Webrwanda Backend

Author: webrwanda

  • Emmy yifashishije umugore we mu mashusho yin… – #rwanda #RwOT

    Iyi ndirimbo yasohotse ku gicamunsi cyo kuri iki Cyumweru tariki 30 Mutarama 2022, igaragaramo amashusho y'ubukwe bwabo bombi yabereye muri Tanzania, ikagaragaramo n'igice kinini cy'ibihe bagiriye muri Tanzania nyuma y'ubukwe.

    Joyce Umuhoza agaragara ari kumwe na Emmy mu bwato babyina, bari ku nyanja, kuri moto n'ibindi bigaragaza umunezero wakurikiye ubukwe bwabo.

    Asohora iyi ndirimbo, uyu muhanzi yabwiye buri wese wizerera mu rukundo kunyurwa nayo.

    Emmy aherutse kubwira Kiss FM ko iyi ari 'indirimbo y'amateka' itazibagirana mu buzima bwe'. Ati 'Iyi rero ni indirimbo y'amateka! Indirimbo itazibagirana mu buzima bwanjye. Ni indirimbo nahimbiye umufasha wanjye, nshyiramo imbaraga mu kuyandika, bigera n'aho niyambaza abasizi kugira ngo nizere neza ko tuyanditse neza.”

    'Ni indirimbo ntashobora kuzibagirwa. Izahora ifite icyo ivuze mu buzima bwanjye. Izajya inyibutsa umunsi nafashe icyemezo cyo gusezera ubuseribateri nkavuga nti yego! Mfashe icyemezo. Rero urumva ko ni indirimbo ifite icyo ivuze.'

    Uyu muhanzi yavuze ko iyi ndirimbo yayanditse afatanyije na Rumaga, uri mu basizi bari kwigaragaza cyane muri iki gihe, aho azwi mu bisigo birimo ubuhanga bw'ubusizi n'umuziki nka ‘Umunsi Ameze Imiryango Yose’, 'Umugore si umuntu', 'Tugane iwacu' n'ibindi.

    Emmy asohoye iyi ndirimbo nyuma y'uko mu ntangiriro z'iki Cyumweru asezeranye imbere y'amategeko n'umukunzi we Joyce Umuhoza.

    Aba bombi basezeranye imbere y'Imana nyuma y'uko tariki ya 19 Ukuboza 2021, bakoze ubukwe bwabereye mu gihugu cya Tanzaniya.

    Mu isezerano rye, Umuhoza yashimiye Emmy ku bwo gukundana mu gihe kigoye, amurinda kudatenguhwa kandi ibyo yamusezeranyije arabimwereka.

    Ashimira Emmy ku bwo kumukunda urutagabanyije, akamushimira kumukundira umuryango. Ati “Imana iguhe umugisha”.

    Mu ntangiriro za 2021, nibwo Emmy yambitse umukunzi we impeta amusaba ko bazabana.

    Joyce Umuhoza agaragara mu mashusho y'indirimbo y'umugabo we Emmy Emmy avuga ko indirimbo 'Idantite' izahora ari urwibutso rw'umunsi yatereyeho intambwe yo kurushinga 


    Emmy na Joyce baherutse gusezerana imbere y’amategeko

    KANDA HANO UREBE AMASHUSHO Y'INDIRIMBO 'IDANTITE' YA EMMY

    “>

    Source : https://inyarwanda.com/inkuru/114003/emmy-yifashishije-umugore-we-mu-mashusho-yindirimbo-yamateka-yamuhimbiye-video-114003.html

  • Mutesi Jolly nawe yemeye! Ubwiza bwa Muheto b… – #rwanda #RwOT

    Ibi byabaye nyuma y'uko amafoto y'abakobwa bari guhatanira guhagararira Intara y'Uburengerazuba banyura imbere y'Akanama Nkemurampaka, yashyirwaga hanze.

    Benshi batangajwe n'ubwiza budasanzwe bw'uyu mukobwa, ndetse ntibatinya no kumuha ikamba nyamara irushanwa aribwo rigitangira.

    Ukoresha izina 'Presiyo OG' ku rubuga rwa twitter, nyuma yo kubona amafoto ye, mu kugaragaza ko yashimye ubwiza bwe yahise avuga ati: 'Uyu anciye inyuma ninjye wamusaba imbabazi kabisa'.

    Nyuma yo kuvuga ibi, mugenzi we ukoresha izina rya 'Sindaza' yahise amusubiza amuseka cyane ati: 'Ayo mahirwe wayakura he?'

    Uwitwa 'Damour barista Rw' we yahise yemeza ko Muheto afite ubwiza bufite intego.

     Uwiyise 'Harris Kamala' we yahise avuga ati: 'Uyu mukobwa ni mwiza pe! Arabe afite ubwenge!'

    Hari uwahise abishyiramo urwenya avuga ko Imana yamuremye yamaze kuruhuka. Ati: 'Imana yamuremye mugitondo kuwa mbere, muve mu macupa ya Gaz'

    Uwitwa 'Peckinho Patrick' yahise amusubiza ati: 'Umuntu yakwisiga n'amarange. 'Dusabinema Gustave' nawe yongeraho ati: 'Muheto ko mbona ari isi!' 

    Aba ni bamwe mu bamurase ubwiza kuko abavuze ku bwiza bwe ni benshi cyane.

    Mutesi Jolly nawe yemeye

    Muheto akimara kugera imbere y'Akanama Nkemurampaka, Mutesi Jolly yahise avuga ati: 'Muheto uri mwiza pe'. 

    Uyu mukobwa Nshuti Divine Muheto ukomeje kuvugisha benshi kubera ubwiza bwe, afite umushinga yise 'Igiceri program' mu rwego rwo kwizigama cyane cyane ku rubyiruko n'abagore muri rusange.

    Yasobanuriye Akanama Nkemurampaka ko azakora ubukangurambaga hose ndetse no mu mashuri, abana bato bagatangira kwigishwa kwizigamira bakiri bato.

     Nyuma yo kuvuga umushinga we, Akanama Nkemurampaka kamuhaye 'Yes' eshatu, bamusaba kureka ubwoba ndetse banamubwira kunonosora no kwiga neza umushinga we.

    Nyuma y'uko abakobwa bose banyuze imbere y'Akanama Nkemurampaka, hakurikiyeho gutangaza abakobwa babashije gutorerwa guhagararira Intara y'Uburengerazuba, Nshuti Divine Muheto nawe aba umwe mu bakobwa bahawe amahirwe yo gukomeza.


     

    Source : https://inyarwanda.com/inkuru/114000/mutesi-jolly-nawe-yemeye-ubwiza-bwa-muheto-bwatigishije-imbuga-nkoranyambaga-114000.html

  • MISS RWANDA 2022: Abakobwa 9 bakomeje mu Ntar… – #rwanda #RwOT

    Abakobwa bagiye guhararira iyi Ntara y'Uburengerazuba muri 34 babashije kugera ahabereye amajonjora, nyuma y'uko muri 54 bari bateganijwe abagera kuri 20 batabashije kwitabira.

    Ababashije kugira amahirwe akaba ari:

    -Nimero (33) Sandrine Umubyeyi

    -Nimero (4) Isaro Nadia

    -Nimero(15) Stella Matutina Murekatete

    -Nimero(17)  Marie Mercie Kazeneza

    -Nimero (32) Amelia Umwiza 

    -Nimero(21) Jessica Muringa

    -Nimero (02) Maolithia Keza

    -Nimero (03) Peggy Uwajeneza

    -Nimero(06) Divine Muheto Nshuti

    Source : https://inyarwanda.com/inkuru/113998/miss-rwanda-abakobwa-bakomeje-mu-ntara-yuburengerazuba-amafoto-113998.html

  • Tony Hernandez watoje Mukura yagarutse mu rug… – #rwanda #RwOT

    Kuri iki cyumweru, nibwo Mukura Victory Sports yatangaje ko Tony Hernandez wigeze kubana n’iyi kipe yongeye kuragizwa inshingano zo kuba umutoza mukuru mu gihe cy’imyaka ibiri iri imbere.

    Tony Hernandez yizaniye umutoza we wungirije

    Mu Ukwakira 2019, nibwo Tony Hernandez yagizwe umutoza mukuru wa Mukura asimbuye Ovambe wari wamuzanye nk’umwungiriza. Icyo gihe ntabwo shampiyona yabashije kurangira kubera Covid-19, gusa imikino 23 yari imaze gukina Mukura yari ku mwanya wa 4 inyuma ya APR FC, Rayon Sports na Police FC.

    Tony Hernandez yatoje Mukura mu gihe itahembaga

    Muri Nzeri 2020, nibwo Tony yandikiye Mukura ayibwira ko batazakomezanya kubera impamvu ze bwite. Nyuma y’igihe gito atandukanye na Mukura, Tony yerekeje muri Honduras mu ikipe ya Real de Minas none birangiye agarutse mu Karere ka Huye.

    Umwanya mwiza Mukura Victory Sports iheruka kugira muri shampiyona, yatozwaga na Tony Hernandez ukomoka muri Espagne.

    Mukura iherutse gutandukana na Ruremesha Emmanuel wari wahawe akazi nk’umutoza w’umunyarwanda ugomba kugarurira indangagaciro iyi kipe.

    Source : https://inyarwanda.com/inkuru/114001/tony-hernandez-watoje-mukura-yagarutse-murugo-114001.html

  • Rutahizamu Mason Greenwood yatawe muri yombi #rwanda #RwOT

    Umukinnyi w'umupira w'amaguru wa Manchester United, Mason Greenwood, yatawe muri yombi akekwaho gufata ku ngufu no gukubita umukobwa bari inshuti, nyuma y'ibirego byo ku mbuga nkoranyambaga.

    Police ya Greater Manchester yemeje ko yafashe umugabo w'imyaka 20 ukekwaho icyaha cyo gukora ihohoterwa rishingiye ku gitsina.

    Yavuze ko yamenyeshejwe “amashusho yashyizwe ku mbuga nkoranyambaga n'umugore atangaza amakuru y'ihohoterwa rishingiye ku mubiri” yakorewe n'uyu mukinnyi

    Yongeyeho “dushobora kwemeza ko umugabo uri mu kigero cy'imyaka 20 yatawe muri yombi akekwaho gufata ku ngufu no gukubita”.

    Arakomeza gufungwa kugira ngo abazwe kandi iperereza rirakomeje.

    Manchester United yavuze ko uyu mukinnyi atazasubira mu myitozo cyangwa ku mikino kugeza igihe kitazwi

    Iyi kipe yavuze ko “idashyigikiye ihohoterwa iryo ari ryo ryose” kandi ko yamenyeye ibi birego ku mbuga nkoranyambaga ariko ko nta kindi izatangaza kugeza igihe “ibimenyetso bizamenyekanira”.

    Mason Greenwood ntabwo yasubije ku mbuga nkoranyambaga.

    Uyu mukinnyi w'umupira w'amaguru wimyaka 20, watangiye gukinira iyi kipe muri Werurwe 2019, yasinye amasezerano y'imyaka ine muri Gashyantare 2021 nyuma yo kuzamurwa mu ikipe ya mbere avuye mu ishuri rya United yagezemo afite imyaka 6

    Source : https://umuryango.rw/imyidagaduro/imikino/article/rutahizamu-mason-greenwood-yatawe-muri-yombi

  • Umunyabigwi Rafael Nadal yanditse amateka mashya muri Tennis #rwanda #RwOT

    Kizigenza mu mukino wa Tennis,Rafael Nadal yavuye inyuma akimara gutsindwa amaseti 2-0 atsinda umukino w'amateka yahuragamo na Daniil Medvedev mu irushanwa rikomeye muri Tennis rya Australian Open ryasojwe kuri iki cyumweru.

    Kuri iki cyumweru, Rafael Nadal yongeye kwandikaamateka nyuma yo gutsinda Daniil Medvedev ku mukino wa nyuma wa Australian Open 2022, aba umuntu wa mbere wegukanye ibikombe 21 by'amarushanwa akomeye akinwa muri Tennis azwi nka Grand Slams.

    Uyu munya Espagne yatsinze umukino nyuma yo gutsindwa amaseti abiri ku busa ku nshuro ya mbere muri Grand Slam mu myaka 15 ishize, kugira ngo agere ku gahigo kadasanzwe mu mwuga we, bituma arenga kuri Roger Federer na Novak Djokovic mu kugira ibi bikombe bikomeye muri Tennis dore ko bose uko ari 3 banganyaga 20.

    Intsinzi ye idasanzwe yayigezeho nyuma yo gutsinda amaseti 3-2 [2-6 6-7 (5-7) 6-4 6-3 7-5] mu mukino wamaze amasaha atanu n'iminota 24. Iki ni igikombe cye yari cya kabiri muri Melbourne Park kuko yaherukaga muri 2009.

    Nadal yabaye umukinnyi wa kabiri nyuma ya Djokovic wegukanye buri gikombe cya Grand Slam byibuze inshuro 2 kuva iyi siporo yahinduka umwuga muri 1968.

    Uyu mugabo w'imyaka 35 yari afite ubwoba ko ashobora gusezera kuri uyu mukino mu mezi abiri ashize, kubera ikibazo cy'imvune ikomeye y'ikirenge yagize ndetse akagera muri Australia akererewe kubera kurwara Covid-19.

    Ku nshuro yakoze agashya ko kuva inyuma yatsinzwe amaseti 2-0 agatsinda umukino muri Grand slam, nyuma yo kubikora atsinze Mikhail Youzhny muri ​​Wimbledon muri 2007 kandi niwe wa mbere wabikoze ku mukino wa nyuma wa Australian Open nyuma ya Roy Emerson wabikoze mu mwaka wa 1965.

    Nyuma yo guhabwa igikombe, Nadal yarebye uwo bari bahanganye, agira ati: “Nzi ko ari igihe kitoroshye. Daniil, uri umutsinzi utangaje.

    “Nageze muri uyu mwanya inshuro ebyiri muri iri rushanwa. Sinshidikanya ko uzatwara iki gikombe inshuro nyinshi mu mwuga wawe. Uyu n'umwe mu mikino yanteye amarangamutima menshi kurusha iyindi mu mwuga wanjye wa Tennis no guhangana nawe mu kibuga ni icyubahiro gusa.

    “Sinzi icyo navuga. Kuri njye, biratangaje gusa. Mvugishije ukuri, ukwezi kumwe n'igice ntabwo nari nzi niba nzashobora gusubira mu kibuga none ndi hano gusangira igikombe namwe.Ntabwo muzi uko narwaniye kugera hano. Murakoze cyane ku bw'inkunga yose.

    “Nta gushidikanya, iki ni kimwe mu bihe by'amarangamutima mu mwuga wanjye wwo gukina Tennis. Inkunga nahawe mu byumweru bitatu bishize, igiye kuguma mu mutima wanjye ubuzima bwanjye bwose.

    “Mu byukuri sinshobora gusobanura ibyiyumvo mfite muri iki gihe ariko ngiye gukomeza gukora uko nshoboye kose nzagaruke hano umwaka utaha.”

    Nadal wakinaga umukino wa nyuma wa Grand Slam ku nshuro ya 29, yashyizwemo igitutu gikomeye na Medvedev ukoresha ingufu cyane ndetse ufite ubuhanga muri service,we yari ageze ku mukino wa nyuma wa Grand slam ku nshuro ya 4 ndetse yatwaye imwe gusa.

    Muri izi nshuro enye, Uyu murusiya yahuye na Djokovic cyangwa Nadal wanaherukaga gutsinda uyu musore w'imyaka 25 ku mukino wa nyuma wa US Open muri 2019.

    Source : https://umuryango.rw/imyidagaduro/imikino/article/umunyabigwi-rafael-nadal-yanditse-amateka-mashya-muri-tennis

  • Nyagatare: Umunyeshuri yishe mugenzi we amuteye ikirahure mu mutima #rwanda #RwOT

    Ibi byabaye ku wa Gatanu, tariki ya 28 Mutarama 2022 ku Rwunge rw'amashuri rwa Kijojo ruherereye mu Mudugudu wa Kijojo mu Kagari ka Kijojo mu Murenge wa Musheri.

    Amakuru avuga ko aba banyeshuri bapfuye inkweto zo gukinana birangira barwanye umwe akubita ikirahure mugenzi we mu mutima, ahita amwica.

    Umunyamabanga Nshingwabikorwa w'Umurenge wa Musheri, Kamu Frank, yabwiye IGIHE dukesha iyi nkuru ko uwo munyeshuri yateye mugenzi we ikirahure nyuma y'ubushyamirane bagiranye bapfa inkweto zo gukinana birangira barwanye.

    Yagize ati 'Abana bendaga gukina, kwa kundi rero baba bangana bakagira ibyo batumvikanaho neza bagiranye ubushyamirane. Amakuru bambwiye rero ni uko bahise barwana, umwe akubita undi ku kirahure kirameneka, undi aragitoragura akimukubita mu gatuza, urebye ukuntu yakimukubise harimo ubugome rwose kuko yakimuhamije ku mutima ahita apfa.'

    Yavuze ko uwapfuye yigaga mu mwaka wa gatandatu w'amashuri abanza akaba yari afite imyaka 16 ngo yari ari mu bana bigaga bakuze.

    Kamu Frank yavuze ko uwo musore we yigaga mu mwaka wa mbere w'amashuri yisumbuye bose bakaba bigaga ku kigo kimwe.

    Nyuma y'aho uyu mwana ateye mugenzi we icyuma, akabona ko ibyo yakoze bishobora kuvamo urupfu ngo yahise yiruka bikavugwa ko ashobora kuba yaratorokeye muri Uganda.

    Kamu yakomeje ati 'Akimara kubona ibyo akoze yahise yiruka abana bahamagara abarezi baraza bamwirukaho ariko babura aho arengeye, abana babirebaga bavuga ko yirutse agana ku cyambu cyambuka Uganda kuri ubu turakeka ko yagiye hakurya, gusa inzego z'umutekano n'ubuyobozi twese dukomeje kumushakisha.”

    Yasabye abaturage gukomeza guhanahana amakuru n'ubuyobozi ndetse uwabona uwo ukekwaho kwica mugenzi we, akayatanga kugira ngo ashyikirizwe ubutabera ahanirwe amahano yakoze.

    Abaturage bashishikarijwe kwirinda kwihanira no kwihorera ngo kuko byakurura andi makimbirane atazashira.

    Ku wa Gatandatu, tariki ya 29 Mutarama 2022, ni bwo umwana wishwe atewe ikirahure mu mutima yashyinguwe mu Irimbi rya Nyagatare.

    Ubuyobozi bw'Akarere ka Nyagatare bwavuze ko bukomeje gushakisha uwo musore wamwishe kugira ngo abihanirwe.

    Source : https://umuryango.rw/amakuru/mu-mahanga/umutekano/article/nyagatare-umunyeshuri-yishe-mugenzi-we-amuteye-ikirahure-mu-mutima

  • Uganda: Dr. Kaberuka yahagarariye Perezida Kagame mu gushyingura Dr. Mutebile #Rwanda #RwOT via @kigalitoday #rwanda #RwOT

    Dr. Emmanuel Tumusiime Mutebile yitabye Imana tariki 23 Mutarama 2022 azize uburwayi. Ni umwe muri ba Guverineri ba Banki nkuru z’ibihugu muri Afurika bari bamaze igihe kuri uwo mwanya kuko yawugiyeho mu 2000.

    Dr. Kaberuka, wari uherekejwe na Ambasaderi w’u Rwanda muri Uganda, Col. Joseph Rutabana, yatanze ubutumwa bw’akababaro mu izina rya Perezida Kagame, nk’ikimenyetso cy’uko umubano w’ibihugu byombi uri kugana aheza.

    Dr Kaberuka usanzwe ari umuhanga mu by’ubukungu, yari n’inshuti magara ya Dr. Mutebile, akaba yitabiriye uyu muhango anyuze ku mupaka wa Gatuna wafunguwe guhera kuri uyu wa mbere tariki 31 Mutarama 2022.

    Donald Kaberuka

    Donald Kaberuka

    Mu ijambo rye, Dr. Kaberuka yagize ati: “Mbazaniye indamutso ya Perezida Paul Kagame n’abaturage b’u Rwanda, muri uyu mwanya wo kubaha no guherekeza Emmanuel. Ntabwo byashobokaga ukundi, abaturage b’u Rwanda, abaturage ba Kabale, abaturage ba Kigezi na Uganda muri rusange, umuco dusangiye uhujwe n’amaraso.'

    Dr. Kaberuka yabwiye abaturage ba Uganda ko Perezida Kagame yifatanyije na bo mu guherekeza Dr. Mutebile, yongeraho ko ibihugu byombi byizeye gukora ibishoboka byose kugira ngo umubano wongere kuba mwiza.

    Ati: “Kuba ndi hano mu izina rya Perezida wanjye, ni ikimenyetso cy’ibyifuzo by’abaturage b’ibihugu byacu byombi bashaka kubana neza mu mahoro, bishimira hamwe.”

    Dr. Kaberuka yakomeje agira ati: “Turabizi ko mu bihe byashize habaye ibibazo ariko nanone tuzi ko imbaraga zikomeye z’abayobozi bacu ziri gushyirwamo, mu gukemura ibyo bibazo kuko ni ibibazo bishobora gukemurwa.”

    Dr Kaberuka kandi yavuze ko urupfu rwa Dr. Mutebile ruteje igihombo ku mugabane wa Afurika kuko utakaje umugabo w’umuhanga mu by’ubukungu.

    Dr Kaberuka wahagarariye Perezida wa Repubulika Paul Kagame muri uyu muhango, asanzwe ari no mu Kanama gashinzwe kugira Inama Umukuru w’Igihugu cy’u Rwanda (PAC).

    Source : https://www.kigalitoday.com/amakuru/mu-mahanga/article/uganda-dr-kaberuka-yahagarariye-perezida-kagame-mu-gushyingura-dr-mutebile

  • 'Muheto uri mwiza pe!' – Ibyo Miss Jolly yabwiye umukobwa witabiriye #MissRwanda2022 ukomeje kuvugisha benshi kubera ubwiza bwe – YEGOB #rwanda #RwOT

    Source : https://yegob.rw/muheto-uri-mwiza-pe-ibyo-miss-jolly-yabwiye-umukobwa-witabiriye-missrwanda2022-ukomeje-kuvugisha-benshi-kubera-ubwiza-bwe/

  • Musanze: umugabo n'umugore b'abazungu baparitse imodoka babyinira mu muhanda indirimbo nyarwanda abantu barumirwa (Video) – YEGOB #rwanda #RwOT

    Source : https://yegob.rw/musanze-umugabo-numugore-babazungu-baparitse-imodoka-babyinira-mu-muhanda-indirimbo-nyarwanda-abantu-barumirwa-video/