Webrwanda Backend

Author: webrwanda

  • Ligue 1 Uber Eats yatangiye kwagura ibikorwa… – #rwanda #RwOT

    Iyi gahunda ya Ligue 1 Touch yatangijwe muri Nzeri 2020, ikaba igamije guhura n'abafana baturutse impande zose z'Isi, bityo igateza imbere Ligue 1 Uber Eats hamwe n'amakipe yayo mu turere igamijemo ibikorwa by'iterambere.

    Ni muri urwo rwego mu gihe cyo gusoza umukino w'umunsi wa 11 wa Ligue 1 Uber Eats wahuje Olympique de Marseille na Paris Saint-Germain, LFP n'abafatanyabikorwa bayo barimo Canal + Rwanda na Canal Olympia, bateguye ibirori bya Ligue 1 Touch mu mujyi wa Kigali.

    Abafana benshi kimwe n'amasosiyete ndetse n'itangazamakuru bari bateraniye kuri Canal Olympia ku i Rebero mu birori by'ubusabane byo kwihera ijisho umukino wa Classic wa PSG na OM. Bamwe mu banyamahirwe babashije kandi gutsindira ibihembo bishimishije byatanzwe na CANAL+, Ligue 1 Uber Eats na Rwanda Development Board (RDB).

    Ibirori nk'ibi kandi byabereye icyarimwe i Douala, muri Cameroun aho abafana naho bashoboye kureba uyu mukino no mu buryo bwihariye, ndetse no kwishimira ibikorwa binyuranye byari byateguwe mbere y'umukino.

    Ligue 1 Uber Eats irashaka kurushaho gukomeza kwagura ibikorwa byayo ku mugabane wa Africa, nka kamwe mu turere tw'ingenzi mu iterambere ryayo. Muri gahunda ya Ligue 1 Touch, ibikorwa nk'ibi bizakomeza kuba inshuro zinyuranye mu bihe biri imbere, mu rwego rwo gukomeza kurushaho kwegerana n'abakunzi ba Ligue 1 Uber Eats muri Africa.

    AMWE MU MAFOTO YARANZE ICYO GIKORWA CYABEREYE KURI CANAL OLYMPIA KU I REBERO

    Iki gikorwa cyari cyitabiriwe n’umunyamabanga uhoraho muri Minisiteri ya Siporo Bwana Shemamaboko Didier

    Source : https://inyarwanda.com/inkuru/110825/ligue-1-uber-eats-yatangiye-kwagura-ibikorwa-byayo-mu-rwanda-amafoto-110825.html

  • Akari ku mutima wa Caleb UWAGABA wasoje Maste… – #rwanda #RwOT

    ‘A Hundred Days in Marriage’ ni igitabo cyatumye izina UWAGABA Josheph Caleb rimenyekana cyane mu Rwanda no hanze, bitewe n’inkuru mpamo yanyujije muri iki gitabo y’uburyo yabanye n’umugore we Mucyo Sabine igihe kingana n’iminsi 100 akaza kwitaba Imana kuwa 04 Ukwakira 2018 azize uburwayi, bigasigira igikomere UWAGABA Caleb ariko akiyemeza gusohoza isezerano yari yaragiranye n’umugore we akiriho, ko bazandika igitabo ku rukundo rwabo.

    N’ubwo yari asazwe afite impamyabumenyi y’icyiciro cya gatatu cya Kaminuza (Master’s) yakuye muri Mount Kenya University (MKU), Uwagaba Joseph Caleb yasanze ari ngombwa gukomeza amashuri agashaka n’indi Master’s yashakaga cyane. Kubura umugore we yakundaga bihebuje, ntibyatumye aheranwa n’agahinda, ahubwo yanyarukiye i Burayi mu gihugu cya Pologne yiga amasomo ya Master’s muri Kaminuza yitwa ‘University of Economics and Human Sciences’ yo muri Warsaw, abikora agamije kugera ku ndoto ze.

    Uwagaba Caleb yasoje Master’s ku manota meza cyane ashimirwa na Kaminuza yizeho

    Nyuma y’umwaka yari amaze yiga muri iyi Kaminuza, yasoje ari mu banyeshuri bitwaye neza cyane – bafite amanota yo hejuru cyane – ibintu yashimiwe n’ubuyobozi bw’iyi Kaminuza. Burya koko ‘Kwizera kurarema’, UWAGABA Josph Caleb yigiriye icyizere cyinshi yanzura kujya gusaba akazi ko kwigisha muri Kaminuza yo muri Pologne yasorejemo Master’s, birangira bakamuhaye ko kwigisha abanyeshuri bo mu cyiciro cya kabiri cya Kaminuza (Bachelor’s Degree) ndetse n’abiga mu cyiciro cya gatatu cya Kaminuza (Master’s).

    Ni ibintu ashimira Imana cyane, yamushoboje mu myigire ye ikanamuha kwigirira icyizere. Ubu Caleb yigisha abanyeshuri ba Kaminuza baturuka mu bihugu bitandukanye ku Isi birenga 50 birimo Spain, Italy, Portugal, France, Vietnam, Zimbabwe, u Rwanda, Nigeria Azerbaijan, Turkey, Iran, Ukraine, n'ahandi henshi. Yakebuye abantu bafite imyumvire y’uko Abanyafurika baba i Burayi bahakora akazi gaciriritse, bikaba byatuma hari abashobora kwitakariza icyizere ntibagire imbaraga zo guhatanira imyanya myiza i mahanga.

    INYARWANDA.com yagiranye ikiganiro kirambuye na UWAGABA Joseph Caleb usanzwe ari Umuvugabutumwa (Evangelist), Umwanditsi w’ibitabo, Umujyanama w’abahanzi (Yabaye Manager wa Papa Emile, Sam Rwibasira n’abandi), tumubaza uko yakiriye guhabwa akazi gakomeye ko kwigisha muri Kaminuza y’i Burayi, imishinga afite mu gihe kiri imbere ndetse n’inama agira urubyiruko rushobora kuba uyu munsi rurota ibintu byagutse ariko rugacibwa intege no kutigirira icyizere, kutabona igishoro rwifuza, n’ibindi.

    UWAGABA ubu ni Umwalimu muri Kaminuza yo muri Pologne

    Kurikira Ikiganiro umunyamakuru wa Inyarwanda.com yagiranye na UWAGABA Joseph Caleb

    Umunyamakuru: Mperutse kubona amafoto yawe wasoje indi Master’s; wasoje ryari, mu yihe Kaminuza, watsinze neza?

    UWAGABA: Yego. Murakoze nasoje amasomo y'icyiciro cya gatatu cya Kaminuza muri University of Economics and human sciences in Warsaw, mu kwezi gushize Nzeri, rwose nagize amanota meza 4,8/5 ndetse nanabiherewe igihembo (Distinction for Academic Excellent and outstanding achievement).

    Umunyamakuru: Nyuma yo gusoza Masters, mu Rwanda tugutegereze ryari, ujya uteganya kuba wahakorera, niba ari Yego, ni nk’ubuhe bucuruzi wahakorera?

    UWAGABA: Amakuru yanjye ni meza cyane naje kubona ko nyuma y'ubuzima bushaririye hashobora kuza ubundi buzima kandi bwiza, utatekerezaga ubu ndatuje meze neza. Mu Rwanda ni mu rugo n’ejo mu gitondo mwabona ntashye, umwana ujya iwabo ntawamutangira. Cyane rwose mbonye uburyo bwiza bushoboka nashinga ikigo gitanga ubujyanama mu bijyanye no gutangira imishinga mito, cyane cyane ku rubyiruko (Small and medium Enterprises) ariko kandi kubera ko nize ibijyanye na Logistics nakora akazi kajyanye nabyo.

    Umunyamakuru: Hari amakuru avuga ko wabonye akazi kandi keza muri Pologne, niba ari byo wabigezeho gute?

    UWAGABA: Yes nabonye akazi k'inzozi zanjye, mu by’ukuri byarantunguye. Nkimara kurangiza kwiga, nagiye ku kigo nizeho nsaba akazi ko kwigisha, ariko numvaga batakampa kubera ko nta Doctoral mfite, natanze impapuro zisaba akazi nk'abandi bose, nkora ibizamini byabasabwaga, nyuma ntungurwa no kubona bampaye akazi, ubu ndi umwarimu wa Kaminuza ndetse nigisha abanyeshuri bo muri Master's amasomo abiri (Entrepreneurship ndetse na Business Process Management) kandi mbona bigenda neza rwose.

    Umunyamakuru: Guhabwa ako kazi bisobanuye iki kuri Caleb, wiyumvise gute, washimiye Imana gute, ni iyihe nama wagira urubyiruko

    UWAGABA: Kuri njye bisobanuye ikintu gikomeye, bisobanuye kwimana u Rwanda na Africa nk’uko nyakubahwa Minister Eduard Bamporiki ajya abivuga, kuko kubona umwirabura wigisha i Burayi ntabwo ari ibintu bisanzwe, nahaye Imana icyubahiro ndetse nshima abarimu banjye bose guhera muri Primary kugeza kuri Master's bangize uwo ndiwe uyu munsi, ni ishema ku gihugu n'umuryango wanjye.

    Urubyiruko nabasaba kutarangara, bagabanye ibintu babamo bitabafitiye umumaro bakurikire inzozi zabo kandi n’iyo bahura n’ibibaca intege uyu munsi ugwa hasi ariko ukabyuka ejo ugakomeza, urubyiruko rushyire imbaraga mu gushaka ibisubizo by'ibibazo biri aho batuye.

    Umunyamakuru: Ni nk’ibihe bintu bindi urimo kurota ubu ni ukuvuga wifuza kugeraho mu buzima?

    UWAGABA: Ubusanzwe nta muntu uvuga ibyo arota ariko njyewe numva nzakomeza gushaka imbuto n'amaboko aho ndi hose nk’ibisanzwe ni ugukomeza kwiyubaka no kwubaka abandi.

    Umunyamakuru: Ni abahe bantu batatu Caleb afatiraho icyitegererezo ?

    UWAGABA: ‘Role Model’ biterwa n’icyo mushakaho cyangwa inzira nifuza kujyamo. Muri Leadership, Entrepreneurial, Business…. Ariko muri rusange uwa mbere ni H.E Paul Kagame, uwa kabiri ni Mama wanjye, uwa gatatu ni Bishop Rugamba Albert (Ayobora Itorero Bethesda Holy Church).

    Umunyamakuru: Nyuma y’igitabo wanditse ‘A Hundred Days in Marriage’, nta kindi waba uteganya?

    UWAGABA: Yes ndimo kucyandika kizasohoka umwaka utaha, kitwa ‘From tears to a million maker’

    Mu gusoza ikiganiro twagiranye na UWAGABA Joseph Caleb, uyu mugabo ukiri muto mu myaka ariko wagutse mu bikorwa n’ibitekerezo, yageneye ubutumwa abantu bafite imyumvire y’uko abanyafrika bose baba mu mahanga bakora akazi gaciriritse kandi nyamara atari ko bimeze. Ati “Ikindi ni uko abantu muri rusange bakwiriye guhindura imyumvire y'uko bafata abantu baba mu mahanga aho usanga bavuga ko abantu bajya hanze bakora akazi kabi nyamara birengagiza ko ako kazi gakorwa na buri wese hano akazi umwenegihugu yakora n’undi wese yagakora ndetse abanyamahanga bakora neza”.

    Yunzemo ati “Ubuse sindi mwarimu nigisha abanyeshuri baturuka mu bihugu birenga 50 birimo Spain, Italy, Portugal, France, Vietnam, Zimbabwe, u Rwanda, Nigeria Azerbaijan, Turkey, Iran, Ukraine, n'ahandi henshi!”. Yongeyeho ko hari abanyafrika bafite ibigo bikomeye i Burayi anasaba abantu kwirinda gusuzugura akazi ako ari ko kose mu gihe ugakora ufite intego. Yagize ati “Hano (Pologne) abanyafurika bafite ama business akomeye, so umuntu ahantu ari hose areke gusuzugura akazi ahubwo ako akora kose agakore afite intego yo kuzamuka no kugirira abandi umumaro. Murakoze”.

    Uwagaba Joseph Caleb ubwo yahaga impano y’igitabo Minisitiri w’Ububanyi n’Amahanga mu Rwanda, Dr Vincent Biruta

    Ev. Caleb yahishuye ko agiye gushyira hanze ikindi gitabo nyuma y’icyo yise ‘A Hundred Days in Marriage’ cyakunzwe cyane

    UWAGABA yahawe ishimwe na Kaminuza yasorejeho Masters muri Pologne nyuma y’uko abonye amanota yo ku rwego rwo hejuru

    Caleb ari kwandika igitabo yise “From tears to a milion maker” bisobanuye “Kuva mu marira ugakorera Miliyoni”

    Mu banyeshuri UWAGABA yigisha harimo n’abiga Master’s 

    UWAGABA aherutse gusoza Masters muri Pologne ahita ahabwa akazi muri iyo Kaminuza yizemo

    Source : https://inyarwanda.com/inkuru/110822/akari-ku-mutima-wa-caleb-uwagaba-wasoje-masters-muri-pologne-agahita-ahabwa-akazi-ko-kwigi-110822.html

  • Kigali: EU yasabwe kuvanaho imbogamizi ku bagenzi bafite ibyangombwa byerekana ko bakingiwe Covid19 #rwanda #RwOT

    Umuryango wa Afurika Yunze Ubumwe wasabye uw'Ubumwe bw'u Burayi kuvanaho imbogamizi zose ku bagenzi bafite ibyangombwa byerekana ko bakingiriwe COVID19 muri Afurika, bakabemerera kwinjira mu Burayi nta yandi mananiza.

    Ibi byagarutsweho mu nama yahurije i Kigali ba Minisitiri b'Ububanyi n'Amahanga bo mu bihugu bigize iyo miryango yombi.

    Ni ku nshuro ya kabiri ba minisitiri b'ububanyi n'amahanga bo mu bihugu bigize iyi miryango bahuriye mu nama nk'iyi.

    Mu muhango wo kuyitangiza ku mugaragaro, Minisitiri w'Ububanyi n'Amahanga n'Ubutwererane Dr. Vincent Biruta yagaragaje ko uburyo iyi nama yitabiriwe ari ikimenyetso gikomeye cy'umusaruro yitezweho.

    Yagize ati 'Ubwitabire buri hejuru muri iyi nama haba ku ruhande rw'ibihugu bigize Umuryango wa Afurika Yunze Ubumwe ndetse n'ibyo mu Muryango w'Ubumwe bw'u Burayi, biragaragaza ubushake bw'impande zombi bwo gushimangira ubu bufatanye bw'amateka kandi bw'ingirakamaro hagati y'imigabane yacu yombi. Ingingo ziganirwaho ni ingenzi cyane ku hazaza h'umubano wacu ukeneye kongera kuvugururwa ukongerwamo ikibatsi ku buryo bungana.'

    Image

    'Ku bibazo by'amahoro n'umutekano n'abimukira dufite uburyo bwo gufatanya tugashyiraho imiyoborere isubiza izi mbogamizi dusangiye twese. Kubaka ubushobozi bw'abaturage binyuze mu burezi, siyansi n'ikoranabuhanga ndetse n'ubuvuzi byadufasha kubaka ubufatanye butajegajega muri iki gihe cyo kuva mu bibazo by'icyorezo cya COVID19.'

    Iyi nama ibaye mu gihe Isi yose igihanganye n'icyorezo cya COVID19 n'ingaruka zacyo.

    Visi Perezida wa Komisiyo y'umuryango w'ubumwe bw'u Burayi Amb. Josep Borell avuga ko kuva iki cyorezo cyakwaduka, Abanyaburayi babaye hafi umugabane wa Afurika ariko ngo nanone ntibihagije.

    Ati 'Twatanze umusanzu wa Miliyari 3 z'ama euro muri COVAX binatuma doze z'inkingo zasaranganyijwe ibihugu bya Afrika ziyongera nubwo wenda zidahuye n'umubare wari ukenewe, tunashyira miliyoni 100 z'amaeuro mu bikorwa by'ikingira muri Afrika. Ibyo ni ibyerekana ubushake dufite.

    Turisegura kuko gushyira mu bikorwa ibyo byose byakozwe ku muvuduko wo hasi bitandukanye n'uko twabiteganyaga kandi koko ugereranyije umubare w'abamaze gukingirwa muri Afrika n'u Burayi usanga harimo ikinyuranyo kinini! Birakwiye ko tuziba icyo cyuho, tugakora ibirenzeho dufatanyije kugirango tuzibe iki cyuho kandi dukwiye kubikora vuba na bwangu, ibyo nta kibazo kibirimo ahubwo twakwibaza tuti tubikore dute?.'

    Kugeza ubu abagera kuri 6% gusa nibo bamaze guhabwa inkingo zombi za COVID19, umuryango wa Afurika yunze ubumwe ukaba ushima umusanzu w'Abanyaburayi mu rugamba rwo guhangana n'icyorezo cya COVID19.

    Gusa ku rundi ruhande ngo ntibyumvikana uburyo umuntu wakingiriwe COVID19 muri Afurika yangirwa kwinjira mu Burayi, kandi agaragaza icyangombwa cy'uko yakingiwe.

    Visi Perezida wa Komisiyo y'Umuryango wa Afurika Yunze Ubumwe Dr. Monique Nsanzabaganwa avuga ko gushyigikira Afurika nyabyo muri uru rugamba ari ukuvanaho ayo mananiza.

    Image

    Yagize ati 'Gushyigikira umuhate wo gukingira COVID19 ni ingenzi cyane ko bagenzi bacu b'Abanyaburayi bemera icyangombwa gitangwa n'ibihugu binyamuryango kigaragaza ko umuntu yakingiwe hubahirijwe ibiteganywa n'ikigo cyafurika gishinzwe kurwanya ibyorezo, Africa CDC. Ibyo bizatuma hakomeza kubaho ubutwererane hagati yacu by'umwihariko mu bijyanye n'ubukungu.'

    Minisitiri w'intebe wungirije akaba na minisitiri w'ububanyi n'amahanga wa Repubulika iharanira demokarasi ya Congo ari nayo iyoboye umuryango wa Afurika yunze ubumwe muri iki gihe, nawe ashimangira ko u Burayi ari umufatanyabikorwa w'ingenzi wa Afurika.

    Gusa Amb. Apala Pen' Apala asaba ko ubutwererane hagati y'impande zombi ari magirirane kuko zibufitemo inyungu.

    Iyi nama y'Abaminisitiri b'Ububanyi n'Amahanga bo mu Muryango wa Afurika Yunze Ubumwe na bagenzi babo bo mu bihugu bigize Umuryango w'Ubumwe bw'u Burayi izakurikirwa n'iy'abakuru b'ibihugu iteganyijwe kubera i Brussells mu ntangiriro z'umwaka utaha.

    SRC:RBA

    The post Kigali: EU yasabwe kuvanaho imbogamizi ku bagenzi bafite ibyangombwa byerekana ko bakingiwe Covid19 appeared first on IRIBA NEWS.

    Source : https://iribanews.rw/2021/10/26/kigali-eu-yasabwe-kuvanaho-imbogamizi-ku-bagenzi-bafite-ibyangombwa-byerekana-ko-bakingiwe-covid19/

  • Itangazo ryo guhinduza izina #rwanda #RwOT

    The post Itangazo ryo guhinduza izina appeared first on IRIBA NEWS.

    Source : https://iribanews.rw/2021/10/26/itangazo-ryo-guhinduza-izina-4/

  • Bonheur Mugisha(Casemiro) wa APR FC yakoze impanuka ya moto #rwanda #RwOT

    Umukinnyi mushya wa APR FC Mugisha Bonheur uzwi nka Casemiro yaraye akoze impanuka ya moto avunika ino ryo hagati anakomereka bikomeye ku kananwa ubwo yavaga i Kanombe yerekeza I Remera,iyi kipe ya APR FC ikaba izatangira shampiyona itamufite.

    Amafoto yashyizwe ku mbuga nkoranyambaga yagaragaje uyu musore ukina hagati mu kibuga muri APR FC, ari mu bitaro ukuguru kwe gupfutse cyane aho bikekwa ko kwakomeretse cyane.

    Yagize ikibazo ku kuguru kw'iburyo akaba yahise ajya kwa muganga bamushyiraho sima. Amakuru avuga ko bazayikuraho nyuma y'ibyumweru bibiri.

    Uyu musore utari wakigaragaza cyane,aherutse kwigaragaza cyane mu mukino APR FC yanganyijemo na Etoile du Sahel igitego 1-1 i Kigali muri CAF Champions League,nubwo mu wo kwishyura batsinzwe 4-0 bagasezererwa.

    Iyi mpanuka itumye Mugisha adatangirana n'ikipe y'ingabo z'igihugu, irasubukura imyitozo yo kwitegura shampiyona kuri uyu wa Kane tariki ya 28 Ukakira.

    Nyuma y'ikiruhuko cy'iminsi ibiri umutoza Mohamed Adil yari yahaye abasore be,aba bakinnyi baragaruka mu kazi gushaka uko batwara shampiyona bamaze imyaka 2 batwara badatsinzwe.

    Ikipe y'ingabo z'igihugu ikaba igomba gusubukura imyitozo kuri uyu wa Kane bitegura umukino wa mbere wa Shampiyona uzabahuza na Gicumbi FC kuri stade ya Kigali i Nyamirambo ku Cyumweru tariki 31 Ukwakira.


    Mugisha uri mu bakinnyi batanga icyizere mu kibuga hagati

    Source : https://umuryango.rw/imyidagaduro/imikino/article/bonheur-mugisha-casemiro-wa-apr-fc-yaraye-akoze-impanuka-ya-moto

  • Agahinda ka Esther wo muri Seburikoko, yatewe inda n’abagabo 3 (VIDEO) #rwanda #RwOT

    Uwabeza Leocadie wamamaye muri sinema nyarwanda nka Esther muri Seburikoko ndetse na Nyiragitariro muri Papa Sava, yavuze ko yahuye n’ubuzima bukomeye aho yabanye n’abagabo batatu bose baryamana na we bakabyarana ariko bakaza gutandukana.

    Esther ni umugore w’abana 4. Avuka mu muryango w’abana 8, abahungu 4 n’abakobwa bane, bavuka mu murenge wa Rukomo mu kagari ka Munyinya muri Gicumbi.

    Yaje kwishyingira maze umugabo babanye bamaze kubyarana abana babiri aramuta. Nyuma yaje kubona umugabo amwizeza ko azamufasha mu bibazo bye, amusaba ko babana aramwemerera amaze kumutera inda arigendera, yaje kubona n’undi na we biba uko.

    Yaje gushaka no kwiyahura ariko arabireka ahubwo nyuma yaje guhitamo gusiga abana ajya Uganda nta kintu na kimwe yari azi agiye gukora, nabyo biranga nyuma y’amezi abiri agaruka mu Rwanda.

    Source : http://isimbi.rw/sinema/article/agahinda-ka-esther-wo-muri-seburikoko-yatewe-inda-n-abagabo-3-video

  • Muri 2024 u Rwanda ruzaba rukora inkingo za Covid-19 n’iza Malaria #Rwanda #RwOT via @kigalitoday #rwanda #RwOT

    Dr Daniel Ngamije ashyira umukono ku masezerano, iruhande rwe hari Aïssata Tall Sall, Minisitiri w
    Dr Daniel Ngamije ashyira umukono ku masezerano, iruhande rwe hari Aïssata Tall Sall, Minisitiri w’Ububanyi n’Amahanga wa Senegal

    Amasezerano yo gukorera inkingo muri Afurika yashyizweho umukono n’ibihugu by’u Rwanda na Senegal, mu rwego rwo guharanira kwihaza k’uyu mugabane mu bijyanye n’inkingo kuva kuri 1% kugera kuri 60%.

    U Rwanda na Senegal byitezweho kuzajya bikora amadoze y’inkingo abarirwa muri za miliyoni buri mwaka, hagamijwe guhashya indwara z’ibyorezo zandura nka Covid-19, Malaria n’Igituntu.

    Amasezerano yo kubaka uruganda rw’inkingo n’imiti mu Rwanda yasinyiwe muri Convention Centre kuri uyu wa 26 Ukwakira 2021, ahateraniye Inama y’Abaminisitiri b’ububanyi n’amahanga b’ibihugu bigize Umuryango wa Afurika Yunze Ubumwe n’ab’Umuryango w’Ubumwe bw’u Burayi.

    Minisitiri w’Ubuzima mu Rwanda, Dr Daniel Ngamije, yavuze ko urwo ruganda ruzubakwa hakoreshejwe miliyoni zirenga 100 z’Amayero (akaba asaga miliyari 100 Frw), azatangwa na Banki ya EIB.

    Dr Ngamije avuga ko abazubaka urwo ruganda (hafi ya Kaminuza yitwa Carnegie Mellon) ari ikigo BionTech, ariko Leta y’u Rwanda ikazatanga ubutaka ndetse ikazashyira mu nyubako ibizaba bikenewe.

    Yagize ati “Uruganda rukora izo nkingo ruzatangira kubakwa muri Kamena 2022, mu myaka ibiri izakurikiraho rukazaba rwuzuye rwatangiye gukora inkingo. Dufite ibyo tuzatanga nk’Igihugu, aho uruganda ruzubakwa n’ibizashyirwamo byose kugira ngo habe hujuje ibyangombwa”.

    Minisitiri Ngamije asobanura ibijyanye no gukorera inkingo n
    Minisitiri Ngamije asobanura ibijyanye no gukorera inkingo n’imiti mu Rwanda

    Yavuze ko nyuma yo kubaka urwo ruganda, ikigo BioNTech kizabanza gutanga abakozi bakorana n’abenegihugu mu minsi ya mbere, mu rwego rwo kububakira ubushobozi.

    Inganda za Pfizer-BionTech zifashisha ikoranabuhanga rigezweho ryo gukora utunyangingo twitwa Messenger RNA (mRNA), duterwa mu mubiri bigatuma ukora ‘proteines’ z’ubwirinzi ku ndwara, ari na rwo rukingo rwa Covid-19 rwitwa Pfizer.

    Uburyo bwa mRNA ni bushya, bukaba bwaratekerejwe bashaka gukora inkingo za virusi ya Zika n’ibicurane, ariko butangira gukoreshwa ubwo hari hadutse koronavirusi itera COVID-19.

    Umuyobozi Mukuru mu runganda BioNtech, Ugur Sahin, yavuze ko bamaze igihe bitegura, ku buryo ngo bafite iby’ibanze bizabafasha kugera ku ntego biyemeje.

    Undi muyobozi ushinzwe ibikorwa mu ruganda BioNTech, Sierk Poetting, yavuze ko inyigo yo kubaka uruganda mu Rwanda yarangiye, ndetse ko n’ibikoresho byamaze gutumizwa.

    Abayobozi b
    Abayobozi b’inzego zizagira uruhare mu kubaka inganda zikora inkingo n’imiti muri Afurika


    source : https://ift.tt/3BicKre

  • Huye: Resitora yihanangirije abakiriya barura ibiryo byinshi #Rwanda #RwOT via @kigalitoday #rwanda #RwOT

    Iryo tangazo ryasohotse ejo tariki ya 25 Ukwakira 2021, nk’uko bivugwa n’umwe mu banyeshuri ba UR/Huye uharira, uvuga ko yaribonye uyu munsi mu gitondo kuko we ejo atahaririye, kandi ryasinyweho na ba nyiri iyo resitora nk’uko na bo babyiyemerera.

    Rigira riti “Ubuyobozi bwa Amoris Restaurant VIP buramenyesha abayigana ko bitewe n’ibihombo imaze iminsi igira bitewe n’aba kiriya barura ibiryo byinshi bidahwanye n’amafaranga bishyura, ko guhera none nta mu kiriya wemerewe kwarura atsindagira cyangwa yubaka inzu ku isahani kandi uwo bizagaragaraho ko yarura ibirengeje urugero (amafaranga yarurira) azahita asubizwa ayo asigajemo akigendera”.

    Kuri iryo tangazo hari n’icyitonderwa kugira kiti “Abafite box ntibemerewe kuziyaruriramo bazajya bazitanga babarurire”.

    Ubundi iyo resitora iriramo ahanini abanyeshuri biga muri UR/Huye, bishyura amafaranga 38000 ku kwezi, bakarya saa sita na nijoro. Ugereranyije barira amafaranga atagera kuri 650 inshuro imwe. Icyakora uje kurya atararishye ukwezi kose we yishyura amafaranga 800.

    Umwe mu bakobwa baharira avuga ko ukwiyarurira ba nyiri resitora binubira gukorwa na bamwe mu basore baharira na we ajya abona.

    Anavuga kandi ko igishobora kuba gihombya ba nyiri resitora kurusha, ari abazana ibyo gutwaramo ibiryo biyarurira kuko akenshi batwaramo ibiryo biruta kure ibyajya ku isahani, ugasanga bihagije abakobwa batatu.

    Icyakora Simon Twiringiyimana, umwe mu basohoye iri tangazo, we yanze kugira icyo arivugaho agira ati “ibiri mu itangazo birahagije”.

    Abanyehuye babonye iryo tangazo ricicikana ku mbuga nkoranyambaga bibaza impamvu nyiri resitora atashatse ubundi buryo bwo kumurinda igihombo aterwa n’abarura byinshi, aho kwandika bene ririya tangazo.

    Umwe yagize ati “Self-service resto ya mbere hano i Butare yitwaga JACARANDA, ica 300 Frw, mu gihe ahandi yari 50 Frw. Ariko ikareka abakiriya bakisanzura”.

    Undi na we ati “Iyo ushaka ko umukiriya arira amafaranga afite uramwarurira, ni ko ahenshi mbona babigenza”.

    Hari n’uwavuze ko amasahane yo muri za resitora aba ari matoya akaba ari yo atera abantu kubakaho inzu nk’uko abanditse ririya tangazo babyise.

    Yagize ati “Erega turiya dusahane twabo ni duto, bisaba kubaka inzu cyangwa ugatsindagira. Bitari ibyo ntuhaga.”

    Undi na we yagaragaje ko bari bakwiye kongera amafaranga baca ku isahani aho kubuza abakiriya kwisanzura agira ati “Muri hotel ni sawa cyane, ku madorari 25 cyangwa 30 ukoresha amasaha y’amafunguro ya saa sita uko ushaka, ushatse warya kenshi!”

    Undi na we yaboneyeho kunenga abahagarara ku nyama mu gihe bemerera abakiriya kwiyarurira agira ati “Ugasanga restaurant plat ni 6,000 cyangwa arenga, ariko bagahagarara ngo umuntu inyama ni imwe. Ubundi n’iyo wakwarura inyama gusa warenza ikiro cy’inyama?”

    source : https://ift.tt/3jzspN5

  • Simba SC yirukanye umutoza wayo Didier Gomeza – YEGOB #rwanda #RwOT

    Uwari umutoza wa Simba Sports Club yo muri Tanzania, Didier Gomez Da Rosa yamaze guhagarikwa kumirimo ye kubera kunanirwa kugeza iyi kipe mumatsinda ya CAF Chamipions League. Ninyuma yaho ikipe ya Simba SC itsinzwe 3-1 na Jwaneng Galaxy FC yo muri  Botswana mu mukino wo kwishyura wari wabereye kuri Benjamin Mkapa Stadium ku cyumweru tariki ya 24 zukwa cumi 2021.

    Mumukino ubanza wari wabereye muri Bostwana, ikipe ya Simba SC yari yatsinze 2-0 Jwaneng Galaxy FC, bivuzeko nyuma yimikino ibiri, amakipe yombi yanganyije ibitego 3-3 ariko Simba Sc ikavamo kubera gutsindirwa ibitego byinshi iwayo.

    Nyuma yo kutabasha kugeza ikipe ya Simba SC ikomeye muri Tanzaniya, ubuyobozi bwiyi kipe bwahise bufata umwanzuro wo kukwirukana umutoza wayo mukuru Didier Gomez nkuko bigaragara mwibaruwa bashyize hanze kuruyu wa kabiri tariki 26 zukwa cumi 2021.

    Muriri tangazo, ubuyobozi buvugako impande zombi zaganiriye zemeranya guhagarika amasezerano zari zifitanye. Umutoza wari wungirije Didier  Gomez ariwe Thierry Hitimana niwe uribube atoza iyi kipe mugihe itarabona umutoza mukuru.

    Didier Gomes Da Rosa, azwi cyane mu Rwanda kuko yatoje ikipe ya Rayon Sports akayihesha igikombe cya shampiyona mu mwaka w'imikino wa 2012-2013.

    Source : https://yegob.rw/simba-sc-yirukanye-umutoza-wayo-didier-gomeza/

  • Umuhanzi Jose Chameleone ageze habi. – YEGOB #rwanda #RwOT

    Ubuzima bw'umuhanzi Jose Chameleone bwongeye kujya habi, ni nyuma y'uko yongeye gufatwa n'indwara y'urwagashya yatumye amara igihe mu bitaro mu minsi ishize.

    Mu mpera za Kanama 2021 nibwo uyu muhanzi yari arwariye mu bitarabo bya Nakasero mu Mujyi wa Kampala, uyu muhanzi basanze afite ikibazo cy'umwijima ndetse n'urwagashya byose byaturutse mu kunywa inzoga.

    Yaje koroherwa arasezererwa arataha ariko ubu akaba yongeye kuremba aho ibinyamakuru byo muri Uganda birimo Blizz.co.ug bitangaza ko gahunda ikurikiyeho ari ukujya kwivuza hanze ya Uganda.

    Uyu muhanzi bitaramenyekana igihugu azajyamo, agomba kubagwa Urwagashya rwe rwangiritse rukaba rwasimbuzwa.

    Chameleone ngo uko umunsi ushira niko uburwayi bwe bukomeze kugenda bumuzahaza, uretse urwagashya n'umwijima, ngo yanangiritse n'inyama zo mu nda byose byaturutse ku kunywa inzoga nyinshi.

    Source : https://yegob.rw/umuhanzi-jose-chameleone-ageze-habi/