Webrwanda Backend

Author: webrwanda

  • Ukwakira, nikukubere ukwezi ko gushaka mu maso h’Imana-Dr Paul Gitwaza #rwanda #RwOT

    Ni mu butumwa uyu mushumba w’Itorero Zion Temple ku isi yanyujije ku rubuga rwa Instgram, yifuriza abantu kuzagira ukwezi kwiza kwa 10 ariko barushaho gusabana n’Imana. Ati”Nkwifurije ukwezi kwiza kw’ #Ukwakira. Kuzakubere ukwezi ko gusabana n’Imana kurushaho, gushaka no kubona mu maso hayo.”

    “Uwiteka, umva gutaka kw’ijwi ryanjye, Umbabarire, unsubize. Umutima wanjye urakubwiye uti 'Wavuze uti 'Nimushake mu maso hanjye.’ ' Nuko Uwiteka, mu maso hawe ndahashaka. Ntumpishe mu maso hawe. Ntiwirukanishe umugaragu wawe umujinya, Ni wowe wahoze uri umutabazi wanjye, Mana y’agakiza kanjye ntunjugunye, ntundeke.” Zaburi 27:7-9

    Nyuma y’ijambo ry’Imana, Gitwaza akomeza agira ati” Uwiteka azagushyire mu bwihisho bwe kandi azategere ugutwi gusenga kwawe, kuzamubere umubavu uhumura neza.

    By’umwihariko muri uku kwezi aho tuzaba dushaka mu maso h’Uwiteka, reka icyubahiro cyawe n’ibyawe byose uzabimuharire. Hanyuma nawe azagukorera ibikomeye.

    Ndagusabira kuzagubwa neza muri aya masengesho: Uwiteka azahembure ubuzima bwawe bwo mu mwuka, Uwiteka azagure ubutunzi bwawe kandi ahe umugisha ibyo ukora byose, Anezeze umutima wawe; Akwambutse ibikugoye kandi akurinde imigambi mibi yose.

    Uwiteka azaguhe kumva ijwi rye kandi uhabwe indirimbo nshya, wowe n’umuryango wawe, igihugu cyawe ndetse n’itorero ryawe.

    Imana iguhe umugisha, Yesu akugirire neza akuzuze Umwuka Wera, Amen!

    Ubutumwa bwa Apotre Paul Gitwaza yageneye abantu muri uku kwezi k’ Ukwakira(ukw 10)

    Reba hano inyigisho ye: BEING TOUCHED THE SECOND TIME | Revival Christian Church | Apostle Dr. Paul Gitwaza at Columbia USA

    [email protected]

    Source : https://agakiza.org/Ukwakira-nikukubere-ukwezi-ko-gushaka-mu-maso-h-Imana-Dr-Paul-Gitwaza.html

  • Ibintu by'ingenzi ukwiye guhita ukora mu gihe umaze gutera akabariro. – YEGOB #rwanda #RwOT

    Akenshi usanga abantu baba bazi neza uko bafata abakunzi babo mu gihe bamaze gutera akabariro, gusa hari ibindi bikorwa bito bito, abakumdana bakwiye kwitaho nyuma yo kuryamana kugirango barusheho gusabana no kubagarira urukundo rwabo.

    Jya uhita ujya mu bwiherero:

    Igikorwa cyo kwihagarik nyuma yo gukora imibonano mpuzabitsina wagiye wumva burya ni ukuri.Nkuko byemezwa na muganga Sunny Rodgers umuhanga mu buzima bwimyororokere,avuga ko iki ari ikintu gikomeye umuntu aba agomba gukora nyuma yo gutera akabariro.

    Ganira n'umukunzi wawe.

    Hano Rodgers avuga ko iki kiganiro kigamije kubaka urukundo ruhamye hagati yawe n'umukunzi wawe.Uko muryamanye hagenda haza umusemburo witwa zoxytocin .uyu musemburo ugenda ubagira umwe hagati yanyu ,uko mugenda mumarana igihe.

    Jya unywa amazi. 

    Bitewe n'uko imibonano mpuzabitsina itwara umubiri ingufu nyinshi bituma amazi agabanuka .ugomba rero kwiyegereza amazi mu gihe ugiye mu buriri n'umukunzi wawe cyangwa mwasoza icyo gikorwa agahita ujya kuyashaka.

    Jya wibuka gushimira umukunzi wawe. 

    Kugirango utegure neza igikorwa cyubutaha ,jya ugerageza gushimira umukunzi wawe ,niba unafite akanya umutere imitoma, umubwire impamvu umukunda bihebuje.Ndetse nubwo waba utageze ku byishimo byawe bya nyuma ntugahite urakarira umukunzi wawe ,ahubwo uzafate akanya umushimire.

    Ukwiye guhita wambara umwenda w'imbere utuma umubiri uhumeka

    Rodgers kandi yavuze ko mu gihe umaze gutera akabariro ari ngombwa ko wambara umwenda utuma akayaga kinjira neza mu myanya y'ibanga.Aha atanga urugero nk'imyenda ikozwe mu ipamba kuko burya ipamba ribasha gufata microbe zose zakwibasira imyanya ndangagitsina.

    Source : https://yegob.rw/ibintu-byingenzi-ukwiye-guhita-ukora-mu-gihe-umaze-gutera-akabariro/

  • Reba bamwe mu bakinnyi bageze mu mwiherero w' Amavubi(Amafoto) – YEGOB #rwanda #RwOT

    Kuva mu cyumweru gishize bamwe mu bakinnyi b' amavubi bakina hanze batangiye kugera mu mwiherero w'ikipe y'igihugu yitegura Uganda cranes.

    Abatahiwe kurubu barimo Rwatubyaye, imanishimwe ndetse na Rafael york.

    Rafael york yamaze kugera mu Rwanda mu gufasha ikipe y'igihugu izahura na Uganda cranes.

    Rwatubyaye nawe yamaze kugera mu mwiherero w'Amavubi.

    Imanishimwe Emmanuel nawe yamaze kugera i kigali.

    Abarimo meddie kagere na nirisarike salomon bamaze gutangira imyitozo hamwe n'abandi kurubu.

    I

    Nirisarike salomon yamaze gutangira imyitozo.

    Meddie kagere kuva muri simba fc mu myitozo yo kuruyu wa kabiri.

    Source : https://yegob.rw/reba-bamwe-mu-bakinnyi-bageze-mu-mwiherero-w-amavubiamafoto/

  • Birangiye Yverry avuze ku itandukana rye na Vanessa ||yamukoreye indirimbo. – YEGOB #rwanda #RwOT

    Nyuma y'inkuru zitandukanye zavugaga ku itandukana ry'umuhanzi Yverry n'umukunzi we Vanessa kuri ubu uyu muhanzi arashyize ukuri ku byibazwaga na benshi.

    Yverry aganira na Igihe kulture kuri shene ya Youtube yahamije ko atigeze atandukana n'uyu mukobwa, avuga ko abazanye ayo makuru bashingiye ku byo bakuye ku mbuga nkoranyambaga nyamara ntaho byari bihuriye no gutandukana.

    Avuga ko abavuze ko batandukanye babishingiye ku kuba bose barasibye amafoto ku nkuta zabo za Instagram, nyamara barayasibye ku bushake nta kibazo gihari.

    Uyu muhanzi yagize ati 'Amafoto nasibye ni menshi harimo aya mama wanjye n'abavandimwe ariko yo ntibayabonye babonye ariya ariko nta kundi. Gusa ntabwo byari byo rwose; ibyo byose byanabaga turi kumwe.'

    Yverry yavuze ko atazi neza uko byagenze ngo umukunzi we asibe amafoto, ati 'Wasanga wenda yariganye icyemezo nari nafashe agasiba amafoto ye ariko nta kibazo cyari gihari.'

    Uyu muhanzi unaherutse gusohora indirimbo nshya 'Mu ijuru' yahishuye ko nubwo yayihimbiye abantu bose muri rusange, ariko yanayikoreye umukunzi we.Byumvikane ko bakiri mu rukundo rwabo, nta kibazo cyabaye hagati yabo.

    Source : https://yegob.rw/birangiye-yverry-avuze-ku-itandukana-rye-na-vanessa-yamukoreye-indirimbo/

  • Ibyo Ndanda yavuze ku mwana yabyaranye na Anita . – YEGOB #rwanda #RwOT

    Kuri uyu wa kabiri tariki 05 Ukwakira 2021 nibwo umwana w'umuhungu wa Ndanda na Anita Pendo witwa Gisa Ryan agize isabukuru y'amavuko y'imyaka itatu.Mu bamwifurije isabukuru nziza harimo na Se umubyara ,Ndanda Alphonse.

    Ndanda wabaye umunyezamu w'amakipe akomeye nka Rayon Sport na As Kigali yifashishije urukuta rwe rwa Instagram na we yagaragarije umwana we urukundo rwinshi , yashyizeho amafoto ye n'uyu mwana we w'ubuheta maze yongeraho amagambo agira ati:' Isabukuru nziza Boss wanjye, kura ujyejuru muhungu wanjye Ryan ,papa wawe aragukunda cyane'

     

    Twibutse ko Ndanda yabyaranye na Anita Pendo abana babiri b'abahungu kuri ubu akaba yaramaze gutandukana na we aho yitegura gushyingiranwa nundi mukobwa banasezeranye imbere y'amategeko kubana nk'umugore n'umugabo.

    Source : https://yegob.rw/ibyo-ndanda-yavuze-ku-mwana-yabyaranye-na-anita/

  • Wa munyarwandakazi ufite ibiro 300 yarongowe koco||ashaka kuba Miss Rwanda. – YEGOB #rwanda #RwOT

    Uwimana Ingabire Jacqueline bakunze kwita maneke ni umwe mu badamu bafite ibiro byinshi mu Rwanda aho kuri ubu apima ibiro 300 byose.

    Jacqueline  w'imyaka 47 y'amavuko utuye mu karere ka Musanze, avuga ko mu buzima busanzwe akunda kurya akawunga n'agasosi ariko ibiro bye bikanga bikiyongera.Atangaza ko yavutse afite ibiro 5 kuburyo bitari byoroshye ku mubyeyi we kumuheka kuko yari anamutse.Uyu mudamu avuga ko ibiro byaje gukomeza kwiyongera kugeza ubwo mu mwaka ushize yari afite ibiro 350.Jacqueline avuga ko yakomeje gukora imyitozo ngororamubiri itandukanye kugirango ibiro bye bigabanuke aho asigaranye ibiro 300.

    Abajijwe ku buzima bwe busanzwe ,yatangaje ko akora akazi ko gucuruza mu isoko rya Musanze ,ndetse akaba anakina muri filme zitandukanye mu Rwanda. Ku buzima bw'urukundo yavuze ko mu 1993 aribwo yashakanye n'umugabo we, wamutwaye koco(uburyo umukobwa yajyaga gusura umusore agahita amukingirana ,ubundi agatangaza ko yarongowe ntabe yamurekura,agahita amugira umugore we).Yavuze ko nyuma y'imyaka 4 umugabo we yaje kwitaba Imana. Jacqueline avuga ko yifuza kuba Miss w'abantu babyibushye mu Rwanda.

    Yagize ati:' abantu tubyibushye natwe turi beza,turambara tukaberwa,nanjye urabona ko ndi mwiza.Ndiyamamaje bazantore muri nyampinga w'u Rwanda mu bantu babyibushye.Habaho Irushanwa rya Miss muto njye nzahagarira ababyibushye.'

    Jacqueline yavuze ko kubera ibiro byinshi afite hari ibyo atabasha gukora cyangwa muri sosiyete bakamufata ukundi.Urugero ngo biramugora kubona moto imutwara, ndetse ntiyagenda ku igare kuko ntiryamubasha.Avuga ko hari uburwayi afite mu muhugo aho yagiye kwivuza bamubwira ko kumubaga byamutwara miliyoni 5 bituma abyihorera ,ariko ngo hari igihe kigera akabura uko ahumeka.

    Source : https://yegob.rw/wa-munyarwandakazi-ufite-ibiro-300-yarongowe-kocoashaka-kuba-miss-rwanda/

  • Abaturage ba Kirehe birahiriye gahunda yo guhuza ubutaka yabafashije gusagurira amasoko – #rwanda #RwOT

    Ibi babigarutseho ubwo hatangizwaga Igihembwe cy’Ihinga cya 2021/2022 A cyatangirijwe mu Murenge wa Gatore mu Kagari Rwabutazi kuri uyu wa Kabiri, tariki ya 5 Ukwakira 2021.

    Mu gutangiza iki gihembwe hatewe ibigori ku butaka bwahuje bungana na hegitari 120 bukaba buhingwa n’abaturage bishyize hamwe bo muri Gatore.

    Kuradusenge Fred utuye mu Murenge wa Gatore mu Kagari ka Cyunuzi avuga guhuza ubutaka byatumye amenya guhinga agamije gusagurira amasoko, yavuze ko aho batangiriye guhuza ubutaka asigaye yeza hejuru ya toni eshanu kuri hegitari nyamara mbere yarabonaga toni zitari hejuru y’ebyiri.

    Ati “Mbere umuntu yezaga nka toni ebyiri kuri hegitari ariko aho dutangiriye guhuza ubutaka ubu tweza hejuru ya toni eshanu kuzamura.”

    Nizeyimana Alex we yavuze ko ku bantu bahinze imbuto nziza y’ibigori kandi bagakoresha ifumbire bungutse cyane ugereranyije na mbere kuko ngo bavangavangaga imbuto zitandukanye.

    Ati “Mbere twahingaga mu kajagari, tuvangavanga imbuto bigatuma umusaruro ubura ariko ubu duhinga imbuto imwe yonyine bigatuma tubona umusaruro, urugero nk’ahantu nezaga ibilo 200 nsigaye mpeza ibilo birenga 400 kandi ari mu murima muto.”

    Yakomeje avuga ko iyo bahuje ubutaka bagahingira hamwe babonera ifumbire ku gihe ndetse bakanagirwa inama hamwe n’abajyanama mu by’ubuhinzi.

    Murekatete Liberatha we yagize ati “Icyiza cyo guhinga duhuje ubutaka abantu baterera rimwe, bakabagarira rimwe n’ibigori bikerera rimwe, mbere tutarahuza ubutaka buri umwe yateraga ukwe n’undi ukwe bigatuma tutabasha gufashanya, ariko ubu n’iyo hajemo indwara duterera umuti rimwe ku buryo twese dufashanya.”

    Guverineri w’Intara y’Iburasirazuba, Gasana Emmanuel, yavuze ko iyo abahinzi bahuje ubutaka bagahingira rimwe bibafasha mu kubona umusaruro mwiza uruta uwo babonaga.

    Yagize ati “Guhuza ubutaka ndetse bagashyiraho igihingwa kimwe bagahingira rimwe bibafasha kugirwa inama n’ababishinzwe, kubafasha guhinga neza, gushyiriramo ifumbire rimwe kandi hakanaboneka umusaruro mwiza kandi mwinshi ujya ku isoko.”

    Yakomeje asaba abahinzi guhingira ku gihe kandi bakubahiriza inama bahabwa n’abashinzwe ubuhinzi kuva ku Mudugudu kugera ku Karere; yasabye kandi abaturage kumenya igihe bashobora gushyirira ifumbire mu mirima yabo kugira ngo bibafasha kongera umusaruro.

    Muri iki gihembwe cy’ihinga cya 2021/2022 A, Akarere ka Kirehe kazahinga ku butaka buhuje bungana na hegitari ibihumbi 36 aho ibishyimbo byagenewe hegitari 9000, soya ni kuri hegitari 210, imyumbati kuri hegitari 800 ndetse n’umuceri uzahingwa kuri hegitari 816.

    Abayobozi batandukanye bayobowe na Guverineri Gasana Emmanuel bifatanyije n’abaturage ba Kirehe mu gutangiza Igihembwe cy’Ihinga cya 2021/2022 A

    Bamwe mu baturage bo mu Karere ka Kirehe bagaragaje ko guhuza ubutaka byatumye batera imbere ndetse n’umusaruro w’ibyo beza uriyongera

    source : https://ift.tt/3mrJlWl

  • Minisitiri Dr Uwamariya yagaragaje uruhare rwa mwarimu mu iterambere, ab’indashyikirwa barashimirwa – #rwanda #RwOT

    Ibi yabigarutseho mu birori by’Umunsi Mpuzamahanga wa Mwarimu wizihizwa buri mwaka, tariki ya 5 Ukwakira 2021. Mu Rwanda uyu munsi wizihijwe ku nshuro ya 20, aho wari ufite insanganyamatsiko igira iti “Umwarimu ku isonga mu kubaka uburezi buhamye.”

    Minisitiri Dr Uwamariya yabwiye abarimu ko ari ab’ingenzi cyane mu iterambere ry’igihugu cyane ko buri wese ushobora kugira icyo agifasha aba yaranyuze imbere y’umwarimu.

    Yagize ati “Twese dusobanukiwe neza ko uburezi ari inkingi ikomeye mu iterambere ry’igihugu haba mu rwego rw’ubukungu, mu mbonezamubano, mu muco no muri politiki. Ibihugu byinshi byabashije kugera ku iterambere ryihuse kandi rirambye muri iyi myaka ya vuba ni ibyabashije gushyiraho porogaramu z’uburezi nziza ndetse zifite intego n’inshingano zo gukemura ibibazo by’ingutu bifite.”

    Yagaragaje ko uburezi ari umuyoboro ubuzima bw’igihugu bunyuramo mu rwego rwo kugiteza imbere ariko bishingiye ku barimu babifitiye ubushobozi.

    Ati “Uburezi rero ni umuyoboro ubuzima bwose bw’igihugu bunyuramo kugira ngo gishobore kwiyubaka no kugira ejo hazaza. Nta wakwirengagiza ko kugira ngo ubwo burezi bugerweho, igihugu kigomba kuba gifite abarimu beza, babishoboye kandi bahagije.”

    Minisitiri Dr Uwamariya yongeye kugaragariza abarimu ko Guverinoma izi neza akamaro kabo ndetse bishimangirwa n’ibyakozwe kugira ngo mwarimu yoroherezwe imirimo. Muri byo harimo ibyumba by’amashuri bisaga ibihumbi 22 byubatswe mu gihugu hose mu rwego rwo kugabanya ubucucike mu mashuri, Girinka mwarimu, gahunda yo gutanga mudasobwa kuri buri mwarimu, kubaka amacumbi y’abarimu hafi y’ibigo by’amashuri ndetse na gahunda yo kongera umushahara wa mwarimu ho 10% buri mwaka.

    Uretse ibi byakozwe kandi hari gahunda yo kwegerezwa ikoranabuhanga mu bigo by’amashuri, ibitabo ndetse n’imfashanyigisho hakiyongeraho n’amahugurwa ahabwa abarimu mu bihe binyuranye agamije kubongerera ubumenyi by’umwihariko abari gukora uburezi batarabwize.

    Minisitiri Dr Uwamariya yagaragaje ko mu bihe bya Covid-19 hatirengagizwa umusaruro ukomeye abarimu bagize mu bihe byari bigoye byo kwiga aho wasangaga amashuri amara igihe adakora, ikindi gihe agakora ubutaruhuka byose bikabangamira imikorere ya mwarimu ariko bakomeza kugaragaza ukwihangana gukomeye.

    Dr Uwamariya yagaragaje ko mu iterambere ry’u Rwanda mwarimu ari we ryubakiyeho mu guharanira gukemura ibibazo bikigaragara mu burezi bijyanye n’ireme ryabwo.

    Ati “Hashingiwe kuri gahunda zitandukanye zashyizweho na Leta y’u Rwanda, mwarimu ni we ushingirwaho, ndetse ni we uri ku isonga mu gushyira mu bikorwa gahunda nyinshi za Leta zigamije gukemura ibyo bibazo byo kubaka uburezi buhamye muri rusange.’’

    Yavuze ko kugira ngo umusaruro ukwiriye uboneke bisaba ubufatanye bw’inzego zitandukanye by’umwihariko hagati ya mwarimu n’umubyeyi.

    Ati “Kugira ngo mwarimu agere kuri ibi na we hari icyo bimusaba, akwiye kuba umusemburo w’iterambere, kuba intangarugero mu myifatire no mu mikorerere ye ya buri munsi, guhorana umwete wo kugendana n’igihe, kwihesha agaciro muri bagenzi be, mu bo ashinzwe kurera no muri sosiyete abamo. Akwiye kandi guhora yiyungura ubumenyi no gutoza abanyeshuri kugira inyota y’ubumenyi no guhanga udushya mu mwuga we.”

    Abarimu b’indashyikirwa bahawe ishimwe

    Mu guhemba abarimu bitwaye neza harebwe ku ruhare bagize mu kwagura ubumenyi bw’abana binyuze mu guhanga udushya tugamije kongera ireme ry’uburezi kandi mu byiciro byose.

    Ku rwego rw’igihugu hahembwe abarimu batanu, barimo babiri bigisha mu mashuri abanza ni ukuvuga uwo mu mashuri ya leta n’uwigisha mu kigo cyigenga wahize abandi, babiri bigisha mu mashuri yisumbuye n’uwigisha mu mashuri y’imyuga n’ubumenyingiro.

    Aba barezi bahembwe moto zizaborohereza mu rugendo rwabo ndetse na mudasobwa zizabafasha mu bushakashatsi kugira ngo bakomeze kunoza umurimo wo kurerera igihugu.

    Abarimu bahembwe ku rwego rw’igihugu babyishimiye cyane ndetse bavuga ko biteze umusaruro mwiza kugira ngo bakomeze gushimangira ko ibihembo bahawe babikwiriye.

    Nsanzamahoro Jean Jacques wahize abandi mu mashuri yigisha imyuga n’ubumenyingiro, yigisha mu Ntara y’Amajyepfo muri Nyanza TVET School, yabwiye IGIHE ko igihembo yahawe cyamuteye imbaraga kurushaho.

    Yagize ati “Ni ibintu bishimishije cyane kubona ngeze aha ngaha, birantera gukora cyane kugira ngo nkomeze wenda n’ibishoboka n’undi mwaka nzongere mbe indashyikirwa cyangwa mugenzi wanjye mubwire uburyohe bwo kuba indashyikirwa, bitume ubumenyi aha abana burushaho kuzamuka.”

    Umwarimu wigisha mu mashuri abanza wabaye indashyikirwa, Niyomugabo Christian wigisha mu kigo giherereye mu Karere ka Kamonyi cya G.S Kabasare yavuze ko ibihembo yahawe bigiye kumufasha kwiteza imbere.

    Ati “Uyu munsi nahembwe koko kandi mpembwa ku rwego rw’igihugu. Benshi baravuga bati ubwo baguhaye moto ugiye kuva mu barimu ujye hanze, ariko si ko bimeze nta nubwo numva ko nagezeyo, ahubwo ubu ni bwo ntangiye. Moto mpawe iramfasha mu iterambere ryanjye bwite no kunyorohereza akazi mu rwego rw’ingendo. Ntekereza ko igiye kumfasha noneho kuba umwarimu w’indashyikirwa cyane.”

    Uretse abarimu bitwaye neza ku rwego rw’igihugu hari n’abandi bari bagiye bagaragaza ubuhanga budasanzwe ku rwego rw’intara muri buri cyiciro nabo bemerewe za mudasobwa, televiziyo n’ibindi bigamije kububaka mu murimo wo kwigisha.

    Minisitiri w’Uburezi, Dr Uwamariya Valentine, yavuze ko abarimu bakwiye kuba umusemburo w’iterambere

    Umunyamabanga wa Leta muri Minisiteri y’Uburezi ushinzwe Ikoranabuhanga, Imyuga n’Ubumenyingiro, Irere Claudette

    Umuyobozi w’Ikigo cy’Igihugu gishinzwe guteza imbere Amashuri y’Imyuga n’Ubumenyingiro, (RTB) Umukunzi Paul, ari mu bitabiriye ibi birori

    Umuyobozi Mukuru wa REB, Dr Nelson Mbarushimana, yashimangiye ko uburezi buhamye bwagerwaho ku bufatanye bw’abarezi n’abarimu

    Umuyobozi Mukuru w’Umwalimu SACCO, Uwambaje Laurence, yagaragaje ko inguzanyo zafashije abarimu guhindura ubuzima

    Nsanzamahoro Jean Jacques ni we mwarimu wahize abandi mu mashuri y’imyuga n’ubumenyingiro mu Rwanda

    Umuyobozi Mukuru w’Ikigo gishinzwe Ibizamini n’Ubugenzuzi bw’Amashuri, Dr Bernard Bahati

    Abarimu babaye indashyikirwa ku rwego rw’igihugu bifotozanyije n’abayobozi batandukanye bitabiriye ibi birori

    Abahembwe bavuze ko ibihembo byababereye impamba mu rugendo rwabo rwo gutanga ubumenyi n’uburere bukwiye

    Amafoto: Yuhi Augustin

    source : https://ift.tt/3lecUex

  • Abarenga ibihumbi 400 bajyanywe mu bigo by’inzererezi mu myaka icyenda ishize – #rwanda #RwOT

    Ibi byagarutsweho kuri uyu wa 5 Ukwakira 2021 ubwo Ikigo cy’Igihugu cy’Igororamuco cyaganiraga n’abarezi bo mu Karere ka Karongi kuri gahunda yo kugororera abana mu muryango batiriwe bajyanwa mu bigo ngororamuco.

    Umuyobozi Mukuru wa NRS, Mufulukye Fred, yavuze ko igisubizo ku kibazo cy’ubuzererezi gikwiye gushakirwa ahantu hatatu h’ingenzi harimo ku ishuri, mu muryango no mu nzego z’ibanze.

    Yagize ati “Dufite amashuri hafi. Ni gute abana b’u Rwanda bananirwa kwiga kweri? Barezi mumenye bariya bana, munamenye ukunda gusiba. Muri gahunda ya Tubagorere mu muryango turashaka ko buri kigo cy’ishuri kigira komite ishinzwe gukurikirana abana.”

    Yavuze ko iyi komite izaba ishinzwe gukurikirana, ikamenya umwana ukunda gusiba, ikamenya impamvu zibimutera hanyuma inzego z’ibanze zigafasha umuryango we gukemura impamvu zituma atiga.

    Mufulukye yavuze ko abantu badakwiye gusuzugura ikibazo cy’ubuzererezi kuko abantu barenga ibihumbi 400 bajyanywe mu bigo by’inzererezi baruta abaturage batuye tumwe mu turere two mu Rwanda.

    Umugenzuzi w’Umurimo mu Karere ka Karongi, Mpumuro Frederic, avuga ko impamvu ubuzererezi budacika ari uko abantu muri rusange bigira ntibindeba.

    Ati “Mu nzira tugenda, tunyura ku bana bikoreye amatafari, ku bana bicaye ku muhanda, kandi haba hari abantu bize babanyuzeho bakikomereza bumva ko bitabareba. Ngo uwanjye ari ku ishuri ryiza, nyamara akirengagiza ko abo bana bari mu muhanda bazagera aho bakabangamira uwe yashyize mu ishuri.”

    Umuyobozi wungirije w’Akarere ka Karongi ushinzwe Imibereho Myiza y’Abaturage yavuze ko mu mpamvu zituma abana bajya mu muhanda harimo amakimbirane yo mu muryango, uburangare bw’ababyeyi batamenya uko umwana yiriwe n’uko yaraye, ndetse n’ikibazo cy’abakobwa bajya gushaka akazi mu mijyi bagaterwa inda, bakazana abana bakabasigira ba nyirakuru bagasubira mu mijyi, ugasanga uwasigiwe umwana ntafite ubushobozi bwo kumwitaho.

    Ati “Ubu gahunda dushyizemo imbaraga ni uko umwana wese ugaragaye mu muhanda tumugorera mu muryango. Turakurikirana tukamenya umuryango yavuyemo tukawuganiriza.”

    Yakomeje agira ati “Turimo turafatanya n’abafatanyabikorwa kugira ngo urubyiruko rubashe kubona imirimo rukora iruteza imbere kuko uba ubona bose bashaka kuza hano mu Mujyi wa Rubengera, cyangwa kujya mu Mujyi wa Kigali.”

    Mu Karere ka Karongi habarurwa abarenga 800 banyuze mu bigo ngororamuco biga imyuga itandukanye, muri bo 38 bahawe ibikoresho ubu bakorera mu Gakiriro ka Karongi, abandi bakoze koperative itwaza abantu imizigo.

    Umuyobozi Mukuru w’Ikigo cy’Igihugu cy’Igororamuco, Mufulukye Fred, yavuze ko igisubizo ku kibazo cy’ubuzererezi gikwiye gushakirwa ahantu hatatu h’ingenzi harimo ku ishuri, mu muryango no mu nzego z’ibanze

    Abarenga ibihumbi 400 bajyanywe mu bigo by’inzererezi mu myaka icyenda ishize

    source : https://ift.tt/2WJzvpY

  • U Rwanda rwakiriye inama ihuza amashyirahamwe y’inzego z’ibanze mu bihugu bya EAC – #rwanda #RwOT

    Iyi nama itegurwa n’Impuzamashyirahamwe y’inzego z’ibanze muri Afurika y’Iburasirazuba (East African Local Governments Association: EALGA); iteganyijwe ku wa 4-8 Ukwakira 2021. Yakiriwe by’umwihariko na Minisiteri y’Ubutegetsi bw’Igihugu, MINALOC.

    Mu by’ingenzi byitezwe kuyiganirirwamo harimo gushakira hamwe ibisubizo by’ibibazo Covid-19 yateje ibihugu bigize Umuryango wa Afurika y’Iburasirazuba (EAC), kwiga ku nzira zabigeza ku ntego z’iterambere rirambye (SDGs), gushyira ingufu mu mikoranire ya EALGA na za Minisiteri z’Ubutegetsi bw’Igihugu zo mu Karere n’ibindi.

    Minisitiri w’Ubutegetsi bw’Igihugu, Gatabazi Jean Marie Vianney, yavuze ko Covid-19 yagize ingaruka ku buzima bwose bw’abantu, igasubiza inyuma ibikorwa by’iterambere muri iyi myaka ibiri ishize.

    Yagaragaje ko iyi nama ya EALGF izibanda ku gushaka uburyo bwo kuzahura imibereho y’abaturage ndetse no kugarura icyizere muri EAC.

    Yakomeje agira ati “Twizera ko umusaruro uzava muri iyi nama uzagira uruhare rukomeye mu guhuza ibihugu bigize EAC n’abafatanyabikorwa babyo hagamijwe gushyiraho ingamba n’ibikorwa bizateza imbere imiyoborere y’inzego z’ibanze ndetse no kuzahura ubukungu mu baturage ba EAC.”

    EALGF kandi izarebera hamwe ibyiza byo kugeza ubuyobozi ku baturage nka kimwe mu bigira uruhare mu guteza imbere ubukungu mu Karere, ndetse no gushyira imbaraga mu kuzahura ibikorwa by’ubucuruzi byari byarahungabanyijwe na Covid-19 muri EAC.

    Muri iyi nama hazanatorwa Komite y’ubuyobozi bwa EALGA, hakorwe ihererekanyabubasha hagati y’abayobozi bacyuye igihe n’abayobozi bashya ndetse u Rwanda ruzaha inkoni Tanzania nk’igihugu kizakira iy’umwaka utaha.

    Impuzamashyirahamwe y’inzego z’ibanze muri Afurika y’Iburasirazuba, EALGA, igizwe n’Ishyirahamwe ry’u Rwanda rihuza Uturere n’Umujyi wa Kigali, RALGA, Ishyirahamwe ry’inzego z’ibanze muri Tanzania, ALAT (Association of Local Authorities of Tanzania), iryo muri Kenya, ACGOK (Association of County Governments of Kenya), irya Uganda ULGA (Uganda Local Government Association) ndetse n’iry’u Burundi ABELO (Association Burundaise des Elus Locaux).

    U Rwanda rwakiriye inama ngarukamwaka ihuza amashyirahamwe y’inzego z’ibanze mu bihugu bigize EAC

    source : https://ift.tt/3uHOYn8