Author: webrwanda

Mu bana bahize abandi mu mashuri abanza bayobowe na Arakaza Leo Victor wigaga muri Wisdom School mu Karere ka Musanze. Yagize amanota 99,4%. Harimo kandi Impano Brave Gloria wiga mu Karere ka Bugesera yagize amanota 98,8%, Ihirwe Kanimba Honnette wigaga muri New Vision Primary School mu Karere ka Huye yagize 98,8%.

Abo bakurikiwe na Duhirwe Gall Gavin Darcy wigaga muri Ecole International La Racine mu Karere ka Bugesera yagize 98,8%, Nsengiyumva Joannah Holiness wigaga mu Karere ka Bugesera wagize amanota 98,8% na Ashimwe Keza Gerardine wigaga mu Karere ka Bugesera wagize amanota 98,8%.

Abanyeshuri barangije umwaka wa gatandatu w'amashuri abanza, 15.695 bahawe imyanya mu mashuri yisumbuye biga babamo (Boarding Schools), mu gihe abarenga ibihumbi 150 bashyizwe mu mwaka wa mbere w'amashuri yisumbuye biga bataha.

Kuri icyo cyiciro hahembwe abanyeshuri batandatu aho kuba batanu ba mbere kuko abagera kuri batanu bose banganyije amanota angana na 98,8% bituma bahembwa ari batandatu.

Nsengiyumva Joannah Holiness wigaga mu Karere ka Bugesera wagize amanota 98,8% yagaragaje kwiga cyane biri mu byamufashije kwitwara neza mu bizamini.

Ati 'Ikintu cya mbere cyamfashije ni ugusenga no kwizera Imana kuko nta kintu twageraho Imana itari mu ruhande rwacu. Icya kabiri ni ukwiga cyane dushyizeho umwete, ntidupfushe umwanya ubusa.'

Yavuze ko yifuza kuzaba umuganga kubera ko aba yumva ashaka gufasha abandi kandi yizeye ko iyo ntego azayigeraho.

Abahize abandi mu cyiciro rusange cy'amashyuri yisumbuye harimo Izere Hennock Tresor wagize 98,67% wigaga kuri E.S Kanombe yo mu Karere ka Kicukiro, Uwumuremyi Albert wagize 98,00% wize kuri Hope Haven School yo mu Karere ka Gasabo, Ineza Flora Elyse wagize 97,89% wigaga muri Hope Haven School yo mu Karere ka Gasabo.

Harimo kandi Ndayishimiye Jean D”Amour wagize 97,89% wize muri Haven School yo mu Karere ka Gasabo, Agaba Happy Jean Eudes wagize 97,78% wize kuri Petit Séminaire St Aloys yo mu Karere ka Rusizi.

Abo banyeshuri bahawe ibihembo birimo ibikoresho by'ishuri, mudasobwa ndetse no kwishyurirwa amashuri umwaka wose ku bazakomeza kwiga mu mashuri ya Leta cyangwa afashwa na Leta ku bw'amasezerano.

Izere Enock Tresor wahize abandi mu barangije icyiciro rusange, yagaragaje ibintu bitanu byamufashije gutsinda neza birimo Imana, ababyeyi be bamubaye hafi, kuba yarize ku kigo cyiza kandi cyigisha neza, uruhare rwe mu kwiga no gushyiramo imbaraga no kuba abavandimwe be baragiye bamufasha cyane.

Ati 'Kwiga ntabwo byangoraga cyane ku buryo ndara amajoro, ariko nabihaga umwanya akaba ari byo nibandaho mu gihe ari byo ngiye gukora.'

Yagaragaje ko imbogamizi yakunze guhura nazo zishingiye ku isomo ry'ikinyarwanda ryamugoraga ariko yashyizemo imbaraga no anariha umwanya.

Yavuze ko yifuza kuba umuhanga mu ikoranabuhanga bijyanye n'aho Isi igeze kandi ko azaharanira kuba yakomeza kwiga mu bijyanye n'ikoranabuhanga.

Yashimangiye ko yagiye mu kizamini aharanira gutsinda ndetse no kuba yazagira amanota meza nubwo atatekerezaga ko ashobora kuba uwa mbere mu gihugu.

Ati 'Naravugaga ngo reka ngerageze ndebe ko byakunda ko nza mu bambere ariko naravugaga ngo iki gihugu kirimo abanyeshuri benshi wenda banandusha kwiga cyane bashyizeho umwete. Ntabwo navuga ko nabyiyumvagamo ko bizaba nkaba uwa mbere.'

Abahize abandi mu mashuri abanza

Abahize abandi mu mashuri yisumbuye

Ineza Flora Elyse wagize 97,89% wigaga muri Hope Haven School yo mu Karere ka Gasabo

Abakobwa batsinze neza kurusha abahungu

Ibihembo byashimishije aba banyeshuri batsinze neza

Umunyeshuri wahize abandi mu cyiciro rusange cy'amashuri yisumbuye wigaga muri ES Kanombe/EFOTEC mu Karere ka Kicukiro, Izere Henock Tresor, yabonye amanota 98,67%

Abahize abandi bahawe na Mudasobwa

Agaba Happy Jean Eudes wagize 97,78% yize kuri Petit Séminaire St Aloys yo mu Karere ka Rusizi

Amafoto: Habyarimana Raoul

Ibi byabaye ku wa 18 Kanama 2025 mu Mudugudu wa Gitega mu Kagari ka Kawangire mu Murenge wa Rukara.

Umunyamabanga Nshingwabikorwa w'umusigire w'Umurenge wa Rukara, Mukaniyonsenga Lea, yabwiye IGIHE ko uyu musore yagwiriwe n'ikirombe ubwo yajyanaga n'abandi benshi gucukura amabuye y'agaciro mu buryo butemewe, ikirombe kikaba ari we kigwira gusa.

Ati 'Uwo musore twamenye amakuru ko yajyanye n'abandi gucukura amabuye y'agaciro mu buryo butemewe, bagezeyo ikirombe kigwira uwo musore abandi bariruka baramusiga. Twabimenye nyuma rero tujya kumukuramo umurambo uhita ujyanwa ku bitaro bya Gahini kugira ngo ukorerwe isuzuma.''

Uyu muyobozi yakomeje asaba abaturage kwirinda kujya gucukura amabuye y'agaciro mu buryo butemewe n'amategeko kuko biteza ibyago byinshi birimo no gufungwa. Yavuze ko kuri ubu bagiye gukaza ingamba zo gucunga umutekano ahari ibirombe kugira ngo hatagira undi muturage wajya gucukura mu buryo butemewe akagwamo.

Umusore w’i Kayonza wari urangije ayisumbuye yapfiriye mu kirombe

Ubwo hatangazwaga amanota y'abakoze ibizamini bya Leta bisoza amashuri abanza n'icyiciro rusange cy'amashuri yisumbuye, kuri uyu wa 19 Kanama 2025, hatangajwe ko mu banyeshuri barenga ibihumbi 200 bakoze ibizamini bya Leta 27% ari bo gusa batsinze imibare.

Ni imibare iri hasi ugereranyije n'uko abanyeshuri batsinze andi masomo kuko Ikinyarwanda bagitsinda ku kigero cya 98%, Icyongereza kuri 72%, Ubumenyi n'Ikoranabuhanga batsinda ku kigero cya 71% mu gihe ubumenyi rusange n'Iyobokamana babitsinze ku kigero cya 75%.

Ni ikibazo gikomeje kwibazwa na benshi bagaragaza ko bigoye kumva ko isomo ry'imibare mu mashuri abanza ryabaye ingorabahizi, harebwa ku kibitera ndetse n'igikorwa ngo iryo somo abanyeshuri baritsinde.

Minisitiri Nsengimana yagaragaje ko isomo ry'imibare bigaragara ko ryatsinze abanyeshuri cyane kandi bigaragarira buri wese hashingiwe ku mibare.

Ati 'Abanyeshuri 27% ni bo batsinze imibare, iyi ntabwo ari imibare ishimishije kandi muri gahunda nzamurabushobozi imbaraga nyinshi zizashyirwa mu mibare kugira ngo abanyeshuri bashobore gutsinda muri icyo cyiciro.'

Mu banyeshuri basoza icyiciro rusange cy'amashuri yisumbuye, 27,55% ni bo batsinze isomo ry'ubugenge (Physics).

Ati 'Ibi birereka ko ugomba gushyira imbaraga muri izi za siyanse, kuzamura ubushobozi mu masomo ya siyanse bizafasha abana kwitegura. Muri bya byiciro bishya twashyizeho (Learning Pathway) twashyize imbaraga nyinshi mu mibare kuko abanyeshuri bose bazaba biga mu cyiciro cya kabiri cy'amashuri yisumbuye baziga imibare nubwo waba wiga indimi.'

Uretse ubugenge ariko mu cyiciro rusange hari n'andi masomo batsinzwe cyane arimo nk'imibare batsinze ku kigero cya 45,8% n'Ibinyabuzima (Biology) yatsinzwe ku kigero cya 44,75% mu banyeshuri barenga ibihumbi 140 bakoze ibizamini bya Leta.

Nsengimana yavuze ko imibare nk'iyo iyo igaragaye ifasha mu kumenya uko urwego rw'uburezi ruhagaze n'uburyo hashyirwa imbaraga mu kunoza imyigishirize.

Ati 'Ibyo twabonye biragaragaza ko tugomba gushyira imbaraga nyinshi kugira ngo tuzamure uburyo abana biga kandi batsinda aya masomo. Kubibona nubwo atari ibintu bidushimishije kubona iyi mibare ariko bituma tubona aho gushyira imbaraga. Ni wa mugani ngo ibuye ryagaragaye ntiriba rikishe isuka ubwo rero tuzi aho dushyira imbaraga.'

Minisitiri Nsengimana yasobanuye ko hagiye gushyirwa imbaraga nyinshi muri ayo masomo ku buryo hazamurwa urwego rw'imitsindire.

Ati 'Ari abarimu, REB, Minisiteri cyangwa abayobozi b'ibigo by'amashuri, ubwo imbaraga dushyira muri ayo masomo tugiye kuzongera kugira ngo ubutaha tuzasange iyi mibare yiyongereye.'

Umunyeshuri wahize abandi mu cyiciro rusange cy'amashuri yisumbuye wigaga muri ES Kanombe/EFOTEC mu Karere ka Kicukiro, Izere Henock Tresor, yabonye amanota 98,67%.

Izere yabwiye IGIHE ko isomo ry'imibare riri mu masomo yatsindaga cyane ariko avuga ko impamvu ridakunze gutsindwa bishingiye ku myumvire ya bamwe mu banyeshuri batekereza ko rikomera.

Ati 'Njyewe navuga ko isomo ry'imibare riri mu yo natsindaga ariko usanga benshi barishyizemo ko ari isomo rikomera. Izo ntekerezo zitari zo usanga zinagira uruhare mu gutuma abanyeshuri bataritsinda kuko baba barashyishyizemo.'

Yavuze ko kuri we isomo ryamugoraga cyane ari Ikinyarwanda ariko ko yashyizemo imbaraga naryo akabasha kuritsinda.

Nsengiyumva Joannah Holiness wigaga mu Karere ka Bugesera wagize amanota 98,8% we ari mu ba mbere ku rwego rw'Igihugu mu barangije amashuri abanza, yagaragaje ko imibare isaba imbaraga nyinshi no kuyiha umwanya.

Ati 'Imibare ni isomo rikomera kandi risaba no kuriha umwanya. Ikintu cya mbere ni ukubiha umwanya ugakora imyitozo myinshi ishoboka.'

Ubusanzwe umunyeshuri warangizaga icyiciro rusange cy'amashuri yisumbuye, atsinze ikizamini cya Leta gisoza umwaka wa Gatatu, yahitagamo impuzamasomo aziga muri 11 zari zihari mu burezi rusange, na Tekiniki, imyuga n'ubumenyingiro agahabwa icyo kwiga bijyanye n'ibyo yatsinze.

Kuri ubu, MINEDUC igaragaza ko impinduka ziteganyijwe, zizasiga mu burezi rusange abanyeshuri bashobora guhitamo kwiga gusa amasomo akubiye mu byiciro by'imyigire (learning pathways) bitatu, ari byo Imibare na Siyansi, Ubumenyamuntu n'Indimi.

Abanyeshuri biga mu cyiciro cy'Imibare na siyanse, hazaba harimo ibice bibiri aho kimwe kiziga Imibare, Ubugenge, Ubutabire n'Ibinyabuzima (Maths, Chemistry, Physics and Biology) ikindi cyige Imibare, Ubukungu, Ubumenyi bw'Isi n'Ubugenge (Mathematics, Economics, Geography, and Physics).

Kuri ayo masomo kandi hazajya hiyongeraho Icyongereza, Igifaransa n'Ikinyarwanda.

Abiga Ubumenyamuntu bo bazajya biga Amateka, Ubumenyi bw'Isi, Ubuvanganzo mu Cyongereza n'Imitekerereze (History, Geography, Literature in English, and Psychology).

Abo bazajya bongeraho Imibare, Igifaransa n'Ikinyarwanda.

Ku rundi ruhande abazajya biga indimi bafite amasomo ane y'ingenzi (Ikinyarwanda, Icyongereza, Igifaransa n'Igiswahili kandi hakigwa igice cy'Ubuvanganzo n'ikibonezamvugo mu buryo bwimbitse muri buri rurimi.

Andi masomo bazajya bongeraho ni Imibare, Amateka n'Ubumenyi bw'Isi.

Umuyobozi Mukuru wa NESA, Dr. Bahati Bernard, yagaragaje ko imibare ikomeje kuba ingorabahizi

Minisitiri w’Uburezi, Nsengimana Joseph, yagaragaje ko imibare igiye guhagurukirwa

Abanyeshuri bahize abandi mu mashuri abanza

Abanyeshuri bahize abandi mu cyiciro rusange cy’amashuri yisumbuye

Ku wa 12 Kanama 2025, ni bwo Ambasaderi Dr. Aissa Kirabo Kacyira wakoze imirimo itandukanye mu Rwanda ndetse no ku rwego mpuzamahanga, yitabye Imana azize uburwayi. Yari afite imyaka 61 y'amavuko.

Ku wa 19 Kanama 2025 ni bwo yashyinguwe, aho yasezeweho bwa nyuma mu Itorero rya Christian Life Assembly [CLA] yari abereye umukristo, ashyingurwa ku irimbi rya Rusororo riherereye mu Karere ka Gasabo.

Gasamagera yavuze ko Ambasaderi Dr. Kacyira yari umunyamuryango wa FPR Inkotanyi w'imena kandi inshingano yahabwaga akazikora neza, atizigama kandi hasabwa abantu kwitanga agafata iya mbere.

Yavuze ko yakoraniye bya hafi na nyakwigendera, cyane ubwo bombi bari bafite inshingano mu nzego z'ibanze mu Rwanda.

Ati 'Twahuriraga kenshi mu nzego z'ibanze ariko tugatangazwa cyane n'uko aho yabaga ari hose yatekerezaga ku bantu batishoboye. Ngira ngo yabiterwaga n'indi mpano yari afite yo kwiyoroshya.'

Gasamagera yavuze ko azahora amwibukira ku bushobozi yari afite bwo kujya inama.

'Yari afite n'impano y'ubwenge n'ubujyanama. Nta muntu n'umwe mu bo twakoranaga muri ibyo bihe [mu nzego z'ibanze] atagiraga inama kandi ugasanga icyo akugiriyeho inama utakibonaga.'

Ati 'Umunsi umwe twajyanye mu butumwa bw'abakazi mu mahanga mu gihe igihugu cyacu cyari cyibasiwe n'abakivugaga nabi batakifurizaga ibyiza. Tugezeyo abantu baratwibasira ariko ntitubibone nk'ubushotoranyi, biza gutuma turakara dufata icyemezo cyo kwisubirirayo kuko twabonaga badashaka kutwumva.'

Yakomeje agira ati 'Yadushyize ku ruhande aratubwira ngo aba bantu icyo bashaka ni uko mukora icyo muvuga. Reka tubime amahirwe yo kutubona turakaye maze tuvugane na bo nyuma baracururuka batwumve.'

'Ibyo yavuze ni ko byabaye. Twarihanganye turabumva ariko turakomeza turabasobanurira. Aho twahavuye abo twasobanuriraga bumvise neza icyo twifuzaga kubabwira.'

Gasamagera yavuze ko 'Iyo mpano y'ubujyanama yatumaga abantu benshi bamwizera. Njye sinshidikanya ko aho yagiye ajya mu butumwa hose yabaga umwizerwa abantu bakamwisangamo.'

Yavuze ko nyakwigendera yagiraga uburyo bwinshi bwo kubana n'abantu kandi akamenya uko atwara buri umwe.

Ati 'Ni umuntu nzahora nibuka iteka kubera ubutwari n'ukwiyemeza yagiraga muri we adacogora.'

Umushumba Mukuru wa CLA, Pst. Nkunzingoma Peter, yavuze ko Ambasaderi Aissa Kirabo Kacyira yakundaga Imana, agaterana inshuro nyinshi ubwo yabaga ari mu Rwanda kandi anakunda abantu.

Ati 'Yizeraga Imana nk'umucunguzi, ni ryo banga yagendanaga. Icyampa twese tukamera nka we. Yadusigiye umwenda ukomeye wo gukunda abantu. Ikindi cyamurangaga yakundaga igihugu cye kandi yaritanze bishoboka.'

Kuva mu 2011 kugeza mu 2018, Kacyira yabaye Umuyobozi Nshingwabikorwa wungirije w'Ishami ry'Umuryango w'Abibumbye rishinzwe Imiturire, aba Umuyobozi ushinzwe Imishinga muri Minisiteri y'Ubuhinzi n'Ubworozi, anakorera mu miryango mpuzamahanga irimo Oxfam na Care International.

Mu 2020, Kacyira yagizwe Ambasaderi w'u Rwanda muri Ghana, anaruhagararira muri Benin, Togo, Sierra Leone, Côte d'Ivoire na Liberia.

Kuva mu 2023, Umunyamabanga Mukuru w'Umuryango w'Abibumbye, Antonio Guterres, yagize Kacyira Umuyobozi w'Ibiro by'uyu muryango bishinzwe gushyigikira Ubutumwa bw'Amahoro muri Somalia [UNSOS]. Yari afite iyo nshingano kugeza ubu.

Gasamagera Wellars, yavuze ko nyakwigendera Ambasaderi Dr. Aissa yagiraga urukundo rugaragarira buri wese

Gasamagera yavuze ko Ambasaderi Dr. Aissa yari umunyamuryango wa FPR Inkotanyi w'imena kandi inshingano yahabwaga akazikora neza

Kuri uyu wa 19 Kanama 2025 nibwo nyakwigendera yashyinguwe

Kuva mu 2023 Kacyira yagizwe Umuyobozi w'Ibiro by'uyu muryango bishinzwe gushyigikira Ubutumwa bw'Amahoro muri Somalia [UNSOS], inshingano yari agifite kugeza ubu

Ni gahunda yatangijwe ku wa 19 Kanama 2025, iyi sosiyete isobanura ko iyi gahunga izorohereza Abanyarwanda gutunga telefoni zisanzwe ku isoko nka Samsung, Tecno, Itel na Infinix.

Muri iyi gahunda uzajya ukiliya azajya ahabwa ubwoko bwa telephone bugendanye n'ubushobozi bwe hagendewe ku bikorwa byo guhererekanya amafaranga(transactions) bye ndetse n'imyitwarire ye mu bijyanye no kwishyura inguzanyo aho hazifashishwa urwego rushinzwe gukusanya amakuru ku nguzanyo(CRB).

Umuyobozi Mukuru wa MTN Rwanda, Ali Monzer, yavuze ko iyi gahunda iri mu murongo mugari w'iki kigo wo kugeza serivisi z'ikoranabuhanga ku baturage bose, kandi ibyo bitakorwa abaturage badafite ibikoresho by'ikoranabuhanga bigezweho birimo telefone.

Yagize ati 'Gutunga ibikoresho by'ikoranabuhanga si impuhwe ni uburenganzira, ariko ikibazo dufite mu Rwanda ni kubona ibi bikoresho ku biciro bito. Niyo mpamvu twazanye iyi gahunda kugira ngo tworohereze Abanyarwanda gutunga ibi bikoresho.'

Akomeza avuga ko iyi gahunda itandukanye n'iya mbere yiswe 'Make Make' kuko bwo babwizeho byisumbuye ndetse bifashisha ubumenyi bakuye muri iyo guhunda ya mbere kugira ngo ibibazo byabonetse muri yo bitazagaragara muri iyi.

Ati 'Iyi gahunda imaze amezi arenga icyenda tuyigerageza ngo turebe ko izakora neza. Twigiye byinshi kuri Make Make, ku buryo ibibazo byayigaragayemo ari byo twibanzeho muri iyi kugira ngo tutazongera kujya mu bibazo nk'ibyo twaciyemo.'

Umuyobozi ushinzwe ikoranabuhanga n'abakiliya muri MTN Rwanda, Sen Somdev, yavuze ko iyi gahunda izakogoboka abagorwaga no kubonera amafaranga rimwe yo kugura telefone kuko bazajya bahita bayibona ku giciro gito nko guhera ku bihumbi 16 Frw.

Yagize ati 'Ubu uzajya ku iduka n'amashami ya MTN yose, cyangwa amaduka acuruza telefone ariho ibyapa byacu, utange amafaranga macye nk'ibihumbi 16 Frw, ubundi utahane telefone nziza, andi uzagende uyishyura gake gake.'

Muri iyi gahunda umuntu azajya ahitamo kwishyura mu mezi atandatu cyangwa mu mwaka bitewe n'uko abyifuza, ndetse ahitemo n'uburyo azajya ayishyuramo ariko bitarenze iminsi 30.

Iyi gahunda yagiyeho ku bufatanye n'ikigo cya Yellow gitanga serivisi z'ibikoresho by'ikoranabuhanga, kimaze imyaka itatu gikorera mu Rwanda.

Umuyobozi mukuru wa Yellow, Micheal Heyink, yavuze ko intego yabo ihura n'iya MTN Rwanda, ari yo mpamvu bahuje imbaraga ngo harebwe ko umubare w'abatunze telefoni za smartphone mu Rwanda wakwiyongera.

Ati 'Tuzakomeza kurebera hamwe uko twakoroshya ibiciro by'izi telefone, kugirango zigere kuri buri wese.'

Kwishyura izi telefoni bizajya bikorerwa kuri Mobile Money, ndetse uwayifashe azajya asabwa gukoresha umurongo wa MTN kuko azajya ahabwa GB ebyiri za Internet ku kwezi, iminota ijana yo guhamagara ndetse na SMS 100.

Umuyobozi ushinzwe ikoranabuhanga n'abakiliya muri MTN Rwanda, Sen Somdev, yasobanuye ko Tunga Taci igamije korohereza abagorwa no kwishyurira rimwe telefoni zigezweho

Umuyobozi Mukuru wa MTN Rwanda, Ali Monzer, yavuze ko gahunda ya Tunga Taci igamije kwagura umubare w’Abanyarwanda bagerwaho na serivisi z’ikoranabuhanga

Umuyobozi mukuru wa Yellow, Micheal Heyink, havuze ko gutanga serivisi zigonderwa na buri wese aribyo byatumye bagirana ubufatanye na MTN Rwanda

MTN yatangije uburyo bushya yise ‘Tunga Taci’ bwo gutunga telefone zigezweho za smartphones

Bikubiye mu butumwa Polisi y'u Rwanda yatambukijwe kuri X ku wa 19 Kanama 2025.

Polisi yasubizaga ibyavuzwe kuri TV1, bikanasangizwa ku mbuga nkoranyambaga zayo aho Kakooza Nkuliza Charles uzwi nka KNC ndetse n'Umunyamakuru Mutabaruka Angelbert bagaragazaga ko hari abanyamahanga bigize indakoreka mu Rwanda ku buryo bakubita abenegihugu.

KNC yagaragaje ko nk'uko Leta y'u Rwanda ishyira imbere ibikorwa byo guhashya urugomo, gukubita no gukomeretsa bikwiye no gukorwa ku banyamahanga baba mu Rwanda.

Polisi y'Igihugu yatangaje ko icyo kibazo kizwi kandi inzego zitandukanye zimaze iminsi zigikurikirana.

Yagize iti 'Iki kibazo inzego zirimo Polisi, Ubugenzacyaha, Ubushinjacyaha n'Urwego rushinzwe abinjira n'abasohoka zimaze iminsi zigikurikirana kandi cyafatiwe ingamba.'

Yakomeje yerekana ko mu mezi 12 ashize, abantu 240 bashyikirijwe inzego z'ubutabera bakekwaho ibyaha bitandukanye birimo gukubita no gukomeretsa ndetse n'ubujura, mu gihe 64 basubijwe mu bihugu baturukamo.

Polisi yakomeje ishimangira ko nta muntu n'umwe uri hejuru y'amategeko mu Rwanda kandi abakora urugomo kimwe n'ibindi byaha bakurikiranwa nta vangura ribayeho.

Yakomeje iti 'Turakomeza gukorana n'abayobozi bo muri Ambasade zihagarariye ibihugu byabo mu Rwanda mu rwego rwo kubakangurira kubahiriza amategeko.'

Ibikorwa by'urugomo mu banyamahanga bikunze kuvugwa ku banyeshuri baturuka mu bihugu nka Sudani y'Epfo n'abandi biga mu Rwanda usanga barangwa n'ibikorwa birimo ubusinzi, gukubita cyangwa gukomeretsa ndetse n'ubujura.

U Rwanda ni kimwe mu bihugu byafunguye amarembo ku bashaka kukigana baba abaje kugishoramo imari cyangwa abakivomamo ubumenyi.

Urubyiruko rwinshi rwo mu bihugu bitandukanye bya Afurika rukomeje kuyoboka u Rwanda ku bwinshi rushaka kwiga muri Kaminuza zinyuranye ziganjemo izigenga zikorera mu Rwanda.

Iki kibazo inzego zirimo Polisi, Ubugenzacyaha, Ubushinjacyaha n’Urwego rushinzwe abinjira n’abasohoka zimaze iminsi zigikurikirana kandi cyafatiwe ingamba.

Mu mezi 12 ashize, abacyekwa 240 bashyikirijwe inzego z’ubutabera bacyekwaho ibyaha bitandukanye birimo gukubita no… https://t.co/ezoQMJNgml

— Rwanda National Police (@Rwandapolice) August 19, 2025

Abanyamahanga 64 bamaze gusubizwa iwabo bashinjwa gukubita no gukomeretsa

Yabigarutseho ku wa 19 Kanama 2025 mu biganiro yagiranye n'abayobozi ba LODA hagamijwe gukurikirana imigendekere y'imishinga yo guteza imbere Inzego z'Ibanze n'imibereho y'abaturage.

Minisitiri Habimana yashimye umusanzu w'aba bakozi mu ishyirwa mu bikorwa ry'imishinga iteza imbere abaturage, abasaba kurushaho kubinoza.

Ati “Muri amaboko y'Igihugu cyacu, tubahanze amaso kuko ni mwe mutuma ya mihigo duhiga ibasha gushyirwa mu bikorwa.'

Umunyamabanga wa Leta muri MINALOC, Kayisire Marie Solange, yasabye abakozi ba LODA n'ab'izindi nzego gukoresha imbaraga n'umuvuduko Igihugu cyifuza kugenderaho.

Ati 'Ibyo dukora ni byinshi ariko ibyo dusabwa ni byinshi kurushaho. Rero turacyafite urugendo rurerure, dukwiriye gukoresha imbaraga kandi mu buryo bunoze kugira ngo tubigereho.”

Minisitiri Habimana yasabye abakozi ba LODA gukorana umuhate besa imihigo

Iki kibazo cyatewe n'imvura nyinshi yaguye mu ijoro rishyira ku wa 18 Kanama 2025, ndetse ikomerezaho mu gitondo.

Iri bura ry'amazi ryagaragaye by'umwihariko mu Mirenge ine igize igice cy'Umujyi ya Rubavu, Rugerero, Nyamyumba na Gisenyi.

Umuyobozi w'uruganda rwa Gihira, Twagirayezu Fraterne, yabwiye IGIHE ko iki kibazo cyakemutse, nyuma y'amasaha ane.

Ati 'Kuri ubu uruganda ruri gukora neza, nyuma y'uko twari twahagaritse gutunganya amazi ajya mu baturage kubera imvura yaraye iguye, amazi akandura kubera ibyondo, isayo ndetse n'ibiti, ariko nyuma amazi yaje gucayuka twongera kuyatanga nk'uko bisanzwe.'

Yaboneyeho gusaba abaturage kwihangana mu gihe bahuye n'ingorane z'imvura nyinshi irimo isuri, kandi bakeneye amazi yo gukoresha mu rugo, abasaba gushishikarira kubika amazi yo gukoresha igihe habayeho ikibazo gitunguranye.

Imvura nyinshi yaguye cyane, kuva Saa Tatu z'ijoro rishyira ku wa 18 Kanama 2025, ndetse igeza mu rukerera ikigwa.

Uruganda rutunganya amazi rwa Gihira rufite ubushobozi bwo gutanga metero kibe ibihumbi 25 ku munsi.

Ubushakashatsi bwa EICV7 bwagaragaje ko abaturage 95.79% bo mu Karere ka Rubavu bagerwaho n'amazi meza.

Imvura yaguye, yatumye amazi atuganywa na WASAC ajyamo isayo

WASAC yahagaritse gutanga amazi mu Mujyi wa Rubavu mu gihe cy’amasaha ane, kubera ko yari yanduye

Abanyeshuri bakosowe mu bizamini by'amashuri abanza barenga 219.900 aho batsinze ku kigero cya 75%.

Ibigo bya Leta byatsinze ku kigero cya 75%, ibifashwa na Leta ku bw'amasezerano bitsindisha ku kigero cya 72% mu gihe ibigo byigenga ari byo byatsinze neza ku kigero cya 99%.

Muri icyo cyiciro Intara y'Iburasirazuba ni yo iza ku isonga mu gutsindisha ku kigero cya 82%, igakurikirwa n'Umujyi wa Kigali uri kuri 77%.

Uturere tuza imbere y'utundi ni Kirehe yatsindishije ku kigero cya 97%, Kicukiro iri kuri 92,2% na Ngoma ku kigero cya 90,9%, Nyagatare batsinda ku kigero cya 87,18% mu gihe Rusizi batsinze kuri 85,93%.

Uturere dutanu tuza inyuma ni Nyaruguru batsinze ku kigero cya 64,57%, Ruhango kuri 66,68%, Nyabihu biri kuri 68,99%, Kamonyi kuri 69,46% mu gihe Nyamagabe biri ku kigero cya 69,63%.

Muri rusange abakobwa ni bo batsinze neza muri iki cyiciro ugereranyije n'abahungu kuko batsinze ku kigero cya 53,2% kuri 46,8% ya basaza babo.

Mu banyeshuri batandatu ba mbere bahembwe bane bigaga mu Karere ka Bugesera mu Ntara y'Iburasirazuba umwe akaba uwo mu Karere ka Musanze mu gihe undi ari uwo mu Karere ka Huye.

Abo ni Arakaza Leo Victor wigaga muri Wisdom School mu Karere ka Musanze. Yagize amanota 99,4%. Harimo kandi Impano Brave Gloria wiga mu Karere ka Bugesera wagize amanota 98,8%, Ihirwe Kanimba Honnette wigaga muri New Vision Primary School mu Karere ka Huye yagize 98,8%.

Bakurikiwe na Duhirwe Gall Gavin Darcy wigaga muri Ecole International La Racine mu Karere ka Bugesera yagize 98,8%, Nsengiyumva Joannah Holiness wigaga mu Karere ka Bugesera wagize amanota 98,8% na Ashimwe Keza Gerardine wigaga mu Karere ka Bugesera wagize amanota 98,8%.

Mu cyiciro rusange cy'amashuri yisumbuye naho Akarere ka Kirehe kaje ku isonga mu gutsindisha ku kigero cyo hejuru 93,1%, Ngoma na 78,8%, Kayonza kuri 78,4%, Rusizi kuri 70,5%, na Rulindo batsinda ku kigero cya 69,5%.

Uturere tuza inyuma ni Musanze, aho batsinze ku kigero cya 44,6%, Kamonyi ku kigero cya 45,0%, Gakenke ku kigero cya 46,0%, Nyarugenge ku kigero cya 46,1% na Gasabo ku kigero cya 47,1%.

Ku rwego rw'Intara, iy'Iburasirazuba iza ku isonga ku kigero cya 74%, Iburengerazuba bukaza kuri 68%, Amajyepfo ni 59%, Amajyaruguru ni 58% mu gihe Umujyi wa Kigali biri ku kigero cya 55% nubwo wagize abanyeshuri bane muri batanu babaye aba mbere ku rwego rw'Igihugu.

MINEDUC yashimiye abanyeshuri bahize abandi

Minisitiri w’Uburezi, Joseph Nsengimana na Dr. Bahati Bernard, bafata ifoto n’abanyeshuri bahize abandi mu cyiciro rusange cy’amashuri yisumbuye