Author: webrwanda

Byatangajwe nyuma y’icyumweru kimwe butangije ubukangurambaga bwiswe “Tujyanemo mu kurengera abana” bugamije guhashya ihohoterwa rikorerwa abangavu, gukura abana mu mihanda n’ibindi bikorwa bitandukanye.

Umuyobozi w’Akarere ka Rwamagana wungirije ushinzwe Imibereho Myiza y’Abaturage, Mutoni Jeanne, yavuze ko mu ntego bari bafite muri ubu bukangurambaga kwari ugukemura bimwe mu bibazo by’abangavu batewe inda no gukumira aho bishoboka.

Ati “Ubu tumaze kubona abana barenga 180 batewe inda imburagihe, rero dufatanyije n’abafatanyabikorwa muri iyi gahunda ya “Tujyanemo”, tugiye kureba uburyo abashaka gusubira mu mashuri mu buzima busanzwe bayasubizwamo, dufite abafatanyabikorwa bazaduha ibikoresho tunafatanye n’ababyeyi ku buryo bazasigarana abana babyaye abandi bakajya kwiga.”

Yakomeje avuga ko abandi badashobora guhita bajya mu ishuri ako kanya bazabahuza n’abafatanyabikorwa babigisha imyuga y’igihe gito ku buryo bibafasha mu kwiteza imbere.

Mutoni yavuze ko kandi abana babyawe n’aba bagiye gusubizwa mu mashuri bazandikisha mu bitabo by’umwimerere abandi bajyanwe mu marerero ku buryo ibibazo by’abana babyaye imburagihe bikemurirwa rimwe muri ubu bukangurambaga.

  Umwe mu bakobwa yahawe umwihariko

Akarere ka Rwamagana katanze umwihariko kuri umwe mu bakobwa umaze iminsi avuga ko yatewe inda akiri muto, ariko ababyeyi be bakaza kuvuga ko afite imyaka 25 aho kuba 17 nkuko yabivugaga.

Mutoni Jeanne yavuze ko uyu mukobwa bazamuba hafi bakamuganiriza kubera ibibazo by’ubukene yagize bigatuma ata umuryango we, yavuze ko umwana yabyaye bagiye kumukurikirana kandi ko nta kibazo azagira.

Ati “Nyina hari iby’ibanze Akarere kazakomeza kumufasha, tuzagerageza kumuha icyiciro cy’urugo rwe kuko uwo babyaranye yamwemereye inzu, ashobora gushakirwa akazi n’ubundi buryo bwamufasha nashobora no kwiga imyuga tuzabimukorera.”

Kuva ubu bukangurambaga bwatangira ubuyobozi n’abafatanyabikorwa bari guhuza abana bari hagati y’imyaka 15 na 24 bakabaganiriza ku buzima bw’imyororrokere, hahujwe kandi ababyeyi n’abana babyaye imburagihe baraganirizwa, imiryango 85 ifite abana bakuwe mu buzererezi yaraganirijwe inemera gusubiza abana babo mu ishuri n’ibindi bikorwa binyuranye bigamije gufasha abana.

Abakobwa babyariye iwabo bifuza kwiga, ubuyobozi buvuga ko buzakorana n’abafatanyabikorwa batandukanye bakabarihirira

Binyuze muri ubu bufatanye bwiswe ‘‘Twese initiative’ ahatangirwa serivisi z’iyi sosiyete hose hazwi nka ‘MTN service centres’ hazakorwa mu buryo horohereza abafite ubumuga kuhagera, amatangazo yamamaza y’iyi sosiyete yose ashyirwe no mu rurimi rw’amarenga.

Uretse ibi, iyi MTN Rwanda yanavuze ko hazashyirwaho uburyo bwo gusobanurira mu marenga abahamagara umurongo wa MTN Rwanda bashaka ubufasha. Muri ubu buryo hazajya hifashishwa ‘video call’.

Nyuma yo kubona kandi ko umubare w’abatagira akazi ari munini mu babana n’ubumuga, MTN Rwanda yiyemeje ko izashyiraho aba-agents 60 bafite ubumuga.

Ibi bizakorwa hirya no hino mu gihugu, ni ukuvuga ko nibura buri karere kazaba gafite aba-agents babiri bafite ubumuga batanga serivisi za MTN ndetse bose bazafashwa no gutangira ubucuruzi bwabo.

Umuyobozi Mukuru wa MTN Rwanda, Mitwa Ng’ambi, yavuze ko iyi sosiyete yihaye iyi ntego igamije kurushaho kuba ikigo cy’ubucuruzi kitagira uwo giheza.

Ati “Aha muri MTN, abakiliya bacu ni bo baza imbere, kandi duhora dushaka uko twafasha abantu bose ko sosiyete dukoreramo irimo abantu batandukanye. Uyu munsi twishimiye gufatanya n’Ihuriro ry’Imiryango y’Abafite ubumuga mu Rwanda, muri uru rugendo rugamije gushimangira ko serivisi zose dutanga zidaheza kandi zigerwaho n’abafite ubumuga.”

Yakomeje avuga ko iyi gahunda yatangiye gushyirwa mu bikorwa haherewe kuri serivisi zo kwakira abahamagara bafite ibibazo, amaduka atangirwamo serivisi za MTN Rwanda ndetse no mu bikorwa byo kwamamaza.

Mitwa Ng’ambi yavuze ko MTN Rwanda izakomeza gukorana n’iri huriro kuko hari byinshi igomba guhindura mu buzima bw’abafite ubumuga.

Ati “Turabizi ko hakiri byinshi dukeneye gukora hagamijwe gukomeza kubaka sosiyete itagira uwo isiga inyuma. Niyo mpamvu twiteguye gukomeza gukorana na NUDOR binyuze muri ubu bufatanye.”

Bahati Alex uhagarariye abafite Ubumuga mu Nteko Ishinga Amategeko y’Umuryango wa Afurika y’Iburasizuba yavuze ko iyi gahunda ya ‘Twese Hamwe’ izahindura byinshi mu buzima bw’abafite ubumuga.

Ati “Iyi gahunda ya Twese Hamwe izahindura byinshi kandi turashimira umuhigo wahizwe na MTN. Ubuzima bw’abafite ubumuga buri hafi guhinduka buba bwiza. Iki gisubizo gikora ku buzima butandukanye bw’ababana n’ubumuga ni inzira iganisha ku iterambere n’iherezo ku mahirwe menshi bagiye bimwa.”

Yakomeje avuga ko ibyo MTN Rwanda yakoze bikwiye kuba intangiriro bikimakazwa n’ibindi bigo by’abikorera.

Ati “MTN Rwanda yabimburiye urwego rw’abikorera, twizeye ko tuzabona abantu bari muri uru rwego bigira kuri ibi.”

Ubwo hashyirwaga umukono kuri aya masezerano, MTN Rwanda yanatanze miliyoni 10 Frw, zizifashishwa mu kugura ibikoresho by’ibanze bikenerwa n’abafite ubumuga mu buzima bwa buri munsi birimo insimburangingo n’inyunganirangingo.

Yiyemeje kandi ko izaba umuterankunga w’ibikorwa bizakorwa mu Cyumweru cy’Inama Mpuzamahanga y’Abafite Ubumuga bwo kutumva izatangira ku wa 19 Nzeri ikageza ku wa 26 Nzeri 2021 n’ibindi bikorwa byose by’abafite ubumuga.

Umuyobozi w’Ihuriro ry’Imiryango y’Abafite Ubumuga mu Rwanda, Bizimana Dominique, yashimye MTN Rwanda, yemeza ko intambwe yateye iyiganisha ku kuba ikigo kidaheza.

Ati “Turashimira MTN Rwanda kuba yateye iyi ntambwe y’ingenzi iganisha ku kurushaho kuba ikigo kidaheza, mu gihe Isi ikomeje gutera imbere, ikoranabuhanga rikarushaho kuzamuka, umuryango wacu ntushaka gusigazwa inyuma. Binyuze mu guhuza imbaraga na MTN Rwanda muri iyi gahunda umuryango wacu mugari uzahabwa amahirwe yo gukoresha no kugera ku byiza bya serivisi n’ibicuruzwa bihari.”

Imibare yo mu 2012 igaragaza ko mu Rwanda hari abafite ubumuga bari hejuru y’imyaka itanu gusubiza hejuru 446.453, muri bo abagera kuri 221.150 ni ab’igitsina gabo mu gihe abandi 225.303 ari ab’igitsina gore.

Umuyobozi Mukuru wa MTN Rwanda, Mitwa Ng’ambi, ashyikiriza Umuyobozi w’Ihuriro ry’Imiryango y’Abafite Ubumuga mu Rwanda, Bizimana Dominique sheki ya miliyoni 10 Frw yo kugura inyunganirangingo n’insimburangingo by’abafite ubumuga

Umuyobozi w’Ihuriro ry’Imiryango y’Abafite Ubumuga mu Rwanda, Bizimana Dominique yashimye MTN Rwanda, yemeza ko intambwe yateye iyiganisha ku kuba ikigo kidaheza

Bahati Alex uhagarariye abafite Ubumuga mu Nteko Ishinga Amategeko y’Umuryango wa Afurika y’Iburasizuba yavuze ko iyi gahunda ya ‘Twese Hamwe’ izahindura byinshi mu buzima bw’abafite ubumuga

MTN Rwanda yatangiye kwita ku bafite ubumuga bwo kutavuga by’umwihariko

Aba bantu bafatiwe mu gikorwa cyo kugenzura uko amabwiriza yo kwirinda Covid-19 yubahirizwa, cyabaye ku mugoroba wo ku wa Gatatu, tariki 14 Nzeri 2021.

Bamwe mu bafashwe bemera ko bakoze amakosa yo kutubahiriza amabwiriza yo kwirinda COVID-19, bakagira inama abagikorera ku jisho kubireka kuko bishobora gushyira ubuzima bwabo mu kaga.

Umwe muri bo, yagize ati “Twafashwe tutubahirije amabwiriza yo kwirinda COVID-19 turi kunywa inzoga ndetse tutubahirije n’intera yateganyijwe. Ubu biduhaye isomo; icyo tugiye gukora ni ukurushaho kubahiriza amabwiriza kuko icyorezo cyo kirahari.”

Undi yagize ati “Njye bamfashe maze kurya kuko sinywa inzoga ariko twari benshi kuko hari n’abirutse. Twari tutahanye intera kandi hari n’abari bari kunywa inzoga ubona ko barenze ku mabwiriza yo kwirinda COVID-19. Muri iki gihe hari abari kwirara bakica amabwiriza, byaba byiza bayubahirije kuko icyorezo kirahari kandi kwirara byatuma cyiyongera.’’

Umuhuzabikorwa w’Ibikorwa bya Polisi n’abaturage mu Ntara y’Amajyaruguru, CIP Alex Ndayisenga, yasabye abafite uburenganzira bwo gucuruza restaurants kutabukoresha nabi.

Yagize ati “Amabwiriza yemerera za restaurants gukora asobanura ko zigomba gukora zubahirije amabwiriza yo kurinda COVID-19, abakoresha nabi uburenganzira bahawe bakazihindura utubari bamenye ko bibujijwe kandi ubifatiwemo arabihanirwa.’’

“Tuributsa abantu bose bafite ibikorwa byemerewe gukora ko bagomba gukoresha neza uburenganzira bahawe, bakora ibyo bemerewe kandi ntibarebe inyungu gusa ngo bibagirwe no kurinda ababagana kuko COVID-19 iracyahari kabone nubwo baba barakingiwe cyangwa se bipimishije. Polisi ntizahwema gukurikirana uko amabwiriza yubahirizwa.”

Abafashwe barigishwa bacibwe n’amande ateganywa n’inama njyanama y’Akarere ka Musanze mu gihe ba nyiri restaurants zahinduwe utubari bo bigishwa mu minsi irindwi bagacibwa n’amande y’ibihumbi 100 Frw ndetse n’aho bakoreraga hafungwe ukwezi.

Mu mezi atatu, mu Ntara y’Amajyaruguru hamaze gufatwa abantu bagera kuri 2.438 bari mu tubari, harimo 1.445 bo muri Nyakanga, 536 bafashwe muri Kanama na 457 batawe muri yombi muri uku kwezi.

Polisi yafashe abantu 28 barenze ku mabwiriza yo kwirinda COVID-19