Webrwanda Backend

Author: webrwanda

  • Ibimenyetso 5 byakwereka ko urwaye udusebe ku gifu #rwanda #RwOT

    Udusebe ku gifu (cyangwa gastric ulcers) ni indwara ibabaza cyane, irangwa n’udusebe dushobora kuza mu gifu cg amara mato. Utu dusebe tuza ahanini bitewe n’uko ururenda rurinda igifu aside nyinshi ruba rwagabanutse, nuko ya aside igatangira kwibasira ingirangingo z’igifu no gucaho udusebe.

    Iyi ndwara ishobora kuvurwa igakira, gusa iyo utivuje ishobora kuvamo ikindi kibazo gikomeye cyane.

    Soma birambuye byinshi kuri iyi ndwara n’uko wahangana nayo hano https://umutihealth.com/udusebe-ku-gifu/

    Hari bimwe mu bimenyetso bishobora kukwereka ko udusebe ku gifu twatangiye kukwibasira

    Ibimenyetso by’udusebe ku gifu

    Uburibwe mu gifu

    Uburibwe mu gifu, ni kimwe mu bimenyetso byihuse bishobora kukwereka ko igifu cyawe cyugarijwe n’udusebe; kumva uribwa mu gifu, cg wagira ngo hari ibintu bigutwika. Utu dusebe tuza ku gifu cg amara mato, tukurya bitewe n’ikorwa ry’aside mu gifu; nko mu gihe witegura kurya cg nijoro kuko aribwo usanga ikorwa cyane, nibwo uburibwe bukunze kwiyongera. Akenshi iyo hagize icyo urya, ubu buribwe bishobora kugabanuka.

    Ikirungurira no kumva ibyo wariye bigaruka

    Bitewe nuko utu dusebe iyo duhuye n’aside yo mu gifu, bitera uburibwe, bishobora no gutuma ibyageze mu gifu, bikiri mu igogorwa byakongera kuzamuka mu muhogo, kandi kubera biba byivanze n’aside, ushobora kumva bitwika, aribyo bibyara ikirungurira.

    Ibi bimenyetso byo kugarura ibyo wariye n’ikirungurira, bishobora guherekezwa no guhora wumva utumbye, utura imibi cg wumva amara yinyagambura cyane mu nda.

    Mu gihe urwaye udusebe ku gifu hari ibyo kurya ugombwa kwirinda, bimwe muri byo ni ibi bikurikira https://umutihealth.com/uburwayi-bwudusebe-ku-gifu/

    Uburibwe bw’umugongo cyangwa mu gatuza

    Yego nibyo, udusebe ku gifu dushobora gutera uburibwe bw’umugongo cg ukabyumvira mu gatuza. Ntuzabyitiranye n’uburibwe bw’umugongo busanzwe.

    Iyo utu dusebe twamaze no kwibasira amara, uburibwe bishobora kurushaho gukara no kumara igihe kinini.

    Kuko utu dusebe iyo twamaze kuza, tudahagarara bitewe n’ikidutera, dushobora kurushaho kwangiza igifu, bityo ugahorana uburibwe budashira kandi bugenda bwiyongera. Aha ni ngombwa kugana kwa muganga.

    Kwituma cyangwa kuruka amaraso

    Birumvikana ko ingirangingo z’igifu zibamo amaraso, uko zigenda zicika udusebe niko amaraso ashobora kuva, akaba yasohoka urutse cg ugiye ku musarane.

    Uko aside yiyongera, niko ingirangingo zirushaho kuva amaraso menshi niba ubona ibyo wituma bifite ibara ryijimye, bishobora kwerekana ko mu gifu cyangwa amara hari kuva amaraso. Niba uruka utubumbe duto duto tw’amaraso nabyo bishobora kukwereka ko mu gifu hari kuva amaraso.

    Ibi byose ukibibona ni ngombwa kwihutira kwivuza hakiri kare.

    Guhorana iseseme n’igogorwa rigenda nabi

    Udusebe ku gifu dushobora kongera ibyuka byinshi mu gifu n’igogorwa rikagenda nabi, ibi nibyo bikunze gutera kenshi isepfu no gutura imibi igihe uri kurya cg umaze kurya.

    Iseseme yo akenshi iterwa n’urugero rutaringaniye rw’aside yo mu gifu, ishobora kuza iringaniye cg ikomeye cyane, kenshi ikunze kuza mu gitondo, nk’igihe utaragira icyo ufata.

    Omeprazole ni umwe mu miti yitabazwa mu kuvura udusebe ku gifu, soma byinshi kuri uyu muti n’uko ukoreshwa https://umutihealth.com/omeprazole/

    Source: umutihealth.com

    [email protected]

    Source : https://agakiza.org/Ibimenyetso-5-byakwereka-ko-urwaye-udusebe-ku-gifu.html

  • Umudepite w'umufaransa yemeje ko Theoneste Nsengimana na bagenzi be bafashwe na RIB ari abakozi ba Ingabire Victoire aziko abatabariza #rwanda #RwOT

    Nyuma yaho ku munsi w'ejo abantu batandatu bafashwe na RIB ku bufatanye n'inzego z'umutekano, muri abo hakaba harimo Nsengimana Theoneste ufite Televiziyo kuri murandasi yitwa Umubavu, umudepite wo mu gihugu cy'Ubufaransa Sebastien NADOT akaba n'inshuti y'abiyita ko batavuga rumwe na Leta ya Kigali, yashyize itangazo hanze yamagana ifatwa ryabo ariko avugisha ukuri avuga ko ari abakorana bya hafi na Ingabire Victoire.

    Sebastien NADOT

    Ibi rero bitandukanye n'ibyo Theoneste Nsengimana na bagenzi be aribo biyita, aho bihisha inyuma y'umwuga w'itangazamkuru bagakwirakwiza ubutumwa bw'abanzi b'igihugu baba ababa mu gihugu imbere ndetse n'ababa hanze yacyo mu rwego rwo guhungabanya umudendezo w'igihugu no gukwirakwiza ibihuha bigamije kwangisha ubutegetsi buriho abaturage.

    Mu bafatanywe na Nsengimana harimo Sylvain Sibomana, Alphonse Mutabazi, Alexis Rucubanganya na Utuje Joyeuse. Aba bose bari bari gutegura umunsi Interahamwe n'abasabitswe n'ingengabitekerezo bizihiza wiswe 'Ingabire Day'

    Iyi ntumwa ya rubanda rw'Ubufaransa itweretse isura nyayo ya Theoneste Nsengimana, nubwo iziko iri kumutabariza. Yaba Theoneste na bagenzi be bamaganwe kenshi basabwa gukurikiza amahame y'itangazamakuru ariko bakavunira ibiti mu matwi bagatangaza ibihuha kugirango imbuga zabo zisurwe kandi abo hanze baboherereze amafaranga.

    Bagakwiye kumenya ko Iso ukwanga akuraga urubanza rwamunaniye. Abo babatuma bari mu gisirikari cya FAR abandi mu butegetsi ariko bayabangiye ingata bahungira iburayi.

    Kubera kudashaka kugendera ku mahame y'itangazamakuru, bamwe barimo Agnes Uwimana uzwi ku kazina ka 'Valerie Bemeriki' mushyashya, basubije amakarita yabo urwego rwigenzura rw'abanyamakuru RMC ngo bagiye gukora itangazamakuru ryigenga.

    Uyu munsi kandi , RMC, yatangaje ko Niyonsenga Dieudonné uzwi nka Cyuma Hassan, atari umunyamakuru w'umwuga nk'uko akunda kubivuga.

    Uyu musore afite umuyoboro wa YouTube witwa Ishema TV, utambutswaho ibiganiro bibiba amacakubiri mu baturarwanda.

    Itangazo RMC yashyize hanze, rivuga ko uyu yiyitirira kuba umunyamakuru, yibutsa n'abandi bafite imiyoboro ya YouTube kwirinda kubigenza batyo.

    Iryo tangazo rigira riti ' Umuntu uwo ariwe wese afite uburenganzira bwo gutanga ibitekerezo bye yifashishije murandasi ariko ntibimugira umunyamakuru.'

    Mu gihe yiyitiriye umwuga agakora amakosa, RMC ivuga ko akurikiranwa n'inzego zibifitiye ububasha zitari iz'itangazamakuru.

    Uyu musore aherutse kurekurwa n'urukiko nyuma y'aho rumugize umwere ku cyaha yo gukora no gukoresha impapuro mpimbano, kwiyitirira umwuga w'itangamakuru no gutambamira ishyirwa mu bikorwa ry'ibyemezo byategetswe.

    Yari yatawe muri yombi muri Mata 2020 arekurwa nyuma y'umwaka mu 2021.

    The post Umudepite w'umufaransa yemeje ko Theoneste Nsengimana na bagenzi be bafashwe na RIB ari abakozi ba Ingabire Victoire aziko abatabariza appeared first on RUSHYASHYA.

    Source : https://rushyashya.net/umudepite-wumufaransa-yemeje-ko-theoneste-nsengimana-na-bagenzi-be-bafashwe-na-rib-ari-abakozi-ba-ingabire-victoire-aziko-abatabariza/?utm_source=rss&utm_medium=rss&utm_campaign=umudepite-wumufaransa-yemeje-ko-theoneste-nsengimana-na-bagenzi-be-bafashwe-na-rib-ari-abakozi-ba-ingabire-victoire-aziko-abatabariza

  • Kenya:Uwemeye ko yishe abana barenga 10 yatorotse kasho ya polisi #rwanda #RwOT

    Umugabo wemeye ko yishe abana barenga 10 muri Kenya yatorotse kasho ya polisi mu murwa mukuru Nairobi.

    Masten Wanjala yari yitezwe kwitaba urukiko ku wa gatatu ku bwicanyi bw'abahungu batari munsi ya 14 i Nairobi, no mu duce tw'uburasirazuba n'uburengerazuba bwa Kenya.

    Polisi ivuga ko yatahuye ko yatorotse ubwo yagenzuraga imfungwa mu gitondo izihamagara mu mazina.

    Yari afunzwe mu gihe polisi ikora amaperereza ku rukurikirane rw'ubwicanyi bwakorewe abana bugatuma igihugu kigwa mu kantu.

    Abapolisi batatu bari bari ku izamu ubwo yatorokaga sitasiyo ya polisi ya Jogoo Road, mu gace kazwi nka Eastlands k'i Nairobi, batawe muri yombi.

    Abategetsi batangiye guhiga uwo mugabo bavuga ko ari mubi cyane.

    Bwana Wanjala yari yatawe muri yombi mu kwezi kwa karindwi uyu mwaka, yemera guha ibiyobyabwenge no kwica abahungu, bamwe akanywa amaraso yabo.

    BBC

    Source : https://umuryango.rw/amakuru/mu-mahanga/umutekano/article/kenya-uwemeye-ko-yishe-abana-barenga-10-yatorotse-kasho-ya-polisi

  • Umuhanzikazi yatangaje ko abapasiteri bamusabye kujya yambara impenure ngo akurure abayoboke #rwanda #RwOT

    Umuririmbyi wo muri Ghana yatangaje ko imyambarire ye ndetse n'imiterere ye byamubereye imbaraga zo guhindura benshi mu murimo w'Imana.

    Mu kiganiro n'umunyamakuru wo kuri Internet witwa Zion Felix muri The Uncut Show, uyu muhanzikazi Rhynie Simons yavuze ko umubiri we yuzuye tatouage no gushyira hanze amabere ye igice kimwe abikora kugira ngo bikurure abantu mu itorero rye ndetse ko bifasha mu kugarukira Imana.

    Uyu muhanzikazi yavuze ko ari umukristu wubaha Imana uhora ajya mu rusengero aho aririmba yambaye imyenda ye ikurura abagabo abifashijwemo na pasiteri we.

    Uyu Pasiteri we kandi ngo ashishikariza abayoboke be gukoresha ubwiza bwabo kugira ngo bakurure abantu mu rusengero ariko ntibasambane nabo.

    Binyuze mu mubiri we, ngo uyu muririmbyi wo muri Ghana yayoboye abantu benshi kuri Kristo. Rhynie Simons akomoka muri Nigeria nubwo yavukiye muri Amerika.

    Source : https://umuryango.rw/ubuzima-115/udushya/article/umuhanzikazi-yatangaje-ko-abapasiteri-bamusabye-kujya-yambara-impenure-ngo

  • Urwego rw’Abanyamakuru rwakomanyirije Cyuma 'wiyita Umunyamakuru’ rusaba n’abandi babyiyita kubihagarika #rwanda #RwOT

    Cyuma Hassan asanzwe afite YouTube Channel yitwa Ishema TV akunze gutambutsaho ibiganiro bitavugwaho rumwe aho hari abamushinja kubiba amacakubiri no gukwirakwiza ibihuha mu gihe we avuga ko yafashe umurongo wo guca akarengane mu Rwanda.

    Urwego rw’Abanyamakuru bigenzura rwasohoye itangazo kuri uyu wa Kane tariki 14 Ukwakira 2021 ryibutsa ibyo umuntu akwiye kuba yujuje kugira ngo akore umwuga w’Itangazamakuru.

    Iri tangazo ritangira rigira riti 'Umunyamakuru w’Umunyarwanda yaba ukura mu kigo cy’Itangazamakuru cyemewe cyangwa uwigenga cyangwa uhagarariye igitangazamakuru cy’amahanga mu Rwanda, ahabwa uburenganzira n’Urwego rw’Abanyamakuru Bigenzura.'

    Urwego rw’Abanyamakuru Bigenzura,rukomeza rugira ruti 'Rurongera kwibutsa abantu bose ko uwitwa Niyonsenga Dieudone wiyita Cyuma Hassan atari Umunyamakuru w’umwuga nk’uko abyiyitirirakuri YouTube channel ye yitwa Ishema TV.'

    Iri tangazo ryashyizweho umukono n’Umunyamabanga Nshingwabikorwa wa RM, Mugisha Emmanuel, ryibutsa abantu bose 'biyitirira umwuga w’itangazamakuru batarabiherewe uburenganzira kubihagarika kuko bihanirwa n’amategeko.'

    Urwego rw’Abanyamakuru Bigenzura ruvuga ko umuntu wese afite uburenganzira bwo gutanga ibitekerezo bye yifashishije murarandasi ariko ko bitamugira umunyamakuru.

    Cyuma Hassan ukurikiranywe n’inzego z’ubutabera z’u Rwanda, amaze iminsi ajya kuburana ubujurire bw’Ubushinjacyaha ku cyemezo cy’Urukiko rwamugize umwere.

    Gusa avuga ko mu kwitaba Urukiko yagiye abura abamushinja n’abamuburanisha akavuga ko ari ikimenyetso cy’uko ibyo ashinjwa bidafite ishingiro.

    Bimwe mu byo aregwa harimo Gukoresha inyandiko mpimbano no kwiyitirira urwego rw’umwuga aho bifitanye isano no kuba yiyitirira umwuga w’Itangazamakuru mu gihe we avuga ko afite uburenganzira bwo kuwukora kuko uretse ngo kuba yararyize ariko n’amategeko yo mu Rwanda yemerera buri wese gukora uyu mwuga.

    IKIGANIRO AHERUTSE KUGIRANA NA UKWEZI TV


    UKWEZI.RW

    Source : http://www.ukwezi.rw/mu-rwanda/3/Urwego-rw-Abanyamakuru-rwakomanyirije-Cyuma-wiyita-Umunyamakuru-rusaba-n-abandi-babyiyita-kubihagarika

  • Ibyabaye ubwo Dj Marnaud yari kumwe na Dj Miller muri club (video) – YEGOB #rwanda #RwOT

    Dj Marnaud abinyujije kuri snapchat ye yerekanye ibyabaye ubwo yarari kumwe na Dj Miller babanaga mu itsinda rya Dream Team Djs.

    Nkuko amashusho Dj Marnaud yashyize hanze abigaragaza, we na Dj Miller bari bishimye cyane ndetse Dj Miller we byari umwihariko dore ko ubusanzwe Dj Miller yarangagwa n'akanyamuneza aho yabaga ari hose iki kikaba ari kimwe mu bintu byinshi by'urwibutso ababanye nawe bamwibukiraho.

    Source : https://yegob.rw/ibyabaye-ubwo-dj-marnaud-yari-kumwe-na-dj-miller-muri-club-video/

  • Inshuti za hafi za Miss Darlène zatubwiye impamvu agiye gukora ubukwe vuba – YEGOB #rwanda #RwOT

    Ku munsi w'ejo nibwo twabagejejeho inkuru ko Miss Gasana Edna Darlène witabiriye irushanwa rya Miss Rwanda mu mwaka wa 2015 yakorewe ibirori byo gusezera ku bukumi bwe bizwi nka Bridal shower.

    Nkuko amafoto yagiye hanze abigaragaza, Miss Darlène yagaragaraga nk'utwite. Zimwe mu nshuti za hafi za Miss Darlène zahamirije YEGOB ko aya makuru ariyo ndetse akaba ariyo mpamvu igiye gutuma Miss Darlène akora ubukwe hutihuti.

    Source : https://yegob.rw/inshuti-za-hafi-za-miss-darlene-zatubwiye-impamvu-agiye-gukora-ubukwe-vuba/

  • Umunya-Burkina Faso n’Igikomangomakazi cya Jordanie bashyizwe mu Nama y’Ubuyobozi y’Ikigo cy’Ingufu za Atomike mu Rwanda – #rwanda #RwOT

    Dr Lassina Zerbo wagizwe Perezida w’Inama y’Ubuyobozi y’iki kigo, asanzwe ari Umunyamabanga Nshingwabikorwa w’Umuryango Mpuzamahanga ugamije gukumira igeragezwa ry’intwaro za kirimbuzi aho ari ho hose ku Isi (Comprehensive Nuclear-Test-Ban Treaty Organization).

    Ni inshingano yahawe kuva muri Kanama 2013. Uyu muryango ufite icyicaro i Vienne muri Autriche, afite inkomoko muri Burkina Faso.

    Yungirijwe na Lt. Col Dr Pacifique Mugenzi, mu gihe abandi barimo Igikomangomakazi cya Jordanie, Sumaya bint El Hassan, Dr Athanase Nduwumuremyi, Alice Uwase, Juvenal Seruzindi na Speciose Kabibi.

    RAEB ni ikigo kizaba gifite inshingano zo guhuza ibikorwa by’ubushakashatsi no gushyira mu bikorwa umushinga w’Ikigo cy’Ubushakashatsi mu by’ingufu za nucléaire mu Rwanda.

    Ibi ni bimwe mu byasobanuwe na Minisitiri w’Ibikorwaremezo, Amb. Gatete Claver nyuma gato y’imyanzuro y’Inama y’Abaminisitiri yemeje umushinga w’iteka rya Perezida rishyiraho iki kigo mu Ukwakira 2020.

    Amb. Claver Gatete, yavuze ko RAEB izagira uruhare rukomeye mu guteza imbere ibiyanye n’ikoreshwa ry’ingufu za nucléaire mu nzego z’ingenzi zirimo ubuhinzi, ubuzima, gutunganya amashanyarazi, ubuhanga mu by’imiti, inganda, ibidukikije na mine.

    Minisitiri Gatete yavuze ko ikigo RAEB kizahuza ibikorwa by’ubushakashatsi bwose n’iterambere ry’ingufu za nucléaire mu Rwanda, kandi kigakurikirana ndeste kigahuza ibikorwa by’umutekano hagamijwe umusaruro no guteza imbere icyerekezo 2050.

    Mu rwego rw’ubuhinzi, ingufu za nucléaire zizakoreshwa mu kongera umusaruro w’ibiribwa harwanywa udukoko twonona ibihingwa, uw’ubworozi binyuze mu gutera intanga no kurwanya indwara zibasira amatungo n’ibindi.

    Naho mu rwego rw’ubuzima ikoranabuhanga rishingiye ku ngufu za nucleaire rishobora gukoreshwa mu bikorwa byo gusuzuma indwara no kuvura izirimo kanseri.

    U Rwanda ruri mu Muryango Mpuzamahanga ’International Atomic Energy Agency (IAEA), ukorana n’ibihugu mu guteza imbere imikoreshereze y’ikoranabuhanga rishingiye ku ngufu za nucléaire mu buryo bwuje umutekano n’amahoro.Biteganyijwe ko RAEB izashyiraho ibikorwaremezo ishingiye ku biteganywa ku rwego mpuzamahanga.

    Dr Lassina Zerbo wagizwe Perezida w’Inama y’Ubuyobozi ya RAEB

    Igikomangomakazi cya Jordania, Sumaya bint El Hassan ari mu bagize Inama y’Ubuyobozi ya RAEB

    Lt. Col Dr Pacifique Mugenzi ni we wungirije Perezida w’Inama y’Ubuyobozi ya RAEB

    source : https://ift.tt/3oY78jC

  • Amajyepfo: Uturere twasabwe kwihutisha kurangiza imanza za Gacaca zirenga 2800 zisigaye – #rwanda #RwOT

    Yabigarutseho mu kiganiro aheruka kugirana n’Abanyamakuru aho yagarageje ko uturere twa Gisagara, Nyaruguru na Ruhango twamaze kurangiza imanza zaciwe n’Inkiko Gacaca.

    Yagize ati “Uyu mwaka dusoje twishimira ko uturere dutatu twa Gisagara, Nyaruguru na Ruhango basoje burundu imanza za Gacaca ndetse n’izagaragaraga nk’izidashoboka zararangiye.”

    Yakomeje avuga ko batangiye umwaka wa 2020/21 mu ntara hose bafite imanza zisaga ibihumbi 14, bawusoza basigarenye izigera ku 2.891.

    Ati “Utundi turere natwo turakataje kuko dusigaranye imanza 2.891 gusa, mu gihe twari twatangiye umwaka dufite imanza zirenga ibihumbi 14.”

    Imibare yerekana ko mu Karere ka Gisagara harangijwe imanza za Gacaca 31.113; mu Karere ka Nyaruguru harangizwa 21.765 naho muri Ruhango harangizwa 1.875.

    Umuyobozi w’Akarere ka Gisagara, Rutaburingoga Jérôme, yavuze ko kugira ngo bazirangize byabasabye kwegera abafitanye ibibazo no gukora ubukangurambaga.

    Ati “Uko zisigara ari nke ni ko zigora no kuzirangiza, byasabye ubukangurambaga, kumenya abasigaye batarishyura, kumenya abafite ubushobozi n’abatabufite, abatabufite bagahuzwa n’abo bagomba kwishyura kugira ngo harebwe icyakorwa. Hari abumvikanye bakabaha imibyizi, hari abagiye bahabwa imbabazi kubera ko nta bushobozi bafite.”

    Mu Karere ka Nyanza bari bafite imanza za Gacaca zisaga ibihumbi 12 ariko kuri ubu hasigaye izisaga 600, kandi ubuyobozi bwiyemeje ko zose zizarangizwa bitarenze uyu mwaka.

    Mu Karere ka Kamonyi ho hari imanza za Gacaca 52.373 ariko inyinshi muri zo zararangijwe kuko hasigaye esheshatu gusa.

    Guverineri w’Intara y’Amajyepfo, Kayitesi Alice, yashimye uturere twamaze kurangiza imanza zaciwe n’Inkiko Gacaca, asaba utundi kwihutisha izisigaye

    [email protected]

    source : https://ift.tt/3FMj65F

  • Biraba ari ibicika mu mpera z’iki cyumweru, Patriots BBC irambarana na APR BBC, Dj Ira araba asusurutsa abantu #rwanda #RwOT

    Mu mpera z’iki cyumweru, haratangira imikino ya ½ muri shampiyona ya Basketball mu bagabo n’abagore, umukino utegerejwe na benshi ni uwo ikipe ya APR BBC igomba guhuramo na Patriots BBC.

    Mu bagabo amakipe ane yageze muri ½ ni APR BBC, Patriots, REG na RP IPRC Kigali, akaba agomba gukina hashakwamo amakipe 2 agera ku mukino wa nyuma.

    Muri ½ hakaba hazakinwa imikino 3, itsinzemo myinshi ikaba ari yo igera ku mukino wa nyuma(best in 3), ku wa Gatandatu tariki ya 16 Ukwakira 2021 nibwo hazatangira iyi mikino, yose ikazabera muri Kigali Arena.

    Mu bagabo, saa 15:00′ APR BBC izakina na Patriots BBC, saa 19:00′ REG ikine na RP IPRC Kigali. Imikino izakomeza ku Cyumweru, saa 15:00′ REG ikine na RP IPRC Kigali, saa 19:00′ APR BBC izakina na Patriots BBC.

    Mu bagore kandi nabo bazabakina ½, ku wa Gatandatu saa 13:00′ REG WBBC izacakirana na RP IPRC Huye ni mu gihe saa 17:00′ APR WBBC izakina na The Hoops RW. Iyi mikino izakomeza ku Cyumweru, saa 13:00′ APR WBBC ikina na The Hoops RW n’aho saa 17:00′ REG WBBC izacakirane na RP IPRC.

    Si iyi mikino gusa kuko mu bagabo hazaba n’imikino yo guhatanira imyanya kuva ku wa 5-8, ariko iyi mikino yo izabera muri Petit Stade.

    Ku wa Gatandatu saa 10:00′ 30 Plus izakina na UGB mu gihe saa 12:00′ Shoot 4 Stars izakina na RP IPRC Huye, izatsinze zizahura ku mwanya wa 5 n’uwa 6 mu gihe izatsinzwe nazo zizahura ku mwanya wa 7 n’uwa 8, ni imikino izaba ku Cyumweru tariki ya 17 Ukwakira muri Petit Stade.

    Iyi mikino kandi ikaba yemewemo abafana, itike ikaba ari ibihumbi 10, ibihumbi 7 n’ibihumbi 5 harimo n’igiciro cyo kwipimisha Covid-19, ndetse umuntu akaba asabwa byibuze kuba yarakingiwe urukingo rumwe rwa COVID. Abafana bemewe ku mikino izabera muri Kigali Arena gusa.

    Abantu bazaba bari muri Kigali Arena, ntabwo bazicwa n’irungu kuko bazasusurutswa na Dj Ira, umwe mu bakobwa bazi kuvangavanga imiziki cyane.

    Imikino ya 1/2 izabera muri Kigali Arena

    Dj Ira azaba asusurutsa abantu bazitabira imikino ya 1/2 muri Kigali Arena

    Source : http://isimbi.rw/siporo/article/biraba-ari-ibicika-mu-mpera-z-iki-cyumweru-patriots-bbc-irambarana-na-apr-bbc-dj-ira-araba-asusurutsa-abantu