Webrwanda Backend

Author: webrwanda

  • Ibyo The Ben yakoze mu bukwe bwa Miss Grace Bahati byatumye benshi bamwibazaho – YEGOB #rwanda #RwOT

    Mu minsi ishize twabagejejeho inkuru y'ubukwe bwa Miss Grace Bahati. Ni ubukwe bwari bwitabiriwe n'ibyamamare bitandukanye harimo n'abahanzi The Ben na Meddy ndetse aba bombi banafatanyije kuririmba indirimbo My vow ya Meddy muri ubu bukwe.

    Twagerageje kubacishiriza amaso mu bitekerezo byatanzwe na benshi babonye aya mashusho aho The Ben yafashaga Meddy kuririmba indirimbo My Vow, benshi  n'ijwi rya The Ben muri iyi ndirimbo ndetse bibaza niba The Ben na Meddy batabitekerezaho bagafatanya iyi ndirimbo bakongera bakayisubiramo.

    Source : https://yegob.rw/ibyo-the-ben-yakoze-mu-bukwe-bwa-miss-grace-bahati-byatumye-benshi-bamwibazaho/

  • Theo Bosebabireba yasabye umugore we imbabazi, kubyarana n’abandi bagore no kumuzaniraho undi mu nzu(VIDEO) #rwanda #RwOT

    Umuhanzi w’indirimbo zo kuramya no guhimbaza Imana, Uwiringiyimana Theogene wamamaye nka Theo Bosebabireba, yasabye imbabazi umugore we ku bwo kuba yaramuhemukiye akazana undi mugore mu nzu bakabana.

    Mu minsi ishize Theo Bosebabireba nibwo yatangarije ISIMBI ko ibyo yagiye avugwaho by’ubusinzi, uburaya byari ukiri ndetse ko yanabyaranye n’abakobwa bane.

    Mu kiganiro uyu muhanzi yongeye kugirana n’ikinyamakuru ISIMBI ari kumwe n’umugore we Chantal, yamusabye imbabazi ku byo yamukoreye byose.

    Avuga ko yari yibaniye neza n’umugore we Chantal, ariko atangiye kubona amafaranga, yatangiye kubona abajyanama bashya ariko na none babi, bamushuka ngo amureke anahindure idini, ngo yarazumviye ariko ntibyamuhira.

    Yavuze ko avuze ijambo mbabarira ritaba rihagije kuko yamwihanganiye bikamurenga.

    Ati “Narabibonye kenshi ko mubabaza, narabibonye kenshi ko mubangamiye ariko imbaraga zo kubivamo zikabura, namukoreye umutwaro atakabaye abasha.”

    “Ubu nonaha musabye imbabazi ngo nkore ibimenyetso, ibyo bintu ni bito cyane, uyu muntu yakoze ibintu bitangana n’ibyo, ntabwo umusabye imbabazi wasaba izo, wasaba Imana kumukorera ikintu na we utarikorera, ntabwo kumusaba imbabazi byaba bihagije. Hari urwego yagezeho abona ko nanjye atari njye, aranyihanganira.”

    Avuga yageze aho azana undi mugore bakabana mu nzu imwe ariko umugore we akabyihanganira.

    Ati “Yihanganiye umwe muri abo bagore aba mu rugo, babana uyu abizi noneho kugira ngo uriya ahabe amahoro, ahaba ntabyo azi, nti ‘namubwiye ko ari umuntu tugiye gufasha’, ibaze abo bantu babana, igihe kiza kugera umugore wanjye akajya amufurira.”

    Umugore we avuga ko ibibazo yari yarabituye Imana, yakomeje kwihangana ariko yari azi ko bizarangira.

    Theo Bosebabireba yasabye imbabazi umugore we, anamushimira kumwihanganira

    Bari bibaniye neza amafaranga ataraboneka

    Bari kumwe n’umukobwa wabo

    Source : http://isimbi.rw/imyidagaduro/article/theo-bosebabireba-yasabye-umugore-we-imbabazi-kubyarana-n-abandi-bagore-no-kumuzaniraho-undi-mu-nzu-video

  • Perezida Paul Kagame yahaye igisubizo abasaba ko Rusesabagina arekurwa #rwanda #RwOT

    Perezida Kagame yabigarutseho mu kiganiro yatanze mu nama ngarukamwaka yiga ku mutekano iri kubera i Doha muri Qatar yitwa Global Security Forum 2021, yitabiriye mu buryo bw'ikoranabuhanga.

    Perezida Kagame yavuze ko ibihugu n'imiryango bikomeje gusaba ko Paul Rusesabagina wahamijwe ibyaha by'iterabwoba yarekurwa, bititaye ku bagizweho ingaruka n'ibikorwa bye bibi.

    Perezida Kagame ati 'Ntabwo bavuga ko batabizi, ariko ni nk'aho barimo kuvuga ngo muhagarike ibindi byose, mubyibagirwe, turashaka ko uyu mugabo arekurwa. Natwe tukavuga ngo OK, iyi miryango, ibi bihugu birakomeye ariko ntekereza ko tugomba kwita ku mutekano w'abaturage bacu, kandi tuzabikora twisunze amategeko kandi dukomeje.'

    'Bashobora gukomeza kuvuga inkuru za Hollywood, ariko iyo bigeze ku bintu bizanamo ubuzima bwacu, ubuzima bwacu buradushishikaje cyane nk'uko ubuzima bushishikaje u Bubiligi, Leta Zunze Ubumwe za Amerika cyangwa undi wese.'

    Mu minsi ishize nibwo aba badepite b'inteko y'Ubumwe bw'Uburayi bafashe umwanzuro usaba ko Rusesabagina arekurwa aho wemejwe ku bwiganze bw'amajwi 660 kuri abiri ya Oya ndetse n'ukwifata kwa 18.

    Irekurwa n'icyurwa mu Bubiligi rya Rusesabagina, abo badepite bavuga ko bikwiye gukorwa nk'igikorwa cy'ubutabazi hatitawe ku kuba ari umwere cyangwa se ahamwa n'ibyaha.

    Paul Rusesabagina umunyarwanda ufite ubwenegihugu bw'Ububiligi wamenyekanye cyane muri Filimi Hotel Rwanda, aheruka gukatirwa igifungo cy'imyaka 25 nyuma yo guhamwa n'ibyaha by'iterabwoba mu rubanza rutavuzweho rumwe.

    Ku wa 20 Nzeri 2021 nibwo Urukiko rukuru — Urugereko ruburanisha ibyaha mpuzamahanga n'ibyambukiranya imbibi — rwakatiye Rusesabagina gufungwa imyaka 25 nyuma yo kumuhamya ibyaha by'iterabwoba.

    Ni ibyaha bifitanye isano n'umutwe wa MRCD/FLN, wagabye ibitero mu turere twegereye ishyamba rya Nyungwe mu myaka ya 2018 na 2019, bikica abaturage, bigasahura ndetse bigatwika imitungo yabo.

    Source : https://umuryango.rw/amakuru/mu-rwanda/politiki/article/perezida-paul-kagame-yahaye-igisubizo-abasaba-ko-rusesabagina-arekurwa

  • Inteko ya EAC yanenze ibihugu binyamuryango bidashyira mu bikorwa imyanzuro ifata #rwanda #RwOT

    Depite Rutazana wo mu nteko ya EAC yavuze ko hari abaturage batanga ibirego mu rukiko rwa Afurika y'iburasirazuba bajya mu bihugu bakomokamo bagasanga ibyo bihugu ntibyiteguye kubaha ubwo butabera.

    Ibi Depite Rutazana Francine yabigarutseho kuri uyu wa kabiri mu inteko rusange y'abagize inteko ishingamategeko y'afurika y'iburasirazuba aho iyi nteko yagarutse cyane ku iyubahirizwa ry'amategeko yashyizweho n'uyu muryango.

    Depite Rutazana yagarutse cyane ku bihugu bitubahiriza amategeko agenga uburenganzira bwa muntu n'amategeko agenga ubucuruzi ndetse no kugera k'ubutabera burambye.

    Depite Rutazana Francine nk'umwe mu badepite bagize Komisiyo y'amategeko muri EAC yavuze ko hakiri imbogamizi ku bihugu bimwe bigize uyu muryango bidaha abaturage ubutabera bakarinda baregera Urukiko rw'Afurika y'iburasirazuba,rwafata umwanzuro ibihugu by'abo baturage ntibigire icyo bikora wa muturage akagaruka kuregera urukiko rw'Afurika y'iburasirazuba.

    Depite Rutazana ati “ubundi dufata umwanzuro ku mutarage watugannye wo muri aka karere ariko abashyira mu bikorwa kugira ngo umuturage arenganurwe n'igihugu aba yavuyemo,kugira ngo urubanza rurangizwe.”

    Depite Rutazana ati ikibabaje ni uko akenshi iyo uwo muturage agiye mu gihugu cye kugirango arangirizwe urubanza agerayo akashaka akibura bikarangira agarutse gutanga ikindi kirego mu rukiko kuko ubundi kurangiza urubanza rurangizwa n'iguhugu uwareze yaturutsemo.

    Depite Rutazana ati “bikunda kuvuka cyane mu gushyira amategeko mu bikorwa ubundi ntabwo bigoye mu gihe byaba byahawe umurongo muzima.”

    Depite Rutazana Francine ati “ubundi mu mategeko hari ingingo ivuga ko ubutabera butinze buba butakiri ubutabera ati none usibye no gutinda uyu munsi nta n'ubwabaye.”

    Umurongo twatanze n'ugusaba aba Minisitiri bagize umuryango w'afurika y'iburasirazuba bakiga kuri iki kibazo bakazazana ibisubizo by'uko abaturage bakwiye kubona ubutabera.

    Ku munsi w'ejo iyi nteko y'umuryango w'Afurika y'iburasirazuba izaterana Saa saba n'igice z'igicamunsi higwa izindi ngingo zitandukanye zatuma uyu muryango ukomeza gutera imbere

    Inteko rusange y'umuryango w'afurika y'iburasirazuba yatangiye kuwa 03 Ukwakira 2021 izasosa inteko yayo kuwa 20 Ukwakira 2021.



    Source : https://umuryango.rw/amakuru/mu-mahanga/ubutabera/article/inteko-ya-eac-yanenze-ibihugu-binyamuryango-bidashyira-mu-bikorwa-imyanzuro

  • Umunyarwenya Eric Omondi arashaka umunyarwandakazi agira umugore||bakobwa ntimucikwe. – YEGOB #rwanda #RwOT

    Umunyarwenya Eric Omondi wo mu gihugu cya Kenya yatangaje ko yifuza kurongora umunyarwandakazi. Mu butumwa uyu musore yanyujije ku rukuta rwe rwa Instagram, yasabye abanyarwandakazi bumva bavamo uwamubera umugore kumwoherereza amashusho akazabavugisha.

    Eric Omondi watangiye avuga mu Kinyarwanda, yagize ati: 'Ndashaka umugore mwiza w'umunyarwandakazi'

    Akomeza mu rurimi rw'icyongereza ariko ugenecyereje mu Kinyarwanda agira ati 'ku bantu batumva ikinyarwanda icyo navugaga, nakwishimira kuba umunyarwanda nkaba i Kigali ubuzima bwanjye bwose n'umugore mwiza w'umunyarwandakazi, tukabyarana abana 8 niba atari 9 bavanze (Kenya n'u Rwanda).'

    Maze atanga amahirwe ku munyarwandakazi wese ubyifuza waba umugore mwiza wa 'Eric Omondi', 'umugore wa mbere wa Afurika' (First Lady of Africa), yakohereza amashusho kuri numero yatanze akazamuvugisha cyangwa akazabavugisha.

    Source : https://yegob.rw/umunyarwenya-eric-omondi-arashaka-umunyarwandakazi-agira-umugorebakobwa-ntimucikwe/

  • Gicumbi na Etoile de l'Est mu byishimo byo kugaruka mu cyiciro cya mbere – YEGOB #rwanda #RwOT

    Nyuma y'imyaka 24, idakandagira mu cyiciro cya mbere cya shampiyona y'u Rwanda, Etoile de l'Est irazamutse, itsinze Amagaju kuri penaliti 6-5.

    Gicumbi FC yari imaze umwaka umwe mu cyiciro cya 2 yongeye kugaruka imaze gutsinda heroes 2-1.

    Abanya gicumbi bongeye kwishima nyuma yo kugaruka mu cyiciro cya mbere aho n'abamwe mu bayobozi bishimiye kugaruka kwa gicumbi.

    Gicumbi fc igarukanye ingufu mu cyiciro cya mbere nyuma y'umwaka umwe mu cya kabiri.

    Etoile de l'Est nyuma y'imyaka 24 itari mu cyiciro cya mbere yongeye kugaruka.

    Source : https://yegob.rw/gicumbi-na-etoile-de-lest-mu-byishimo-byo-kugaruka-mu-cyiciro-cya-mbere/

  • Ubutumire bw'umunyamakuru ukomeye wa RBA ugiye kurushinga (Amafoto) – YEGOB #rwanda #RwOT

    Umunyamakuru Tracy Agasaro ukorera KC2 agiye kurushinga n'umukunzi we, Reine Patrick. Tracy yahamije aya makuru nyuma yo gushyira hanze save the date abinyujije kuri story ya instagram ye. Tracy yashyize hanze save the date igaragaza ko ubukwe bwe na Reine Patrick buzaba tariki ya 27/11/2021 na 04/12/2021 maze ayiherekesha amagambo agira ati ” Getting Married to the love of my life @reinepatricknow “.

    Tracy na Reine Patrick

    Source : https://yegob.rw/ubutumire-bwumunyamakuru-ukomeye-wa-rba-ugiye-kurushinga-amafoto/

  • Neymar yatangaje ko azasoza gukina nyuma y'igikombe cy'isi – YEGOB #rwanda #RwOT

    Neymar Junior ubu ufite imyaka 29 y'amavuko, bikaba ubusanzwe bitamenyerewe ko umukinnyi yasezera kuri iyi myaka.

    Icyakora Neymar na we avuga ko ku myaka 30 atazaba ari umukinnyi ukuze ku buryo yasezera ku mupira w'amaguru, ahubwo ngo azabikora mu rwego rwo kwita ku buzima bwe cyane cyane bwo mu mutwe.

    Neymar junior yatangarije Umunyamakuru wa Dazn ko adatekereza ko nyuma ya 2022 azaba agifite imbaraga zo mu mutwe ku buryo yakomeza gutekereza ku mupira w'amaguru.

    Neymar yijeje abanya brasil ko mu gikombe cy'isi azatanga ingufu ze zose kugirango brazil yitware neza nkuko yakomeje abirota kuva mu bwana bwe.

    ku myaka ye 29 yakomeje guhura ni mvune nyinshi mu kibuga aribyo bigiye kumutera kureka umupira ku myaka ye 30 akita ku buzima bwe.

    Source : https://yegob.rw/neymar-yatangaje-ko-azasoza-gukina-nyuma-yigikombe-cyisi/

  • Amakuru meza ku bakunzi ba Ismael Mwanafunzi wa RBA – YEGOB #rwanda #RwOT

    Umunyamakuru wa RBA Ismael Mwanafunzi wari umaze igihe kinini atigaragaza ku mbuga nkoranyambaga kuri ubu yatunguye abakunzi be atangira gukoresha instagram, nyuma y'igihe bamwe bamwiyitira .

    Uyu munyamakuru ufite ubuhanga mu kuvuga ibyegeranyo muri RBA ndetse agakundwa n'abatari bake mu Rwanda ntiyakunze kwigaragaza ku mbugankoranyambaga aribyo byatumye bamwe bamwiyitira.Abakunzi be bajyaga bashakisha amafoto ye bakayabura.

    Kuri ubu Mwanafunzi asa n'uwavuye ku izima kuko yatangaje ko yatangiye gukoresha instagram ndetse asaba abakunzi be gutangira kumukurikira.

    Mwanafunzi yagize ati:'muraho!Nitwa Mwanafunzi,Mbahaye ikaze ku rubuga rwanjye rwa Instagram!Aha niho tuzajya tuganirira.Murakoze'

    Mu gihe gito cyane Ismael Mwanafunzi yatangiye gukurikirwa n'abarenga ibihumbi bine.

    Source : https://yegob.rw/amakuru-meza-ku-bakunzi-ba-ismael-mwanafunzi-wa-rba/

  • Abasimbura ba Sunrise FC na Muhanga FC mu cyiciro cya mbere bamenyekanye #rwanda #RwOT

    Gicumbu FC na Etoile del’Est nizo zatsindiye kuzamuka mu cyiciro cya mbere zisimbura Sunrise FC na Muhanga FC zamanutse.

    Uyu munsi nibwo hakinwaga imikino yo kwishyura ya 1/2 mu cyiciro cya kabiri cya shampiyona y’u Rwanda umwaka w’imikino wa 2020-21.

    Umukino ubanza Gicumbi FC yari yatsinze 1-0 Heroes FC, umukino wo kwishyura wabaye uyu munsi Gicumbi FC yawutsinze 2-1 ihita igera ku mukino wa nyuma.

    Undi mukino wa 1/2, Amagaju yari yanganyije na Etoile del’Est 1-1, umukino wo kwishyura wabereye i Ngoma, amakipe yombi yongeye kunganya 1-1, mu mukino warimo ishyaka ryinshi aho buri kipe yabonye ikarita itukura.

    Byabaye ngombwa ko bitabaza penaliti maze Etoile del’Est itsinda 6 kuri 5 za Magaju FC.

    Gicumbi FC izamutse nyuma y’uko yari yamanutse muri 2020, ni mu gihe Etoile del’Est yo yari imaze imyaka 24 mu cyiciro cya kabiri.

    Aya makipe akaba agiye gukina icyiciro cya mbere kizatangira tariki ya 30 Ukwakira, zizasimbura Sunrise FC na Muhanga FC zamanutse.

    Gicumbi FC yongeye kuzamuka mu cya mbere

    Etoile del’Est yazamutse mu cyiciro cya mbere

    Source : http://isimbi.rw/siporo/article/abasimbura-ba-sunrise-fc-na-muhanga-fc-mu-cyiciro-cya-mbere-bamenyekanye