Umutoza mushya wa Aston Villa,Steven Gerrard yavuze ko atazigera agira ubwoba igihe azaba yahuye n'abayobozi bakomeye muri Premier League.
Uyu mutoza mushya wa Aston Villa, ufite imyaka 41,ngo siwe uzabona ahangana n'umutoza wa Manchester City,Pep Guardiola na Jurgen Klopp wa Liverpool – bazatana mu mitwe mu kwezi gutaha.
Kuri uyu wa gatandatu, Gerrard,uratangira akazi yakira Brighton, yagize ati: 'Uko ingorane zaba zingana kose, niko ugomba kurushaho kwishima.
Iyi ni shampiyona nziza ku isi. Ni ukubera amakipe meza arimo n'abatoza beza.
Twese twemera ko ari shampiyona itoroshye, ibamo guhangana gukomeye ariko biranshimishije kurusha kuntera ubwoba kandi niteguye kwerekana ko ndi umugabo ukwiriye aka kazi.
Cynthia Uwase wabonye umuhanzi Divine Ikubor [Rema] akarira kubera urukundo amukunda, yahishuye ko uyu muhanzi yamusezeranyije ko ejo bazaba bari kumwe ku rubyiniro mu gitaramo azakorera muri Kigali Arena.
Uyu muhanzi ukomoka muru Nigeria ari mu Rwanda guhera ku wa Gatatu aho yaje mu gitaramo cya Visit Rwanda Concert kizaba ku munsi w’ejo ku wa Gatandatu tariki ya 20 Ugushyingo 2021 muri Kigali Arena.
Uyu munsi uyu muhanzi akaba yakoze ikiganiro n’Itangazamakuru aho yavuze ko yishimiye kuba ari mu Rwanda aho yasanze ari igihugu cyiza.
Muri iki kiganiro hagaragaye umukobwa wari wambaye umupira w’umweru wuzuyeho amafoto y’uyu muhanzi, aho yaje no kurengwa n’amarangamutima ararira.
Aganira n’ikinyamakuru ISIMBI, Uwase Cynthia yavuze ko ari umufana ukomeye cyane w’uyu muhanzi aho yatangiye kumukurikirana umwaka ushize.
Ati 'Ndamufana cyane birenze no kumufana. Hashize igihe muzi, namumenye muri guma mu rugo y’umwaka ushize, ntangira kujya numva indirimbo ze cyane, ni nabwo natangiye kumukurikira kuri Instagram, n’abantu bankurikira kuri IG barabizi, ko mukunda.'
Yakomeje avuga ko imvano y’amarira yasutse ari amarangamutima yagize kubera urukundo akunda uyu muhanzi, akaba atiyumvishaga ko bahuye.
Ati 'Icya mbere na we umuntu ukunda cyangwa ufana umubonye ntabwo byakorohera guhisha amarangamutima yawe, cyane ko Rema mukunda mu buryo ntashobora gusobanura, niko amarangamutima yanjye yaje ndarira.'
Yakomeje avuga ko uyu muhanzi yamubwiye ko yakunze umupira yambaye amusezeranya ko ejo bazaba bari kumwe ku rubyiniro muri iki gitaramo.
Ati 'Arambwiye ngo ejo tuzabonana hariya muri Arena, aranambwira ko akunze umupira wanjye nyine, nanjye kuva uyu munsi mbaye umufana. Nabyakiriye neza cyane ni ibintu navuga nifuzaga ku buryo utabyumva, inzozi zibaye impamo.'
Biteganyijwe ko Rema ari we uzasoza ibirori bya BK All Star Game izaba ejo aho Team Shyaka izakina na Team Ndizeye bizagenda bivangwa n’umuziki abahanzi baririmbira abahanzi muri iki gitaramo cyiswe 'Visit Rwanda Concert’.
Amerika yakuyeho ibihano yari yarafatiye u Burundi
Bivugwa ko icyo gihe abantu bagera ku gihumbi bapfuye abandi benshi bagakomereka. Muri izo mvururu zo mu 2015, Abanyapolitiki bakomeye mu Burundi ndetse n’abashinzwe umutekano muri icyo gihugu, bashinjwe kugira uruhare mu kubangamira uburenganzira bwa muntu.
Ku itariki 22 Ugushyingo 2015, Leta zunze Ubumwe za Amerika, zasohoye inyandiko ivuga ko u Burundi buri mu bihe bidasanzwe, ibyo byakurikiwe no gufatira imitungo y’abanyapolitiki bakuru byavugwaga ko bagize uruhare muri uko kubangamira uburenganzira bwa muntu.
Inyandiko yasinyweho na Perezida Biden wa Amerika, igira iti “Ihererekanya ry’ubutegetsi nyuma y’amatora yo mu 2020, ryagabanyije cyane imvururu, ubu rero nkaba nshyize iherezo ku bihe bidasanzwe byari byatangajwe, inyandiko yatangazaga iby’ibyo bihe bidasanzwe, nkaba nyitesheje agaciro”.
Amerika ikuyeho ibihano yari yarafatiye u Burundi, nyuma y’iminsi ibiri Ambasaderi wa Leta zunze Ubumwe za Amerika mu Burundi, Ms Melanie H. Higgins, ahuye na Perezida Evariste Ndayishimiye, bakaba barahuriye i Gitega.
Ubwo Perezida Ndayishimiye yafunguraga ku mugaragaro icyiswe ‘National Development Forum’ i Bujumbura ku wa Kane tariki 18 Ugushyingo 2021, yavuze ko umubano w’u Burundi na Amerika ugenda uba mwiza kurushaho.
Umuryango w’Ubumwe bw’ibihugu by’i Burayi (EU) na wo wari wafatiye u Burundi ibihano mu 2015, nyuma y’uko LONI yari yatangaje ko u Burundi bubangimira uburenganzira bwa muntu.
Icyo gihe EU yahagaritse inkunga yahaga u Burundi, kandi muri icyo gihe ngo 50% by’ingengo y’imari y’u Burundi yashingiraga ku nkunga.
Kugeza ubu ibiganiro hagati ya EU na Leta y’u Burundi ku bijyanye no gukurirwaho ibihano ngo bigeze kure. Ni ibiganiro byatangiye nyuma y’uko Perezida mushya w’u Burundi, Evariste Ndayishimiye, agiye ku butegetsi muri Kamena 2020.
Mu masaha ya mbere ya saa saba z’amanywa henshi mu turere abatorewe kujya muri iyo myanya bari bamaze kumenyekana, bamwe bakaba basubiye mu nshingano n’ubundi bari basanzwemo, abandi bakaba ari bashya.
Perezida Kagame Paul yabivuze kuri uyu wa Gatanu tariki 19 Ugushyingo mu muhango wo guhemba abasora neza.
Perezida Paul Kagame yaboneyeho gushimira abasora kuko imisoro batanga ari yo igira uruhare mu kuzamura ubukungu bw’Igihugu.
Ati 'Ari abatabonye igihembo ariko mpereye no kubabibonye, bigaragara ko bakora icyo nabasaba ni ugukora kurushaho ndetse no gukora neza ibyo dukora tukabyongera, tubakira neza bikatugirira inyungu, birumvikana ko igihugu na cyo kibyungukiraho.'
Yanavuze ku bataratanga imisoro, yavuze ko bakwiye kwikubita agashyi kandi bakigira kuri bariya bahembwe uyu munsi.
Perezida Kagame wavuze ko imisoro ubusanzwe ari igishoro cy’imibereho myiza yo mu bihe biba bigezweho ndetse no mu bihe biri imbere, yaboneyeho gushimira Ikigo cy’Igihugu gishinzwe imisoro n’amahoro gikusanya iriya misoro.
Perezida Kagame yaboneyeho kuvuga ku ngingo imaze iminsi ivugwaho cyane ijyanye n’amande acibwa abarenza umuvuduko w’ibinyabiziga wagenwe mu Rwanda yagarutsweho cyane muri iki cyumweru.
Perezida Kagame watangiye abwira abitabiriye uriya muhango ko bashobora kuba bageze aho wabereye baciwe amande menshi kubera ziriya camera zashyizwe ku mihanda zimaze iminsi zivugwaho cyane.
Agaruka ku bantu bamaze iminsi bitotomba, yagize ati 'Baravuga ngo ntawuhumeka abantu bagenda batanga amafaranga y’ibihano ku warengeje ibilometeri nka 40 ku isaha.'
Akomeza agira ati 'Uwo muvuduko ubanza ari nk’uwa bamwe muri twe dukoresha tumenyereye kugendesha amaguru tugenda. Ndakeka ko bashatse gutubura amafaranga cyane kugira ngoâ¦'
Perezida Kagame wavugaga ko uriya muvuduko uri hasi cyane ariko ko adashaka ko umuvuduko uba mwinshi kuko na wo uvamo ingaruka nyinshi.
Ati 'Ariko nanone ntabwo umuvuduka wawushyira hasi cyane ku buryo utazagera aho ujya. Nabwiye Abapolisi ko nshaka ko tugira balance [guhuza].'
Yanagarutse kandi ku bavugaga ku byapa byo ku muhanda bigaragaza umuvuduko ntarengwa, avuga ko hari abavuga ko batabibona ariko bakaza gutungurwa no kuba baciwe amande, avuga ko ibyo bimenyetso byose bigomba kuboneka kugira ngo hatagira ugwa mu makosa bitamuturutseho.
Impanuka y'imodoka yabereye mu Murenge wa Kamegeri mu Karere ka Nyamagabe mu ijoro ryo kuri uyu wa 19 Ugushyingo 2021, yahitanye abantu babiri barimo umushoferi wari uyitwaye n'undi muntu bari kumwe.
Iyo kamyo yaguye mu muhanda Huye- Nyamagabe mu Murenge wa Kamegeri aho umuhanda uherutse kwangizwa n'imvura nyinshi yaguye.
Umunyamabanga Nshingwabikorwa w'agateganyo w'Umurenge wa Gasaka, Sebintu Jean de Dieu, yabwiye IGIHE dukesha iyi nkuru ko amakuru y'ibanze bamaze kumeya ari uko iyo mpanuka yabaye hagati ya saa munani na saa cyenda z'ijoro ryakeye.
Yakomeje avuga ko bigaragara ko iyo kamyo yashatse kubisikana n'indi modoka, bituma igwa munsi y'umuhanda.
Umuvugizi wa Polisi mu Ntara y'Amajyepfo, SP Theobald Kanamugire, yabwiye IGIHE ko iyo mpanuka yahitanye abantu babiri bari muri iyo kamyo.
Ati 'Yahitanye abantu babiri barimo umushoferi wari uyitwaye n'undi bari kumwe.'
Yavuze ko kuri ubu Polisi iri mu gikorwa cyo gukura iyo kamyo aho yaguye no kuvanamo abantu yahitanye.
Mu minsi ishize nibwo hasakaye amashusho n'amafoto kuri Twitter y'umukobwa w'umumotari ,abantu benshi birabatangaza kubona uyu mukobwa mwiza akora ubumotari gusa byaje kurangira bigaragaye ko uyu mwari ari amashusho y'indirimbo ye yise motari yakoraga.
Rukundo Agnes waciye ibintu kuri Twitter akaba yamaze gusinya muri Sosiete ya Alain Muku ifasha abahanzi aho yasimbuye umuhanzikazi Clarisse Karasira. Rukundo urangije amashuri yisumbuye mu bwarimu, asanzwe atuye mu karere ka Nyagatare.
Kuri shene ya Youtube uyu mwari yavuze ko yandikiye Alain Muku amusaba ubufasha, undi nawe amusaba kumwoherereza ibihangano bye bityo akumva impano ye.
Nyuma yo kohereza amajwi aririmba agashimwa, yahise atangirana imikoranire na Boss Papa ya Alain Muku, kugeza ubu akaba amaze gusohora indirimbo ebyiri zirimo na 'Motari' aherutse gusohora.
Indirimbo 'Motari' yasohotse ikurikira 'Subira ku isoko' ari nayo uyu mukobwa yahereyeho ubwo yatangiraga umuziki.
Angela Jansen, Umuyobozi ushinzwe ibikorwa mu muryango CBS Rwanda, avuga ko inkunga yatanzwe igamije guteza imbere imishinga yatangijwe n’ayo matsinda.
Agira ati “Aya matsinda amaze igihe kinini akora kandi twayabaye hafi, afite ubunararibonye mu kwita ku bikorwa byayo. Amafaranga bahawe ni ayo guteza imbere ibikorwa batangiye.”
Ubushobozi buke ni imwe mu mbogamizi ituma imishinga imwe icumbagira cyangwa ntigere ku ntego.
Ubuyobozi bwa CBS Rwanda butangaza ko mbere yo gutanga inkunga kuri ayo matsinda yabanje guhabwa ubumenyi ku isanamitima hamwe no gutegura imishinga, kuyishyira mu bikorwa no kuyicunga.
Abateza imbere Ubumwe n’ubwiyunge bari mu mahugurwa
Felibien Hirwa Tuzayisenga, umukozi wa CBS Rwanda agira ati “Twabanje kubaha ubumenyi bwo gukora imishinga no kuyicunga, kubera ari imishinga bari basanzwe baratangiye turizera ko ubushobozi bahawe buzihutisha ibikorwa.”
CBS Rwanda ikorana n’imiryango ifitanye amakimbirane n’abafungiye muri gereza, ukaba ukorana n’amatsinda 135 mu turere icyenda turimo: Gasabo, Nyamagabe, Muhanga, Nyanza, Gicumbi, Rulindo, Burera, Rubavu and Karongi.
Diogene Karangwa, umuhuzabikorwa wa CBS Rwanda, avuga ko abitabira ibikorwa bya Mvura nkuvure 60% bagira imibanire myiza nk’ikimenyetso cy’ubumwe n’ubwiyunge, badafite kwishishanya mu gihe benshi mu bahurira muri uyu mushinga ari abigeze kugirana amakimbirane, abakoze Jenoside n’abayirokotse.
Ubundi iteme ryo ku mugezi wa Nkungu utandukanya imirenge ya Gasaka na Kamegeri mu Karere ka Nyamagabe, ryaritse mu minsi yashize, bituma umuhanda wa kaburimbo Huye-Nyamagabe utaba nyabagendwa.
Icyakora mu gihe ririmo gusanwa, habaye hakozwe agahanda ko kuba kifashishwa n’imodoka, ariko iyi kamyo yaraye iguye aho abasana umuhanda bacukuye, bagatangira no kubaka iteme bundi bushya.
Umuvugizi wa Polisi mu Ntara y’Amajyepfo, SP Théobald Kanamugire, yatangarije Kigali Today ko iyo kamyo yaraye ikoze impanuka ifite purake RAE012D ku gice cy’imbere ndetse na RL2521 ku gice cy’inyuma, kandi ko shoferi na kigingi bari bayirimo bayipfiriyemo.
Kuri ubu ngo barimo gushakisha uko abapfuye bakurwamo, ndetse n’ikamyo ubwayo ikazamurwa.
SP Kanamugire arasaba abatwara ibinyabiziga binyura muri kiriya gice cy’umuhanda Huye-Nyamagabe kwitonda, kuko bigaragara ko impanuka y’iriya kamyo ishobora kuba yatewe n’uko yihutaga, shoferi ntabashe kubona ibimenyetso by’uko umuhanda uri gukorwa, cyane ko hari na nijoro, hatabona neza.
