA MURI CYAMUNARA UMUTUNGO WIMUKANWA WA CRC RW LTD UHEREREYE MU KAGALI KA KAMUKINA, UMURENGE WA KIMIHURURA AKARERE KA GASABO. CYAMUNARA IKAZAHERA KU ITALIKI YA 24/08/2021 MU NYUBAKO Y'UBUCURUZI YA KBC.

    UWIFUZA IBINDI BISOBANURO YASOMA ITANGAZO RIRI HANO HASI CYANGWA SE AGAHAMAGARA KURI TELEFONI 0784588972.

    Source : https://umuryango.rw/amatangazo/article/itangazo-rya-cyamunara-y-umutungo-wimukanwa-wa-crc-rw-ltd-ugizwe-n-imyenda-n

  • Dr Bihira Canisius yafunzwe na RIB #rwanda #RwOT

    Dr Bihira Pierre Canisius, yafunzwe n' Urwego rw'Igihugu rushinzwe Ubugenzacyaha, RIB, rumukurikiranyeho icyaha cyo kwihesha ikintu cy'undi hakoreshejwe uburiganya.

    Kuri uyu wa Gatatu tariki ya 25 Kanama 2021, nibwo Dr Bihira wakoreye amabanki atandukanye mu Rwanda, kuri ubu yari ari mu kiruhuko cy'izabukuru, ari Umuyobozi w'Ikigo cyitwa AFADE Ltd, nibwo yatawe muri yombi n' Urwego rw'Igihugu rushinzwe Ubugenzacyaha, RIB,

    Nk' uko Igihe dukesha aya makuru kibivuga ni uko Dr Bihira w'imyaka 61, yijeje abantu batandukanye ko nibagura imigabane muri AFADE [African Agency for Development and Environmental Project], bazabona inyungu zihuse.

    Umuturage watanze amakuru yavuze ko yabonye Dr Bihira kuri televiziyo ari guhamagarira abantu kuzana amafaranga, avuga ko agiye gukora ikigo cy'imari ndetse kizajya gitanga inyungu zihuse.

    Yavuze ko Dr Bihira yabwiraga abaturage ko azajya abigira imishinga ku buntu, bagakora ibikorwa bibyara inyungu ndetse akabaguriza binyuze mu mushinga yari yatangije witwa Kanani Project nawo ushamikiye kuri AFADE.

    ICYO ITEGEKO RITEGANYA

    Itegeko ritaganya ibyaha n'ibihano muri rusange

    Ingingo ya 174: Kwihesha ikintu cy'undi hakoreshejwe uburiganya

    Umuntu wese wihesha umutungo w'undi, imari ye yose cyangwa igice cyayo mu buryo bw'uburiganya yiyitiriye izina ritari ryo cyangwa umurimo adafitiye ububasha cyangwa akizeza icyiza cyangwa agatinyisha ko hari ikibi kizaba, aba akoze icyaha.

    Iyo abihamijwe n'urukiko, ahanishwa igifungo kitari munsi y'imyaka ibiri (2) ariko kitarenze imyaka itatu (3) n'ihazabu y'amafaranga y'u Rwanda atari munsi ya miliyoni eshatu (3.000.000 FRW) ariko atarenze miliyoni eshanu (5.000.000 FRW).

    Iyo icyo cyaha gikozwe n'umuntu kugira ngo atange impapuro z'inyemezamigabane, z'inyemezamyenda, inyandiko zigereranywa n'amafaranga, imigabane cyangwa indi nyandiko yose ifite agaciro k'ifaranga ari ibya sosiyete y'ubucuruzi, iby'ikigo gicuruza cyangwa iby'uruganda, igihano kiba igifungo kitari munsi y'imyaka itatu (3) ariko kitarenze imyaka itanu (5) n'ihazabu y'amafaranga y'u Rwanda arenze miliyoni eshanu (5.000.000FRW) ariko atarenze miliyoni zirindwi (7.000.000 FRW).

    Nyandikira kuri email: [email protected]

    Source : https://impanuro.rw/2021/08/26/dr-bihira-canisius-yafunzwe-na-rib/

  • Umugaba Mukuru w’Ingabo za Tanzania yagiriye uruzinduko mu Mudugudu wa Kinigi #Rwanda #RwOT via @kigalitoday #rwanda #RwOT

    Ni uruzinduko rw’akazi rw’iminsi itatu uwo mugaba mukuru w’Ingabo mu gihugu cya Tanzaniya General Venance Mabeyo, ruva tariki 23 Kanama 2021 rukagera ku itariki 26 Kanama 2021, aho ku itariki 24 yagiranye ikiganiro na Minisitiri w’Ingabo z’u Rwanda, Maj Gen Murasira Albert, mu biro bye ku Kimuhurura.

    Mu rwego rwo gusura ibikorwa Ingabo z’u Rwanda zifashamo abaturage mu rwego rwo kubageza ku iterambere rirambye, Umugaba mukuru w’Ingabo za Tanzaniya yatambagijwe Umudugudu w’icyitegererezo wa Kinigi wubatswe ku bufatanye n’ingabo z’u Rwanda, ashima cyane ubufatanye bw’ingabo z’u Rwanda n’abaturage nyuma yo kwerekwa ibikorwaremezo binyuranye, anashima kandi imibereho y’abahatujwe.

    Bimwe mu bikorwa abo bashyitsi bishimiye muri uwo mudugudu utuwe n’imiryango 144, birimo Agakiriro, Urugo mbonezamikurire rw’abana bato (ECD), Ikigo Nderabuzima, Ikigo cy’amashuri cya Kampanga, amazu ajyanye n’icyerekezo yubakiwe abagenerwabikorwa, imihanda ya Kaburimbo n’ibindi.

    Andrew Rucyahana Mpuhwe ushinzwe Ubukungu mu Karere ka Musanze (wambaye umweru) yabatambagije uwo mudugudu abereka ibyiza biwubonekamo
    Andrew Rucyahana Mpuhwe ushinzwe Ubukungu mu Karere ka Musanze (wambaye umweru) yabatambagije uwo mudugudu abereka ibyiza biwubonekamo

    Nk’uko yabitangaje akigera mu Rwanda, Umugaba mukuru w’Ingabo za Tanzaniya yavuze ko urwo ruzinduko we n’itsinda ayoboye bagiriye mu Rwanda, rukozwe hagamijwe gukomeza kwagura umubano n’ubufatanye hagati y’Igisirikare cya Tanzaniya n’Igisirikare cy’u Rwanda.

    Ni uruzinduko rubaye nyuma y’iminsi mike, Umugaba mukuru w’ingabo z’u Rwanda Gen Jean Bosco Kazura akoreye uruzinduko mu gihugu cya Tanzaniya, aho ibihugu byombi byasinyanye amasezerano y’imikoranire mu bikorwa bya gisirikari.

    Biteganyijwe ko Umugaba w’ingabo mu gihugu cya Tanzaniya n’itsinda ayoboye, basoza uruzinduko rwabo mu Rwanda kuri uyu wa Kane tariki 26 Kanama 2021.

    Uwo Mugaba mukuru w’ingabo za Tanzaniya, asuye uwo mudugudu nyuma y’uko na none, uwo mudugudu wari uherutse gusurwa na Perezida wa Centrafurika, Faustin-Archange Touadéra tariki 06 Kanama 2021 ubwo yari mu ruzinduko rw’akazi rw’iminsi 4 yagiriraga mu Rwanda.

    Honorable OCZ Mushinguri Kashiri, Minisitiri w’Ingabo mu gihugu cya Zimbabwe, wari uyoboye itsinda ry’abayobozi mu nzego zinyuranye muri Zimbabwe, bari kumwe na Minisitiri w’ingabo z’u Rwanda, Maj Gen Albert Murasira, nabo basura uwo mudugudu tariki 03 Kanama 2021.

    Mu gihe kandi uwo mudugudu wari umaze gusurwa n’umugaba mukuru w’Ingabo mu gihugu cya Angola, General Egidio Santos, ubwo yari kumwe n’Umugaba mukuru w’Ingabo z’u Rwanda, Gen Jean Bosco Kazura, ku itariki 28 Nyakanga 2021, abo bose bashimira ibikorwa Ingabo z’u Rwanda zikomeje kugeza ku baturage, mu kubafasha kugera ku iterambere rirambye.

    Umudugudu w’icyitegererezo wa Kinigi, uherereye mu nkengero z’ibirunga mu Murenge wa Kinigi mu Karere ka Musanze, niwo wizihirijwemo ku nshuro ya 27 isabukuru yo kwibohora ku rwego rw’igihugu tariki 04 Nyakanga 2021, ukaba ari umudugudu ukomeje kuganwa n’abashyitsi banyuranye baturutse hirya no hino ku isi bahakorera ingendo shuri.

    source : https://ift.tt/2Wr53jO

  • Nyagatare: Abayobozi b'imidugudu 32 bahawe ishimwe nubuyobozi bw'intara y'iburasirazuba #rwanda #RwOT

    Abayobozi b'imidugudu 32 gusa mumidugudu isaga 600 yo mukarere ka Nyagatare nibo bashyikirijwe ishimwe numuyobozi w'intara y'Iburasirazuba Emmanuel Gasana. Uyu muhango wabereye kuri stade yakarere ka Nyagatare hakurikijwe amabwiriza yo kwirinda icyorezo cya Covid-19. Abayobozi b'imidugudu 32 yo mukarere ka Nyagatare besheje umuhigo wo gutanga ubwisungane mukwivuza mutuele de sante bashimiwe nubuyobozi bwiyintara y'iburasirazuba ndetse […]

    The post Nyagatare: Abayobozi b'imidugudu 32 bahawe ishimwe nubuyobozi bw'intara y'iburasirazuba appeared first on Kigalinews24.

    Source : https://kigalinews24.com/2021/08/26/nyagatare-abayobozi-bimidugudu-32-bahawe-ishimwe-nubuyobozi-bwintara-yiburasirazuba/