Author: webrwanda

Umutoza wa Chelsea,Thomas Tuchel,yakoze benshi ku mutima kubera igikorwa cy'urukundo yakoreye umukozi we wo mu rugo ukomoka muri Philippines,yaguriye inzu ndetse akishyurira umwana we w'umuhungu ibitaro.

Uyu mukozi wa Tuchel yaje mu Bufaransa aje gushaka akazi ko mu rugo kugira ngo abone amafaranga yo kwishyura ibitaro umuhungu we abagwe umutima.

Uyu mukozi yagize amahirwe akubitana n'uwari umutoza wa Paris Saint-Germain,Thomas Tuchel,amuha akazi ariko ngo uyu mugore yakoraga amasaha y'ikirenga kugira ngo abone amafaranga menshi abashe kuvuza umwana we.

Uyu mutoza w'Umudage w'umunyabuntu yakoze mu mufuka we kugira ngo afashe uyu mugore nyuma yo kumenya ko akora amasaha y'ikirenga kugira ngo avuze umwana we.

Tuchel w'imyaka 48 yamaze imyaka 2 atoza ikipe ya PSG ndetse yari atuye mu karere kitwa Hauts-de-Seine mu mujyi wa Paris.

Uyu mutoza n'umugore we Sissi bakimara kugera mu Bufaransa bavuye mu ikipe ya Borussia Dortmund,bahaye akazi umukozi wo mu rugo ukomoka muri Filipine.

Uyu mugore yarakoraga cyane ndetse igihe cyose umuryango wa Tuchel umukeneye ukamubona byatumye bibaza impamvu akora ubutaruhuka.

Uyu mugore yabaye inshuti y'umuryango wa Tuchel kugeza ubwo bamufungukiye bamubaza impamvu akora cyane ubutaruhuka,ababwira ko afite umwana urwaye umutima yabuze amafaranga yo kumuvuza.

Umutoza Tuchel yakozwe ku mutima n'ubwitange bw'uyu mugore ahita yishyura amafaranga yose akenewe kugira ngo umwana we abagwe atabanje kubaza uyu mugore.Iki gikorwa cyo kubaga uyu mwana cyagenze neza cyane,asubira kuba muzima.

Ubwo Tuchel yarimo arwana nibyo kwirukanwa na PSG,yahise yegera uyu mukozi we amubaza inzozi zikomeye yumva afite mu buzima.

Uyu mugore yamusubije ko arota gusubira iwabo muri Filipine akubaka inzu nziza yo kuzabanamo ubuzima bwe bwose n'umuryango we.

Thomas Tuchel yahise yirukanwa na PSG ajya muri Chelsea ariko mbere yo kugenda ntiyibagiwe uyu babanye neza,yahise amugurira inzu nziza cyane muri Philippines atuyemo ubu n'umuryango we.

Iyi myanzuro yose Tuchel yafashe yayifatanyije n'umugore we Sissi umushyigikira mu kazi ke ka buri munsi ndetse amaze imyaka 12 amutera imbaraga.

Uyu mugore ari mu bagira inama Tuchel ku bijyanye n'aho akwiriye kujya gutoza ndetse ngo niwe waje gushaka inzu bazabamo ubwo Tuchel yari agiye kuza muri PSG.

Tuchel n'umugore we Sissi bafitanye abana 2 b'abakobwa ndetse uyu mutoza atabwo akunda kuvugwa cyane mu binyamakuru cyangwa ngo yigaragaze cyane.

Tuchel n'umugore we Sissi bahinduriye ubuzima umunya Philippines

Source : https://umuryango.rw/imyidagaduro/imikino/article/umutoza-tuchel-yakoze-benshi-ku-mutima-kubera-ibyo-yakoreye-umukozi-we-wo-mu

Aho uzaba hose nzaba ndi kumwe nawe

Wari wabwirwa iri jambo ngo wumve ukuntu riryoha? Si ugupfa kurivuga gusa kuko riraremereye, Kumva umuntu umubwiye ngo nzaba aho uzaba uri hose n'iby'agaciro gakomeye by'umwihariko ku bantu bakundana.

Ni byiza kuribwira umukunzi wawe kenshi muri ahantu hatuje, mwishimye atari mu bibazo kugirango adakeka ko ari bya bindi bisanzwe byo kwihanganisha uwagize ibibazo wese.

Uri uw'agaciro kuri njye

Ubusanzwe tuzi ko ibyo twagereranya nk'iby'agaciro ari zahabu n'ifeza wenda rimwe na rimwe hakaza n'amaafaranga menshi. Ibaze rero umuntu akubwiye ko uri uw'agaciro kuri we byaba biryoshye kubyumva kurusha uko yakubwira ngo ndagukunda.

Umfatiye runini.

Mu buzima bwa muntu akenera umufasha mu buzima bwa buri munsi, umuntu ubana n'abantu benshi mu buzima, afashwa n'abantu benshi kandi bakomeye.

Ngaho rero ibaze umuntu kugutoranya mu bandi benshi bamufasha cyangwa bamuba hafi akakubwira ngo umufatiye runini muri make ½ cy'ubuzima bwe ni wowe umugize.

Nkwibonamo

Ibaze uhuye n'umuntu akakubwira ngo nkwibonamo, urumva ukuntu byaba bimeze bishatse kuvuga ngo iyo akubonye aribona nkuko nta wakwiyifuriza ibibi ubwo bivuze ko nawe yakwifuza ko uhora mu bihe byiza.

Refe:herbeauty.co

Source : https://umuryango.rw/ubuzima-115/udushya/article/amagambo-aryoheye-amatwi-4-wabwira-umukunzi-wawe-akamurutira-andi-yose

Myugariro w’umunyarwanda wakiniraga ikipe ya KCCA muri Uganda, Nemeyimana Kato Samuel yamaze gusinyira ikipe ya Bugesera FC amasezerano y’imyaka 2.

Uyu mukinnyi ukina mu mutima w’ubwugarizi, yageze mu Rwanda uyu munsi yambaye jersey ya PSG iriho Visit Rwanda aho yahise anashyira umukono ku masezerano yo gukinira iyi kipe.

Mu ntangiriro z’uku kwezi nibwo KCCA yemeje ko yatandukanye n’uyu mukinnyi wari usoje amasezerano ye y’imyaka 2.

Uyu musore akaba yarigeze guhamagarwa mu ikipe y’iguhugu y’u Rwanda ariko ntiyitabira ubutumire kuko na Uganda yahise imuhamagara ariko nayo ntiyayikiniye.

Aje muri Bugesera FC nyuma y’uko yari yavuzwe muri Rayon Sports na APR FC ariko akaba yarahakaniye ISIMBI ko hari ibiganiro yagiranye n’iyi kipe.

Yamaze kuba umukinnyi wa Bugesera FC

Yaje yambaye Visit Rwanda

Source : http://isimbi.rw/siporo/article/mu-mwambaro-wa-visit-rwanda-myugariro-w-umunyarwanda-wakinaga-muri-uganda-yasinyiye-bugesera-fc

Mukarujanga yabwiye shene ya X Large TV yo kuri You Tube ko yasabye uyu muhanzi ko babyarana abyakira neza.

Ati 'Byanze bikunze hari ukuntu mubana hakaba ibintu muteganya nubwo muba mutabyiha….Iyo mubana muba muvuga ko umwana ashobora kuboneka.Mbimubwiye byanze bikunze byaramutunguye ariko abyakira neza kuko twabishakaga.'

Uyu mugore yakomeje avuga ko mu myaka itanu aribwo bazatangaza niba bazabana nk'umugabo n'umugore gusa uyu musore we yavuze ko bari kubitekereza vuba kuko bose baba iwabo.

Uyu musore wabyaranye na Mukarujanga, arangije amashuri yisumbuye muri uyu mwaka wa 2021.

True Boy ni umusore mushya mu muziki. Yakoze indirimbo zirimo Ibituzura yakoranye na Social Mula na Nkufashe mu gihe Mukarujanga yamenyekanye muri filime 'Haranira kubaho' hamwe na ba Samusure n'abandi.

Mukarujanga wavuze ko mu myaka 5 aribwo yazabana n'uyu musore nibaramuka bakiri kumwe,yari asanzwe afite umwana yabyaye muri 2014.

Yavuze ko uyu musore atamufuhira kuko ngo 'iyo umuntu aguhaye ibiguhagije asagurira n'abandi.'

Source : https://umuryango.rw/ubuzima-115/imibereho/article/mukarujanga-yabyaranye-n-umuhanzi-ukizamuka-uherutse-kurangiza-amashuri

Uyu mukinnyi w'umupira w'amaguru w'imyaka 21 yavuze ko itsinda ry'abajura ryinjiye mu nzu ye ku wa kabiri ari ku mukino ikipe ye ya Chelsea yatsinzemo Zenit muri Champions League, maze batwara aka gasanduku karimo imidali ye yatwaye muri Champions League, Super Cup, n'umudari wa Euro 2020.

James yasangije abantu amashusho menshi ya CCTV y'ubujura butangaje bwamukorewe, yerekana abantu bane bari kugenda mu rugo rwe kandi bamurika mu nzu.

Videwo imwe yerekanye itsinda ry'abantu 4 bagerageza gukingura amarembo y'urugo rwe y'umuriro banateruye isanduku irimo iyi midari ye bayijyana mu muhanda.

Myugariro wa Chelsea yasangije abafana aya mashusho yo hanze y'urugo rwe mu rwego rwo kubasaba kumufasha “kumenya aba bajura no kubafata bagashyikirizwa ubutabera.

Yongeyeho ati: “Ndizera ko twese hamwe dushobora gufata abo bantu no gutanga ubutabera aho bugomba.”

James yemeje mu magambo ye kuri Instagram icyo gihe ko atari mu rugo kandi ko ubu “afite umutekano kandi ameze neza”.

Yavuze ko yababajwe cyane n'ubujura bw'imidari ye, ariko yongeraho ati: “Iyi midari yatsindiwe mpagarariye Chelsea n'Ubwongereza -icyubahiro gutwarwa na rimwe naba mfite imidari cyangwa ntayifite.”

“Nubwo bimeze bityo ariko, ndasaba abafana banjye muri Chelsea n'Ubwongereza kumfasha kumenya no gufungisha abo bantu bafite ubwenge buke, batazigera basinzira neza,kuko ibimenyetso bibashinja bihari.

“Abapolisi, abajyanama banjye na Chelsea FC (n'abandi benshi) bose bari inyuma yanjye kuko dukataje mu kumenya aba bajura abo aribo.

Source : https://umuryango.rw/imyidagaduro/imikino/article/reece-james-ari-guhigisha-uruhindu-abajura-bateye-urugo-rwe-bamwiba-imidari

Umukinnnyi Rafael York ufite inkomoko mu Rwanda akaba kuri ubu akina mu ikipe yo mu gihugu cya Sweden, yamaze kubona indangamuntu. Nkuk amashusho yagiye hanze abigaragaza, Rafael York yishimiye cyane kubona indangamuntu y'U Rwanda ndetse yararimo ayereka bagenzi be barimo Yannick Mukunzi bigaragara ko yishimye cyane.

Kuba Rafael York yabonye indangamuntu y'U Rwanda ariko ntibihita bimuha uburenganzira bwo gukinira Amavubi Ahubwo ubu FERWAFA  yatangiye Process na federation ya Sweden kuko yakiniye ingimbi zaho..

Byitezwe ko Rafael York natangira gukinira Amavubi azazana impinduka zikomeye muri iyi kipe zijyanye cyane cyane n'ubusatirizi.

Source : https://yegob.rw/umukinnyi-amavubi-yari-ategereje-kugirango-ajye-atsinda-amakipe-akomeye-yabonetse/

Nyuma y'inkuru yavugaga umusore witwa Mutabazi wiyahuye ku munsi w'ejo, asimbutse kuri etaje yo kuri La Bonne Addresse iherereye mu mujyi agakomereka cyane ariko ntahite apfa, kuri ubu inkuru ibabaje ni uko uyu musore yitabye Imana nkuko byatangajwe na InyaRwanda.

Amakuru y'urupfu rw'uyu musore yemejwe n'Umunyamabanga Nshingwabikorwa w'Umurenge wa Nyarugenge, Murekatete Patricia, wabwiye UMUSEKE ati 'Uwagerageje kwiyahurira mu nyubako ya La Bonne Adresse nk'uko twari twabibamenyesheje, amaze gushiramo umwuka aguye ku Bitaro bya CHUK.'

Amakuru avuga ko uyu musore yabanje guhamagara Nyirasenge amubwira ko ari mu Ubumwe Grande Hotel, ko agiye kwiyahura kuko ubuzima bwamunaniye. Nyirasenge yahise atega moto ngo aze amufate, ageze mu mujyi asanga inyubako yamubwiye si yo arimo ahubwo ari mu nyubako ya La Bonne adresse ari nayo yiyahuriyemo mu masaa yine za mu gitondo.Magingo aya ntiharamenyekana impamvu yatumye uyu musore yiyambura ubuzima.

Source : https://yegob.rw/inkuru-mbi-kuri-wa-musore-wiyahuye-ahanutse-kuri-etaje/

Sengabo Jean Bosco wamenyekanye nka 'Fatakumavuta’ yashimiye umugore wa Safi Madiba, Niyonizera Judith waguze Album ye amafaraga y’u Rwanda miliyoni.

Fatakumavuta usanzwe ari umunyamakuru w’imyidagaduro, aherutse gutangaza ko tariki ya 30 Nzeri azashyira hanze album y’indirimbo yise 'Fatalogy’ iriho indirimbo 12.

Iyi album ikaba yarakozweho n’abahanzi bagera kuri 25, uyu mugabo akaba yaratangaje ko uwifuza kuyigura azishyura miliyoni y’amafaranga y’u Rwanda.

Mu byishimo byinshi yashimiye umugore wa Safi Madiba yemeza ko ari we wa mbere waguze iyi Album aho yishuye miliyoni y’amafaranga y’u Rwanda nk’uko igiciro cyayo kimeze.

Iyi Album igizwe n’indirimbo 12, izo amaze gufatira amashusho zikaba zigera ku ndirimbo icyenda gusa, n’izindi ngo arimo gushaka uburyo yafatwa.

View this post on Instagram

A post shared by ISIMBI TV (@isimbi__tv)

Fatakumavuta yashimiye Judith waguzwe album ye

Judith ni we wa mbere waguze iyi album

Source : http://isimbi.rw/imyidagaduro/article/imana-imuhe-umugisha-fatakumavuta-ashimira-umugore-wa-safi-waguze-album-ye-miliyoni

Ahagana saa Sita z'amanywa yo kuri uyu wa Gatanu tariki ya 17 Nzeri 2021, ni bwo Imodoka y'ivatiri yari mu igaraje riherereye mu Kagari ka Biryogo mu Murenge wa Nyarugenge, yafashwe n'inkongi y'umuriro ubwo abakanishi bari barimo kuyisudira.

Iyi modoka yari mu igaraje yafashwe n'inkongi. Abaturage bagerageje kuyizimya ariko birangira ikongotse yose.

Source : https://yegob.rw/kigali-imodoka-irahiye-irakongokaamafoto/