Author: webrwanda

Ni ibyaha bivugwa ko byakozwe ku wa Kabiri tariki 16 Ugushyingo 2021, ubwo hari abashyitsi ba b’abanyamahanga bagiye mu iduka ritatangajwe izina, ariko ribarizwa mu Mujyi wa Kigali maze basangayo abo bagore batatu aho kubakira batangira kubavuga, babajije igituma babavuga umwe muri abo bagore akora umunyamahanga mu misatsi, ni uko bagira isoni n’ipfunwe maze nyuma bahita batanga ikirego kuri Polisi.

Umuvugizi wa Polisi y’u Rwanda, CP John Bosco Kabera, avuga ko gukora ku muntu atabiguhereye uburenganzira ari icyaha gihanwa.

Ati “Rimwe na rimwe abantu benshi ntibazi ko gukora ku muntu atabiguhereye uburenganzira bihanwa n’itegeko. Niba abashyitsi baje bakugana ni byiza ko murangwa n’umuco mukakira na yombi ababagana. Impamvu bishyizwe ku mugaragaro ni uko ari ubwa mbere twakiriye ikirego nk’icyo bigaragaza ko hari abantu bamwe basobanukiwe amategeko kurusha abandi, hakaba n’abandi batayazi”.

Icyaha bakekwaho cyo gukora igikorwa gikoza isoni undi muntu, gihanwa n’ingingo ya 135, y’itegeko No 68/2018 ryo ku wa 30/08/2018 riteganya ibyaha n’ibihano muri rusange.

Iyo ugikekwaho agihamijwe n’Urukiko ahanishwa igifungo kitari munsi y’umwaka (1) ariko kitarenze imyaka ibiri (2), n’ihazabu itari munsi y’Amafaranga y’u Rwanda ibihumbi ijana (100,000) ariko itarenze ibihumbi magana atatu (300,000).

Umuvugizi wa Polisi y’u Rwanda, CP John Bosco Kabera

Ariko iyo cyakorewe mu ruhame, uwakoze icyaha ahanishwa igifugo kitari munsi y’imyaka ibiri ariko itarenze imyaka itatu n’ihazabu atari munsi y’amafaranga ibihumbi magana atanu (500,000 Frw) ariko itarenze miliyoni imwe (1,000,000Frw).

Ibyo bihano bishobora kandi no kwikuba kabiri, urugero nk’iyo uwagikoze yagifashijwemo n’abandi (umwe cyangwa barenze) cyangwa uwagikoze yakoresheje agahato cyangwa ibikangisho n’ibindi.

CP Kabera yongeraho ko iryo tegeko rireba abantu bose kandi aboneraho no gusaba abaturarwanda kurushaho kwihugura mu mategeko kugira ngo hatazagira ugongana n’itegeko yitwaza ko atarizi.

New Delhi ngo ni umwe mu Mijyi yo ku isi ifite ikibazo gikomeye cyo kugira umwuka uhumanye, kandi ukaba utuwe n’abantu bagera kuri miliyoni 20.

Kubera izo mpamvu zo guhumana gukabije k’umwuka, ku wa Gatandatu tariki 13 Ugushyingo 2021, Guverinoma y’u Buhinde yategetse amashuri gufunga mu gihe cy’icyumweru, ndetse ihagarika n’ibikorwa bijyanye no kubaka. Icyakora ku wa kabiri tariki 16 Ugushyingo 2021, Komisiyo ishinzwe kugenzura ubwiza bw’umwuka mu Kirere muri New Delhi, yatangaje ko amashuri yose azakomeza gufunga kugeza hasohotse amabwiriza mashya.

Minisiteri y’ibidukikije mu Buhinde, yatangje ko hari n’inganda z’aho muri New Delhi, zasabwe kuba zifunze ibikorwa byazo kuko ibyo zikora bihumanya ikirere cyane. Imodoka zitwara imizigo zabujijwe kwinjira muri New Delhi, uretse izitwara ibikenewe cyane, ibyo bikazageza ku itariki 21 Ugushyingo 2021.

Iyo Komisiyo kandi yavuze ko nibura 50% by’abakozi ba Leta bakorera mu ngo kugeza ku itariki 21 Ugushyingo 2021, kandi n’abo mu bigo by’abikorera bikaba bityo.

Icyo cyemezo kije nyuma y’uko Guverinoma ya Delhi yanze umwanzuro w’Urukiko rw’Ikirenga rw’u Buhinde rwari rwatangaje “Guma mu rugo itewe no guhumana k’umwuka wo mu kirere”, ibyo bikaba byarasabaga ko abaturage baguma mu ngo zabo.

Mu cyumweru gishize urugero rw’umwuka uhumanye mu kirere rwageze kuri 500, ibyo bikaba ngo ari inshuro 30 zikubye, ugereranyije n’urugero rwemewe n’Ishami ry’Umuryango w’Abibumbye ryita ku Buzima (WHO).

Raporo ya Lancet yo mu 2020, ivuga ko abantu bagera ku 17.500 bapfuye muri New Delhi mu 2019 bitewe no guhumana k’umwuka wo mu kirere. Indi raporo y’Umuryango wo mu Busuwisi ‘IQAir’ yo mu mwaka ushize wa 2020, yagaragaje ko imijyi 22 muri 30 ifite ikirere gihumanye kurusha indi ku Isi, iri mu Buhinde.

Tariki ya 03/10/2021 ni bwo Sam Karenzi yatorewe manda ya kabiri yo kuba Umunyamabanga Mukuru w’ikipe ya Bugesera, ndetse akanayibera Umuvugizi.

Sam Karenzi ntakiri Umunyamabanga Mukuru wa Bugesera FC

Kuri uyu wa Kane Sam Karenzi yatangaje ko yeguye kuri uwo mwanya, abinyujije mu ibaruwa yandikiye Perezida wa Bugesera. Muri iyi baruwa yatangaje ko yeguye ku mpamvu ze bwite ariko atigeze atangaza.

Sam Karenzi usanzwe ari n’umunyamakuru wa Radio Fine Fm yatangaje ko inshingano afite muri iyi minsi zitamwereraga gukorera ikipe ya Bugesera nk’uko bikwiye, hakiyongeraho no kuba atagituye mu karere ka Bugesera.

Minsitiri Kagwe (iburyo) yashimye uburyo abajyanama b’ubuzima bahangana na malariya

Yabitangarije muri ako karere ku wa 16 Ugushyingo 2021, aho we na mugenzi we w’u Rwanda, Minisitiri Dr. Daniel Ngamije, basuraga abajyanama b’ubuzima muri ako karere, barebera hamwe intambwe bamaze gutera mu guhashya malariya n’ibindi bikorwa by’ubwitange birimo guhangana na Covid-19.

Ni uruzinduko rwari rugamije kureba uko ibihugu biherereye mu karere ka Afurika y’Iburasirazuba harimo na Repuburika iharanira Demokarasi ya Kongo, byagira uruhare mu gufatanyiriza hamwe kurwanya malariya.

Abajyanama b’ubuzima bagaragaje ko malariya yakunze kubatwara ubuzima bw’ababo no gukenesha imiryango, kuko urugo yagezemo benshi bayandura, hakitabazwa inzitiramibu ariko ikanga ikigakaza umurego.

Umuyobozi w’impuzamakoperatove y’abajyanama b’ubuzima mu Karere ka Karongi yagaragarije abo bayobozi ko abafatanyabikorwa mu kurwanya malariya muri ako karere bakoranye na Leta mu kubona imiti bisiga umubu ugahunga, n’imiti bacana nijoro umubu ntiwinjire mu nzu bakaba bayihabwa n’Umuryango wita ku buzima (SFH), na bo bakayigeza ku baturage ku giciro kidahanitse ku buryo byagabanyije cyane ubwandu bwa malariya.

Barareba ubwoko bw’imibu iri mu biziba niba harimo itera malaria

Agira ati “Imiti twahawe na (SFH) tuyigurisha abaturage bigatuma aho inzitiramubu utabashije gukora neza imiti ihagoboka, natwe kandi dukuraho inyungu nkeya idufasha mu kazi kacu ka buri munsi”.

Senateri akaba na Minisitiri w’Ubuzima mu Gihugu cya Kenya, Kagwe Mutahi, avuga ko ibikorwa by’abajyanama b’ubuzima mu gufasha abaturage ari umurimo bakora bafatanyije n’Imana kuko birenze kuba ibikorwa bya muntu kubera ubwitange babikorana.

Minisitiri Kagwe avuga ko mu rwego rwo kuganira n’ibindi bihugu ibyagezweho n’ibikeneye gukorwa mu guhangana n’indwara ya marariya, hakenewe imbaraga za buri wese kandi ibihugu bituranyi bigatahiriza umugozi umwe kugira ngo icyorezo gicike.

Agira ati “Akazi mukora ni ak’igiciro gikomeye, muri Kenya dufite abajyanama b’ubuzima benshi kandi akazi musangiye ni ak’ubwitange, Imana ibahe umugisha kuko muri indashyikirwa mu gutabara ubuzima bwa benshi”.

Minisitiri Ngamije (ibumoso) Minisitiri Kagwe, bashimye ibikorwa by’abajyanama b’ubuzima

Mu bindi Minisitiri Kagwe yashimye ni uburyo abajyanama b’ubuzima bafatanya n’abakozi ku bigo nderabuzima gushakisha aho imibu iterera amajyi ngo hafatwe ingamba zo kuyirinda hakiri kare, aho bamenya imibu y’ingabo n’iy’ingore kandi bikabafasha kumenya imibu ishobora gutera malariya muri iyo yombi.

Ku kijyanye n’ubufatanye bw’ibihgu mu kurwanya malariya, Minisitiri Kagwe yavuze ko imibu itagira umupaka kandi iyo itembera hirya no hino inakwirakwiza malariye, bityo ko kuyirwanyiriza hamwe ari bwo buryo bwo kuyirandura burundu.

Agira ati “Umubu nta mpapuro z’inzira waka ngo utembere, nta mupaka ugira ni yo mpamvu kuwurwanya bisaba ubufatanye bw’aho wagera hose kugira ngo tubashe kurandura malariya”.

Minisitiri w’Ubuzima w’u Rwanda, Dr. Daniel Ngamije, avuga ko mu rwego rwo guhangana na malariya mu bihugu bigize akarere ka Afurika y’Iburengerazuba u Rwanda ruherereyemo, ari byiza ko Igihugu nka Kenya gisura ibikorwa bishingirwaho mu guhashya malariya, kugira ngo ibyo ashima bibe byaha umurongo ngenderwaho washyigikirwa n’ibindi bihugu kugira ngo bagire imyumvire imwe mu kurwanya iyo ndwara.

Bismiye ko ibiganiro biva mu nama ihuje ibihugu umunani bya EAC biza gufata imyanzuro ifatika

Agira ati “Bifuje kureba uko dukorana n’abajyanama b’ubuzima, uko tubitaho, uko dukorana na bo, uko abajyanama b’ubizima n’abakozi bo mu bigo nderabuzima bafatanya kurwanya malariya, aho bajya kureba aho imibu iterera amagi, bakamenya uko imibu itera marlriya imeze noneho bagafatanyiriza hamwe gusiba ibiziba by’aho yororokera. Babishimye kandi ni ibikorwa byivugira kuruta kubivuga gusa mu magambo”.

Umuyobozi mukuru wa SFH Rwanda, Manase Gihana Wandera, ufasha kubonera imiti n’amahugurwa abajyanama b’ubuzima mu kurwanya malariya avuga ko ubu hari kwigwa ubutyo bahana ubumenyi n’ibindi bihugu ku bikorwa byahurirwaho mu kurwanya iyo ndwara ku buryo bwagutse.

Agira ati “Ni byiza ko dufatanyiriza hamwe guhangana na malariya mu bihugu duturanye, kuko ari urugamba rutari urw’umuntu umwe, ruhuriweho n’abaturage, abayobozi n’abafatanyabikorwa, kuko guha abaturage ubumenyi n’ubushobozi bituma bamenya hakiri kare uko bakwirwanyiriza malariya, uburyo yakwirinda, n’uburyo yatanga raporo ku gihe ngo tuze kumufasha aho atabishoboye.

Mu Rwanda habarurwa abajyanama b’ubuzima ibihumbi 60 bitanga mu mirimo yabo yo gukurikirana ubuzima bw’abaturage, igihugu cya Kenya kikaba kimaze imyaka 20 gitangije uburyo bwo kwifashisha abajyanama b’ubuzima, mu rwego rwo guhangana n’indwara ziganje cyane mu bice by’icyaro.