Webrwanda Backend

Author: webrwanda

  • Urubyiruko rwasabwe kudatererana abageze mu zabukuru na bo bagategura amasaziro yabo kare – #rwanda #RwOT

    Yabisabye kuwa 8 Ukwakira 2021, umunsi u Rwanda rwahisemo kwizihiza umunsi mpuzamahanga w’abageze mu zabukuru usanzwe wizihizwa ku ya 1 Ukwakira buri mwaka ku rwego rw’Isi kuva mu 1990.

    Kuko uyu munsi uhurirana n’uw’u Rwanda rwizihizaho ‘gukunda igihugu’ byatumye wimurirwa kuya 8 Ukwakira, aho wizihijwe ku nshuro ya 22, n’ insanganyamatsiko igira iti “Ikoranabuhanga rikoreshwa na bose.”

    Nyirarukundo yavuze ko kubera amateka y’u Rwanda, benshi mu bageze mu zabukuru bariho uyu munsi batagize amahirwe yo gutegura amasaziro yabo, ibintu yahereyeho asaba abanyarwanda bose bakiri bato kubitaho, bakabegera kandi bakizigamira kugira ngo igihe na bo bashaje bazabeho neza.

    Ati “Umuryango nyarwanda urasabwa kudatererana ababo bageze mu zabukuru, by’umwihariko ababa bafite intege nke. Ndahamagarira kandi urubyiruko n’abakiri bato gutegura neza amasaziro biteganyiriza muri gahunda zitandukanye nka Ejo Heza n’ubundi bwishingizi butandukanye.”

    Yakomeje agira ati “Ni umwanya kandi wo kwegera abageze mu zabukuru mubigisha ikoranabuhanga kugira ngo babashe koroherwa mu kubona servisi zitandukanye kuko aho isi igeze bisaba kuba ufite ubumenyi mu ikoranabuhanga.”

    Mu Rwanda abageze mu zabukuru bagize 5% by’abaturage bose b’igihugu, ni ukuvuga abantu barengeje imyaka 65 y’amavuko.

    Aba bari mu bibasirwa n’ibibazo by’ubukene bigatuma bagorwa no kubona ifunguro, aho bacumbika, uko bivuza n’ibindi by’ibanze nkenerwa, ari yo mpamvu Minaloc yashyizeho politiki y’abageze mu zabukuru kugira ngo uburenganzira bwabo burusheho kubahirizwa.

    Nyirarukundo yagize ati “Leta y’u Rwanda yiyemeje guharanira icyatuma abageze mu zabukuru bagira amasaziro meza. Politiki y’abageze mu zabukuru yemejwe kuwa 31 Gicurasi 2021, itanga umurongo n’uburyo kwita ku bageze mu zabukuru bizakorwa umuryango ubigizemo uruhare.”

    “Ni amahirwe rero ku bagize umuryango yo kugaragariza urukundo n’ubufatanye ababyeyi bageze mu zabukuru.”

    Benshi mu bageze mu zabukuru mu Rwanda bafashwa kwishyurirwa ubwishingizi mu kwivuza, bagahabwa inkunga y’ingoboka binyuze muri VUP, ndetse hari n’abahawe inka muri gahunda ya girinka munyarwanda, kugira zizajye zibafasha kubaho.

    Nyirarukundo yabijeje ko Leta y’u Rwanda izakomeza gukora ibishoboka kugira ngo barusheho kugira imibereho myiza, aho nabo yabasabye kugira uruhare mu kwigisha abakiri bato amateka n’umuco hagamijwe kubaka umuryango nyarwanda no gukemura ibibazo biwugarije.

    Kubera icyorezo cya Covid-19 nta birori byabaye byo kwizihiza uyu munsi, aho Minaloc yatangaje ko wizihirizwa mu ngo.

    Kugeza mu 2019, ku Isi hose habarurwaga miliyoni 703 z’abageze mu zabukuru bafite imyaka kuva kuri 65 kuzamura, aho biteganyijwe ko mu myaka 30 iri mbere baziyongera bakikuba kabiri bakarenga miliyari 1,5 mu 2050.

    Urubyiruko rwasabwe kwita ku bageze mu zabukuru na rwo rugategura amasaziro yarwo hakiri kare

    source : https://ift.tt/3FulLRr

  • Kwizera Olivier yashyize hanze ifoto rikumwe n'umuzungukazi ivugisha benshi[Ifoto] #rwanda #RwOT

    Umunyezamu w'ikipe y'igihugu Amavubi na Royon Sports Kwizera Olivier yateje ururondogoro ku mbuga nkoranyambaga nyuma yo gushyira hanze ifoto ari kumwe n'umukobwa mwiza w'umuzungu benshi batangira gukeka ko ari umukunzi we mushya.

    Ubusanzwe Kwizera Olivier nta mukunzi afite uzwi, n'ubwo mu minsi ishize hari amakuru atandukanye yavugwaga ko ashobora kuba ari mu rukundo na Miss Umutoniwase Nadia wa menyekanye cyane muri Filime y'uruhererekane yitwa 'UMUTURANYI'

    Kwizera yanavuzwe mu rukundo na Kayesu Sharon ukwi ku izina rya SHazzy wamenyekanye cyane mu ifungwa ry'abahanzi babiri Davis D na Kevin Kade.

    Kwizera asobanura Shazzy wanamwirukanishije mu mwiherero w'Amavuvi mu iganiro yagiranye na The Choice Live yavuze ko ari inshuti ye isazwe

    Yagize ati 'Ni inshuti yanjye bisanzwe ,yansabye ko tuganira kuri chat bisanzwe hanyuma abashuti be baramubwira muri Comment bati 'uziko Olivier afite indi mpano yo kuririmba ,wamubwiye akaturirimbira indirimbo eshanu akunda , ni muri ubwo buryo byagenze.. numva n'umuziki cyane ,narabibakoreye ariko ntabwo bwari uburyo bwo guteretana'.

    Kwizera yakomeje avuga ko kuba yararirimbiye Shazzy atari ikosa ryari gutuma yirukanwa ndetse ko kuba uyu mukobwa yarafungishiije abarimo Davis D atari uko atera umwaku ndetse ko adakwiye kuba igicibwa muri sosiyete.

    Kuva ejo hashize ku wa Gatanu tariki 8 Ukwakira 2021, ku Mbuga Nkoranyambaga zitandukanye hiriwe hacicikana ifoto ya Kwizera Olivier yari yashyize ku rubuga rwe rwa Instagram ari kumwe n'umukobwa w'umuzungukazi bivugwa ko bamaze igihe bari mumunyenga w'urukundo nyuma y'abakobwa babiri bavugako bakundanyeho.

    Source : https://umuryango.rw/imyidagaduro/article/kwizera-olivier-yashyize-hanze-ifoto-rikumwe-n-umuzungukazi-ivugisha-benshi

  • Mashami Vincent yiyitiriwe bishyira urujijo muri benshi, abasaba kwitonda #rwanda #RwOT

    Umutoza w’ikipe y’igihugu y’u Rwanda, Mashami Vincent arasaba abantu kudaha agaciro umuntu wamwiyitiriye kuri Twitter akajya atangaza ibintu mu izina rye.

    Nyuma y’uko Amavubi atsinzwe na Uganda 1-0 ku wa Kane w’iki cyumweru tariki ya 7 Ukwakira, abantu benshi basabye uyu mutoza kwegura ndetse ko bamwe mu bakinnyi barimo Haruna Niyonzima, Meddie Kagere na Jacques Tuyisenge bakwiye gusezerera bagaharira abakiri bato.

    Uwiyise amaburakindi kuri Twitter, yagiyeho yandika ati 'breaking news: Umutoza Mashami Vincent atangaje ko rwose akiri umutoza w’Amavubi'

    Hahise haza umuntu ukoresha amazina ya Mashami Vincent kuri Twitter, amusubiza ko ntaho azajya rwose ndetse ko n’abo bakinnyi avuga bashaje bazabanzamo.

    Ati 'Ntaho nzajya, ikindi mumenye ko Kagere, Jacques na Haruna sinzigera nkina ntababanjemo.'

    Ntaho nzajya, ikindi mumenye ko kagere, Jacques , na haruna sinzigera nkina ntababanjemo

    — Mashami Vincent (@mashami_v) October 8, 2021

    Uyu muntu kandi wiyitiriye Mashami Vincent, yagiye kuri post yari yashyizweho n’umunyamakuru Oswald wa Radio TV10 avuga abanyamakuru beza bagira icyo bahindura muri siporo y’u Rwanda, Uyu wiyise Mashami yagiye asubizanya n’abantu rimwe na rimwe avuga ibintu bitekerekeranye.

    Si ukwirirwa bantuka se harikindi bavuga?

    — Mashami Vincent (@mashami_v) October 8, 2021

    Ibi byashyize igitutu kuri Mashami Vincent ajya kuri Twitter avuga ko atari we, ari umuntu wamwiyitiriye akoresha amazina ye ndetse n’ifoto ye nk’uko na we ayakoresha kuri Twitter.

    Ati 'nasuhuje buri umwe. Ndagira ngo mumenye ko hari umuntu washinze urubuga rwa Twitter mu mazina yanjye ndetse akoresha ifoto imeze nk’iy’iri ku rukuta rwanjye. Ndagira ngo nsabe buri umwe kwitondera ibyo babona, basoma banasubiza. Iyi niyo Twitter yanjye. Murakoze.'

    U Rwanda ubu ruri muri Uganda aho ruzakina n’iki gihugu umukino wo kwishyura ku munsi w’ejo ku Cyumweru tariki ya 10 Ukwakira 2021.

    Hello everyone.
    Please note know that someone has created a Twitter account in my names and the similar photo on my official account.
    I kindly ask everyone not to pay attention on whatever they see,read and respond to.
    This is my official Twitter Account.
    Thank you!🙏

    — MashamiVincent (@Mashavince) October 9, 2021

    Mashami Vincent yasabye abantu kwitondera ibyandikwa mu mazina ye

    Source : http://isimbi.rw/siporo/article/mashami-vincent-yiyitiriwe-bishyira-urujijo-muri-benshi-abasaba-kwitonda

  • Urwego rw’Umuvunyi na RIB byasubije Miss Nishimwe Naomie wabitabaje #rwanda #RwOT

    Abinyujije ku rukuta rwe rwa Twitter, Nyampinga w’u Rwanda 2020, Nishimwe Naomie yiyambaje Urwego rw’Umuvunyi n’urwego rw’igihugu rw’Ubugenzacyaha (RIB), bamusubije ko babonye ubutumwa bwe.

    Muri post 2 yashyizeho, Naomie yasabye Urwego rw’Umuvunyi na RIB, kureba ubutumwa yaboherereje (DMs).

    Nishimwe Naomie avuga ko nta kibazo yagize ahubwo ari umwana yasabiraga ubuvugizi wahuye n’ikibazo atari we.

    Ati 'Ni umwana w’ukobwa ufite ikibazo wanyiyambaje, niyo mpamvu nabikoze kuriya mbimenyesha abo bishinzwe, amakuru namenye batangiye kugikurikirana.'

    Miss Nishimwe Naomie wabaye Nyampinga w’u Rwanda 2020, kwandikira ziriya nzego akanabishyira kuri Twitter, hari mu rwego rwo kugira ngo amenye neza ko ubutumwa bwe yatanze bwageze kubo bireba.

    Izi nzego zikaba zahise zinamusubiza ko ubutumwa bwe bwakiriwe ndetse bagiye kubikurikirana.

    Good morning @RIB_Rw check your DMs.

    — Miss Rwanda 2020 (@NaomieNishimwe) October 8, 2021

    Good morning @RwandaOmbudsman kindly check your DMs.

    — Miss Rwanda 2020 (@NaomieNishimwe) October 8, 2021

    Nishimwe Naomie yiyambaje RIB n’Urwego rw’Umuvunyi

    Source : http://isimbi.rw/imyidagaduro/urwego-rw-umuvunyi-na-rib-byasubije-miss-nishimwe-naomie-wabitabaje

  • Ntibisanzwe!!! Mu myaka 5 bamaze kubyarana abana 6 [AMAFOTO] #rwanda #RwOT

    Mu mezi atatu ashize, Jolene Mckee w'imyaka 32 n'umugabo we Andrew w'imyaka 33 bakomoka i Brooklyn, muri New York, bakiriye neza impanga zabo za gatatu, Aiden na Jaiden.

    Mama-w'aba bana batandatu avuga ko ari umugisha kubyara abana batandatu mu nshuro 3 yari atwite.

    Avuga kandi ko kuva amaze kubyara impanga gusa yumva ko yabaye umunyabigwi.

    Uyu muryango w'abantu umunani ugizwe na Peyton na Paige b'imyaka itanu, Abigail na Anderea b'imyaka itatu na Aiden na Jaiden bakiri impinja.

    Jolene yagize ati: “Sinigeze nibona ndi mu muryango mugari. Natekerezaga ko nzabyara umwana umwe cyangwa babiri.

    “Ariko ni umugisha kuba narabyaye abana batandatu mu nda eshatu gusa natwite.

    “Igihe namenyaga ko ntwite impanga ku nshuro ya gatatu, nemeye rwose ko ibyo aribyo naremewe gukora.

    Ndumva mfite amahirwe kuba dufite impinga 3 z'ubwoko butandukanye, impanga z'abakobwa gusa, impanga z'umuhungu n'umukobwa nanone impanga zacu ubu n'abahungu gusa. Byagenze neza.

    “Mbere yuko ntwita inda y'impanga, Peyton na Paige, nari nabanje gukuramo inda nyuma y'amezi atatu nsanga nongeye gutwita.

    Natinyaga cyane kujya kwa muganga kwisuzumisha nyuma yo kunyura mu bubabare bwo gukuramo inda. Nagize ubwoba igihe cyose kuko bafataga igihe kinini bahamagara undi muntu mu cyumba.

    “Hanyuma bambwiye ko ntegereje impanga. Sinashoboraga kubyemera. Byari byiza.”

    Jolene yongeye gusama nyuma y'imyaka ibiri kandi yavuze ko yagize ibyiyumvo ko ari irindi tsinda ryimpanga.

    Ariko, avuga ko yatungurwa ubwo aya makuru yemezwaga mu gihe umugabo we byamutunguye cyane.




    Source : https://umuryango.rw/ubuzima-115/imibereho/article/ntibisanzwe-mu-myaka-5-bamaze-kubyarana-abana-6

  • Ibanga ryo kuyobora Akarere ukarangiza manda: Ikiganiro na Guverineri Habitegeko François #Rwanda #RwOT via @kigalitoday #rwanda #RwOT

    Habitegeko François ari mu barangije manda ebyiri ku Buyobozi bw
    Habitegeko François ari mu barangije manda ebyiri ku Buyobozi bw’Akarere

    Abayobozi b’inzego z’ibanze barimo Umuyobozi w’Akarere n’abamwungirije, batorerwa manda y’imyaka itanu ishobora kongerwa inshuro imwe (bivuze ko itegeko ribemerera manda ebyiri zimara imyaka 10).

    Benshi mu bayobozi b’uturere ariko izo manda ebyiri z’iyi myaka 10 ishize ntabwo bagiye bazirangiza, kuko bavuzweho ‘kweguzwa cyangwa kwegura ku bushake’, harimo n’abatararangije manda n’imwe.

    Aba ariko ntabwo barimo Habitegeko François wayoboye Akarere ka Nyaruguru kuva mu kwezi kwa Gashyantare 2011 kugera ku itariki 15 Werurwe 2021, aho yavuye agirwa Umuyobozi w’Intara y’Iburengerazuba(Guverineri).

    Habitegeko avuga ko abayoborana bya hafi na Mayor(Meya) ba mbere ari abayobozi b’akarere bamwungirije ndetse n’abakozi bako, ariko atibagiwe n’inzego zibakuriye (Gouvernement Central).

    Abandi begereye cyane Umuyobozi w’Akarere ni inzego z’umutekano, abafatanyabikorwa bibumbiye mu itsinda ryitwa JADF, Inama Njyanama, amadini n’amatorero, abayobozi b’Inama z’Igihugu ku rwego rw’akarere (iy’abagore, urubyiruko n’abafite ubumuga).

    Umuyobozi w’Akerere kandi akorana bya hafi n’inzego z’abakorerabushake hamwe n’abaturage, ariko bose bakaba bafashwa n’inzego ziyoboye igihugu muri rusange.

    Guverineri Habitegeko, yasubije ibibazo Umunyamakuru wa Kigali Today(KT) yagiye amubaza

    KT: Icyo gihe muri 2011 ubwo mwatangiraga kuyobora Akarere ka Nyaruguru, mwagasanze gahagaze he mu bijyanye n’iterambere?

    Habitegeko: Nagasanze mu rugamba rw’iterambere, birumvikana uko twagasanze si ko twagasize, hari byinshi byakozwe kandi byiza, hari intambwe ifatika yatewe, abaturage bavuye mu bukene umubare utari muto, hari ibikorwaremezo by’amashanyarazi byubatswe, hari amavuriro, imihanda,…ndetse n’imyumvire hari intambwe ikomeye yatewe kuko ubu bari ku rugero rumwe n’abandi Banyarwanda mu kwiteza imbere.

    KT: Duhereye ku bijyanye n’Ubuhinzi, ibihingwa musize mu Karere ka Nyaruguru mubona bigomba gutunga abaturage no kubateza imbere ni ibihe?

    Habitegeko: Ubuhinzi muri rusange bwateye imbere, ndabyibuka haari impaka zikomeye zivuga ngo ‘ubutaka bwaho ntibwera kubera ubusharire’, ariko hari impinduka zikomeye zatewe no gukoresha ifumbirabuka nk’ishwagara, gukora amaterasi no gutunganya ibishanga.

    Habayeho guha imbaraga ibihingwa ngandurarugo nk’ibirayi, ibigori, ingano n’ibishyimbo ku buryo bufatika, ariko n’ibindi bihingwa(ngengabukungu) biberanye n’ubwo butaka busharira nk’ikawa n’icyayi byatejwe imbere.

    Umusaruro kuri hegitare warazamutse ku buryo bufatika, ubona ko ari intambwe ikomeye yatewe n’ubwo hakiri urugendo.

    Ingo zifite amashanyarazi muri 2011 Nyaruguru yari kuri 0.8% ariko ubu igeze kuri 90% by’ingo ziyafite, yaba akomoka ku mirasire cyangwa ku ngomero, navuga ko bageze ku rwego rw’uturere tw’Umujyi wa Kigali.

    Amashanyarazi burya ntabwo ari ukumurika gusa kuko azana n’indi mishinga myinshi y’urubyiruko, n’abaturage muri rusange batangira gucuruza, kubaza, gusudira, kogosha n’indi myinshi.

    Amazi meza na yo ni ibintu byashyizwemo imbaraga cyane, ariko hari n’ibindi bikorwaremezo nk’umuhanda wa kaburimbo(Huye-Kibeho), ni igikorwa cyatwaye amamiliyari menshi, ariko nta n’ubwo ari uriya gusa kuko hari n’uri kujya za Nshili uciye i Busanze ndetse n’undi uzaca mu Nyakibanda.

    Mu bindi bikorwa bifatika byakozwe harimo biriya bitaro bya Munini, na byo byatanzwe na Nyakubahwa Umukuru w’Igihugu hamwe n’uriya muhanda wa Huye-Kibeho, kubaka ibiro by’Akarere byo ni ibisanzwe kuko utatanga umusaruro udakorera ahantu hazima.

    Mu rwego rw’ishoramari hari ibyagiye bikorwa cyane cyane mu bijyanye n’amahoteli, n’ubwo hakiri urugendo runini ariko hari amahoteli yubatswe i Kibeho.

    KT: Murakoze cyane, nakwibariza noneho ikibazo kigira kiti “Umuyobozi mwiza w’Akarere ushobora kurangiza manda ya mbere akongezwa indi na yo akayirangiza, yagombye kwitwara ate?”

    Habitegeko: Icya mbere navuga ni uko agomba kuba ari Umuyobozi ufitiwe icyizere n’abamutoye ari bo baturage, kandi agaharanira kutacyangiza (icyo cyizere).

    Icya kabiri ni umuyobozi uyobora Akarere mu buryo bukurikije amategeko, akirinda amarangamutima n’ibindi, ni umuyobozi ugisha inama abo aruta, abo bangana n’abamuruta.

    Ntekereza ko ufite ibyo, unafite indangagaciro z’ubunyangamugayo, wahayobora!

    KT: Ese mu byiciro byose muyoborana akarere bya hafi, nta wagushatse ngo akubure?

    Habitegeko: Yari kumbura se ndi he? Hari mugenzi wawe wigeze ambaza ngo ‘Iyo utari mu kazi uba uri gukora iki?’ Namubwiye ko mba nsinziriye! Sintekereza ko (uwo muntu dukorana bya hafi) yambura kandi nanjye ahubwo mba mushaka. Rero ndumva nta wigeze ambura rwose kuko n’iyo yambura kuri iyi saha, ku yindi yambona.

    N’ubwo nta waboneka hose kuko tutari Imana, ariko icyo nemera ni uko uruhare rwa buri wese rudasimburwa, buriya Leta yacu itekereza bikomeye cyane, ziriya nzego zashyizweho, uzarebe nta na rumwe rwasimbura urundi ngo uvuge ko ‘uru ntacyo rumaze!’

    Iyo wabyumvise utyo rero, ibintu biragenda rwose.

    KT: Murakoze cyane, dusoza, abayobozi b’uturere bazatorwa mu Ntara y’Uburengerazuba witeguye kubafasha iki?

    Habitegeko: Niteguye kubafasha rwose uko nshoboye n’ubwenge bwanjye bwose, n’umutima wanjye wose, n’imbaraga zanjye zose, kuko ni yo nshingano ya mbere kandi nyamukuru. Niteguye rero kubafasha ari mu ihuzabikorwa, niteguye kubagira inama aho bishoboka hose, ndetse no kubakorera ubuvugizi ku biturenze.

    KT: Murakoze kandi mugire week-end nziza!

    Habitegeko: Namwe murakoze mugire week-end nziza!


    source : https://ift.tt/2WZqYPW

  • Akurikiranyweho kubaka inzu hejuru y’umubiri w’uwishwe muri Jenoside #Rwanda #RwOT via @kigalitoday #rwanda #RwOT

    Niyigena utuye mu Karere ka Rubavu, Umurenge wa Nyakiriba, Akagari ka Bisizi, Umudugudu wa Kamakinga afunganywe n’abandi batatu barimo Munyagishari Jean Marie Vianney wubatse inzu, naho Kabarisa Innocent na Harerimana Eugene bakaba bakekwaho kwica Kalisa Mathias.

    Bafunzwe nyuma y’uko inzu ya Niyigena imaze gusenywa hakaboneka ibisigazwa by’umubiri wa Kalisa wishwe muri Jenoside yakorewe abatutsi muri Mata 1994.

    Umuvugizi w’urwego rw’igihugu rushinzwe ubugenzacyaha (RIB) Murangira B Thierry yemeje ko Niyigena na Munyagishari bakurikiranweho icyaha cyo kuzimiza cyangwa gutesha agaciro ibimenyetso byerekeye Jenoside.

    Ati “Tariki ya 06/10/2021, RIB yafunze abantu bane aribo Niyigena Jean Damascene na Munyagishari Jean Marie Vianey bakurikiranyweho icyaha cyo kuzimiza cyangwa gutesha agaciro ibimenyetso cyangwa amakuru byerekeye jenoside, Niyigena Jean Damascene niwe nyiri nzu y’aho umubiri wa Kalisa Mathias wishwe muri Jenocide yakorewe abatutse muri 1994 wakuwe, naho Munyagishari Jean Marie Vianney akaba ariwe wayubatse iyo nzu, naho Harerimana Eugene na Kabalisa Innocent bakurikiranyweho icyaha cya jenocide, kuko bicyekwa ko aribo bishe Kalisa Mathias muri jenoside yakorewe abatutsi muri 1994.”

    Tariki ya 7 Ukwakira 2021 nibwo umugore wa Kalisa Mathias yemeje ko umuntu wubakiweho inzu ari umugabo we agendeye ku myambaro babonye kuko ariyo yari yambaye.

    source : https://ift.tt/3llNUCd

  • Ebola yongeye kuboneka muri RD Congo #Rwanda #RwOT via @kigalitoday #rwanda #RwOT

    Ibisubizo byavuye mu bizamini bya laboratoire byakorewe i Goma tariki ya 7 na tariki ya 8 Ukwakira 2021 byemezwa na INRB ko umugabo n’umwana bagaragaje ibimenyetso byo kuva amaraso, kuruka no kubura umwuma tariki ya 14 Nzeri 2021 bageje kwa muganga barapfa.

    Ndetse nyuma y’iminsi mikeya undi muntu mu muryango w’abapfuye nawe yagaragaje ibimenyetso nawe ahita apfa.

    Umuntu wa kane ni umwana w’amezi 29 w’umuturanyi wabo nawe wagaragaje ibimenyetso nawe arapfa.

    Itsinda ry’abaganga ryahise ryoherezwa ku kigo nderabuzima cya Butsili gufata ibizami no kugenzura.

    Ubuyobozi bwa INRB ikaba ihera kuri ibyo bizami yemeza ko habonetse ubwandu bwa Ebola.

    Minisitiri w’ubuzima muri Repubulika Iharanira Demokarasi ya Congo Jean Jacques Mbungani, yemeje ko itsinda ry’abaganga ryageze ahagaragaye ibimenyetso bya Ebola no kureba abahuye n’abagaragayeho icyorezo.

    Icyorezo cya Ebola muri 2018 muri Repubulika Iharanira Demokarasi ya Congo ahitwa i Beni muri Kivu y’Amajyaruguru cyahitanye abantu barenga 400.

    source : https://ift.tt/3iOoXO7

  • Itangazo: Uwitwa GATAMBIRA Noel yasabye guhindura amazina akitwa GATAMBIRA Innocent #rwanda #RwOT

    Uwitwa GATAMBIRA Noel yasabye guhindura amazina mu buryo bwemewe n'amategeko akitwa GATAMBIRA Innocent bitabo by'irangamimerere.

    Impamvu atanga zituma asaba guhindura amazina akaba ari uko ari amazina yakoreshaga mu mashuri kuva yatangira kwiga.

    Ingingo z'ingenzi yashingiyeho asaba inzego zibishinzwe guhindura amazina zikaba ziri hano hasi:

    Source : https://umuryango.rw/amatangazo/article/itangazo-uwitwa-gatambira-noelyasabye-guhindura-amazina-akitwa-gatambira

  • Ebola yongeye kugaragara muri Congo. #rwanda #RwOT

    Minisitiri w'ubuzima muri RD Congo,Jean Jacques Mbungani, yatangaje ko umwana w'imyaka itatu yipimishirije hafi y'umujyi wa Beni mu burasirazuba bwa Congo, iki gice kikaba ari kimwe mu byibasiwe n'icyorezo cya Ebola hagati ya 2018-2020, uyu mwana akaba yaraje gupfa azize indwara.

    Itangazo ryavugaga ko abantu bagera ku 100, bashobora kuba baranduye virusi, Kandi abamaze kumenyekana bazakurikiranwa kugira ngo barebe niba hari ibimenyetso bagaragaza bya Virus.

    Raporo y'imbere muri laboratoire y'ibinyabuzima ya DRC yavuze ko bamwe mu baturanyi b'urwo rugo ruri mu gace ka Beni gatuwe cyane na Butsili na bo bagaragaje ibimenyetso bihuye na Ebola mu kwezi gushize nyuma baje gupfa, ariko ntabipimo byafashwe ngo barebe nimba Koko ari Ebola.

    Ishami ry'Umuryango w'Abibumbye ryita ku Buzima (OMS) ryasohoye itangazo rivuga ko rikorana n'inzego z'ubuzima mu iperereza ryo kugaragaza aho icyi cyorezo kigeze.

    Iyi ndwara yongeye kugaragara muri Gashyantare mu gace ka Kivu y'Amajyaruguru ko, hagati ya Kanama 2018 na Kamena 2020, hakaba haragaragaye icyorezo kinini cya Ebola mu mateka ya DRC, abantu banduye indwara ni 3,470 abapfuye ni 2.287.

    Indwara ubusanzwe yica hafi kimwe cya kabiri cy'abantu bayanduye, nubwo imiti yatejwe imbere muri Afrika y'uburengerazuba yagabanije cyane umubare wimpfu iyo abantu bamenyekanye ko banduye hakiri kare.

    Source : https://impanuro.rw/2021/10/09/ebola-yongeye-kugaragara-muri-congo/