Webrwanda Backend

Author: webrwanda

  • Cristiano Ronaldo yatwaye igihembo gikomeye cy'ukwezi #rwanda #RwOT

    Cristiano Ronaldo wari umeze imyaka 12 atandukanye na Manchester United kuva 2009 akagaruka muri uyu mwaka wa 2021 yongeye gutwara igihembo cy'umukinnyi mwiza w'ukwezi kwa 9 muri Premier League y'Abongereza.

    Uyu mukinnyi wahoze akinira Juventus yegukanye iki gihembo mbere ya myugariro wa Manchester City Joao Cancelo, Antonio Rudiger wa Chelsea, Allan Saint-Maximin wa Newcastle United, Mohamed Salah ukinira ikipe ya Liverpool, na Ismaila Sarr wa Watford.

    Ni igihembo yatwaye ahigitse abakinnyi barimo Mohamed Salah, Allan Saint-Maximin, Antonio Rüdiger, João Cancelo na Ismaïla Sarr.

    Iki gihembo atwaye ku nshuro ya 5 atwara iki gihembo icyo yaherukaga gutwara yagitwaye 2008 mbere y'uko yerekeza muri Real Madrid.

    Akaba umukinnyi wa kabiri ufite ibi bihembo byinshi muri Manchester United kuko anganya na Wayne Rooney bombi babifite inshuro eshanu (5) .

    Refe:newsbytesapp.com

    Source : https://umuryango.rw/imyidagaduro/imikino/article/cristiano-ronaldo-yatwaye-igihembo-gikomye-cy-ukwezi

  • Umukobwa yasambanye na se w'umukunzi we mu rwego rwo kumwihimuraho #rwanda #RwOT

    Umukobwa wo muri Nigeria yaciye ibintu ku mbuga nkoranyambaga ubwo yavugaga ko “yaryamanye na se w'uwahoze ari umukunzi we” mu rwego rwo kumwihoreraho kubera agahinda yamuteye bagikundana

    Muri iyi videwo yakwirakwijwe ku mbuga nkoranyambaga ,uyu mugore wo muri Nigeriya yagaragaye yirata ko agiye kuryamana na se w'uyu wahoze ari umukunzi we.

    Uyu mudamu yahisemo kwihorera ku mukunzi we nyuma yo kumuca inyuma.

    Uyu mudamu yahishuye uburyo yaryamanye na se w'umukunzi we nk'inzira ye yo kwihorera kuko yamuciye inyuma.

    Yerekanye igice cy'inzu avuga ko ari iwabo w'uyu mukunzi we wamuciye inyuma bigatuma nawe amwihimuraho.

    Yavuze ko uwahoze ari umukunzi we yitwa John icyo yakoze ari ukumwigisha isomo ryo kutazongera gukora nkibyo yakoze.

    Muri iyi videwo,uyu mugore yavugaga ati 'John, John, ubu ndi mu nzu ya papa wawe, tugiye gusambana….wambabaje umutima, urakeka ko wagenda ukidegembya gutyo…'

    Biragushimishije se ..?.”

    Source : https://umuryango.rw/ubuzima-115/udushya/article/umukobwa-yasambanye-na-se-w-umukunzi-we-mu-rwego-rwo-kumwihimuraho

  • APR FC yatsindiye Kiyovu Sports i Shyorongi #rwanda #RwOT

    Mu mukino wa gicuti wahuzaga APR FC yitegura Champions League na Kiyovu Sports yitegura shampiyona, warangiye ari ibitego 4 bya APR FC kuri 2 bya Kiyovu Sports.

    Nyuma yo kunganya na Etincelles FC ku wa Kabiri w’iki cyumweru, APR FC uyu munsi yari yakiriye Kiyovu Sports na wo mu mukino wa gicuti.

    Ni mu rwego rwo kwitegura umukino izakinamo na Etoile Sportive du Sahel ku wa 15 Ukwakira i Kigali na 22 Ukwakira muri Tunisia.

    Abasore b’umutoza Adil batangiye basatira cyane Kiyovu Sports ariko umunyezamu wa Kiyovu Sports, Ishimwe Patrick abasha kwitwara neza aho mu gice cya mbere yakuyemo imipira ikomeye ya Bacca, Karera Hassan na Keddy.

    APR FC, yasabwe gukora impinduka hakiri kare mu gice cya mbere ubwo Mugisha Gilbert wababaye, yavaga mu kibuga hakajyamo Nizeyimana Djuma.

    Igice cya kabiri cyatangiranye impinduka ku ruhande rwa Kiyovu Sports, Nsengiyumva Mustafa na Mugenzi Bienvenu bajya mu busatirizi.

    APR FC yari yakomeje kwisirisimbya imbere y’izamu rya Kiyovu Sports, yaje kubona igitego cya mbere gitsinzwe na Nizeyimana Djuma ku munota wa 55.

    Kiyovu Sports yaje kucyishyura ku munota wa 65 gitsinzwe na Bigirimana Abedi.

    Ku munota wa 67 Mugunga Yves yatsindiye APR FC igitego cya kabiri, Nshuti Innocent yatsinze icya 3 ku munota 71 hari mbere y’uko ku munota wa 73 Kwitonda Alain Bacca atsinda icya kane.

    Nsengiyumva Moustapha, yatsindiye Kiyovu Sports igitego cya kabiri ku munota 78, iyi kipe yakomeje gushaka ibindi bitego ariko umuKino urangira ari 4-2.

    Abakinnyi 11 APR FC babanje mu kibuga

    Abakinnyi ba Kiyovu Sports babanjemo

    Source : http://isimbi.rw/siporo/article/apr-fc-yatsindiye-kiyovu-sports-i-shyorongi

  • Umugabo ufite agahigo ko kugira izuru rirerire ku isi akomeje gutangaza benshi #rwanda #RwOT

    Umugabo wo muri Turukiya wanditswe muri “Guinness World Record”kubera agahigo ko kuba umuntu ufite izuru rirerire kurusha abandi ku isi rireshya na santimetero 8,8.

    Mehmet Özyürek w'imyaka 71, yahawe iri kamba bwa mbere hashize imyaka 11 ariko igitangaje nuko iri zuru rigikura.

    Izuru ry'uyu mugabo ryapimwe kuri televiziyo yo mu Butaliyani mu kiganiro cya “Lo Show dei Record” mu mwaka wa 2010 – aho havumbuwe ko afite izuru rirerire ku isi.

    Guinness World Records yemeje ko na nyuma y'imyaka 10, izuru rye rikomeje gukura.

    Banditse kuri Twitter bati: “#Uyu munsi, mu mwaka wa 2010, Mehmet Özyürek ukomoka muri Turukiya yemejwe ku mugaragaro ko afite agahigo ko kugira izuru rirerire kurusha abandi bantu bariho.

    “Izuru ryiza rya Mehmet apima cm 8.8 (3.46 in) kuva hasi kugera hejuru.

    Muri iki cyumweru umwongereza yakoze agahigo ku isi yose ko gutwara yihuta akamashini gakata ibyatsi.

    Source : https://umuryango.rw/ubuzima-115/udushya/article/umugabo-ufite-agahigo-ko-kugira-izuru-rirerire-ku-isi-akomeje-gutangaza-benshi

  • Kimisagara: Mu mugezi wa Mpazi basanzemo umurambo w'umugabo #rwanda #RwOT

    Amakuru dukesha BIG TOWN TV ikorera kuri You tube avuga ko kuwa kane taliki ya 7 Ukwakira mu masaha ya saa kumi n'imwe z'umugoroba mu mugezi wa Mpazi Kimisagara hasanzwemo umurambo wa Pascal wasanzwe afite ibikomere ku mubiri we gusa ntiharamenyekana icyamwishe n'ubwo bamwe bacyeka ko yaba yarasagariwe n'abagizi ba nabi bakamukubita bakamunaga mu mugezi wa mpazi.

    Mushiki we avuga ko Pascal guhera kuwa Gatandatu akiva mu bukwe bari baramubuze.

    Umwe mu baturage batuye hafi ya Mpazi yavuze ko yaherukaga kumubona kuwa gatandatu agakomeza avuga ko ku wa gatandatu bagiye mu bukwe.

    Ndahayo Jean Bosco mukuru wa Pascal avuga ko Tuyisenge Pascal wari n'umumotari moto ye ikaba yari yaratwawe na polisi kubera ko ya yayitije umuntu akagonga polisi zikayijyana Kacyiru

    Ati: Ubwo twari mu bukwe nibwo yavugaga ko acyeneye amafaranga ibihumbi 250 byo kugomboza moto ye, nk'umuryango turicara tumwemerera ko tugomba kumuha amafaranga akajya kuyigomboza(kuyikurayo), guhera uwo munsi w'ubukwe ntabwo twongeye kumubona, tumubonye ubu ngubu mu mazi.

    Akomeza avuga ko nyuma bamushatse ngo bamuhe amafaranga yo kugomboza moto bakamubura haba no kuri telephone, bohereje n'umuntu wo kumushakisha baramubura bagera naho yakodeshaga mu Nyakabanda bavuga ko badaheruka ku mubona.

    Mukuru we akomeza avugako harai bamubwiye ko bamubonye mu Kove ahagana mu ma saa sita z'ijoro yasinze.

    Si ubwa mbere bibayeho kuko no mu minsi yashize muri uyu mugezi wa Mpazi hakuwe mo undi murambo w'umuntu wapfuye.

    INKURU YA Nahimana Dieudonne

    Source : https://umuryango.rw/amakuru/mu-rwanda/umutekano/article/kimisagara-mu-mugezi-wa-mpazi-basanzemo-umurambo-w-umusore

  • Urwego rw'umutekano rwaje ku isonga mu bushakashatsi ku bipimo by'imiyoborere bwa RGB #rwanda #RwOT

    Urwego rw'Igihugu rw'Imiyoborere,RGB,rwamuritse ku mugaragaro ubushakashatsi bwa munani bugaragaza ibyavuye mu bushakashatsi ku bipimo by'imiyoborere buzwi nka 'Rwanda Governance Scorecard'.

    Iki cyegeranyo cyubakiye ku nkingi umunani ari zo, Iyubahirizwa ry'amategeko, Uburenganzira mu bya politike n'ubwisanzure bw'abaturage, Imiyoborere abaturage bagizemo uruhare kandi idaheza, Umutekano, Kuzamura imibereho myiza y'abaturage, Kurwanya ruswa no gukorera mu mucyo.

    Hari kandi Ireme ry'imitangire ya serivisi ndetse n'Imiyoborere mu bukungu n'ubucuruzi.

    Iki cyegeranyo cya RGS gikorwa na RGB buri mwaka hagamijwe kugaragaza ishusho y'uko imiyoborere ihagaze mu byiciro bitandukanye no kugaragaza ingamba zikwiye mu gushyiraho politiki mu nzego zitandukanye z'igihugu.

    Ubu bushakashatsi bwerekana ko inkingi 6 kuri 8 zatsinze hejuru ya 80%.Inkingi y'umutekano yakomeje kuza ku isonga aho ifite amanota 95,47% mu mwaka wa 2021, avuye kuri 95,44 % yariho mu 2020. Iyubahirizwa ry'amategeko riri kuri 87,08 % rivuye kuri 87,86 % umwaka ushize.

    Ubushakashatsi ku gipimo cy'Ubwiyunge mu Rwanda mu 2020 bwerekanye ko ubutabera, kugira amahirwe angana n'uburenganzira biri ku mpuzandengo ya 93.1%.

    Inkingi yo kurwanya ruswa no gukorera mu mucyo yaje ku mwanya wa gatatu n'amanota 86,77 %, iy'uburenganzira mu bya politiki n'ubwisanzure bw'abaturage yagize amanota 83,80 % bivuye kuri 85,76 %.

    Ireme ry'imitangire ya serivisi niyo nkingi yazamutse cyane kuko ryagize amanota 81,86 % bivuye kuri 78,31 %. Inkingi yo kuzamura imibereho myiza y'abaturage yagize amanota 75,23% bivuye ku kigero cya 73,32%, naho iy'imiyoborere mu bukungu n'ubucuruzi igira amanota 74,65 % ivuye kuri 78,14 % umwaka ushize.

    Inkingi y'imiyoborere y'ubukungu n'amasosiyete yashyizwe ku mwanya wa nyuma na 74.65%.

    Umuhango wo kumurika ubu bushakahsatsi wabereye i Kigali ukaba witabiriwe n'abahagarariye ibigo bya Leta, abikorera, sosiyete sivile, ibigo by'ubushakashatsi n'iby'amashuri makuru ndetse n'ibigo by'abafatanyabikorwa mu iterambere.

    Ubu bushakashatsi ngarukamwaka butangazwa kugira ngo bufashe inzego zose gusuzuma uko imiyoyorere ihagaze mu Rwanda.


    Source : https://umuryango.rw/amakuru/mu-rwanda/politiki/article/urwego-rw-umutekano-rwaje-ku-isonga-mu-bushakashatsi-bwa-ku-bipimo-by

  • Miss Mukangwije Rosine yasezeranye n'umukunzi we imbere y'amategeko[AMAFOTO] #rwanda #RwOT

    Ku munsi w'ejo tariki ya 7 Ukwakira nibwo Mukangwije Rosine n'umukunzi we Chris basezeranye Imbere y'amategeko.

    Mukangwije w'imyaka 21 yambitswe ikamba rya Miss Elegancy Rwanda muri Nzeri 2018. Yaryambuwe tariki 21 Kamena 2019 ashinjwa n'abayobozi b'irushanwa imyitwarire idahwitse bakubiye mu birego bisaga 13 bamuregaga.

    Icyakora yanze kuritanga ndetse n'ubu aracyarifite kuko ntawo kumusimbura uratorwa.

    Uyu mukobwa kandi yitabiriye Miss Rwanda 2020, ariko ntiyabasha kwegukana ikamba na rimwe. Mu 2019 Mukangwije Rosine yari yahishuye ko ari mu rukundo n'umunyezamu w'Ikipe wa AS Kigali, Ntwali Fiacre, ariko iby'urukundo rwabo ntawe uzi uko byarangiye.

    Source : https://umuryango.rw/imyidagaduro/article/miss-mukangwije-rosine-yasezeranye-n-umukunzi-we-imbere-y-amategeko-amafoto

  • Inteko ya EU yamaganye yasabye ko Rusesabagina ahita arekurwa #rwanda #RwOT

    Rusesabagina yahamwe n'ibyaha by'iterabwoba aho urukiko rukuru mu Rwanda rwamukatiwe gufungwa imyaka 25.

    Abayobozi b'u Rwanda kenshi bagiye banenga ibivugwa n'amahanga n'imiryango mpuzamahanga ku kibazo cya Rusesabagina, bavuga ko ubutabera bw'u Rwanda bwigenga.

    Uru rubanza rwe rwarakurikiranywe ku isi kuko azwi kubera film ya Hotel Rwanda ishingiye ku nkuru itavugwaho rumwe ko yarokoye Abatutsi bahigwaga muri jenoside.

    Mu mwanzuro, utari itegeko ryo gukurikiza, wemejwe n'abadepite 660 kuri babiri bawanze na 18 bifashe, inteko ishinga amategeko y'Uburayi “yamaganye ishimitse” urubanza yaciriwe, ivuga ko ari “urugero rwo guhonyora uburenganzira bwa muntu mu Rwanda.”

    Rusesabagina yahamwe n'ibyaha bishingiye ku bitero bitandukanye byiciwemo abantu icyenda n'abandi bagakomereka byakozwe n'inyeshyamba za FLN z'impuzamashyaka MRCD yari umukuru wungirije.

    Yafashe umwanzuro wo kwivana mu rubanza mu mizi ubwo rwari rugitangira avuga ko “nta butabera yiteze mu rukiko” rwariho rumuburanisha.

    Umudepite w'Ububiligi muri iyo nteko, Kathleen Van Brempt, yagize ati: “Paul Rusesabagina ni umuturage w'Uburayi kandi ni inshingano zacu kurengera uburenganzira bw'ibanze. Uburenganzira bwahonyowe n'abategetsi mu Rwanda.”

    Asubiza ku byavuzwe na Madamu Kathleen, Martin Ngoga wahoze ari umushinjacyaha mukuru w'u Rwanda yanditse kuri Twitter ko “…Bitari mu buryo kuba abagizweho ingaruka [n'ibitero bya FLN] badafite umwanya mu byo uvuga n'ibyo wemera.”

    Umwanzuro w'iyo nteko ishinga amategeko ya EU usaba “kurekurwa nta yandi mananiza kwa Bwana Rusesabagina ku mpamvu z'ubumuntu”.

    Isaba kandi abahagarariye EU mu Rwanda hamwe na ambasade z'Ibihugu by'Uburayi “kugeza cyane ubu busabe” ku bategetsi mu Rwanda.

    Mu kiganiro na France24 mu kwezi kwa gatanu i Paris, Perezida Paul Kagame yanenze ko hari amahanga asaba urubanza rw'intabera kuri Rusesabagina.

    Yagize ati: “Ni nkaho ikintu cy'ubutabera mu Rwanda cyangwa muri Africa kigomba kuba gihagarikiwe n'Uburayi, Amerika cyangwa ahandi, hoya.”

    Umuryango washinzwe na Rusesabagina wasohoye itangazo rivuga ko umwanzuro wa EU ari “ijambo rikomeye cyane ku kibazo cya Paul”.

    BBC

    Source : https://umuryango.rw/amakuru/mu-mahanga/politiki/article/inteko-ya-eu-yamaganye-yasabye-ko-rusesabagina-ahita-arekurwa

  • Umukecuru n'umusaza bakundanye bacyigana muri kaminuza bahuye nyuma y'imyaka 42 bahita bibanira #rwanda #RwOT

    Jeannie Gustavson na Steve Watts bahuye nk'abanyeshuri muri kaminuza ya Loyola i Chicago ubwo uyu mugore yari afite imyaka 18, mu gihe uyu mugabo yari mukuru kuko we yari afite imyaka 21 bidatinze batangira gukundana rwihishwa.

    Icyakora, aba bombi bagowe n'urukundo rwabo kuko umugabo yari umwirabura,umugore ari umuzungu byatumye umuryango w'uyu mukobwa witambika urukundo rwabo kuko ntiwemeraga gukundana hagati y'abantu badahuje ibara ry'uruhu.Aba bombi bamaze imyaka irindwi bakundana rwihishwa.

    Nubwo amaherezo batandukanye,aba bombi bahuye hashize imyaka mirongo ine n'ibiri gusa ngo Jeannie, ubu ufite imyaka 68, yahoraga yicuza icyemezo cyo guhagarika umubano we na Steve ndetse ngo ntabwo yigeze amwibagirwa i

    Mu myaka ibarirwa muri za mirongo batandukanye, Jeannie yakomeje kwizera ko bagikundana kandi ntiyibeshye kuko baherutse guhura mu buryo bw'igitangaza avumbura ko na Steve ariko yiyumvaga

    Aganira n'amakuru ya KWG,Jeannie yagize ati: 'Namukunze cyane tukiri bato kandi nari nzi ko ankunda. Ariko kugeza igihe ibyo byose byabereye, sinari nzi uburyo ankunda. Mu byukuri sinari mbizi.”

    Jeannie avuga ko yibuka uburyo umukunzi we wo muri kaminuza Steve, ubu ufite imyaka 71, yari muremure kandi 'mwiza, ufite ubwenge buhebuje,igikundiro ndetse amwenyura bikarangaza benshi.

    Icyakora, nk'umugabo n'umugore badahuje uruhu, mu myaka ya za 70, yasobanuye ko ibihe byari bibi cyane kandi umuryango we 'utumva cyangwa ngo wihanganire' umubano wabo.

    Jeannie yagize ati: 'Nababajwe cyane kandi natangajwe cyane n'ibyo umuryango wanjye wakoze nibyo wavugaga.' 'Twahisemo guhisha umubano wacu,tuwugira ibanga.'

    Jeannie yarangije mu 1975 aba umuforomo maze Steve yiga impamyabumenyi ihanitse mu burezi aba umwarimu w'Ikidage.

    Ariko, nyuma y'imyaka hafi umunani bari kumwe, Jeannie yahagaritse umubano wabo kuri terefone kubera ibibazo by'akazi, intera yari hagati yabo ndetse no kudahuza kuri gahunda zabo.Uyu mugore avuga ko yicujije icyemezo yafashe ubuzima bwe bwose.

    Aganira n'ikinyamakuru KWG, yagize ati: 'Nicujije ibyo nakoze nkimara kubikora,ako kanya. Ndashaka kuvuga ko nari mbizi ko ntagombaga guhagarika umubano wacu nkuko nabigenje ariko icyo gihe sinari nzi ikindi nakora. '

    Aba bahoze bakundana muri kaminuza ntibigeze bongera kuvugana cyangwa ngo babonane,byatumye Jeannie ashyingiranwa n'undi mugabo, nyuma baratandukana, ariko akavuga ko uko imyaka yagiye ihita atigeze yibagirwa Steve.

    Mu mpera z'umwaka ushize, Jeannie yatangiye kumushakisha kuri interineti, ashaka kumusaba amahirwe ya kabiri cyangwa gusaba imbabazi ko yatandukanye na we.

    Yanditse vuba aha ati: 'Nyuma y'imyaka mirongo ine n'ibiri, ikiruhuko cy'izabukuru, ufite mudasobwa kandi nta kindi uretse igihe mu biganza byawe, nshobora kumubona? Nshobora gusaba imbabazi? Turashobora kuba inshuti? '

    Imbaraga Jeannie yakoresheje mu gushaka Steve zabaye imfabusa mumezi arindwi, kugeza ubwo abonanye na mwishywa we wamubwiye ko Steve yari mu kigo cyita ku bageze mu za bukuru i Chicago akamuha aderesi.

    Jeannie yamwandikiye inshuro ebyiri ariko ntiyamusubiza, amaherezo ajya kumushaka mu kigo cyita ku barwayi muri iyi mpeshyi afite ifoto yabo basoza amasomo.

    Yibutse uko bongeye guhura, Jeannie yagize ati: 'Umunota yinjiye mu cyumba cyo gusura maze akavuga izina ryiza yampagaraga, imyaka mirongo ine n'ibiri yahise igenda.

    Njye nawe twahise dusubiramu myaka 18 na 21. Twararize, turaseka, turafatana. Kandi igitangaje cyane twabonye ko tukiri mu rukundo. '

    Steve yari amaze imyaka 15 yibasiwe n'indwara ya Stroke inshuro ebyiri, bituma acika intege kandi Jeannie niwe wari umusuye bwa mbere mu myaka icumi.

    Ati “Icyo gihe nabonye ko akinkunda, kandi ko bigiye kuba iby'iteka ryose. Nari mbizi gusa.”

    Abifashijwemo na GoFundMe,no gukoresha amafaranga yari yarazigamye, Jeannie yashoboye kuvana Steve mu kigo cyita ku bageze mu za bukuru,amuzana iwe i Portland, Oregan, aho ubu ari we umwitaho.

    Nubwo Steve bimugora kuvuga, aracyashobora gusetsa Jeannie kandi bababariranye kera kandi bongeye kubyutsa urukundo rwabo rwari rwatakaye.



    Jeannie na Steve batandukanyijwe n'ivanguraruhu bahuye nyuma y'imyaka 42 bahita bibanira

    Source : https://umuryango.rw/ubuzima-115/imibereho/article/umukecuru-n-umusaza-bakundanye-bacyigana-muri-kaminuza-bahuye-nyuma-y-imyaka-42

  • Ubushakashatsi ku miyoborere : Umutekano wakomeje kwanikira izindi nzego, ubwisanzure bw’abaturage bugabanukaho hafi 2% #rwanda #RwOT

    Ni ubushakatsi buzwi nka Rwanda Governance Scorecard bwamuritswe kuri uyu wa Gatanu tariki 08 Ukwakira 2021.

    Ubu bushakashatsi bugaruka ku ishusho y’inkingi umunani zishinzeho imizi y’imiyoborere y’u Rwanda, zirimo iy’umutekano, iy’uruhare rw’abaturage mu bibakorerwa, iy’uburenganzira mu bya Politiki ndetse n’iyo kurwanya ruswa no guteza imbere gukorera mu mucyo.

    Inkingi y’Umutekano yakomeje kuza imbere muri ubu bushakashatsi, n’ubundi yaje iyoboye aho iri ku gipimo cya 95,47% ivuye ku gipimo cya 95,44 % yariho muri 2020.

    Inkingi yazamutseho cyane kurusha izindi ni iy’imitangire ya serivisi aho yiyongereyeho 3,49% aho yavuye kuri 78,31 % yariho muri 2020 ubu ikaba igeze kuri 81,86 %.

    Naho iyasubiye inyuma cyane ikaba ari iy’imiyoborere mu bukungu n’ubucuruzi aho yavuye kuri 78,14% muri 2020 ikagera kuri 74,65%. Ni ukuvuga ko yagabanutseho 3,49%.

    Ibi byatumye kandi iza ku mwanya wa nyuma mu gihe mu bushakashatsi buheruka yari ku mwanya wa karindwi.

    Indi nkingi yagabanutse ni iy’uburenganzira mu bya politiki n’ubwisanzure bw’abaturage, yababanutseho 1,96% kuko ifite amanota 83,80 % ivuye kuri 85,76 % yariho ubushize.

    Naho izindi nkingi nk’Iyubahirizwa ry’amategeko riri kuri 87,08 % mu gihe mu cyegeranyo gishize yari kuri 87,86 %, naho gusangira amahirwe angana mu gihugu n’uburenganzira byo bikaba biri kuri 93,1%.

    Inkingi yo kurwanya ruswa no gukorera mu mucyo yaje ku mwanya wa gatatu n’amanota 86,77 %, naho Inkingi yo kuzamura imibereho myiza y’abaturage yagize amanota 75,23% bivuye ku kigero cya 73,32%.

    IGERERANYA RY’UKO INKINGI ZARI ZIHAGAZE UBUSHIZE N’UKO BIMEZE UBU

    UKWEZI.RW

    Source : http://www.ukwezi.rw/mu-rwanda/3/Ubushakashatsi-ku-miyoborere-Umutekano-wakomeje-kwanikira-izindi-nzego-ubwisanzure-bw-abaturage-bugabanukaho-hafi-2