Webrwanda Backend

Author: webrwanda

  • Abanyamadini basabwe gukebura abayoboke babo banze gufata urukingo rwa COVID-19 – #rwanda #RwOT

    Babisabwe kuri uyu wa 15 Nzeri 2021 mu muhango wo gutangiza ku mugaragaro amahugurwa agamije kwihutisha uruhare rw’amadini n’amatorero mu Rwanda no kurwanya COVID-19, wabereye muri Kigali Convention Centre.

    Ni umuhango witabiriwe n’Umunyamabanga wa Leta muri Minisiteri y’Ubuzima, Dr. Mpunga Tharcisse; Umuyobozi w’Urwego rw’Igihugu rushinzwe Imiyoborere, RGB, Dr. Usta Kayitesi; Uwari uhagarariye Ihuriro ry’Amadini n’Amatorero mu Rwanda (RIC), Mufti w’u Rwanda Sheikh Salim Hitimana; Umuyobozi wa World Relief mu Rwanda, Ndahiro Moses n’abahagarariye amadini atandukanye.

    Dr. Mpunga yavuze ko ibihuha biri mu bayoboke b’amadini atandukanye bituma batikingiza Covid-19 babiterwa n’ababayobora, bityo ko bakwiriye kugira uruhare mu kubigisha bagahinduka.

    Yagize ati “Abanyamadini ni bo bafite urufunguzo rwo kwigisha abakirisitu babo ko urukingo ari rwiza rubarinda kuko nabo barakingiwe kandi bameze neza. Ikindi ni uko atari rwo rukingo rwonyine rwabayeho, mu Rwanda turi mu bihugu bikingira inkingo nyinshi abana, zigera muri 14.”

    “Izo nkingo zose rero kugeza uyu munsi abana bafite imyaka 20 barakingiwe nta n’umwe urapfa. Kuki utekereza ko uyu munsi wapfa wishwe n’urukingo rwa Covid-19, ntutekereze ko uzicwa n’umuti bazagutera mu bitaro wagiye kubyara cyangwa wahuye n’ikindi kuko nawo ntuzi aho waturutse? Ntekereza ko ari bintu bidafite aho bishingiye n’abantu bakwiye kubisobanukirwa.”

    -  Abanga gukurikizwa amabwiriza basabiwe guhanwa n’itorero

    Dr. Kayitesi Usta yavuze ko abemeramana banze gukurikiza amabwiriza ya Covid-19 bakwiriye guhabwa ibihano bishingiye ku myemerere yabo kuko gusuzugura amabwiriza yaba ay’igihugu cyangwa itorero ari icyaha gikwiriye igihano.

    Ati “Bakeneye guhugurwa ariko bakeneye no guhanwa. Ibyo byombi bigomba kugendana; ababafite mu nshingano zabo mu rwego rw’amadini n’amatorero bakwiriye kubahugura bakabafatira n’ibyemezo bijyanye n’imyemerere n’inzego zindi zibishinzwe zikabakurikirana.’’

    Bimwe mu byo bamwe bavuga bituma batikingiza ngo ni uko urukingo rwa Covid-19 rwaturutse kwa Satani ndetse ari uburyo iri gukoresha ngo irimbure Isi abandi bakavuga ko rubabuza kubyara, abandi bakavuga ko ari kashe ya Satani n’ibindi.

    Ndahiro Moses uhagarariye World Relief mu Rwanda yavuze ko uyu muryango usanzwe ukora ibikorwa bijyanye n’imyemerere, washyizeho ingamba zitandukanye zirimo gukoresha itangazamakuru hagamijwe guhangana n’iyi myumvire mibi kandi ko hari icyizere ko abayifite bazahinduka.

    Yagize ati “Umuntu uwo ariwe wese iyo umuteze amatwi ukumva impamvu afite iyo myumvire, ukamubwiza ukuri ukamwereka urugero rwiza arahinduka. Icya mbere ni ukumutega amatwi.”

    Sheikh Hitimana yavuze ko nk’Ihuriro ry’Amadini n’Amatorero bari gutegura gahunda yo kuganiriza abafite imyumvire mibi ku rukingo rwa Covid-19, kugira ngo bahinduke.

    Yongeyeho ati “Abagejeje imyaka bakwiriye kwihutira gufata urukingo kuko nibura nirwo rubarinda kuko n’iyo kiriya cyorezo cyabageraho kitabagirira nabi cyane nk’umuntu utarakingiwe.”

    Dr. Mpunga yavuze ko abanyamadini ari bo bantu bakira abantu benshi batahamagaye kandi ibyo bababwiye bakabyizera cyane, ariyo mpamvu bakwiriye gukoresha ubwo bubasha mu guhindura imyumvire mibi bafite.

    Kugeza ubu mu Rwanda hari insengero zisengerwamo zirenga ibihumbi 10, naho amatorero ari hagati ya 400 na 700 harimo n’imiryango ifite ibikorwa bishingiye ku myemerere.

    Umunyamabanga wa Leta muri Minisiteri y’Ubuzima, Dr. Mpunga Tharcisse, yavuze ko abatekereza ko urukingo rwa Covid-19 rwica bibeshya kuko ari nk’izindi zose baterwa

    Umuyobozi wa World Relief mu Rwanda, Ndahiro Moses, yavuze ko hari gukorawa ubukangurambaga butandukanye bugamije guhindura imyumvire mibi ku rukingo rwa Covid-19 ishingiye ku myemerere

    Umuyobozi w’Urwego rw’Igihugu rushinzwe Imiyoborere, RGB, Dr Kaitesi Usta yasabye ko abemeramana banze gukurikiza amabwiriza bajya bahabwa ibihano

    Sheikh Hitimana yavuze ko RIC iri gutegura gahunda yo kwigisha abantu bagahinduka, bakitabira kwikingiza

    Ni umuhango wabereye muri Kigali Convention Centre

    Ni umuhango wari witabiriwe n’abayobozi batandukanye harimo n’abahagarariye amadini atandukanye

    source : https://ift.tt/2XmssnF

  • Minisante yaciwe miliyoni 25 Frw ku bw’umurwayi Ibitaro bya Munini byaciye ukuboko – #rwanda #RwOT

    Itegeko rivuga ko umuntu ushoye leta mu manza ari we wirwanaho akishyura, kuri uyu bikaba bifatwa nk’igihombo kitari ngombwa kubera ko Minisiteri y’Ubuzima yishyuye mu mwanya w’uwagize uburangare.

    Umuturage wo mu Karere ka Nyaruguru ni we wareze Ibitaro bya Munini byamuciye akaboko ubwo yari agiye kuhivuza.

    Byagaragajwe mu isesengura riri gukorwa na Komisiyo Ishinzwe Gukurikirana Imikoreshereze y’Imari n’Umutungo by’Igihugu, PAC, kuri raporo y’Umugenzuzi Mukuru w’Imari ya Leta ya 2019/2020.

    Icyo gihe umuforomo yagiye kumufata amaraso azirika ‘plastique’ ku kuboko ashakisha umutsi, aribagirwa ayirekeraho, bivugwa ko yamazeho amasaha menshi.

    Byatumye amaraso agera aho atakibasha gutembera ngo agere mu gice cy’ikiganza birangira giciwe.

    Ubwo Minisante yitabaga PAC kuri uyu wa Gatatu, tariki ya 16 Nzeri 2021, Umunyamabanga Uhoraho muri Minisiteri y’Ubuzima, Iyakaremye Zachée, yavuze ko ari uburangare bukomeye bwabayeho ku ruhande rw’umuntu wakurikiranaga uwo murwayi.

    Yavuze ko mu rwego rwo kuryozwa ubwo burangare harezwe umukoresha w’uwo mukozi biza kurangira urukiko rwanzuye ko leta ari yo itsinzwe.

    Yakomeje avuga ko hari itegeko rigena uburyozwe ku ngaruka zishobora guturuka ku mwuga w’ubuvuzi, riteganya ko abakozi bo mu mwuga w’ubuvuzi bashobora gutangirwa ubwishingizi ku kintu nk’icyo cyaba gitewe n’impanuka cyangwa kutarangiza inshingano nk’uko byari biteganyijwe hakaba ahabaho ikigega cyishyura ariko kitarajyaho.

    Depite Bakundufite Christine yagize ati “Tubabajwe n’akaboko k’umuntu kagiye na Minisiteri ikishyura, ni ukuvuga ko igihugu cyahombye kabiri. Nimutubwire icyo uwo mukozi yahanishijwe.”

    Iyakaremye yabwiye abadepite ko uwo mukozi yahawe ibihano byo ku rwego rw’akazi arirukanwa; ntashobora kongera kubona akazi mu nzego za leta ndetse n’Inama y’Ababyaza n’Abaforomo yamwambuye icyemezo kimwemerera gukorera umurimo we ku butaka bw’u Rwanda.

    Uwari uhagarariye Umugenzuzi Mukuru w’Imari ya Leta, Munyanturire Claude yavuze ko ubwo ari uburangare bugaragara ariko kwirukana uwo mukozi bidahagije.

    Ati “Kujya gufata amaraso umuntu, bagashakisha umutsi, ka kagozi bashyiraho kakamaraho igihe kinini ku buryo amaraso adatembera, birenze n’uburangare. N’iyo habaho ikigega cy’ubwishingizi, nta bwishingizi ndumva bwishingira uburangare, icyaha cyangwa ikosa umuntu yari kwirinda.”

    “Yego iki kigega ntabwo kirajyaho ariko nubwo cyajyaho simpamya ko kizishingira ibintu nk’ibi. Mu bigaragara uyu mukozi kumusezerera ntabwo bihagije. Iki ni igihombo yateje leta yakagombye gukurikiranwaho.”

    Uwitonze Clarisse wari uhagarariye Ubushinjacyaha Bukuru, yagize ati “Iki ni icyaha ntabwo ari ikosa, kuba yarahawe ibihano byo mu rwego rw’akazi ntibihagije, yagombaga gushyikirizwa Ubugenzacyaha. Ntibongere kuvuga ko ari ikosa, ni icyaha yakoze.”

    Depite Ntezimana Jean Claude na we yavuze ko kwirukana uyu muforomo bitari bihagije.

    Yakomeje ati “Batubwira ko hari ingamba zashyizweho zo gukumira iyo mikorere ariko sinumva ukuntu bakumira kandi badahana, ntabwo bishobora guhura. Kumwirukana na we ubwe yari azi ko abikwiye kuko nta cyizere abarwayi bari kongera kumugirira. Umuntu ashobora kwirukanwa mu buganga akajya no kwikorera.”

    Inyubako nshya y’Ibitaro bya Munini, mu gihe gito bishobora gutangira gukorerwamo

    source : https://ift.tt/3hC1D5s

  • Rayon Sport yatangiye imyitozo nyuma y'igihe kinini(Amafoto) – YEGOB #rwanda #RwOT

    Ku mugoroba wo kuwa kabiri tariki 14 Nzeli 2021 nibwo ikipe ya Rayon Sports yatangiye imyitozo yitegura umwaka w'imikino 2021/2022 gusa ntabwo itanga icyizere kubera uko yitwaye ku isoko ryo kugura abakinnyi.

    Ni imyitozo yayobowe na Lomami Marcel, umutoza wungirije ndetse na Sacha, umutoza wa kabiri wungirije. Masudi Djuma, umutoza mukuru Ari mu Burundi aho yagiye gushyingura se umubyara uheruka kwitaba Imana.

    Rayon Sports yatangiye imyitozo kuri uyu mugoroba ifite Abakinnyi 25 barimo 6 b'Abanyamahanga bari mu igeragezwa.

    N'imyitozo yitabiriwe n'abakinnyi basanzwe muri Rayon Sports bagifite amasezerano ndetse n'abashya bamaze gusinyira iyi kipe barimo Mugisha François bita Master wagarutse muri iyi kipe avuye muri Bugesera FC, Muvandimwe JMV wavuye muri Police FC, Mitima Isaac wavuye muri Sofapaka yo muri Kenya, Byumvuhore Trésor wavuye muri Gasogi United, Mushimiyimana Mohamed wavuye muri APR FC na Mico Justin wavuye muri Police FC.

    Manace Mutatu na Kwizera Olivier nibo bakinnyi basanganywe amasezerano batakoze imyitozo.

    Hari ikindi cyiciro cy'abakinnyi Bari mu igeragezwa ry'ibyumweru 2 barimo na Mackenzie Nizigiyimana wigeze kunyura muri Rayon Sports.Harimo kandi rutahizamu Mantore Jean Pipi uvuye mu igeragezwa muri Yanga.

    Umwitozo wa mbere nyuma y'igihe kinini abakinnyi bari mu biruhuko

    Nishimwe Blaise ugaragaza akanya muneza ku maso.

    Imyitozo y'itabiriwe n'abenshi mu bayobozi ba Rayon Sport.

    Source : https://yegob.rw/rayon-sport-yatangiye-imyitozo-nyuma-yigihe-kininiamafoto/

  • Mu MAFOTO: Dore inkumi y'ikimero cyiza yatwaye umutima w'umunyamakuru David Bayingana – YEGOB #rwanda #RwOT

    Umunyamakuru w'imikino ukunzwe cyane hano mu Rwanda, David Bayingana, ari mu rukundo n'umukobwa witwa Ashante Lydie (Queen Lydie) wakundanyeho n'umuhanzi Davis D.

    Urukundo rw'aba bombi bakaba bararugize ibanga rikomeye ariko bamwe mu nshuti zabo za hafi bakaba baruzi ndetse n'amakuru dukesha ISIMBI.rw avuga ko Bayingana amaze igihe kinini ari mu rukundo n'iyi nkumi ifite ikimero kirangaza benshi.

    Hano twabakusanyirije amwe mu mafoto ya Ashante Lydie uri mu rukundo na David Bayingana.

    Source : https://yegob.rw/mu-mafoto-dore-inkumi-yikimero-cyiza-yatwaye-umutima-wumunyamakuru-david-bayingana/

  • Abashaka kwiyahura bashyiriweho umurongo bazajya bahamagaraho – YEGOB #rwanda #RwOT

    Ikigo gitanga Ubujyanama ku ndwara zo mu mutwe, Mental Health First, cyashyizeho umurongo wa telefone abafite ibitekerezo byo kwiyahura bashobora guhamagaraho ku buntu bagahabwa ubujyanama bubafasha kwisubira kuri iki cyemezo baba bafashe.

    Uyu murongo wa telefone wa 8015 washyizweho nyuma yo kubona ko ikibazo cy'abantu biyahura kiri kugenda gifata indi ntera.

    Imibare y'Urwego rw'Igihugu rw'Ubugenzacyaha igaragaza ko mu mwaka w'Ingengo w'Imari wa 2020/21 umubare w'abiyahuye ari 285.

    Nubwo iyi mibare yagabanyutseho 2% ugereranyije n'abari biyahuye mu mwaka wari wabanje, kwiyahura ni ikibazo kigihangayikishije Abanyarwanda.

    Source : https://yegob.rw/abashaka-kwiyahura-bashyiriweho-umurongo-bazajya-bahamagaraho/

  • Umunyarwanda yatsindiye akayabo kuri Radio amaze gusubiza ikibazo kimaze amezi 11 cyarananiranye – YEGOB #rwanda #RwOT

    Umusore w'umunyarwanda witwa Theoneste Irankunda yakoze ibyananiye abasore n'inkumi amagana n'amagana maze avuga ijwi rya What's in my pocket kuri Radio 102.3 Kiss Fm ari nako yahise yegukana amafaranga ibihumbi 212 Cash.

    Nkuko amajwi dukesha 102.3 Kiss Fm abivuga, Theo yasubije neza ijwi rya What's in my pocket ryari rimaze amezi asaga 11 ryarananiranye. Theo yavuze ko iri jwi ari akantu ka Cellule kavuga iyo umuntu afunguye serile y'urugi niko kwegukana ibihumbi 212 cash by'amafaranga y'U Rwanda.

    Source : https://yegob.rw/umunyarwanda-yatsindiye-akayabo-kuri-radio-amaze-gusubiza-ikibazo-kimaze-amezi-11-cyarananiranye/

  • ”Mwagiye mutwika munazimya”-Marie Immacule… – #rwanda #RwOT

    Ingabire Marie Immaculée yatangaje ibi mu muhango wo kumurika filime nshya ya Isimbi Alliance wamamaye nka Alliah yitwa “Alliah The Movie”. Alliah ubwe ni we wahamagaye Madamu Ingabire ngo agire icyo avuga muri ibi birori nk’umubyeyi akunda kandi waje kumushyigikira muri ibi birori byitabiriwe n’ibyamamare byinshi.

    Alliah yamuritse filime nshya yise ‘Alliah The Movie’

    Marie Immaculée mu nvungo ye hari aho yageze yibutsa urubyiruko ko rukwiriye kuva mu byo kwinezeza akoresha imvugo igezweho urubyiruko rukunda gukoresha ngo “rwatwitse” arwibutsa ko rukwiye gutwika runazimya kugira ngo rubashe kubaka urubyiruko rw’ejo hazaza rwubaka igihugu.

    Ingabire yatanze impanuro ikomeye urubyiruko rukwiye gufata nk’impamba

    Uyu mubyeyi uyobora umuryango ushinzwe kurwanya ruswa n’akarengane, hari aho yagize ati: “Rwose tugatwika tuvuga ngo twatwitse, hahiye koko Humm nimutwike ariko namwe mushobora kuzashyana n’uwo muriro. Mwagiye mutwika munazimya bana banjye, mukazimya kugira ngo twubake. Ngo hahiye koko umunsi umwe muzashya”.

    Yakomeje agira ati: “Ariko ndabasaba, ndanabikunda iyo mwishimye mureke mbasabe, mureke twubake igihugu tucyubake ku buryo wa musingi nta n’uzawusenya nta n’uzawushobora”. Yashimangiye impanuro ye ati: “Ni ukuri mwa bana mwe, uru Rwanda ruvuye kure nimureke turwanire kurwubaka”. Iyi mpanuro ye irimo inyigisho urubyiruko rukwiye kugira impamba.

    Bruce Melodi ari mu byamamare byitabiriye uyu muhango wo kumurika iyi filime

    Marie Immaculee yahamije ko yakunze cyane filime Alliah yamuritse kuko ikubiyemo ubutumwa bukomeye bwo kudasuzugura abakobwa ngo imibiri yabo bayibonemo iyo kwishimisha bityo bamwe bagaterwa inda imbura gihe, ubuzima bwabo bukajya ahabi kandi mu by’ukuru ntacyasimbura umugore kuko afite agaciro gakomeye. Uyu muhango wo kumurika iyi filime wabaye ku Cyumweru tariki 12 Nzeri 2021 ubera mu mujyi wa Kigali ahazwi nka Canal Olympia.

    Umuhanzikazi Aline Gahongayire yari ahari

    Alliah ari mu bakinnyi ba filime bakunzwe cyane mu Rwanda

    Source : https://inyarwanda.com/inkuru/109564/mwagiye-mutwika-munazimya-marie-immaculee-imbere-yibyamamare-birimo-bruce-melodie-na-shadd-109564.html

  • Volleyball: Dusabimana Vincent Gasongo yase… – #rwanda #RwOT

    Kuri uyu wa Gatatu tariki ya 15 Nzeri 2021, nibwo Gasongo yasezeye mu ikipe y'igihugu yari amaze imyaka 12 akinira.

    Mu butumwa yanyujije ku rukuta rwe rwa Twitter, Gasongo yagize ati' 2009-2021 Ndashima IMANA yo yanshoboje gukinira ikipe y’igihugu, Ndashimira Sacrifice ya buri umwe, Umuryango wanjye, Family UBT (Mbaraga Alexis, Kayiranga Aimabe, Frere Rudasingwa Karemera Camille, Coach Dominique, Fidele &Paulo, Abanyarwanda mwese mwatubaye hafi &Media'.

    Uyu mukinnyi asezeye nyuma y'amasaha macye hasojwe imikino y'igikombe cya Afurika cya Volleyball mu Abagabo cyabereye muri Kigali Arena, aho u Rwanda rwasoje ku mwanya wa Gatandatu.

    Mu myaka 12 Gasongo yakiniye ikipe y'igihugu yagaragaje kwitanga, ishyaka ndetse no guharanira ishema ry'igihugu, ndetse akaba ari umwe mu bakinnyi bamaze igihe kirekire bakinira ikipe y'igihugu kandi bagerageje kwitwara neza no kuyifasha aho byabaga bikomeye.

    Uyu mukinnyi watangiye gukinira ikipe y'igihugu mui 2009, kuri ubu akinira ikipe ya REG VC ari nayo agiye gushyiraho umutima n'ibitekerezo bye kugira ngo ayishakire umusaruro mwiza.

    Dusabimana Vincent Gasongo yasezeye burundu mu ikipe y’igihugu

    Gasongo wambaye nimero 11 yari kumwe n’ikipe y’igihugu mu gikombe cya Afurika cyabereye muri Kigali Arena

    Source : https://inyarwanda.com/inkuru/109563/volleyball-dusabimana-vincent-gasongo-yasezeye-mu-ikipe-yigihugu-yari-amaze-imyaka-12-akin-109563.html

  • Guma utere imbere nkumuzinga Imbamutima za… – #rwanda #RwOT

    Niyonsaba Francine ukomoka mu Burundi yaciye agahigo ku Isi mu kwiruka metero ibihumbi bibiri (2000 m) mu bagore, mu irushanwa rya Boris Hanzekovic Memorial ryabereye i Zagreb mu gihugu cya Croatia, aho yakoresheje iminota 5 n'amasegonda 21.

    Uyu Murundikazi yabigezeho nyuma yo gusiga Genzebe Dibaba waherukaga guca agahigo mu marushanwa akinirwa mu nzu (indoors) mu 2017, akaba yamusize amasegonda abiri.

    Nyuma yo kwegukana umudali wa zahabu akanakora amateka mu kwiruka metero 2000, Niyonsaba Francine yagize ati: 'Ndumva mfite umunezero udasanzwe. Si nari nzi ko nshobora kwandika amateka nk’aya ku Isi yose, kuko ni bwo bwa mbere nari nje hano. Naje hano gukora ibyo nasabwaga gukora”.

    “Nabikoze. Ni byiza kandi biraryoshye. Nshimiye buri wese waje kudutera ingabo mu bitugu”.

    Nyuma yo guca aka gahigo akanahesha ishema u Burundi na Afrika muri rusange, Perezida w'u Burundi, Evariste Ndayishimiye anyuze ku rukuta rwe rwa Twitter mu magambo y’Ikirundi yagize ati “Kw'izina ry'Abarundi bose no kw'izina ryanje, ndakeje Umwigeme Francine Niyonsaba kw'iteka ridasanzwe amaze imisi atera Uburundi. Imana ibandanye imuhezagira agume atera imbere nk'umuzinga”.

    Niyonsaba akaba akuyeho agahigo kari kakozwe n'umunya Ireland Sonia O’Sullivan mu 1994, uyu Murundikazi kandi akaba akoze aya mateka nyuma y'icyumweru kimwe yegukanye irushanwa rya Diamond League ryabereye i Zurich mu Busuwisi, mu kwiruka metero 5000. Uyu Murundikazi kandi aheruka gutangazwa mu bakinnyi batanu ku Isi bafite umuvuduko wo hejuru mu cyiciro cy'abagore.


    Ubutumwa bwa Perezida Ndayishimiye kuri Niyonsaba wakoze amateka akomeye

    Niyonsaba Francine yaciye agahigo ku I9si mu kwiruka metero 2000

    Source : https://inyarwanda.com/inkuru/109560/guma-utere-imbere-nkumuzinga-imbamutima-za-perezida-ndayishimiye-kuri-niyonsaba-wanditse-a-109560.html

  • Rukundo Dismas yageze muri Cte dIvoire aho… – #rwanda #RwOT

    Ni ku nshuro ya cyenda iri rushanwa rigiye kuba. Rihurije hamwe abasore 19 bo mu bihugu bitandukanye byo muri Afurika.

    Rukundo yabwiye INYARWANDA ko ari ishema n'iby'agaciro kuba ahagarariye u Rwanda. Ati 'N'ishema rikomeye cyane kandi n'ibyagaciro gakomeye. Nk'umuntu ukunda igihugu wakora ibishoboka byose ngo gihore umbere.'

    Iri rushanwa rigomba gutangira kuri uyu wa Kane tariki 15 Nzeri 2021, aho buri wese azamurika ibiranga umuco w'Igihugu ahagarariye.

    Riri kubera muri Sofitel Hotel Ivoire mu Mujyi wa Abidjan. Rukundo avuga ko ari mu nzira ajya muri Côte d'Ivoire yahuye n'uwo muri Angola, Zimbabwe, Repubulika Iharanira Demokarasi ya Congo (RDC) na Ethiopia bakomezanya urugendo.

    Miss Africa International ni irushanwa rigamije guhitamo umusore w'igishongore. Umusore uzatorwa azasimbura Emmanuel Umoh umaze umwaka afite iri kamba.

    Mu 2020, iri rushanwa ryarasubitswe kubera icyorezo cya Covid-19. Ndetse, ibice bimwe by'iri rushanwa byabaye hifashishijwe ikoranabuhanga muri iki gihe mu rwego rwo kwirinda iki cyorezo.

    Yitabiriye amarushanwa atandukanye! Mu 2019, Rukundo Dismas w'imyaka 26 y'amavuko, yashyizwe ku rutonde rw'abasore bari kwitabira irushanwa rya 'Mister United Continents'.

    Uyu musore yahatanye mu irushanwa Miss&Mister Elegancy Rwanda, Mister Supranational, ndetse yabaye igisonga cya mbere cya Mister UTB mu mwaka w'2016.

    Ni ku nshuro ya Gatanu u Rwanda rwitabiriye iri rushanwa. Mu 2015, rwahagarariwe na Turahirwa Moses washinze inzu y'imideli ya Moshions ifatawa nka nimero ya mbere mu Rwanda, aho yabashije kwegukana ikamba ry'igisonga cya mbere.

    Mu 2017, u Rwanda rwahagarariwe na Jay Rwanda usigaye abarizwa muri Leta Zunze Ubumwe za Amerika. Uyu musore yahigitse bagenzi be yegukana ikamba rya Mister Africa International, bimuhesha amahirwe atandukanye.

    Mu 2018, Niyirora Nshongore Divic wabaye Mister Elegancy Rwanda 2018, ni we wari guserukira u Rwanda ariko ntiyagiyeyo ku mpamvu zitandukanye.

    Rukundo yahagurutse ku kibuga cy'indege Mpuzamahanga cya Kigali kuri uyu wa Kabiri

    Rukundo w'imyaka 26 yaherekejwe n'abo mu muryango we bamwifuriza gutsinda Rukundo yavuze ko ari ishema rikomeye kuri we kuba ahagarariye u Rwanda muri Mister Africa International Rukundo yahuye n'umusore wo muri Angola, Zimbabwe, RDC no muri Ethiopia

    Source : https://inyarwanda.com/inkuru/109555/rukundo-dismas-yageze-muri-cote-divoire-aho-yitabiriye-irushanwa-rya-mister-africa-amafoto-109555.html