Webrwanda Backend

Author: webrwanda

  • Nyagatare: Aborozi barasabwa kubana neza n’abahinzi #Rwanda #RwOT via @kigalitoday #rwanda #RwOT

    Aborozi barasabwa kubana neza n
    Aborozi barasabwa kubana neza n’abahinzi

    Yabibasabiye mu muganda wo kurwanya amapfa wabereye mu Kagari ka Kirebe, Umurenge wa Rwimiyaga, aho abahinzi bijujutiye konesherezwa n’aborozi.

    Guverineri Gasana avuga ko ubworozi bugezweho ari ubukorwa aborozi bagaburira amatungo yabo, aho kuyazerereza cyangwa kwizera ko ubwatsi buri mu rwuri buzayahaza.

    Avuga ko ubuhinzi bugezweho ari ubukoreshwa ifumbire mborera n’imvaruganda, kuko aribwo birushaho gutanga umusaruro.

    Asaba abahinzi n’aborozi kubana neza bagafashanya mu bikorwa byabo, bahanahana ibikomoka ku byo bakora.

    Ati “Umuhinzi akenera ifumbire ndetse n’amata, akwiye kubikura ku mworozi hanyuma umworozi na we akabona ibisigazwa by’imyaka, kuko inka zirabirya kandi zigakamwa cyane. Urumva mubanye neza buri wese ibyo akora byarushaho gutanga umusaruro.”

    Abahinzi binubira ko aborozi baboneshereza
    Abahinzi binubira ko aborozi baboneshereza

    Yibukije aborozi gukoresha neza inzuri icyo zagenewe, kuko nibidakorwa bashobora kuzazamburwa zigahabwa abashoboye kuzikoresha neza.

    Yavuze ko mu minsi iri imbere hazasinywa amasezerano hagati y’aborozi n’ubuyobozi, agamije kunoza neza imikoreshereze y’ubutaka icyo bwagenewe.

    Yibukije abaturage ko guhinga ibihingwa bitandukanye bitari ubwatsi bw’amatungo mu nzuri ko binyuranyije n’amabwiriza agenga imikoreshereze yazo.

    Guverineri Gasana yihanangirije abahinzi basarura barangiza ibisigazwa by’imyaka bakabitwika, ko ahubwo bakwiye kubibika bakabigurisha aborozi kuko babikeneye cyane.

    Guverineri Gasana asaba ipmande zombi kubana neza kuko ari byo birimo inyungu
    Guverineri Gasana asaba ipmande zombi kubana neza kuko ari byo birimo inyungu

    Umuyobozi wa Polisi mu Ntara y’Iburasirazuba wungirije, CSP Callixte Karisa, asaba aborozi kwirinda koneshereza abahinzi kuko bihanwa n’amategeko.

    Ikindi yabasabye ni ukwirinda kuzerereza amatungo kuko nabyo bihanwa kandi ntawe wishimira guhanwa.


    source : https://ift.tt/30EkeZ2

  • StarTimes yabateguriye ibyiza bitandukanye mu mpera z’uyu mwaka wa 2021 #Rwanda #RwOT via @kigalitoday #rwanda #RwOT

    Uyu mwaka StarTimes yateguriye abafatafuguzi bayo poromosiyo yise ‘StarTimes We Share’ nk’uko byasobanuwe na Muvunyi. Muri iyo Poromosiyo umuntu ashobora kwishyura ibihumbi cumi na bitanu by’amafaranga y’u Rwanda(15.000 Frw) agahabwa dekoderi yihitiyemo, bitewe n’ubushake bwe, ikaba ifite na anteni yayo, hakaba n’indi iriho amasheni yose (ibyo ngo bikubiye muri ‘package’ yitwa Sabana).

    Ikindi ni uko StarTimes yongereye iminara ifasha abafatabuguzi bayo kureba neza amashusho batavuga ko bicikagurika, ubu hakaba hari umunara mushya bubatse muri Kigali umaze ukwezi kumwe gusa, uwo ukaba ufasha abatuye muri Kigali no mu nkengero kureba amashusho neza.

    Hari kandi Poromosiyo StarTimes yateguye mu rwego rwo kwizihiza Noheli neza (Christmas promotion), iyo ikaba yarayiteguye ku bufatanye n’Ikigo cy’Igihugu cy’Itangazamakuru (RBA), harimo shene bise ‘Magic Sports’ yibanda cyane cyane kuri siporo yo mu Rwanda ndetse n’imyidagaduro.

    StarTimes kandi yongereye ibyo abafatabuguzi bayo bashobora kureba (Content), harimo nk’iyitwa ‘Love Thy Woman’ iboneka kuri ‘Novela F + ‘ kuri StarTimes, hakiyongeraho n’indi yitwa ‘Wild Flower’/ ‘Ururabo rwo mu ishyamba’, iri kuri BTV.

    Richard Dan Iraguha, Umuyobozi wa BTV, yasobanuye ko iyo ari Shene ya Televiziyo nshya ikorera mu Rwanda, ikaba ifite umwihariko mu gusemura Filimi mu Kinyarwanda. Yavuze ko ku bafatanye na StarTimes bakora uwo mushinga wo gusemura, kuko bibafasha mu kumva ubutumwa buba bukubiye muri filimi.

    Ibihembo muri rusange, ngo bifite agaciro ka miliyoni 100 z’amafaranga y’u Rwanda, harimo za Firigo, televiziyo, amafaranga,… ibyo byose biteranye ngo ni byo bigize ako gaciro. Uhereye tariki 18 Ugushyingo 2021, buri cyumweru bazajya bahemba abatsinze.

    Icyo bisaba, kugira ngo umuntu atsindire bimwe muri ibyo bihembo, ku bantu badasanganywe ifatabuguzi rya StarTimes, birabasaba kugura ‘package’ ya Sabana, ku bihumbi cumi na bitanu (15.000Fw). Iyo imara ukwezi, uyiguze akaba yinjiye mu banyamahirwe batsindira bimwe muri ibyo bihembo.

    Ku basanzwe ari abafatabuguzi ba StarTimes bo, bibasaba kugura ‘abonema’ y’ukwezi iyo ari yo yose, iyo irahagije kugira ngo umuntu yinjire muri tombola. Iyo tombola ikubiye muri Poromosiyo ya ‘StarTimes We Share, yatangiye ku itariki 18 Ugushyingo 2021, ikaba izarangira ku itariki 15 Mutarama 2022. Intego y’iyo Poromosiyo ni ukugira ngo StarTimes ishobore gusangira n’abafatabuguzi bayo Noheli n’Ubunani, kuko nk’uko bisanzwe iyo minsi mikuru isangirwa mu muryango, kandi umuryango wa StarTimes ukaba ari abafatabuguzi bayo.

    source : https://ift.tt/3FvqnGh

  • Kompanyi Jali Investment Ltd yagaragaje icyadindije iyubakwa rya Gare ya Gisenyi #Rwanda #RwOT via @kigalitoday #rwanda #RwOT

    Gare ya Gisenyi yari yaradindiye igiye kubakwa
    Gare ya Gisenyi yari yaradindiye igiye kubakwa

    Muri Nzeri 2020 nibwo ubuyobozi bw’Akarere ka Rubavu na sosiyete y’ubucuruzi, Jali Investment, basinye amasezerano yo kubaka gare igezweho mu mujyi wa Gisenyi, igikorwa cyagombaga kumara imyaka ibiri ariko umwe washize nta gikozwe.

    Mbere y’ibikorwa byo kubaka hari hateganyijwe kwimura imiryango 12 ifite ibikorwa ahazubakwa gare, ubutaka bwabo bukongerwa ku bwatanzwe n’Akarere ka Rubavu, icyakora ibikorwa uko byari biteganyijwe ntabwo byihuse nk’uko byari biteganyijwe.

    Tariki ya 18 Ugushyingo 2021, ubuyobozi bwa Jali Investment nibwo bwashyikirije ingurane ingana na miliyari y’Amafaranga y’u Rwanda abaturage bafite imitungo ahazubakwa gare ya Rubavu, bugatangaza ko gutinda kubishyura byatewe n’ingaruka za Covid-19.

    Col Twahirwa Louis Dodo, Umuyobozi wa JALI Investment Ltd, avuga ko bizeye ko ubwo bashoboye kwishyura ingurane hasigaye gutangiza ibikorwa byo kubaka gare.

    Akarere ka Rubavu gasanzwe katagira aho abagenzi bategera imodoka kuko ahakoreshwa hubatswe n’ikigo gitwara abagenzi cya KBS kigikorera mu ntara.

    Gare izubakwa ahigeze gushyirwa gare n’ubundi hitwa Nyakabungo, hazaba hafite ubunini bungana na hegitare imwe, bitandukanye n’aho imodoka zitwara abagenzi zari zisanzwe zihagarara.

    Col Dodo avuga ko uretse kubaka aho abagenze bategera imodoka, hazanatangirwa serivisi zitandukanye zirimo aho gushyira imodoka, ibiro by’ibigo bitwara abagenzi, uburiro, amacumbi n’inzu z’ubucuruzi.

    Abafite imitungo ahazubakwa gare barishyuwe
    Abafite imitungo ahazubakwa gare barishyuwe

    N’ubwo Col Dodo asinya amasezerano n’ubuyobozi bw’Akarere yavugaga ko nta muturage uzahendwa kuko ubutaka bwabo buzishyurwa ku giciro kiriho, ndetse ngo abaturage bazishyurwa ibikorwa byabo ku gaciro gakwiye, mu miryango 12 ifite ibikorwa ahazubakwa gare ya Gisenyi, hari abaturage batatu batarishyurwa banze igiciro bahawe bakavuga ko bahawe ingurane idakwiye.

    Uwitwa Tigana utarishyuwe, avugana na Kigali Today yagize ati “Ntabwo twigometse twanga amafaranga, ahubwo twabasabye kuduha ingurane ikwiye kuko bakoze ibarura ry’ibyishyurwa n’agaciro kabyo, natwe dukoresha iryacu. Abagenagaciro babo n’abacu barahuye baraganira kandi basanga ibipimo ni Bimwe, kuki badahuza amafaranga kandi hagenderwa ku biciro byashyizweho na Leta.”

    Abaturage icyenda bishyuwe ingurane bahawe miliyari y’Amafaranga y’u Rwanda, mu gihe hari hateganyijwe kwishyurwa miliyari imwe na miliyoni 300 ariko hakaba hari imiryango itatu itarishyurwa.

    Umuyobozi w’agateganyo w’Akarere ka Rubavu, Ruhamyambuga Olivier, ashimira abaturage bemeye ingurane kugira ngo ibikorwa byo kubaka gare bitangire, agasaba abatarayemera guhuza ibyavuye mu igenagaciro kugira ngo bishyurwe.

    Agira ati “Bakoresheje igenagaciro ryabo rizahuzwa n’iryakozwe na Jali, ni byanga bazahuzwa baganire ariko bidakunze hazubahirizwa amategeko.”

    Abahawe ingurane bavuga ko bishimiye ingurane bahawe kuko batahenzwe, bakavuga ko bamwe babonye igishora bazaheraho mu kwikorera.

    Abahawe ingurane basinya imbere ya Notaire
    Abahawe ingurane basinya imbere ya Notaire

    Ubuyobozi bwa Jali Investissement butangaza ko buzakoresha miliyari 6 na miliyoni 300 mu bikorwa byo kwimura abaturage no kubaka gare ya Gisenyi.

    JALI Investment Ltd isanzwe ifite ibigo byubaka ahahagarara imodoka zitwara abagenzi, mu Rwanda ikaba imaze kugira Gare zirindwi zirimo; Muhanga, Gicumbi, Kabuga, Kayonza, Bugesera, Musanze, na Nyagatare.


    source : https://ift.tt/3HEeD6j

  • Ba Mayors bagiye kuyobora Uturere batangiye kumenyekana, bamwe bari basanzweho #rwanda #RwOT

    Ni amatora yabimburiwe n’irahira ry’abagize Njyanama z’Uturere batowe ari na bo bagombaga kwitoramo Komite Nyobozi z’Uturere barimo Umuyobozi w’Akarere ndetse n’abamwungirije.

    Aya matora yabaye kuva mu gitondo cyo kuri uyu wa Gatanu, hamwe bageze saa sita bamaze kumenya abayobozi b’Uturere nko mu Karere ka Bugesera, Mutabazi Richard yongeye gutorerwa kuyobora kariya Karere.

    Mu Karere ka Gicumbi na bo bageze saa Sita bamaze kumenya Mayor wa kariya Karere kagiye kuyoborwa na Nzabonimpa Emmanuel wari usanzwe ari umuyobozi w’ishami rishinzwe imirimo rusange mu Karere ka Gatsibo.

    Mu Karere ka Nyagatare na bo bamaze kumenya Umuyobozi wabo, aho hatowe Gasana Stephen, naho mu Karere ka Nyaruguru bakaba batoye Murwanashyaka Emmanuel.

    Sebutege Ange na we yongeye gutorerwa kuyobora Akarere ka Huye ku majwi 304 mu gihe Bakundukize Redempta bari bahanganye, yagize amajwi 13, ndetse no mu Karere ka Nyanza, Ntazinda Erasme yongera gutororerwa kuyobora kariya Karere.

    Naho mu Karere ka Gatsibo, Gasana Richard na we akaba yongeye kugirirwa icyizere atorerwa kongera kuyobora aka Karere.

    Source : http://www.ukwezi.rw/1-1/3/article/Ba-Mayors-bagiye-kuyobora-Uturere-batangiye-kumenyekana-bamwe-bari-basanzweho

  • Covid-19 ishobora gutuma inda ivamo:Dr Nsanzimana Sabin #rwanda #RwOT

    Dr Nsanzimana Sabin umuyobozi w’ikigo gishinzwe ubuzima mu Rwanda RBC avuga ko ku mugore utwite mu gihe afashwe na Covid-19 bishobora gutuma inda atwite ivamo ari nayo mpamvu abagore batwite bakwiye kwihutira gufata urukingo. Dr Nsanzimana yagize ati 'ni byiza kwikingiza Covid-19 ku bagore batwite,nta ngaruka bishobora gutera yaba ku mwana batwite cyangwa ku mugore.Birihutirwa kuko iyo bahuye na Covid-19 bagira ibibazo cyane ku buryo n’inda batwite ishobora kuvamo.' Akomeza avuga ko Covid-19 (…)

    – Mu makuru

    Source : http://agasaro.com/spip.php?article4391

  • Urukingo rwa COVID-19 ruha ubudahangarwa ku mubiri w’umubyeyi wonsa #rwanda #RwOT

    Mu gihe bamwe mu babyeyi usanga bafite impungenge ku buzima bw’abana babo n’ubw’abana bonsa mu gihe baba bikingije Covid-19, bamwe mu bikingije uru rukingo ndetse n’inzego z’ubuzima mu Rwanda barabamara impungenge bavuga ko ahubwo urukingo rwongerera ubudahangarwa uwonsa. Umwe mu bagore utarashatse ko ibimuranga bitangazwa yagize ati 'nge abantu banteye ubwoba ko amashereka ashobora kwandura n’umwana akandura,ubuzima bwacu bukaba bwamererwa nabi. Hari n’abavuga ko umuntu ashobora kuba ingumba (…)

    – Mu makuru

    Source : http://agasaro.com/spip.php?article4392

  • Ishami rya Polisi rishinzwe umutekano wo mu muhanda ryahawe umuvugizi waryo #rwanda #RwOT

    Ishami rya Polisi rishinzwe umutekano wo mu muhanda, ryari rimaze iminsi rivugirwa n’Umuvugizi wa Polisi y’u Rwanda, CP John Bosco Kabera, ryari rimaze iminsi ritanga ibisobanuro kuri bimwe mu byagarutsweho cyane mu bijyanye n’imikoreshereze y’ibinyabiziga.

    Muri iki cyumweru ni bwo humvikanye bimwe mu bibazo by’abinubira ikoreshwa rya Camera zifashishwa mu gucunga umutekano wo mu muhanda.

    Umuvugizi wa Polisi y’u Rwanda, CP John Bosco Kabera watanze ibisobanuro kuri ziriya Camera, yakunze kuvuga ko ikibazo atari Camera ahubwo ko ikibazo ari abarenga ku mategeko y’umuhanda.

    Mu kiganiro yagiranye na Radio 10 kuri uyu wa Gatatu tariki 17 Ugushyingo 2021, CP John Bosco Kabera yavuze ko ziriya Camera zinubirwa ahubwo ziziyongera kubera intego yazo yo kubungabunga umutekano w’abakoresha umuhanda.

    Ishami rya Polisi rishinzwe umutekano wo mu muhanda, rihawe umuvugizi nyuma y’igihe ritamugira, rikaba ryaravugiwe n’abarimo Jean Marie Vianney Ndushabandi na Emmanuel Kabanda uherutse kwirukanwa muri Polisi y’u Rwanda

    SSP Irere René wagizwe Umuvugizi mushya w’Ishami rya Polisi rishinzwe Umutekano wo mu Muhanda, yabaye umukozi mu Community Policing.

    Source : http://www.ukwezi.rw/1-1/2/article/Ishami-rya-Polisi-rishinzwe-umutekano-wo-mu-muhanda-ryahawe-umuvugizi-waryo

  • Ferwafa yanze ubusabe bwa APR FC bwo gusubika umukino wa Rayon Sports #Rwanda #RwOT via @kigalitoday #rwanda #RwOT

    Ku wa Kabiri tariki 23/11/2021, ni bwo hategerejwe umukino uba witezwe na benshi mu bakunzi ba siporo by’umwihariko abakunzi b’umupira w’amaguru, umukino ikipe ya APR FC izakiramo rayon Sports.

    Ikipe ya APR FC ifite umukino izahuramo na RS Berkane yo muri Maroc ku Cyumweru tariki ya 28/11/2021 ubwo hazaba hashize iminsi itanu ihuye na Rayon Sports, yandikiye Ferwafa tariki 16/11 iyisaba ko umukino bagomba guhura na Rayon Sports usubikwe.

    Ishyirahamwe ry’umupira w’amaguru mu Rwanda “Ferwafa” ryandikiye APR FC riyimenyesha ko ubusabe bwayo butemewe kuko basanga nta shingiro bufite, bityo uyu mukino ukazaba nk’uko byari biteganyijwe.

    Ibaruwa ya Ferwafa iragira iti “Tubandikiye tubamenyesha ko ubusabe bwanyu butemewe kuko impamvu mugaragaza zidafite ishingiro bitewe n’uko iminsi yo kwitegura umukino wa ‘CAF Confederation Cup Total Energies 2021/2022’ mufitanye na RS Berkane yo muri Maroc tariki ya 28/11/2021 ihagije. Bityo uwo mukino wanyu uzakinwa nk’uko byari biteganyijwe.”

    source : https://ift.tt/30DxBJ4

  • Diane wamamaye muri Healing Worship Team na T… – #rwanda #RwOT

    Abakunzi b'umuziki wo kuramya no guhimbaza Imana bazi Diane cyane rimwe na rimwe kurusha n'amatsinda anyuranye yagiye aririmbamo akanayabera umutoza w’abaririmbyi mu bihe bitandukanye, kuri ubu akaba yerekeje muri Leta Zunze Ubumwe za Amerika  aho agiye gutura.

    Mbere yo gufata urugendo abagize True Promise Ministries na Healing Worship Team bafashe umwanya wo kumwifuriza ishya n'ihirwe aho agiye, bamushima itafari rikomeye yashyize ku murimo w’Imana binyuze mu kuramya no guhimbaza Imana mu ndirimbo.

    True Promises bagize bati:'Twifurije umuririmbyi wacu n'umutoza w'abaririmbyi Diane urugendo rwiza rwo kwerekeza muri Leta Zunze Ubumwe za Amerika aho asanze umugabo we Mpore Eric. Safe Flight ✈️ Diane. Ubutwari bwawe buzahoreho Iteka ryose kandi Uwiteka akomeze kugukoresha icyo yaguhamagariye. Turagukunda cyanee 🙏 ❤️.' 

    Healing Worship Team yanditse ku rukuta rwayo rwa Instagram ko Diane yababereye umugisha, bamwifuriza urugendo rwiza. Bati “Urugendo rwiza Diane Zebedayo, watubereye umugisha mu buryo tutabona uko tubisobanura, Uwiteka akwiture ibirenze ibyo wakoze. Turagukunda kandi tuzagukumbura”.

    Diane yatangiye kuririmba cyera cyane abana na nyina dore ko se yitabye Imana akiri muto.  Ageze mu mwaka wa mbere w'amashuri yisumbuye mu mwaka wa 2009, Diane ni umwe mu bantu bane batangije True Promise Ministries yaje gukomeza kugenda yaguka mu murimo ubwo yigaga muri Kaminuza bifata indi ntera atangira kumenyekana mu bantu benshi. 

    Mu mwaka wa 2017 ni bwo yasezeranye kubana akaramata n'umugabo we Mpore Eric bafitanye umwana umwe w’umukobwa. Umugabo we atuye muri Leta Zunze Ubumwe za Amerika akaba ari nawe Diane yasanze ngo bakomeze kubaka urukundo n'urugo Imana yabahaye.

    Diane yasanze umugabo we muri Leta Zunze Ubumwe za Amerika


    Zebedayo Famiy y’abo mu muryango wa Diane bamwifurije ishya n’ihirwe

    Diane n’imfura ye berekeje muri Amerika

    Source : https://inyarwanda.com/inkuru/111627/diane-wamamaye-muri-healing-worship-team-na-true-promises-yagiye-gutura-muri-amerika-amafo-111627.html

  • Nyabihu : Umugore w’imyaka 49 yafatiwe mu modoka ajyanye i Muhanga udupfunyika tw’urumogi 876 #rwanda #RwOT

    Uyu mugore yafashwe kuri uyu wa Gatatu tariki 17 Ugushyingo mu Mudugudu wa Rugera, mu Kagari ka Nyamitanzi, Umurenge wa Jomba muri kariya Karere ka Nyabihu ubwo yerecyezaga mu Karere ka Muhanga.

    Umuvugizi wa Polisi mu Ntara y’Iburengerazuba, Chief Inspector of Police (CIP) Bonavanture Twizere Karekezi yavuze ko Nyiramatama yafatiwe mu modoka itwara abagenzi mu buryo bwa rusange. Yafatiwe mu bikorwa bya Polisi bisanzwe bigamije kurwanya abakwirakwiza ibiyobyabwenge n’abacuruza magendu.

    Yagize ati 'Hari mu gitondo ahagana saa tanu abapolisi bari mu kazi gasanzwe ko kugenzura imodoka zinyura mu Karere ka Nyabihu kuko hakunze kunyura urumogi n’ibicuruzwa bya magendu n’ibitemewe. Basatse imodoka yarimo Nyiramatama bageze ku gakapu yari yicaranye basanga munsi yashyizemo ruriya rumogi hejuru ashyiraho imbuto mu rwego rwo kujijisha.'

    CIP Karekezi akomeza avuga ko Nyiramatama amaze gufatwa yemeye ko urumogi yari aruvanye mu Karere ka Rubavu arujyaniye umuntu wo mu Karere ka Muhanga ariko yanze kumuvuga, avuga ko yaruhawe n’uwitwa Kazungu. Umuvugizi wa Polisi mu Ntara y’iburengerazuba yongeye gukangurira anantu gukora ibikorwa byemewe n’amategeko bakirinda ibigusha mu byaha.

    Ati 'Nyiramatama avuga ko ubusanzwe atuye mu Karere ka Muhanga akaba yari agiye kurangura imiteja yo gucuruza. Iyo yigira mu bucuruzi bwe bw’imiteja akirinda kugerekaho gukwirakwiza urumogi nta kibazo yari kugira, n’abandi bose turongera kubamenyesha ko amayeri yose bakoresha bakwirakwiza urumogi yamenyekanye.'

    Nyiramatama yahise ashyikirizwa Urwego rushinzwe ubugenzacyaha(RIB) ikorera muri sitasiyo ya Jomba kugira ngo hakorwe iperereza.

    ICYO ITEGEKO RIVUGA

    Iteka rya minisitiri Nº001/MoH/2019 RYO KU WA 04/03/2019 rigena urutonde rw’ibiyobyabwenge n’ibyiciro byabyo rishyira urumogi mu cyiciro cy’ibiyobyabwenge bihambaye.

    Itegeko nº68/2018 ryo ku wa 30/08/2018 riteganya ibyaha n’ibihano muri rusange, ingingo ya 263 ivuga ko umuntu wese ukora, uhinga, uhindura, utunda, ubika, uha undi, ugurisha mu gihugu ibiyobyabwenge cyangwa urusobe rw’imiti ikoreshwa nka byo mu buryo bunyuranije n’amategeko, aba akoze icyaha.

    Iyo abihamijwe n’urukiko ahanishwa igifungo cya burundu n’ihazabu y’amafaranga y’u Rwanda arenze miliyoni makumyabiri (20.000.000 FRW) ariko atarenze miliyoni mirongo itatu (30.000.000 FRW) ku byerekeye ibiyobyabwenge bihambaye harimo n’urumogi.

    Source : http://www.ukwezi.rw/1-1/Amakuru-anyuranye/article/Nyabihu-Umugore-w-imyaka-49-yafatiwe-mu-modoka-ajyanye-i-Muhanga-udupfunyika-tw-urumogi-876