Author: webrwanda
-
Akamaro gakomeye k’umwembe ku mubiri wacu #rwanda #RwOT
Umwembe ni urubuto rukize cyane ku ntungamubiri nyinshi zifite akamaro kanini mu mubiri . Uru rubuto rukungahaye kuri Vitamini zigera kuri makumyabiri (20) n’imyunyu ngugu itandukanye. Umwembe ugira isukari y’umwimerere kandi ifitiye umubiri wacu akamaro. Nta bibazo umwembe watera, nko kongera isukari mu maraso kuko ikigero cy’isukari kiba mu mwembe si cyinshi (Low glycemic index).
Zimwe mu ndwara uru rubuto rufasha mu kurinda:
Umwembe ufasha mu kurwanya kanseri
Abashakashatsi batandukanye bagaragaje ko mu mwembe habamo ibinyabutabire bifasha umubiri mu kurinda uturemangingo tw’umubiri, twavugamo nka quertin, isoquercitin, festin, astrogalin, galic acid na methylgallat. Ibi binyabutabire tuvuze bifasha mu kurinda kanseri harimo kanseri y’ibere, kanseri y’amara, kanseri y’amaraso ndetse na kanseri ya prostate.
Umwembe ufasha mu kugabanya urugimbu rubi mu mubiri
Umwembe kuba ukungahaye kuri vitaminC, pectin ndetse n’intungamubiri ndodo (fibre) ibi byose bifasha mu kugabanya ibinure mu mubiri. Umwembe kandi ukungahaye kuri vitamin K ifasha amaraso kudacika amazi ndetse no kuringaniza uko umutima utera.
Umwembe ufasha abantu barwara Diyabete
Uretse n’urubuto rw’umwembe n’ibibabi byawo bigirira umumaro ukomeye abarwayi ba Diayabete aho ufata ibibabi ukabicanira mu mazi byamara guhwana ukayungurura amazi yabyo ukayabika ukayanywa mu gitondo.
Abashakashatsi batandukanye bemeza ko ibi biringaniza umusemburo ushinzwe kuringaniza isukari mu mubiri. Ikindi ni uko urugero rw’isukari ruba mu mwembe ruri hasi cyane, kurya umwembe rero ntibishobora guteza ibibazo byo kongera isukari mu maraso.
Umwembe ufasha mu kugabanya ibiro
Ku bantu bifuza kugabanya ibiro bakwitabira kurya umwembe kuko ukungahaye kuri vitamin, intungamubiri ndodo (fibre) ndetse n’imyunyungugu. Ibi byose rero bituma umuntu wariye umwembe yumva ahaze bityo ubushake bwo kurya bukagabanuka bityo imbaraga zinjira mu mubiri ziciye mu biribwa ndetse n’ibinyobwa zikagabanuka n’ibiro bikagabanuka.
Ufasha mu gufata neza imboni y’ijisho ukarinda n’ubuhumyi
Umwembe ugira ibinyabutabire bifasha umubiri mu kurinda uturemangingo tw’ijisho bita Zeaxidant bifasha mu kurinda imboni y’ijisho ndetse n’ubuhumyi ku bantu bakuze. Umwembe kandi ugira vitamin A ifasha ijisho kureba neza, kubobereza ijisho, ndetse iyi vitamin A ifasha mu kurinda ubuhumyi.
Umwembe wongerera umubiri ubudahangarwa
Umwembe ugira Vitamin C ndetse na vitamin A hamwe na carotenoid z’ubwoko butandukanye, ibi byose bifasha mukongerera umubiri ubudahangarwa bityo ugatandukana no kurwaragarurika byahato na hato.
Source: Rwandamagazine.com
Source : https://agakiza.org/Akamaro-gakomeye-k-umwembe-ku-mubiri-wacu.html
-
Impanuka ibereye imbere y’ibiro by’Akarere ka Musanze #Rwanda #RwOT via @kigalitoday #rwanda #RwOT
-
- Iyi mpanuka yabereye imbere y’Akarere ka Musanze
Umuhuzabikorwa w’Ibikorwa bya Polisi n’Abaturage mu Ntara y’Amajyaruguru, CIP Alex Ndayisenga, wari ahabereye iyo mpanuka yabwiye Kigali Today uko byagenze.
Yagize ati “Iyi kamyo yari ipakiye ibitaka byo gukora umuhanda Gicuba-Janja, ikoresheje icyerekezo cy’umuhanda Musanze-Kigali. Ubwo yari igeze imbere y’ibiro by’Akarere ka Musanze, yahuye n’imodoka yakataga yinjira mu nyubako z’ibyo biro, ariko itabanje kwerekana icyerekezo iganamo, bituma uwari utwaye iyo kamyo agerageza kuyikatira ngo ayikwepe, iyo kamyo ihita ihirima hasi”.
Yongeraho ati “Ubwo yari imaze guhirima hasi, haje indi modoka na none, yikubita kuri iyo kamyo aho yari yahirimye, izo modoka zombi zirangirika”.
-
- Abapolisi bo mu Ishami Rishinzwe Umutekano wo mu muhanda bari mu bikorwa by’ubutabazi
Ku bw’amahirwe ngo nta muntu iyo mpanuka yahitanye cyangwa ngo ikomeretse. CIP Ndayisenga yibutsa abakoresha umuhanda kwirinda uburangare, no kubahiriza amategeko agenga imikoreshereze yawo; buri cyiciro cyose yaba abanyamaguru n’abatwara ibinyabiziga, bakajya bamenya uko bitwararika, mu rwego rwo kwirinda impanuka.
Yagize ati “By’umwihariko igihe umuntu atwaye ikinyabiziga, ni ngombwa ko igihe agiye guhindura icyerekezo aba ashaka gukatiramo, akwiye kujya abanza kubigaragaza kugira ngo ataba nyirabayazana w’impanuka. Na none kandi umuntu wese utwaye ikinyabiziga, akwiye kujya azirikana ko igihe ibinyabiziga bikurikiranye mu muhanda, ababitwaye bagomba gusiga intera igenwe hagati y’ikinyabiziga n’ikindi, nka bumwe mu buryo bufasha gukumira impanuka”.
Ati “Ni byiza ko abantu bose bakoresha umuhanda bajya bahora bitwararika kandi bakifashisha ibirango byateganyijwe mu mihanda, mu rwego rwo kwirinda gushyira ubuzima bw’abawukoresha mu kaga”.
Ubwo twakoraga iyi nkuru, Abapolisi bo mu Ishami rya Polisi rishinzwe umutekano wo mu muhanda, bari bakiri ahabereye iyo mpanuka, bafasha kuyobora ibindi binyabiziga ngo bibashe kubisikanira mu byerekezo biganamo nta kibangamiye ikindi, dore ko aho iyo kamyo yaguye yafunze icyerekezo kimwe cy’uyu muhanda, hakaba hategerejwe ubutabazi bw’imodoka igomba kuyivana mu muhanda.
source : https://ift.tt/3Au8K6F
-
-
Babiri bashatse gutorokesha Kizito Mihigo basabiwe gufungwa imyaka 7 n’ihazabu ya Miliyoni 2.5 #rwanda #RwOT
Ni urubanza ruregwamo Innocent Harerimana, Joel Ngayabahiga na Jean Bosco Nkundimana wari umukozi wa Kizito Mihigo.
Ubushinjacyaha bwasabiye ibi bihano nyuma y’igihe kinini aba bagabo batatu baburana ku cyaha cyo kuba icyitso ku cyaha cyo kwambuka no kwambutsa aca ahantu hatemewe n’amategeko, kuri Ngayabahiga na Nkundimana hakiyongeraho icyaha cyo gutanga ruswa.
Aba bagabo batawe muri yombi muri Gashyantare umwaka ushize wa 2020 ubwo hanafatwaga umuhanzi Kizito Mihigo waje gupfira muri Gereza yiyahuye nk’uko byatangajwe n’inzego zibifitiye ububasha.
Urubanza rwa bariya bagabo batatu, rwagiye rusubikwa kuva muri Mutarama uyu mwaka wa 2021, gusa mu mpera za Mata, bari bireguye ku byaha bashinjwa.
Muri uru rubanza ruburanishwa n’Urukiko Rwisumbuye rwa Nyarugenge, muri Mata ubwo bisobanuraga, uwitwa Innocent Harerimana yari yahakanye icyaha ashinjwa avuga ko ntacyo yakoze.
Naho Joel Ngayabiha na Jean Bosco Nkundimana bemeraga icyaha cyo kuba icyitso ku cyaha cyo kwambuka no kwambutsa aca ahantu hatemewe n’amategeko ariko bagahakana icyo gutanga ruswa.
Uyu munsi Ubushinjacyaha bwahawe umwanya ngo busabire ibihano abaregwa, busaba Urukiko Rwisumbuye rwa Nyarugenge guhamya ibyaha abaregwa, babiri bagahanishwa gufungwa imyaka irindwi n’igice no gutanga ihazabu ya Miliyoni 2.5 Frw naho umwe agahanishwa gufungwa amezi atandatu no gutanga ihazabu ya Miliyoni 1 Frw.
UKWEZI.RW
-
Kuva mu biyobyabwenge no kwangirika, kugeza yinjiye mu mudendezo wo muri Kristo Yesu- Ubuhamya bwa Trudy Makepeace #rwanda #RwOT
Trudy Makepeace yiberaga mu kajagari kugeza ubwo yahuye na Yesu Kristo, hari nyuma yo guca mu buzima bushaririye mu bwana bwe ahohoterwa. Yakuriye gusa mu kunywa ibiyobyabwenge, uburaya, kutagira aho aba no kuba muri gereza. Ariko umuvugabutumwa akaba n’umukozi ushinzwe kwegera abaturage yaje kumubwira ko uwo mwijima yarimo Imana yawuhinduramo “Ubutumwa bw’ibyiringiro”, kandi ko ari bimwe mu byo adusangiza mu igitabo cye gishya cyitwa 'Kubohoka nyuma y’ihohoterwa no kubatwa’ (Abused, Addiction, Free.)
Ubwo Trudy yaganiraga na Christian Today dukesha ubu buhamya ku byerekeye igitabo cye, yanavuze uburyo yabashije kubohoka agaha ubuzima bwe Kristo Yesu.
CT: Nigute ushobora kuvuga muri make ubuzima bwawe mbere yo kwizera Kristo Yesu?
Trudy: Ubuzima bwanjye bwari imivumo, nari mu kajagari, nta byiringiro kandi ntishoboye mu guhinduka. Iyo nsubije amaso inyuma nkareba uko nakijijwe, ngira ngo naba narirutse mva muri njye (mu buzima bwanjye bwose), kuva mu mubabaro wo mu bwana bwanjye, muri njye ubwanjye, no kuva mu ihungabana ry’amarangamutima.
Nishinjaga kuba narahohotewe kandi nkiyanga urunuka, ibyo bikaba byaranteye isoni no kwangirika ndetse n’ibitekerezo byinshi bitari ukuri. Aha hakiyongeraho n’ibyemezo bibi byakurikiyeho no guhitamo nabi, kandi ndatekereza ko kubera ibyo byambayeho mu bwana, ntabwo nari mfite amahitamo meza. Guhitamo kwanjye kwari gushingiye ku kuramuka, ari nabyo byanganishaga ku guhitamo gufata ibiyobyabwenge.
CT: Wagerageje inshuro 33 kugira ngo ukizwe ntibyakunda. Utekereza ko ari ukubera iki?
Trudy:Icyo gihe nari umunyantege nke kandi nabuze uburere no guhabwa ikerekezo n’intego, mbura ubumenyi bwo kubaho hamwe n’bibyamfasa mu gufata ibyemezo byiza. Ikirenzeho ntabwo nigeze niha agaciro kandi nahoranaga intambara nyinshi z’imbere muri njye. Nagombaga kuba ntariho urubanza cyangwa kujya mu bigo ngororamuco mu gihe runaka.
Mu gihe cyose nageragezaga kwezwa nongeraga kugwa, kandi buri gihe byasaga nk’ibingoye binakomeye. Hari aho bigera ukirambirwa nubwo nizeraga ko umunsi umwe nzashikama, gusa sinashoboye kubikomeza.Kandi byumvikane ko, ubu nzi neza ko hariho imbaraga z’Umwuka Wera zari ku kazi.
Nari mpanganye n’igitugu kinini n’uburiganya, kuko iyo uhuye n’ihungabana ryinshi ntekereza ko ibyo byugurura umuryango w’imyuka n’ibinyoma bikomeza kukugira umubucakara. Ikirenzeho Bibiliya itubwira ko iyo dusenga ibigirwamana by’ibinyoma, bidutsikamisha mu bubata. Ni ibyo rwose byambagaho mu gihe nasengaga ibiyobyabwenge, kandi nabayeho amanywa n’ijoro ntakindi nkora, ngera aho ibiyobyabwenge byari byarantwaye.
Ni iki cyahindutse kuri wewe?
Trudy: Kuri njye, impinduka nyamukuru yari iyo kwizera. Mbere y’icyo gihe, iyo uza kumbwira ibyerekeye Umwami Yesu Kristo nari kukubwira nti 'Ni byiza kuri wowe, ariko simbishaka'. Kubera ko nabaga mu mwijima kandi narabyishimiye.
CT: Nigute wabashije kwizera Kristo Yesu?
Trudy: Ninjiye mu kigo ngororamuco cya gikirisito, hanyuma mva aho njyanwa mu giterane i Cardiff, aho Reinhard Bonnke yabwirizaga. Ndibuka ko namuteze amatwi abwiriza uburyo Imana yankunze kandi Yesu agapfira kumbabarira, yakomeje avuga ko nshobora kugira intangiriro nshya. Nta muntu n’umwe nari nkeneye ko ambwira ko ndi umunyabyaha, nari nzi ko ndi we. Icyo gihe rero naragiye imbere nakira Kristo Yesu nk’Umwami n’umukiza wanjye, kandi nk’uko nabyumvaga numvise imbaraga z’Imana zinzamo kandi nzi ko ndi muri izo mbaraga kandi Kubaho kw’Imana kuri muri njye.
Reba hano igitabo Trudy Makepeace, gikubiyemo ubuhamya bwe
https://www.trudymakepeace.com/product-page/abused-addicted-free
Source: ChristianToday
-
Huye: Umugore yafashwe atekera umutwe abaturage ababeshya ko ari umupolisi – #rwanda #RwOT
Yafashwe nyuma yo kurara mu nzu zicumbikira abantu (lodge) yo mu Karere ka Huye, Umurenge wa Ngoma, Akagari ka Butare akanga kwishyura avuga ko ari umupolisi ari bubasigire ibirango bya Polisi akazagaruka kwishyura.
Umuvugizi wa Polisi mu Ntara y’Amajyepfo, Superintendent of Police (SP) Theobald Kanamugire yashimiye ba nyiri Lodge bahise batanga amakuru uwo muntu agafatwa.
Yagize ati” Ba nyiri inzu icuruza amacumbi bavuga ko uwo mugore yari amaze iminsi ine aba muri lodge yabo, yari abagezemo amafaranga y’u Rwanda 32,500. Nyuma yashatse gutaha abura amafranga yo kwishyura ababwira ko ari umupolisi, ko muri banki habaye ibibazo bya murandasi (internet) yabuze uko abikuza amafaranga. Yabasabye gusigarana iranka rimwe yari afite ngo azohereza umuntu aze kuritwara azane n’ayo mafaranga.”
SP Kanamugire akomeza avuga ko ushinzwe gucunga iyo lodge yagize amakenga ahamagara Polisi ikorera mu Karere ka Huye baza kureba uwo muntu. Polisi ihageze yamubajije neza uwo ari we n’aho akorera avuga ko abeshya atari umupolisi.
SP Kanamugire yagize ati” Twamubajije aho akorera arahayoberwa, ariko avugisha ukuri avuga ko biriya birango n’umupira wo kwambara yabikuye mu gikapu cy’umupolisi w’inshuti ye atibuka. Avuga ko yari yabuze amafaranga yo kwishyura akigira inama yo kuvuga ko ari umupolisi ndetse yiyemeza kugwatiriza ikirango yari afite.”
Uwo mugore avuga ko ubundi avuka mu Karere ka Nyanza ariko kuri ubu we n’iwabo barahimutse bajya gutura mu Mujyi wa Kigali mu Karere ka Gasabo, Umurenge wa Kimironko. Avuga ko ibyo bikoresho bya Polisi yari abimaranye iminsi atibuka kandi ari ubwa mbere yari abyifashishije yiyitirira Polisi.
Yahise ashyikirizwa Urwego rushinzwe ubugenzacyaha (RIB) rukorera muri sitasiyo ya Polisi ya Ngoma kugira ngo hatangire iperereza.
Itegeko nº68/2018 ryo ku wa 30/08/2018 riteganya ibyaha n’ibihano muri rusange ingingo ya 279 ivuga ko umuntu wese utabigenewe, wivanga mu mirimo y’ubutegetsi ya gisivili cyangwa iya gisirikare cyangwa wiha gukora umwe muri iyo mirimo, wiyita umukozi wa Leta atari we cyangwa wambara ku mugaragaro umwambaro w’ubutegetsi, umwambaro uhuriweho n’abahuje umurimo, urwibutso cyangwa ikimenyetso, agambiriye kuyobya rubanda, aba akoze icyaha.
Iyo abihamijwe n’urukiko, ahanishwa igifungo kitari munsi y’imyaka ibiri (2) ariko kitarenze imyaka itatu (3) n’ihazabu y’amafaranga y’u Rwanda atari munsi y’ibihumbi magana atatu (300.000 FRW) ariko atarenze ibihumbi magana atanu (500.000 FRW).
Uyu mugore yafashwe yanze kwishyura amafaranga ya lodge avuga ko ari umupolisikazi
source : https://ift.tt/3lz5nHv
-
Perezida Kagame asanga nta mahoro arambye yaboneka hatari ubushake mu miyoborere #Rwanda #RwOT via @kigalitoday #rwanda #RwOT
-
- Perezida Kagame asanga nta mahoro arambye yaboneka hatari ubushake mu miyoborere
Umukuru w’Igihugu yabivugiye mu kiganiro yagejeje ku bitabiriye inama ku mutekano w’isi, irim kubera i Doha muri Qatar, Perezida Kagame akaba yitabiriye iyo nama yifashishije ikoranabuhanga.
Perezida Kagame avuga ko u Rwanda rwiyemeje kugira uruhare mu bikorwa byo kubaka amahoro arambye aho ari ho hose rubishoboye.
Yavuze kandi ko ibibazo birebana n’ubuzima ndetse n’umutekano muke ari ibibazo igihugu kimwe kitabasha kwikemurira ubwacyo, haba muri Afurika, mu Burasirazuba bwo Hagati cyangwa se ahandi hose ku isi.
Avuga ko umutekano muke bigaragarira mu buryo bunyuranye, harimo nk’iterabwoba cyangwa se Jenoside, nk’uko byagendekeye u Rwanda.
Umukuru w’Igihugu yavuze ko iyo habayeho ikibazo cy’umutekano muke mu gihugu, cyambukiranya imipaka, kikagira n’ingaruka ku baturanyi ndetse n’akarere kose.
Perezida Kagame kandi avuga ko n’ubwo hagiye habaho amahirwe menshi yo kwigira ku byabaye mu mateka, ibi bibazo by’umutekano muke bitigeze bigabanuka.
Umukuru w’igihugu yatanze urugero rwa Repubulika ya Demukarasi ya Kongo, aho hamaze imyaka irenga 20 hari ingabo z’Umuryango w’Abibumbye mu bikorwa byo kugarura amahoro, ariko zikaba nta musaruro zatanze ku mutekano w’icyo gihugu.
Ibyo kandi ngo byanagaragaye muri Afghanistan, n’ubwo na ho hari hamaze imyaka 20 hari ingabo z’umuryango mpuzamahanga.
Perezida Kagame avuga ko ibyo avuga bitagamije kugira uwo binenga, ko ahubwo byagakwiye gutuma abayobozi babona ko hari ikintu kitagenda neza mu buryo bwo gukemura ibibazo by’umutekano muke.
Yunzemo ko ikibazo atari ukubura amafaranga cyangwa se ubushake, kuko ugendeye no ku mateka y’u Rwanda, ubu rwiyemeje gutanga umusanzu warwo mu kugarura amahoro aho rubishoboye hose.
Aha yatanze ingero z’Ingabo z’u Rwanda ziri mu bihugu binyuranye mu bikorwa byo kugarura amahoro, zaba izagiyeyo binyuze mu Muryango w’Abibumbye, mu Muryango wa Afurika yunze Ubumwe cyangwa se binyuze mu masezerano ibihugu biba byaragiranye.
Perezida Kagame kandi yanakomoje ku busumbane bwagaragaye mu guhererekanya inkingo za Covid-19, byagize ingaruka by’umwihariko kuri Afurika.
Yongeyeho ko ibyo na byo bikwiye kwitabwaho, kuko umutekano n’ubuzima ari inkingo zitagomba gusigana.
Umukuru w’igihugu kandi yabajijwe icyo avuga ku bashidikanya ku iterambere u Rwanda rugezeho, avuga ko na we yibaza nk’iyo rutaza gutera imbere cyangwa ngo ruzuke, icyo abo banenga iterambere ryarwo ubu baba bavuga.
source : https://ift.tt/3v2NZxX
-
-
Huye: Ibitaro bya Kaminuza biri gusuzuma amaso abanyeshuri bo muri UR-Huye #Rwanda #RwOT via @kigalitoday #rwanda #RwOT
-
- Abanyeshuri ba UR-Huye bitabiriye igikorwa cyo gupimwa amaso
Umuyobozi wa CHUB, Dr. Christian Ngarambe, avuga ko icyo bari gusuzuma ari ukureba ababa bakeneye indorerwamo z’amaso kugira ngo bazafashwe kuzibona, mu rwego rwo kubungabunga amaso no kuyarinda ubuhumyi.
Ni igikorwa biyemeje gukora muri iki cyumweru, kimwe n’ahandi hirya no hino mu gihugu, mu rwego rwo kuzirikana icyumweru cyahariwe kurwanya indwara zitera ubuhumyi ku isi hose.
Impamvu y’iki cyumweru ubundi kiba buri mwaka mu cyumweru cya kabiri cy’ukwezi k’Ukwakira, ni ukubera ko ngo byagaragaye ko ku isi hose, cyane cyane mu bihugu bikennye n’ibiri mu nzira y’amajyambere, hari abantu batari bakeya batabona neza, kandi abenshi bashobora kubirindwa.
Yagize ati “Ubu isi ituwe n’abantu bakabakaba miliyari 7,9. Abagera kuri miliyoni 43 muri bo ntibabona, naho miliyoni 295 ntibabona neza. Muri aba batabona neza, 90% batuye mu bihugu bikennye n’ibikiri mu nzira y’amajyambere. Ariko urebye usanga 80% by’ibibazo bituma batabona neza ari ibishobora kuba byavurwa hifashishijwe imiti, indorerwamo cyangwa babazwe..”
Yunzemo ati “Ni yo mpamvu y’ubu bukangurambaga buherekejwe n’isuzuma ry’abantu benshi, kugira ngo n’abagendana ibibazo by’indwara z’amaso zishobora kuganisha ku buhumyi zigaragare hakiri kare, bagirwe inama cyangwa se tubagirire ibikorwa by’ubuvuzi bikumira izo ndwara z’ubuhumyi.”
Biteganyijwe ko abanyeshuri bazasuzumwa bagasanga bafite ibibazo by’amaso bazasabwa kujya kwa muganga, nyuma y’iki gikorwa, kugira ngo bazahabwe ubuvuzi bwimbitse.
Abanyeshuri begerejwe iyi serivise bashima kuba baratekerejweho, kuko ngo bizeye ko bizabafasha, cyane ko umurimo wo kwiga bakora utuma bakoresha amaso cyane, haba mu gusoma ibitabo cyangwa mu kwifashisha mudasobwa.
Uwitwa Elisa Uwiringiyimana avuga ko yashimishijwe no guhabwa serivise atagiye gutonda umurongo muremure kwa muganga.
Yagize ati “Iki gikorwa nacyishimiye cyane. Wasangaga hari abantu bajya kwivuza, ugasanga batinze batonze umurongo kwa muganga. Kuba badusanze hano mu kigo, ni iby’agaciro gakomeye kuko baba batweretse ko batuzirikana.”
Biteganyijwe ko mu gihe cy’iminsi itanu, abanyeshuri bo muri UR-Huye bazabagana aho bari gukorera mu nyubako izwi nka ‘Gymnase’ bazabakira, bakabasuzuma.
Iki gikorwa CHUB iri kugikora ku bufatanye n’umushinga One Sight ukorera mu bitaro byo hirya no hino mu Rwanda. Ni ku bw’ubwo bufatanye n’ubundi mu Karere ka Huye, ibitaro bya Kabutare byo bigenda bijya ku bigo nderabuzima binyuranye, na byo bigasuzuma amaso, ku baturage babishaka.
source : https://ift.tt/3oRz7RR
-
-
Neymar yatangaje ko agiye guhagarika umupira w’amaguru #Rwanda #RwOT via @kigalitoday #rwanda #RwOT
Neymar Junior ubu afite imyaka 29 y’amavuko, bikaba ubusanzwe bitamenyerewe ko umukinnyi yasezera kuri iyi myaka. Icyakora Neymar na we avuga ko ku myaka 30 atazaba ari umukinnyi ukuze ku buryo yasezera ku mupira w’amaguru, ahubwo ngo azabikora mu rwego rwo kwita ku buzima bwe cyane cyane bwo mu mutwe.
Yagize ati “Ntekereza ko 2022 ari cyo gikombe cy’Isi cya nyuma kuri njye kubera ko ntabwo numva ko nzaba ngifite imbaraga zo mu mutwe zo gukina umupira w’amaguru”.
Yongeyeho ati “Nzakora igishoboka cyose mparanire intsinzi y’Igihugu cyanjye, nsohoze inzozi zanjye kuva nkiri umwana kandi ndizera ko nzabigeraho.”
Ikinyamakuru DAZN cyagarutse ku byo Neymar yatangaje byerekeye imvune yagize mu gikombe cy’Isi cya 2014, ati “Ni bimwe mu bihe bibi nagize mu mwuga wanjye byangije inzozi zanjye zo gukina igikombe cy’Isi , gukina kimwe cya kabiri kirangiza na finale ntabwo nashoboraga kuba nanyeganyeza ibirenge byange, natangiye kurira menye ko ntagishoboye gukina.”
Ati “Banjyanye mu bitaro baransuzuma, umuganga yambwiye ko amfitiye inkuru mbi n’inziza. Yambajije iyo nkeneye kumva, mubwira imbi ati “Ntukiri mu gikombe cy’Isi, ndarira ndamubaza nti ubutumwa bwiza ni ubuhe? Yambwiye ko habuze santimetero ebyiri ngo imvune ibe yatuma ntazongera kugenda ukundi”.
Neymar Junior ukomoka muri Brazil, kuri ubu ni umwe mu bakinnyi beza ikipe ya Paris Saint-Germain igenderaho. Imwe mu mpamvu zitumye avuga ko agiye guhagarika gukina umupira akiri muto ku myaka 30 ngo ni ukubera ibibazo by’imvune yagiye agirira mu gukina umupira w’amaguru.
-
- Gukina ahanganye na ba myugariro ni bimwe mu byo avuga bimutera imvune zishobora gutuma asezera hakiri kare
source : https://ift.tt/3ax2T62
-
-
Ndashaka umugore mwiza w’umunyarwandakazi â Umunyarwenya Omondi wifuza kubyara abana 8 #rwanda #RwOT
Umunyarwenya ukomeye muri Afurika ukomoka muri Kenya. Eric Omondi yavuze ko yifuza kuba mu Rwanda ubuzima bwe bwose maze agashakana n’umunyarwandakazi bakabyarana abana 8 cyangwa 9.
Ni mu butumwa uyu musore yanyujije ku rukuta rwe rwa Instagram aho yasabye abanyarwandakazi bumva bavamo uwo mugore kumwoherereza amashusho akazabavugisha.
Yatangiye avuga mu rurimi rw’ikinyarwanda ati 'Ndashaka umugore mwiza w’umunyarwandakazi', yahise akomeza mu cyongereza, ati 'ku bantu batumva ikinyarwanda icyo navugaga, nakwishimira kuba umunyarwanda nkaba i Kigali ubuzima bwanjye bwose n’umugore mwiza w’umunyarwandakazi tukabyarana abana 8 niba atari 9 bavanze(Kenya n’u Rwanda), niba wumva waba umugore mwiza wa Eric Omondi, umugore wa mbere wa Afurika(First Lady of Africa) wakohereza amashusho kuri iyi numero iri hasi, njye nzakuvugisha.'
Eric Omondi akaba arimo kwamamaza filime ye yise 'Wife Material’ ari hafi gusohora, ndetse benshi bavuze ko ari imitwe yo kugira ngo filime ye ikomeze ivugwe.
Muri 2016 yari yambitse impeta ya fiancailles Chantal Grazioli ukomoka mu Butaliyani, ariko muri 2019 yaje kwemeza ko batandukanye.
Eric Omondi arifuza umugore w’umunyarwanda
Umutaliyani kazi yari yarambitse impeta barashwanye
