Author: webrwanda

Rigamije kunoza uburyo bwari busanzwe mu kugenzura ubwishingizi bw'ibinyabiziga byambukiranya imipaka muri gahunda y'imigenderanire n'imihahirane nk'impamvu nyamukuru COMESA yagiyeho.

Comesa Yellow Card ni ubwishingizi bw'ibinyabiziga bukoreshwa mu bihugu 13 byose bihuriye muri uyu muryango ari byo, u Burundi, Djibouti, RDC , Eritrea, Ethiopia, Kenya, Malawi, Sudani, Tanzania, Uganda, Zambia, Zimbabwe n'u Rwanda.

Nk'uko bisanzwe, buri mushoferi w'imodoka aba afite ubwishingizi, ariko ikibazo kibaho ni uko aba abufite mu gihugu cye, bugatakaza agaciro mu kindi gihugu. Aha ni ho havuye igitekerezo cyo gushyiraho Comesa Yellow Card.

Ubukoresha abasha kugenda mu bihugu byose bihuriye ku gukoresha Comesa Yellow Card, kandi adasabwe kugura ubundi bwishingizi. Iyo agize ikintu cy'abandi yangiza mu kindi gihugu, byishyurwa n'abahagarariye Comesa Yellow Card muri icyo gihugu nta nkomyi.

Kwishyurwa bikorwa n'ikigo cy'ubwishingizi gihagarariye Comesa Yellow Card muri bya bihugu bigize Comesa.
Mu Rwanda, icyo kigo ni Sonarwa General.

Mu rwego rwo gukomeza kurinda umutekano wa Comesa Yellow Card, hatangijwe uburyo bwo gukoresha ikoranabuhanga mu rwego rwo kunoza imikorere yayo.

Ku wa 30 Nyakanga 2025, nibwo Ikigo cy'Ubwishingizi cya Sonarwa General ihagarariye Comesa Yellow Card mu Rwanda yamuritse ikoranabuhanga rizajya ryifashishwa mu kugenzura ko ibinyabiziga byo muri uyu muryango bifite ubwishingizi bwujuje ubuziranenge, ni ukuvuga ngo butarengeje igihe n'ibindi.

Umuyobozi Mukuru wa Sonarwa General Insurance, Kamanzi Charlotte, yavuze ko uburyo bushya bw'ikoranabuhanga bwafunguwe, bugiye kujya bwifashishwa mu kumenya neza uko imodoka zaje mu Rwanda zifite ubwishingizi bwujuje ubuziranenge.

Ati 'Bazajya bakoresha telefoni kandi ntabwo ari ngombwa ko umuntu aba afite interineti kubera ko bazajya bakanda *801*50# bakurikize amabwiriza, kugeza babonye ko ubwishingizi imodoka igaragaza ari bwo bwujuje ibisabwa.'

Umuyobozi Mukuru w'Akanama k'Ibiro by'Ubunyamabanga bwa Comesa, yavuze ko ikoranabuhanga rije ari igisubizo cyiza mu kugenzura ko ubwishingizi bw'ibinyabiziga byo muri uyu muryango byujuje ibisabwa.

Ati 'Bizadufasha gusuzuma niba icyangombwa gifite agaciro bituma wumva utekanye. Uba uzi ko ufite ubwishingizi bityo ubaye ukoze impanuka, ushobora kwishyurwa.”

Yakomeje avuga ko akandi kamaro nyamukuru k'iri koranabuhanga ari ukugabanya ibyangombwa by'ibihimbano byakunze kugaragara.

Umuyobozi ushinzwe Ubucuruzi n'Ishoramari muri Minisiteri y'Ubucuruzi n'Inganda, Hategekimana Ntawebasa Doreen, yavuze ko iri koranabuhanga rizafasha no gukomeza ubuhahirane n'imikoranire hagati y'ibihugu byo muri Comesa.

Mu myaka 50 ishize, Ikigo cy'Ubwishingizi cya SONARWA General Insurance Company Ltd, kimaze kuba kuba umufatanyabikorwa wizewe no kuba indashyikirwa mu mitangire ya serivisi.

Comesa ni Umuryango w'Isoko Rusange ry'Ibihugu bya Afurika y'Iburasirazuba n'Amajyepfo watangiye mu 1994 gusa u Rwanda rwawugiyemo mu 2004.

Ibihugu biwurimo ni u Burundi, u Rwanda, Comores, Repubulika Iharanira Demokarasi ya Congo, Djibouti, Misiri, Eritrea, Ethiopia, Kenya, Libya, Madagascar, Malawi, Ibirwa bya Maurice, Seychelles, Sudani, Eswatini, Uganda, Zambia na Zimbabwe.

Abayobozi batandukanye bitabiriye igikorwa cyo kumurika iri koranabuhanga

Abitabiriye iki gikorwa bari bishimiye ikoranabuhanga rigiye kubafasha mu kugenzura ko ubwishingizi bw’ibinyabiziga byujuje ubuziranenge

Umuyobozi Mukuru wa Sonarwa General Insurance, Kamanzi Charlotte, yavuze ko uburyo bushya bw'ikoranabuhanga bwafunguwe bugiye kujya bwifashishwa mu kumenya neza y'uko imodoka zaje mu Rwanda zifite ubwishingizi bwujuje ubuziranenge

Urugwiro rwari rwose hagati y’abayobozi bitabiriye iki gikorwa

Ibi yabitangarije mu Karere ka Musanze, kuri Sitade Ubworoherane ahabereye ibirori byo kwizihiza Umunsi Mukuru w'Umuganura wa 2025.

Ni umunsi waranzwe n'imurika ry'ibikorwa bitandukanye bibyara umusaruro, herekanwa umusaruro mu bikorwa birimo inganda, ubuhinzi, ubukerarugendo, uburezi n'ibindi.

Umuyobozi w'Akarere ka Musanze, Nsengimana Claudien, yagaragaje ko abatuye aka Karere bageze kuri byinshi birimo hoteli 44, ubwiyongere bw'umusaruro w'inganda, ubuhinzi n'ibindi.

Tuyishime King Evariste ni umwe mu rubyiruko rwashinze ikigo kitwa Nzerwa Bambou Product Ltd aho yasangije abitabiriye ibi birori bimwe mu byo yagezeho, dore ko atunganya ibikoresho bitandukanye mu mugano, birimo intebe n'ibindi.

Ati “Dukora intebe, utubati, ameza, imitako n'ibindi mu migano bakabikunda, ndetse byabaye umuco ko ubukwe budakoreshejwe umugano butaba buryoheye ijisho.”

Tuyishime watangiranye abakozi bane gusa, nyuma yo gufashwa muri gahunda ya Youth Connekt, yahise azamura umubare wabo, ubu bamaze kuba 10.

Minisitiri w'Ubutegetsi bw'Igihugu, Habimana Dominique, yagaragaje ko Umuganura atari ugusangira gusa, ahubwo ari igihe cyo gutekereza no gukora igenamigambi rihamye.

Ati “Umuganura si ugusangira gusa, ahubwo ni igikorwa cy'umwaka wose. Ni igihe cyo gukora ingengo y'imari, gutegura ibikorwa no guhiga ibizakorwa, noneho hakazamo no kwishimira ibyagezweho.'

Yanagaragaje kandi Umuganura nk'umurunga uhuza Abanyarwanda. Ati “Umuganura ni urufunguzo rw'ubumwe bw'Abanyarwanda gusa, ni uguhamya ko twese duturuka ku muzi umwe no kwemera indangagaciro dusangiye zo gukunda umurimo kuko nta wuganura ibyo atakoze, gukunda igihugu, kwigira n'ubudaheranwa.”

Umuganura w'uyu mwaka wari ufite insanganyamatsiko igira iti “Umuganura, Isoko y'Ubumwe n'Ishingiro ryo Kwigira.”

Minisitiri w’Ubutegetsi bw’Igihugu, Habimana Dominique, yagaragaje ko Umuganura atari ugusangira gusa, ahubwo ari igihe cyo gutekereza no gukora igenamigambi rihamye

Umuyobozi w’Akarere ka Musanze, Nsengimana Claudien, yagaragaje ko abatuye aka Karere bageze kuri byinshi

Tuyishime King Evariste ni umwe mu rubyiruko rwashinze ikigo kitwa Nzerwa Bambou Product Ltd aho yasangije abitabiriye ibi birori bimwe mu byo yagezeho

Bahire Eva Joanna yavuze umuvugo washimishije benshi

Itorero Urukerereza ryashimishije benshi

Hateguwe ibyo kunywa byibutsa ibyabonekaga mu Rwanda rwa kera

Abana bahawe amata mu rwego rwo kwishimira Umunsi Mukuru w’Umuganura

Aba bagabo bafashwe ku wa 31 Nyakanga 2025. Umwe muri aba bagabo ufite imyaka 40 wo mu Murenge wa Jabana mu Kagali ka Kidashya, yafatiwe mu rugo iwe afite ikilo cy'urumogi na litiro 6,5 za kanyanga yacuruzaga.

Abandi babiri barimo uw'imyaka 38 n'uwa 40 bafatiwe mu Karere ka Kicukiro mu Murenge wa Gahanga bafite ibilo bine by'urumogi na bule 176.
‎
‎Umuvugizi wa Polisi mu Mujyi wa Kigali, CIP Wellars Gahonzire, yabwiye IGIHE ko bose bafungiye kuri sitasiyo z'aho bafatiwe kugira ngo bakorerwe dosiye bajyanwe mu bugenzacyaha.‎
‎
Ati 'Polisi ifatanyije n'izindi nzego z'umutekano ndetse n'abaturage, yahagurukiye abantu bacuruza ibiyobyabwenge by'urumogi na kanyanga mu Mujyi wa Kigali ndetse n'ahandi hose mu gihugu kuko byagaragaye ko bigira ingaruka ku buzima bw'abaturage ndetse no guhungabanya umutekano ku babinyweye. Ikindi ni uko binabujijwe mu Rwanda kandi bihanwa n'amategeko.'
‎
CIP Gahonzire yasabye abishora mu biyobyabwenge kubireka kuko amayeri yose bakoresha yamenyekanye.

Ati 'Nibashake ibindi bakora kuko ibiyobyabwenge bitagukiza ahubwo byagusubiza inyuma.'
‎
‎

Hari uwafatanywe ikilo cy’urumogi na kanyanga muri Gasabo

Abandi bafatanywe urumogi bacuruzaga muri Kicukiro

Byatangajwe kuri uyu wa 1 Kanama 2025, mu nama ngarukamwaka y'Inteko Rusange ya TDB Group, yateraniye i Kigali, byahujwe no kwizihiza isabukuru y'imyaka 40 iyi Banki imaze.

Minisitiri w'Imari n'Igenamigambi, Yusuf Murangwa, yashimye uruhare rw'iyi banki mu iterambere ry'ibihugu binyamuryango kuva yashingwa mu 1985.

Ati “Kugeza ubu,hamaze gushorwa arenga miliyari 10 z'amadolari ya Amerika mu bihugu binyamuryango, aho banki yagiye itanga inguzanyo zigamije guteza imbere ibikorwa by'ingenzi birimo guteza imbere ubucuruzi, ibikorwa remezo, ubuvuzi, ingufu zisukuye, ubuhinzi n'inganda.”

“Mu Rwanda, Banki Nyafurika y'Ubucuruzi n'Iterambere, yabaye umufatanyabikorwa udatenguha mu rugendo rwacu rwo guteza imbere ubukungu, aho yafashije mu ishoramari ryaba irya leta n'iry'abikorera. Hari ishoramari riagaragara, by'umwihariko nko mu rwego rwo gutwara abantu n'ibintu, haba mu muhanda no mu kirere, gutera inkunga ibigo by'imari bifasha mu gutanga inguzanyo, imishinga y'ubuvuzi, ndetse n'ibigo bito n'ibiciriritse.”

Iyi nama y'Inteko Rusange yitabiriwe n'abarenga 300 baturutse mu bihugu bitandukanye n'abahagarariye ibigo binyuranye birimo amabanki.

Pariki ya Nyandungu yahawe iyi nkunga, iherutse no guhabwa igihembo mpuzamahanga cya 'Star Wetland Centre Award for Biodiversity' gihabwa ahantu nyaburanga higisha ibyiza byo kubungabunga ibidukikije n'urusobe rw'ibinyabuzima.

Pariki ya Nyandungu yafunguwe ku mugaragaro muri Nyakanga 2022, nyuma y'imyaka itandatu igishanga iherereyemo gitunganywa. Ifite ubuso bwa hegitari 121 zirimo hegitari 70 z'igishanga na hegitari 50 z'ishyamba. Ibamo ibimera by'amoko arenga 60 n'inyoni z'amoko arenga 100.

Iyi Pariki igizwe n'ibice bitandukanye birimo icy'ibimera byifashishwa mu buvuzi, ubusitani bwitwa 'Pope's Garden', ibyuzi bitanu byororerwamo amafi, ibyuzi bitatu byo kogeramo, ahatangirwa amakuru, resitora igezweho ndetse n'inzira y'ibilometero 10 inyuramo abanyamaguru n'amagare.

Umuyobozi wa Pariki ya Nyandungu, Kambogo Ildephonse, aherutse gusobanura ko abayisura bagenda biyongera umwaka ku wundi, kuko bavuye ku 48.813 mu 2022 bagera ku 67.222 mu 2023, bagera ku 76.754 mu 2024.

Yagize ati 'Abaturage bo mu Rwanda bagize 70% by'abasura iyi Pariki. Abanyamahanga batuye mu Rwanda ni 20%, na ho ba mukerarugendo baturuka mu bindi bihugu mu 10%.'

Leta y'u Rwanda ifite gahunda yo kongera ubuso bw'iyi Pariki ho hegitari 43. Ni umushinga uzajyana no gutunganya ibindi bishanga bine birimo icya Nyabugogo. Gikondo, Kibumba na Rugenge, ku buryo bizaba ahantu heza ho kuruhukira.

Minisitiri Murangwa yashimye uruhare rwa TDB Group mu iterambere ry’ibihugu binyamuryango

Iyi nama y’Inteko Rusange ya TDB Group yitabiriwe n’abarenga 300 baturutse mu bihugu bitandukanye

Yabitangaje kuri uyu wa 1 Kanama 2025, ubwo yafunguraga ku mugaragaro inama y'Inteko Rusange ya 2025 ya TDB Group ndetse n'ibirori byo kwizihiza imyaka 40 iyi banki Banki Nyafurika y'Ubucuruzi n'Iterambere imaze.

Minisitiri w'Intebe, Dr. Nsengiyumva yagaragaje ko kugira ngo Afurika igere ku iterambere rirambye, hari inzego eshatu igomba kwibandaho.

Ati “Icya mbere, dukeneye byihutirwa gushyiraho ishoramari mu mihanda, ibyambu, ndetse n'ibikorwaremezo by'amashanyarazi, kugira ngo dushyigikire ubuhahirane bwa Afurika, kwihutisha ukwihuza kwa Afurika, ndetse no gushyikira ihangana mu bucuruzi.”

“Icya kabiri, kuko ubuhinzi buri ku ruhembe mu kuzamura ubukungu bw'ibihugu byacu, dukwiye gushyira imbaraga gushora imari mu bikorwa bitangiza ibidukikije, ndetse n'uburyo bwo guhinga bwihanganira ihindagurika ry'ikirere, kugira ngo tubashe kwihaza mu biribwa.”

Dr. Nsengiyumva yakomeje avuga ko icya gatatu gikwiye kwibandwaho ari uko “Dukwiye kongera inkunga tugenera ibigo bito n'ibiciriritse, by'umwihariko ibiyobowe n'abagore n'urubyiruko, kuko ari bo bakunze guhura n'imbogamizi y'amafaranga. Gushyikira ibyo byiciro bizasembura guhanga udushya, bizatanga imirimo, ndetse binatanga iterambere ridaheza kandi rirambye.”

Minisitiri w'Intebe, yashimye uruhare rwa Banki Nyafurika y'Ubucuruzi n'Iterambere (TDB Group) mu gushyigikira ukwihuza kwa Afurika, ubucuruzi ndetse n'iterambere rihuriweho kandi rirambye ry'ibihugu bya Afurika birimo n'u Rwanda.

Yashimangiye ko iyi banki ikomeje kuba ingenzi mu gushyigikira ishoramari rikenewe n'imishinga izana impinduka zigaragara cyane cyane mu guteza imbere ibikorwaremezo, ubuhinzi n'ibigo bito n'ibiciriritse, nk'inkingi z'ingenzi zizafasha umugabane kugira ahazaza heza.

Yagize ati “Mu myaka 40 ishize, TDB Group yagize uruhare rukomeye muri Afurika, mu gushyikira iterambere binyuze mu gutanga amafaranga yafashije mu kuzana impinduka nziza mu buzima, ubuhinzi, ibikorwaremezo, ndetse no kubungabunga ibidukikije.”

“Iyi sabukuru y'imyaka 40, ntabwo yerekana gusa ibigwi byivugira by'iyi banki, ahubwo inahamya gushyigikira ukwihuza kwa Afurika, ubucuruzi ndetse n'iterambere rihuriweho kandi rirambye.”

Minisitiri w'Intebe Dr. Nsengiyumva yagaragaje ko nubwo Afurika yagiye ihura n'ibizazane byagiye bikoma mu nkokora urugendo rwayo rw'iterambere, nka Covid-19, ndetse n'igabanyuka ry'inkunga mvamahanga, Afurika yerekanye ubudatezuka.

Ati “Mu 2024 ubukungu bw'umugabane bwazamutseho 3,2%, ubucuruzi bwongeye kuzahuka buvuye ku igabanuka rya 5,4% mu 2023 bugera ku izamuka rya 13,9% mu 2024. Iyo turebye imbere, ahazaza haratanga icyizere, biteganyijwe ko izamuka ry'ubukungu bwa Afurika rizagera kuri 3,9% mu 2025 na 4,1% mu 2026, mu gihe mu gice cya TDB Group buzazamuka kuri 4,3% mu 2025 na 5,1% mu 2026.”

Yavuze ko mu izingiro ry'izi mpinduka mu iterambere ry'ubukungu bwa Afurika hari Isoko Rusange rya Afurika (AFCFTA), igaragaza uburyo buhamye bwo kubona impinduka zisobanutse kandi zirambye.

Yagaragaje ko kugira ngo ibyo bigerweho hakenewe ubuyobozi bwiza muri iyo mishinga, ndetse n'ubushake bwa politiki bw'ibihugu.

Minisitiri w'Intebe, yavuze ko u Rwanda rwishimira kuba ruri mu bayamuryango 11 batangije TDB Group, ashima ko yagiye igira uruhare by'umwihariko mu rugamba rw'iterambere ry'u Rwanda.

Yagize ati “Mu bihe bitandukanye iyi banki yagiye itanga inkunga n'inguzanyo kugeza kuri miliyari y'amadolari ya Amerika, agamije gushyikira ibikorwa birimo ubwikorezi, indege, ibikorwa remezo, ndetse n'ubuhinzi.”

“Mu by'ingenzi TDB yafashije, harimo ko yagize uruhare rukomeye mu guteza imbere ibyo u Rwanda rwohereza mu mahanga, kuva ku gutera inkunga inganda zikora ibyoherezwa mu mahanga, kugeza ku gushyigikira RwandAir, sosiyete y'indege yacu ndetse inatwara imizigo.”

Yongeyeho ko ishoramari ryayo rifatika mu ngufu zisubira ndetse n'ubuzima, by'umwihariko mu gushora mu rugamba rukora inkingo, byatumye u Rwanda rudakomeza kurangamira gusa ibiva mu mahanga.

Dr. Nsengiyumva yasabye abikorera kubyaza umusaruro amahirwe y'iyi banki, kuko muri miliyari 36 $ yashoye ku mugabane, u Rwanda rufitemo gusa miliyari 1 $, avuga ko atari byiza cyane.

Minisitiri w’Intebe Dr. Nsengiyumva yagaragaje inzego eshatu zikwiye guhabwa imbaraga, mu gufasha iterambere rya Afurika

Inama y’Inteko Rusange ya TDB Group iteraniye mu Rwanda, kuva kuri uyu wa 1 Kanama 2025

Iyi nama yitabiriwe n’abarenga 300 baturutse mu bihugu bitandukanye bya Afurika

Umuyobozi Mukuru wa RDB, Jean-Guy Afrika na we yari muri iyi nama

Munyakazi Sadate na we yari muri iyi nama itangiza Inteko Rusange ya TDB Group

Minisitiri muri MINECOFIN, Murangwa Yusuf (ibumoso), Minisitiri w’Intebe, Dr. Nsengiyumva Justin (hagati) na Admassu, Perezida wa TDB Group

Guverineri wa Banki Nkuru y’Igihugu, Hakuziyaremye Soraya, na we yari muri iyi nama

Iyi baruwa yanditswe ku wa 17 Nyakanga 2025, bigaragara ko yari yandikiwe Iradukunda Benjamin, usanzwe ashinzwe imyitwarire y'abanyeshuri (Animateur).

Ni ibaruwa yarimo amagambo akakaye, isa n'itesha agaciro uwo mukozi, cyane ko hari aho uyu muyobozi yanditse ko Iradukunda 'arutwa n'udahari' n'ibindi.

Mu kiganiro yagiranye na TV1, Nambajimana yasabye imbabazi ku magambo akakaye yakoresheje, avuga ko atari akwiriye gukoreshwa abwirwa umuntu ndetse ko nta rundi rwango yabikoranye.

Ati 'Nabanza gusabira imbabazi amagambo yumvikanye muri iriya baruwa, yaba ari Iradukunda Benjamin musabye imbabazi n'abandi bose basomye iriya baruwa. Ariya magambo ntabwo yari akwiriye rwose ubwo mwambabarira.'

Nambajimana yavuze ko intandaro yo kwandika iriya baruwa, yari amakosa yagiye agaragara kuri uyu mukozi ayobora mu bihe bitandukanye.

Byahumiye ku mirari igihe Iradukunda yaherekezaga abanyeshuri bari bagiye mu biruhuko kuri Gare ya Rusizi. Hari ku wa 30 Kamena 2025.

Nambajimana yavuze ko Iradukunda yavuyeyo ntiyagaruka mu kazi ntawe yamenyesheje, kandi abandi banyeshuri bari basigaye mu bizamini bya leta baragombaga kwitabwaho.

Iradukunda yamaze hafi iminsi ine, agaruka ku wa 04 Nyakanga 2025, Akanama gashinzwe imyitwarire muri iri shuri kemeza ko agomba kugawa, Umuyobozi w'Ishuri abikora abinyujije mu ibaruwa yagaragaye ku mbuga nkoranyambaga.

Ati 'Kandi nari ndi mu kigo ntiyambwira ko agiye ngo twite ku bandi bana basigaye. Mu kumwandikira nibutse n'ibyagiye bikorwa kandi tugerageza kumuhendahenda, bituma nandika muri buriya buryo busa nk'aho bushaririye.'

Nambajimana yavuze ko nta rundi rwango yabikoranye, yisegura kuri buri wese wamutekereje uko atari, ko ibyo yanditse yabitewe no guharanira inyungu z'akazi.

Umuyobozi w'Akarere ka Rusizi, Sindayiheba Phanuel, na we yari yanenze imvugo yakoreshejwe muri iriya baruwa ndetse avuga ko ubuyobozi bugiye gukurikirana icyo kibazo.

Ati 'Inyandiko imeze kuriya ntikwiriye kuba yakoreshwa n'Umunyarwanda cyangwa se n'undi wese wiyubaha kandi ukwiriye kubaha na mugenzi we.'

Yavuze ko bateganya guhura n'abagiranye ikibazo, harebwe igikwiriye gukorwa hakurikijwe icyo amategeko ateganya ku bijyanye n'abakozi ba Leta, by'umwihariko abo mu burezi.

Umuyobozi wa College La Lumière de Gashonga TSS, Nambajimana Pie yasabye imbabazi ku ibaruwa aherutse kwandikira umukozi we ntivugweho rumwe

MINEDUC yagaragaje ko umubare munini w'abarimu basabye guhindurirwa aho bakorera ari abakorera mu Karere ka Rusizi bangana na 132, mu gihe Akarere ka Kicukiro ari ko gafite umubare muto w'abarimu bashaka guhindura aho bakorera bangana na 18.

Iyi mibare kandi igaragaza ko umubare munini w'abarimu basabye guhindurirwa aho bakorera basabye kujya mu Mujyi wa Kigali, bangana na 641, muri bo 272 basabye kujya mu Karere ka Gasabo mu gihe abasabye kuva muri Gasabo ari 48.

Byiringiro Jean Claude wigisha mu mashuri abanza mu Karere ka Kirehe yavuze ko ashaka guhindurirwa aho akorera kuko umuryango we utuye mu Mujyi wa Kigali.

Avuga ko kuba atuye kure y'umuryango bimugora mu buryo bw'amikoro kuko aba ameze nk'utunze ingo ebyiri.

Ati 'Biragoye guhora ubona amatike ya buri 'weekend' wagiye gusura umuryango. Uba umeze nk'utunze ingo ebyiri, ku buryo ibigutunga uri kure y'umuryango byagakwiye kuba bibatunze muri kumwe nk'umuryango noneho na rya terambere rikaba ryagerwaho, ariko ubu biragoye.'

Uwamahoro Liliane, wigisha mu Karere ka Rusizi yavuze ko ku babyeyi b'abagore bo biba bigoye cyane kuko batabasha gukurikirana imiryango n'abana babo uko bikwiye bigatuma na bo hari igihe batigisha neza.

Yagize ati ' Hari nk'igihe baguhamagara bakubwira ko umwana atameze neza, ararwaye se, ariko ukaba uri ahantu utabasha guhita umugeraho, bigatuma ukora akazi kawe nabi, bityo na wa mwana uri kwigisha ntabone ibyo agomba guhabwa neza.'

Muri rusange abarimu basabye kwimurwa mu 2024, 751 ni bo bonyine babashije kwimurwa.

Minisitiri w'Uburezi, Joseph Nsengimana, yavuze ko ikibazo cy'abasaba guhindurirwa aho bakora gikomeye cyane, agaragaza ko atari uko banga guhindurirwa ahubwo ari uko biba bidashoboka.

Ati 'Niba abantu barenga 272 bashaka kujya mu Karere ka Gasabo, abantu 48 ari bo bonyine bashaka kuhava, urumva ko ababisabye bose batazabibona ntibishoboka.'

Minisitiri Nsengimana yatangaje ko hari kurebwa uburyo uburezi bwatangwa, umwana agahabwa uburezi ariko hanitabwa ku kibazo cy'abasaba guhindurirwa hagendewe ku bishoboka.

Yasobanuye kandi ko kugira ngo umuntu yemererwe guhindura aho akorera bisaba kuba amaze imyaka itatu mu mwuga, ariko avuga ko nanone guhora uhindura aho umwarimu akorera bidindiza iterambere rye mu kazi, ririmo no kuzamurwa mu ntera (vertical promotion).

Ati 'Uramutse wimuye umwarimu buri mwaka. Aho uhera ukora ubugenzuzi ngo azamurwe mu ntera biragorana ariko iyo ari ku kigo kimwe akahamara imyaka itatu anahava azamuwe mu ntera kugira ngo atere imbere.'

Minisitiri Nsengimana yavuze ko guhora umwarimu yimurwa binahungabanya uburezi muri rusange, agaragaza ko ari yo mpamvu bahisemo imyaka itatu kugira ngo ahindurirwe ikigo biramutse bikunze.

Kugeza ubu mu Rwanda habarurwa abarimu 107.741, barimo abagore 57.273 n'abagabo 50.468. Muri bo 64.110 bigisha mu mashuri abanza, 34.379 bigisha mu mashuri yisumbuye, naho 9.252 bigisha mu mashuri y'incuke.

Minisitiri w’Uburezi, Joseph Nsengimana yavuze ko ikibazo cy’abarimu basaba guhindurirwa aho bakora kizwi ndetse ko kiri gushakirwa umuti

Itangazo ry'Ingabo z'u Rwanda ryo ku wa 31 Nyakanga 2025 rigaragaza ko uruzinduko rw'aba basirikare rwatangiye ku wa 28 Nyakanga rukazageza ku 8 Kanama 2025.

Umuvugizi w'Ingabo z'u Rwanda, Brig Gen Ronald Rwivanga yagaragarije aba basirikare urugendo rwa RDF kuva imaze kubohora igihugu no guhagarika Jenoside yakorewe Abatutsi, kugeza ibaye ingabo zikora kinyamwuga.

Yagaragaje ko Ingabo z'u Rwanda zifite inshingano zo kurinda ubusugire bw'igihugu, gufasha mu iterambere ry'ubukungu n'imibereho myiza no kubungabunga amahoro mu karere no ku Isi.

Brig Gen Narinda Dissanayeke uyoboye itsinda ry'abasirikare ba Sri Lanka yavuze ko urugendo rwabo rugamije kwiga uburyo igihugu gikoresha mu rugamba rw'iterambere no kwiga imiyoborere n'imikorere bya RDF.

Ati 'Twishimiye kwiga amateka y'u Rwanda by'umwihariko aya Jenoside yakorewe Abatutsi, no gusobanukirwa uburyo igihugu cyiyubatse kivuye mu mateka mabi.'

Aba basirikare bo muri Sri Lanka basuye Urwibutso rwa Jenoside rwa Kigali, bunamira Abatutsi barenga ibihumbi 250 bahashyinguye, nyuma basura Ingoro y'Amateka y'Urugamba rwo guhagarika Jenoside.

Muri uru ruzinduko kandi bazasura ibigo bitandukanye bya Leta birimo ibishamikiye kuri Minisiteri y'Ingabo.

U Rwanda na Sri Lanka ni ibihugu bisanzwe bifitanye umubano mu bya gisirikare kuko buri mwaka Ishuri Rikuru rya Gisirikare ryo muri Sri Lanka (Defence Services Command and Staff College) rigenera buruse imwe umusirikare w'u Rwanda ufite nibura ipeti rya Major. Iyo buruse ni iyo mu Cyiciro cya Gatatu cya Kaminuza mu bijyanye n'Ubumenyi mu by'Umutekano.

Umuvugizi wa RDF, Brig Gen Ronald Rwivanga yaberetse ko Ingabo z’u Rwanda zigira uruhare mu iterambere ry’igihugu

Bunamiye Abatutsi barenga ibihumbi 250 bashyinguye mu Rwibutso rwa Jenoside rwa Kigali

Ibi byabereye mu Murenge wa Ruhango, Akagari ka Kavumu ho mu Mudugudu wa Mihingo, ku wa Kane, tariki 31 Nyakanga 2025 ahagana Saa 10:00.

Umuvugizi wa Polisi mu Ntara y'Iburengerazuba, SP Sylvestre Twajamahoro yabwiye IGIHE ko impanuka yatewe no kutaringaniza umuvuduko.

Ati 'Ubwo yari atwaye moto kubera imiyoborere mibi y'ikinyabiziga no kutaringaniza umuvuduko yananiwe gukata ikorosi ava mu gisata cy'umuhanda yagenderagamo agonga umuferege.'

Polisi yaboneyeho kwibutsa abantu ko bakwiye kujya bitwararika igihe bagenda mu muhanda, bakagendera ku muvuduko wagenwe bitewe n'aho bageze.

IGIHE yamenye ko muri iyi mpanuka hakomeretse byoroheje umugore we witwa Ntagisanimana Devota w'imyaka 22 n'umwana we witwa Ineza Eulla w'amezi icyenda.

Polisi ikimenya amakuru kuri iyi mpanuka yihutiye gutabara bajyanwa kwa muganga, ku bw'amahirwe make umugabo ahita yitaba Imana ageze ku kigo nderabuzima.

Umugore n'umwana bari kwitabwaho ku bitaro bya Murunda.