Ku mbuga nkoranyambaga hamaze igihe hacicikana amafoto Marina na Yvan Muziki bikavugwa ko baba barakoze ubukwe, icyakora amakuru agera kuri Impanuro.rw ni uko nta bwigeze bubaho ahubwo byari ifatwa ry'amashusho y'indirimbo bari gukorana.
Amakuru atugeraho ni uko amafoto yifashishijwe havugwa ko aba bahanzi bakoze ubukwe ari ayafotorewe mu ifatwa ry'amashusho y'indirimbo 'Urugo ruhire' ya Masamba bari gusubiramo.
Ati 'Marina, Massamba Intore na Yvan Muziki bari gusubiranamo indirimbo 'Urugo ruhire', mu ifatwa ry'amashusho y'iyi ndirimbo niho abantu bakuye amafoto bahamya ko bakoze ubukwe.'
Iyi ndirimbo bivugwa ko izasohoka kuri EP Yvan Muziki ateganya gusohora mu minsi iri imbere.
Abavuga iby'ubukwe bw'aba bahanzi babishingira ku nkuru zimaze iminsi zivuga ko bari mu rukundo.
Hari amakuru avuga ko urukundo rwa Marina na Yvan Muziki rugeze aharyoshye, ndetse kuva uyu muhanzi yaza mu Rwanda inshuro nyinshi baba bari kumwe.
Chrismar Malta Soares wakiniraga Varingha FC y'iwabo yashyize umukono ku masezerano amugira umukinnyi wa Rayon Sports kuri uyu wa Gatandatu, tariki 16 Ukwakira 2021.
Perezida wa Rayon Sports FC,Uwayezu Jean Fidèle, wayoboye umuhango wo gusinyisha uyu rutahizamu, yavuze ko iki gikorwa cyagenze neza ndetse uyu rutahizamu bamwitezeho gufasha iyi kipe mu bijyanye n'ubusatirizi.
Ati 'Igikorwa cyo gusinyisha rutahizamu Soares waturutse mu gihugu cya Brazil cyagenze neza. Icyo gikorwa cyabaye mu rwego rwo gukomeza kubaka ikipe ya Rayon Sports cyane cyane kubaka ubusatirizi bwayo, tukaba rero twaramurambagije turamushima. Ubu tumaze gusinya amasezerano turizera ko azadufasha gutsinda no gutwara ibikombe.'
Uretse Varingha FC, andi makipe Chrismar Malta Soares yakiniye arimo SE Patrocinense, FF Sports, Trindade na União Suzano yakiniye imyaka ibiri kuva mu mwaka w'imikino wa 2013/14.
Uretse Chrismar Malta Soares wasinyishijwe nk'umukinnyi mushya, kuri uyu wa Gatandatu habaye n'igikorwa cyo kongerera amasezerano Muhire Kevin. Yashyize umukono kuri aya masezerano nyuma y'iminsi yari ishize agirana ibiganiro n'iyi kipe.
Muhire Kevin mu mwaka ushize w'imikino yari yasinyiye Rayon Sports amasezerano y'amezi abiri [muri shampiyona yakinwe hubahirizwa ingamba zikomeye zo kwirinda COVID-19], akaba yari yaranayikiniye imyaka ine mbere yo kwerekeza mu Misiri.
Mu bakinnyi bashya Rayon Sports iheruka kugura harimo umunyezamu Hategekimana Bonheur wavuye muri Espoir FC, Rharb Youssef na Ayoub Ait Lahssaine bavuye muri Raja Casablanca, Essombe Willy Onana, Souleyman Sanogo na Mitima Isaac.
Hari kandi Muvandimwe Jean Marie Vianney, Byumvuhore Trésor, Mugisha François 'Master', Mushimiyimana Mohamed, Nsengiyumva Isaac na Mico Justin.
Muhire Kevin yongereye amasezerano muri Rayon Sports
Mu mukino wari ku rwego wo hejuru,APR FC y'abakinnyi bakiri bato yanganyije n'iki kigugu cyo muri Tunisia bituma akazi kaba kenshi mu mukino wo kwishyura uzabera muri Tunisia.
Ku munota wa 3 w'umukino, Etoile Sportive du Sahel yakangaranyije benshi ubwo yabonaga igitego cya mbere gitsinzwe na Tayeb Meziane ku mupira Omborenga yananiwe gukura imbere y'izamu
APR FC yari ku rwego rwo hejuru benshi batayikekeraga,yahise itangira urugamba rwo gushaka uko yishyura iki gitego, irusha Etoile du Sahel karahava.
Ku munota wa 40, Djabel Manishimwe yishyuye igitego ku mupira yahawe na Jacques Tuyisenge,atera adahagaritse umupira uruhukira mu rushundura. Igice cya mbere cyarangiye ari 1-1.
Igice cya kabiri kigitangira,Étoile du Sahel yatsinze igitego cyanzwe ku munota wa 48 kubera koTaeb Meziani yakoreye umunyezamu ikosa mbere yo gutsinda umupira wari uvuye kuri coup franc.
APR FC yakoze impinduka za mbere ubwo Mugunga Yves yasimbura Mugisha Gilbert mu gihe Tuyisenge Jacques yavunitse,asimburwa na Nshuti Innocent ku munota wa 64.
APR FC yashoboraga kubona igitego cya kabiri ubwo Mugunga yambuye umupira Saddem Ben Aziza, arangije aramucenga mbere y'uko atera umupira wakuwemo na Ali Jemal mbere y'uko Niyomugabo Claude awusubizamo akawutera hejuru cyane.
Amakipe yombi yagerageje gushaka igitego cy'intsinzi ariko umukino urangira ari 1-1.Umukino wo kwishyura ni tariki ya 23 Ukwakira 2021 muri Tunisia.
Muri uyu mukino,abakinnyi bakiri bato nka Bonheur,Kwitonda Alain Baka na Ruboneka Jean Bosco,bigaragaje cyane.
Imbuto nubwo rimwe na rimwe kubera isukari ibonekamo ishobora kubangamira urugendo rwawe mu gihe wifuza kugabanya ibiro, gusa hari zimwe na zimwe zibonekamo intungamubiri nziza ku buzima bwawe ndetse na calories nke; zigufasha kumva uhaze igihe kirekire, bityo bikakurinda kurya cyane no kwiyongera ibiro utifuza.
Imbuto zagufasha kugabanya ibiro
1. Pome/Apple
Niba wifuza kugabanya ibiro, pome ishobora kugufasha kubigabanya mu buryo bwihuse. Pome ibonekamo calorie nke (iringaniye ibonekamo nka calories 50) kandi nta binure cg umunyu ubonekamo.
Pome zibamo amazi menshi ndetse na calories nkeya, bityo zikaba ku isonga mu kugabanya ibiro cyane
Ubushakashatsi bwakorewe ku bagore, bwerekanye ko abaryaga pome 1 mbere yo kurya buri munsi batakaje ibiro cyane, ugereranyije n'abatarayiriye.
Kurya pome 1 mbere yo kurya bishobora kukurinda kurya ibiryo byinshi, no kukurinda kwiyongera ibiro cyane.
2. Umuneke
Umuneke ubonekamo calorie nkeya ugereranyije n'intungamubiri zibonekamo (uringaniye ubonekamo calories 100). Ni isoko nziza y'imbaraga nko mu gihe umaze gukora sport cg utariye. Ufasha mu gutuma igipimo cy'umuvuduko w'amaraso gihora ku rugero rukwiye, kurinda no kurwanya constipation no kurinda aside nyinshi mu gifu.
3. Avoka
Avoka ni isoko y'ibinure byiza kandi by'ingenzi cyane ku mubiri bishobora kugufasha guhorana ibiro bikwiye no kukurinda gufata ibinure byangiza ubuzima.
Kongera avoka ku mboga cg salad ugiye kurya bifasha kwinjiza intungamubiri zose ziri muri izo mboga mu mubiri.
4. Watermelon
Watermelon iza mu mbuto z'ingenzi ugomba kurya mu gihe wifuza kugabanya ibiro, zigizwe ahanini n'amazi 90%, ndetse zibonekamo calories nke cyane (zigera kuri 30 calories).
Ibonekamo acide amine y'ingenzi yitwa arginine, ifasha mu gutwika ibinure cyane. Watermelon ituma utagira inyota, igafasha no kumva uhaze cyane, byose bikagufasha kutaryagagura cyane no kwiyongera ibiro mu buryo budasobanutse.
