Author: webrwanda

Ni imashini ya gatanu igeze mu gihugu nyuma y'izindi ziri mu Bitaro by'Umwami Faisal, Medi Heal na Legacy Clinics yayizanye mu minsi ishize.

MRI ifite ubushobozi bwo gusuzuma indwara zo mu bwonko, umugongo, umutima, impyiko, umwijima n'izindi ndwara nyinshi, ikaba ituma serivisi zitangwa mu buryo bwihuse kandi bunoze kuko igaragaza uburwayi vuba, aho ibisubizo by'ibizamini byoroshye biboneka mu masaha atatu, mu gihe iby'ibizimini bihanitse biboneka mu masaha 24.

Ivuriro rya Frontier Diagnostics Center & Polyclinic ni iry'ikigo mpuzamahanga kizwi nka Azaytouna Network of Co.ltd, kuri ubu rizajya rikorera mu Mujyi wa Kigali i Nyarutarama haruguru gato y'ikibuga cya Golf.

Usibye MRI, iri Vuriro rifite Laboratwari iri ku rwego rwo hejuru, irimo ibikoresho byose bikenewe (fully automated laboratory), ndetse n'imashini zigezweho mu buvuzi mpuzamahanga zirimo MRI 1.5 Tesla, CT-Scan, X-Ray FDR smart Fujifilm, Ultrasound, Echocardiography n'imashini yifashishwa mu kuvura mu nda no mu mara (Endoscopy machine).

Umwihariko waryo ni uko rizaba rifite abaganga b'inzobere baturuka mu bihugu bitandukanye barimo abo mu Misiri, Igihugu kizwiho kuba giteye imbere mu buvuzi.

Muri Frontier Diagnostics Center&Polyclinic hazajya hatangirwamo serivisi z'ubuvuzi zirimo ubuvuzi bw'abana (pediatric), ubw'uruhu (dermatology), ubw'indwara z'umutima (cardiology), ubw'indwara z'amagufa (orthopedic) n'ubwa Kanseri (oncology).

Hazajya havurirwamo kandi n'indwara zo mu mubiri (internal medicine) aho bafite servisi ya endoscopy iri ku rwego rwo hejuru, kunyuzwa mu cyuma (Imaging services), ubwo kugorora ingingo (physiotherapy), kubaga byoroheje (minor surgery), serivisi za laboratwari, ubuvuzi bwihutirwa ndetse n'iz'abavurwa bakeneye aho kuruhukira by'igihe gito (short stay).

Ubwo iri vuriro ryafungurwaga ku mugaragaro kuri uyu wa Gatanu tariki ya 28 Mutarama 2022, Umuyobozi w'Ishami rishinzwe ubuvuzi rusange muri Minisiteri y'Ubuzima, Dr. Ntihabose Corneille, yavuze ko kuba iri vuriro ryazanye MRI bigiye koroshya serivisi z'ubuvuzi.

Ati 'Iri vuriro rizajya ritanga serivisi zitandukanye ariko icyo rije ryongera gikomeye ni MRI na Scaner, biraza kudufasha kuko umuganga watse ikizamini umurwayi ntabwo ari buze gutegereza iminsi runaka kugira ngo agikoreshe ahubwo araba afite amahitamo atandukanye.'

Yongeyeho ati 'Umuganga nawe uri gucyeka indwara arajya ayibona kare bifashe umurwayi gutangira imiti kare kandi ntarembe.'

Yakomeje avuga ko iri vuriro rizateza imbere ubuvuzi bushingiye ku bukerarugendo.

Ku ruhande rw'Umuyobozi wa Frontier Diagnostics Center&Polyclinic, Dr. Suzan Mamoun Homeida, yavuze ko bahisemo kuza gukorera mu Rwanda kuko ari Igihugu giteza imbere ubuvuzi bw'ikoranabuhanga.

Ati 'Iri vuriro rikoresha ikoranabuhanga rihambaye risanzwe rikoreshwa ahandi ku Isi mu bihugu byateye imbere, turizera ko rizagira umusanzu ritanga mu kuzamura ubuvuzi bwo mu Rwanda.'

Frontier Diagnostics Center&Polyclinic izajya yakira abarwayi bataha n'abarara ndetse rizajya rigendera ku biciro byashyizweho na Minisiteri y'Ubuzima.

Aho abana bazajya bavurirwa muri Frontier Diagnostics Center&Polyclinic

Frontier Diagnostics Center&Polyclinic ifite umwihariko wo gutanga serivisi z’ikoranabuhanga mu buvuzi

Frontier Diagnostics Center&Polyclinic yafunguwe ku mugaragaro

Iri vuriro riherereye i Nyarutarama

Iri vuriro ryitezweho kuzamura urwego rw’ubuvuzi mu Rwanda

MRI u Rwanda rwungutse izajya ikorera mu ivuriro rya Frontier Diagnostics Center&Polyclinic

Ubu bemerewe gutangira kwakira abarwayi

Ubwo batambagizwaga uko iri vuriro rimeze

Ubwo iri vuriro ryafungurwaga

Umuyobozi w’Ishami rishinzwe ubuvuzi rusange muri Minisiteri y’Ubuzima, Dr. Ntihabose Corneille, yavuze ko kuba iri vuriro ryazanye MRI bigiye koroshya serivisi z’ubuvuzi

Yvan Ngenzi niwe wayoboye ibirori byo gufungura iri vuriro ku mugaragaro

Umuyobozi wa Frontier Diagnostics Center&Polyclinic Dr. Suzan Mamoun Homeida yavuze ko bahisemo u Rwanda kuko ari igihugu giteza imbere ubuvuzi bw’ikoranabuhanga

Sinzabakwira Jean Baptiste n’umugore we Nzamugurinka Gaudence bishimira ko ubu basigaye babanye neza

Uwo mugabo uvuga ko yahozaga umuryango we ku nkeke, kugeza ubwo Gitifu w’Umurenge amutumyeho ngo yitabire amahugurwa ajyanye no gutoza abashakanye indangagaciro z’umuryango, akeka ko bagiye kumufunga bimutera kujya kwihisha mu murima w’ibigori amaramo iminsi itatu.

Yabitangarije mu gikorwa cyo kumurika ibyavuye mu mushinga wa Kiliziya Gatolika Diyosezi ya Ruhengeri ugamije gutoza urubyiruko n’abashakanye indangagaciro z’Umuryango, hagamijwe kubaka imiryango itekanye, igikorwa cyabereye mu Karere ka Musanze tariki 18 Mutarama 2022.

Ni inyigisho zimaze amezi asaga abiri, aho zitabiriwe n’imiryango isaga 600 n’urubyiruko cyane cyane iyarangwaga n’amakimbirane yo mu turere dutatu two mu Ntara y’Amajyaruguru ari two Burera, Gakenke na Musanze mu Mirenge itanu yo muri utwo turere, ari yo Kamubuga, Busengo, Kivuye, Rwerere na Rwaza.

Mu batanze ubuhamya harimo n’umuryango wa Sinzabakwira Jean Baptiste n’umugore we Nzamugurinka Gaudence, umuryango warangwaga n’amakimbirane aho umugabo yahoraga atoteza umugore we.

Imiryango yahuguwe yitezweho byinshi mu gufasha indi miryango ikirangwa n’amakimbirane

Sinzabakwira avuga ko ubuzima yahozemo bwari bubabaje, aho yiberaga mu buraya atunze inshoreke ngo atazi umubare, urugo rurakena kugeza ubwo umugore we amuhunze.

Ati 'Imana yankuye ahakomeye, nari umugabo mubi cyane, nahozaga umugore ku nkeke ngahora mu nshoreke mu busambanyi bukabije, twari tubayeho nabi aho umugore yirirwaga ahingira abandi ngo tubone imibereho, yataha ngafata ibyo azanye nkabijyana mu nshoreke zanjye'.

Arongera ati 'Nari nk’igisimba nari naragomeye Leta ku buryo nta mituweli natangaga, abana banjye ntabwo bigaga kubera kubahoza ku nkeke, nageraga mu rugo umugore n’abana bagakizwa n’amaguru bakarara hanze, dore ko hari ubwo umugore yatekaga kare akagaburira abana hakiri kare yirinda ko ntaha batararya bakumva ninjiye bakirukira mu rutoki. Umugore yabonye ashobora gupfa asubira iwabo amarayo umwaka.

Uwo mugabo avuga ko ubwo Gitifu w’Umurenge yamuhamagaraga amusaba kwitabira amahugurwa yateguwe na Kiliziya Diyosezi ya Ruhengeri, yabifashe nko kumubeshya aho yaketse ko bashaka kumufunga.

Ati 'Kubera ko hari ingo zari zibanye nabi, hari ubwo inzego z’umutekano zazaga zikajya kubafunga. Gitifu yantumyeho ngo njye kwiga mbifata nko kumbeshya ngo Pandagare ize intware, ntangira kujya ndara mu bigori'.

Arongera ati 'Umunsi umwe nagiye hafi y’Umurenge mbona abantu bari kujya kwiga ariko nkomeza kugira ubwoba, rimwe ngiyeyo banyakira neza baranyandika ntangira kwiga, barambwira ngo njye kuzana umugore wanjye, ndagenda aho yabaga iwabo ndamuzana dufatanya kwiga'.

Umugore we witwa Nzamugurinka Gaudence, avuga ko yahoranaga ubwoba bw’uko umugabo we azamwica aho ngo yahoraga amuhoza ku nkeke.

Yagize ati 'Buri gihe nahoraga niteze gupfa, kuko uko yatahaga yasinze yazaga akubita, hari ubwo natekeraga abana kare ngo nataha asange namaze kubagaburira ahasigaye tukajya kurara mu ishyamba, twumvaga aje tugakizwa n’amaguru, ndetse nabonye ko nshobora gupfa mpitamo kumuhunga njya iwacu'.

Ubu uwo muryango ngo ni intangarugero aho batuye

Sinzabakwira yavuze ko nyuma yo guhugurirwa gahunda yo kubaka umuryango utekanye we n’uwo bashakanye, yahinduye ingeso mbi yarimo ubu ngo akaba ari umugabo uhora ahihibakanira iterambere ry’urugo rwe.

Kugeza ubu ngo akora umwuga w’ubucuruzi, aho abifatanya no kubaka, umuryango we ngo ukaba umeze neza.

Yagize ati 'Hari benshi twabanaga mu ngeso mbi, ubu ndi kubahugura kugira ngo ingo zabo zitere imbere nk’uko urugo rwanjye rwateye imbere. Ubu iwanjye ni amahoro abana barataha bavuye ku ishuri nkababaza ibyo bize, bakambwira ibyo babatumye nkabibaha, ubu baratekanye'.

Nzamugurinka na we agira ati 'Kubera inyigisho baduhaye, mbona nta mugabo waba mwiza nk’uwanjye, ubu ingeso mbi yaraziretse burundu aragera mu rugo ati wiriwe sheri wanjye nanjye nkamwakira neza nkamugaburira, iryo faranga yakoreye akarizana tukiga ku cyo turikoza, turi mu byishimo pe'.

Uwo mushinga wo gutoza urubyiruko n’abashakanye indangagaciro z’umuryango wubakiye ku nsanganyamatsiko igira iti 'Noza imibanire mu muryango wawe'.

Padiri Achille Bawe, Perezida wa Komisiyo ya Diyosezi ya Ruhengeri ishinzwe umuryango avuga ko igihugu cyangwa Kiliziya idashobora kubaho mu gihe imiryango idatekanye.

Avuga ko mu miryango 600 bahuguye, harimo iyarangwaga n’amakimbirane ariko ubu ikaba itekanye.

Yagize ati 'Kuri Kiliziya Gatolika, haba ku isi yose, haba mu Rwanda no kuri Diyosezi ya Ruhengeri, ingo nzima ni zo zigira Kiliziya nzima, nk’uko ingo nzima ari zo zigira igihugu kizima giteye imbere. Iyo ingo zidatekanye icyo gihe bibabaza Kiliziya, akaba ari yo mpamvu Diyosezi yacu ya Ruhengeri yashyizeho Komisiyo ishinzwe umuryango igomba kwita ku ngo z’abashakanye no kwigisha abitegura gushinga ingo'.

Ubushinjacyaha buvuga ko icyo cyaha bagikoze tariki 03 Nzeri 2021 ubwo bashukaga nyakwigendera bakamutegera kunywa amacupa 12 ya Nguvu GIN, yajya gutaha bikamunanira bikaba ngombwa ko arara mu rugo rw’umwe mu bakurikiranwa, mu gitondo bagasanga yapfuye ariko bikekwa ko yishwe kuko raporo y’abaganga igaragaza ko basanze ubwonko bwangiritse ndetse afite n’igikomere mu mutwe.

Mu ibazwa ryabo, bemera icyaha ariko ntibasobanure uko bamwishe, bakemera gusa ko bamuhaye inzoga nyinshi kandi ko bamuraranye ariko ntibasobanure uko bamukubise bikamuviramo urupfu. Ubushinjacyaha Kigali Today ikesha iyi nkuru buvuga ko ibyo bavuga ari uguhunga icyaha kuko bazi neza ko gihanwa n’amategeko.

Icyo cyaha nikibahama ngo bazahanishwa igifungo kitari munsi y’imyaka cumi n’itanu (15) ariko kitarenze imyaka makumyabiri (20) n’ihazabu y’amafaranga y’u Rwanda atari munsi ya miliyoni eshanu (5.000.000 Frw) ariko atarenze miliyoni zirindwi (7.000.000 Frw), nk’uko giteganywa mu ngingo ya 121 agaka ka 6 mu itegeko no 68/2018 ryo ku wa 30/08/2018.

Nta muntu witabye Imana mu Rwanda kuri uwo munsi azize icyo cyorezo, abamaze kwitaba Imana mu Rwanda bazize Covid-19, ni 1438 nk’uko imibare yatangajwe ibigaragaza.

Kugeza ubu, abantu miliyoni 24 nibo bakurikira abakuru b'ibihugu 10 ba mbere bakurikirwa muri Afurika.

Hashingiwe ku bwinshi bw'ababakurikira, uru ni urutonde rw'abakuru b'ibihugu bakurikirwa kurusha abandi muri Afurika.

Perezida wa Misiri, Abdelfattah Elsisi

Akurikirwa na miliyoni 5.5 z'abantu ku rubuga rwe rwa Twitter. Ni Perezida wa gatandatu wa Misiri aho yatangiye gukoresha Twitter mu 2014. Ubwo aheruka gutambutsa ubutumwa kuri uru rubuga hari ku itariki ya 25 Mutarama 2022.

Ubutumwa bwe bwibanda ku bukungu, ubuzima, uburezi n'ibindi bireba igihugu cye.

Perezida wa Misiri, Abdelfattah Elsisi

Visi Perezida wa Kenya, William Ruto

Akurikirwa n'abantu miliyoni 4.4 kuri Twitter aho yatangiye gukoresha uru rubuga mu 2011, akaba ari umwe mu banyepolitiki bamaze igihe kinini bakoresha uru rubuga. Ubutumwa akunda gutambutsa kenshi bwibanda ku nshingano ze.

Visi Perezida wa Kenya, William Ruto

Perezida wa Nigeria, Muhammadu Buhari

Akurikirwa na miliyoni 4 kuri Twitter, aho yatangiye gukoresha uru rubuga mu 2014. Aheruka gutambutsa ubutumwa muri Kamena umwaka ushize, akaba atorongera kubikora nyuma y'aho Igihugu cye gifunze ikoreshwa rya Twitter kubera kutumvikana n'ubuyobozi bw'urwo rubuga nkoranyambaga.

Perezida wa Nigeria, Muhammadu Buhari

Perezida w'u Rwanda, Paul Kagame

Umukuru w'Igihugu akurikirwa n'abantu miliyoni 2.5 aho yatangiye gukoresha Twitter muri Gicurasi 2009, ni umwe mu bamaze igihe kinini bakoresha uru rubuga. Akunze gutambutsa ubutumwa butandukanye bwibanda ku nshingano ze ndetse n'uburebana n'ubuzima bwite.

Perezida w’u Rwanda, Paul Kagame

Perezida wa Uganda, Yoweri Museveni

Akurikirwa n'abagera kuri miliyoni 2.4, akaba yaratangiye gukoresha uru rubuga muri Werurwe 2010. Mu butumwa akunda gushyiraho harimo ubujyanye n'inshingano ze.

Perezida wa Uganda, Yoweri Museveni

Perezida wa Ghana, Nana Akufo-Addo

Akurikirwa n'abagera kuri miliyoni 2.1 kuri Twitter, aho yatangiye gukoresha uru rubuga muri Gashyantare 2011. Akunze gukoresha uru rubuga mu gutanga amakuru ku bijyanye na gahunda n'imishinga ya Guverinoma.

Perezida wa Ghana, Nana Akufo-Addo

Perezida wa Afurika y'Epfo, Cyril Ramaphosa

Akurikirwa na miliyoni 2.1 akaba yaratangiye gukoresha uru rubuga muri Mutarama 2015.

Perezida wa Afurika y'Epfo, Cyril Ramaphosa

Perezida wa Senegal, Macky Sall

Yatangiye gukoresha Twitter mu Ukwakira 2010, akaba akurikirwa n'abagera kuri miliyoni 1.8.

Perezida wa Senegal, Macky Sall

Minisitiri w'Intebe wa Ethiopia, Abiy Ahmed

Perezida wa Ethiopia yatangiye gukoresha Twitter muri Nzeri 2019, akaba akurikirwa n'abagera kuri miliyoni 1.1 bareba ibyo ashyiraho, byiganjemo inshingano ze. Uyu mugabo yakunze gukoresha uru rubuga ubwo yari ku rugamba ahanganye n'Ingabo za TPLF mu minsi ishize.

Minisitiri w'Intebe wa Ethiopia, Abiy Ahmed

Perezida wa Tanzania, Samia Suhulu

Perezida wa Tanzania Samia Suhulu yatangiye gukoresha Twitter muri Nyakanga 2014, akaba akurikirwa n'abarenga ibihumbi 904.

Perezida wa Tanzania, Samia Suhulu