Author: webrwanda

Uru ni urutonde rw’abajyanama rusange batowe:

Mu Karere ka Bugesera hatowe:

1. Mutabazi Richard wari usanzwe ari umuyobozi w’ako karere
2. Ntamwiza Jean Marie Vianney
3. Bicamumpaka Ildephonse
4. Uwubutatu Marie Therese
5. Umwali Angelique
6. Dushime Olive
7. Kabeza Robert Kelly
8. Munyazikwiye Faustin

Mu Karere ka Gatsibo hatowe:

1. Gasana Richard wari usanzwe ayobora akarere
2. Kapiteni Athar Eliazar
3. Mukamana Marceline
4. Sekanyange Jean Leonard
5. Musiime Murungi Florence
6. Sibomana Said
7. Nyirindekwe Pierre Clever
8. Niyomugabo Romalis

Mu Karere ka Kayonza hatowe:

1. Munganyinka Hope
2. Harelimana Jean Damascene
3. Nyemezi Jean Bosco
4. Zigira Alphonse
5. Gakumba Geoffrey
6. Basiime Kalimba Doreen
7. Rwomushana Augustin
8. Sikubwabo Benoit

Mu Karere ka Kirehe hatowe:

1. Nzabatinya Modeste
2. Rangira Bruno
3. Muhire Alexis
4. Iturere Liliose
5. Kabera Callixte
6. Muvunyi Jerome
7. Murasira Gerald
8. Rwangalinde Paul

Mu Karere ka Nyagatare hatowe:

1. Gasana Stephen
2. Matsiko Gonzague
3. Murekatete Juliet
4. Mutangana Eugene
5. Shyaka Kazora Amos
6. Kabagamba Wilson
7. Rubasha Hubert
8. Rurangwa Wilson

Mu Karere ka Ngoma hatowe:

1. Banamwana Bernald
2. Bushayija Francis
3. Mapambano Nyiridandi Cyriaque
4. Mukayiranga Marie Gloriose
5. Musonera Ephrem
6. Niyitugize David
7. Niyonagira Nathalie
8. Ntibiringirwa Olivier

Mu Karere ka Rwamagana hatowe:

1. Mbonyumuvunyi Radjab wari usanzwe ayobora ako karere
2. Umutoni Jeanne
3. Nyirabihogo Jeanne d’arc
4. Rangira Lambert
5. Kamugisha Patrick
6. Kayiranga Jean Baptiste
7. Rushisha Charles
8. Mwanga Flavier

Abari basanzwe ari abayobozi babashije gutorwa bashobora kuzongera kuyobora uturere ni Mutabazi Richard wa Bugesera, Gasana Richard wa Gatsibo na Mbonyumvunyi Radjab wa Rwamagana batari bagasoje manda ebyiri bemererwa n’amategeko ariko abari bungirije bamwe muri bo ntibazagaruka.

Uturere tuzabona abayobozi bashya nyamara abari bahari bari bakemerewe gukora indi manda ni Kayonza na Nyagatare gusa Kayonza abari abayobozi bungirije bongeye kugirirwa ikizere mu bajyanama batowe ariko Nyagatare hagarutse umwe wari ushinzwe imibereho myiza.

Naho uturere twa Kirehe na Ngoma, tuzayoborwa n’abayobozi bashya kuko abari basanzwe bayoboye muri manda ebyiri bemererwa, ikibazwa ni bande bazayobora utu turere?

Haranibazwa niba igihe kitageze ngo mu Ntara y’Iburasirazuba yakunzwe kuyoborwa na ba Guverineri b’abagore ariko byagera mu turere hakabura n’umwe, niba igihe kitageze ngo uturere tubiri cyangwa kamwe kayoborwe n’umugore.

Aya ni yo makipe yatangiye guhatana

Guhera kuri uyu wa Gatatu tariki 17 Ugushyingo 2021, mu Rwanda haratangira imikino y’ikiciro cya 2 ihuza amakipe yabaye aya mbere mu matsinda 2, hakiyongeraho Nigeria na Kenya zo zitaciye mu matsinda.

Uganda, Tanzania, Nigeria na Kenya ni zo kipe ziteraniye i Kigali, aho bagomba kwishakamo ikipe imwe na yo ikazajya guhura n’izaturuka mu zindi zone muri Afurika, zikishakamo izigomba kwerekeza muri Australia mu 2022.

Aganira n’itangazamakuru, Byiringiro Emma ushinzwe ibikorwa muri Rwanda Cricket Association (RCA), yavuze ko babona nta kibazo bazahura nacyo kuko bateguye neza amarushanwa yabanje.

Ati “Nta kibazo tuzahura nacyo kuko n’amarushanwa yabanjirije iri yagenze neza kandi iri rushanwa ni Finali, rero tugomba gukora ibishoboka byose rikagenda neza, yewe n’ubwo dushobora kuzagira ikibazo cy’imvura n abyo turabyiteguye. Twateguye uburyo bwo kubyitwaramo igihe yaba iguye muri iyi minsi itatu y’irushanwa”.

Yakomeje ashima Leta y’u Rwanda yo ituma amahanga abagirira ikizere kuko ngo ntibumvaga ko u Rwanda rwakwakira amarushanwa nk’aya kandi rufite ikibuga kimwe. Ubu rero ibibuga bikaba byaraniyongereye biba bibiri.

Byiringiro Emma ushinzwe ibikorwa muri Rwanda Cricket Association

Iyi mikino izatangira taliki ya 17 igeze taliki ya 21 Ugushyingo 2021, ikazakinwa mu buryo amakipe azahura yose hagati yayo (round robin), ikazabera ku bibuga bya Cricket biherereye i Gahanga no muri IPRC Kicukiro.

Iyi poromosiyo ya STARTIMES WISHEYA yatangiye tariki 15 Ugushyingo 2021 izasozwa tariki 15 Mutarama 2022.

Kugira ngo winjire muri iyi Poromosiyo:

Ku bafatabuguzi bashya: Ugura Package ya SABANA kuri 15,000 Rwf, ukareba ukwezi kose bouquet yo hejuru irimo shene zose za StarTimes, ugahabwa Antene na Dekoderi ku ubuntu ukaninjira muri tombola ishobora kuguhesha ibihembo bitandukanye, birimo amafaranga, Televiziyo, n’ibindi byinshi bishimishije bifite agaciro ka Miliyoni 100 byose hamwe.

Ku bafatabuguzi basanzwe, ugura abonma y’ukwezi ugahabwa amahirwe yo kwinjira muri Tombola ishobora kuguhesha ibihembo bitandukanye byose bifite agaciro ka Miliyoni 100.

Abanyamahirwe bazajya bahamagarwa na call center yacu kuri 0788156600 ndetse tunabatangaze ku mbuga nkoranyambaga zacu ari zo Facebook @startimesrwanda, Instagram @rwandastartimes na Twitter @startimesrwanda.

Ku bafatabuguzi batuye hirya no hino mu mujyi wa Kigali bagiraga ikibazo ku bijyanye n’amashusho hamwe na hamwe (Signal), kuri ubu umunara wa Rebero wamaze gutunganywa ubu urakora neza, ikibazo cyarakemutse.

Nyuma ya shene nshya z’Icyongereza n’Igifaransa mu ntangiriro z’uku kwezi k’Ugushyingo 2021, StarTimes ku bufatanye n’ikigo cy’igihugu cy’itangazamakuru mu Rwanda (RBA) babashyiriyeho shene nshya ifite umwihariko wa Siporo yo mu Rwanda muri rusange yitwa MAGIC SPORTS iri kuri DTH (Igisahane) shene ya 251；DTT (Antene y’udushami) shene ya 265.

StarTimes Ibifurije Noheli Nziza n’Umwaka Mushya Muhire wa 2022.

Umutwe wa Leta ya Kiyisilamu (IS) ni wo wigambye kuba waturikije ibyo bisasu nk’uko byatangajwe n’ibinyamakuru bitandukanye.

Uwo mutwe watangaje iby’icyo gitero ku rubuga rwa Telegram, mu izina ry’icyitwa Intara yo muri Afurika yo hagati (ISCAP).

Polisi ya Uganda yo ivuga ko muri ibyo bitero hapfuye Abanya-Uganda batatu, hagapfa n’abiyahuzi batatu bagabye igitero, na ho abandi bantu 33 bagakomereka, barimo batanu bakomeretse bikomeye, muri abo bapfuye hakaba harimo n’abapolisi babiri.

Ibyo bisasu bibiri byaturitse bikurikiranye, kimwe saa yine n’iminota itatu (10h03), ikindi saa yine n’iminota itandatu (10h06) ku isaha y’i Kampala, nk’uko Polisi yabitangaje . Abayobozi bo muri icyo gihugu bavuze ko ibindi bisasu byasanzwe mu bindi bice by’uwo mujyi.

Umuvugizi wa Polisi ya Uganda, Fred Enanga yagize ati “Impungenge ziracyahari ko hashobora guturitswa ibindi bisasu, cyane cyane bitewe n’abagaba ibitero by’ubwiyahuzi”.

Mu gusobanura impamvu y’icyo gitero, ibiro ntaramakuru ‘Amaq’ bya IS byavuze ko Uganda ari “kimwe mu bihugu biri mu ntambara yo kurwanya abarwanyi b’uwo mutwe muri Afurika yo hagati”.

Ibyo bisasu bikimara guturika, bamwe mu bayobozi ba Uganda bari batangaje ko byaba byatewe n’umutwe wa ‘Allied Democratic Forces (ADF)’, umutwe w’inyeshyamba watangaje muri 2019 ko uyobotse IS.
Uwo mutwe wa ADF watangiriye muri Uganda, ariko ubu ngo usigaye ufite icyicaro muri Repubulika ya Demokarasi ya Congo, ndetse warushijeho gukora ibitero mu izina rya IS nk’uko bitangazwa na BBC.

N’ubwo IS yigambye ibyo bitero, Polisi ya Uganda ivuga ko byari bifitanye isano ya hafi n’umutwe wa ADF, kuko umwe muri abo biturikirijeho ibisasu, ngo yari ari ku rutonde rw’abo Polisi ishakisha bo muri uwo mutwe.

Enanga avuga ko umubare w’abahitanywe n’ibyo bitero by’ubwiyahuzi byagabwe muri Kampala ku munsi w’ejo tariki 16 Ugushyingo ngo ushobora kuzamuka, kuko ngo muri 33 bakomerekejwe n’ibyo bisasu barimo 5 bakomeretse ku buryo bukabije, nk’uko byatangajwe n’Ikinyamakuru ‘The New York Times’.

Komisiyo y’Igihugu y’Amatora ivuga ko mu turere uko ari 27 turi hanze y’Umujyi wa Kigali, hose amatora yagenze neza nk’uko byari biteganyijwe.

Ku wa Kabiri tariki 16 Ugushyingo 2021 hatowe abajyanama 216 basangaga abandi 135 biganjemo abagore 5 batowe muri buri Karere bangana na 30% hamwe n’abandi 4 batowe muri buri karere barimo uhagarariye urubyiruko, uhagarariye Inama y’igihugu y’abagore, uhagarariye abafite ubumuga ndetse n’uhagarariye abikorera.

Umunyamabanga nshingwabikorwa wa komisiyo y’igihugu y’amatora, Charles Munyaneza, avuga ko amatora yagenze neza cyane cyane ashingiye ku bwitabire.

Charles Munyaneza

Ati “Amatora yagenze neza, yitabiriwe n’abaturage, abagombaga gutora, imibare ubu turimo tucyegeranya, iragaragaza ko ubwitabire buri hejuru ya 94%, twagize abakandida beza cyane, uretse kuba ari beza, umuntu ashingiye ku mashuri bize ku mirimo bakora cyangwa bakoze, kandi twari dufite n’abakandida benshi cyane, hari harimo ipiganwa riri ku rwego rwo hejuru, ibyo na none bikaba byahaye amahirwe abatoraga guhitamo, kandi bagahitamo koko abantu dutekereza ko bazaba bagize inama njyanama zikomeye zifite ubushobozi, tugereranyije n’izo twari dusanganywe”.

NEC ivuga ko ubu irimo kwegeranya ibyavuye mu matora gusa ngo abajyanama bagombaga kuba batorwa uko ari umunani, mu turere 27 twabereyemo amatora batowe kandi bikaba byagenze neza.

Ikindi kandi ni uko abiyamamaje bagatsindwa berekanye ko umuco wa Demokarasi umaze kugera mu Banyarwanda kuko babyakiriye neza kandi bagashimira na bagenzi babo babatsinze, ariko nyuma inzego z’ubuyobozi zibibutsa ko kuba batsinzwe bitabakuye mu buyobozi bw’Akarere ahubwo bagombye na bo kuba abajyanama ba bagenzi babo batowe.

NEC ivuga ko hagiye gukurikiraho amatora y’abagize biro y’inama njyanama aho inama njyanama zatowe zizitoramo Perezida na visi Perezida ndetse n’umunyamabanga, hanyuma bahite batora komite nyobozi y’Akarere izaba igizwe n’umuyobozi w’Akarere n’abamwungirije, amatora yose akazaba tariki 19 Ugushyingo 2021, ku buryo uwo munsi uturere twose uko ari 27 tuzarara dufite abayobozi ku buryo bose bazarara barahiye yaba abayobozi bashya ndetse n’abajyanama.

Lionel na Bijoux baritegura kurushinga

Izina Bijoux uretse kumenyekana muri filime Bamenya, ntiyari mushya mu makuru y’imyidagaduro kuko yakunze kwifashishwa mu mashusho y’indirimbo zitandukanye z’abahanzi Nyarwanda, mu gihe Lionel Sentore ari umuhanzi nyarwanda ukora injyana gakondo ndetse akaba ari umwuzukuru wa Sentore Athanase.

Lionel Sentore yaherukaga kuvugwa mu rukundo na Mahoro Anesie, wagaragaye mu irushanwa rya Nyampinga w’u Rwanda mu mwaka wa 2014 ndetse aza kumwambika impeta, ariko hadaciye kabiri umubano wabo urahagarara.

Munezero Aline (Bijoux) kandi na we yaherukaga kuvugwa mu rukundo hamwe na Abijura Benjamin, wanamwambitse impeta amusaba kumubera umufasha, muri Kanama 2020 gusa bidaciye kabiri na we baba baratandukanye.

Kuri ubu Lionel Sentore na Munezero Aline bakaba basangije imbaga ibakurikirana ku mbuga nkoranyambaga, ko biteguye kurushinga ku itariki 8 Mutarama 2022.

Lionel Sentore akora umuziki uri mu njyana gakondo nyarwanda, abarizwa mu itsinda Ingangare ahuriyemo na mugenzi we Charles Uwizihiwe, iryo tsinda rikaba ryarifashishijwe na Cecile Kayirebwa mu itunganywa rya alubumu riherutse gusohora yitwa Urukumbuzi.

Munezero Aline we aracyari umukinnyi wa filime nyarwanda y’uruhererekane ica ku rubuga rwa Youtube yitwa Bamenya.

Kopi y’ibaruwa Minisitiri w’Ubuzima Dr Daniel Ngamije yashyizeho umukono ku wa Kabiri tariki 16 Ugushyingo 2021, yahawe Minisiteri ishinzwe imirimo y’Inama y’Abaminisitiri, Minisiteri y’Abakozi ba Leta n’Umurimo (MIFOTRA), Minisiteri y’Ubutegetsi bw’Igihugu(MINALOC) hamwe n’Abayobozi b’Uturere bose.

Iyi baruwa igamije kwibutsa bwa nyuma abakora mu by’ubuzima bose guhabwa Urukingo rwa Covid-19, mu rwego rwo kwirinda no kurinda abo bashinzwe guha serivisi.

Muri iyo baruwa Minisitiri w’Ubuzima Dr Daniel Ngamije yanditse agira ati “Mboneyeho gusaba abakozi bose bakora mu bigo by’ubuvuzi mushinzwe, gufata urukingo rwa Covid-19,…Nibutsa abakozi bose batarafata urwo rukingo ko bagomba kuruhabwa bitarenze iminsi 10 kuva igihe mwakiririye uru rwandiko”.

Minisitiri w’Ubuzima yasabye inzego yandikiye ko nyuma y’iyo minsi 10 zamwoherereza urutonde rw’abantu bose banze gufata urukingo rwa Covid-19.

Minisiteri y’Ubuzima ivuga ko inkingo z’icyorezo Covid-19 zigenda ziboneka, zikaba zaragenewe abantu bose kugeza ubu guhera ku bafite imyaka 12 y’ubukure.

Kugeza ku wa Kabiri tariki 16 Ugushyingo 2021 Abaturarwanda barengeje imyaka 18 y’ubukure bamaze guhabwa doze ya mbere y’Urukingo rwa Covid-19 bararenga miliyoni eshanu n’ibihumbi 179.