Author: webrwanda

Ni kimwe mu bitaramo byari bitegerejwe n'umubare munini. Cyabaye mu ijoro ryo kuri iki Cyumweru tariki 19 Ukuboza 2021 muri Kigali Arena, aho abakunzi b'iyi korali bari babucyereye kwihera ijisho korali bari bakumbuye nyuma y'igihe kinini.

Cyitabiriwe n'abakomeye barimo Antoine Cardinal Kambanda wateye isengesho n'indirimbo, Ambasaderi w'u Bufaransa mu Rwanda, Antoine Anfré ndetse na Ambasaderi wa EU mu Rwanda, Nicola Bellomo, Umunyamabanga wa Leta muri Minisiteri y’Urubyiruko n’Umuco, Bamporiki Edouard n'umugore we, abayobozi mu nzego zinyuranye, abahiye Imana n'abandi banyurwa n'umuziki w'umwimerere.

Perezida wa Chorale de Kigali, Dr Albert Nzayisenga yashimye abitabiriye iki gitaramo, avuga ko ari igitaramo ngarukamwaka biyemeje gukora, kandi ko bitewe n'ukuntu iyi korali ifite benshi bayishyigikira biyemeje guhozaho mu gutegura iki gitaramo.

Yavuze ko bakoze iki gitaramo mu bihe bitoroshye bya Covid-19, ashima Rwanda Convention Bureau n'ubuyobozi bwa Kigali Arena bahuje imbaraga mu kubaka inyubako nk'iyi y'imyidagaduro, anashima Ikigo cy'Igihugu Gishinzwe Iterambere (RDB) cyabahaye uburenganzira bwo gukora iki gitaramo.

Yashimye ababateye inkunga mu gutegura iki gitaramo, asaba buri wese gukomeza kubahiriza ingamba zo kwirinda icyorezo cya Covid-19; anaboneraho kubifuriza umwaka mushya muhiri wa 2021.

Iki gitaramo cyari kigizwe n'ibice bitatu by'indirimbo. Igice cya mbere cyubakiye ku ndirimbo za Noheli nka 'Twelve days', 'God rest ye Merry gentleman', 'Christmas Mosaic Set CCC2021', 'Noel', 'Gloria in excelsis Deo', 'Noheli umukiza wacu yavutse', 'Nzakwitura iki?' na 'My soul's been anchored in the Lord'.

Mbere y'uko banzika n'igice cya kabiri cy'indirimbo bateguye, bahaye umwanya Simbi na Gilbert baririmba indirimbo 'Heure exquise' barishimirwa mu buryo bukomeye, bakurikirwa na Eric baririmbye indirimbo 'Fugaro' yizihiye benshi bitewe n'uburyo yagiye ahinduranya amajwi aririmba.

Nyuma, Germaine na Rosine bafatanyije kuririmba indirimbo 'Belle nuit' korali ibikiriza.

Mu gice cya kabiri, iyi korali yaririmbye indirimbo 'Halleluah Christ from the mountains of olives' ya Ludwig Van Beethoven, 'Fix'd in his everlasting seat' ya  G. F. Haendel, 'Ijuru n'isi nibirangurure', 'Araje umucunguzi', 'Agnus Dei' ya Smith.

Basoreje mu gice cya Gatatu gikundwa na benshi baririmba indirimbo 'Bella Ciao' yumvikana muri filime yabiciye bigacika ku Isi yitwa 'La Casa del Papel'.

Iyi ndirimbo yaririmbwe mu ntambara y'Isi. Muri filime, Professor agaragara ayiririmbana n'umuvandimwe we Berlin, abajura nabo barayiririmba iyo bari muri Banki. 

‘Bella Ciao’ rero ikomoka mu ntambara ya kabiri y'isi, ikaba yararirimbwaga n'abigaragambya barwanya ubutegetsi bw'igitugu mu Butaliyani.

Iyi ndirimbo bayiteye, hafi y'abantu bari muri iki gitaramo barahagaruka bafatanya nabo kuyiririmba. Ni indirimbo ifite umuziki wizihira amatwi n'amagambo bitakorohera buri wese kuyafata mu mutwe. Bayisoje abantu bavugije akaruru k'ibyishimo, banabakomera amashyi.

Uretse 'Bella Ciao', banaririmbye indirimbo 'Baba Yetu', 'Nnamugereka Katonda', 'Halleluah' (Cohen), 'Nje gushima', 'Oye Asem Papa' ya Varrick James, 'Dieu va faire encore' na 'Tuzabyina neza birenze ibi'. 

Iki gitaramo cyasojwe n’isengesho rya Karidinali Kambanda ryubakiye ku gusaba Imana kurengera ubwoko bwayo, anifuriza Abanyarwanda umwaka mushya muhire. Umurishyo wacyo uvuzwa saa tatu n’iminota 30′.

Perezida wa Chorale de Kigali, Dr Albert Nzayisenga yashimye buri wese wabashyigikiye muri iki gitaramo ngaruka mwaka


Abacuranzi ba Chorale de Kigali batanze umuziki mwiza wizihira benshi

Abaririmbyi ba Chorale de Kigali barushinze, Ndikubwimana Gilbert na Ndizihiwe Simbi Yvette bakoze ku mitima ya benshi bitabiriye iki gitaramo

Umunyamabanga wa Leta muri Minisiteri y’Urubyiruko n’Umuco, Bamporiki Edouard ari mu bitabiriye iki gitaramo cya Chorale de Kigali 

Abaririmbyi ba Chorale de Kigali bakoresheje imbaraga nyinshi mu kunyura abitabiriye iki gitaramo 

Ni uku baserutse bambaye muri iki gitaramo

Aba baririmbyi baririmbye abitabiriye igitaramo barahaguruka bafatanya nabo

Ubwitabire bw’abantu muri iki gitaramo bwari hejuru 

Karidinali Kambanda yateye isengesho ryumvikanisha ubuhangange bw'Imana

Kambanda yasabye Imana gufasha Abanyarwanda gusoza neza umwaka w'2021

Kambanda yateye indirimbo 'Te Deum (Mama Yacu Turagusingiza) abaririmbyi ba Chorale de Kigali bakomerezaho

Abaririmbyi barindwi ba Chorale de Kigali binjije abantu mu gitaramo cy'uburyohe

Baririmbye indirimbo zizwi muri Kiliziya Gatolika zirimo 'Jingle Bells' n'izindi

Dieudonne Murengezi, ni we wayoboye iki gitaramo bahera ku ndirimbo 'Locus Iste' ya Anton Brukner


Abaririmbyi ba Chorale de Kigali bari bacyereye gushimisha abakunzi b'iyi korali irambye mu muziki

Ibyishimo ni byose ku bakunzi b'iyi korali bumvishijwe umuziki w'umwimerere

 

Abihayimana bitabiriye iki gitaramo cy’umuziki w’umwimerere

Inshuti n’abavandimwe ntibacitswe n’iki gitaramo cy’amateka

Igice cya mbere cy’iki gitaramo cyaranzwe n’indirimbo za Noheli

N’abanyamahanga bitabiriye igitaramo cya Chorale de Kigali

Chorale de Kigali yakoze igitaramo ngarukamwaka yise 'Christmas Carols Concert' cyinjiza Abanyarwanda mu byishimo bya Noheli n'Ubunani

Abaririmbyi ba Chorale de Kigali babanje gukora imyitozo

Abaririmbyi batanze ibyishimo mu gitaramo cyubakiye ku ndirimbo zo kuramya no guhimbaza Imana n'izindi abantu bakunda

Chorale de Kigali yahisemo ko amagambo y'indirimbo baririmba azajya aba agaragara ku nyakira-amashusho ziri muri Kigali Arena

Abaririmbyi baririmbye indirimbo ziri mu ndimi zikoreshwa mu Karere k'Afurika y'Iburasirazuba
Kuva ku gicamunsi cyo kuri iki Cyumweru, abantu bageraga ahabereye iki gitaramo

Buri wese witabiriye iki gitaramo yagaragazaga ko yikingije Covid-19

Washoboraga kureba iki igitaramo cya Chorale de Kigali wishyuye amadorali 10

AMAFOTO: Iradukunda Jean De Dieu-INYARWANDA

Kiri mu bitaramo bicye Karidinali Kambanda yitabiriye kuva yahabwa inshingano. Cyatangiye ahagana saa kumi n'imwe n'iminota 40' gitangijwe n'abaririmbyi b'iyi korali bahereye ku ndirimbo z'amajwi ahanitse.

Uko basozaga kuririmba niko buri wese yabakomeraga amashyi abashimira. Igice cya mbere cy'iki gitaramo cyaririmbwe n'abaririmbyi barindwi bari bambaye nk'abamarayika.

Baririmbye zimwe mu ndirimbo zizwi zirimo 'Jingle Bells' zinjiza abantu muri iki gitaramo. Iyi ndirimbo iri mu zizwi muri Kiliziya Gatolika inyura benshi.

Ahagana saa kumi n'ebyiri n'iminota 30' nibwo abaririmbyi bose ba Chorale de Kigali baserutse muri iki gitaramo. Abaririmbyi baririmbye bayobowe n'umucuranzi Murengezi Dieudonné [Mure Dieudonné].

Mure Dieudonné asanzwe ari umucuranzi ukomeye wa Chorale de Kigali, umuririmbyi n'umwalimu wa muzika. 

Mbere y'uko batangira kuririmba, Antoine Cardinal Kambanda yahawe umwanya atera isengesho abakristu bose bahagarutse. 

Ni isengesho ryubakiye ku kumvikanisha ubuhangange bw'Imana rurema, ineza n'ubuntu bwayo ku bwoko bwayo.

Cardinal Kambanda yumvikanishije ko Yezu aruta kure umuntu, kuko 'umuntu ari ubusa busa'. Ko Yezu yemeye kwicisha bugufi no 'kuvukira muri twe'.

Muri isengesho, yasabye Imana 'kuduha umugisha kandi twakire umukiro wawe utuzanira.

Yasabye Imana 'kuturinda ikibi cyose, cyane cyane muri ibi bihe Isi yugarijwe n'icyorezo cya Covid-19'. Ati 'Udufashe ukiturinde'.

Kambanda yasabye Imana guherekeza Abanyarwanda muri iyi minsi Mikuru. Ati 'Uduherekeza muri iyi minsi mikuru y'ibyishimo utwinjize no mu mwaka utaha…Udutoze guhora tugushimira kugira ngo uhore uhabwa ikuzo.'

Nyuma yo kuvuga isengesho, Karidinali Kambanda yateye indirimbo yitwa Te Deum (Mana Yacu Turagusingiza)' hanyuma abaririmbyi ba korali baramwikiriza.

Umusangiza w'amagambo, Muyumbu Innocent yavuze ko iyi ndirimbo bahisemo ko ari yo baheraho kugira ngo binjize neza Abanyarwanda muri iki gitaramo. Kandi ko iri mu rwego rwo kumvikanisha urukumbuzi bari bafitite abakunzi babo nyuma y'igihe kinini batabataramira. 

Igice cya mbere cy’iki gitaramo cyari kigizwe n’indirimbo za Noheli. Zirimo nka 'Twelve days', 'God rest ye Merry gentleman', 'Christmas Mosaic Set CCC2021', 'Noel', 'Gloria In excelsis Deo', 'Noheli umukiza wacu yavutse', 'Nzakwitura iki?' na 'My soul's been anchored in the Lord'.

Karidinali Kambanda yateye isengesho ryumvikanisha ubuhangange bw'Imana

Kambanda yasabye Imana gufasha Abanyarwanda gusoza neza umwaka w'2021

Kambanda yateye indirimbo 'Te Deum (Mama Yacu Turagusingiza) abaririmbyi ba Chorale de Kigali bakomerezaho

Abaririmbyi barindwi ba Chorale de Kigali binjije abantu mu gitaramo cy'uburyohe

Baririmbye indirimbo zizwi muri Kiliziya Gatolika zirimo 'Jingle Bells' n'izindi

Dieudonne Murengezi, ni we wayoboye iki gitaramo bahera ku ndirimbo 'Locus Iste' ya Anton Brukner


Abaririmbyi ba Chorale de Kigali bacyereye gushimisha abakunzi b'iyi korali irambye mu muziki

Ibyishimo ni byose ku bakunzi b'iyi korali bari kumvishwa umuziki w'umwimerere 

Abihayimana bitabiriye iki gitaramo cy’umuziki w’umwimerere

 

Inshuti n’abavandimwe ntibacitswe n’iki gitaramo 

Igice cya mbere cy’iki gitaramo cyaranzwe n’indirimbo za Noheli

N’abanyamahanga bitabiriye igitaramo cya Chorale de Kigali

AMAFOTO: Iradukunda Jean De Dieu-INYARWANDA.COM

Gaby Kamanzi ni we wafunguye ibirori byo kwiyakira mu bukwe bwa Patient Bizimana na Gentille Karamira, bwitabiriwe n’ibyamamare binyuranye mu muziki wo kuramya no guhimbaza Imana birimo Simon Kabera wanagaragiye abageni akanaragizwa urugo rwabo mu bihe byose.

Hari kandi n’abandi banyuranye barimo Israel Mbonyi, Aimé Uwimana, Joshua Ishimwe, James na Daniella, bafatanije kuririmba indirimbo zirimo ubutumwa bwinshi uhereye kuri Gaby Kamanzi mu ndirimbo nziza igira iti:”Uri inshuti nziza ndagukunda ntacyo nzakuburana Yesu.” 

Ubundi bafatabije bose bati:”Wandemanye umutima wo kuramya umwuka wawe, uyu munsi ibimvamo biramvura bigatembera mu bwoko bwawe bigahembura imitima.” Bakomeza bagira bati:”Ubutsinzi bufitwe kandi n’ubw’Imana.”Serge Iyamuremye na Papi Clever 

Abahanzi bafatanirije gususurutsa abitabiriye ubukwe bwa Patient na Gentille

Israel Mbonyi, Aime Uwimana, Gaby Kamanzi, James na Danille ni bamwe mu byamamare mu muziki wo kuramya no guhimbaza Imana bitabiriye ibirori by’ubukwe bwa Patient na Gentille 

Minisitiri Bamporiki ni umwe mu bitabiriye ubukwe bw’umuramyi Patient Bizimana na Gentille Karamira, ku munsi w’itariki ya 19 Ukuboza 2021 winjiye mu mateka y’abageni n’abakunzi b’ibihangano byo kuramya no guhimbaza Imana.

Wabimburiwe no kuba Patient Bizimana yasabye anakwa Gentille Karamira mu muhango witabiriwe n’imiryango n’inshuti, zirimo ibyamamare mu muziki wo kuramya no guhimbaza Imana harimo Simon Kabera, Serge Iyamuremye na Ishimwe Joshua; nyuma abageni bakomereza mu rusengero rwa Restoration Church i Masoro aho  bahamirije isezerano ryabo imbere y’Imana n’abantu.

Muri aka kanya abantu banyuranye bakaba bateraniye kuri Romantic Garden ahantu hateguye neza, hateguriwe bwa mbere mu mateka ya Patient Bizimana na Gentille  Karamira nk’umuntu umwe kwakira abashyitsi.

Ubukwe bwa Patient Bizimana bukaba bubaye nyuma y’imyaka ibiri ari umugabo n’umugore imbere y’amategeko, ariko bukaba bwaragiye busubikwa kubera icyorezo cya COVID-19.

Minisitiri Bamporiki Edouard ari mu bitabiriye ubukwe bwa Patient na Gentille 

MTN CSR, Alain Numa na Raoul Rugamba mu bitabiriye ubukwe bwa Patient Bizimana 

Ni benshi bateraniye kuri Romantic Garden ahagiye kubera kwiyakira

Ni kuri iki Cyumweru tariki 19 Ukuboza 2021, mu gitaramo kigiye kubera muri Kigali Arena aho Chorale de Kigali yiteguye kwemeza Abanyarwanda n'abandi mu gitaramo cyiswe “Christmas Carols Concert 2021” kibinjiza mu byishimo bya Noheli.

Kuva saa cyenda z'amanywa iyi korali yageragaje ibyuma igomba kuririmbiraho. Ni mu gihe abantu bari bataremererwa kwinjira muri Arena.

Ni igitaramo kibaye mu gihe Urwego rw'Igihugu rushinzwe Iterambere (RDB) rwasohoye itangazo 'bizubahirizwa mu bigo by'ubukerarugendo n'amahoteli, iby'imikino n'imyidagaduro ndetse n'iby'amakoraniro (inama, amateraniro n'amamurikabikorwa) guhera ku itariki ya 20 Ukuboza 2021.'

Iri tangazo rikubiyemo amabwiriza yo kwirinda Covid-19, rivuga ko 'ibitaramo bibaye bihagaritswe.'

Bamwe mu bari bafite ibitaramo mu mpera z'uyu mwaka bafashe umwanzuro wo kubisubika, ndetse bamenyesha abari kuzabyitabira ko bitakibaye.

Icyorezo cya Covid-19 cyakomye mu nkokora ibikorwa byinshi ku Isi, buri gihugu gifata ingamba zitandukanye zo gukumira iki cyorezo.

Kwinjira mu gitaramo cya Chorale de Kigali byasabaga ko umuntu aba yarikingije Covid-19, kandi yipimishije Covid-19 nibura mu gihe cy'amasaha 72 cyangwa 24.

Iki gitaramo cyiswe “Christmas Carols Concert 2021” ni ngaruka mwaka. Ni kimenyabose mu bakirisitu Gatolika, n'abandi bafatanyiriza hamwe kwinjira mu byishimo bya Noheli.

Byitezwe ko muri iki gitaramo, iyi korali iza kuririmba mu bice bitatu, aho buri gice gifite nibura indirimbo 10.

Buri muririmbyi ku rubyiniro ahagaze ahantu handitse izina rye. Ibi bifasha mu gutuma abaririmba amajwi amwe bahuza, n'umutoza wabo akamenya uko abatwara.

Chorale de Kigali yatekereje ku bantu bashobora kubura uko bagera muri Kigali Arena, ishyiraho shene ya Youtube umuntu yakwifashisha areba igitaramo cyabo aho yishyura amadorali 10.

Umuyobozi wa Tekiniki muri Chorale de Kigali, Shema Patrick aherutse kubwira INYARWANDA, ko iki bagihaye umwihariko kuko gitandukanye n'ibindi byabanje bakoze. Avuga ko buri mwaka bakora igitaramo barushaho 'kuzamura amarangamutima y'abakunzi ba Chorale de Kigali'.

Ati 'Ku buryo buri wese ukunda Chorale de Kigali witabira ibitaramo bya Chorale de Kigali yiyumva muri iyo konseri.'

Uyu muyobozi avuga ko bakunze kubona ibitekerezo by'abakunzi babo babasaba ko babaririmbira n'izindi ndirimbo ziri mu ndimi zitandukanye, bityo ko kuri iyi nshuro batekereje kuri abo bose, bategura indirimbo ziri mu ndimi zose zikoreshwa mu Karere ka Afurika y'Iburasirazuba.

Patrick avuga ko bahisemo indirimbo nziza zose. Ati 'Ntabwo twapfuye guhitamo indirimbo tubonye yose.'

Anavuga ko muri iki gitaramo batekereje ku bakunzi babo bakunda kuramya, ku buryo kuri iyi nshuro bateguye indirimbo zo kuramya no guhimbaza Imana bazafatanya kuririmba n'abakunzi babo.

Ati 'Mu ndirimbo twateguye, nta muntu n'umwe uzaba uri Arena uzasohoka atumvisemo ebyiri cyangwa eshatu turirimbana.'

Ikindi, uyu muyobozi avuga ko batekereje ku bantu baba batazi neza amagambo y'indirimbo, ari nayo mpamvu amagambo ya buri ndirimbo yose bazaririmba muri iki gitaramo azaba atambuka ku nyakira mashusho ziri muri Kigali Arena. 

KANDA HANO UBASHE KUREBA IGITARAMO CYA CHORALE DE KIGALI

Chorale de Kigali igiye gukora igitaramo ngarukamwaka yise 'Christmas Carols Concert' cyinjiza Abanyarwanda mu byishimo bya Noheli n'Ubunani

Kuva ku gicamunsi cyo kuri iki Cyumweru, abaririmbyi ba Chorale de Kigali bakoze imyitozo

Abaririmbyi biteguye gutanga ibyishimo mu gitaramo cyubakiye ku ndirimbo zo kuramya no guhimbaza Imana n'izindi abantu bakunda 

Chorale de Kigali yahisemo ko amagambo y'indirimbo baririmba azajya aba agaragara ku nyakira-amashusho ziri muri Kigali Arena

Abaririmbyi biteguye kuririmba indirimbo ziri mu ndimi zikoreshwa mu Karere k'Afurika y'Iburasirazuba
Kuva ku gicamunsi cyo kuri iki Cyumweru, abantu bageraga ahabera iki gitaramo

Buri wese witabiriye iki gitaramo asabwa kugaragaza ko yikingije Covid-19

Ushobora kureba igitaramo cya Chorale de Kigali wishyuye amadorali 10

Patient na Gentille bageze i Masoro mu rusengero rwa Restoration Church, aho bagiye gusezeranira imbere y’Imana. Aha hteraniye abantu ba hafi b'aba bombi, mu rwego rwo kubahiriza ingamba zo kwirinda icyorezo cya COVID-19.

Isezerano ryabo ribimburirwa no kuramya no guhimbaza Imana, mu ndirimbo zaririmbwe n’abarimo Patient Bizimana waririmbye indirimbo ye iri muri nyinshi zakunzwe, ‘Ubuntu’.

Akorerwa mu ngata n’abandi basanzwe ari ibyamamare mu muziki barimo Simon Kabera umwe mu baramyi b'abanyabigwi, Gaby Kamanzi waririmbye indirimbo zinyuranye harimo n'iyo yahamije ko yasabwe na Patient kuzayimurimbira ku munsi w’ubukwe.

Ni indirimbo igaruka ku ishimwe ry’Imana itajya iterarana abayikorera, igatanga ishimwe mu gihe gikwiriye, kandi itsinda ry’abaramyi rizwi nka Shakina Worship Team naryo ryaserutse ku ruhimbi mu bihangano by’umwuka binyuranye.

Patient aha yari ari kumwe na Simon ategereje Gentille

Gentille ari kumwe na musaza we agiye kumushyikiriza uwo yaremewe

Patient Bizimana na Gentille Karemera

Patient na Gentille basabwe kwegera ku ruhimbi

Shakina Worship Team niyo yaje gushyigikira Patient Bizimana

Simon Kabera yaririmbiye abitabiriye isezerano rya Patient Bizimana

Gaby Kamanzi yarirmbye indirimbo zinyuranye zirimo n'iyo Patient Bizimana yamusabye kumuririmbira ku munsi w’ubukwe bwe

Mu muhango wayobowe na Pasiteri Umulisa Lydia, Patient Bizimana yasezeranye kubana akaramata na Gentille Karamira. Bari basezeranye kubana imbere y’amategeko mu mwaka wa 2019.

Muri iki gitondo, Patient yari yasabye anakwa Gentille mu muhango wabereye muri Romantic Garden, ari aho umuryango mushya ugiye bwa mbere kwakirira imiryango n’inshuti.

Patient Bizimana yaririmbiye kandi umukunzi we indirimbo yazamuye amarangamutima ya benshi, bamwe baranarira na Pasiteri ahamya ko ari indirimbo nziza.

Ni indirimbo Patient aba ashima Imana imwituye urukundo ati:”Ya mpano yangezeho umunsi uruta indi yose, unyituye urukundo wankunze kuva cyera koko urakiranuka.”

Ubukwe bwa Patient Bizimana bwari bwarasubitswe kubera icyorezo cya COVID-19, ariko igihe nyacyo kibaye kuwa 19 Ukuboza 2021 bakaba babaye umwe, ndetse barazwe umuryango wa Simon Kabera kuzababa hafi.

Patient na Gentille basezeranye kubana akaramata basengewe n’abashumba banyuranye bitabiriye isezerano ryabo

Patient Bizimana ashyira umukono ku isezerano ryabo

Gentille Karamira ashyira umuko ku isezerano ryo kubana iteka na Patient Bizimana