Webrwanda Backend

Author: webrwanda

  • Polisi y' u Rwanda yafashe umuntu wari ufite amavuta y' amagendu akoreshwa muri moteri y' ibinyabiziga_ inkuru irambuye #rwanda #RwOT

    Abapolisi b' u Rwanda bo mu ishami rishinzwe kurwanya ubucuruzi bwa magendu (RPU) ku wa 25 Ukwakira 2021, bafashe umuturage wari ufite magendu y'amavuta akoreshwa muri moteri y'ibinyabiziga arenga litiro 900.

    Uyu muturage yitwa Munezero Emmanuel w'imyaka 35 y' amavuko yafatanwe utujerikani 186 turimo amavuta akoreshwa muri moteri y'ibinyabiziga, ni amavuta yo mu bwoko bwa Miki, buri kajerikani karimo litiro 5.

    Amakuru dukura ku rubuga rwa Polisi y' u Rwanda , avuga ko uyu Munezero yari anyereje umusoro ungana na Miliyoni 2,200,000 kuri ariya mavuta yose.

    Amakuru akomeza avuga Munezero yafatiwe mu Karere ka Rusizi, Umurenge wa Kamembe hafi y'ikiyaga cya Kivu, yafashwe biturutse ku makuru yatanzwe n'abaturage.

    Umuvugizi wa Polisi mu Ntara y'Iburengerazuba, Chief Inspector of Police (CIP) Bonaventure Twizere Karekezi yavuze ko Munezero yafashwe amaze gupakira ariya mavuta mu modoka nyuma yo kuyavana mu gihugu cya Repubulika iharanira Demokarasi ya Congo anyuze mu kiyaga cya Kivu.

    Yagize ati' Umuturage yahamagaye abapolisi ababwira ko hari imodoka abonye ituruka ku kiyaga cya Kivu ivuye gupakira ibintu. Abapolisi bahise batega iyo modoka barayihagarika, barebye basanga harimo utujerikani 186 turimo amavuta akoreshwa muri moteri y'ibinyabiziga (Miki Lubricants). Munezero abonye abapolisi yavuye mu modoka ashaka kwiruka ngo asubire mu Kivu yoge acike ariko abapolisi bamufata atarageramo.'

    CIP Karekezi yakanguriya abarobyi bo mu Kiyaga cya Kivu kujya birinda kujya mu bikorwa bijyanye n'ubucuruzi bwa magendu ndetse babona ababikora bakihutira gutanga amakuru.

    Ati' Uriya mucuruzi yari yafashijwe n'abarobyi b'isambaza mu kiyaga cya Kivu, nibo bamufashije kubyambutsa bakoresheje amato yabo. Usibye ko dufite amakuru ko hari n'abandi bantu bakoresha amato yabo cyangwa yo muri Congo bakambutsa ibicuruzwa bya magendu. Turakangurira abarobyi kujya bihutira gutanga amakuru mu rwego rwo kurwanya ubucuruzi bwa magendu ndetse nabo birinda kuba bafatirwa muri icyo cyaha.'

    Uyu wafashwe yahise ashyikirizwa Urwego rushinzwe ubugenzacyaha (RIB) rukorera muri sitasiyo ya Polisi ya Kamembe, imodoka ifite ibirango byo mu gihugu cya Repubulika ihanira Demokarasi ya Congo ari nayo yakoreshwaga muri ubwo bucuruzi bwa magendu yahise ifatirwa.

    Amavuta yafatanywe yo yahise ajya kubikwa mu bubiko bw'Ikigo cy'Igihugu gishinzwe imisoro n'amahoro(RRA).

    Source : https://impanuro.rw/2021/10/27/polisi-y-u-rwanda-yafashe-umuntu-wari-ufite-amavuta-y-amagendu-akoreshwa-muri-moteri-y-ibinyabiziga_-inkuru-irambuye/

  • Urukundo si mu buriri! Ngibi iby'ingenzi wakorera uwo mukundana akarushaho kugukunda no kukwizera – YEGOB #rwanda #RwOT

    Urukundo ni ijambo buri wese asobanura uko ashaka, benshi bakanariha ubusobanuro butandukanye bitewe n'inyungu baba babifitemo. Ni muri urwo rwego rero usanga abenshi bibwira ko urukundo ari ugukora imibonano mpuzabitsina ndetse akenshi n'abenda kuzabana ugasanga baryamanye mbere y'uko basezerana.

     

     

    Gusa hari ibikorwa byinshi wakorera umukunzi wawe akanyurwa mutarinze kuryamana mbere yo kubana.

    1.Gerageza umwereke ko umurutisha abandi
    Iyo weretse uwawe ko umukunda kuruta abandi, bituma uwo musore na we amwitaho ndetse akanamurwanira ishyaka. Aha uyu mushakashatsi avuga ko umusore asaba umukobwa ko baryamana bitewe n'uburyo abona yitwara mu bandi.

    2.Kwikuramo ko imibonano ariryo pfundo ry'ibyishimo:

    Iyo umukobwa yinjiye mu rukundo afite intego imwe yo kubaka urukundo rurambye, biroroha cyane kubyumvisha uwo bakundana. Aha na none, uyu mushakashatsi avuga ko iyo umuntu yinjiye mu rukundo afite intego zirenze imwe, byanze bikunze iyo bahurijeho ni yo iza imbere mu gushyirwa mu bikorwa.

    3. Gerageza umuhe umwanya wose akeneye.

    Uwo mukundana iyo abona umuha umwanya uhagije wo kuganira, abasha kumenya ibyo ukunda n'ibyo wanga kuko muba mwaganiriye ku bintu bitandukanye ndetse rimwe na rimwe akanamenya ibijyanye n'imyizerere yawe.

    4. Muteteshe: Rimwe na rimwe jya umufata nk'umwana muto maze umuteteshe koko. Uhindure ijwi nk'uganiriza agahinja, umubwire amagambo meza amunyura umutima, umwibutse ukuntu umukunda cyane, kandi umuhumurize igihe atameze neza.

    5.Kumenya ibimushimisha: Ugomba kumenya ibishimisha umukunzi wawe, kandi ukiga gushimishwa n'ibimushimisha. Irinde kwikunda no kumvako ibyo ushaka aribyo bifite agaciro gusa, ahubwo menya kumwubaha cyane, kumuba hafi no kumwitaho ibye aribyo ushyira imbere.

    6.Ukuri muri byose: Umukunzi wawe iyo umwereka ko ntacyo umukinga bimufasha kukumenya, agahora agutekerezaho, akamenya ko utamutendekeraho abandi, yaba aryamye akamenya ko nta wundi muri kumwe, mbese icyizere cyose akaba ari wowe akigirira.

    Source : https://yegob.rw/urukundo-si-mu-buriri-ngibi-ibyingenzi-wakorera-uwo-mukundana-akarushaho-kugukunda-no-kukwizera/

  • Kimisagara: Abantu 26 bakekwaho gucucura abaturage batawe muri yombi mu munsi umwe – #rwanda #RwOT

    Kuri uyu wa Mbere, tariki ya 26 Ukwakira 2021, ni bwo aba bantu bakekwaho ubujura bafatiwe mu duce dutandukanye turimo Nyabugogo na Kamuhoza bafashwe bakekwaho kwiba abantu mu mukwabo wabereye muri uyu murenge.

    Kimisagara ni kamwe mu duce turangwamo abajura biba abaturage mu buryo burimo kubategera mu nzira bakabambura babakomerekeje, bakoresheje inzembe, ibyuma n’ibindi.

    Abatuye muri aka gace babwiye IGIHE ko babangamiwe cyane n’abajura babategera mu nzira bakabambura ibyabo.

    Mugwiza Patrick wo mu Kagari ka Kamuhoza muri Kimisagara yemeza ko hari abasore batatu bigeze kumunigira mu nzira bamwambura telefoni n’amafaranga.

    Ati “Narahise ngira ngo n’abagenzi umwe ancaho aransuhuza abandi banturuka inyuma baraniga bankubita ikintu ngwa hasi.”

    Yakomeje avuga ko yagaruye ubwenge asanga agaramye mu muhanda, yanyazwe amafaranga ibihumbi 35 Frw na telefoni.
    Yashimiye inzego zikomeje guta muri yombi abakekwaho ubujura bose no gukurikiranwa bagahanwa.

    Ubuyobozi bw’Umurenge wa Kimisagara nabwo bwemeza ko bwatangije iki gikorwa nyuma y’uko bigaragaye ko ubujura bukomeje kwiyongera muri aka gace.

    Umunyamabanga Nshingwabikorwa w’Umurenge wa Kimisagara, Jean François Sauveur, yabwiye IGIHE ko iki gikorwa gikomeje kugira ngo ubujura bucike.

    Yagize ati “Bitewe n’imiterere hari aho wasangaga cyane cyane mu gace ka Nyabugogo kubera urujya n’uruza rw’abantu hari abikingaga bakambura abaturage n’ahagana ku ishyamba rya Mont Kigali aho abantu batababona kandi bidakwiye. Twahisemo gushyiramo imbaraga dufatanyije na Polisi kubirwanya kuko bidakwiye kuko buri wese akwiye kugira uburenganzira bwe.”

    Umurenge wa Kimisagara ufite urutonde rw’abagera kuri 50 bakekwaho ubujura butandukanye burimo gutegera abantu mu nzira bakabambura.

    Abaturage basabwe kujya bandika abantu bose baraye mu ngo zabo mu ikayi y’umudugudu mu rwego rwo kurushaho kwicungira umutekano.

    Abantu 26 bakekwaho gucurura abaturage mu Murenge wa Kimisagara batawe muri yombi mu munsi umwe

    source : https://ift.tt/3Ck8N6W

  • Ibyo wamenya ku itegeko rishya ryo kurinda amakuru n’imibereho bwite by’umuntu mu Rwanda – #rwanda #RwOT

    Mu Rwanda itegeko nk’iri ryasohotse mu igazeti ya Leta ku wa 15 Ukwakira 2021.

    Rigamije gufasha mu gusobanukirwa imikorere ikwiye no guha ibigo bito n’ibiciriritse kugira uburyo bunoze bw’imicungire y’amakuru bufasha guteza imbere ihangwa ry’udushya n’ihererekanya ry’amakuru ku buryo ndengamipaka.

    Iri tegeko risobanura ko amakuru bwite ari ayerekeye umuntu ku giti cye uzwi cyangwa ushobora kumenyekana hashingiwe ku kimuranga nk’izina, aho aherereye cyangwa hashingiwe ku kintu kimwe cyangwa byinshi byihariye biranga imiterere y’umubiri we, imitekerereze ye, inkomoko ye, ubuzima bwe bwo mu mutwe, ubukungu, umuco cyangwa imibereho y’uwo muntu ku giti cye.

    Ni mu gihe amakuru bwite y’ibanga ari agaragaza isanomuzi y’umuntu, uko ubuzima bwe buhagaze, ko yafunzwe cyangwa atafunzwe, dosiye ye yo kwa muganga, inkomoko ye mu muryango n’imyemerere ye ishingiye ku idini cyangwa ku mitekerereze.

    Hari kandi ibitekerezo bye bya politiki, amakuru ndangasano cyangwa ay’imiterere ye, ay’ubuzima bw’imibonano mpuzabitsina cyangwa umwirondoro w’umuryango.

    Uburenganzira bwa muntu bugena ko ayo makuru adashobora gukusanywa, kubikwa no gutunganywa nyir’ubwite atabanje kubyiyemerera ku buryo butarimo urujijo.

    Minisiteri y’Ikoranabuhanga na Inovasiyo ivuga ko kuba iri tegeko ryarashyizweho, byatumye u Rwanda rwubahiriza ibipimo mpuzamahanga ngenderwaho mu kurinda amakuru bwite, bifatwa nk’umusingi w’ubukungu bushingiye ku ikoranabuhanga muri iki gihe.

    Iyi Minisiteri yavuze ko rigamije guha abaturage ububasha ku birebana n’amakuru bwite yabo, kwimakaza ikwirakwizwa ry’amakuru mu buryo bwizewe kandi bufite umutekano, haba mu gihugu cyangwa mu mahanga.

    Minisitiri w’Ikoranabuhanga na Inovasiyo, Paula Ingabire, yavuze ko umuvuduko w’impinduka mu by’ikoranabuhanga ugaragara muri iki gihe, haba mu bigo bya Leta n’iby’abikorera, usaba ingamba zihoraho kandi zihuriweho mu rwego rwo kurinda amakuru.

    Ati “Iri tegeko ni umusingi wo kubakiraho mu guhindura u Rwanda sosiyete yubakiye ku mutekano w’amakuru, hakorwa ku buryo abafatanyabikorwa b’ingenzi bose, uhereye ku bigo bya Leta, baba icyitegererezo mu kurinda amakuru bwite n’imibereho bwite by’umuntu.”

    Kutubahiriza amategeko arengera amakuru bwite, haba mu Rwanda cyangwa ku rwego mpuzamahanga, bishobora kubangamira ibigo biri mu Rwanda bigatuma bidahabwa umwanya mu bikorwa by’ubucuruzi ndengamipaka ndetse bikanatuma habaho kwisubiraho ku bashoramari b’abanyamahanga bifuza gushora imari mu bigo biri mu Rwanda.

    Umuyobozi Mukuru w’Ikigo C4IR Rwanda gifatanya n’Ihuriro ry’Ubukungu ku Isi (World Economic Forum) mu miyoborere y’Ikoranabuhanga, Crystal Rugege, yagize ati “Iri tegeko ni intambwe ikomeye u Rwanda ruteye kuko ruzashobora guhangana mu bikorwa by’ubukungu ku isi.”

    Yakomeje agira ati “Ni ikintu cy’ingenzi gifasha kugera ku byiza byose byo mu rwego rw’imibereho myiza n’ubukungu dukesha ikoranabuhanga rigezweho nk’ikoranabuhanga rikoresha ubwenge muntu butari karemano (artificial intelligence), riba rishingiye ahanini ku bwinshi bw’amakuru.”

    Imibereho bwite by’umuntu ni uburenganzira bw’ibanze bw’umuntu bwo kwemeza undi muntu ushobora kubona amakuru bwite ye, igihe n’ahantu yayabonera, impamvu yayabona, uburyo akoresha ayabona n’uburyo bwakoreshwa kugira ngo agerweho nk’uko bigaragara muri iri tegeko no 058/2021 ryo ku wa 13/10/2021, ryerekeye kurinda amakuru bwite n’imibereho bwite y’umuntu.

    Rigena ko amakuru bwite y’umuntu yavogerewe igihe habayeho igikorwa cyo kuvogera umutekano w’amakuru bwite mu buryo bunyuranyije n’amategeko gituma amakuru yangirika, atakara, ahinduka, atangazwa mu buryo butemewe cyangwa abantu bayabona yahererekanyijwe, abitse cyangwa yatunganyijwe mu bundi buryo.

    Naho gutunganya amakuru ni igikorwa kimwe cyangwa byinshi bikozwe ku makuru bwite nko kubona, gukusanya, kwandika, kunoza, kubika, guhuza cyangwa guhindura, kumenyesha amakuru yerekeye umuntu ku giti cye ahererekanyijwe, kuyahanahana, kuyagurisha, kubuza imikoreshereze yayo, gusiba cyangwa gusenya n’ibindi.

    Itegeko ryerekeye kurinda amakuru bwite n’imibereho bwite by’umuntu warisanga hano

    Minisitiri w’Ikoranabuhanga na Inovasiyo, Paula Ingabire, yavuze ko umuvuduko w’impinduka mu by’ikoranabuhanga ugaragara muri iki gihe, usaba ingamba zihoraho mu rwego rwo kurinda amakuru

    source : https://ift.tt/3CvwSaM

  • Dr Alfred Mutua wiyamamariza kuyobora Kenya yacyeje ibyiza yabonye i Kigali, ashimira Perezida Kagame – #rwanda #RwOT

    Uyu mugabo uri mu banyepolitiki bakomeye yigeze kuba Umuvugizi wa Guverinoma ya Kenya ndetse kuri ubu akaba yaratangaje ko aziyamamaza mu matora y’Umukuru w’Igihugu ateganyijwe mu 2022.

    Dr Mutua unayobora Ishyaka MCCP [Maendeleo Chap Chap Party] wavuze ko aherutse i Kigali mu byumweru bishize, gusa ntabwo yatangaje itariki n’ibyamugenzaga mu Rwanda.

    Mu mashusho yasangije abamukurikira ku rukuta rwe rwa Twitter, yagaragaje ibice bitandukanye by’Umujyi wa Kigali yasuye birimo muri Gare yo mu Mujyi ahazwi nka Downtown no muri Car Free Zone, agace karimbishijwe kitwa ‘Imbuga City Walk’.

    Muri aya mashusho, Dr Mutua, agenda agaragaza aho ageze nk’aho muri gare avuga ko yatunguwe no gusanga abantu bose baba bambaye udupfukamunwa, uburyo ari ahantu hari isuku n’ibindi.

    Ubwo yageraga muri Car Free Zone yagize ati “Ndi i Kigali, ni umujyi usukuye, urebye hariya hasi [agenda aherekana mu mashusho] urabona ko nta n’igipapuro wahabona, harasukuye. Ibi ntabwo ari mu mujyi gusa ahubwo ugiye n’ahandi ubona ko hasukuye.”

    Dr Mutua yashimye isuku idasanzwe yahasanze ayigereranya n’iyo mu mijyi ikomeye y’i Burayi na za Dubai, avuga ko ari ibyo kwishimira.

    Ati “Ni ibintu byo gushimirwa kandi natwe twakabaye tubikora. Iyo uri mu muhanda hano ugira ngo uri i Burayi cyangwa Dubai, ndagushimiye Kagame!”

    “Ni byiza cyane, uku ni ko ngomba gukora ibishoboka byose ngo Intara ya Machakos ihinduke, kuko iki ni igihugu cya Afurika; nshobora guhindura Machakos na Kenya ikamera gutya.”

    Dr Alfred Nganga Mutua ni umwe mu barambye muri politiki ya Kenya, akaba yaranabaye umunyamakuru mu binyamakuru birimo Nation Media Group na za televiziyo zitandukanye.

    Mu 2016, ni bwo yatangije Ishyaka riharanira iterambere ndetse mu 2020 ahita atangaza ko aziyamamariza umwanya w’umukuru w’igihugu mu matora ateganyijwe mu 2022.

    Imbuga City Walk, agace kahariwe abantu bagenda n’amaguru, Dr Mutua yakagezemo agaragaza ko agiye gukora akameze nkako iwabo muri Kenya

    Dr Mutua ari kwiyamamariza kuyobora Kenya mu matora ateganyijwe mu 2022

    Uyu mugabo yavuze ko bishoboka ko Intara ya Machakos ayobora ndetse na Kenya byahinduka nk’u Rwanda

    source : https://ift.tt/3Ela3ra

  • Ubutumwa Meddy yatanze nyuma yuko indirimbo My Vow ihatwitse – YEGOB #rwanda #RwOT

    Mu mpera z' icyumweru gishize nibwo indirimbo My Vow yegukanye igikombe cya The Kiss Summer Award Best song 2021. Umuhanzi Meddy yagize icyo atangaza nyuma yo kwegukana igihembo.

    Ubutumwa Meddy yatanze bwari ubwo gushimira abateguye The Kiss Summer awards 2021, abatoye, abanyamakuru ndetse n'abandi bantu muri rusange bakora uk bashoboye ngo bateze umuziki nyarwanda imbere.

    Source : https://yegob.rw/ubutumwa-meddy-yatanze-nyuma-yuko-indirimbo-my-vow-ihatwitse/

  • Ibibaye ku mwana wo mu Rwanda wakoze tingatinga mu biti(Video) – YEGOB #rwanda #RwOT

    Umuyobozi ushinzwe ubusesenguzi bw'ibikorerwa mu Rwanda muri Minisiteri y'Ubucuruzi n'Inganda (MINICOM), Muhire Louis Antoine yemereye ubufasha umwana ugaragara mu mashusho wakoze imodoka ikora ibikorwa remezo [bakunze kwita Tingatinga] akoresheje ibiti.

    Hamaze iminsi hacicikana amashusho y'umwana w'umuhungu wicaye ku modoka ikoze mu biti yikoreye ari kuyora itaka akora ibisa nk'ibimenyerewe ku modoka zikora ibikorwa remezo nk'imihanda.

    Uyu mwana wicaye kuri iyo modoka yakoze mu biti yaziritseho ikimene cy'ijerekani ari kuyora itaka ubundi akarimena ku ruhande nk'uko bisanzwe bikorwa na ziriya modoka ziyora itaka.

    Umuyobozi ushinzwe ubusesenguzi bw'ibikorerwa mu Rwanda muri Minisiteri y'Ubucuruzi n'Inganda (MINICOM), Muhire Louis Antoine yifashishije urubuga nkoranyambaga rwa Twitter, avuga ko yifuza gufasha uriya mwana.

    Mu butumwa yashyize kuri Twitter buherekejwe n'ariya mashusho, Muhire Louis Antoine yagize ati 'Uyu mwana uwaba amuzi yanyandikira inbox. Mwemereye ay'ibitabo kugeza arangije IPRC.'

    @BakerReports @RobCyubahiro @imfurayiwacu mwadufasha tugatera inkunga uyu munyarwanda🙏

    — Muhire (@Muhirela) October 26, 2021

    Source : https://yegob.rw/ibibaye-ku-mwana-wo-mu-rwanda-wakoze-tingatinga-mu-bitivideo/

  • Wari uziko igishishwa cy'umuneke gishobora gukora ibitangaza ku ruhu rwawe? – YEGOB #rwanda #RwOT

    Umuneke n'igishishwa cyawo bifite ibyiza bitangaje ku ruhu rw'umuntu ,igishishwa cy'umuneke kigira intungamubiri hamwe n'ibifasha uruhu kurwanya iminkanyari ,imirongo mu maso hamwe no kwangirika k'uruhu.

    Iminkanyari yo mu maso ibaho mu gihe cyubuzima bw'abantu, mu gihe uruhu rutakaje itoto rugahinduka nk'urudasanzwe ,rugatakaza gukomera rukorohera.

    Rimwe na rimwe gusaza kuruhu n'iminkanyari bishobora kubaho mu buryo busanzwe, nabyo bivuka biturutse ku myitwarire yubuzima ubamo nko kunywa itabi n'ibindi.

    Hari byinshi byo mu maforumasi byagufasha harimo nk'amavuta ,hamwe n'ubundi buryo bwubwiza bwo gukemura ikibazo ,ikindi hari undi muti wakora wibereye iwawe mu rugo.
    Umuti woroshye gukorwa wo mu rugo ugizwe n'ibintu karemano burigihe n'uburyo bwiza bwo gukoresha ku ruhu kuko n'ibisanzwe / nta miti kandi nta n'ubwo bigira ingaruka mbi.

    Igishishwa cy'umuneke kiroroshye gukoresha ku ruhu kugirango ukureho ibiheri n'inkovu zabyo, bigasiga uruhu rusukuye kandi rudafite inenge kandi bikorwa muburyo bworoshye cyane. Icyo ukeneye gusa ni igishishwa cy'umuneke ukajya ugisigaho.

    Source : https://yegob.rw/wari-uziko-igishishwa-cyumuneke-gishobora-gukora-ibitangaza-ku-ruhu-rwawe/

  • Muhanga: Abagabo barasabwa kurenga ku byo bita umuco bakagaragaza ihohoterwa bakorerwa #rwanda #RwOT

    Abahagarariye imiryango itegamiye kuri Leta ikora ku bijyanye n'ubutabera n'uburenganzira bwa muntu, barasaba abagabo bakorerwa ihohoterwa ko bakwiye kurenga ibyo bita umuco bakisunga amategeko akabarenganura kuko amategeko atareba abagore gusa.

    Ibi babigarutseho kuri uyu wa Kabiri tariki 26 Ukwakira 2021, mu nama yahuje iyi miryango hamwe na Ihorere Munyarwanda Organization (IMRO), isanzwe ifasha abaturage bahura n'akarengane.

    Harerimana Jean de la Providence, umuyobozi wa Sosiyete sivile mu karere ka Muhanga avuga ko bagenda bahura na bamwe mu bagabo bakavuga ko mu muco nyarwanda utemera ko umugabo arega umugore ko amukubita, ko ibyo kujya hanze bifatwa nko kuba inganzwa ku mugabo.

    Harerimana Jean de la Providence.

    Yagize ati' Nibyo koko hari abagabo bavuga ko bamwe muribo bakubitwa n'abagore ndetse bakanavuga ko umuco utemerera abagabo kubivuga ndetse ko ubikoze yitwa inganzwa ndetse akavugirwaho amagambo'.

    Nyiraneza Arbertine, Pasteur mu Itorero rya EPR, akaba ahagarariye umuryango Nyarwanda Humuriza Tamari Fondation, yemeza ko abagore aribo bagaragara ko bahohoterwa cyane, ariko ko abagabo nabo bahohoterwa bagatinya kubivuga. Ahamya ko badakwiye kubihisha bitwaje umuco, ko rero ntawakwifuza ko bakomeza guhohoterwa bitwaje umuco nyarwanda bagaceceka.

    Yagize ati' Tubona abagore aribo bagaragaza ko bahohoterwa cyane, n'ikibaye cyose bakabimenyesha inzego zikabafasha, ariko umuco ntukwiye kubera intambamyi abagabo, nabo bahohoterwa bakwiye kubivuga abo bagore bagahanwa. Gusa abo menyeho icyo kibazo mbigisha kubahana nkuko Bibiliya ibisaba umugabo n'umugore, bityo ntihagire ubangamira undi '.

    Mukandungutse Charlotte, umukozi mu muryango nyarwanda utari uwa Leta, Ihorere Munyarwanda Organization(IMRO) ushinzwe ubuvugizi no gukurikirana amategeko,  avuga ko amategeko abereye kubahirizwa, bityo ko ntawukwiye kwibeshya ko amategeko amuha uburenganzira bwo guhohotera abagabo nubwo batanabivuga  bitwaje umuco, ariko nibagane imiryango ibakorere ubuvugizi bizakemuka kuko ntabwo bakwiye kwicirwa uburenganzira kandi hari uburenganzira bakwiye guhabwa.

    Hakunze kugaragazwa imfu za hato na hato aho usanga abagore bishe abagabo babo ndetse n'abagabo bakica abo bashatse bitewe n'amakimbirane ya hato na hato akunze kugaragara mu miryango, ariko na none bikavugwa ko niyo abagabo bagannye inzego z'ubutabera usanga badahita bahabwa ubutabera bagakomeza kureregwa, nti bihabwe uburemere kimwe, mu gihe umugore ugiye kubaregera bahita bihutira gufata uregwa ariwe mugabo.

    Akimana Jean de Dieu / intyoza.com

    Source : https://www.intyoza.com/muhanga-abagabo-barasabwa-kurenga-ku-byo-bita-umuco-bakagaragaza-ihohoterwa-bakorerwa/

  • Agahinda k'umusore w'umunyarwanda ugiye kwicwa n'ikibyimba cyo mu ijosi||abaganga byabateye ubwoba. – YEGOB #rwanda #RwOT

    Umusore uri mu kigero cy'imyaka 16 akomerewe n'umuzima nyuma yo gufatwa n'ikibyimba kidasanzwe ndetse cyateye ubwoba abaganga benshi ,iki kibyimba kikaba cyaramufashe mu ijosi.

    Umubyeyi wa Emmanuel witwa Speciose avuga ko umwana we yavutse nk'abandi bose ntakibazo afite, ariko mu myaka ibiri ishize nibwo iki kibyimba cyamufashe ari akabyimba gato kigenda gikura buhoro buhoro.Bamujyanye kwa muganga mu bitaro bya CHK barakibaga arataha ndetse atangira kugira ikizere ko yakize.

    Ibi byishimo ntibyarambye kuko nyuma y'amezi abiri ,iki kibyimba cyagaratse asubira kwa muganga, bamwohereza mu bitaro bitandukanye aho avuga ko yazengurutse ibitaro byinshi by'i Kigali ariko bikaba ibyubusa. Nyuma nibwo baje kuvumbura ko uyu mwana w'umusore arwaye kanseri yo mu muhogo. Bagerageje kumubaga ariko basanga kanseri yaramurenze bibatera ubwoba ,bababwira ko batamubaga ahubwo hari imiti bazajya bamuha.

    Kuri ubu Emmanuel ntabasha kuvuga ngo ijwi risohoke kubera uburyo ijosi rye ryabyimbye.Ubu burwayi bwe bukomeza kugenda bufata indi ntera dore ko ntakindi kintu ashobora gukora ndetse baramwuhahira kuko kunama biramugora.

    Source : https://yegob.rw/agahinda-kumusore-wumunyarwanda-ugiye-kwicwa-nikibyimba-cyo-mu-ijosiabaganga-byabateye-ubwoba/