Webrwanda Backend

Author: webrwanda

  • Gushyira igitutu ku Rwanda ngo Paul Rusesabagina arekurwe, Lantos Foundation irabiterwa n'ikimwaro cyo kuba yarahaye igihembo umugizi wa nabi #rwanda #RwOT

    Kuva Paul Rusesabagina yagera mu maboko y'ubutabera bw'u Rwanda imiryango yiyita ko iharanira uburenganzira bwa muntu yasimbukiye ku isunzu ry'inzu maze si ukuvuza induru yiva inyuma, isaba ko uyu mugizi wa nabi arekurwa.

    Igitutu cyabo ariko ntacyo cyabafashije, kuko Rusesabagina yaburanishijwe ndetse akanatirwa igifungo cy'imyaka 25 amaze guhamwa n'ibyaha birimo kuba mu mutwe w'iterabwoba wa FLN.

    Umwe muri iyo miryango ni LANTOS Foundation yigeze no guha Paul Rusesabagina igihembo, nk' umuntu w'igitangaza mu guharanira uburenganzira bwa muntu. Kuba rero iyi Lantos ari kimwe mu byirirwa bisakuza ngo Rusesabagina arekurwe, si uko iyobewe ko ahamwa n'ibyaha bikomeye, birimo no kwica inzirakarengane mu bitero umutwe we wa FLN wagabye ku butaka bw'u Rwanda.

    Ntabwo ari injiji bikabije ku buryo itazi gusesengura ibimenyetso simusiga bimuhamya ibyaha harimo , ndetse n'ibyo Rusesabagina ubwe yiyemereye. Ahubwo ikibatera kwirengagiza ibyo byose, ni ikimwaro Lantos Foundation iterwa no kuba yarahaye igihembo umuntu waje kwijandika mu bikorwa by'iterabwoba, isi yose yamagana.

    Lantos Foudation yabuze ayo icira n'ayo imira. Ku ruhande rumwe, ntishobora kwemera ko yibeshye kuri Rusesabagina, ikamugira intwari kandi ari 'Oussama Bin Laden wo mu Karere k'Ibiyaga Bigari'.

    Iramutse ivuze ku mugaragaro ko Rusesabagina ari umunyabyaha, Lantos Foundation yahita itakarizwa icyizere mu maso y'amahanga, kuko byaba bivuze ko na Bin Laden yashoboraga guhabwa igihembo cya Lantos Foundation.

    Ku rundi ruhande, niba koko Lantos Foundation ari umuryango uharanira iyubahirizwa ry'ikiremwamuntu, ifite inshingano zo kwamagana ubwicanyi n'irindi hohoterwa aho ryaba hose ku isi, nk' iryakorewe abaturage b'inzirakarengane muri Nyaruguru na Nyamagabe. Keretse rero niba umuturage w'uRwanda atabarwa nk'ikiremwamuntu.

    Ikindi Lantos Faundation nk'umuryango mpuzamahanga isobanukiwe ko amahame mpuzamahanga abuza kwivanga mu butabera bw'igihugu cyigenga. Muri make irabizi ko ibyo isaba u Rwanda bidashoboka, kereka niba itaramenye ko u Rwanda rwibohoye ku ngoyi ya mpatsibihugu n'ubukoloni.

    Reka Lantos Foudation ikorwe n'isoni

    Ijya guha Rusesabagina igihembo imiryango y'abarokotse Jenoside yakorewe Abatutsi yayigiriye inama, iyereka ko ntawe Rusesabagina yarokoye nk'uko abyiyitirira, ariko Lantos Foundation ivunira ibiti mu matwi. Ukuri kuratinda ariko ntiguhera, Rusesabagina aberetse uwo ariwe nyakuri.
    Ibifaranga Lantos Foundation yarundumuriye Rusesabagina, n'ibindi yakusanyije ngo agiye gufasha imfubyi n'abapfakazi mu Rwanda, nibyo yashoye mu bikorwa by'iterabwoba. Nta kuntu rero Lantos Foundation itagira ikimwaro ndetse n'impungenge, kuko abasesenguzi bayifata nk'umufatanyacyaha wa Paul Rusesabagina. Nguko uko rero iharanira gutagatifuza ikirura, ngo gihinduke intama.

    The post Gushyira igitutu ku Rwanda ngo Paul Rusesabagina arekurwe, Lantos Foundation irabiterwa n'ikimwaro cyo kuba yarahaye igihembo umugizi wa nabi appeared first on RUSHYASHYA.

    Source : https://rushyashya.net/gushyira-igitutu-ku-rwanda-ngo-paul-rusesabagina-arekurwe-lantos-foundation-irabiterwa-nikimwaro-cyo-kuba-yarahaye-igihembo-umugizi-wa-nabi/?utm_source=rss&utm_medium=rss&utm_campaign=gushyira-igitutu-ku-rwanda-ngo-paul-rusesabagina-arekurwe-lantos-foundation-irabiterwa-nikimwaro-cyo-kuba-yarahaye-igihembo-umugizi-wa-nabi

  • Diamond yahishuye ko nta rukweto ajya yambara kabiri ngo urwo akuyemo arajugunya #rwanda #RwOT

    Abitangaje nyuma y’iminsi micye hari abantu bamuserereje ko ubuzima ashobora kuba yerekana ku mbuga nkoranyambaga bushobora kuba buhabanye n’ubwo abayemo by’ukuri.

    Uyu kizigenza muri murika mu karere, mu minsi micye ishize yashyize ahanze amashusho, agaragaza inkweto nyinshi, avuga ko abavuga ko ahora asubira mu nkweto imwe atari byo.

    Ati 'hari abantu bavuga ko mpora nsubira mu nkweto zimwe. Ntabwo ari byo. Mfite inkweto nyinshi, nambara inkweto rimwe ngahita nzijugunya, umuntu waba uzishaka, akazambara.'

    Mu minsi ishize uwari umujyana we, Ostaz Juma Na Musoma, yashinje uyu muhanzi kubeshya abantu ubuzima abamo, ko ubukire avuga afite atari bwo, amafaranga yishyurwa kugira ngo aririmbe atari yo n’ibindi, ngo ababazwa n’uko abivuga abanntu bakabyemera.

    Uyu muhanzi w’Umunya-Tanzania ni umwe mu bakunze kugaragaza ko abaho ubuzima bwo ku rwego ruhambaye haba ari mu myambarire, mu modoka agendamo ndetse n’ibindi.

    UKWEZI.RW

    Source : http://www.ukwezi.rw/Imyidagaduro/article/Diamond-yahishuye-ko-nta-rukweto-ajya-yambara-kabiri-ngo-urwo-akuyemo-arajugunya

  • Umusore yaciye ibintu henshi kubera igihano yabonye nyuma yo guca inyuma umukunzi we #rwanda #RwOT

    Umusore utavuzwe amazina,yaciye ibintu ku mbuga nkoranyambaga nyuma yo kugaragara muri Euston,mu mujyi wa Liverpool n'ahitwa Waterloo mu mujyi wa London azenguruka yambaye icyapa cyanditseho amagambo atangaje.

    Abatuye Londres na Liverpool bavuze ko babonye uyu musore agenda azenguruka ahahurira abantu benshi, yambaye ikarito yanditseho ati: 'Ku wa kane, naciye inyuma umukunzi wanjye kandi iki nicyo gihano cyanjye.'

    Uyu musore yafotowe amafoto menshi n'abamubonye akwirakwizwa ku mbuga nkoranyambaga zitandukanye ariko ntibiramenyekana niba ari umukunzi we wabimutegetse cyangwa ari igihano yihaye.

    Igikorwa cy'umugabo cyatumye abantu benshi basangira ibitekerezo kuri we n'umukunzi we, aho benshi bavugaga ko umukobwa bakundana atamukunda.

    Ariko, abandi bavuga ko bishoboka ko uyu mugabo yaba ashaka kwiyamamaza ku mbuga nkoranyambaga.


    Source : https://umuryango.rw/ubuzima-115/udushya/article/umusore-yaciye-ibintu-henshi-kubera-igihano-kidasanzwe-yahawe-n-umukunzi-we

  • Umwarimukazi ufatwa nk'uhiga abandi uburanga muri Afurika yavugishije benshi kubera amafoto yashyize hanze [AMAFOTO] #rwanda #RwOT

    Umwe mu barimukazi bakunzwe cyane muri Afurika y'Epfo kubera imiterere ye yavugishije benshi kubera amafoto yashyize hanze yambaye imyenda ishotorana.

    Uyu mwarimukazi asa nkaho yagize intego ibyo gutwika ku mbuga nkoranyambaga buri cyumweru kubera amafoto ashyira hanze agaragaza imiterere ye.

    Uyu mwarimukazi witwa Lulu Menziwa uzwi nka Madam B akurikirwa na benshi muri Afurika y'Epfo kubera uburanga bwe. Nyuma yo kuba icyamamare, yagiye akunda kuvugwa cyane mu binyamakuru bitandukanye kugeza n'ubu.

    Uyu mwarimu wanahawe akazi ko kumurika imideli yatumye benshi bacika ururondogoro kubera amafoto yashyize hanze agaragaza imiterere ye by'umwihariko ikibuno cye.

    Mu minsi yashize,uyu mwarimukazi yashyize hanze amashusho yakwirakwiriye hose ari mu ishuri yambaye imyenda ishotorana bituma benshi bacika ururondogoro.

    Benshi bibajije niba abashinzwe uburezi muri kiriya gihugu batarashyizeho amabwiriza agenga imyambarire y'abarimu igihe bari mu kazi.


    Source : https://umuryango.rw/ubuzima-115/udushya/article/umwarimukazi-ufatwa-nk-uhiga-abandi-uburanga-muri-afurika-yavugishije-benshi

  • Bwa mbere Omah Lay agiye gutaramira abanyarwanda #rwanda #RwOT

    Iki gitaramo kigiye kuba mu muburyo ari guteganya gukora bizenguruka umugabane wa Afurika, anyura mu bihugu bitandukanye. Amakuru agera ku Umuryango aravuga ko yamaze gushyira umukono ku masezerano n'abamutumiye gutaramira mu Rwanda. Igisigaye ni ugutangira gusohora gahunda y'uko iki gitaramo kizagenda.

    Uyu musore w'imyaka 23 y'amavuko muri Gicurasi 2020 yasohoye EP yise 'Get Layd' iriho indirimbo ye yise 'You' na 'Bad Influence' zamumenyekanishije.

    Tariki 13 Mutarama 2021, yabwiye Ikinyamakuru Teen Vogue ko yagiye gushyira ku isoko iyi EP afite ubwoba bw'uko yashoboraga kutakirwa neza na rubanda.

    Avuga ariko ko ari muri studio yumvaga ifite icyanga biri no mu murongo yihaye wo gukora indirimbo zikora ku marangamutima ya benshi. Ati 'Umuziki wanjye n'ibyo nanyuzemo, ni njye, ni ubuzima bwanjye.'

    Uyu muhanzi yavuze ko ari umugisha ukomeye yagize kuba yarakiranwe yombi mu muziki. Avuga ko Wizkid, Tuface, Davido, Burna Boy n'abandi baharuye inzira bisunze injyana ya Afrobeats byamufashije gukomereza mu murongo batangiye.

    Kuri we asanga ari igitangaza gikomeye Imana yamukoreye kuba ari mu bahanzi bari gucuruza muri Afurika. Nawe yahamije ko umwaka wa 2020 uzaba urwibutso rukomeye kuri we, kuko wabaye intangiriro nziza kuri we.
    Indirimbo “Godly” ya Omah Lay yakunzwe cyane n'abanyarwanda

    Source : https://umuryango.rw/imyidagaduro/article/bwa-mbere-omah-lay-agiye-gutaramira-abanyarwanda

  • Amafoto y’umunsi, abanya-Maroc bakinira Rayon Sports i Bwami ku rusyo basya #rwanda #RwOT

    Uyu munsi Rayon Sports yari yasubiye ku gicumbi i Nyanza aho yashingiwe, abakinnyi bayo bakaba basuye Ingoro y’Amateka y’i Bwami mu Rukari, amafoto y’abanya-Maroc bakinira iyi kipe barimo basya ku rusyo yashimishije benshi.

    Rayon Sports ikaba yari yagiyeyo no mu rwego rwo gukina umukino wa gicuti na Nyanza FC yo mu cyiciro cya kabiri, ariko mbere y’uyu mukino ikaba yasuye Ingoro y’i Bwami mu Rukari aho Abami babaga, barayitambagizwa ndetse basobanurirwa amateka yayo.

    Beretswe aho umwami yabaga, uburiri bwe(igisasiro), ku ruhimbi, ahaterekwaga inzoga, berekwa inka z’i Bwami zizwi ku Izina ry’Inyambo ndetse n’ibindi bice bitandukanye bigize iyi Ngoro.

    Aba bakinnyi bagiye bafata amafoto atandukanye ariko amafoto y’Abanya-Maroc baheruka gusinyira iyi kipe, Rharb Youssef na Lhassaine Ayoub Ait bapfukamye imbere y’urusyo barimo basya niyo arimo kuzenguruka hirya no hino yashimishije Abanyarwanda benshi.

    Umukino wa gicuti wabaye ndetse urangira amakipe yombi anganyije 2-2. Rayon Sports yabarizwaga i Nyanza ari ho iba, yavuyemo nyuma y’umwaka w’imikino wa 2012-2013.

    Youssef arimp gusya

    Byari ibyishimo kuri Ayoub Lhassaine arimo gusya

    Rharb Youssef ari kumwe n’umutahira bifotereza ku Nyambo

    Bifotoreje ku Nyambo, inka z’i Bwami

    Basobanuriwe byinshi

    Source : http://isimbi.rw/siporo/article/amafoto-y-umunsi-abanya-maroc-bakinira-rayon-sports-i-bwami-ku-rusyo-basya

  • Umuraperi Tyga yatawe muri yombi #rwanda #RwOT

    Nk'uko byatangajwe na TMZ ku wa kabiri (12 Ukwakira 2021) , Uyu muraperi w'imyaka 31 y'amavuko yijyanye ku cyicaro cya Polisi mu Mujyi wa Los Angeles agahita atabwa muri yombi. Nyuma yo gutanga ibihumbi 50 by'amadorali yaje gufungurwa kuri uyu wa Kabiri.

    Umuvugizi w'uyu muhanzi witwa Jack Ketsoyan yavuze ko umukiliya we arengana ndetse bikaba bizasobanuka vuba.

    Ku wa Mbere nibwo hamenyekanye inkuru y'uko Camaryn Swanson wahoze akundana n'uyu muhanzi mu rukerera rw'uwo munsi tariki 11 Ukwakira 2021, yasakuzaga ari hanze y'inyubako y'uyu muhanzi.

    Abo mu muryango w'uyu muhanzi bavuze ko byagaragaraga ko uyu mukobwa yasinze ariko Tyga akamureka akinjira bakavugana.

    Ubwo aba bombi binjiraga mu ntonganya Tyga yakubise uyu mukobwa ndetse hari amafoto yagiye hanze nyuma agaragaza umukobwa afite ibikomere mu maso.

    Hari amakuru yavugaga ko Camaryn yaje mu rugo rwa Tyga atatumiwe ariko yifashishije imbuga nkoranyambaga yerekanye ubutumwa bugufi yandikiranye na Tyga mbere yo kujyayo. Hari aho agaragaza ko Tyga yari yamwereye kumwoherereza imodoka iza kumujyana iwe.

    Nyuma nyina w'uyu mukobwa yaje kumucyura, ndetse banahamagara polisi ngo ize kureba ibyabaye.

    Polisi ubwo yazaga mu rugo rwa Tyga yasanze uyu mukobwa afite ibikomere bigaragarira amaso, ndetse itanga raporo y'uko habayeho ihohoterwa ryo mu rugo. Tyga yanze kuvugisha polisi ahitamo kujya ku cyicaro cyayo ngo ababwire uruhande rwe ari nabwo yahise atabwa muri yombi.

    Tyga na Camaryn bakundanye mu ntangiriro za 2020, batangira kubigaragaza muri Werurwe uwo mwaka.

    Refe:https:.myjoyonline.com

    Source : https://umuryango.rw/imyidagaduro/article/umuraperi-tyga-yatwe-muri-yombi

  • Mu gihe utangiye gukora ibi bintu ,uzamenye ko watangiye guca inyuma umukunzi wawe. – YEGOB #rwanda #RwOT

    Hari ibintu byakwereka ko watangiye guca inyuma uwo mwashakanye nkuko tubikesha Elcrema urubuga ruvuga ku bijyanye n'urukundo.

    1.Kurangazwa n'ibyo ukunda ku wundi muntu

    Hari igihe umuntu aba afite ibyo batashakanye bikagera aho bimutwara umutima. Muri byo twavuga nko ku myambarire, inseko, ingendo,… kuko byagukurura ukifuza kuryamana n'uwo ubibonana.

    Ushobora no kurangazwa n'uko umuntu ukuganiriza bitewe n'amagambo aba akubwira, hari abarengera bagatangira kujya babwirana imivugo n'indirimbo zivuga ku byiza by'undi. Niba utangiye kujya ugirana ibiganiro n'undi muntu mutashakanye bimeze bityo, jya utangira gukenga uwo ukwitaho akakubyinirira ataragushatse.

    2.Kwemera impano nyinshi z'umuntu atanga bidasobanutse

    Burya impano ni ikintu cyiza ariko mu gihe nyacyo. Abantu benshi mu bagore n'abagabo iyo bashaka kwigarurira imitima y'abo bafitiye irari bakoresha impano, bakaziherekesha amagambo meza ataka abo bazihaye.

    Niba umuntu aguhaye impano kabiri gatatu, ukwiye kubitekereza neza ukibaza ngo uyu muntu arashaka kugera kuki ? Ntituvuze ko umuntu mutashakanye ataguha impano ariko iyi nta kibiri inyuma ayigihera mu ruhame ku buryo nawe utagira isoni zo kwibibwira abagize umuryango.

    3.Kugirana ibiganiro n'undi muntu biganisha ku mibonano mpuzabitsina

    Iyo umuntu ashaka ko muganira ku bijyanye n'imibonano mpuzabitsina cyangwa se akakuzanira amafilimi y'urukozasoni, ukwiye kumenya hakiri kare ko uyu muntu nta kindi kimuri ku mutima usibye kugusenyera akagushyira mu mutego wo guca inyuma uwo mwashakanye.

    4.Gushyikirana n'undi muntu kenshi kandi mu bwihugiko

    Niba umuntu agusaba kugirana nawe umushyikirano ahantu hatari ku mugaragaro ujye ugira amakenga kuko niyo nta jambo yaba yarigeze agutungukiriza ribi, ahantu muri hashobora kubabera intandaro yo gukurura ibyo mutari mwateguye.

    5.Gusohokana n'undi muntu kandi uwo mubana atabizi

    ikintu kigutera guhisha uwo mwashakanye aho usohokeye n'uwo musohokanye gishobora kukugeza habi haba mu kugukururira guca inyuma uwo mwashakanye cyangwa se mu kagirana amakimbirane kuko ashobora kubimenya mu gihe wibwiraga ngo mwamwihishe.

    Ibindi biganisha guca inyuma uwo mwashakanye:

    • Kwemera gukorakorwa n'undi muntu utari uwo mwashakanye

    • Gusomana n'undi muntu utari uwo mwashakanye cyane cyane muri ahantu hiherereye

    Source : https://yegob.rw/mu-gihe-utangiye-gukora-ibi-bintu-uzamenye-ko-watangiye-guca-inyuma-umukunzi-wawe/

  • Umusirikare mukuru mu barinda Perezida yandiganyije isambu, ndatakamba – Biberabagabo #rwanda #RwOT

    Biberabagabo aherutse kwandikira Perezida wa Repubulika agaragaza akarengane yakorewe n’uyu musirikare, bishingiye ku isambu yaguze muri cyamunara mu mwaka wa 2010, bishingiye ku rubanza rwa Gacaca rwaciriwe Nzirorera Joseph wahoze ari Minisitiri akaba yari na Perezida wa MRND. Biberabagabo agaragaza ko yatsindiye isambu muri cyamunara ariko akaza gutungurwa n’uko igice cyayo cyaje kwigarurirwa na Lt Col Sarambuye Theoneste, uyu we akaba agaragaza ko ubwo butaka yabuhawe mu isaranganya.

    Impapuro twabashije kubonera kopi zikubiye mu bimenyetso Biberabagabo yahaye Perezida Kagame mu rwandiko yamwandikiye, zigaragaza ko yamutsinze mu rubanza mbonezamubano, hanyuma Lt Col Theoneste Sarambuye akaza guhita amurega icyaha cy’uko yakoresheje inyandiko mpimbano.

    REBA VIDEO Y’IKIGANIRO TWAGIRANYE ABISOBANURA BYOSE HANO :

    Mu butumwa bwe, Biberabagabo ati : “Nyakubahwa Perezida wa Repubulika, ndabatakambira mbasaba ko narenganurwa nkahabwa ubutabera buboneye, cyane ko Col Sarambuye tuburana yitwaza igitinyiro afite agakoresha bamwe mubari mu nzego z’ubuyobozi, iz’umutekano n’iz’ubutabera. Ndabashimiye Nyakubahwa”

    Biberabagabo agaragaza ko akarengane akomeje kugirirwa gaterwa n’uko aburana n’umuntu ufite ububasha kandi ukoresha inzego zitandukanye, kuburyo ngo nko kubona ajya mu rukiko afite imbunda yo mu bwoko bwa masotera bigaragaza ko n’abacamanza bagira ubwoba bwo guca urubanza mu buryo butabera kubera igitinyiro afite.

    Akomeza agira ati : “Niyambaje Inkiko nza gutsindira iyo sambu, kuva ubwo ntangira gutotezwa, guterwa ubwoba ndetse aramfungisha akoresheje Lt Karemera wa Republican Guard n’abakozi ba RIB. Nandikiye ubuyobozi bw’ingabo nsaba kurenganurwa no kwishinganisha, ariko sinabona igisubizo, n’ibaruwa najyanye ku mutwe w’ingabo za Republican Guard banze kuyakira”

    Ibaruwa Biberabagabo yandikiye Perezida Kagame amutakambira

    REBA VIDEO Y’IKIGANIRO TWAGIRANYE ABISOBANURA BYOSE HANO :

    Source : http://www.ukwezi.rw/mu-rwanda/3/article/Umusirikare-mukuru-mu-barinda-Perezida-yandiganyije-isambu-ndatakamba-Biberabagabo

  • Bite bya Kwizera Olivier? Arerekeza he? Kugaruka muri Rayon Sports abivugaho iki? #rwanda #RwOT

    Umunyezamu kwizera Olivier avuga ko atarafata umwanzuro w’ikipe azerekezamo kuko na Rayon Sports bataricarana ngo bagire ibyo bumvikana, nibyanga abe yajya ahandi.

    Kwizera Olivier ni umunyezamu uvuga ko nta masezerano ya Rayon Sports afite, ni mu gihe iyi kipe ihamya ko ubwo yamusinyishaga mu mpeshyi ya 2020 yamusinyishije umwaka umwe w’amasezerano ariko hakaba harimo ingingo ivuga ko nurangira aya masezerano azahita yiyongera bidasabye ibindi biganiro agahabwa nk’ibyo yahawe asinya bwa mbere(umushahara na recruitment).

    Muri icyo gihe uyu munyezamu yabiteye utwatsi ndetse abwira ISIMBI ko kuva yasinya atigeze ahabwa kopi y’amasezerano ye, yagiye ayisaba ariko ntayihabwe.

    Kugeza uyu munsi benshi baribaza akazoza k’uyu munyezamu, mu kiganiro yahaye ikinyamakuru ISIMBI, yavuze ko hari ibitaratungana ariko bigomba kurangirana n’iki cyumweru akamenya aho yerekeza.

    Ati 'ntabwo ndahamenya ariko birarangirana n’iyi weekend, nibwo nzamenya aho nerekeza.'

    Kuba yasubira mu ikipe ya Rayon Sports, uyu munyezamu yavuze ko ibiganiro bitararangira kuko bagomba kwicarana bakagira ibyo bameranywa.

    Ati 'ntabwo birarangira, ndacyategereje nyine ngo ndebe. Harabura kumvikana ngo turebe icyo duhurizaho. Tugomba kubanza tukicarana ku mpande zombi tukagira ibyo twabasha kuba twahurizaho. Njye nta masezerano ya Rayon Sports mfite.'

    Mu minsi ishize umutoza wa Rayon Sports, Irambona Masudi Djuma yagiye kureba uyu munyezamu kugira ngo amwumvishe abe yaza muri Rayon Sports ariko uyu mutoza yirinze kuba yatangaza ibyo bavuganye.

    Kwizera Olivier ku kuba hari indi kipe bari mu biganiro, yirinze kuba yabivugaho. Olivier nta kipe afite mu gihe ku wa Mbere tariki ya 18 Ukwakira 2021 ari bwo isoko ry’abakinnyi mu Rwanda rizafungwa.

    Kwizera Olivier avuga ko ibiganiro bye na Rayon Sports ntacyo biratanga

    Source : http://isimbi.rw/siporo/article/bite-bya-kwizera-olivier-arerekeza-he-kugaruka-muri-rayon-sports-abivugaho-iki