Author: webrwanda

Abasaza bacu bashiriyeyo, bahora bavuga ko abakobwa bakora akazi ko koza abantu mu mutwe mu gihe barangije ku kogosha badakora gusa ku bw'isuku, ahubwo binyuze mu buryo bw'imitekerereze. Iyo urangije kogoshwa inyogosho wifuzaga, bahita bakwinjiza mu kumba gato gakorerwamo amasuku bagahita batangira ku kwitaho mu buryo bwo ku koza mu mutwe.

Abo bakobwa bagukorera amasuku yo ku koza mu mutwe wawe begetseho umuryango. Iyo udafite umutima ukomeye, ushiduka wisanze mu makosa, rimwe na rimwe ntuba uzi aho wanyuze cyangwa ibyo wagiye utekereza.

Hari abavuga ko bakunyuramo no mu ntekerezo zawe ukisanga bakwicaye no kubibero cyangwa bakagukoza agatoki mu matwi, doreko uhita wumva ibinyugunyugu byinshi bikuzamukamo, nk'aho buri gitekerezo cyose ari igisubizo ku bibazo byawe.

Bamwe bavuga ko akazi ko koza mu mutwe akenshi gakorwa n'abakobwa gatuma umuntu yumva amerewe neza iyo amaze gukorerwa amasuku mu mutwe.

Umwe mu bo twaganiriye utifuje gutangaza amazina ye yagize icyo atangariza Kasuku Media ati: 'Iyo umukobwa akora akazi ke neza, usanga umuntu ahora yibuka wa mukobwa wamukoze mu mutwe bityo bigatuma ushobora kuba wasubira kwiyogoshesha kandi nta n'umusatsi ufite, kaba niyo waba uherereye i Rubavu kandi uwo mukobwa wagukoreye amasuku yo mu mutwe ari i Kigali ujyayo ntakabuza icyikujyanyeyo ari ukwiyogoshesha gusa kugira uhabwe na serivisi yo kozwa mu mutwe.'

Gusa impamvu abasaza bavuga ko umukobwa aba akwiriye kuboza ku mutwe n'uko baba bumva bashaka kwitabwaho haba mu buryo bw'bitekerezo. Ni nk'uko umubyeyi wita ku mwana we cyangwa nk'uko abakobwa bakora akazi ko koza ku mutwe batanga umutekano w'amarangamutima y'umuntu.

Source : https://kasukumedia.com/abasaza-bashiriyeyo-serivisi-yo-kozwa-mu-mutwe-nyuma-yo-kogoshwa-ikomeje-kuvugisha-abatari-bake/

'Abanyamuryango b'umutwe w'iterabwoba Ansar al-Sunnah ukorera muri Mozambike bahinda umushyitsi iyo bumvise izina ry'Ingabo z'u Rwanda (RDF) na Polisi y'u Rwanda (RNP). Bazi neza ko aba bantu bahangana n'iterabwoba mu buryo budasanzwe.'

U Rwanda rwiteguye mbere y'ibyago

Mu myaka makumyabiri ishize, iterabwoba ryafashe indi ntera ku isi, cyane cyane mu bihugu byo mu Majyaruguru y'Isi. Nubwo u Rwanda rutari mu byibasiwe cyane, ntirwigeze rusigara inyuma mu kwitegura.

Ubuyobozi bw'igihugu bwashyize imbere umutekano, Polisi y'u Rwanda (RNP) igirwa imwe mu nzego zahawe inshingano zo kubaka ubushobozi bwihariye mu guhangana n'iterabwoba.

Ni muri urwo rwego hashinzwe Ikigo cy'Amahugurwa cya Mayange (Counter Terrorism Training Center — CTTC) mu Karere ka Bugesera mu mwaka wa 2013. Intego yacyo: gutoza abapolisi bafite ubumenyi n'ubushobozi bwo ku rwego rwo hejuru mu guhangana n'iterabwoba mu buryo bwose.

Amahugurwa yihariye ku rwego rwo hejuru

Guhera mu ntangiriro, CTTC Mayange cyibanze ku myitozo y'ingabo zidasanzwe (special forces), gitoza abapolisi ubumenyi bwa tekiniki, uburyo bwo mu bikorwa ndetse n'ubuhanga mu guhangana n'iterabwoba rigezweho.

Mu minsi ya mbere cyatangiranye abanyeshuri 300 n'abatoza 60. Kugeza ubu kimaze gusoza abapolisi 3,832, gikora mu byiciro bitatu:

Ishami ry'Ingabo zidasanzwe (Special Forces Wing)

Ishami rishinzwe kurwanya iterabwoba n'ubutasi (Counterterrorism and Intelligence Wing)

Ishami ry'amahugurwa yihariye n'umwuga (Specialized & Career Courses Wing)

Amahugurwa afata hagati y'amezi atatu n'atandatu, bitewe n'urwego rw'ubumenyi rusabwa.

Ibikorwaremezo by'icyitegererezo

Uyu munsi, CTTC Mayange gifite:

ibyumba by'amashuri byuzuye ibikoresho, aho kurara higezweho, ibikoresho by'imyitozo bya kijyambere, n'ibyagenewe kuruhura no kubungabunga ubuzima bw'umubiri n'ubw'ubwonko bw'abanyeshuri.

Iki kigo cyakiriye abanyeshuri baturutse mu Rwanda ndetse no mu bindi bihugu nka Repubulika ya Centrafrique na Sudani y'Epfo. Ubu abanyeshuri bagera ku 2000 bari mu myitozo.

Ubuyobozi bw'ikigo buravuga iki?

ACP Méthode Munyaneza, Umuyobozi w'agateganyo wa CTTC Mayange, yagize ati: 'Intego yacu ni ukwagura amasomo, kongera ibikorwaremezo no kuzamura ireme ry'inyigisho. Tugomba gufata umupolisi ufite ubumenyi bw'ibanze tukamuhindura umunyamwuga wo ku rwego rwo hejuru ushoboye guhangana n'inshingano zikomeye zo kurwanya iterabwoba.'

Abanyuze mu kigo bavuga iki?

IP Godfrey Muzungu, umwe mu bapolisi bitabiriye ibikorwa byo kurwanya iterabwoba muri Mozambike, yibuka uko amasomo ya CTTC yamufashije:

'Nitabiriye amasomo y'umwaka umwe hagati ya 2021 na 2022 mbere yo koherezwa muri Cabo Delgado. Twize byinshi birimo gukoresha intwaro, gucunga ubwoba, uburyo bwo kurwana mu duce tugoye ndetse n'imyitozo yo gusimbuka mu ndege cyangwa mu nyubako ndende kugira ngo tugere aho abaterabwoba bihishe hose. Ibyo byose byatumye tugera ku ntsinzi mu bikorwa byo muri Mozambike.'

CTTC, inkingi y'umutekano w'u Rwanda n'akarere

Mu isi aho iterabwoba rigenda rihindura isura, CTTC Mayange gihagaze nk'urugero rw'ubushobozi, ubwitange n'ubufatanye.

Ni ikimenyetso cy'uko iyo habayeho ubumenyi n'imikoranire, iterabwoba rishobora gutsindwa.

Ku ruhande rw'u Rwanda, CTTC Mayange si ikigo cy'amahugurwa gusa; ni uruganda rutunganya abarinda igihugu — abapolisi basanzwe bahindurwa abarwanashyaka b'umutekano ku rwego rwo hejuru.

Mu karere iterabwoba rihora rifata indi sura, u Rwanda rwagaragaje ukuri kumwe rukomeye:

Kwitegura ni cyo gikoresho gikomeye kurusha ibindi.

 

 

The post CTTC MAYANGE: Ikigo cya Polisi y'u Rwanda cyihariye mu guhangana n'iterabwoba appeared first on RUSHYASHYA.

Source : https://rushyashya.net/cttc-mayange-ikigo-cya-polisi-yu-rwanda-cyihariye-mu-guhangana-niterabwoba/?utm_source=rss&utm_medium=rss&utm_campaign=cttc-mayange-ikigo-cya-polisi-yu-rwanda-cyihariye-mu-guhangana-niterabwoba

Umuyobozi wa APR FC, Brig Gen Deo Rusanganwa yavuze ko intego ikipe yahagurukanye mu Rwanda yerekeza muri Tanzania ari ukwegukana CECAFA Kagame Cup.

Guhera ejo ku wa Kabiri tariki ya 2 Nzeri kugeza 15 Nzeri muri Tanzania hazaba habera CECAFA Kagame Cup.

U Rwanda ruzaba ruhagararirwe na APR FC yahagurutse mu Rwanda ejo hashize yerekezayo.

Chairman wa APR FC, Brig Gen Deo Rusanganwa yabwiye ISIMBI ko nta kindi kibajyanye uretse kwegukana iyi CECAFA.

Ati “Intego ni ukwegukana CECAFA, ni ukukizana, umutoza ni yo ntego, abakinnyi ni yo ntego.”

Umwaka ushize APR FC ikaba yaratsindiwe ku mukino wa nyuma na Red Arrows yo muri Zambia.

APR FC ikaba izatangira irushanwa ejo ku wa Kabiri ikina na Bumamuru yo mu Burundi.

Source : http://isimbi.rw/spip.php?article11746

Abarwanyi b'imitwe y'iterabwoba ikorera mu majyaruguru ya Mozambique, by'umwihariko Ansar al-Sunnah, basigaye bahinda umushyitsi iyo bumvise ingabo z'u Rwanda cyangwa inzego z'umutekano zarwo. Ubu ubwoba bukomeje kugaragaza uburyo ingabo z'u Rwanda zafashe iya mbere mu kugarura ituze no guhashya ibikorwa by'iterabwoba muri ako gace, aho abaturage benshi bari barahungabanyijwe n'ubwicanyi, ubusahuzi n'icuruzwa ry'abantu.

Guhera mu mwaka wa 2021 ubwo u Rwanda rwoherezaga ingabo n'abapolisi mu karere ka Cabo Delgado, ubuzima bw'abaturage bwatangiye kugaruka mu buryo bugaragara.

Abaturage bavuga ko inzego z'umutekano z'u Rwanda zitandukanye n'izindi zari zaragerageje kubafasha ariko zikananirwa, kuko zerekanye ubunyamwuga, ubwitange no guharanira inyungu rusange mu baturage.

Ansar al-Sunnah ni umutwe w'abarwanyi wigize intandaro y'umutekano muke muri Mozambique, ariko kuva aho u Rwanda rwafatiye iya mbere mu bufatanye n'igisirikare cya Mozambique ndetse n'abafatanyabikorwa mpuzamahanga, ibikorwa byawo byatangiye kugabanuka. Ubu hari uduce twinshi twari twarigaruriwe n'aba barwanyi tumaze kongera kugarurwamo amahoro.

Abasesenguzi bavuga ko igitinyiro aba barwanyi bagira iyo bumvise izina ry'u Rwanda kigaragaza ko imbaraga z'igihugu gito kidafite ubukungu bukomeye, ariko gifite ubuyobozi bwiza, zishobora guhindura amateka y'umutekano w'Akarere. Ibi kandi ni isomo rikomeye ku bindi bihugu byo ku mugabane wa Afurika birwanya iterabwoba.

Ingabo z'u Rwanda zatangiye kuba ikimenyetso cy'icyizere ku baturage ba Mozambique, mu gihe abarwanyi bo bakomeje gucika intege no gutinya guhura nazo ku rugamba.

Source : https://kasukumedia.com/umutwe-witerabwoba-wa-ansar-al-sunnah-muri-mozambique-bahinda-umushyitsi-iyo-bumvise-inzego-zumutekano-zu-rwanda/

Ingabire Ange Tricia, umugore w’umuhanzi Dr Muyombo Thomas [Tom Close], yahishuye ko yamaze imyaka 12 yarabuze aho ahera abwira umugabo we ko iyo bagendanye mu modoka amubangamira kubera kudahuza ku byo bagenda bumva.

Yabivuze ejo hashize ku Cyumweru ubwo bari mu basangije abitabiriye amasengesho ya “Young Leaders Prayer Breakfast” ubuhamya bw’uko hari byinshi bize mu rugo rwabo rumaze imyaka 12, berekana ko kimwe mu bibafasha ari ukwihangana no kuganira bihoraho kugira ngo bashyire ibintu ku murongo uko bikwiye.

Tricia yavuze ko bakibana yagonzwe n’ikibazo cy’umwanya kuko Tom Close nta mwanya yabonaga kuko uretse kuba yari umuganga n’umuhanzi yahise ahabwa umwanya mwiza mu kazi ari nako bahita babyara, hiyongeraho no gutangira gushushanya ibitabo byifashishwa mu mashuri abanza.

Ngo yageraga mu rugo ahita ajya gushushanya ntabonere umwanya umugore we ni mu gihe we yabaga yakoze ibishoboka byose yamwiteguye nk’umwami ariko ntagire amahirwe yo kubona ibyo yateguriwe kuko yahitaga amubwira ati “ibyo biryo bizane mu biro kuko mfite utuntu two gukora.”

Avuga ko yaje gusenga maze Imana ikamuhishurira uburyo agomba kubikoramo, nibwo yicaje umugabo we amubwira ko bamukeneye mu rugo, ajye abagenera umwanya muto, yavuze ko yamwumvise neza cyane, ibintu ahamya ko byatanze umusaruro yaba mu rugo no mu kazi kuko uko gukina n’abana, aganira n’umugore we byatangiye no kujya bimuruhura mu mutwe.

Tricia yakomeje avuga ko ikindi kibazo yari amaranye imyaka 12 ari iyo yabaga yagendanye na we mu modoka kuko batahuzaga, Tom Close yabaga ashaka kumva amakuru undi ashaka kumva indirimbo.

Ati “ikintu nabonye cyiza ariko nkimenye vuba cyanyemeje ko ‘communication’ ari ingenzi, maranye imyaka 12 na Tom ariko mu myumvire ye akunda abantu bagenda mu modoka imwe, muraza kundabera niba atari ukwikunda sinzi, ngo nibwo bakundana kurushaho,tukagira imodoka duhuriramo twese nayicaramo nkakunda indirimbo we agakunda amakuru. Sinjyezamo nkakubitamo indirimbo, ntirangiye agakubitamo amakuru.”

Yakomeje avuga ko byamubabazaga ariko ntavuge, gusa mu minsi ishize Imana yamuhishuriye ikintu gikomeye ari nacyo cyahise gikemura ibyo bibazo byose.

“Bikambabaza ariko simvuge. Ejobundi Imana yampishuriye ibintu bikomeye, yinjiye mu modoka amakuru aba aratangiye nanjye ndimo kwiyumvira uturirimbo natwawe ariko Imana iramfasha sinarakara ndamubaza nti njyewe mbona uruha cyane, mbona ugiye ubanza ukumva uturirimbo mu mutwe hakaruhuka byagufasha.”

“Aransubiza ati njye indirimbo ni akazi kuri njye hari igihe dushaka tukibagirwa ko twashatse abantu bafite n’impano nziza y’ubuhanzi, nti uzi ko ari byo, ati njye iyo numva indirimbo ntagira kumva aho ibyuma bihengamye rimwe na rimwe nkahita njya muri studio kandi atari umwanya wabyo ariko amakuru aranduhura mu gihe mwe indirimbo ari zo zibaruhura.”

Tricia yasanze yari yaratinze kubibaza kuko yasanze mu myaka 12 yose bamaranye yaramuvunnye, ubu ngo ntagituma agera mu modoka, aba igitunguka akaba yashyizemo amakuru.

Tom Close we yavuze ko yagowe cyane n’amagambo yavuzwe bamaze gushakana, bamwe bati baratandukanye abandi ngo babyaye umuzungu.

Ati 'Twe twahuye n’ikibazo cy’imbuga nkoranyambaga. Twe tukibana haje inkuru z’uko twabyaye umuzungu, hanyuma banarenzaho ko twatandukanye. Njye numvaga ari amafuti sinabiha agaciro, na we yambaza nkamubwira nti 'ko ari wowe bavuga warabyaye?’ Igihe kimwe abantu bo mu muryango baramuhamagaye bamubaza bati 'niba mufite ikibazo mwakitubwiye bitaraturika?”

Yakomeje avuga ko ikindi kintu yitaho ari igihe kuko uko umuntu amarana umwanya na mugenzi we, bifite ikintu kinini bivuze. Yagaragaje ko aha umugore we umwanya uhagije iyo bagiye kugira aho bajyana, akitegura neza nyamara atarabikoraga.

Ati 'Mbere nahitaga njya mu modoka ngatangira kuvuza amahoni. Noneho yaza tukagendana turakaye. Naje kubibona mbona ko ari ko ateye, noneho muha umwitangirizwa twaba dufitanye gahunda tugahurira mu modoka.'

Umuhanzi Tom Close yavuze ko ikindi kintu gituma abana neza n’uwo bashakanye ari uko adafata umwanzuro wenyine ahubwo abanza kujya inama n’umugore we.

Source : http://isimbi.rw/spip.php?article11747

Bamwe mu baturage bakoresha serivisi za MTN Rwanda bakomeje kugaragaza akababaro baterwa n'imikorere ya interineti bavuga ko itajyanye n'amafaranga bishyura, doreko ishira ikiyigura. Hari abavuga ko bagura bundle za internet bakimara kugura bagahita babona ubutumwa bubamenyesha ko basigaranye 20%, bataranakoresha na kimwe mu byo bateganyaga.

Ntibahwema kuvuga ko amafaranga yabo baba baguzemo interineti aba yabavunnye kuyabona, Umwe utifuje gutangaza amazina ye yabwiye Kasuku Media ati: 'Uragura interineti ukimara gufungura data ngo arashize ibyo byumvikana gute umusaruro yagenwe utaraboneka?'   

Umwe mu baturage utuye mu mujyi wa Kigali nawe utifuje gutangaza amazina ye, yatangarije Kasuku Media ababaye bikomeye yagize ati: 'Byarandenze kubona ngura bundle ya 1000 Frw, hanyuma hashize iminota mike bambwira ko nsigaranye 20%, kandi nta na video muri make ntanakimwe nari nakora gishobora kurya bundle bene ako kageni, ibi ni ukuturya amafaranga yacu.'

Abandi bavuga ko iyo Interineti rimwe na rimwe iba ikora gahoro, bikabaviramo gutakaza bundle zabo. 'Hari ubwo ugura 4G, ariko ugasanga iragenda nk'uwugura ku muvuduko wa 2G, bikakubuza gukora ibyo wateganyaga.'

Abakoresha izi serivisi basaba ko MTN yakongera imbaraga mu kugenzura imikoreshereze ya Internet no gusobanurira abakiriya uburyo bundles zikora, kugira ngo umusaruro bateganyaga bawubone.

MTN Rwanda yo ikomeje kuvuga ko ikora ibishoboka byose mu guteza imbere ikoranabuhanga no kongera ubwiza bwa interineti mu gihugu hose. Gusa abaturage barasaba ko ibyo bikorwa byagaragarira mu buzima bwabo bwa buri munsi, ntibigarukire mu matangazo cyangwa ku mbuga nkoranyambaga.

 

 

Source : https://kasukumedia.com/bamwe-bakomeje-kwinubira-serivisi-za-mtn-rwanda-uramara-kugura-interineti-bagahita-bakubwira-ko-usigaranye-20/

Yabigarutseho mu kiganiro n'itangazamakuru ku wa 31 Kanama 2025, cyakurikiye umuhango wo kumurika ibikorwa bishingiye ku rugendo rwe rwo kwiyegurira ibyo akora n'umusaruro bimaze gutanga, no kugaragariza abiganjemo urubyiruko ko inzozi zabo zishobora kuba impamo baramutse badakerensa ubumenyi bafite kuko ari cyo gishoro gikomeye.

Iminara yubakwa Tres Infrastructure Ltd yifashishwa mu itumanaho cyane cyane irya internet.

Twagiramungu Venuste akirangiza amasomo muri Hubbard College of Administration (HCA) muri Amerika, mu bijyanye n'Ikoranabuhanga, ntiyari afite igishoro cyo kuba yashinga ikigo nka Tres Infrastructure Ltd.

Yavuze ko ubumenyi yahahashye ari bwo bwamufashishe kubyaza inyungu bike yari afite akanabasha gukorana neza na banki yamugurije amafaranga ikanamuhuza n'umufatanyabikorwa.

Ati ''Icya mbere ni ukuvuga ngo ibibazo biri hano hanze nshobora kubonera umuti ni ibihe?' Akenshi rero ibyo bibazo uzasanga kugira ngo ubibonere umuti udakeneye gutangiza amafaranga. Ahubwo uzasanga ukeneye gutangiza umutwe wawe. […] Iyo umutwe wawe wanawukoresheje neza ubona abaza kugufasha.''

''Negereye ikigo cyitwa BK Capital ni yo yamfashije gushaka umufatanyabikorwa, Ejo bundi tuza kumubona ashyiramo miliyoni 7,4$. […] ubu dufite iminara igera kuri 203, ugiye kubara umunara mu gaciro nibura mu gishoro ufite agaciro k'ibihumbi 70$.''

Kugeza ubu Tres Infrastructure Ltd ni cyo kigo cya kabiri mu Rwanda cyubaka iminara y'itumanaho, cyashinzwe n'Umunyarwanda.

Twagiramungu Venuste kandi ntabwo yashatse ko ibikorwa bye bigarukira ku minara gusa, ibyatumye ashinga mu Rwanda Ikigo Hubbard College of Administration Kigali gitanga amasomo yo muri HCA y'i Los Angeles yizemo, agamije gufasha Abanyarwanda cyane cyane urubyiruko rushaka kujya mu bucuruzi bushingiye ku ikoranabuhanga.

Ntarindwa Jackson uyobora Ikigo ScriptyLabs Inc gitanga serivisi z'ikoranabuhanga akaba umwe mu rubyiruko rwahuguwe na Hubbard College of Administration Kigali, yahamirije IGIHE ko amaze kunguka ubumenyi burimo n'ubufasha kwita ku mukiliya ukamukurikirana ndetse ukamuha serivisi nziza bigatuma umugumana kuko atongera kwifuza kujya kuyisaba ahandi agusize.

Umuyobozi w'Ishami rya Afurika ry'Ikigo World Institute of Scientology Enterprises (WISE) cyatangije HCA yo muri Amerika, Natalia Nemes Choukri, yavuze ko intego y'iki kigo ari ugufasha ibihugu gutegura abakozi bashobora guhangana ku isoko ry'umurimo, ashimira Twagiramungu Venuste ukomeje kubigiramo uruhare binyuze mu bumenyi aha urubyiruko rw'u Rwanda.

Hanerekanwe filime mbarankuru igaruka ku rugendo rwa Twagiramungu Venuste

Twagiramungu Venuste yibukije urubyiruko ko igishoro gikomeye rukeneye ari ubumenyi atari amafaranga

Twagiramungu Venuste amaze kubaka mu Rwanda iminara 2023 y’itumanaho, ifite agaciro k’asaga miliyari 20 Frw

Natalia Nemes‑Choukri yagaragaje ko bafite intego yo gutegura abakozi bahangana ku isoko ry’umurimo

Twagiramungu Venuste yahurije hamwe abarimo inshuti ze, abafatanyabikorwa n’urubyiruko, mu kubasangiza urugendo rwe mu kwiyegurira ikoranabuhanga

---

Source : http://igihe.com/amakuru/u-rwanda/article/yubatse-iminara-y-asaga-miliyari-20-frw-umusanzu-wa-twagiramungu-mu-guteza

Umuyobozi w'Akarere ka Kamonyi wungirije ushinzwe imibereho myiza y'abaturage, Uwiringira Marie Josée ahamya ko igihe cyahariwe gahunda y'Intore mu biruhuko wabaye umwanya mwiza ku banyeshuri wo kudapfusha igihe ubusa, kudasamara, kutiyandarika, kutajya mu bibangiriza ubuzima ariko kandi no kurindwa ihohoterwa iryo ariryo ryose. Ashimangira ko aho bahuriraga bahawe ibiganiro bikubiyemo Inama n'Impanuro zibubaka, baridagadura ariko kandi banagaragaza impano bibitsemo.

Asoza ku mugaragaro gahunda y'Intore mu biruhuko yasorejwe ku Kibuga cy'umupira w'amaguru cy'ahazwi nko mu Rugando mu Murenge wa Nyarubaka, Visi Meya Uwiringira yabwiye abitabiriye iki gikorwa by'Umwihariko abanyeshuri bagiye gusugira ku masomo ko ibiganiro bahawe, Inama n'Impanuro bajyanye bikwiye kubaherekeza bakiga bashyizeho umwete, bagakurikira amasomo batiganda.

Yarababwiye kandi ati' Ba bana bose muzi bavuye mu ishuri, abo mwarangije batakiri mu ishuri, bose muzabatubwirire y'uko tubakeneye ku ishuri. Umwana wese mu gihe cyo Kwiga aba ku Ishuri akahava ataha mu rugo. Nti muzemere na rimwe ko hagira impamvu n'imwe ituma mutiga kuko kwiga nibyo bizatuma muba abantu bakomeye'.

Visi Meya Uwiringira, avuga ku butumwa bwihariye ku banyeshuri basubiye ku masomo, ku babyeyi, Abayobozi b'Inzego z'Ibanze n'undi muntu wese ushishikajwe n'iterambere ry'Umwana, yabwiye intyoza.com ati' Muri iki kiruhuko byagenze neza ariko bizarushaho kugenda neza nitubona abana bose ku munsi w'itangira baje gutangira ishuri kandi bakarigumamo bakiga'.

Avuga ku byo abana bungukiye  muri gahunda y'Intore mu biruhuko, yagize ati' Iyi gahunda yabaga ifite ikiganiro kimwe ku munsi hakabaho umwanya munini wo kwidagadura ndetse no kugaragaza Impano z'abana. Nk'Ubuyobozi rero ikintu cyadushimishije twabonye cyanatanze umusaruro, hagaragaye impano nyinshi abana bacu bafite! Hari abafite Imivugo, Abafite guhanga by'Ubukorikori, hari Abafite iby'Ikoranabuhanga, Kumenya kuririmba, Kubyina n'ibindi'.

Yongeyeho ati' Ikindi byafashije!, twajyaga tubona mu biruhuko abana benshi bagiye bahohoterwa ariko nubwo uyu munsi tutavuga mu mibare ngo bimeze gutya ariko muri iki gihe cy'Ukwezi nta bintu byo kubona abana basambanijwe ku ngufu, Abana basanzwe mu kabari basinze, abagiye mu zindi ngeso mbi…, Iyi gahunda y'Intore mu biruhuko tubona warabaye umwanya wo kubona icyo abana bakora cyane cyane ko twasabaga Ababyeyi kwita ku bana mbere ya saa sita baba bafite n'imirimo babaha bakayibaha noneho nyuma ya saa sita akaba aribwo baza muri iyi gahunda'.

Mu butumwa yageneye Ababyeyi n'abandi bafite inshingano ku bana by'umwihariko muri iki gihe habura iminsi mike ngo basubire ku masomo, Visi Meya Uwiringira Marie Josée yabasabye kujyana abana gutangira ishuri kuko ngo kugira ngo Igihugu kizatere imbere ari uko kizagira Abanyarwanda bajijutse, ko n'iterambere rizagerwaho hari Abanyagihugu bize, bajijutse.

Umwaka w'Amashuri wa 2024-2025, Akarere ka Kamonyi kari gafite abana bagera ku bihumbi bine bari munsi y'imyaka 16 bataye ishuri ariko kandi kaje ku mwanya wa Kabiri mu Gihugu mu gusubiza Abana ku ishuri aho umubare w'abasubijweyo ugera kuri 35% by'abaritaye. Gahunda ishyizwe imbere muri uyu mwaka w'amashuri wa 2025-2026 ni ubukangurambaga busubiza umwana wese ku ishuri.

Munyaneza Théogène

Source : https://www.intyoza.com/2025/08/31/kamonyi-gahunda-yintore-mu-biruhuko-yarinze-abana-ubuzererezi-ihohoterwa-visi-meya-uwiringira/

Perezida Kagame yageze i Dakar, kuri iki Cyumweru, tariki ya 31 Kanama 2025.

Iyi nama ya AFS igiye kubera muri Senegal, ije ikurikira izabereye mu Mujyi wa Kigali muri Werurwe 2024 no muri Nzeri 2024, aho zitabiwe n'abahagarariye inzego za leta, abikorera, urubyiruko ndetse n'abandi bafite aho bahuriye n'ubuhinzi bo mu bihugu byiganjemo ibyo muri Afurika.

Umwaka ushize yari ifite insanganyamatsiko igira iti 'Guhanga udushya, kwihuta no kwaguka: Gushyiraho uburyo bw'iterambere ry'ibiribwa mu gihe cy'ikoranabuhanga n'ihindagurika ry'ikirere'.

Biteganyijwe ko iy'uyu mwaka izitabirwa n'abasaga 600 biganjemo abahanga udushya, abarimu muri za kaminuza, ibigo by'iterambere, amahuriro y'abahinzi borozi, ndetse n'abikorera bo muri Afurika n'ahandi ku Isi, bazitabira iyo nama.

Muri iyi nama hazagaragazwa udushya n'ikoranabuhanga, politiki n'uburyo bwo kubishyira mu bikorwa, ibyo abantu bakwigira ku bandi, imishinga ntangarugero y'ubucuruzi n'ishoramari rigamije kwihutisha iterambere ry'ibiribwa muri Afurika, urubyiruko n'abagore babigizemo uruhare.

U Rwanda na Sénégal ni ibihugu bifitanye umubano mwiza, ushimangirwa n'ingendo zagiye zikorwa hagati y'abakuru b'ibihugu ndetse n'abandi bayobozi muri Guverinoma.

Ibi bihugu byombi kandi bifitanye amasezerano arimo ay'ubufatanye mu by'umuco yasinywe mu 1975, ay'ubutwererane rusange yasinywe mu 2004, ay'ishyirwaho rya komisiyo ihoraho ishinzwe kugenzura umubano w'ibihugu byombi yasinywe mu 2016 ndetse n'amasezerano y'ubufatanye ari hagati y'Urwego rw'Igihugu rw'Itangazamakuru, RBA na Radio Television Sénégalaise.

Muri iki gihugu cyo mu Burengerazuba bwa Afurika hariyo Abanyarwanda benshi batuyeyo, yaba abajyanywe n'amasomo n'abandi barimo abagezeyo mu myaka 40 ishize.

Perezida Kagame yageze muri Senegal yakirwa na mugenzi we Bassirou Diomaye Faye

Umukuru w’Igihugu yitabiriye Inama Nyafurika yiga ku kwihaza mu biribwa (AFS)

---

Source : http://igihe.com/amakuru/u-rwanda/article/perezida-kagame-yageze-muri-senegal

Kuri uyu wa 31 Kanama 2025, Anfield yongeye kuba ubukombe ubwo Liverpool yatsindaga Arsenal mu mukino wari ukomeye kandi wari utegerejwe n'abafana benshi b'izi kipe zombi. Abakunzi ba Liverpool doreko bari bahanzwe amaso na benshi ariko abakinnyi babo basohoza ibyo bari batumwe, doreko kandi baraye babwirwa ko gutsindwa na Arsenal byaba ari igisebo gikomeye, none byarangiye 'The Reds' bibahiriye imbere y'abafana babo.

Umukino watangiye ukomeye, Arsenal igaragaza uburyo bwiza bwo gutera imbere mu minota ya mbere, ariko Liverpool igaragaza ubunararibonye bwayo bwo guhangana no guhindura ibintu mu buryo bunoze, doreko ku kibuga cyabo bahorana ubukombe bwo kudatsindwa.

Ku munota wa 83', Dominik Szoboszlai, umwe mu bakinnyi b'ingenzi ba Liverpool, ni we wahaye abafana ibyishimo bikomeye atsinda igitego cy'intsinzi, yuzuza ibyo yasabwaga gukora mu mukino.

Iki gitego cyari nk'umutima wa Anfield kuko cyateye abafana bose guhaguruka bagasakuza mu buryo bw'igitangaza, berekana ko gukina muri iki kibuga ari urugamba rutoroshye kuri buri kipe. Abafana ba Liverpool baraye mu munezero udasanzwe, bishimira ko ikipe yabo ikomeje kwerekana ubukaka n'ubudahangarwa mu rugo.

Ku rundi ruhande, Arsenal yasohotse Anfield ifite agahinda, nubwo yagerageje gukina neza no guhatana kugeza ku munota wa nyuma. Umutoza Mikel Arteta yavuze ko gutsindwa kuri iki kibuga bitagoye gusa ahubwo ari isomo rikomeye ku ikipe ye mu rugendo rwo guhatanira igikombe cya Premier League.

Liverpool yisubije icyubahiro cyayo imbere y'abafana bayo, ishimangira ko Anfield ikiri 'igishegeshero' cy'andi makipe akomeye. Kugeza ubu niyo kipe iyoboye urutonde rwa shampiyona rw'agateganyo ku manota 9.

 

Source : https://kasukumedia.com/liverpool-yihanije-arsenal-szoboszlai-ku-munota-wa-83-yari-yabisoje/