Webrwanda Backend

Author: webrwanda

  • Umunyamakuru yapfuye nyuma y'iminsi 2 gusa akoze ubukwe #rwanda #RwOT

    Umunyamakuru uzwi cyane muri Malawi witwa Russell Chimbayo, yapfuye nyuma y'iminsi ibiri ashyingiwe. Yakoze ubukwe ku wa gatandatu tariki 2 Ukwakira apfa ku wa mbere tariki 4 Ukwakira 2021.

    Russell na Jacqueline Joana Jeke bavuze ngo “yego” ku wa gatandatu tariki ya 2 Ukwakira kuri St James CCAP muri Zingangwa nyuma umuhango wo kwiyakira ubera muri Mtendere Gardens Nyambadwe i Blantyre, mu majyepfo ya Malawi.

    Ku mugoroba wo ku wa mbere, tariki 4 Ukwakira, Bwana Chimbayo yapfuye azize uburwayi , nk'uko malawi24 ibivuga.

    Inshuti ze, abo bakorana na bene wabo bari mu cyunamo kuva amakuru y'urupfu rwe yashyirwa ahagaragara ku wa kabiri.


    Source : https://umuryango.rw/ubuzima-115/imibereho/article/umunyamakuru-yapfuye-nyuma-y-iminsi-2-gusa-akoze-ubukwe

  • Mu Rwanda abagore baritabira Sinema ku bwinshi, ariko ngo babangamiwe no kwakwa ruswa #Rwanda #RwOT via @kigalitoday #rwanda #RwOT

    Ubushakashatsi bwakozwe n’ikigo ‘Motion Picture Assossiation’ bwagaragaje ko uruganda rwa sinema muri Amerika rwatanze imirimo igera kuri miliyoni ebyiri n’igice ndetse rufasha gufungura ubucuruzi (Business) bushingiye kuri uyu mwuga burenga ibihumbi 93. Nk’uko byumvikana mu mibare ni uruganda rufatiye runini ingeri zitandukanye z’abantu aho muri Amerika.

    Tuve gato i Hollywood tugaruke mu Rwanda aho uru ruganda nyuma ya Jenoside yakorewe Abatutsi mu 1994 rugenda rwaguka umunsi ku wundi rukaba rutunze ibyiciro bitandukanye by’abantu bakora uyu mwuga.

    Abari n
    Abari n’abategarugori bamaze kwiteza imbere babikesha sinema (Ifoto yo mu bubiko)

    Mbere ya Jenoside yakorewe Abatutsi, sinema nyarwanda yakorwaga binyuze mu ikinamico aho abakinnyi b’icyari “Indamutsa” batambutsaga umukino wabo binyuze mu majwi gusa dore ko icyo gihe isakazamashusho ryari ritaragira imbaraga rifite nk’uyu munsi n’ubwo uko babikoraga mu majwi gusa bitaburaga gukora ku marangamutima y’abakuru n’abato bikaba ngombwa ko bamwe banika amabuye ku kazuba kugira ngo ikinamico itabacika.

    Uruganda rwa sinema nyarwanda muri rusange nta myaka 20 rumaze rutangiye mu buryo bufatika. Muri uyu mwuga, abari n’abategarugori ntibasigaye inyuma kuko uko ibihe byagendaga bisimburana na bo bagendaga batinyuka kuwujyamo ndetse bagenda bagira uruhare mu mirimo itandukanye ikenerwa muri sinema.

    Mu ikorwa rya filime kugira ngo izasohoke igere hanze, hakenerwa imirimo itandukanye irimo ubwanditsi, kuyiyobora, kuyishoramo amafaranga, kuyikina, kuyitunganya, ifatwa ry’amajwi, amashusho, kuzayicuruza no kuyisakaza ndetse n’ibindi bikorwa byinshi bikenerwa kugira ngo igihangano kigere hanze kinoze kibereye ijisho.

    Icyakora n’ubwo mu Rwanda abari n’abategarugori batasigaye inyuma muri sinema, hari bamwe bagaragaza impungenge ndetse n’ibigusha biri muri uyu mwuga.

    Hakunda kumvikana bamwe mu bari n’abategarugori bagaruka ku nzitizi bahuye na zo ubwo binjiraga muri uyu mwuga aho bamwe mu bayobora cyangwa se abahitamo abakinnyi babanza kubaka ruswa kugira ngo babashe gutoranywa mu bakinnyi b’imena muri filime runaka n’ubwo benshi baterura ngo bashyire hanze uwabasabye iyo ruswa cyangwa wabashyizeho andi mananiza.

    Mukakamanzi Beatha wamenyekanye muri sinema nyarwanda nka ‘Mama Nick’ muri filime y’uruhererekane ‘City Maid’ itambuka kuri Televisiyo Rwanda asaba abakiri bato by’umwihariko abangavu bifuza kugana uyu mwuga kuba maso ndetse imbaraga nyinshi bakazishyira mu kwihugura mu kunoza umwuga aho kwizezwa ibitangaza n’abifuza kubaganisha mu bishuko.

    Ni byo yasobanuye ati “Mujye mujyana ubwenge, ntimugatware imibiri yanyu, imibiri yanyu si yo izatuma mukora akazi neza, ahubwo ubwenge ufite ube ari bwo ushyira imbere kuko ni bwo buzakubashisha gukora akazi neza ukanoza umurimo neza uko babyifuza.”

    Ku bigendanye n’abatanga amafaranga ngo babashe guhabwa imyanya yo gukina muri filime runaka, Mukakamanzi aburira abakiri bato ko aho kuyaha ushinzwe gutoranya abakinnyi ngo abahe ibyo batagenewe, bakabaye bayashyira mu mashuri abatoza kuzavamo abakinnyi beza.

    Ati “Njya mbabwira nti ese wowe urayatangira iki? Umuntu nimba akubwiye ngo arakunyuza muri filime ye ibyo birimo ubwenge? Aho kuyatanga aho, wakabaye uyatanga aho wiga gukina filimi (Acting) kuko ni byo byakugirira akamaro.”

    “Iyo watswe ruswa y’igitsina nawe ukayitanga uba uri injiji, ukwiye guhabwa ikintu kuko ugikwiye aho gutanga umubiri wawe. Ibyo byari bikwiye gucika kuko ntuba uhaye agaciro umubiri wawe”.

    Jacqueline Murekeyisoni Umuyobozi mukuru wa Cine Femme Rwanda, umuryango w’abari n’abategarugori babarizwa mu mwuga wa sinema mu Rwanda, na we asanga bitari ngombwa ko abari n’abategarugori bose bakwirundira mu kintu kimwe ari cyo gukina gusa (Acting) kuko muri sinema habamo imirimo itandukanye kandi yose itanga amafaranga. Bagakwiye kuyihuguraho maze ikabarinda kuba bagira aho bahurira n’iryo hohoterwa rivugwamo.

    Yagize ati “Umu star (icyamamare) agirwa umu star n’ikintu cyabanje kubaho uwanditse ya filime, uwayirariyeho amajoro, uwo muntu atariho wa mu star ntabaho, wa muntu ukina ntabaho, ese wowe wakoze icyo kugira ngo nawe utange akazi, hera aho ngaho, fata ikaramu wandike bya bindi wakinaga nawe ukinishe abandi. Imirimo ya sinema irungikanye kandi irimo amafaranga.”

    Kuva ku wa 4 kugeza kuya 11 Ukwakira mu Rwanda hari kubera Iserukiramuco mpuzamahanga ngarukamwaka ry’abagore muri sinema ryiswe “Urusaro International Women Film Festival” rifasha kugaragaza impano z’abari n’abategarugori muri uyu mwuga kuri iyi nshuro rikaba rizibanda cyane ku gufasha abategarugori kubereka inyungu ziba mu kwihuza ndetse no kwihugura ku murimo wo gutunganya filimi. Ayo mahugurwa azajya abera mu cyumba cy’ikoranabuhanga no guhanga udushya muri IPRC Kicukiro ndetse iri serukiramuco rikaba rizasozwa no kwerekana amafilimi abari n’abategarugori bagizemo uruhare mu gutunganya bikazabera kuri Canal Olympia ku Irebero.

    Iterambere ry’umwuga wa sinema ntiryagerwaho mu gihe ubunyamwuga butabanje kubakirwa ku bumenyi ubufatanye n’ubushobozi bw’abayikora, ibi bikaba byagarutsweho n’umuyobozi wa Urusaro International Women Film Festival, Kaneza Floriane. Intego y’uyu mwaka muri iri serukiramuco ni ugufasha abashoramari b’abari n’abategarugori gushora imari muri sinema kuko uyu ni umwuga wabasha kubyazwamo andi mafaranga menshi mu gihe ubikoze abifiteho ubumenyi buhagije ndetse yabashije kwishyira hamwe na bagenzi be.

    Uyu muyobozi yagize ati “Uyu mwaka twaje kubona ko ubufatanye no gukorera hamwe mu Banyarwanda muri sinema ari ikintu gikwiye guhabwa imbaraga kurusha uko byari bisanzwe kugira ngo sinema itere imbere.”


    source : https://ift.tt/3leXJBR

  • Abahanzi nyarwanda batatu bakomeye bahataniye ibihembo muri Afrimma #rwanda #RwOT

    Abahanzi nyarwanda, Mugisha Benjamin [The Ben], Ngabo Medard [Meddy] na Butera Knowless bahanganye n’ibyamamare muri Afurika mu bihembo bya Afrimma.

    Ibi bihembo bya African Muzik Magazine Awards ‘Afrimma’ bihatanirwa mu ngeri zitandukanye harimo igice cy’abahanzi, ababyinnyi, abanyamakuru n’ibindi.

    Kuri iyi nshuro u Rwanda ruhagarariwe mu gice cy’abahanzi The Ben, Knowless na Meddy ni bo batoranyijwe.

    The Ben na Meddy bari mu cyiciro cy’umuhanzi mwiza w’umugabo wakoze neza mu Karere k’Afurika y’Iburasirazuba (Best Male East Africa), ahanganye na Ali Kiba na Diamond Platnumz bo muri Tanzania, hari kandi Eddy Kenzo wo muri Uganda, Otile Brown na Khaligraph Jones bo muri Kenya na Gildo Kassa wo muri Ethiopia.

    Butera Knowless we akaba ari mu cyiciro cya ‘Best Female of East Africa’ aho ahatanye na Sheebah Karungi na Vinka wo muri Uganda), Nadia Mukami, Nikita Kirenga, tanasha Donna na Nandy bo muri Kenya

    Ibi bihembo bigiye gutangwa ku nshuro ya 8, iby’uyu mwaka bizatangwa tariki ya Ugushyingo 2021.

    The Ben ahanganye n’abarimo Meddy muri Afrimma

    Meddy ahanganye n’abarimo The Ben muri Afrimma

    Knowless ahatanye muri Afrimma

    Source : http://isimbi.rw/imyidagaduro/article/abahanzi-nyarwanda-batatu-bakomeye-bahataniye-ibihembo-muri-afrimma

  • Leta yongereye amasaha yo kwiga mu buryo bwo kugabanya icyuho cyatewe na Covid-19. #rwanda #RwOT

    Nk'uko inkuru dukesha The newtimes ibivuga Minisiteri y'Uburezi yongeyeho amasaha atanu yo kwigisha ku ngengabihe ya buri cyumweru y'amashuri abanza n'ayisumbuye mu gihe cyo guhindura politiki yavuze ko igamije gukemura icyuho cyo kwiga cyatewe na coronavirus.

    Icyorezo cya coronavirus cyangije urwego rw'uburezi, bituma amashuri afunga igihe kirekire kuko guverinoma yahagaritse kwiga, kugira ngo irinde abanyeshuri kuba bakwandura Corona virus.

    Kuri uyu wa kabiri, tariki ya 5 Ukwakira, Minisiteri y'Uburezi yatangaje ko iyi gahunda nshya yiswe inyigisho zo gukosora, nayo iri muri gahunda ya guverinoma yo gufasha abanyeshuri batsinze ibizamini by'igihugu gukurikirana amasomo yabo.

    Aya makuru yateje abantu urujijo mu bantu bamwe bavuga ko ukurikije icyorezo cya coronavirus, guverinoma yari ikwiye gutekereza gutinza ihinduka rya politiki yo kuzamura amasaha yo kwiga aho abandi bashyigikiye icyemezo cya guverinoma.

    Kongera amasaha yo kwiga bizatangira gukurikizwa mu mwaka w'amashuri utaha, uzatangira ku ya 11 Ukwakira.
    Minisitiri w'uburezi, Valentine Uwamariya yagize ati: 'Iyi gahunda izakoreshwa ku mashuri yose kandi turahamagarira abarimu n'abarimu bakuru kugira ngo barebe ko ikurikizwa neza'.

    Icyakora, abarimu bamwe bamaganye iki cyemezo, bavuga ko bizongera akazi ku barimu basanzwe barengerwa kandi bababajwe n'ingaruka za coronavirus. Kandi, ko bidashobora byanze bikunze kugirira akamaro abiga.

    Mu gihe minisitiri yavuze ko iki cyemezo kizafasha abanyeshuri bananiwe kwitwara neza, kuko bazajya bakurikiranwa buri munsi aho gusubiramo ku ibizamini, bamwe mu barimu basabye ko politiki nshya igomba gukoreshwa ku banyeshuri bakeneye cyane ubufasha.

    Minisitiri yavuze ko guverinoma idashaka ko umunyeshuri uwo ari we wese ananirwa cyangwa ngo asigare inyuma mu masomo yabo.

    Mu mashuri yigenga ubusanzwe , ahenshi amasomo yatanguraga saa mbiri za mu gitondo agasozwa saa kumi z' umugoroba kuva ku wa Mbere kugera ku wa Gatanu.

    Amashuri ya Leta yo bigaga mu byiciro , aho kimwe cyigaga guhera saa 7h00 kugeza saa tanu n' iminota 45 , ikindi cyiciro kigatangira saa saba kuheza saa kumi n' iminota 45.

    Source : https://impanuro.rw/2021/10/06/leta-yongereye-amasaha-yo-kwiga-mu-buryo-bwo-kugabanya-icyuho-cyatewe-na-covid-19/

  • Inkuru ibabaje y'umugabo wapfuye nyuma y'iminsi ibiri arongoye. – YEGOB #rwanda #RwOT

    Umunyamakuru w'icyamamare muri Malawi, wari ushinzwe itumanaho mu bucuruzi no mu iterambere, uzwi nka Russell Chimbayo, yitabye Imana nyuma y'iminsi ibiri akoze ubukwe.

    Ku wa gatandatu, tariki ya 2 Ukwakira, Russell na Jacqueline Joana Jeke nibwo bashyingiranywe, kuri St James CCAP i Zingangwa mu gihe ibirori byabereye muri Mtendere Gardens Nyambadwe i Blantyre, mu majyepfo ya Malawi.

    Haracyakorwa iperereza ku rupfu rw'uyu musore ,wapfuye ku wa mbere,tariki 4 Ukwakira 2021 hashize iminsi ibiri yonyine arongoye.

    Umwe mu bayoboye ubukwe bw'aba bombi yavuze ko urupfu rw'uyu musore rwashenguye abatashye ubukwe bwabo bose nabari bamuzi..

    Source : https://yegob.rw/inkuru-ibabaje-yumugabo-wapfuye-nyuma-yiminsi-ibiri-arongoye/

  • Kigali: umugabo yasahuye inzu y'umugore we yitabaza umupfumu,none dore ibibaye.(Video) – YEGOB #rwanda #RwOT

    Mu mujyi wa Kigali haravugwa umugabo wibye umugore we ibikoresho byose byo mu nzu ashaka kubyimurira ku wundi mugore, birangira hitabajwe umuvuzi gakondo ,ahita abigarura.

    Nk'uko bigaragara mu mashusho dukesha Dreamtv.rw kuri Youtube, bitangira umugore yagiye mu kazi maze umugabo we agapakira ibikoresho byose byo mu nzu, birimo akabati, uburiri ,intebe ndetse akamutwarira amafaranga. Ubwo abaturanyi bahise batungurwa bagirango barimutse nibwo bahise bahamagara kuri telefoni uyu mugore nyirurugo. Yahise ataha asanga umugabo we yimutse atwaye ibintu byose uretse imyenda yumugore.

    Yahise ata umutwe hanyuma atangira guhamagara umuganga wa gakondo wahise uza maze mu gukoresha imiti ye, wa mugabo wari wibye umugore ngo yahise ava mu modoka yari ipakiye bya bikoresho atangira kwigaragura hasi.Nibwo abaturage bahuruye bamufatana ibikoresho yari yibye babisubiza mu rugo.Uwo mupfumu na we yahise amuha umuti utuma yongera kumera neza.Abaturanyi bashinjaga uyu mugabo kuba umuhehesi ndetse no gusahura abagore bose abanye nabo.Bivugwa ko afite undi undi mugore yari ashyiriye ibi bikoresho.

    Source : https://yegob.rw/kigali-umugabo-yasahuye-inzu-yumugore-we-yitabaza-umupfumunone-dore-ibibaye-video/

  • RIB yerekanye ibyafashwe bitujuje ubuziranenge #Rwanda #RwOT via @kigalitoday #rwanda #RwOT

    source : https://ift.tt/2Yunw0f

  • #COVID19: Imibare y’abandura n’abapfa mu Rwanda ikomeje kugabanuka #Rwanda #RwOT via @kigalitoday #rwanda #RwOT

    Abagore babiri bitabye Imana, bakaba umwe ari uwo mu Karere ka Nyamasheke w’imyaka 68 y’amavuko n’undi wo mu Karere ka Nyabihu w’imyaka 29 y’amavuko.

    I Karongi na Ngororero buri hose habonetse abanduye bashya 20 muri buri Karere hakaba ari ho habonetse umubare munini ugereranyije n’ahandi.

    I Gicumbi habonetse 13, i Kirehe haboneka 11, i Kigali haboneka 7, i Burera, Ngoma na Kayonza haboneka 6 muri buri Karere.

    Mbere yaho ku wa Mbere tariki 04 Nzeri 2021 mu Rwanda hari habonetse abanduye Covid-19 bashya 81 mu bipimo 7,506.

    source : https://ift.tt/3oAU7ME

  • “Facebook yangiza abana ikanaca intege demokarasi”-uwahoze ari umukozi wayo #rwanda #RwOT

    Frances Haugen, w'imyaka 37, wahoze akuriye ibicuruzwa bya Facebook ubu akaba yaramennye amabanga yayo, yanenze bikomeye iyi kompanyi y'imbuga nkoranyambaga ubwo yumvwaga mu nyubako ya Capitol Hill inteko ikoreramo.

    Facebook ikomeje guhozwaho ijisho kandi hakomeje no kwiyongera abasaba ko imikorere yayo yashyirirwaho amategeko ayigenga.

    Uwayishinze Mark Zuckerberg yasubije, avuga ko ibiherutse gutangazwa mu bitangazamakuru “bigaragaza isura itari ukuri” y'iyi kompanyi.

    Mu ibaruwa yandikiye abakozi bayo, yavuze ko byinshi mu biyivugwaho “bitumvikana na gacye”, akomoza ku muhate w'iyi kompanyi mu bikorwa byo kurwanya ibyangiza bishyirwa ku rubuga rwayo, gushyiraho uburyo bw'imikorere yo mu mucyo no gushyiraho “gahunda y'ubushakashatsi bwo hejuru muri uru rwego mu guhosha ibi bibazo by'ingenzi”.

    Muri iyo baruwa, yatangaje kuri paji ye ya Facebook, yagize ati: “Twita cyane ku bibazo nk'umutekano, imibereho myiza n'ubuzima bwo mu mutwe”.

    “Biragoye [kubyakira] kubona ukuntu amakuru agaragaza ukutari ko akazi kacu n'intego zacu”.

    Facebook ni rwo rubuga nkoranyambaga rukoreshwa na benshi ku isi.

    Iyi kompanyi ivuga ko buri kwezi rukoreshwa n'abantu miliyari 2.7. Abantu babarirwa muri za miliyoni amagana na bo bakoresha ibindi bicuruzwa by'iyi kompanyi, birimo nka WhatsApp na Instagram.

    Ariko yanenzwe kuri buri kintu, kuva ku kunanirwa kurinda amakuru y'ubuzima bwite bw'abayikoresha, kugeza ku kudakora ibihagije mu guhagarika ikwirakwira ry'amakuru ayobya.

    'Instagram ishobora kwangiza ubuzima bwo mu mutwe bw'abakobwa'

    Madamu Haugen ku cyumweru yabwiye televiziyo CBS yo muri Amerika ko hari inyandiko z'imikorere y'imbere muri Facebook mu byumweru bya vuba bishize yahaye ikinyamakuru The Wall Street Journal.

    Cyifashishije izo nyandiko, ikinyamakuru The Wall Street Journal cyatangaje ko ubushakashatsi bwakozwe na Instagram bwagaragaje ko iyo 'app' ishobora kwangiza ubuzima bwo mu mutwe bw'abakobwa.

    Iyo ngingo Madamu Haugen yayikomeje mu buhamya bwe bwo ku wa kabiri. Yagize ati:

    “Ubuyobozi bwa kompanyi buzi uko bwatuma Facebook na Instagram birushaho gutanga umutekano, ariko ntibuzakora impinduka za ngombwa kuko bashyize imbere inyungu zabo z'umurengera aho gushyira imbera abantu”.

    Yanenze Mark Zuckerberg ku kugira ububasha bwinshi, avuga ko “muri iki gihe nta muntu n'umwe ubaza Mark ibijyanye n'imikorere ye usibye we ubwe”.

    Yanashimagije kuba ku wa mbere imbuga za Facebook zari zahagaze gukora, bikagira ingaruka ku bazikoresha ku isi.

    Ati: “Ejo twabonye Facebook iva kuri internet”.

    “Sinzi impamvu yavuyeho, ariko nzi ko mu gihe cy'amasaha arenga atanu, Facebook itakoreshejwe mu kurushaho guteza amacakubiri, guhungabanya demokarasi no mu gutuma abakobwa bato n'abagore biyumva nabi ku bijyanye n'imibiri yabo”.

    Yabwiye abasenateri ko umuti ari ugushyiraho urwego rwo mu nteko rugenzura imikorere ya Facebook. Ati: “Tugomba kugira icyo dukora ubu”.

    Mu ibaruwa ye, Bwana Zuckerberg yavuze ko ubushakashatsi kuri Instagram bwagaragajwe ukutari ko kandi ko urubyiruko rwinshi rwagiriye ibihe byiza mu gukoresha urwo rubuga. Ariko yagize ati: “Ni ingenzi cyane kuri jye ko buri kintu cyose twubaka kiba gitanga umutekano kandi ari cyiza ku bana”.

    Ku guhagarara gukora ko ku wa mbere, yavuze ko igihangayikishije kurushaho atari “ingano y'abantu bajya kuri serivisi z'abo duhatanye cyangwa ingano y'amafaranga dutakaza, ahubwo icyo bivuze ku bantu bacungira kuri serivisi zacu mu gushyikirana n'inshuti n'abo mu miryango yabo, mu gukora ubucuruzi, cyangwa mu gufasha ab'aho batuye”.

    Abasenateri bo mu ishyaka ry'abarepubulikani n'abo mu ishyaka ry'abademokarate ku wa kabiri bahurije hamwe ko hacyenewe impinduka muri iyi kompanyi – ubundi ni gacye cyane abo muri aya mashyaka yombi bahuriza ku ngingo imwe.

    Richard Blumenthal, senateri w'umudemokarate, yagize ati: “Kwangiza agaciro bwite k'umuntu ubu bikorwa na Facebook bizashegesha igisekuru”.

    Ku byahishuwe ku ngaruka Facebook igira ku bana, mugenzi we w'umurepubulikani Dan Sullivan yavuze ko abatuye isi bazasubiza amaso inyuma bakabaza bati: “Twatekerezaga mu buhe bucucu?”

    Mu itangazo yasohoye nyuma y'ubwo buhamya, Facebook yavuze ko itemeranya n'ibyavuzwe na Madamu Haugen “ku nyito y'ibibazo byinshi yatanzeho ubuhamya”. Ariko yemeye ko “igihe kirageze cyo gutangira gushyiraho amategeko y'imikorere kuri internet”.

    Iryo tangazo rya Facebook rigira riti: “Hashize imyaka 25 havuguruwe amategeko agenga internet, kandi aho kwitega ko abo muri uru ruganda [rwa internet] bafata ibyemezo bireba sosiyete [ubusanzwe] bifatwa n'abadepite, igihe kirageze ngo Inteko igire icyo ikora”.

    BBC

    Source : https://umuryango.rw/amakuru/mu-mahanga/umutekano/article/facebook-yangiza-abana-ikanaca-intege-demokarasi-uwahoze-ari-umukozi-wayo

  • Bari bageze aho bategura ubukwe amurya amafaranga! King James yavuze byinshi ku mutekamutwe wamwiyitiriye akambura abantu #rwanda #RwOT

    Umuhanzi nyarwanda Ruhumuriza James wamamaye nka King James yavuze ko umutekamutwe wamwiyitiriye akambura abantu, yari ageze aho abeshya umukobwa urukundo ndetse bageze no ku rwego rwo gukora ubukwe amwambura amafaranga aramubura.

    Mu minsi ishize nibwo haje inkuru y’uko King James yafashwe na polisi imubaza ku butekamutwe yashinjwaga n’umwe mu basekirite ba banki imwe, aho yavuze ko yamuririye amafaranga akaza kumubura yaranamubeshye urukundo.

    Mu kiganiro yagiranye n’ikinyamakuru ISIMBI yavuze ko yafashwe n’uyu musekirite ubwo yari avuye muri banki ubundi ahamagara polisi, asobanura ko uyu mukobwa yavugaga ko ari King James wamutuburiye akamurya amafaranga, ni mu gihe ngo n’urukundo rwabo rwari rwarageze aho bategura ubukwe ariko uyu muhanzi akamukwepa.

    Ati 'Ni umusekirite w’ahantu narimvuye kuri banki, akaba yari asanzwe atekererwa umutwe n’umuntu wiyita njye, bakajaya bavugana azi ko ari njye, bavuganaga kuri telefoni, kuri facebook bagera aho baba n’abakunzi, niko yavuze. Sinzi ikibazo baje kugirana, bansobanuriye ko niba bari bageze mu gihe cyo gukora ubukwe noneho aramubwira ngo agomba kuzana ibihumbi 500 ngo bishyure sale sinzi ukuntu babinsobanuriye, undi amubwira ko atari buyabone yose amwohererezaho make undi ahita amukwepa.'

    'Mu kumubura rero nibwo yambonye, ambonye rero kuko yari azi ko ari njye bavugana, abwira abapolisi bari aho baraza barambwira ngo nimparike ku ruhande tuvugane, araza bamubaza uko byagenze, asobanura byose bamubaza bati se ntuzi ko habaho n’abatekamutwe? Bamubaza niba hari inzego yabimenyesheje, nsanga yarabijyanye muri RIB, twaranditse babiba umurongo ariko bansaba ko nazajya kubikurikirana, kuko yari amaze kubikorera abantu benshi, nk’uwo mukobwa yari amaze kumurya agera mu bihumbi 500 kubera kumubwira utuntu twinshi.'

    Akomeza avuga ko yitabaje RIB atanga ikirego muri rusange kugira ngo yishinganishe, ariko yizeye ko igihe nikigera uyu mutekamutwe azafatwa.

    Si ubwa mbere King James yiyitiriwe n’abatekamutwe bakambura abantu kuko no muri Werurwe uyu mwaka nabwo hazamutse ikirego cy’umuntu wiyitiriye uyu muhanzi ubundi akajya yambura abantu cyane abakobwa ababeshya urukundo.

    King James avuga ko yamaze kwishinganisha kubera umutekamutwe ukomeje kumwiyitirira

    Source : http://isimbi.rw/imyidagaduro/article/bari-bageze-aho-bategura-ubukwe-amurya-amafaranga-king-james-yavuze-byinshi-ku-mutekamutwe-wamwiyitiriye-akambura-abantu